Ka Nupepa Kuokoa, Volume IX, Number 37, 10 September 1870 — Page 4

Ka Nupepa Kuokoa

KE KILOHANA POOKELA NO KA LAHUI HAWAII.

KE KUOKOA, HONOLULU, SEPATEMABA 10, 1870.

Ka Nupepa Kuokoa.

Sun of my Soul.

                                                                                1. La o kuu uhane ! e Iesu,

                                                                                    E poha mai, a hoao pu ;

                                                                                    Mai uhi mai kekahi ao

                                                                                    E huna i ka lama ou.

                                                                               2. A pa ka hau a moe au

                                                                                    I pau kuu luhi, kuu luuluu,

                                                                                   Maluna ou no kuu manao,

                                                                                   Ma kela maha ma ke ao.

           

                                                                               3. Me au no oe a po ka la,

                                                                                   Hoomalu pu a hoonana ;

                                                                                   Me au no oe ke kau ka po,

                                                                                   I moe au a ala hou.

                                                                               4. Ina he mea i auwana`e

                                                                                   Ma keia la a haukae ae,

                                                                                   E kii ae a hoohuli no,

                                                                                   O moe a haule i ka po.

                                                                               5. Kiai, hoola i na mai,

                                                                                   Na ilihune e hoowaiwai,

                                                                                   Hoomoe olu i na u,

                                                                                   Hoomaha i ka poe luuluu.

                                                                               6. A ala hou a hoomaikai,

                                                                                  Me au e launa pu mai ai ;

                                                                                  A hala ko ke ao nei po,

                                                                                  E ala ma ke ao mau no.

                                                                                                                        HAWAII.

Echo.

                                        Silver Lute.

1. Lohe anei i na eko

I moe ma na puu,

Maloko o na lua

I pee a hakanu?

Ae, lohe i na eko

I moe ma na puu,

Maloko o na lua

I pee hakanu.

Pane anei ke o ae?

Pane me ke mele pu?

Pane no ke o o ae

Pane mele oli no,

Eko, eko, eko, eko ;

Pane hou mai no,

Pane hou mai no,

Eko, eko, eko, eko ;

Pane hou mai no,

Pane hou mai no.

2. Pa na eko mai o mai,

Mai na laau na puu makai,

Mai na awawa uli pu ;

Pa na leo oli no,

Pa na eko, pa na eko,

Pa na eko, pa na eko,

Lohe i na oli o

Mai na awawa uli pu, uli pu,

Mai na awawa uli pu, uli pu.

                                                      HAWAII.

Ke kanalua o kekahi o na Kumu

kula o ka Apana o makawao.

E KA NUPEPA KUOKOA E ; Aloha oe:-

  Ua ikeia ma kou Helu 31 o ka la 30 o Iulai, na manao kanalua i ke Kula o Huelo a me ko laila alakai, e peku mai ana hoi i ka manao hai o kekahi o na Komite ma "Ke Au Okoa," Iulai 14, aole au i manao e hoouna aku ma "Ke AuOkoa," ina mea e pili ana i ka Hoike o na Kula o keia apana, aka, mamuli o ke kono ana mai a ka mea i mahaloia P. Nui Esq., e hoouna aku, ua hooko ke kauwa e like me ka makemake o ka haku, aole nae au i manao nui, he mea ia e kanalua ai o ka mea i kapa iaia o J. M. Kaiminaauao.  Ke pane mai nei kela no ke Kula o Huelo a me ko laila alakai, i ka wehewehe ana o na haumana no ke kii o ka paailona.  "Ua kahakahaia mai a hihimanu, ua hana ia ka ninau a loaa, aka, aole i weheweheia mai ka pili pono ana o ke kii paailona i ke Kumuhana."  Malaila e hookuu mai ia`u, oiai aole no au i ike pono i ka weheweheia ana mai o ka ninau, ua ku ia mai no kekahi pilikia, a ua naue aku a hoi mai, e kau ana na kii ma ka Papa Eleele, ua pau i ke kahakaha ia a me ka wehewehe ana ; malaila au i noi aenei e hookuu mai.

