Ka Nupepa Kuokoa, Volume IX, Number 17, 23 April 1870 — E nana mai e ka Ahaololo i ke noi A KA POE I LOOHIA I KA MAI i hookaawaleia i Molokai nei. [ARTICLE]

E nana mai e ka Ahaololo i ke noi A KA POE I LOOHIA I KA MAI i hookaawaleia i Molokai nei.

E ka Nupepa Kuokoa ; Aloha oe; No ke kokoke nna mai o ke kau Ahaolelo 0 keia mnkahiki, i ulu mai ni na nianao iwaena o makou, e noi aku no na mea «i makou 1 ike ai he pono, oiai ua ike makou i ka pilikia i keia wa ; a oia no ka mea i ulu mai ai na manao inoino iwaena o keia laliui, a hao ai i na eke laiki, no ke kupono ole i ka haawina, oia hoi, he hapaha wale iho no ko ka hebedoma, a ilaila iho la no kahi kona a me kahi pnakai. Ke hiki mai nei na pai-ai mai ka Papa Ola mai, aua pakahi ia ina mai—he hapalua nae ke kumukuai, a he 20 paona wale no a oi ke koikoi, nolailn, aole e iawa no ka hebedoma. Ma ka nana aku i ka hoike mai a ko makou Luna, ua nui ka lilo, pela no i ka ike aku, aka hoi, he mea pono no ke nana ia ka makou noi imua o ka Ahaolelo, oiai o ka wa pono wale no keia. Akahi—E haawiia i hapalua dala ola, ai na kela a me keia mai, a iloko o keia ke kopa a me ka paakai, koe nae ka poe mai nawaliwali, Alua—E hoahuia ko inakou Halepapaa i ka laiki, ko, barena, palaoa, malakeke. Akolu—E koho ia i Luna ike i ka olēlo Hawaii, a akamai hoi i ka lapaau, he kanaka aloha lahui, a ano kupa Hawaii, i ole ai e like me keia Luna. Aha—Aole eae ia i hale kuai no ka Luna e malama ana īa inakou, o kuhihewa no auanei makou, o ka waiwai o ka Papa Ola kekahi, nolaila, o ka pono no ka Papa Ola ka hale kuai a no kekahi mea e ae. Alima—E ae ia na makamaka o makou e komo a e hui e like me ka wa he pono, koe nae ka moe pu ana ika po. A oiai no hoi na lakou e lawe mai nei kauwahi pono kino. O keia mai, aohe he lele maoli, aka, aia wale no ma ka noho plli paa mau a me na mai ino, e like me ke kaokao, palo, opeaku a peia nku. Aono—E hoolakoia i huewai, pakeke, pa, puna, o, ipuhao, a pela aku, no ka mea, o na manamana o kekahi poe ua ino, a me ke» ia mau mea wale no e pono ai. Ahiku—E papa loa ia na moku kuai paiai, aole e hoio mai ma na Kahawai, Pelekunu, Wailua e imi i dala no lakou, oiai o kahi no keia e loaa mai ai na pai-ai. Awalu—E hoolakoia i mau pahukupapau no na kino make, a i ole, i mau papa i hookpawaleia, a e kohoia kekahi mai a mau mai paha i ike i ka hana, ke komo nae kona uku e like me ko na Makni o makou e hoopau dala wale nei, a o ka lilo pono keia. Aiwa—E hoolakoia i mau papale, a i mau kamaa hoi no makou, no ka mea, mai ko makou hoonohoia ana mai ma keia wahi a hiki i keia ia,aole i loaa iki keia mau mea, no ka manaoia paha, na like me ka mea ola hanu ka nele i ka papēle a me ke kamaa. Omi—O na lole pumehana wale no ka pono o keia aina, e like me ka huluhulu, palule manoanoa popopo o!e, wawae manoanoa paa a pela aku ; aole hoi e like me keia mau lole popopo e lawe mau ia mai nei, a he mea hoonui lilo wale no ia. Umikumamakahi—E kohoia i Luna Leta no makou, i eke okoa no mai Honolulu mai. O ke kumu nae i manaoia'i pela, e ka makou leta i hoouna ni i kahi a makou i manao ai he leta hiki, he leta hiki ole iho la ka! I hea iho la la ? Me ko makou manao no nae, ua kiolaia no mainuii o ka hookae ano kanaka. O keia noi a ka hapa uuku o ko oukoti lahui, he mea pono ke noonoo nui ia, a o ka mea pono, e hooholo iho. Me ke aloha ina Hoa Hanohano o ka Hale Ahnolelo. Na na Mai Lepela. Knlawao, Molokai, Aper. 18, 1970.