Ka Nupepa Kuokoa, Volume IX, Number 28, 9 Iulai 1870 — Page 2

Ka Nupepa Kuokoa

KE KILOHANA POOKELA NO KA LAHUI HAWAII.

 

            Heluhelu alua ia ka bila e hoohaiki ai i na Kula Kuokoa. 

            Noi mai o Mr. Hikikoki, e kakau poepoe. 

            Kue mai o Mr. Laiana i ka bila, a noi e hoopanee loa. 

            Kokua mai o Mr. Kahaulelio i ka bila.  Kue mai o Mr. Kuapuu i ka Bila. 

            Noi mai ke Kuhina Kalaiaina e waiho aku na ka Papa Hoonaauao e noonoo. 

            Ninauia ka hoopanee loa a haule. 

            Ninauia ka hoihoi aku i ka Papa Hoonaauao a hooholoia. 

            Heluhelu alua ia ka bila e papa ana i na hale inu kope, ai, kuai rama a hale pahupahu aole e hookipa aku i na keiki ia ka wa kula. 

            Hoololi mai o Mr. Pilipo e hui pu aku, na hale wili-ko.  Ae ia ka hoololi a kauohaia e kakau poepoe. 

            Hoopanee ka Hale.

 

La Hana 52--Poaono, Iulai 2.

            Halawai ka Hale i ka hora mau. 

            Pane mai ka Loio Kuhina no ka ninau e pili ana i na uku mile, na ka Hope Makai ia, o ka ninau a me ka huli aua, aka, ma na hookolokolo o na apana kuaaina, aohe i lawa ka uku. 

            Heluhelu mai o Mr. Kaai he olelo hooholo, e noi ana, e koho hou ia i mau lala elua no ke Komite o na Aha Hookolokolo.  Ua hooholoia.

            Kohoia o Mr. Kaai a me Mr. Kaukaha i mau lala.

            Ma ka ae ana mai o ka Hale, ua heluhelu mua mai o Mr. Kahaulelio i ka bila a hookaawale ana i Lunakanawai Apana no Kaanapali.

            Waiho mai o Mr. Wahine, ne olelo hooholo, e noi ana, i $500 no ke Alahaka ma Honolii.  Hilo.  Waihoia i ke Komite kupono,

            Ma ka ae ia ana, ua heluhelu mua mai o Mr. Ailuene i ka bila, e puhi rama.

            Ma ke noi a ke Kuhina Kalaiaina, ua hoopanee loa ia--he 22 ae 4 hoole.

            Ma ke noi a Mr. Pilipo, e noonoo hou i ka bila o na keiki auwana ma na hale inu ki, a pela aku, i hookomo aku ai ia i hoololi.  Ua aponoia.

            Hoololiia mai e kapae i na huaolelo ma waena o na hora, "mai ka napoo a ka puka ana o ka la."  Hooholoia.

            Olelo mai o Mr. Laiana, ua ino ka bila ma ka hoololi o nehinei, a ua maikai no ka bila e like me ia.

            Kokua mai ke Kuhina Kalaiaina i ka bila e like no me ia i laweia mai ai.  Aohe ia i iki i ka huipuia ana mai o na Mahiko.  Ua kokua ia i ka hoololi o keia kakahiaka, aka nae, nonoi mai e hoololi i na hoololi e ae.

            Kamailio mai o Mr. Hikikoki i ka pono o ka bila e like me kona ike pono iho, no ka mea, ua makemake oia, in a paha e papa ia ana na hale inu ki a pau ma keia pae aina.

            Kue ikaika mai o Mr. Kalama i ka bila, a noi mai e hoopanee loa, aka, mahope hoihoi hou oia i kana.

            Ninauia ka hoololi a haule, nolaila, hooholoia ka bila e kakau poepoe e like me ke noi.

            Olelo mai ke Kuhina Kalaiaina, oiai o ka Poakahi e hiki mai ana, oia ka la 4 o Iulai, no laila, e hoopanee keia Hale a halawai hou i ka Poalua.

            Noi mai o Hon. Kamekau, aia i ka wa e paina ai, alaila, e ae ia na hoa a pau e noho mai no na hana ano nui i hookahi hora.  Ua hooholoia.

            Hapaiia na hana o ka la, oia ka bila e hoopau ai i ke Kanawai e hoemi ana i na ino i loaa ma ka hookamakama ana ma ka heluhelu alua.

            Noi mai ke Kuhina Kalaiaina e hoopanee loa.

            Olelo mai o Mr. Laiana, aia ka mahope o ko kakou ike ana i ka pii nui o ke ino ma keia Kanawai, e lohi ai kakou i ka hoopau.

            Kamailio mai o Mr. Hikikoki ma ka aoao hoopau loa i ke Kanawai.  Hohe i pau ka hoopaapaa ana, hoomaha ka Hale no ke paina awakea.

            Halawai hou i ka hora 12 1/2.

            Noi mai o Mr. Kahaulelio, e hoopanee a Poalua.  Ninauia a haule.