    Aole no paha owau wale no kai mahalo aku ia mea, o ka lehulehu pu no paha kekahi i akoakoa mai, e ik i ke akamai o ka lakou mau keiki.  I ka nana ana hoi a me ka hoomaopopo ana, me la he mau Kamana na hoa like - E auhea oe e J. K. M. Kumukula o Pulehu, ke lele mai nei oe i ka weheweheia ana o ka ninau, aole i pili pono i ke Kumuhana, maliala ko`u kumu i hui aikaua i ka eleele o ka inika.  O ke Kula o Pulehu, oia no ke Kula a ka mea e kanalua nei i ka hai, ua haawi mai kela i na Komite ka hokie ma ka Huinahelu, me ka hai pu mai ua huli ka buke, i ka na  na ana i ka hana  ana mai a ka haumana ma ka Papa Eleele, kapeke io, kulike  me kaloaa. aka, i ka  wehewehe ana mai, "ua halahu  mawaho o ka rula ka pae keia bila,"  aohe Kumuhana, like ole hoi me  ka mea  a ua o J. M. K. e kanalua nei i ka pili pono ole  o ka ninau i ke Kumuhana.  Penei i akaka ai ka like ole :  Ua lawe mai ka  haumana  i ke Kumuhana o ka puunaue pokole a i ka loihi, i ka loihi hoi a i ka pokole, aole hoi e like me ka ka buke i hai akaka lea mai ai.  O ka puunaue pokole ; oia ka puunaue me ka hua hookahi.  O ka puunaue loa,  oia ka puunaue ana me na huahelu  e  oi ana i ka hookahi  iloko o ka mahele.  I ka ninau ana aku a na Komite i ka haumana i ke Kumuhana no ka puunaue e pili ana i ka ninau, aohe maopopo iki,  Eia ka mea i ikeia, "o ka  ka Frani kakau i ka helu komo ma ka lima akau o ke Kumu puunaue."  Oia ka manao hai o ke Komite i hoike ai ma "Ke Au Okoa " e pili ana i ka Hoike Kula, ua hai akaka lea mai na kumu i ka palua pakolu ka lewa ana o na buke, aka, i ka ninau  ana aku i ke Kumuhana o kela ninau  keia ninau, e like  hoi me ka J. M. K.  e hai mai nei.  "mailoko  mai o ke kii paailiona i puka mai ai ke Kumuhana."  Aole naehoi he huiia mai me ke akaka lea. E! auhea oe e ka makamaka ? "mai na na aku oe i ka pula iki iloko o ka maka o kou hoahanau,  aole oe i ike i ke kaola iloko o kou maka iho."  Mataio 6:3. Ke pane hou mai nei o ua o Kaiminaauao  i ka hilinai o na Komite i ka hilimana o ua mau kii paailiona la, a pela i hoonoho aku ai ma ka Papa 1, a i ka heluna o na haumana 13.  Kuhihewa hou oe e ke hoa la, aole i hilinai na Komite ma ka hilimana, aka, ma ka ike ana a na Komite he pono e like me ko lakou manao.  E ake ana no ka paha oe, a o oe wale no ke kau ae ma ka Papa 1.  Ua hai mai oe no ke Kula Hanai mai oe o Hilo, pela no ka paha oe i ao ia ai he hoololi i na Kumuhana o ka puunaue? "E noeau ka hana a ka ua, akamai ka imina o ka ike."  Eia kekahi, ke hai akaka mai nei oe ma ke "Kuokoa" Iulai 9, 1870, e pili ana  i ka hoike o na Kula o keia apana.  "O ke kula  o Pulehu 31 ka nui o na haumana, ua hiki pono ia lakou na haawina a pau i oleoia  maluna me ke koena ole."  E hiki io,  o ka hiki ka ia ke hele la a koena ole. E ka makamaka e hai ma ka pololei, he kanaka makua ke kino; he kahi wale no paha ia oe ka pai ae i kau kula, i ka hiki pono  me ke koena ole. Kai no paha na waho mai ia leo mahalo.

                                                                                                                        JOHN KAWELAU.

Makawao, Maui, Aug. 9, 1870.

Na Palapala mai i ke "Kuokoa."

Ka la hookahakaha o ka Iwa o ka ua Pee Pakaiaulu o ka aina Haaheo.

E KA NUPEPA KUOKOA E; Aloha Kaua:-

    E oluolu oe e hookomo iho i keia mau hua olelo e kau ae la maluna "Ka la hookahakaha o na Iwa o ka ua Pee Pakaiaulu o ka aina Haaeo" ma ka la 13 o Aug. nei.Ua kukulu  iho na keiki puhi ohe a me ka lakou kumu i ahaaina ma lakou:

    O kahi nae i kukuluia ai ka ahaaina, ma kahi o Naihe ma Hinakahua, malaila lakou i kukulu ai i ahaaina, me ka lakou mau mea a-i, o kela ano keia ano.  Mamua nae o ke lakou kukulu ana i keia ahaaina, ua hoolaha ae lakou  me ke kahea ana i kela mea keia mea e hele mai i ka ahaaina, me kahi makana pu mai no, ma ka la i haiia ae la maluna oia ka la i weheia ai kela ahaaina.

    O ka hora i hoomaka ai ka paina, o ka hora 2 o ke ahiahi.  I ka hoomaka ana o ka paina, ua akoakoa mai na haole a pau o Kohala nei,  me ka lakou  mau  makana pu no hoi, mamua o ka hookomo ana mai i na mea i hoomakaukauia no ka opu, ua hoomaka ke kani ana o ka ohe keleawe; a pau ke puhi ana, ua hoomaka ka paina.  Ekolu nae papaaina, me keia  nae ke ano o ka hana ana. 1 papa dala, 1 papa hapalua, 1 papa hapaha, akolu papaaina.  O ka nui o na mea a-i, he poi ka ai, he puaa ka i-a,  a me na mea a-i haole, laiti, palaoa, palena, pai, mea ono, ki, pela aku, o ke ano nae o ke komo ana iloko e ai ai, me ka balota, o ka poe  makemake e ai ma ka papa hapalua, me ka balota i kakau ia i ka inika ulaula,  o ka poe  makemake e ai ma ka papa hapaha, me ka balota i kakauia i ka inika eleele, o na haole aole o lakou balota ma ka papaaina hookahi dala.

