Ka Nupepa Kuokoa, Volume IX, Number 20, 14 May 1870 — Page 1
| This text was transcribed by: | Hoola |
| This work is dedicated to: | Kamehameha Schools |
Ka Nupepa Kuokoa
KE KILOHANA POOKELA NO KA LAHUI HAWAII.
"KA NUPEPA KUOKOA,"
HOOPUKA MAU IA MA HONOLULU
I kela Poaono keia Poaono.
$2.00
No na mahina he UMIKUMAMALUA!
$1.00 no na mahina eono.
ME KA HOOKAA MUA MAI.
----------
NA OLELO HOOLAHA—aole i oi mamua o 10 laina no ka hoopuka hookahi ana, $1.00; alua komo ana, he $1.50; hookahi malama, $2.00. E uku mua ia mai ke dala o na olelo hoolaha a pau e hoounaia ana mai e pai.
KANIKAU—he hapalua dala ka uku no ka aoao hookahi o ka pepa leta, oia hoi 4 keneta no ka lalani hookahi—penei: he 25 lalani, $1.00; 50 lalani, $2.00; a pela'ku.
NA UKU NO NA OLELO HOOLAHA—ka uku pepa, a me ka uku o ke Kanikau, e haawiia no ma ka lima o na Luna o ke Kuokoa, a i oleia, e hoouna mai ia Kauka Kulika.
O NA UKU PEPA A PAU E HOOKAA MUA MAI NO—aole e kauia ka inoa o kekahi haole a kanaka maoli paha, ma ka inoa o ka poe lawe pepa ke ole e hookaa e mai mamua. E pono ke hiipoiia keia mau rula, no ka mea, he emi no ka auhau no keia nupepa.
AIA KE KEENA O KA NUPEPA KUOKOA—ma ke keena i noho mua ia iho nei e J.W. Aukina, maluna ae o ka Hale Leta. O na hora hana, mai ka eiwa o kakahiaka, a i ka ha o ke ahiahi.
H.M. WINI Luna Hoopuka
KA "NUPEPA KUOKOA."
Is published in Honolulu
EVERY SATURDAY,
$2.00 per annum, or $1.00 per six
months, in advance.
ADVERTISEMENTS not exceeding 10 lines, inserted once for $1.00; twice or $1.50; and $2.00 for one month; all advertisements must be paid for in advance.
KANIKAUS will be charged 1.00 per page, or 4 cts. a line. PAYMENTS FOR ADVERTISEMENTS, Subscriptions or Kanikaus, may be paid to any of the Agents of the Kuokoa, or may be enclosed in a letter to the Publisher.
ALL SUBSCRIPTIONS must be PREPAID. No names, either of foreigners or natives, will be inserted on the subscription list, until paid for. This rule must be strictly adhered to, on account of the low subscription price.
THE OFFICE OF THE KUOKOA is over the Post Office. Office hours from 9 A.M. to 4 P.M.
H.M. WHITNEY, Publisher
Bound Volumes of the KUOKOA, for sale, at the office over the Bookstore. - $3.50 each.
Persons having complete sets of the above, can have them bound by paying $2.00 each.
DILLINGHAM & Co.,
NA
MEAHOOKOMOMAI A KUAII NA MEA HAO, NA MEA hana oi, Lole, Pena, Aila,. a me ua waiwai a pau. Helu 95. Alanui Moi, Honolulu. 427 46 ms.
Noho Lio! Noho Lio!
NA NOHO LIO MEKIKO A MAKEPONO LOA I humuhumuia ma Kaleponi, e loaa no ma ka Hale Hana Noho Lio o
DALTON & BLAUVELT,
Ma Alanui Moi, Honolulu. 430-1y
OLELO HOOLAHA
KE PAPAIA AKU NEI NA MEA A PAU O PAPAAKOKO me Haleaha, na aina e waiho ana ma Koolauloa, Oahu, aole e hookuu wale i ko lakou mau holoholona maluna i na wahi i hoikeia ae la maluna, ina e komo hewa ka Lio, Bipi, Hoki, Puaa, Miula, e uku lakou pakahi dala ($1.) ina e hoopau i na mea kanu, e uku hou no e like me ka nui o ka poino a poho.
A ina he Hipa, Kao, Moa, he hapalua pakahi no ke poo, a ina he Hana Kuku, he hapalua pakahi no ke poo, a ina he kanaka kuleana ole, aole hiki iaia ke hele ma na wahi i hai ia ae la maluna, a ina ku-e kekahi, e uku no ia no ke komo hewa $1.00. E hopu no ka maua mau Paniolo, oia o Pamawaho me Kauahikaua. AKOWAI, AHUNA, NUO, Pake.