            Hoomaka hou o Mr. Hikikoki, i ke kamailio no ka pono e hoopau i ke Kanawai Laikini, ma na kumu kupono no ka hoopau loa.  No ka mea, malalo o keia Kanawai, he 969 ka nui o na wahine i lawe i ka laikini.  He 140 wale no o lakou o Oahu, a o ka nui i oi aku mamua o ka 900, no lakou na makahiki mai ka 16 a hiki i ke 30 o na wahine ui--ina kakou e lawe ae ia heluna mai ka poe hanau keikimai o keia pae aina, e like me ka hoike i hana mai, e hoike mai no ia, he 4 hanau i keia heluna nui iloko o na makahiki he umi.  Eia hoi:  ma na hoike a na wahine ponoi, o na Makai ka poe weawea o keia mea maa; a ma ka ninau hou ana aku, ua makemake lakou a pau e hoopauia keia Kanawai, i mea e hoopauia ai keia hana ino.  He loihi aku no koe.

            Kokua mai o Mr. Kuapuu i ka hoopau.

            Kokua mai o Mr. Kaukaha i ka bila.

            Ma ke noi a ka Loio Kuhina, ua hoopaneeia ka Hale.

La Hana 53--Poalua, Iulai 28, 1870.

            Hoomaka ka hana e like me ka mau.

            Ma ke kapaeia ana mai o na rula, ua heluhelu mai la o Mr. Pilipo, he hoopii no Honolulu, e noi ana e hooooaia na kai lawaia Konohiki a Aupuni.  Waihoia i ke Komite a o na hana hou.

            Hoike mai ke Komite o na wea Huikau e noonoo pu i ka hoopii a Hilo, no ke alahaka ma Honolii, me ka Bila Haawina.

            Ma ka ae ia ana mai, ua lawe mai la o Mr. Aholo i ka bila e hookaawale ai i ka oihana wai o Lahaina.  Heluhelu mua ia, a ma ke kapae ana i na rula, ua heluhelu alua ia ma ke poo, a waihoia i ke Komite Wae, no lakou na inoa Kahaulelio, Aholo, Loio Kuhina, Komo a me Hanaike.

            Waiho mai o Mr. Halemanu he hoopii e hookomo i $500.  no ka Halepaahao ma Hamakua.  Waihoia a noonoo pu me ka Bila Haawina.

            Waiho mai o Mr. Naukana he olelo hooholo e kauohaia ke Kuhina Kalaiaina e hoolako mai i na kanawai i hooholoia ma ka pau ana.  Hooholoia.

            Waiho mai o Mr. Kahaulelio he olelo hooholo, e hookomo i $500.  no ka hoomahuahua ana aku i ke kula kaikamahine o Lahaina.  Hoomoeia.

            Ma ke kapaeia ana o na rula, ua lawe mai la ke Kuhina Hailase he Bila e ae ana i ke Komisina o na aina aupuni, e lawe ae i kekahi apana aina.  Hooholoia ma ka heluhelu mua, a o ka heluhelu alua koe.

            Waiho mai o Mr. Wahine he olelo hooholo, e hana ke Kuhina Kalaiaina i Kanawai no na haku a me na kauwa:  a e kepaia na kapaka paahana e like me na loina e ke aupuni, a e kukuluia na luna kepa ma na mokupuni a pau.  Ua kipakuia ka olelo hooholo a Wahine no ka bana rula ole.

            Heluheluia ke Karaima i hooponopono hou ia ma ka heluhelu akolu, a hooholoia i Kanawai no ka aina.

            Hapaiia ka Bila Haawina.  Komite ka Hale.  Noho o Mr. Aholo ma ka noho.

            Uku L. K. Kaapuni Oahu $1,600.

            Noi mai o Mr. Hikikoki, e waiho a laweia mai ka Hoike a ke Komite o na Aha Hookolokolo.  Hooholoia.

            Kokua no na Koa $75,000.

            Noi mai o Mr. Hikikoki e hoaponoia ka hoike a ke Komite Koa, a e hooholo i ka haawina e like me ia.

            Kue o Mr. Kahaulelio no ka haawina no ke puhi ohe.

            Kokua mai ke Kuhina Hailase i ka haawina.

            Noi mai o Mr. Kaukaha e hoemi iho i ka haawina i $7,000.

            Kokua mai o Mr. Kahaulelio i ka hoemi ana i ka haawina no ke puhi ohe.

            Kokua mai o Kaai a me Komo i ka haawina a ke Komite i hoapono ai.

            Mahope o ka ninau ia ana, ua hooholoia he $75,250.  e like me ka hoololi a Mr. Laiana.

            Uku Kakauolelo a ke Kiaaina Oahu $600.  hooholoia.

            Uku Kakauolelo a ke Kiaaina o Maui $800.  hooholoia.

            Hoololi mai o Mr. Kahaulelio i 1,600.

            Mahope o ka hoopaapaa ana, ua hooholoia ka hoololi.

            Ma ke noi a ke Kuhina Hailase ua hoopau ia ke Komite a hoopaneeia ka Hale.

            La hana 53--Poakolu, Iulai 6, 1870.

            Hoomaka ka hana e like me ka mau.