    A  pau ka ai ana, ua kudalaia ke koena o na mea ai, ma ka houluulu ana iho i na hua i loaa mai, ua loaa ka nui o ka  Palahu Pokeokeo.

    Ma ka hoolohe aku i ka leo o ka ohe keleawe, ua like me ka leo o na kahuli leo lea i ke aumoe.  Ma ka nana aku i ka mea nana i alakai, ua ku  maoli i ka hanohano ma kana ao ana i na keiki o ka aina Haaheo, ua akamai maoli no, o ka haole  nae nana e ao nei o Williamu ke kumu puhi ohe a  ke alii. Ma ia la no,  he la malie loa aohe ua, nolaila, pela Kapoula,  ua holopono oukou nawai la i keakea, nolaila, o kahi  mea  hou iho la no i o ka aina  Haaheo.  Pau me ke aloha.

                                                                       A. P. HALAUKOA.

Kohala A. K. Aug. 15, 1870.

    Aia iloko o kekahi mau  makahiki i hala aku la, ka hoomaka ana i nei mea he palapala kahea ma ka apana o "Pukaana" e kahea aku iwaena o ka poe e  malama ana i ka Oihana  Laa a ko  kakou  Haku, i Kahu no keia ekalesia,  eia nae aohe i hookoia ke kahea ana, pela mau ka holo ana o na palapala kahea ma ke kau wahi o keia mau mokupuni, mai Hawaii nei o Keawe, a Niihau o ke Kikii.  A i ka A.D. 1870 nei i na la mua o Augate, ua  hookoia mai ka palapala kahea  a keia apana  e ka Rev. H. Manase, a eia oia ke noho nei me makou, no na hana a ko kakou Haku i waiho mai ai i ke ao nei.

    A i ka hui ana ae o ka poe  i kahea ia ma keia ano, mai ka hoomaka  ana mai a hiki i keia A. D. 1870, elua kauna me akahi keu, (ka !  mau no kekahi) a i ko`u hoomaopopo ana ma keia mea he palapala kahea iwaena o keia mau apana, o keia apana no ka helu mua ma keia mea he kahea  Kahuna, malia paha o ulu mai ka manao  iwaena o kekahi poe e like  me ka ka  Baibala i olelo mai ai penei: Iak. 4: 3  "Ke noi  nei oukou me ka loaa ole, no ka mea,  ua noi pono ole oukou,"  pela io no, aka,  aole paha pela ko ke Akua  manao iwaena o kekahi poe, no ka mea, o na mea e ko ana no ke Akua mai ia, aka, i keia wa ke olelo ae nei  au, e o`u hoa haipule mai ka la hiki a ka la komo, ua ko ka kakou noi, e like me kana mea i noi mai ai penei:  "Ina e noi oukou i kekahi mea ma ko`u inoa, owau no  e hana," nolaila, e hoonaniia ke Akua ma keia mau mea a pau, i na he  nele aina e loaa ana.  Me ke aloha no.

                                                                                                                             D. W. KANUI.

Hookena, Kona, Hawaii, Aug. 25, 1870.

    HALE PAUAHI.  He uakana kaumaha kai lilo aku  ma Keanae,  ua lilo loa, ua lilo ia puhi-nauokaoka i ka mea i olelo nui ia, aole ana olelo mai ua ana, oia hoi kela mau hua e kau ae ia maluna, "Hale pauahi."

    O ua hale la he hale kula  aupuni, he papa apuni, paa i ka papahele, pea i na noho, me ka papa palapala no na keiki ekolu puka aniani, ua hoopaa pono ia ka puka me ke ki, aole kula aupuni i ka  la i pau ai ka hale i ke ahi, o ka mea ia ia ke ki, oia no kai hele a wehe i ka puka,  a komo  iloko  a hala ka hapaha hora, puka oia hele ma ka hale o K. Makaena, noho iki malaila, a hoi aku i kona hale, aole i liuliu pau ka hale kula i ke ahi, ua oleoia ka pau ana o ka hale kula i ke ahi a Hoomaha,  aia no  ia ia ke  ki o ka hale, oia no kai komo iloko, a i pau no ka hale ia ia, pela ka olelo ia, o ka la i pau ai he Poakolu 25 o augate, ua kohoia he poe noonoo maikai e huli  a nana i ka  mea i pau ai ka hale i ke ahi, ua like loa ka manao o ka poe noonoo, i pau no ia Hoomaha, ke kali ia nei o ka hiki mai o ke  Kahu  Kanawai, ua nui loa na kanaka i hele e kokua, aole nae e pio, ua lanakila  ke ahi,  aloha ino  na keiki i ko lakou hale e huli naauao ai.

                                                                                                                            Na J. K. IKEMAKA.

