Ka Nupepa Kuokoa, Volume IX, Number 41, 8 ʻOkakopa 1870 — Page 2

Ka Nupepa Kuokoa

KE KILOHANA POOKELA NO KA LAHUI HAWAII..

 

 

ka huina aouli ma ko'u hema; a ma kahi a ka maka e pau mai ai ke ike ma ka nana ana aku i Meza, mena puali koa e peikau ana, e okuku ae ana ma keia alanui na kauhale a me na wahi oioi o na halepule -- o lakou apau, he haneri na iwilei ke keawale, aka, he okoa ia mau kauhale ma na inoa, a penei no nae; o Masala-Tua (Mars-La-Tour) Falavigine, (Flavigny) Rezonaville a me Garavelotte, kahi i maheleia o Garavelotte Nui a me Garavelotte Liilii. Ma ko'u akau, he mau puu i uhiia e ka ululaau nee papa o ka ulu ana mahope aku, a malila no hoi kahi e waiho ana kekahi kauhale nani a'u i haalele aku ai, oia o Goaze.  O keia wahi iho la ke kulana o na kahua kaua; a ke olelo mai nei kekahi, o ke kaua keia o Garavelotte, no ke mea, ua kokoke mai no ia i kahi kaona maikai o Garavelotte.  O ka nui o ka ili o ka aina ma kahi a'u i hoikeike ae nei, he eha paha mile kuea.

     Ua hiki mai au i ka wa hahana o ke kaua, oia ke awakea o ka la 18.  O kahi hoomoanaa ka Moi o Perusia, aia no ia ma kahi a'u i hahai ae nei maluna. I kela wa, e hookaika loa nala na koa Farani e paa a hiki i ka hopena, i kela wahi o ke alanui e hele ai i Vaduna, oia hoi mawaena o Rezonaville a me Garavelotte.  O ka hakaka ana, he weliweli loa, aka, aohe nae he paa, no ka mea, o kela alua a me keia alua koa Farani, he papalua ke hoopaa ae; a no ia mea, ua hoomaka koke ko lakou laina e hohe.  Ia manawa koke no nae, ike maopopi ia aku la ka welau akau o na koa Farani, e hoihoi ia ae ana i kekahi wahi hou.  Ua hikiwawe loa keia laweia ana ae, malalo iho o ka malu uhiuhi o na pukuniahi o lakou, e ki pinepine mai ana mai na kiekiena mai ma o aku ke kauhale.

     Ua maikai no keia lawe anu aku i na koa, a o ke kulana i manaoia aku ai, ua hiki iio aku ia i ka hora 1 a me 30 minute.  I ka hoomaka mua ia ana no o keia nee ana, auhee koke aku la no na Farani, oiai ua hahana loa mai la ka luku ana a na pukuniahi a na Perusia; a no ko na Farani emi ana aku, wikiwiki loa mai la hoi na Perusia e hiki i ke kahua kaua, no laila, nohe i liuliu iho ke ku kaua ana ma Resonzaville, hooneenee hou ia aku la, a onou maoliia aku la iloko o Garavalotte, oia ka huina o na alanui elua e hele ai i Vaduna.  O mua iho o keia kahua palahalaha, au hele a paa i na koa kuikawa o Perusia, a ke hele ia no nae na laina koa i wae ia ae a nalo aku la iloko o na kauhale a puka aku la ma kela aoao me ka pu-a o ka ula.  O keia kahua kaua alua, ua hapa mai ia i ke kahua mua, a onou ia mai la ke enemi i kahi weliweli loa.

     Ku mai la na koa Farani ma ko lakou aono, a ku aku la i na poka hina, pela no hoi na Perusia aku.  O laua e elua, e make ana laua he mau haneri, a ke kokoke nei au e hoopuka ae.  He mau tausani aku la no paha.  He hookahi a elua hora paha keia pepehi kanaka ana, hoea mai la ka poe kuikawa o Persia ma ka aono akau, a piha-u mai ia o Boisa des Ognons; a ma keia wahi paha a lakou e hele ana i ke kahua, i loaa ai ia lakou ka nanaina maikai o keia puali imi aina iloko o ka puuwai o Farani.  Aole i moku iki ka laina i keia hele ana iloko o ka ululaau iloko o na hora eha.  Me he la, ua ala mai ka poe i make a me ka poe i eha, a ua ola hou, a au hoi hou mai a komo iloko o ka puali kaua a hele imua.

     O ka lele ana aku a na Perusia mawaena, ua palea ia mai e na Farani. A i ka hora 5 paha, hooohuihui hou ae la kekahi poe koa hele wawae hou in lakou maloko o ka ululaau, a puka mai la iloko o kela aluka.  O kela a me keia e puka mai ana mailoko mai o na laau, he hole wale no imua.

     Aole nae i maopopo loa ia'u, mahope o ka hoao ana a keia poe a lilo i ea ole, ua hoala hou ae no paha kekahi poe hou iloko o ka ululaau.  Aka, iloko o ka hapalua hora mahope iho, ua hoomaka kekahi puali koa nui e pii iluna o kai puu, a'o e ku ana , hele aku la imua i ke kahua kaua, kahi a ka luiku i noke ai o ka manawa loihi.  Ke manao nei au, ua hoouoaia ko Gen. Goebena mau koa ma kahi uuku ai o ka luku.