Haleaha, Koolauloa. Ian. 22, 1870
HALE PAI KII!
AIA KOU HALE PAI KII MA
MONIKAHAAE,
Mawena o ka HALEKUAI RIPI a me ka HALEKUAI MEA Ale S. SAVIOUR ma ke Alanai papu. He emi kkoa ke kumu kuai o na KII. H.L. KEIKI (CHASE.)
310-1Y Mea Pai Kii.
NA LAAU LAPAAU
A DR. JAYNE.
OIA NA
LAAU KUNU,
LAAU HOOPAU NAIO ME NA KOE
LAAU HOAAPA HI,
LAAU HOOMAEMAE KOKO,
LAAU HAMO – PENIKILA,
HU'ALE OLA.
AIA MA KAHI O
KAKELE me KUKE,
Honolulu. 422
NA BUKE
HOOLAHAIA E KA PAPA HAWAII
Baibala Hemolele Nui ili eula nani me na kuhikuhi ma na a ao.....$12 00
" " Nui ili eleele kaekae wai gula.....5 00
" " uuku iki ihi " ".....8 00
" " Pananaiki iho ili eleele.....4.00
Kauoha Hou ili gula nani me na kuhikuhi.....3.00
" " eleele kaekae wai gula.....1.00
" " " ......75
Kauoha Hou Hapa Haole.....75
Lira Hawaii 1848 me ke kanawai......25
" " 1855.....25
Moolelo Ekalesia.....50
Haiao ili lahiahi.....10
Hele Malihini ana.....25
No ko ke Akua ano......25
Lira Kamalii......25
Hoike Palapala Hemolele.....25
Moolelo o Heneri Opukahaia.....25
Hoike Akua.....25
Weheweheia.....25
Ninau Hoike ili manoanoa.....25
" " " lahilahi....10
Kumumua Kula Sabati.....10
Buke Lawe Lima.....10
He Buke no ka Pope.....10
Ui Kula Sabati Helu 3.....25
" " " " 4......25
" " " " 5......25
Buke Euanelio a Ioane.....10
Himeni .....1.00
Himeni Ili nani.....1.75
Na Kauoha Hou Pakeke
Ili Gula nani.....1.50
Ili eleele kaekae nani......50
Ili eleele......35
Kauoha Hou Pakeke me na Halelu
Ili Gula nani.....1.75
Ili eleele kaekae wai gula.....50
Ili eleele......50
Na Halelu Pakeke
Ili Gula nani.....50
Ili eleele kaekae wai gula......30
Ili eleele.....20
Ka Hae Hoonani (Buke Mele)......25
Buke Wehewehe Huaolelo Baibala.....2.00
" " " Ili nani.....3.00
Eia na buke haawi wale
Palapala Liilii--
Helu 4--Makemake anei oe i ke ola
Helu 6--E hele i o Kristo la.
Helu 7--Ka hoi ana mai o ke Keiki Uhauha
Helu 11--No ka hoohiki wahahee i ke Akua
Helu 16--Ka Kehia ana o ka Ahaaina a ka Haku a ma ka Bapetiso ana.
Helu 17--Mai hana ino i na holoholona
Helu 18--No ka mahi ana, kuai ana a me ka inu ana i ka Awa.
Ka Davida Malo Kumumanao.
Ka Moolelo o Batimea Puaaiki.
L.H. KULIKA.
Kakauolelo o ka Papa Hoeke o ka Ahahui Euanelio o ko Hawaii Pae Aina.
KA MOOLELO -O- KALELEALUAKA.
KA IHU KAE-A-E-A O LIHUE, KAUAI, KA OLALI HOI O KONA MAU LA U-I
Pane aku o Kalelealuaka, "ae, a hiaa ihonla ka po, o ke aha ka hana a loko e hana la?" "Aohe hana," wahi a Keinohoomanawanui.
Pane hou aku no hoi o Kalelealuaka, "Owau no ka mea hana." "Heaha kau hana?" wahi a Keinohoomanawanui. I mai no hoi o Kalelealuaka, "E kuko kaua." Pane mai hoi o Keinohoomanawanui, "O ke aha auanei ke kuko e kuko ai?" Kalelealuaka, "O ka mea no a loko i kau nui ai?" Keinohoomanawanui, "Ka! hookahi no a'i mea e kau nui ai, o ka uwala no a lakou, o ka puhi hoi ko Hanaloa-- hoi mai ka puhi laulau-- o ka puhi o ka uwala, kalua pu, a moa ae, o ka apu awa mai no, o ka mahanahana ae o ka uwala ma ka puhi, e oki oe i ua mea he on a o ka awa."