            Hoike mai ke Komite o na Aha Hookolokolo, e hoomoe i na hoopii o Waialua i $300.  no ka Hale Hookolokolo malaila--me ka hoopii o Makawao, e kukuluia ka Aha Kaapuni ma Wailuku--a me ka hoopii a na Makai no ka hoomahuahua ae i na uku.  Hooholoia.

            Noi mai ke Kuhina Waiwai e hapai hou ia ka noonoo no ka uku o ke Kakauolelo a ke Kiaaika o Maui.  Hooholoia.

            Hapaiia ka hana o ka la, oia ka Bila e hoololi ai i ke kanawai kuai awa, ma ka heluhelu akolu, a ua hooholo loa ia.

            Heluhelu akolu ia ka bila e hoololi ai i ke Kanawai e hoopau ai i ka Mokuna 10 o ke Kanawai Kivila a hooholoia.

            Heluhelu akolu ia ka bila e hookaawale ana i haawina hoomau no Hon. C. Kanaina.

            Noi mai o Mr. W. P. Kamakau e hoopanee loa.

            Olelo mai ke Kuhina Hailasi, aole ona makemake e hooholoia keia bila.

            Ninauia ka hoopanee loa a hooholoia.  20 ae 14 hoole.

            Heluhelu akoluia ke Kanawai no  na uku mile, a me ke noi a ke Kuhina Kalaiaina, ua hoopaneeia a ka la apopo.

            Heluhelu akolu ia ka bila e hoomahuahua ai i ka auhau waiwai paa.

            Noi mai o Mr. S. M. Kamakau e hoopanee loa, a kamailio mai i kana mau kumu, e kapa ana, o ke keu keia a ka Ahaolelo hana i na Kanawai hookaumaha i na makasinana.

            Kokua mai o Mr. Laiana i ka bila, pela no hoi o Kaai.

            Kue mai o Mr. Wahine i ka bila.

            Kamailio mai ke Kuhina Kalaiaina ma ka aoao o ka bila, aka, aole i pau ka hoopaapaa hoomaha ka Hale e paina.

            Hora 12 1/2 halawai hou.

            Kamailio mai ke Kuhina Kalaiaina, he pono e papaluaia ka auhau maluna o na waiwai paa.

            Kokua mai o Mr. Hikikoki i ka hooholo ana i ka bila.

            Mahope o ka hoopaapaa wale ana, ua ninauia ka hoopanee loa a ua haule.

            Ninauia ka hooholo, a ua hooholoia.  27 ae S hoole.

            Noi mai o Mr. Kalama e hapai hou ka noonoo ana.  Haule.

            Komite ka Hale no ka Bila Haawina.  Noho ka Loio Kuhina ma ke Noho.

            Hapaiia ka noonoo no ka uku o ke Kakauolelo a ke Kiaaina o Maui.

            Noi mai ke Kuhina Kalaiaina, e hooholo ia e like me ko ka bila i $800.

            Olelo mai Ka Mea Kiekie W. C. Lunalilo ua haohao loa ia i ke Kuhina Kalaiaina i kona koho ana ma ia mea i nehinei.

            Olelo mai ke Kuhina Kalaiaina i koho au i hiki ai ke hapai hou.

            Kokua mai o Mr. Kamakau i $1,600.

            Hoololi mai o Mr. Laiana $1,000.

            No ka hoopaapaa loa.  ua noi mai ke Kuhina Hailase e hoopau i ke Komite a ua haule.

            Ku hou mai Ka Mea Kiekie W. C. Lunalilo, a kamailio mai, i ka wa e noho ana he kanaka ma kela oihana, aole i hoopiiia ka uku, aka i ka hoonohoia ana aenei he haole, ua hoopii koke ia.  Ua minamina loa Ka Mea Kiekie i ka lohe ana i ka olelo a ke Kiaaina o Maui i nehinei, no ke kiki o na kanaka ka mea i hoonohoia ai i haole malaila.  Ke olelo nei ia, in a hookahi kanaka aihue, alaila ua aihue anei na kanaka e ae a pau.  He ano no ia iloko o ke kanaka, he maikai kahi a he ino kekahi.  Ua naauao ka lahui Hawaii.  a ua maopopo loa ia'u, ua hiki loa i kekahi Hawaii ponoi e lawelawe i kela oihana.  Auhea na Lahainaluna i hoonaauaoia.  He poe aihue anei lakou a pou.  Hoao aku ia lakou.  Heaha ka pomaikai o ka naauao ia lakou ke ole e hoaoia ma na oihana.  Hoao aku.  He loihi aku na olelo kupono a Ka Mea Kiekie (aka ua minamina makou i ka nana wale mai o ka hapa @ i o @a ili ulaula o kakou ma kela Hale @@ He hoopomaikai haole ko lakou ake nui?

            Ninauia ka hoopaa i ka $1,600 @@@

            Ninauia e like me ka @@@ @loli@a.

            Noi mai o Mr. Hikikoki e hoopau i ke Komite.  Ae ia.

            Hoopanee ka Hale.

 

Ka Nupepa Kuokoa.

 

Honolulu, Iulai 9, 1870.

 

Na Hana o ka Ahaolelo.