    WAILUPE.  Mai ka malama  mai o Iune 21, 1870 a hiki mai i ka mahina o Augate nei,  a o Sepatemaba  keia.  Ua ulu mai na hana maikai a ko makou  Kahu ekalesia ma keia apana o Wailupe nei,  "ua pau ka poe hou i ka haiolelo ma ke Sabati, ka poe hoi e auwana ana mawaho ae o ka pa hipa, aohe hoi he olelo ana no na hapauea, ua piha mau kela Sabati keia Sabati i na hoahanau a me na hooikaika,  aole mea koe aku i ka uluna o Welehu  ka malama."  Pehea hoi e koe aku ai i ka hana  maikai a keia  Kahu o S. W. (Kekiokalani).  O ka  mea hilu loa nae ia o ka hoohuli ana mai i no kao i hiuhiu a ua huli mai lakou me ka  manaolana loa, pela  wale aku ka`u ike aku, ka! aia no ia i ka manao o ke Akua,  aole pela  i na kau i hala e.  Ina Kahu mua,  ua nui no ka  poe moe i ka uluna, a i keia hoi. "Paukini pau pau lau, pau a`u lehua i ka manu." He ma`u ia, o ka ike mai ka paha  o ko kakou mau hoahanau, mai Hawaii a Kauai, a puehu loa aku i Niihau.

                                                                                                                            B. L. KOKOOKALANI.

                                                                             Kaualaa, Wailupe, Sept. 2, 1870.  

Na mea pono ke ai a inu hoi ma ka AHAAINA O KA HAKU.

He kumumanao keia, i heluheluia imua o ka Ahahui Eunelio o Hawaii Hikina, e Rev. D. B. Laimana, a kauohaia e hoopuka ma ke "Kuokoa"

    Aole  i kau kanawai  ia kei mea ma ka olelo a ke Akua.  I ka nana aku, aole i manao o Iesu  a me na mea  i kakau i ke  Kauoha Hou he mea nui keia.

    I ka wa kahiko,  ma Palesetine  a me na wahi  i kokoke wale no, ka noho ana o ko ke Akua  poe kanaka.  Ia wa ua  kuhikuhi ia mai me ka pololei loa  i na mea kupono no na Oihana hoomana a pau.  O na mea a pau i kauoha  ia, he mau  mea loaa pono ma ko lakou wahi iho.  Nolaila, ua pono no ka hoomaopopo ana ma ke kanawai oolea i na mea e hanaia, a e hoopai no ka hookuli  a me ka hoowahawaha i ka  mea lalau  a hana i na mea  okoa.

    Ma ke Kauoha hou, aole pela.  Ua hooponopono  ia na rula ekalesia  no ka honua nei a puni.  Nolaila, aole  i kauoha  ia kekahi mea no ka oihana ekalesia i loaa ole ma na wahi a pau i ka poe waiwai a me ka poe ilihune, oiai i loaa ia lakou na mea  e lawa ai ko lakou  ola kino ana.

  Aole mea ai hookahi i loaa like i na kanaka a pau ma na wahi a pau o ka honua nei. Nolaila aole pono ke kau kanawai ia hookahi mea ai wale no e ai ia i ka ahaaina a ka Haku i na manawa a pau  a puni ka honua.

    I ka hookumu  ana i ka ahaaina, i kinohi, aole i imi ia ka mea  ano e, ua ai ia ka mea i loaa ma ka papaaina  loa ia, berena.  He ano okoa kahi berena, a ano okoa kekahi a lehulehu loa.  He berena palaoa  ke kahi, berena rai kahi, berena ota kahi, berena  bale kahi, berena kulina kahi, he  berena hui hoi i elua a i ekolu  paha o ia mau mea me ka papapa paha, me ka  uala maoli paha, uala kahiki  paha, a he berena  hui ke kalo  me ka palaoa,  kalo me ke  kulina, kalo me ka pia. He 20, 30, 40 paha na mea ano okoa i kapa ia he berena, a i ai ia e kanaka.  Ka berena hea o ia mau berena  ano okoa ka berena pono no ka ahaaina  a ka Haku?  Ke pane aku nei au ua pono  no lakou a pau.  Aole berena maikai i pono ole no ka ahaaina a ka Haku. Nolaila, ua pono e malama i ka ahaaina a ka Haku,  ma kela  aina keia aina ai berena, me ka berena maa a loaa pono ma ia aina.

    Aka pehea  ko Iesu poe noho  ma na aina berena ole?  E hiki anei ia lakou e malama i ka ahaaina  a ka Haku me ka berena ole? e pono paha e kali a loaa mai ka berena mai ka aina  berena mai?  Ke pane aku nei au, aole kanaka e noho ana ma ka honua nei me ka loaa na mea e ola pono ai ko lakou kino, i hiki ole e malama i ka ahaaina a ka Haku. O ka mea a lakou e ai nui  ai e like me ko kanaka ai ana i ka berena ma na aina ai berena na kanaka,  e pono  no ke ai ia ia mea ma ka ahaaina a ka Haku.  Ina he kalo oia, ina he uhi, a he mea e paha oia no hoi. Aole e hoowahawaha mai ke Akua i ka mea ai ia mau mea me  ka hoomanao  aloha, a me ka hilinai pono ia  Iesu Karisto, ke kalahala no ka hewa.