I aku hoi o Kalelealuaka,"Ka-ha-ha! hoomaneoneo pepeiao no hoi kau puni la e Keinohoomanawanui-- kai no paha he kuko kau, aole ka! O ka'u no ke kuko, a e hoolohe mai no hoi oe la; "O na hanaiahulu no a Kakuhihewa, i mau wahine na kaua; o na puaa hanai ana na kaua e ai, o na ilio nahumaka, na kaua no e ai, o na koele ai, o na puko kapu, o na ahui maia kapu, na kaua no e ai. Apopo, pii mai o Kakuhihwea i laau hale no kaua, a hiki iuka nei, huhiki ae no i ka awa a Kahauone, a hoomaemae ae a maloo, hoi aku no o Kakuhihewa a hiki i kai, kukulu i na hale o kaua a paa, a kii mai no ia kaua e haawe a hiki i kai, mama mai no i ka awa a pau, hoka a kihee i ka apu, a hoeiau mai no ia'u a ooki iho ka on a a ka awa, hapai ae no o Kakuhihewa ia'u a hiki i ka hale.
I mai hoi o Keinohoomanawanui me ka haalulu a me ka makau, no kela mau olelo a kona hoa kuko, "Ma-ma-make kaua, in a ua lohe ia keia kuko au e kekahi kanaka e, he oiaio e make ana kaua."
Eia nae; ia laua e hahai ana i na kuko a laua, ua hiki mai o Kakuhihewa ke hoolohe nei mawaho o ka hale. Paa loa mai la no kuko a laua la iaia nei, a kukulu iho la oia i ka pahoa mawaho o ka pa o Kalelealuaka ma. Hoi aku la oia (Kakuhihewa) a hiki i kai o Puuloa, hoolale aku la i na a-i-puupuu, i na'lii a me na aialo a pau, "E paina kakou." Ae like mai la no na mea a pau, me ka manao kanalua no nae, no keia hoolale a ke'lii i ke aumoe. Hoomakaukau mai la na a-i-puupuu i namea a pau. A makaukau na mea a pau, ia manawa i pane mai ai o Kakuhihewa, "e ai paha? E olelo paha?" Pane mai hoi kekahi kanakam "E olelo mua mai ke'lii e pono ai, malia he olelo pili i ka make, nolaila, e olelo mai i lohe ia."
I aku o Kakuhihewa, "Ae, e olelo akuau, a e hoolohe mai oukou. O kela ahi a kakou e ike mau nei i ka a iuka o Waipio, ilaila aku nei au, a ike aku nei au i ua ahi la. He ahi kuko. He mau kanaka elua, he kuko mae ka laua hana. Eia na inoa o ua mau kanaka la a me na kuko a laua. O Keinohoomanawanui kekahi kanaka, a o kana kuko hoi, o na uala no a me ka puhi o Hanaloa. A o Kalelealuaka kekahi kanaka, a o kana kuko hoi, o a;u mau kama, o a'u puaa hanai ahuhu, o a'u ilio nahu maka, na koele ai, na mala ko a me na mala maia na laua. Apopo au pii i laau hale, a hiki iuka, huhuki ae la au i ka awa a Kahauone, a hoomaemae a maloo; a hoi mai la no au me na kanaka a pau me ka laau, a hiki i kai nei, kukulu no ka hale a paa i ka la apopo, a pii aku la no au a hiki iuka, haawe mai la ka no au ia Kalelealuaka a hiki i kai nei, a mama iho la no au i ka awa a pau a ana koe, a ku apu, hooinu aku la no au, a ooki iho la ka on a a ka awa.
Pane mai hoi ua koa, "Make! I loa i kului po a ao ae, olelo ka ihe i ka io o ia kanaka; o kekahi no o laua ke ola, a o kekahi ke make, he olelo hookano; i i ia mai ka hoku nana e poalo aku na maka ona--e i mea hookano nana?"
Ka-ua mai o Kakuhuhewa "Alia paha e olelo ka make, aia a lohe aku na kahuna, na kilo, na kuhikuhi puuone a me na kakaolelo, maha he mau kanaka hoi kela e lanakila ai i kaua a Kualii."