 

            Ua laweia mai imua o ka Hale Ahaolelo e Mr. Ailuene, H. Boyd, Lunamakaainana o ka apana Hanohano o Honolulu.  ma ka Poaono aku nei i hala, he Bila Kanawai, e ae aku ai i na Mahiko e puhi rama, aka, mamua ae o ka loaa ana o ke kokua, ua hoolewa ia aku la ua bila la, mamuli o ka pepehiia ana e ka lehualehua o ka hale, a he aha wale no ma ka aoao e ae aku ana.  Ua ike e no paha ka mea nana i lawe mai, aole e hola ana, nolaila, ua kakauia ae la ia i kona inoa ma ka aoao o ka poe makemake e hoopanee loa.

            Ua hilahila loa makou makaainana i ka lohe ana i kekahi mau olelo pilikino i hoopukaia e kekahi lunamakaainana kamaaina, ka " Luna naauao loa mai Hili mai" he keiki na kekahi makua o ka pono.  I ko makou lohe ana i kana mau huaolelo kuamuamu i ka Luna o Honolulu, mailoko mai o kona waha ponoi, ua huli makou i hope a nana aku i kona mau makua pono, in a paha, ua ao pu ia mai oia e hoopuka pilikino i na olelo kuamuamu i kona hoa kanaka.  Ua poina paha iaia ke Kanawai Gula.  "E aloha aku i kou hoalauna, e like me oe ia oe iho."  Aole makou i manao, o ka hoonohoia ana o kekahi kanaka i Luna nui no ka Hale, he kanaka ia i wae ia mailoko mai o na kanaka hailiili o ke ao nei, aka, i waeia i kanaka naau akea, kaana like i ka hooholo ana, aole ka hoike mai i kona manao pilikino, buhu a nukunuku, oiai e kaawale ana ka mea ana e nuku ana.  Aole no anei e hiki ia ua keiki hoopono la, ke olelo ma ke ano maikai a oluolu?  Ke makemake nei makou e hana pono ia na hoa o ia Hale Hanohano me na olelo ino ole e like me keia i hoikeia ae la.

            Ua kaumaha loa makou i ke kapa aku i kekahi o na lunamakaainana o keia Kau, he Aia, oiai, ma na huaolelo i puka ponoi mai ka waha mai o kekahi, i lohe ia ai keia mau huaolelo.  "Heaha la ke Akua?  He a-i a me ka i-a ane?  Aole au i ike ia mea he Akua.  Aia la i hea ke Akua?  Aole au i manao ia mea he Akua.  He nui ka poe e manao no ke Akua.  Aole au i manao, he pono ke lawe mai i na kanawai pule Akua."  He mau olelo keia i puka e pili ana no kekahi mau olelo a Mr. Hikikoki.  Aole makou i ike i ka Aia nui e like me keia i na Kau i hala aku, oiai, mahope o ko S. P. Hoonaauaoia ana malalo o ka hoomana haipule oiaio, a haawiia iaia na pomaikai a me na mahalo, i kepa mai ai oia, a nuku, a hoole loa, aole he Akua.  I ka wa mamua aku o ko kakou hoonaauaoia ana e ka pono Karistiano, aole he mau kanawai palapala ko kakou, a aole he mau Ahaolelo nui e like me ko keia wa.  O ke kumu nae i ala mai ai keia mau mea ano hou, oia no ka hookomoia ana mai o ka ke Akua mau olelo, a S. P., i makemake ai i ka wa naauao on a, aka, i keia wa ano hou on a, ua hoole mai la, a heaha la auanei koe?

            Ma ka aoao eha o ka pepa o keia la, e loaa ai ka hoike a ke Komite no ka Imi Ola, a ua manao makou, he mea pono e nana nui ia kela hoike.  Ma ka hoike a ke Komite, ua ikeia iho, e olelo ana, "Ma na hooikaika ana o ke aupuni e kaohi i ka laulaha ana o ka mai Lepera, me he mea la, ma ka nui, ua holopono."  Ke ikeia nei ma kela a me keia wahi na mai o keia ano, a ma Honolulu nei hoi i kela a me keia la, a pehea la ke Komite e olelo nei, "ua holopono?"

            Ua laweia mai ka Bila e hoololi ai i ke kanawai o na haku a me na kauwa e Mr. Matina, aka, aole nae i noonooia, nonoi e mai oia e waihoia i ke Komite Wae, a na lakou e hooponopono hou.  Kanalua makou i ka mea nana ia Bila.  Na Mr. Matina ponoi paha, a na na haku kalepa kanaka e ae paha e noho nei.

            Ua hooholoia kekahi manaka o ka Poakolu iho nei, ma ka hoopaapaa ana i ka uku o ke Kakauolelo a ke Kiaaina o Maui.  Maloko o ka Bila Haawina, ua hookaawaleia he $800.00 no na makahiki elua, aka.  hoololi mai hoi o Mr. Kahaulelio i $1,600.  Ma keia  hoololi i ku ai ka mea kiekie a kamailio mai no ka houukuia o ka uku i ka wa he kanaka.  a i kaa aenei ka hana i ka haole, o ka hoopiipiiia aenei ia i $1,600.  Ua puka mai ka aoao  hoopii i ka uku, ka manao, e hoahewa ana i na Hawaii ponoi i noho mua ma ia wahi.  Aohe hilinaiia o kanaka no ke kolohe i ke dala.