     O ke kaua ma keia wahi o ka aoao hema o na Perusia, ua powehiwehi loa, a me he mea la e nalowale aku ana, no ka paa loa i ka uwahi.  O na laina koa o na Farani, e ku ana ma na puu, ke paa mai la no ko lakou kulana, me ka mokumoku ole, a me he mea la ma ka oana aku, oia kahi maikai loa o ke kaua ia lakou.

     No ka hiki pinepine loa mai o na koa kokua hou o ka poe Perusia i kela a me keia wa ma na aoao a pau o na koa Perusia e hakaka ana , au ikaika loa mai la ka hakaka, mai keia wahi aku, me he mea la, ua ike e mai la na Farani i kahi a na Perusia e nee aku ai ma ka akau.

     Hoohele aku la o Generala Steinemeza i kona puali a hiki i ka wa a na Farani i makau ai, ma ka nanan ana aku, me ke kaua pu ia mai no ma ka welau akau. Aole i ae aku ma o ka hora 9 ua kuu akea ia ke kahua ma ka akau. Aole i ae aku ma o ka hora 9 ua kuu akea ia ke kahua ma ka akau, a o na kani hope o na pu, au loheia ma ia wahi ma ia ahiahi.

     Mahope iki iho o ka hora 4, ike ia aku la kekahi mea kopanaha.  Mai kahi mai i manaoia aku ai e noho ana o Generala Steinemeza, puka mai la kekahi puali kaua lio hui a holo nui aku la.  Holo aku la lakou a hookaulua iki ma kahi o ke alanui Confalana (Confans) e hoi ai ke hele aku i Meza.  Ia wa, noke noi aku la lakou i  ka holo imua o Meza.  O keia alanui mawaena o Garavelotte a me Sana Hubata, ua oik ia ma ka puu aku, a ma ka aoao pakahi o laua, e ku ana ka pali-aa kuhoho mai ke 40 a hiki i ke 50 kapuai ke kiekie, koe wale aku no ka oioi, kahi a ke apoopoo kuhoho mahope aku o ke kauhale.  I ka wa i ike ia aku ai o kahi puu oioia a ke alanui e moe aku aoa ma ke kiekiena, ua lilo i na Farani, aole no paha he mea kupanaha ka hai ana aku, o ka hapalua o ia mahele koa ka i ola aku, a o kekahi hapa, ua hina aku a make.  Aole no e hiki ia'u, heaha la ka ka poe koa ola i hoopapau loa ai, a aole no hoi au i ike i ka inoa a me ka heluna o ia mahele, ka meea i ikeai aku ua halawai me ka make, malalo ponoi iho o na maka o ka Moi o Perusia.

     He pono no hoi ia'u ke hooomaopopo ae i kekahi mau mea e ae. O ka puali koa nui o ke Keiki Alii DFerederika Kale, ua hoakaka oia me ka ikaika, a ua make me ke akaka loa, he make nui. Mai keia puali aku, au hoounaia aku he puali mahope o ka puali e kaua me waena o ka puali Farani, me ka make nui,  Ma keia wa, no keia mau komo, me he mea la, e ano mokumokuahua ana ka manao, a ikeia aku la ma ke kahua i paa mua i na koa hapa o Ferederika Kale, he puali kaua nui.  Ua nee ae lakou imua o na maka o ka Moi, aka, aole nae i manao mai ka Moi ia lakou, a poina pu no hoi me kona mau ukali, i ko lakou (ko kela puali) nee ana ae.  Aole hoi o na Farani nee mai imua, aka , hoopaakiki no lakou i ka paa i ke kahua o lakou i kipakuia aku ai i ke kakahiaka.  Aohe no hoi he manawa i haawiia no lakou e apuepue hou mai ai e lilo aku ka laina puu ma ke komohana loa, kahi no lakou ponoi i ke kakahiaka.  Aohe no hoi he manawa i haawaiia aku, e imi hou mai me ka hakahaka i ke alanui e hele ai a hookui ma Garavelotte.  Mai ka hora 7 a i ka 8, ua kaa loa aku ke kaumaha o ke kaua ma ka akau o ke alanui.

     Manao iho la na koa Perusia e hookaulua i ke kaua, no ka mea, ua poeleele loa, aka, no ko lakou manao, o maha auanei na koa Farani, a kue pu hoi i ka papa kuhikihi a ka Alihikikaua nui o Perusia i kahakaha e ai, nolaila, mawaena o ka hora 8 a me 9, ua hoouka ia ke kaua hookina o ka lanakila ka palena. I ka pau ana ae o ke kaua, ike koke aku la makou, au lilo i na Perusia na kiekiena o Boisa de Vaux, kahi e kuhikuhi aku ai i ka aina, i ka palena o na kualono i hoonohoia i na pu mai Meza mai.  Ike pu iho la no hoi makou, o na puali Perusia nui elua, e holokea ana ma ke alanui hookahi a Bazaine e hiki ai ke hoi i Parisa a ke imi e hoopakele iaiai iho.  Ike pu iho la no hoi makou, ua oi ae keia lanakila i ko ka lanikila o ka la Sabati, a ua oi ne hoi ka weliweli i ko ke kaua o ka Poalua.