O ke kii ia aku la nonia o ua poe kahuna nei, a akoakoa nui mai la imua o ke alo o ke'lii. Hahai aku la ua alii la i na na mea a pau i olelo mua ia ae la. Ia wa nae, hoopuka like mai la na kahuna i ko lakou mau manao, a ua like loa no ia me ka olelo a na makaainana a me na koa i ka wa o lakou wale iho.
Ka-a hou aku no ua Moi nei, me ka i aku. "Aha paha oukou e olelo i ka make, aia a hiki mai o Napuaokamao, kuu wahi jahuna ike a akamai no hoi; a in a e like pu kana ike me ka oukou, alaila, pono io no e make, aka hoi, in a e oi aku kana ike mamua o ka oukou, alaila, ola keia mau iwi, a o oukou a pau la ea, o ka ai a me ka i-a ke pau, aohe nae he waiwai."
Kena ae la ua alii nei i kekahi o kana mau kukini mamaloa, e kii i ua kahuna na nei, a o ka ae no hoi ka ke kauwa i ka olelo a ka haku kanu. Aohe no hoi i emo ia kaha ana aku, hiki ana keia ma Waimanalo, a ku ana imua o Napuaika mao. "E! i hoounaia mai nei au e ke'lii e kii mai ia ie, a hele kaua ano i kahi o ka haku o kaua." Ae mai la no hoi o Napuaikamao, a hele mai la a ku ana i Koolina, oia kahu o ke'lii, e noho ana.
Pane koke mai no ke'lii, "I kiiia aku nei oe e hele mai e nana i ka pono a me ke hewa o kela mau kanaka e noho mai la ikua o Waipio, he manu kanaka kuko." Hahai mua aku la oia i ka keinohoonia-nawainui kuko a pau. Pane mai no hoi ua kahuna nei, "maikai no a kuko, he kuko waiwai ole nae, aohe no hoi he po-maikai." Hoomau aku la no ua Moi la i ka olelo ana a ka kalelealuaka kuko a hiki i ka pau ana. Kulou iho la ua ka-huna nei, a ea ae la kona maka iluna, a i mai i ke'lii, "E ke'lii, aia ua kuko, o ke kanaka ia lanakila konupuni ; o ia, hoo-unaia na kanaka a pau e pii i ka laau a me ka awa."
Ia manawa no i pane ae ai Moi nei i kona Ilamuku nui, oia hoi o Maliuhaa-ino, "E pii oe me na kanaka o kaui i ka laau hale a me na mea a pau loa, e like me ka ke kahuna i olelo ae nei." Nana aku no ka hoi i na kanuka o Ewa, " moe ka-o-o a ka la i ke kula, hauwalaau i ke kai o Hilia," i ka ua mea o ka nui launa ole o na kanaka ; pii kane, pii ka wahine a me kamalii, aohe ku uhoe moe, ku aku ikua o Waipio, i ka huakai pii awa pii laau e hele aku, mai ka wa po iki a malamalama.
Eia hoi, i ko Keinohoowanawainui ala ana ae i ke kakahiaka, a puka aku la oia iwaho, aia iho la oia i ka pahoa a ke'lii e ku ana mawaho o ka pa, o kona lele ino aku la no ia a pahu ana ma-loko, a pane ana i kona mau hoa, "E! auhea olua?" "Ka! ua lohea ke kuko a kaua e ke'lii, aia ka pahoa la ke ku mai la iwaho. kai noa a hala ka'u i i aku ai ia ohe ia oe, e make ana kaua i kau kuko in a e lohe ia, eia ka ua lohe io ia no. Aole no nae a o oe, o ka mea kuko ino, he mai-kai wale no ku'u kuko."
E kawale kamailio ana laua nei, wawa ana ka leo o na kanaka mawaho. I aku o Keinohoomanawanui, "eia ka make o kaua la !" pane mai o Kalelea-luaka, "Aohe ia he make, he kanaka pii lanu hale ia, e pii aua i laau hale no ka-ua." aole nae he wahi mea a kanahai mai o ka manao makau o kona hoa kuko, oiai paha, ua hele a "luuluu Hanalei i ka ua nui, kauinaha i ka noe a Alakai," ua mea he weliweli. A hala aku la ia hua-kai, a pela mai no mahope, a o ka maka mua hoi, ke hoi mai la ; ka hele no hoi ia a pau ka huakai-ke pono kekahi poe i ke kahua o ka hale ; a maikai hoi ke kahua, ke eliia mai la no ka lua o na pou, a mai uka no ka pou a ku ana, mai uka no ke oa a hia aua, a mai uka no ka aho a hoaho ana, a pela no hoi ka mauu, a paa ana ua mau hale nei. Ke kalua ia mai la hoi na imu puaa, a umo ilio, ke kauo kele ia mai la hoi ka puhi o Hanaloa, a kalua pu me ka uwala.