            Ua mahalo loa makou i ko Ka Mea Kiekie pane pololei ana, i na ua hewa kekahi kanaka, hoao ae i kanaka e, aole o ka hewa o ka mea hookahi i hana ai, oia ka mea e hoahewa aku ai i na Hawaii ponoi a pau.  Ua naauao ka lahui kanaka, a he pono e haawiia na oihana ia lakou e hana.  He kolohe no kekahi poe haole, a hana pololei kekahi.  Pela no na kanaka.  Mahalo makou i Ka Mea Kiekie @@ on a manao aloha i na makaainana.  @@  aole no paha e hiki ke ole ka @@@@@  manao aloha.

            @@@@@@@@mina makou i ka hoopuka ae ma keia wahi, he poe lili ka hapa nui o na elele a na makaainana i hoouna mai ai i ko lakou lahui iho.  Eia ka makou mea maopopo i na he uku no na haole, emoole ka hooholoia me ka hoomahuahua ae.  Ina he uku no kanaka, ke pihi lolelole ia mai la no ia a mimino.  Aole no ka hiki ole o na kanaka i ka pano poo o ka naauao, aka, no ka lili maole no.  No ka manao lili paha, he ola ka Hawaii i ka popolo.  alamihi, pualele, puakalo, luau, a me ke palula;  a o ka haole, i ka waiu bata a me ka berena, na ai kumukuai kiekie.  Ma mamake no kakou ia kakou iho, "i make no la hoi o Pamano i ka io ponoi."

 

Ka La Eha o Iulai ma Honolulu.

 

            O keia ka la 4 o Iulai o kela me keia makahiki, mawaena o na puuwai Amerika a pau, ma ka home a ma na aina e, he la ia no lakou e kulaia ai a e hoomanao hauoli ai no ka loaa ana ia lakou o ke kuokoa a me ka lanakila, mai ke aupuni nui mai o Beritania.  He kanaiwakumaha makahiki i hala ae nei, e noho ana ke aupuni o Amerika Huipuia ia malalo o ka hoomalu ana a Beritania, aka, mamuli o ko lakou hooikaika ana e kuokoa a e lanakila, ua hoopaa lakou ia lakou iho, ua hoopaa i na ola, na waiwai a me na pomaikai mamuli o ke ake nui e pale aku i na pono hiki ole ke hooliloia o ke kanaka, i ke ola, ke kuokoa a me ka noho oluolu ana.

            I kela wa mamua, he ekolu wale no miliona na kanaka o kela Ripubalika, aka, i keia wa, ua pii ae ia lahui a mahuahua i ke kanaha miliona, a ke hele loa aku la i ka nui; mamuli o ke alakai ana a ke kanaka kaulana o ia au o kela Ripubalika, a ka mea nona ka inoa poina ole i ka lakou mau mao, ke Generala Keoki Wasinetona, i loaa ai ka lanakila ana a me ke kuokoa.

            Mahope o ka lanakila ana o kela Alihikaua kaulana i haiia ae la, aole oia i lawe i ke aupuni e noho Moi a hoohanohano ia ia iho, aka, ua ae oia e kohoia ke kanaka nui hoomalu aupuni o ia Ripubalika, ma ke koho balota akea ana i kela a me keia Aha makahiki.

            Mai ka wa mai o Keoki Wasinetona i hoonohoia ai i Peresidena ma ka la 3 o Aperila M.H. 1789, a hiki i keia wa o ka Peresidena U.S. Kalani e noho nei, he umikumamawalu ka nui o na kanaka i hoonoho Alii kuiia ma kela Ripubalika.  O ke kiekie o ka poe noho Peresidena he S makahiki, a o ka haahaa he hookahi malama no ka make e ana.

            E like me ka olelo kauoha o ko lakou makua, "ma na wahi a pau a na puuwai Amerika e hele ai, e hoomanao mau lakou i ka la o ko lakou kuokoa ana."  pela no lakou i malama ai ma Honolulu nei.

            Ma ke aumoe, ua puka ae la kekahi poe puhi ohe, a hele aku la ma na home o kekahi mau Amerika ponoi e puhi ai.  Ua haawiia mai ia lakou na mahalo a me na hoomaikai ana, mai ka poe mai a lakou i hoala aku ai iloko o ka hiamoe.

            KE ANO O KE KAKAHIAKA O KA LA EHA.

            Ua wehe mai la na kukuna o ka la, aka, mamua nae o ka poha ana mai, ua hookaniia mai la kekahi mau pu kuniahi hoomanao no ka wehe ana o ka la hauoli o na Amerika.  Ua muimuia ae na alanui e na kanaka, e hoike mai ana no hoi, e lealea ana na kanaka e like me na haole nona ka la hookahakaha.