     Ia'u i hoi ai i kahi kauhale o Gaze e hoohala ai i ko'u po, huli ae la au ma ko'u puu oioina hope e hoohiki aku ai, a nana ae la i ke kahua kaua.  Ua maikai ka la e like me ka ke Akua i haawi mai ai, a e imoimo mai anan na maka o na hoku i lalo, maluna o na hana a ke kaumaha a me ka make, ka mea a kekahi kanaka e makemake ole ai e ike hou a aku.

 

Ua ike iho nei au i ka nani o Aipo

 

E ka Nupepa Kuokoa e; Aloha oe: --

     Ua loaa mai ia'u ka mea e launa ai kaua ma ke kamailio ana, no ke Giana Pauda, (mea hoopahu e make ai na i'a).  Ua waiho mai o Mikasobe, o Kamoiliili, no keia mea e make ai na i-a, ma ka papakonane o kou la hookahakaha, Sepatemaba 10, 1870, huina Helu 45S.  Ua hooaiai ae oe ma ke akea, i ike mai ai ka poe puni lawaia i na mea a pau i hanaia.

     A ma ke Au Okoa hoi, e Sept. 22.  Helu 23, Aoao2, Kolamu 3, malalo, i kakauia, "Lawaia Giana Pauda."  Ua hoikeia malaila, ka hele ana o kekahi mau kanaka elua me keia mea hoopahu, a ua nui na i-a i make.  Aole nae auj i hilinai, he ano kanalua no, no ka mea, o ko'u manao, o ka ikemaka e like me Toma.

     A ma ka la 27 nae o Sept. nei, hora 2 paha ia o ka aunina la, oiai au e hoi ana mai ka'u kula aku, halawai aku la au me F. W. Kaawaloa.  Ia maua e hoi pu ana me ke alanui hookahi, pane mai la kela ia'u, "E hele ana maua i ka lawaia me Sam. G., me ka mea hoomake i-a." A no kuu manao e e ike i ka oiaio o ia mea, ua hoohui aku au ia'u ma ia huakai hookahi.  Ia makou nae e akoakoa ana ma kaha-one, kena ae la o Sam. G. ia Kaawaloa, e hele e nana ikahi e noho ai na i-a.  I kana hele ana, aia na i=a he nui. Ia manawa, ike maopopo aku la au i ka hana ana o ke giana pauda, ke kino o ka make e hanaia mai ana. Ekolu inihi ka loihi o ka poke pauda, hookahi kapuai i ka loihi o ka uwiki.  Hookomoia mai la kekahi welau o ka uwiki iloko o ka pauda; a o ka welau e k@ni iho ai i ke ahi, ua kihaehaeia ae la.

     A makaukau na elele a ka make, hoopaa ia ae la kekahi pohaku i mea e hikiwawe ai ka iho ana iho ilalo.  O ka loihi mai ka aeone a kahi e noho ana na i-a, he kauluhao a oi aku a emi mai paha.  O ka hohonu o ka lua, he elua paha anana a oi aku, a emi mai paha. I ke kiola ia ana aku o au giana pauda nei iloko o ke kai, me kahi i @keia ai ka nui o na i-a; he mau sekona paha he 20 a keu, pah@ mai ana.  I ko makou ike ana aku i ka ili o ke kai, ma kahi i pahu ai, me he mapuna wai ikaika la; a emoole o hoi ka emi ana iho.  Ia manawa makou i ike aku ai ke poe o na i-a, a oili-ili ae ana i ka ilikai, a nolo aku la.  I amanawa no hoi makou i n@holo aku ai a lele iloko o ke kai, a hopuhopu kela a me keia i elua nenue i ka manawa hookahi. I ka hoiliili ana ae i na ia ma kahi hookahi, he iwakalua nenue a keu, a kokoke no e kanakolu; a o na i-a e ae, aohe no i manaoia.  Ua ola ka makapehu i-a o ia ahiahi. Me ka mahalo,

G. H. E. Keauiaole 

Meau, Waianae, Oct. 1, 1870

 

Ka Nupepa Kuokoa

Honolulu, Okatoba 8, 18790

 

Ka mokuahi "Kilauea."

 

     O keia mokuahi holoholo pili aina, ua kapiliia oia ma Nu Ladana, mokuaioa o Konetikuka, Amerika Huipuia, i ka makahiki 1860.  Nolaila, mai kela wa mai a hiki i keia wa, he umi na makahiki ona ke kahiko@ O kona kumukuai i ka wa i laweia ma@@i i Hawaii nei, he $60,000.00 a na ka @@i o C. A. Williams ma i kuai.  I ka wa i @ noholo iho nei mamua, ua loaa iaia @ahi mau poino, a ua kuai aku ka hui mua @ kekahi poe hui e ae, a na lakou i lawe@we, a hiki wale i ka wa i kukulu loihiia iho nei.