Paa no hoi ka hale, makaukau na mea a pau, akahi no e hiki aku o Maliuhaainu i kahi o ua mau kamaeu eni, a ku ana ma ka puka, a kahea ana. "O Keinohoomanawanui la puka mai." Puka mai la no ia. "O Kalelealuaka la uka mai." E kipaku mai ana iwaho. Ninau mai o Maliuhaaino, "O oe no o Kalelealuaka?" " Aole, ei ae no iloko." Kahea hou ia ak la o Kalelealuaka, a pila mai la.
(Aole i pau.)
Ka Moolelo o ka Ahaolelo
1870.
La hana elima- Poaha, Mei 5, 1870. Halawai ka Halei i ka hora 11 kakahiaka. ka Peresidena ma ka noho. Pula ke kahu-napule.
Waihoia mai ka palapala a ka Muheleole-lo L. Mccully e haalele mai ana.
Heluhelu he haopili mai Koua Hema mai Waimea nei, e hooponopono hou ia na kuleaoa aina make ana hou ana- Wainoi e noonoo.
Heluheluia he hoopii mai Kona Henia mai e npi ana e hookaawaleia i $2,000. no na alanui ma Kona Hema, e kuu akeaia na kai knonhiki, koe na ia kapu- e haswiia na aina aupuni i 'ilo ole no ka lehuiehu e mahi a hiki i ka wa e kuaiia ai- e koho ke aupu-ni i Kauka no Kona Hema- e ae ia ma ina-kua e koho i na kumukula. Waihoia noo-noo.
Heluheluia he hoopii mai hamakua mai, Hamakua mai, e noi ana : akahi-e hoemiia ka auhau lio, a e auhuia ma ka auhau waiwai-2 e hoe miia na konia o na Aha Hookolokolo. 3 e e kuaiia na aina aupuni, i na kanaka e noho ana malona o ia mau aina. 4 e kukuluia i Papa Ola ma kela a ma keia apana. 5 e hookunia na makua i hanau elima keiki, mai ka auhau kino aku. 6 e ukuia na ma-kua e like me ka nui o na haumana a me ka ike o ke ao ana. 7 e hoololiia ka Pauku 1420 o ke Kanawai Kivila. 8 e hoololiia ke Kanawai Moekolohe. 9 e hoololi i ke Kana-wai e pili ana i ka mare hou ana i ka mare mua. 10 e haawiia ka mana hooiao palapala i na lunakauna wai apana. Waihoia e noonoo.
Heuheluia mai he hoopii no Puna, e noi ana, i Hale Hookolokolo no Puna. 2 e hana na paahao i hoopiia ma na alanui o lakou ponoi iho. 3 e hoolako aku ke aupuni i mau mouo, kaulahao, heleuma a pele aku no ke awa ma Ku@a, Puna. Waihoia e noonoo.
Heluheluia he hoopii mai na koa mai, e noi ana, e hoopii ae ko lakou mau uku e like me keia $15.00 no ke koa ; $16.00 no ke koapala ; $@.00 no ke Kakiana no ka ma-ma, e laweia la buke hooiaio imua o ka Hale.
Noi mai o Hon. D. Kalakaua e hoole loa i ka hoopii.
Olelo mai o Mr. Laiana, aole e pono e na-na maka ia keia hoopii, no ka mea, he mea ano nui.
Koukua ikaika mai o Mr. Hanale Kamika-na no ka pono i ka Hale ke noonoo no keia mea. Aole e hiki ia'u ke hookuu wale aku i ke noi a ka poe nana au i koho mai. Wai-hoia i ke komite o na koa.
Hoike mai ke Komite Waiwai, o na hoopii mai Hilo mai e noi ana e hoemiia ka auhau lio a pela aku, e hoomoeia ma ka Papa a hiki i ka wa e hanaia ai he bila no ia ano.
Hoolaha mai ka Loio Kuhina he bila e pili ana i na hana Karaima.