            Ua puka ae kekahi mau lede a ka poe keonimana o ka Ahahui Hoole Waiona, a hooholo lio aku la, ma na awawa uliuli o kakou mauka aku nei, e hoohala i ka la, iloko o na lau nahelehele lipolipo a ka wao, i hoopulu wale ia e na paka ua, a i kau mau ia hoi e na kulu kehau a ka noe.

            KE ANO O KE AWAKEA O KA LA.

            Ma ke awakea, ua ikeia aku na lio e holoke mai ana, pau pu o na kanaka maoli a me na haole.  Ua haawiia hoi he mau ahaaina ma kekahi mau kauhale e na kanaka a me na haole, no lakou iho a me na mea a pau e kipa aku ana.  Ua hoohalaia hoi ka manawa o kekahi poe ake ki palahu me Kula o Kahua, e ki manu ma ka uku ana i wahi koaka, i ka mea nana ka manu, aka, ua lohe mai nae makou, he eha wale no wahi palahu i ku i ka poka, i loko o na hora 4 o ka noke ana i ke ki. 

HOOKIPA MA KA HALE O KE KUHINA AMERIKA.

            Ma ka hora 12 o ke awake, ua hookipa iho ke Kuhina Noho o Amerika Huipuia His Ex. H. A. Pierce i ua Kuhina Aupuni.  na Kuhina Noho o na Aupuni e, na Kanikela o na Aupuni e mai e me ka poe a pau i hele aku e ike kino ia ia.  maloko o kona Hale noho.  Aohe mau hana ano nui malaila, aka, ua inu ia nae na ola o ka Peresidena o Amerika Huipuia a me Kamehameha V.. a ua hoomanao pu ia hoi no Keoki Wasinetona.

HOOKIPA MA KA HALE O KE KANIKELA AMERIKA.

            Ma ka hora 1 1/2, ua hookipa aku ke Kanikela Amerika, Adamson Jr., i na kuhina, na luna aupuni o na aina e, na kane a me na wahine! hele aku e ike, ma ka Hale Ema.  Ma ia halawai ana, ua oluolu i ke Kanikela nona ka la kulaia, e haiolelo mai i mua o ke anaina, no na mea e pili ana i ka hoomanaoia ana o kela la nui kaulana, ka la 4 o Iulai.  No ka loihi loa o ka Ahaiolelo, aole makou e unuhi ana.

AHAAINA KAMALII MA NUUANU.

            Ma ka hora 3, ua akoakoa ae na keiki Amerika ma ka pa o Mrs. Paty, ma Nuuanu, i hiki aku paha i ka haneri kanalima ka nui.  No ka maikai o ka la, aohe mea nana i hoomak'uka'u i ka lealea ana o na keiki.  Ua kaapuni iho lakou maloko o ka pa me ka paikau ana, a e lealea ana hoi, aka, i ko lakou lohe ana i ka pii ana aku o ka poe puhi ohe, ua puka mai ka huakai kamalii mailoko mai o ka pa, a hahai maila a loaa ka poe puhi ohe, alaila, huli lakou i hope, a hahai aku la i ka poe puhi ohe, no ka mea, ua kaa aku la lakou mamua.

            Hele pololei lakou a kuku ma na aoao o na papakaukau loloa elua i hoomakaukauia no na kamalii, a hoomaka iho la lakou e paina, me ka hoana e ana i na kama ma na wahi kaawale, huli aku a huli mai.

KE ANO O KE AHIAHI O KA LA.

            Ma keia manawa, ua lulumi mai la ka poe holoholo lio iloko nei o ke kulanakauhale, mahope o ko lakou hooluolu ana ma na ea maikai o na awawa, na kuahiwi a me na kula panoa, a ua ikeia aku lakou e holo lealea mai ana.  Ua oluolu makou i ka hoike aku, aohe nui wale o ka poe i hopuhopuia e na popoki o ke aupuni ma ia la, no ka mea, ua malama pono ka nui o lakou ma ka lealea kupono.

PANINA O NA HANA O KA LA,

            Ma ka hora ahiahi loa, ua hoolaia ae ka Halepule o ka Ahahui Hoole Wai Ona, Helu 1, o keia kulanakauhale, e ka poe lala nona ia Hale, a me na hoa e ae paha o na Ahahui e aku.  Aohe no e hiki ia makou ke hoike aku.  he maikai a he ino paha, no ka mea, aole makou he ike maka, a aole no hoi malaila.  O ka palena keia o na hana ano nui o ka la, a kuu aku la na lealea e hoomoe.  Aole no hoi i aluna ahiahi loa aku, hoohelelei mai la na kulu paka ua o ka lani, a hooma-u iho la i ke kulanakauhale panoa o Honolulu.

 

NU HOU KULOKO.

 

Oahu.

            HOOHUI IA.---Ma ke ahiahi o ka la 21 o Iune, ua hoohui ia ma ka berita paa o ka mare, o Rev. H. Kauaihilo me Poipe Nakapalau ma Hauula, na Rev. E Kekoa laua i mare.  E mahaloia ka mare no na mea a pau.

 

            HOOPII IA KA IDAHO.---Ua hoopii ia ka Idaho, kekahi o ko kakou mau mokuahi holo mau mawaena o kakou nei me Kapalakiko, no kona lawe ana aku i na ohua mai Honolulu nei aku, i oi aku mamua o ka piha kupono.