    A heaha hoi ka mea inu ma ka ahaaina a ka Haku?  I na heluhelu kakou  i ka  Iesu olelo ma Mataio 26:  29, "aole au e inu hou i ko ka  huawaina, a hiki  aku i ka la e inu pu ai au me oukou he waina hou iloko o ke aupuni o ko`u Makua," ua maopopo paha ua komo kekahi wai o ka huawaina  iloko o ka mea  i inu ia  i ko Iesu hookumu ana o ka ahaaina i kinohi.  Aole nae i hoike  ia mai ka nui a me ka  uuku o ia wai huawaina i hiki i kekahi ke hana  hou a like loa me ia. Nolaila aole i maopopo lea ke ano o ka mea i inu mua ia ma ka ahaaina a ka Haku i kinohi.  Aole hoi i kauoha  ka Haku  i kana poe haumana e inu mau i ka mea like me ka mea a lakou i inu ai i kinohi.

    Elua nae kumu pono e manao ai kakou, o ka mea i inu ia ia wa, aole  he mea e ona ai e like  me ka mea i kapaia he waina i keia wa.  Eia ka  mua;  ua ai lakou  a ua inu i na mea i koe ma ka papaaina  i ka wa i pau ka malama ana i ka ahaaina  moliaola.  Ma ke kanawai  no ia ahaaina,  ua papa ikaika ia.  "I na la ehiku, aole  e ikea ka mea hu me ae, i kou mau wahi a pau: Pukaana 13: 7.  O ka waina i loaa ia kakou,  he mea hu no ia e like me ka uala i hoowaawaia i mea e ona ai.  Nolaila, ua maopopo, aole he waina  o ia ano  e waiho  ana imua o lakou ia manawa.

    Eai hoi ka lua o na mea e manaoia ai, aole lakou i inu i ka mea  e ona ai, i ko lakou malama ana  i ka ahaaina  a ka Haku.  O Iesu a me kana  poe haumana, he poe noho malie, hana pono, malama i ke Akua lakou, aole he poe uhauha, puni i na mea e ona ai. Nolaila ua pono ia kakou e manao, ua maopopo aole lakou i inu i ka mea e ona ai i ka ahaaina mua o ka Haku.

    Elua manao maopopo i ka nana ana o keia mau mea.

Eia hoi ka lua.  Aole i pono e inu ma ka ahaaina a ka Haku i ka mea e ona ai.

Hoike kula Sabati o Helani, Kona

AKAU MOKUPUNI O HAWAII.

    E oluolu  oe e ka  "Nupepa Kuokoa," e lawe hele aku, i keia wahi puolo ukana a ke aloha, iwaena  o ko  kaua mau  makamaka puni hoonuu mea hou,  e noho mai la ma na Mokupuni  o ko Hawaii  Pae Aina,  a hiki loa aku i ko na Aina e.  Nona hoi ke poo e kau ae la maluna ;

    Ma la 30 o Iulai,  oia hoi ka  Poaono ; o ka la ia i manaoia, no ka hoike kula Sabati.  Ua kai aku na haumana,  o ka apana o Keauhou, me ka Hae Hawaii o ke kula Sabati, a komo iloko o Helani luakini, i ka hora 8 a oi aku.  A malaila no i hoonohoia ai ka huakai, no ka hele aku ma kahi e huiai,  me na haumana  o ka apana  o Kaumalumalu, ma Kapalaalaea.  A penei no ka  hoonoho ana o ka huakai, o ka mea e paa ana  i ka Hae Hawaii ka mua, a o na keiki puhiohe, a me ka hookanai  pahu mahope iho, a o ka papa kula Sabati o Keauhou aku, a o ka papa kula Sabati aku  o Kahaluu aku,  ,alalo o ka hooponopono ana a ka Luna nui o ka la, (D. L. K.)  a kai hele aku la makou ma kahi e huipuai, me ka papa kula Sabati o Kaumalumalu, a komo  iloko o ka laina hookahi, o ko makou hoi mai  la noia, a komo  iloko o Helani luakini.  A pau ka hoonohopono ana o na papa, ua ku mai ka Luna nui  o ka la, a hoomalu i ke anaina, a malu pono ke anaina, ua kahea ia mai ka papa himeni  o Keauhou,  e mele mai i kekahi heimeni no ka wehe ana i na hana o ka la,  a ua mele mai kela  papa himeni,  i ka leo mele o ka aina ma-o, malalo o ke alakai ana a Mrs. Msy. P. Kupahu, a pau ia, ua lilo ia Rev. S. N. Holokahiki ka pule, a wehe ia na hana.

    A mahope olaila, ua ku mai ka Luna nui o ka la, a hoike mai i ka papa hana,  e like me keia hoike ana.

KA PAPA HANA O KA LA HOIKE KULA SABATI O HELANI.

1.  He himeni  na na papa  himeni ekolu Kaumalumalu, Kahaluu, Keauhou.

2.  He elua ninau Baibala  no ka papa kula Sabati Hopale i ke anaina kula Sabati.

3.  He himeni pakahi na na  papa himeni ekolu.

4.  He haiolelo  na Kapolena  i ke anaina kula Sabati, penei ke  kumu manao.  No ke kula Sabati, kon ano, a me  na pomoikai e loaa ana ilaila.

