Ka Nupepa Kuokoa, Volume IX, Number 16, 16 April 1870 — Page 2

Ka Nupepa Kuokoa

KE KILOHANA POOKELA NO KA LAHUI HAWAII.

English Column.

            Two milk men fined $50 each in the court of special sessions in New York for putting water in their milk.

            In Czegodin, in Hungary, a giantess of 350 pounds in weight has just been led to the altar.

            A Parisian author has translated Shake-spear’s line, “Out, brief candle,” into French thus-“Get out, you short candle.”

            The Ames Company, at Chicopee, are filling a contract for a peculiar adjustable horse shoe-the invention of a Baltimorean-which is made to be taken off at at night or when the horse is not being used, and put on as readily when wanted as a pair of boots.  The corks of the shoes are also adjustable, and new ones can be fitted when one set is worn out.

White Labor ON SOUTHERN PLANTATIONS.

            -The St. Mary’s (La.,) Planter’s Banner exposes the fallacy that white men cannot endure out door work in the South.  It says that at Lower Cypremort, amidst millions of mosquitoes and flies, and in a hot sun, the breezes broken by the tall timber, ten white men, on Mr. Kemper’s place, have made as clean a crop as there is in the parish, and suffer less from sickness, than the same number of negroes under similar circumstances.  And more than 200 white men on and in the vicinity of the Teche are this year doing the same kind of work as that organized and encouraged by Mr. Kemper.

            Of the 1,095 mountains in the moon, measured by Beer and Madler, 39 are higher than Mont Blanc, and 6 are 20,000 feet high.  The annular (or circular) mountains are highest; Dorfel, near the southern pole, measuring 26,691 feet, or nearly as high as the highest peaks of the Himalayas, the loftiest summits of our own globe.  And there are also circular caverns, or craters, in our satellite which are 24,000 feet deep!  and some are 100 to 130 miles in diameter!

            FLYING TOAD- A “flying toad,” now in Washington, was captured in a seine at Cape Henry a few days since.  It is of most singular confirmation, and of beautifully variegated hues, measuring about six inches in length, with a perfectly flat, bony back, eyes wide apart and in the centre of a circle, capacious mouth, and fins as large wings, about the centre of the body on each side.

            STILL AHEAD-Chicago, with all her faults, is always first in the field when an industrial movement is on foot.  Chinese servants have been ordered for one of the great hotels and, the member of the Emigration Committee have each entered their names for a supply for their families.  The good people of the town are now anxiously awaiting the first lot.

            A Massachusetts paper avers that a contribution was recently taken in one of the churches in Northampton, and on the day following, a man who is a capitalist, and counts his property by hundreds of thousands, called on one of the church officers to recover part of his contribution, stating that he made a mistake and put into the box ten cents when he meant to put in five cents!  The suspicious element in the story is that such a man could be so careless.

            SINGULAR RESULT OF HEAT-From Arcachon, France, on the Bay of Biscay, a very singular result of heat is reported, which at one moment threatened to produce a regular pestilence.  The muddy shore near that place is at low water the resort of innumerable eels, which bury themselves in the slime till the return of the tide.  The excessive heat, by drying up the mud, had killed them in thousands, and the smell of their dead bodies, washed up and down by the tide, was beginning to spread fever in the neighborhood.  A large number of fishermen were therefore engaged to collect them in heaps on the beach, whence they were carted inland and buried.  The total amount thus disposed of was over 400 cart loads.

            DRINKERS AND NON-DRINKERS IN AMERICA.-An American finds that in the United Stated of every 300 men 122 do not drink at all, 100 drink moderately, 50 are occasional drinkers, 25 drink periodically, (“spreeing”) and 3 are habitual inebriates.  To every 178 who drink 3 are confirmed inebriates, 25 are periodical and 50 ephemeral drinkers.  There is one confirmed inebriate to every 59 ¼ men.  Of 700 women, 600 never drink, 30 taste wine occasionally, 17 taste ardent spirits, 36 drink beer regularly, 14 drink spirits periodically, and 3 are habitual inebriates.  There is, he declares, 1 female inebriate to every 33 ½ women, for though fewer women drink than men, more of those who do drink become habitual intemperates.