 

            HAIOLELO HOOLE WAI ONA.---Ma ka hora 7 1/2 o ke ahiahi Sabati apopo Iulai 10, maloko o ka luakini o Kawaiahao, e haiolelo ana na mea Hanohano W. Toma Matina a me W. H. Laiki, no ke ino o ka wai on a.  Nolaila, ua kono ia na mea a pau e hele ae e hoolohe.  E naue ae e ka poe puni wai on a, i lohe i na olelo ao maikai.

 

            PUALI KOA RIFLE.---Ma ke kakahiaka o ka la 4 o Iulai, ua puka ae ka puali koa Rifle i ke ki pu, ma kai iho o Puowina lakou kahi i ulele ai i ke kanikani ana, ua ku i ka uleu me ke akamai.  A nui no hoi ka poe i hele aku malaila, e ike maka, ua hauoli no kahi manao me ka mahalo pu aku no hoi, no ka makuakau.

 

            AHAHUI LAHAINALUNA.---Ma ka po Poalima ma ka luakini o Kaumakapili, ua halawai ae na lala, a eia na Luna i kohoia.  Peresidena W. L. Kaholokahiki, Hope Peresidena, Ioba Kahema, Puuku o E. Mikalemi, Kakauolelo o J. Kaaloa.  Na lala o ke Komite hooko, G. B. Kalaaukane, D. B. Mahoe, S. M. Naukana, J. Alapai, J. Amala.

 

            HOOMAKA KE KULA NUI O LAHAINALUNA.  O ka Poakolu i hala aku nei o Iulai la 6, oia ka la e hui ai na haumana o keia kula, ka poe kahiko me ka poe hou, aka, ke kanalua nei makou i ka hai aku e pau pono ae ana paha na haumana mamua o ka manawa, aole paha, no ka mea, aohe i hoi mai ke Kauai, ke hoolohilohi mai la no hoi ko Hawaii.

 

            PIHA PONO I KA OHUA.---Ma ka holo ana aku nei a ke Kuna Neti Mele, ma ke ahiahi o ka Poalua iho nei, ua ike iho makou i ka piha pono loa i ka ohua, ke hele la a oi wale aku mamua o ka palena a ke kanawai i ae mai ai, no ka piha loa, nolaila, ua manao ke kapena e waiho i kekahi mau ohua e holo ana i Lahainaluna, aka, ia ia e hoihoi ana i kekahi mau keiki, ua olahani like mai na keiki a pau e lele hou i uka, nolaila, ua ae hou ia aku ia mau keiki e kau hou aku maluna, o ka moku, a kau aku la laua, ua hao na pea a holo aku la.  O kekahi mau Loio o Honolulu nei kekahi i holo aku, a me ke Kahu Ekalesia o Lahaina me kona Ohana, a me ke kokua ekolu o ke kumu o ke Kula Nui.

            HANA INO IA KE AIA HOOMANAO.--@@ kakahiaka Poaha o ka hebedoma i ha@@ ka la 30 o Iune, @@ ikeia maloko o ia @@@@ i ka poe Katolika, kekahi mea @@@ banaia maluna o ke kia hoomanao o @@ he kupapau, nona ka moa o ka mea @@ Lutanela von.  Beust, keiki a ke Ku@@@@ o ke Aupuni o Auseturia.  O na mea @@@ nona ka he i hana ino ia, he hoole p@@ a ka no ka nui o kona poe hoa luma @ @@ i kanu ia ai ma ia pa ilina, ua kanu @@ oia malaila, a oia paha ka make mea @@ hoole pope malaila.  O ka he, he @@@@@ i hooheheeia, a hana ia i he ku@pa@@ nae i menemene kela kanaka ino naau na ino i kela he kupapau, i kela wahi mahie, a waiho aku i keia maluhia o ka po moe malie ana ma ka pa, aka, me kona @ nao haakei a hookano, ua ulupa iho @@ kona lima kakauha i ke kia hoomanao, I @ ola aku la ma kahi e.  Ke makemake @@ makou e ike i ke kolohe nana i hana @@@ aku iaia e hookolokoloia imua o ka A@@ ka hihia kolohe i ka poe i make e @@ ana i ka lepo.

 

Maui.