Ma ke noi ana mai a ke Alii Ka Mea Kiekie W.C. Lunalilo e balota ka hale i Maheleoleolo ma kahi o Mr. McCully i waiho mai.
Ma ke noi a ke Kuhina Hailasi, ua kohoia he komite na lakou e imi i Maheleolelo kupono, oia o ke Kuhina Hailasi, Hon. D. Kalakaua a me Hon. E.H. Boyd (Ailuene.)
Ni mai o Mr. Ailuene, e kohoia i komite ellima lala, o ka Peresidena o ka Hale ka Lunahoomalu, e lawe aku i ka olelo pane i ka Haiolelo a ka Moi.
Heluhelu mai o Mr. Kaukaha, he olelo hooholo hoalohaloha i ka Mea Hanohano Ioane Ii, he hoa no keia Hale, a e hoike ka Hale i ko lakou aloha e like me ka mea mau.
aeia.
Waiho mai o Mr. Aholo, he olelo hooholo, e ukuia na kiaaina o Maui a me Kauai $50. pakahi no ko laua mau lilo.
Noi mai Ke Alii Ka Mea Kiekie W.C. Lunalilo, e hoole loa i ka olelo hooholo. Ma kona wehewehe ana i kana mau kumu e hoole ai, ua olelo mai oia, o na kiaaina e haawiia nei keia uku kaulele, ua hoohanohanoia laua e ke aupuni, a ke uku mau ia nei laua i kela a a me keia makahiki. He oialo, ua ukuia i na Kau Ahaolelo i hala aku la, aka, ua ike au ao, ua hemahema ia haawi ana. O oukou e na Lunamakaainana, o ko oukou wa hanahano no keia in a e pau ae keia halawai ana, a hoi aku i ko oukou mau home, e ike aku no auanei au ke hele aku i o oukou la, me na oo e paa ana, aka, o laua nei, e oia mau ana ko laua i haalele ai i ko laua mau home a hoi hou aku, a pela aku.
Ma ka ninauia ana, ua hoole loa ia.
Hoolaha mai o Mr. Hikikoki, he bila e papa ana i ka poe i hookiia na mare mamua, aole e mare hou a e hana i kanawai. He kanawai e kauoha ana i ke Kuhina Kalaiaina e kuai i na kai lawaia a pau, a e wehe akea aku no kalaiwaia ana-- He kaanawai e kukulu ai i mau hale mai ma Hawaii, Maui a me Kauai, a e hoonohoia i mau Kauka lapaau-- He kanawai e hoololi ai i ke kuai ana i ka awa a me ka opiuma.
Heluhelu mai o Mr. Hikikoki he olelo hooholo, e kaoha ana, e kauohai@ ka Makai o ka Hale, e hoolako mai i na lala a pau, he paha na nupepa haole a pa umikumamalua ma nupepa Hawaii..
Hoololi mai o Mr. Laiana, palua na nupepa ma kela a me keia hoa. Hooholoa e like me ka hoololi.
Komite ka Hale no ka noonoo ana i ka hoike a ke Komte Imi rula
Noho o Mr. Ailuene ma ka noho Lunahoomalu.
Heluheluia mai ka hoike a ke Komite a noonoo pakahiia e ka Hale, e hoololi ana i na rula kahiko ma ka pakui hou ana iho a me na hookomo hou ana i kekahi mau hoololi.
Hoopauia ke Komite o ka Hale a hoopaneeia ka Hale.
La hana eono--Poalima, Mei 6, 1870.
Ka Peresidena ma ka Noho.
Pule ke Kahunapule.
Heluheluia ka moolelo o ka la i hala a hoaponoia.
Waihoia mai i ka palapala hookohu o Hon. W. T. Matina i ka hale, nana ke Komite o na palapala hookohu a hoapono mai. Hoohikiia o Hon. W.T. Matina
Waiho mai ka Peresidena he hoopii mai Puna mai, e kue ana i ke kohoia ana o J. w. Kumahea. Waihoia i ke Komite o na Aha Hookolokolo.
Waiho pu ia mai he hoopii mai Hilo mai, e noi ana e kuai ke aupuni i na kai lawaia a pau, a e wehe akea ia i ka lehulehu. Waihoia i ke Komite o na Hana Hou a me na aina aupuni.
Waiho mai o Mr. Kale Kauka he hoopii no Koolaupoko, e kue ana i ke kohoia ana o Mr. Naili. Waihoia i ke Komite o na Aha Hookolokolo.