            The immigration of Chinese and Japanese to our Pacific border promises to be as important a fact as that of the European on the Atlantic side, and at the same time a more embarrassing one.  The wonderful incursion of the Asiatics-1,200 of them in the last trip of the Great Republic-disturbs a great many, who never thought of going to China and Japan, and our announcements of a cosmopolite fraternity would have such results.  But we cannot adopt the old exclusive policy of the Japanese and Chinese, and bid those stay away or go away.  They will come and our citizens will, no doubt, get used to them-with their almond eyes and their sallow complexions.  Civilization tends to do away with human antipathies and jealousies of race, and it is a tendency that our progressive people cannot long resist.-N.Y. Times

            ELEGANCE DOES NOT MAKE A HOME-I never saw a garment too fine for a man or maid; there was never a chair too good for a cobbler or a cooper, or a king to sit in; never a house too fine to shelter the human head.  These elements about us, the gorgeous sky, the imperial sun, are not too good for the human race.  Elegance fits man.  But do we not value these tools of housekeeping a little more than they are worth, and sometimes mortgage a house for the mahagony we would bring into it?  I had rather eat my dinner off of the head of a barrel, or dress after the fashion of John the Baptist in the wilderness; or sit on a block all my life, than consume all myself before I got to a home, and take so much pains with the outside that the inside was as hollow as an empty nut.  Beauty is a great thing, but beauty of garments, house, and furniture is a tawdry ornament compared with domestic love.  All the elegance in the world (continues Theodore Parker) will not make a home, and I would give you more for a spoonful of real hearty love than for the whole ship loads of furniture, and all the gorgeousness that all the upholsters of the world could gather.

            DIVORCE IN FRANCE-A new monthly paper, entitled the Divorce, is about to be started in Paris with the object of legalizing divorce. The prospectus states that there are not fewer than 45,000 separated men and women living in France; that the courts have at the present moment 1,523 demands for separation, and that, moreover, the number of couples separated voluntarily is immense.

Nu Hou Kuwaho

No Amerika

            Ua hoomakaukauia he papa hoike no ka aie o ke Aupuni o Amerika Huipuia, e ka Waihona Waiwai, me ka manao, ina e hookaaia ana ka Aie Aupuni, i $25,000,000 i ka makahiki, alaila, e pau loa ana ka aie iloko o na makahiki he 23 ½; aka, ina e hookaaia i $100,000,000 i ka makahiki, alaila, e pau ana ka aie malalo iho o na makahiki he umi.

            Ma ka la 25 o Maraki, ma ke kulanakauhale o Sana Lui, Misouri, ua ninauia e na Lunakanawai Kaapuni o ia wahi, o Miss L.  Barklow, he haumana no ke Kula Kanawai o Barukalani, a ua hala ae iaia kela puu noi me ka paakiki.  Ua aeia noia e ku Loio.  Ua loaa iaia na mahalo a me na hoomaikai kiekie ana mai a na Lunakanawai, Lawe keia kaikamahine la i ka aoao o ke keikikane, a ke pahee wale la paha kona alelo i na hooaioniolo ōlelo, e like no hoi me lakou nei ae.

            Ua ae ke Komite o ka Hale Ahalelo nui o Amerika Huipuia, e hoomahuahua aku i ke kokua no ka Ahahui Hooholo Mokuahi o ka Pakipika, e holoholo nei i Kina, i $100,000 no ka makahiki, me ka hooholo ana i na moku i kela a me keia hapalua malama; a me ka hoololi hoi, e kapili mau ka Hui i hookahi moku hao i kela a me keia makahiki.

            Aia no ke keiki Alii Arthur ke hele nei i ka laula o ka Ripubalika nui o Amerika, Nui na hookipa aloha ana iaia mamuli o kona ano Alii hanau o ka aina kaulana o Beritania Kahiko.

            Ua waihoia kekahi Bila Kanawai imua o ka Hale Ahaolelo, e noi ana, e hoemiia ka nui o na koa, i iwakalua tausani ka emi.  Me ka haawi aku hoi i mana, e lawe mai i na Palapala Hookohu Gernerala e noi mai ana e hookou aku.  E haawiia nae i uku mau no na koa i noho a hala he kanakolu a he iwakalua, a umi paha makahiki iloko o ka Puali Kaua.

            Ua noi ae kekahi poe o Vireginia, ma o ke Kiaaina la, e koikoi ana iaia e noi aku i ka Peresidena, e hoouna mai i mau koa kokua ma kela Mokuaina no na haunaele e lonolono ia mai nei.