5.  He himeni pakahi  hou nana  papa himeni ekou.

6.  He palua ninau  Baibala na  ka papa kula Sabati a Mahoe a me Maalo i ke anaina kula Sabati.

7.  He himeni pakahi  nana papa himeni ekolu.

8.  He haiolelo J. S. Kaulukou, iwaena o ke anaina kula Sabati, penei ke kumumanao. Pehea la e lilo ai na keiki  o na kula aupuni i poe mikiala ma na hana  kula Sabati.

9.  He himeni pakahi  nana papa  himeni ekolu.

10.  He elua ninau  Baibala, na  ka papa kula Sabati a Hoa, i ke anaina kula Sabati.

11.  He himeni pakahi nana  papa himeni ekolu.

    A pau ka hoike ana a ka luna nui o ka la, i ka papa hana.  Ua hoomakaia ka hana ma ka papa hana mua.  Ua mele mai  ka papa himeni o Kaumalumalu  i ka lakou leo mele i haku@, he maikai  no, aka, o ke kuhikuhi ana me na  lima i-o ia nei  aole o`u mahalo ma  keia ano, a pauia ua mele mai ka papa himeni o Kahaluu, i ka lakou leo  mele, ua kohu  like no ke  ano o kahana ana me ko ka  papa himeni  i hoike ia  maluna ae.  A pauia, ua mele mai ko Keauhou  i ka lakou leo mele, o Kai a naue i ka nani, a ua maikai loa ko lakou mele ana, ma keia leo mele.  A pauia,  ua hapai ia ka hana ma ke kumu elua, a pela aku no a pau  na kumu  hana i ka hoike ia.  Ua maikai  ka hapanui  o na hana, ku i ka naauao ka hapanui o na ninau Baibala, maikai  na manao haku  o na mea haiolelo.  O ka haiolelo nae a J. L. Kaulukou ka haiolelo i mahalo nui ia e ke anaina, nona ke poo.  "Pehea  la e lilo ai  na haumana o na kula aupuni i poe mikiala ma na hana kula Sabati!"  Oi nui aku ko`u mahalo a me ko ke  anaina i keia  haiolelo, oiwi, ma ia la ua lele pono ka olelo a kau maluna o ka mea nona ka palaka  a mikiala  ole ma ka hana kula Sabati.  Maikai a eehia na himeni i haku ia ma ke Alaula a me na himeni ma ka Buke a ka haku mele o Waimea a na papa himeni ekolu  i mele ai,  o ka papa himeni ekolu  i mele ai,  o ka papa himeni nae o Keauhou ke pookela o ka maemae ma ia la.

      Hui na hana ma ia la pokole  nae ka manawa, ua  hooholo  hikiwawe  ia nae me ka maikai, ua hoike ia no me ka miki oi mehe mea la ua poke ia a pau pono iloko o ka manawa mai ka hora 9 A.M a i ka hora 1 1/2 P. M. ka loihi o ka manawa o keia  hoike ana.  Nui no na mea  paipai manao i waena o na kamaaina a me na malihini, e hoeueu ana i ke anaina a i na kumu na haumana o ke kula Sabati e hooikaika hou aku a oi  mamua oia hoike ana, ko keia makahiki aku.

    Mahope iho o ka  pau ana o na  hana, ua hookuu  ia me ka pule  a S.N Holokahiki, hoi nui aku kela mea keia mea ma ko lakou mau home a ma ka ai Pakiki kekahi poe, no ka mea  aohe ahaaina i hoomakaukauia, no ka mea, he wi.  O ke keiki lalawai no nae o Keauhou  a me kona mau  hoa, ua  hoomakaukau no oia i wahi papa aina momona nana. Me ka mahalo.

                                                                                                                                    KEKAHI MAKAIKAI.

No ka wai o Halehaku a me KaupaKULUA.

E KA NUPEPA KUOKOA E:  Aloha oe:

    He pono paha ia`u  ke kamailo  aku i ka moolelo o kela wai i hoike ia maluna a i mea na oukou e olelo iho ai he kapikala  nui ma ke kiko-waena o makawao i na makahiki pokole e hiki mai ana.