Heluhelu mai o Mr. Kuapuu he hoopii mai Waimea mai, e noi ana, o na uka kula a na makua e hoouna nei i na kula pualu, e uku ke aupuni i ka hapalua o ia mau uku. Waihoia i ke Komite Hoonaauao.
Heluhelu mai o Mr. Pilipo, he hoopii e kue ana i ke kohoia ana o ka Luna mai Waialua mai. Waihoia i ke Komite nona Aha Hookolokolo.
Heluhelu mai o Mr. Wahine he hoopii no Hilo, e noi ana, e hookaawale i $5,000. i Hale mai no ka apana o Hilo. Waihoia i ke Komite no ka malama Ola.
Heluhelu mai o Mr. Kumahua, he hoopii no Puna, e noi ana, e hookaawale i $8,000. no na makai o Hawaii. Waihoia i ke Komite kupono.
Heluhelu mai o Mr. Kuapuu he hoopii mai Waimea mai, e noi ana e aeia na makua e koho i na kumu e makemakeia ana. Waihoia i ke Komite Hoonaauao.
Heluhelu mai o Mr. Matina he hoopii no Kau, e noi ana, e kuaiia na aina aupuni i na kanaka e makemake mai aoa e kuai. Wai-hoia i ke Komite o na aina aupuni.
Heluhelu mai o Mr. Wahine he hoopii mai Hilo mai, e noi ana, e ae ia na kanaka Hawaii e kalewa i na waiwai o na aina e, waihoia i ke Komite kupono.
Heluhelu mai o Mr. Kaai he hoopii mai Kona Hema mai, e noi ana, e ukuia ka L. K. apana o Kona akau i $500.00 no ka ma-kahiki. Waihoia i ke Komite Waieai.
Heluhelu mai o Mr. Kuapuu, he hoopii mai Waimea mai, e noi ana, o na lio e ha-uaia ana ma ka palau e hookuuia lakou mai na auhau aku. Waihoia i ke Komite o ua Hana Hou.
Heluhelu mai o Mr. Halemanu he hoopii mai Hamakua m ai, e noii ana, e hookaawale ia i $750.00 pakui hou iho me ka hoawina kahiko no Honomailno, i hoolio ole ia. 2 i $2,000. no ka hana hou ana ia Honoka. 3 i $3,000. no ke alanui e moe Ia a hiki i Waimea a o ke koena o ka haawina i noiia ae la. 4 E hoolakoia na awa o Waipio, Honomalino a me. Honoka me na mouo. 5 E hoo-kaaweleia i $500 no ka Hale Pauhao ma Hamakua. Waihoia i ke Komite o na Ha-ua Hou.
Hoike mai ke Komite i waihoia aku ai e noonoo i Unuhiolelo, ua makaukau. Hoo-kuuia ke KOmite.
Mamuli o ke kapae ana i na rula, ua koho ka Halw ia W.S. Wond, a hoohikiia.
Heluhelu mai o Mr. Kuapuu he olelo hoo-holo, o na lala a pau o ka hale, i leaa ole na puke kanawai mahope iho o ka Hale e hoouna pakahi ae. Hoomoeia.
Heiuhelui na Bila a ka Loio Kuhina. He kanawai e pili ana i na aina. Ma ke poo o ka heluheluia ana a kauohia e pai a waiho aku i ke komite o na Alua Hooko-lokolo.
Mamuli o ke noi mai o Mr. Kalama, no ka noonoo ana i ka mea a pili ana i ka hoola-ko ana i na nupepa, nolaila, ua hoapai hou ia ka noonoo. Komite ka Hale no na rula. Mamuli o ka ninauia ana ae wale ia no, hoolakaia ka Hale me na nuepa Advertiser, Haw. Gaqette, Kuokoa me Auokoa.
Noho o L. Aholo ma ka noho. He rula e papa ana i ke puhi paka iloko o ka Hale, ua ae ke Komite. He rula e koi ana e kakau i na ae a me na hoola ma ka hooholo loa ana I na bila a pau, i waihoia mai e Mr. C. J. Laiana ma ke ano hoololi, noonoo ka Hale no keia rula. Eia ka poe kokua – Laiana, Kaauwai, Pilipo, Halemau, Hanalei Kami-kana, Kuapuu. Poe kue- Kaukaha. kake Kauka, Hikikoki, Bihopa, ke Kuhina Hailasi, S.K. Kaai.
Ninauia ka hoololia Mr. Laiau a haule
Hoopauia ke Komite a o ka Hale a poho hou.