     Ua lawe ae nei ke aupuni i ka lilo @ na mea a pau e pono ai ke hooholoia a nana e hooholo ma kei hope aku. Ma Ka Ahaolelo o ka M. H. 1S6S, ua haaawiia he $36,700 "no ka hooholo mokuahi pili aina," aka, ua pau ia mau makahiki elua me ka holo ole o ka mokuahi, a ua pau pu hoi ia mau dala nui he $36,700 i ka moniia.

     Ua haawi hou ka Ahaolelo o ka M.H. 1S70 nei, o ka "Mokiu Mahu Holo pili aina, he $25,000."  Ua haawi hou no keia Ahaolelo M.H. 1S70, "mea e kokua ai i ka hooholo mokumahu ma Kauai, e hooliloia aku e like me ka manao ana o ka Aha Kuhina, he $12,000."  O na haawina o keia mau makahiki elua nona ka huina, he $37,000 e pau ana no paha lakou i ka hooliloia no ke Kilauea.

     Ano, ua lohe mai nei makou, aole e emi ana na lilo o ke aupuni no keia mokuahi malalo o ke $50,000.00, a aole no hoi e oi aku paha mamua o ke $55,000.00 mamua o kona hooholo hou ia ana, nolaila, he mea maopopo, e loaa ana ia kakou he mokuahi holo a paa, me keia mau dala nui.  Ina, ua paa keia hana ana o ka mokuahi he 10 makahiki ke kahiko, alaila, ua makepono ke dala o ke aupuni.

 

Ka Mahiai Kilika.

 

     I ko makou kamailio ana me kekahi haole Geremania naauao, i holo mai nei i keia Pae Aina me ka manao e hooulu i ka hana kilika a me na hua, au olioli loa makou i ka lohe ana i kona mau manao.  A no ia mea, ua noi aku makou i kona lokomaikai e kakau mai i mau manao no ke Kuokoa me keia mau mea he hoohoihoi ana i ka mahi kilika.  Ua ae mai kela, a ua kakau pu mai nei ma kana olelo ponoi malalo iho, me ka manao e hoohoihoi i na kanaka a me poe e ae.  He pono no paha e hoomanaoia, he 30 makahiki i hala aenei, au hoomaka o Kale Titcomb i keia hana, a no kekahi mau kumu i ae aku mamua o ka mea hiki iaia ke ike, ua holo ole kana hana, a ua haalele loa ia.  Ua nui na haole naauao i makaikai mai i ko kakou nei mau mokupuni, a ua hoopuka pinepine lakou no ke kupono ma ka mahi kilika ana, aka, no ka ike ole ia o kekahi mea e hooia mai ana, ke noi aku nei makou, e hoolohe ae kakou i na wehewehe malalo iho, mai a Mr. Junker mai:

     I ka pane ana aku i kau noi, ke hoouna aku nei ao he mau manao no na mea e pili ana i ka mahi kilika.  Ma ka aina maikai, e loaa mai no auanei i ka mea hooulu kilika i maopopo i ke kanu ana, ka hopena olioli.  He hiki i ka wahine a me ke keiki ke hana i keia hana e like me ke kane, no ka mea, he hana oluolu a mama loa.  He mea e waiwai ai a e poho ole ai no keia hana, a aole no hoi e nui ka uku moku.  No ka nui o ka makemakeia o ke kilika ma na wahi a pau o ka honua nei, nolaila, aole no e emi ana na kumukuai ina he mau miliona paona hou koe e hookomoia ae ana i kahi kuai.  He pono no hoi ke olelo pu ia no na hua o na peelua, oiai, o kekahi mea kalepaia no ia e loaa nui mai ai ke pomaikai i ka mea hooulu kilika, e like me ka pomaikai o ke kilika.

     He hiki wale no ke hoomakaia keia hana me kahi kumu waiwai uuku, a mahuahua nui loa ae; a ma kekahi mau aina, he hana keia e loaa mai ai ka pomaikai i ka mea nona ponoi ma ka $200,000 o ka makahiki.  Aka o na peelua hana kilika, aole no e hiki ke hooulu wale ia ma na wahi a pau. He mea maikai ke loaa kahi aina kupono i kulike no ka peelua hana kilika a me ka laau Moroboro e ulu ai, (Merryburg) oiai, o na lau okeia laau, oia no ka ai kupono e ola ai na peelua.  O kahi kupono no ka laau Moroboro, i wahi lepo momona, a wahi nui hoi o ka ua a i ole ia o ka wai e hoopulu ai.  I wahi lulu e lauwili ole mai ai na makani ikaika.  I mea paha e pakui mai ai i ka hoomaopopo ana, ina he wahi oluolu o ka wela i ke awakea mai ke 70 degere a i ke 80 degere ma ke mea ana-wela, a aole hoi e emi ino loa iho i ka po, me ka malie iloko o na malama eha a elima paha, me ka ua nui ole, alaila, oia iho la kahi maikai no ka mahi kilika.  Ke mahalo nui loa nei na haole kalep o Kaleponi no ko lakou ia wale no i na kau, a nolaila, ua manao lakou, he wahi kupono ia no ka peelua hana kilika e hoo@@@@ ai. Aole  loa pela, ina no e haole kakaikahi mai ana ka ua, oia ka mea e ikeia ai, e hoopulu ana lakou i na hale o ko lakou welo peelua, he mau manawa i ka la hookahi, i mea e pulu ai ke ea, alaila, h@pe ka make o na peelua.