    A eia malalo  iho nei kona  wahi moolelo ma ka pule  mua o keia mahina ua hookipa ia mai la ka mea kaulana W. D. Alekanekero ma kuu  Home Huleihale  no na  pile elua me ka hapa a ua hele mai no hoi oia me na lako paahana panana  kaulahao a me kekahi mau lako e ae a ua makaukau no hoi makou eha he mau lima paahana hoomaka makou i ka la mua ke kuhikuhi a kekahi Alakai a hiki i ke kahawai o Halehaku  ma keia la a makou e hele  nei he wahi  iliwai wale no ma ko makou lima  haalele makou  i ke kahawai o Halehaku a huli aku la makou i ke kum o ka wai o Honopou  a me Holawa e ia nae ma keia hele ana a makou iloko o na ululaau na pau na kahawai hohonu  nee iho la hoi ka ua kilihune i ka lau o na laau aohe i kana mai ua li o kaio, i ke anu a kaua kiu o na wahi kapa keia o makkou  pau i ka nahaehae eia nae, ua hoohoka ia makou ma keia hele ana a ohi nele mai la me ka luhinui. Kakahiaka ae hoomaka makou e ana i ka wai o Halehaku, mai kona kumu mai me ke panana  a me ke kaula  hao, a o ka  loihi mai kona kumu  mai a hiki i ka  lele ana  o ka wai i ka honua he 25 kaulahao oia ka puka ana o ka wai i ka honua mai laila mai a hiki i paliokamoa e loaa  na kaulahao  he 97, pahaohao  paha oukou  i kela  paliokamoa i olelo ia maluna, aole anei  oia ke kahawai o Alelele e moe pololei ilaila, a hiki i kai o Maliko, oia no.  Nolaila, e haalele  kakou i ka olelo  ana no  Halehaku,  no ke kahawai o kaupakulua o ka loihi o ke alanui iliwai mai kona kumu a hiki  i kona welau  e loaa, na kaulahoa he 61. Nolaila, e manao kakou, ua like na welau o laua, menei e like ai hoolawe ae ke 61, kaulahao no loko mai o 97, koe iho ke koena 36, oia ka oi  o Halehaku i ko kaupakulua  a ma na  welau o laua ua like. Nolaila o ke kiekie  o ka wai  o Halehaku, mai kona welau mai a hiki i ka welau o kaupakulua, E loaa  na kapuai 172 1/2.  Nolaila  i na e ku aku ma kahi  i hui ia ai na welau o laua  i kahi hookahi a nana aku i ka hale kula  o Rev. J. P. Grec,  ua haahaa ka hale kula ua kiekie ka iliwai i luna.  Nolaila ma kou noonoo ana he aneane elua mile, me ka hapa hiki aku keia wai  i Makawao  eia ka nianu  makau anei e ke Aupuni aole paha i kou manao, aole. Nolaila  ke waiho aku nei au i kou  aloha mawaena o na  makani eha a me na kai ewalu  o ko kakou mau ailana i ike iho ai oukou i ka nu hou  o ka Mokupuni o Kama, oia hoi ke la wai i olelo ia maluna.  Nolaila, o ka wa pono keia  ua kalae ka lani, ua ahuwale na kiowai o kulanihakoi ua pau  ka pa ana  a ka makani kona kulai kau hale  e wiki oukou  e naue mai  me na wahi lau oliva a ke aloha i na lima.  Nolaila o ke kau Ahaolelo  o M. H. 1872, e hiki mai ana a mamua aku oia ka wa e iho aku ai keia wai i ke kula  o ka Maomao, me ke aloha no i kou Luna  Hooponopono.

                                                                                                                            DANIEL KAHIPA.

Makawao, Maui Augate 23, 1870

HE KANAWAI.

E PILI ANA I KA APONOIA ANA O NA BILA AIE I KOI IA MAI KA WAIWAI O KA POE MAKE.

E hooholoia e ka Moi a me ka Hale Ahaolelo o ko Hawaii Pae Aina i akoakoa iloko o ka Ahaolelo Kaukanawai o ke Aupuni.

    PAUKU 1.  O no Bila Aie a  pau  i  koiia mai ka waiwai o kekahi mea i make, i waihoia ua bila la imua o kekahi Lunakanawai Hooponopono Waiwai i mea e aponoia ai, e like me ka mea i oleloia ma ka Pauku 2 o ke Kanawai i aponoia ma ka la 23 o Iune, M. H. 1868 e waihoia mai ia mau bila,  oiai i ka wa o ka Aha e noho ana, ma  kekahi la a mau la paha i kauoha mua ia.

    PAUKU 2.  E hiki no i na mea a pau nona ke kuleana maloko o kekahi waiwai,  e hiki no ia lakou ke hele mai ma ka la  a mau la paha i kauohaia, e like me ka mea i oleloia maluna, a e hoike mai i kekahi kumu e @ leia ai kekahi bila aie e koi ana.

    PAUKU 3.  E hoolahaia no na la i @ ia e hooloheia ai, ma ka hoolaha akea ana @ ma kahi ano e ae paha, e like me ka manao o ka Aha ke ku i ka pono o kela a me keia @ iloko o ia hihia.

    PAUKU 4.  Ina e ike ka Lunakanawai mamua ona e hooponoponoia ana ka waiwai aole hiki mai kekahi  mau  mea  nona kekahi mau aie, a e poino ana paha lakou no ka @he ole ia o ko lakou, alaila,  ua hiki no @ @ ke koho i mea kupono i hope no ia hana @ e ukuia ua hope la ka mea i kupono ma @manao o ka Lunakanawai Hooponopono Waiwai i oleloia, mailoko ae o ka waiwai e @ ia ana i ua poe hiki ole la, a e hooloi@ @ no ka manawa e hooiaioa`i na aie ke manao ka Aha he mea kupono, no ka hiki ole @ o kekahi poe nona ia aie.

Aponoia i keia la 18 o Iulai, M. H 1870.

                           KAMEHAMEHA K.

HE KANAWAI.

E AE I NA PALAPALA AE NO KA LAWE ANA I NA PU KIMANU, A ME NA PU E AE.

NO KA MEA,  o ke kanawai no ka @ ana i na kolea a me na man@ hoopomaikai e ae i aponoia i ka la 20 o Ape@. M. H. 1859, ua ike ia aole i loaa mai @ pono i manao ia ma ia  kanawai, a

NO KA MEA,  ua hoopoino nui ia ka @ mahiai a me ka hanai holoholona o @ Aupuni, i ka hoomake ana i na m@ pomaikai i laweia mai a i hiki mai @ mai na aina e mai, a me na mana @ mai i ko lakou manawa, mamuli o @ welawe nui ana i na pu ki-manu, @ @.