            OLA MAHUNEHUNE.---Ua ili iho ma @@ makou ka pilikia a kela mau hua e @@ la maluna, mamuli o ke kauoha ana @@ a ka Hope Luna Kula o ka Moku @@  lokai nei, i na haumana kula o Kula @@ a me Pelekunu, e hui ma Kaunakakai a laila, ua hele aku makou ma kahi  @ @@ ia'i.  Oia ka la 30 o Iune, he la ho@@ keia mau Kula, a ia makou e noho ana @@ ko o ka Hale Kula, haule mai ana ka @@ pau ka hoike ana a na Komite, huli @@ la makou i ka Pali Koolau, a ma k@@@ ana mai o'u me na haumana, nui na @@ likia i ke anu a ka ua, a ia makou nae @@ ana a ka hapalua o ka pali.  lohe ana @@@ i ke kahea a kekahi mau wahi leo k@@ hine e kahea ana, e pii mai kekahi @@@ ia makou e!!  E pii m@ kekahi e @@ mai ia makou e@@  W@@ aku la @@ ka poe e hele aku ana mahope, a ike ana au e hapai ia ana e kekahi mau ke@@, @@ aku la au, heaha ia e@  hai mai la lak@@  Maiuli ua pa i ka pohaku.  ua make l@@ kiwiki aku la au a me ko'u mau hoa e @@ aku ana mahope, a hiki aku la i kahi @@ mea i eha, i nana aku ka hana, we@@@ paa pu na maka i ke koko, hoouna @@ au ia Lalena e kii i ke Kauka, o@ @@ Kauka Hilipalani.  A hiki makou i ka@@ hiki mai la no hoi ke Kauka, i ka nani e ma ke poo kahi i pa ai i ka pohaku, @ mai la ke Kauka ua naha ka iwi o ka p@@ eia ka pono e lawe i Honolulu ma ka @@@ mai, aole e pono ia'u aole mea hana m@@ nui loa ka pilikia, e malama pono ia ia @ waiho nei no oia me ka eha, aole i m@@ loa ke ola, ke noho nei na makua a me lehulehu me a pilikia.  Mamuli o k @@ kahea ka ili ana mai o keia pilikia, me @ hope aku he pono i ka Hope Luna Kula hookauwa ia ia iho, e hele i kela Kula @@ Kula mamua o ka hele ana aku o ka he nui.  S. K. Kum@@

            Waikolu, Molokai, Iulai 1, 1870.

 

Ua hele i ke ala hoi ole mai.

 

            He mea kaumaha o ka manao no ka @@ lele ana mai o ka maua keiki aloha @@ hua mua a ko kakou Haku i haawi ma@@ ua lawe aku no ia i kana waiwai nui @@ uhane.  Nolaila o ka la i manao ole @@ ka la a ka Haku mea hala i hiki ma@@ lawe aku, no ka mea hoi.  Nana no i @@ mai, a nana no i lawe aku.  Ua hanau@@ ma Kahakuloa ma ka maiama o Mor@@ ka la 22, hora 8 o ke ano ahiahi o ke@@ kahiki 1870, a make iho la i ka la 22 o @@ hora 11 1/2 o ke aumoe, nolaila, o ka nui @@ na mau la he 91, a me na hora, a make@@ la.

            Ua olioli maua na makua o keia keia@@ J. Kaimana a me Mrs. E. U. Kauepa ike ana i ka eha mua, o ka hui opiopio me ka manao e ola loihi ana ko ma@@ noo, aka, nae.  aole pela ko ke Akua @@ he okoa loa  no.  He mau manao @@ ii hooholoia i ka mau loa.

            Nolaila, ia oukou na makua mea hoeha puia ko kakou naau i ke aloha mai nei ko lakou hele e ana mamua kou na makua, e noonoo. e hookanaka ko kakou  hope me ua poe opiopio la. @@ hoi aole i alakaiia ko lakou noonoo e mme kakou e ola nei.  Ua hala ka poe wai-maka.  Eia malalo iho he mau @@@ aole hiki ke kanalua iki.

            1.  Ka pua i hauoli ai,

                 Mohala mai la a ua mae,

                 Ua oki koke ia ua pau,

                 Aloha ko kakou naau.

            2.  Ina e lawe koke ae,

                 Ka uhane ka'u e hoomaikai

                 I olu ia i kela ao,

                 Mohala hou i nani mau.

                                                Keikihele@@@

 

E KE KUOKOA E ; Aloha oe:

            Ma ka la 30 o Mei i naue aku la, @@ iho la o G. K. Keaka, ma Kahului, @@ Akau, Kailua, Hawaii, i ka kanaha a @@2 a emi mai paha o na makahiki o k@@@ ana ma keia ao.  He hoahanau oia @@ Ekalesia ma Kailua, Hawaii, me ka @@ hooikaika mamuli o na hana pono. @@ kona maneleia ana aku la ma kela @@ keia ola ana, a waiho iho la i ke k@@@ maluna o ka wahine, na pokii, na keiki, na makamaka, e kanikau aku ma keia @@ o ka luakupapau.  Ma ka la 14 o Iulai ua mareia oia me ka mea nona ka i@@ lalo, a ua pumehana like ke aloha i@@ maua a hiki i kona hala ana aku la.  @@ la, ke puana ae nei au i wahi kanikau naenae aloha nona:

            Kuu kane i ka halelewa i ke ao--@@

            Mai ka ua punohu ula i ka moana

            Ke nounouia ae la e ke kualau--e

            Aia paha oe i ka lewa o ka lani,

                        Kuu kane---a.

            O oe ke ka uhane i ka onohi ula

            I newa aui aku nei ka hele ana,

            Hele hookahi aku la oe

            Aohe lua, aohe kolu,

            Huli hoi ka uhane noho i ka lai

            I ke one hanau o ka wahine.

                        Kuu kane---a.

                                    MRS. C. KAA@@@