     Ke hoike mai nei keia, he nui loa na aina ma keia mau mokupuni o oi ka maikai no ka hooulu kilika mamua ae o Kaleponi.  E na na kakou i na ao@o malie o na mokupuni pakahi o keia Pae Aina, o kekahi he ekolu; eha, eono malama a he makahiki ko kekahi o ka la anan me kahi ua uuku.  No na wahi like ole hoi o ka malie o ka aina, o ka hooulu kilika oia ka hana maikai a na kanaka e hana ai.  O ka aina maikai maoli, e lilo ana paha i waiwai ole, no ka mea, o na mea i hoouluia malaila, aole loa e hiki ia ka makeke.  Heaha auanei ka ka mea hooulu kilika e kaukai ai a loaa ke awa kupono, oiai o ke kilika nona ke kumukuai he $2,000, a i oleia, o ke kumukuai paha o na hua he $10,000, he hiki wale no ke opeopeia a kau maluna o ke kekake a lawe i 1000 m@le hiki aku i kahi @ ke awa ku moku.

     O ka okana aina o Hamakua, Hawaii, ma ko'u manao, oia ka aina maikai loa no ke kanu kilika, a o na kanaka maoli a pau e noho ana malaila, ina e makemake ana e hoopapau i ka manao e hoomanawanui i ke kanu me ka hopohopo ole, iloko o ka manawa pokole e lilo ana lakou i mau kanaka waiwai.

     Ke blu nei ka laau Moroboro malaila i keia manawa, a ina e okiok@a na la@a a hooulu aku ma kekahi wahi e, alaila, e paa ana he mau eka he lehulehu iloko o ka makahiki hoookahi, me ka hoonui pu mai i na lau e hoomaka ai ka peelua i ka hana.  No ia mea, e ala e na kanaka Hawaii e lalau i na lala laau Moroboro, a e kanu aku ia mau laau.  O kela a me keia kanaka i loaa kahi aina uuku, he pono e hoomaka i ka hana ma ke kuai ana i wahi hua kakaikahi.

     Ma ka eka aina maikai hookahi he 5 makahiki ka loihi o ka ulu ana o ka laau Moroboro, e hoohua mai no ia i 50,000 paona lau laau, a ua ikeia ma ka hana ana, he 100 paona lau maikai, 1 paona kilika nona ke kumukuai haahaa ma ke koho aku ma Europa mai ka $6 a $7, o ka paona.  Alaila, no ka eka hookahi, e hoohua mai i 500 paona kilika nona ke kumukuai i koho haahaaia aku he $3,000.  Ma ka eka hookahi, he mea pono na na kanaka he 12 e malama i na peelua he 1,000,000 oia eka, a e maihi mai i ke kilika a na peelua i hooulu mai ai.  Mahope o ka lawe ana o na luhi, na lilo a pela aku, e koe auanei i ka waihona o ka mea mahi kilika he puu waiwai nui.

     O ka hooulu ana i ka peelua no ka manao e loaa mai ka hua, aole no he loihi loa o ka manawa.  O ka loihi wale no, he kanaka la; a ia wa, e hoounaia ai na hua i ka makeke e kuaia ai, mai ka $5, a $6, o ka auneke ma Kaleponi, a hiki i ka $6, a $7, no na auneke ma Europa.

     Nolaila, in a e manao wale ia ana, e holopono ana ka hooulu anan 1,000,000 peelua maloko o akahi eka lau laau oia hoi ma ke koho haahaa ana aku, he akahi hapalua o keia poe peelua, he mau wahine me ka hoolua ana mai i na hua ma ka avariga i 300 pakahi.  Aka, ma ka hoao ana aole e hiki ke la weia na hua, ke puka like mai na peelua wahine i ka manawa hookahi, a i ole ke puka papalua mai hoi, alaila waiwai ole ka hua.  O kewia mau keakea e hiki ole ai ke kapae ae, oia ka mea e hoemi iho ai i ka nui o na peelua wahine a me na hua.  Nolaila, mailoko ae o 1,000,000 peelua, he 300,0000 e hiki ke heluaia ma ka avariga ana, he 200 hua ia akahi peelua, a i ole, or ka heluna pau loa, he 60,p000,000 hua.  Mai ke 35,000 a hiki i ke 40,000 hua alaila lele ka paona.  No ia mea, o ka waiwai e loaa mai no ka eka hookahi o 1500 auneke hua nona ke kumukuai he $4. i ke auneke, oia hoi, he $6,000. o ka eka hookahi.

     Ma keia palapala a'u, ua makemake wale no au e hoohuli mai ka manao o na kanaka maoli a me ka poe e ae no ka pomaikai o ka hana kilika, ma na aina e e loaa nei ia lakou na uku o ko lakou mau luhi, a i mea hoi e hoike aku ai ma he oiaio e ulu pono ana na mea i makemakeia ma keia mau aina no keia hana, e like me ka'u e manao nei, pela io, alaila e loaa mai auanei ka waiwai nui.