E hooholoia e ka Moi a me ka Hale Ahaolelo o ko Hawaii Pae Aina, i akoakoa iloko o ka Ahaolelo Kaukana@ o ke Aupuni:

    PAUKU 1.  E hiki no i ke Kuhina K@ aina, ke haawi i Palapala ae e lawelawe @ pu ki-manu a holoholona paha iloko o ka makahiki hookahi, i kela a me keia mea e @ mai ana, ke loaa mai na dala Elima no @ Palapala ae.

    PAUKU 2.  O kela me keia mea ma @ apana e lawelawe ana i kekahi pu, pu pokole: pu raipela, pu panapana, a me kekahi ana pu e ae, no ke ki-manu a holohona paha @ loaa ole mamua ka Palapala ae i olelo ia @ ku ka hewa iaia imua o kekahi Lunakanawai Hoomalu a Apana paha, alaila, e hoopaiia no oia i ke dala aole e oi aku  i ke kanalima no kela a me keia ofeni; a i na i uka oleia ia dala, e hoopaahaoia ma ka hana @lea, a kaa ia dala hoopai a me  na  koina, e like me ke kanawai.

    PAUKU 3.   E kakau inoa ia keia mau palapala ae, e ke Kuhina Kalaiaina, i hoailona helu ia, e like me na  la  i  hoopukaia  ai, @ me ke kau pu ana i ke sila  o ka oihana, @ ka hiki ole ke hoolilo ia aku ia palapala @ hai.

Aponoi i keia la 18 o Iulai, M. H. 1870.

                  KAMEHAMEHA R.

    Mamua iki iho o ka hoopaneeia  ana o ka Ahaolelo Senate, ua hoouna aku o Generala Kalani, he elele iloko o ia Hale,  e kono ana e hooholo i olelo hooholo, e ae ana i ke kua@ ana a me ke ana pono ana i na moku  o na aupuni e, e holo ana malalo o ka Hale Hok@ o Amerika Huipia.  Aole nae  i  hana  @ ka Hale Ahaolelo a  hoopanee wale no i keia.  Oiai e kauo ia ana na mana nui o Europa iloko o ka hakilo ana i na kaua a Farani a me Perusia, aole loa he hae ku i ka wa no na moku e holoholo nei mawaena o Amerika a me Eurpoa, aka,  o ka poe Amerika nae ka poe nana e hooholo  nei  i  na mo@ lawe leta.  Aohe mau  mokuahi  Amerika ponoi ma ke kai Atelanika  no  ka lawe l@ aka, o ka poe Pelekane, he kakini a oi ae @ mokuahi; a o na Farani hoi a me na Geremania, he mau laina mokuahi pakahi ko @ua.  E ulupa io ia ana paha na moku Geremania.  Ua hoonaia ae la  he au m@ kaua Farani e pani a e  hoopahupahu @ @ awa ku moku  o  Perusia,  mai Eme@ed@ ma ke Kai Akau a hiki i memela ma ke k@ Balatika, he mau awa e ku kakaawale ana iloko o na mile he 600 a  oi  ae  paha.  Ke waiho nei me ka maopopo ole, owai la o na aupuni elua, o Farani a o Perusia paha ka ikaika o laua ma ke kai.  Ua lako pu @ laua a elua i na moku hao, a ke  komo n@ laua e ki-pu  aku a ki-pu  mai.  Ma na @ hou i hoea mai, aole no i maopopo lea @ na mea ikaika, a i na e ikaika like ana laua, alaila,  e auwana like ana paha laua ma ke kai akea`a e powa mai paha auanei ka hopena.  Ua hoao ia kekahi mau kukakuka ana, e lawe mai i na lahui a hoopaa na manao, mai powa aku i na moku  kalepa  o  ka enemi, aka, aole nae he hopena i loaa m@. He mea kanalua ole e pio aku ana a pio m@na moku Farani a  Perusia,  a  o  ka lawe ana i na ukana, e haule ana ia  maluna o ka lawelawe ana a na lima o na Amerika a me na Beritania.

    Mai ka hoomaka  ana mai nei o ke kaua mawaena o na  kanaka  ponoi o Cuba  a me ke  aupuni makuahine,  oia o Sepania,  ua pau aku i ka  make,  he umikumamaha na Generala o Cuba ponoi.

    O ka nui o na kanaka i hoopoinoia maloko o ke ahi  nui i lapalapa  ai  maluna o kekahi  hapa o ke  kulanakauhale o Kona@pela, ua hiki aku i ka elua tausani na ola.

    Ua eku  mai nei  kekahi puaa. Misoori, @ loaa he $2,000 ma ke gula,  malalo o ka lepo. I ka wa kaua huliamahi o Amerika Huipuia, ua hunaia  keia puu  dala e kona  ona malalo o ka lepo, a  ua noho  palaka oia me ka noonoo ole, a na ka puaa i eku mai nei @ ikeia ana.