Hoopaneeia.
La hana ehiku- Poaone, Mei 7, 1870. Halawai ka Halei ka hora mau. Ka peresidena ma ka noho. Pule ke Kahunapuie a pau. Heluheluia ka moolelo o ka la i hala a hoaponoia.
Heluhelu mai o Mr. Kaukaha he hoopii mai Puna mai, e hoike ana e noho no o Mr. J.W. Kumahoa ma ka noho Puna.
Heluhelu mai o Mr. Kaukaha, olelo kou Lolo e kauoha ana i ka Makai o ka Hale e hooiako mai i na hoa me ua kalepa kanikau, hooholoia.
Hoolaha mai o Mr. Kepoikai he bila e hoo-loli ana i ka Pauku 38 o ke Kumukanawai.
Heluheluia mai o Mr. Aholo, he olelo hooholo, e hookaawale i $15,000. no na lilo o ka Abaoleio o ka 1870- hooholoia.
Heluhelu mai o Mr. Kaai he olelo hooho-lo, e hookaalewale i $250. no ka Hale Hooku-lokolo no Kona Hema. Waihoia i ke Komite kupono.
Hoolaha ma o Mr. Kaiae he Bila e hoo-loli aua i ka Pauku 1035 o ke Kanawai Kivila.
Heluhelu mai o Mr. Aholo, he olelo hoo-holo, e noonoo hou ka Hale i Unuhiolelo, ae ia.
Waihoia mai ka inoa L. Wilcox i Unuhiolelo e Mr. Kaauwai, a ma ka balota ana, ua kohoia, a hoohiki pu ia.
Waiho mai ke Kuhiua waiwai i ka bila Haawina no na makahiki elua e hiki mai ana.
Ma ke noiia ana mai, ua kapaeia na rula, a ua heluheluia ka bila Haawina ma ke poo, a kauohaia e pai.
Hoopanee ka Hale.
La ewalu- Poakahi, Mei 9, 1870.
Halawai ka hale i ka hora mau.
Peresidena ma ka noho.
Pule ke Kahunapule.
Heluheluia ka moolelo o ka la i hala a ho-apouoia.
Heluhelu mai o hikikoki, he hoopii mai Molokai mai, e kue ana i ke Komite o na Aha Hookolokolo.
Heluhelu mai o W.P. Kamakou he hoo-pii no Waihee, e noi ana, e haaawiia na pala-pala kuleana pololei e pili ana i na aina ku-leana. waihoia i ke Komite o na aina au-puni.
Heluhelu mai o Mr. wahine, he hoopii no Hilo, e noi ana, e aeia na na kanaka Hawaii, e kalepa me na moku o na aioa e e ku mai aua ma Hilo. Waihoia e noonoo.
Heluhelu mai o mr. Kaphie he hoopii no Makawao, e noi ana, e kukuluia i Aha Hoo-kolokolo pakui hou ma ia apuna. waihoia i ke Komite o na Aha Hookolokolo.
Heluhelu mai o Mr. Matina, he hoopii no Kau, e noi ana, e hookaawuleia i $3,000, no ke alanui ma ia apana. Waihoia i ke Komi-te o na Hana Hou.
Heluhelu mai o Mr. Kumahoa, he olelo hooholo, e hookaawaleia i $6,000, no ke ala-nui ma Puna.
Ma ke noi a Mr. Kaukaha, ua waihoia ka olelo hooholo a noonoo pu me ka Bila Haa-wina.
Heluhelu mai o Mr. Hanaike, he olelo hooholo, e hoolaawaleia i $5,000 no ke ala-nui o Labaina. waihoa a noonoo pu me ka Bila Haawina.
Heluhelu mai o Mr. Kaiue, he olelo hoo-holo, e hookaawale i $2,000, no ke alanui o Molokai. waihoia i ke Komite o na Haua Hou.
Heluhelu mai o mr. Kahaulelio, he olelo hooholo, e hookaawaleia i $1,000. no ke ala-nui o kaanapali, Maui. waihoia i ke Ko-mite o na Hana Hou.
Hoolaha mai o Mr. Kahaulelio, e lawe mai ana ia i Bila e hoololi ana i ka Pauku 133 o ke Kanawai Kivila.
Heluhelu mai o Mr. J. Komo, he olelo hooholo, e hookaawale i $1,000. no ke ala-haka ma ke Kahawai o Waiawa, Ewa. Wa-ihoia i ke Komite o na na Hana Hou.