     Ma kekahi palapala hou aku a'o, e hoike aku no au no ka laau Moroboro a me ke ano  o ke kanu ana, e hoike pu aku hoi i ka hanai ana i na peelua a me ka malama ana ia lakou, me na hale kahi o lakou e noho ai, a me ke ano o ka hana i ka lopi kilika mai ka popo kilika mai i hanaia e ka peelua.  E hoike pu aku no hoi i ke kau ana i na hua a me kekahi mau mea kupono e ae e ao aku ai i ka poe e makemake ana i keia hana o ke kanu kilika.   F. J. JUNKER.

     [HE OLELO. -- Mahope o ka makaikai ana i keia mau mokupuni, ua hooholo o Mr. Junker e noho ma Hamakua, Hawaii, me kona manao he wahi maikai ia, a e holo ana maluna o ke Kilauea ilaila ma ka Poakahi.  E hoomaka ana ia i ka hana, ma kahi mawaena o Waipio a me Honoka, a ke lana nei ko makou manao e lohe koke mai iloko o na malama pokole, e holo pono ana kana hana e like me kona ake nui, a e lilo auanei kana hana i mea ake nui na na kanaka maoli olaila e ao aku ai i ka hooulu kilika ana.]

 

      HE HUAKAI IMI OLA. -- Ma ke ku ana mai a ke kuna Ka Nene Aukai o ka moana, oia ka Neti Mele, ua ike iho makou, i ke kau ana mai a ke Kiaaina o Maui a me ke Kahu o Lahaina, me ko laua ano nawiliwili mai.  He huakai imi ola ka laua i holo mai nei ma kahi nui o na kauka, a ke lana nei ko makou manao, e hahaiia ka huakai e ka oluolu a me ka pomaikai.

 

Palapala mai a Rev. O.H. Kulika mai.

------

[Helu 3.]

 

E Ka Nupepa Kuokoa e; Aloha oe:

     He mea hiki paha ia'u ke hoike maopopo aku i o'u mau makamaka heluelu nupepa i ke ano o keia mea he kaa-ahi, a me ke ano o ka holo ana maluna.  O ka enegini mahu oia ka mea nana e huki imua, a mahope mai au hoopili ia mai ke kaa wahie; mahope mai o laila ke kaa halihali ukana no na ohua, mahope mai oia mau kaa ke kaa o ka hale le@a no ke aupuni, a mahope mai na kaa ohua, e like ka nui me na ohua i manao ia e hono ana ma ia alanui.  Mai ka akahi kaa halihali ohua  ahii aku i ka awalu a i ka umi ka nui.

NO NA KAA LAWE UKANA.

     He mau laina kaa halihali ukana wale no kekahi me ka lawe ohua ole.  Ua helu au i ka nuji o na kaa halihali ukana ma kekahi laina kaa-ahi, au hiki aku ka huioa i ke 43.   Maluna o kekahi mau kaa, ua halihali ia ka waiu pipi mai ke kuaaina a hiki aku i ke kulanakauhale.  No ka mama o ka holo o na kaa ahi, nolaila, ua hiki ke halihali i ka waiu mai kahi loihi loa mai a hiki i ke kaona.  Ua halihali ia ka waiu mai ka 120 a hiki aku i ka 150 mile, mai na kuaaina mai a i ke kulanakauhale o Nu Ioka.  Ka manao ia kakou ma Honolulu, i na i uka o Manoa ka pa bipi-@@-wa@@, he loihi ka manawa e halihali ia mai ai o ka waiu maluna o ke kaa lio, a hiki i Honolulu. Aka, ma Konetekuka nei, ua halihali ia na kini waiui nui maluna o ke kaa lio, elua a ekolu ile ka loihi, a loaa aku i na kaa-ahi, hooili ia aku maluna o lakou, mai ka 100 a i ka 150 mile a hiki i Nu Ioka. Me he la, mai Kohala a hiki i Honolulu kahi i hooili ia aku ai o ka waiu. Ua hooili ia ka waiu me ka hau paa maluna o ke kaa, i mea e huihui mau ai ka waiu, a awaawa ole a Poalua.  O ka waiu i uwi ia i kei kakahiaka a me kei ahiahi, apopo kakahiaka hiki aku i ka poe ai waiu o Nu Ioka.

     Aka, aole o ka waiu wale no ka mea nui i hooili ia akiu maluna o na kaa-ahi, o kela mea keia mea: O ka papa, ka nanahu, pohaku kukulu hale, ka palaoa a me na mea ai a pau; na bipi ola, na hipa, puaa, moa, ka hao, kua-hale, pili-hale a me na mea a pau i kalepa ia, mai ka nui a ka liilii.

KE ANO O KA LIO HAO, OIA KA ENEGINI KAA-AHI.

     Eia kekahi, he mea hiki i keia hao oia ka enegini mahu, ke holo imua, ke holo nui, holo akahele, ku malie, a peki ihope elike me ka manao o kona kahu; aia wale no nae kona holo ana maluna o na auka hao i hoomoe ia, oia ke alanui hao.  He mea kupanaha ka ikaika o kei lio hao, luhi ole.  Nakeke kona mau kapuai huila maluna o ke alanui hao: kulikuli na pepeiao i ke koele mau ana o na huila, ua luliuli oluolu ia na ohua, a lele aku lakou he 20, he 30, a he 40 mile i ka hora hookahi; me he la, na ka makani no e lawe, puehu ka leop mahope, pii ae ka uwahi eleele mai ka enegini mahu ae, a punohu ae ke kau wahi mahu aiai.  Ina e ku ana oe ma kapa o ke alanui a holo mai ka enegini mahu me ka holu nui, e weliweli ana oe i knoa ikaika.  O ka ha'u ana o kona ihu, ua like no ia me ke kui ana o ka hekili, a o ke kani ana o kona oeoe, i ka wa e kokoke aku ana i ke kulanakauhale, au lohe ia aku he mau mile ka loihi, e like me ke oeoe o ka mokuahi Kilauea .  Halulu ka honua i ka hehi ana o kona mau kapuai hao.

    Ina he lalani kaa loihi loa a kaumaha loa, he iwakalua paha kaa ka nui, a e pii aku ana paha i kahi e hoopii akahele ia ke ala hao ma kahi piina, alaila, ua hoopili ia elua kaa mahu mamua e kauo ai:  He kakaikahi nae ka ike ia pela.

     O ka lalani kaa loihi e holo ae ana ma kahi kekee o ke alanui, ke nana ia aku mai kahi mamao iki mai, ula like me he puhi kapa la e oni ana maluna o ke kula, komo aku kona poo ma kela aoao o ka hale a puka aku mao, nalo aku ke poo maloko o kekahi ulu-laau, a he mau sekona nalo pu aku ka hi'u he wa pokole, a ike ia aku e puka aku ana ma o, e lli ana i o a i o, e oni hele ana maluna o ka aina me ka holo kiki loa, a nalowale loa aku.

NA KAA HALIHALI OHUA HANOHANO.

     E ninau paha auanei kekahi, pehea la e hiki ai na ohua e holo ai ma kahi loihi loa, aole anei e pilikia a pololi, a makewai, a make hiamoe?  Aole no he pilikia.  Ina maluna o na kaa i hool@ko ia no ia mau mea aole he hemahema iki i koe.  O kekahi mau ohua, ua halihali pu no lakou i ka hinai ai, i mea e paina ai, a i na he makewai aia no ka pahu wai huihui e ku ana, a inu no na ohua.  Ma kekahi mau kaa, ua haliiia ka papa-aina, oiai e holo mau ana.  Ua kapaia oia ke kaa hotele, a i ka wa e ai ai, hele mai no na ohua mai kekahi kaa a i kekahi kaa, a komo i ke kaa hotele malaila e paina ai.  Ma kekahi wahi, he pa holoi lima, he aniani kilohi, he keena mehameha kahi e hoopau ai i ka pilikia.

NO KA HIAMOE ANA MALUNA O NA KAA-AHI.

     Eia nae ka mea i oi aku, o ka oluolu o keia mau kaa hanohano.  I ka napoo ana iho o ka la, komo mai la ke koene, a hoohuli i na kua o na noho i lalo, a lilo na noho i noho ia ai i ke ao, i mau moe palahalaha e hiaoe iho ai i ka po.  Maluna iho hoi ua weheia mai ma ke aoao o ke kaa he papa, a haliiia hoi he pela maluna, me na uluna a me na kihei a me na huluhulu.  Pela i loaa iho ai elua moe palahalaha, i lawa no na mea elua ma ka moe hookahi: Pakuia mai keia mau moe me na paku lole a puni.  Maluna o keia mau moe nolunolu loa, ua lea lea ka himamoe ana o na ohua, me ka luliluli malie ia a ao ka po, oiai e holo-kiki ana na kaa he 25, a he 35 paha mile i ka hora hookahi, a pela aku a ao ka po. He @@@@ @@@@ kapoai ka laula, a he 30 paha @@@@@ loa o ke kaa hookahi, no na kanaka @@@@@.

     He kea keia o na aina kahi e holo @@@ na kanaka i o a ianei, maluna o na @@@@@ a me na moku-ahi.  Me ke aloha.

O. H. K@@@@

Portland, Konetek@@@@, Aug 19, 1870

 

------------------------------

Palapala Hoopaa a na'Lii o Ponape

-------

[Ke hoolaha nei makou malalo @@@@@@ pe o ka Palapala Hoopaa a @@@@@ Ponape, aole e hao wale i na w@@@@@ poe malihini i ili a naha na mok@@@@@ la @ a aole hoi e hoopilikia i na @@@@@ Misionari.  Ua loaa mai keia ma@@@@@@ ka@olelo mai o ka Papa Hawaii: @@@@@@@]

     E ike auanei na Alii a pau o ka @@@@@ o makou na Moi a me na Alii K@@@@@ Hanauna Alii o ka Mokupeni o P@@@@@@ hoopaa nei ia makou iho, ko makou @@@@ Hooilina a me na Hope kupono @@@@@ Kanawai, mai keia wa aku a i ka @@@@@ pau ole; e malama i na ola a me na @@@@ o na kanaka a pau i nahaha na @@@@ na kapakai o na wahi a pau o ko @@@@ mau aina, a e ha@wi aku ia lakou @@@@@ kua kupono a pau, a e hoo@@@@@@ lakou, a hiki i ka manawa a @@@@@ ke @oi aku i ko lakou mau home, @@@@@ a hiki paha i ka manawa a lakou @@@@ ai ma kekahi wahi e @@ i kupono @@@@.

    A no ia mea, aole loa e @@@@@@ pili paa a me na kuokoa o kela @@@@ moku @@@@@, maloko nei o ko @@@@@ koe nae na hana K@@@@@ a @@@@@ ia no:

     A no ia mea; oiai ua a@@@@@ Misionari i @e wale mai @@@@@@ nao, e noho mawaena o @@@@@@ haawi pu @a ia lakou na @@@@@@ haipule a me ke ao ana @@@@@@, olelo maikai; aole loa @@@@@ o ko makou mau makani@@@@@@ e kekahi, maloko o na @@@@@@@ nei mau aina, ke hahai oia mahope @@@@ pule a ao ana:

     A no ia mea: in a o kekahi o @@@@ mau makaainana i keia wa, a @@@@@ paha, e lilo i Karistiano, aole loa @@@@ hooweliweliia ma ko lakou @@@@ mana a manaoio hou:

     A no ia mea; in a e makemake ana @@@ hi kanaka o ka aina e, e kuai i @@@@@ ano kupono, ma ka ukuia ana mai o @@@ mukuai i ae like ia, alaila, e haa@@@@ ka Palapala Sila o ka aina, me ke @@@@ pu ia o na palena o ka aina e k@@@@ oia palapala ka mea e hoo@@@@ ai @@@@ ana, i kona mau hoo@@@@@ hoo@@@@ hooponopono waiwai no ka manawa @@@ ole, iloko o ka maluhia o me ka @@@@@ lu ana i ka aina:

     A no ia mea; o na kanaka e a pau @@@ ho ana , a e kalepa ana maloko o na @@@@ o ko makou mau aina e hoopakele @@@@ e hoomalu poo ia ko lakou mau @@@@ me ka lakou hooholo ana i ka lakou @@@ kupono; aole loa hoi e ae ia kekahia @@@@ e hookonokono i kekahi holokahiki e @@@@ i kona moku a i ke awa paha, a i @@@@ huna paha i kekahi kanaka holokahiki @@@@ hope iho o ka mahuka ana, o uku @@@@ ($50.00) Kanalima Dala.

     I hoike no keia, ke kakau nei @@@@ ko makou mau lima pakahi, a @@@@ mai i ko makou mau Sila @@@@@ Ewalu o Iune A.D. 1870, @@@@ka moku manawa Amerika @@@@@@@ Jamestown.

 

NU HOU KULOKO.

--------

Oahu.

     HOOLEWA H. KALAMA KAPAK@@@@@ -- @@@ ka hora 10 o keia kakahiaka, e @@@@@ ana ka huakai hoolewa o ka Moiwahine @@@ ke maluna ae, ma Alanui @@@@@. @@ kemake makou e hoolaha i ka papa@@@@ noho o ka hukai ma keia pepa, m@@@@ aloha alii, aka, aole nae he papa hoo@@@@ ho i loaa mai ia makou.

-------

     Ua ike iho makou ma Ke A @@@@@ ka Poaha iho nei, he elua mau k@@@@@ e haikaikaia ana e ia nupepa.  H@@@@@ ili pua-kea a hookahi he ili ulaula.  H@@@@ ka ko kekahi, a he @ele i ke D. D. @@@@@ hi.  Oia ka waiwai a ka nupepa a @@@@@ i ka auhau e hana@@a aku ai ma k@ @@@@ papalua a@a.

-------

    Ma ka Poakahi e hiki mai @@@ Oct. 8, e haalele ana ka mokuahi @@@@@ ia Kapalakiko, a e holo mai ana i @@@@ nei me na nu hou ano nui o ke @@@@ ka hoomau aku o ke kaua.

------

     Ma ka la mua o Sept., au @@@@ Nu Kilaoi ke Keiki Alii puni mak@@@@ nua a Victoria, oia ke Duke o E@@@@@@ ua ku pu ae malaila he Admirala @@@@@. E holo ana no ua Keiki Alii la i K@@@@@ hi on a i ki pu ia ui a pakele ke ola. Ke @@@@ na nei ka manao, e loaa hou ole ana @@@@ poina oia ano.

------

NA HALE KUAI O AKE. ---- Ua @@@@@ makeu i na kolamu olelo hoolaha a @@@@ kona mau Hale Kuai Lole ma Hono@@@@ aka, ke kono aku nei no nae mako@@@ poe puni lole e hoomau aku i ke kipa @@ ilaila, a e wae e like me ka makemake @@@ iini e kono ae ana.  Mai hoohala i ke @@@ ana.

------

     UILAMA (W. WEIGHT) AMARA. --- Ke @@@ aku nei makou i ka lehulehu, ma ko @@@@ pepa o keia la, ke hoolaha ae nei oia, ua @@@ kulu ia i Hale Amara ma uka iho o ka @@@@ lewai hoopaa lawehala, ma ke A@@@@  Ua hiki iaia ke lawelawe i na mea @@@ Amara, a ke kapili hoi i na kapu@@@@