            Ke manao nei o Madame Anna Bihopa, kela wahine puukani i pae mai ai i Hawaii nei, e haawi i kana anaina Mele hope ma Amerika Huipuia a ma na panalaau o Beritania, mamua o kona huli hoi loa ana aku i Europa.

            Ua kauohaia na Bihopa o Sana Iosepa, Nasiville a me Santa Fe, a haalele ia Roma, a e hoi, me ka manao ole e hoi hou aku i ka Ahahui a ka Pope.

No Europa.

            Ua hui iho nei ka poe kalepa o Livapulu, a me ka poe kokua i ka Waea mae moana o ka Atelanika, e hoole ana, aole e pono e lawe loa i na lono a me na mea hou mai Amerika mai i Ladana.

            Ua manaoia, o kela Mokuahi i nalowale ai, “ke kulanakauhale o Bosetona,” ua hookui oia me na puu hau e lana ana ma ka moana, a ua naha oia a poho, aka, he manao wale keia o kekahi poe.

            O ka hookolokoloia ana o Pierre Bonepate, kela alii pepehi kanaka, aole no i pau, aka, huahuaiia mai nae, he eha ana mau kanaka i pepehi aku ai mamua, oiai hoi oia e noho ana iloko o ka Oihana Koa, a nolaila kipakuia. Ma ka laweia ana mai o ka loa o ka haole i hele aku ai i ka hale o ua powa nei, ua ikaika loa kana mau olelo no ke kumu e ahewa loa aku ai i ka powa. No ka nui loa o kona ukiuki, ua kapa maoli aku no ua hoike la, he powa o Pierre Bonepate. No keia olelo ikaika loa, e lapa nei imua o na maka o ka Aha, ua kapaeia ae oia mawaho no ka hoike ana, Mahope iho hoi o ka pau ana o na hoike, ua hoopaiia ka mea i kapa aku ia Pierre Bonepate he powa, i 10 la ma ka Hale Paahao, no ke pakike i ka Aha.  Aohe i puka ka olelo hooholo no ka powa.

            Ua haawi mai ke aupuni o Helene i ka mana, no ke kapili ana i Alanui Kaa Ahi, mai Atenai aku a i Korineto, a i na wahi e ae ma ke Komohana aku o Helene.

            Ke nui nei ka poino o ka poe kalepa ma Buenoare i keia mau la.  He lehulehu wale o lakou i poho iho; a ke manao wale ia la, e hahai hou mai ana no na poho i kekahi poe e ae.

            Ua hoihoi aku o Adimarala Topete, ke Kuhina o na Aumoku Kaua o Sepania i kona Pulapula Hookohu, a ua aeia aku.

            Ua okiia mai nei ka berita mare mawaena o ke Keiki Alii a me ke Kamalei Aliiwahine Carracciolo, ma ke kulanakauhale Pope o Napele, mahope iho o ko laua noho ana maloko o ka oihana mare, i eono malama wale no.  He mea pau wale no hoi ha ka mare ana a ka Pope?  Oleloia hoi he paa loa aole e hemo, eia no ka hoi he pokole wale no.

            Aohe lohe hou ia mai ko Kauka Livingstone pakele ana, mahope iho o ka lono mua i hoikeia aku, aka, ke hele nei nae kekahi puulu kanaka keokeo e imi i kona wahi e noho nei, ina e ola ana, aka, ina ua make, alaila, o ka pau ia kana hana ma keia ao, a ua kuu kona luhi.

Kulanui o Lahainaluna.

            E hoikeia ke Kulanui o Lahainaluna i na la 10 a me ka 11 o Mei.

            I ka Poaha, la 12, ka Haiolelo ana o ka Papa 1 e puka ana, ma ka Luakini o Wainee.

S.E. Bihopa

Ka Nupepa Kuokoa.

Honolulu, Aperila 16, 1870.

Mimino ka Eke o ke Aupuni i ka HALE PAI.

Poho $35,198.78 iaia.

            Ua ike iho nei makou i “ka hapala ke kea na kele ka ai” a “Ke Au Okoa” o keia Poaha, aka, i ka heluhelu ana i kona kukulu manao a hoomaopopo iho, aohe ili, aohe io, aohe momona, a he ola wale iho no paha la i ka makani ia e ola nei; a i ole, he kino iwi ola paha.  Ua pau la ihea ka noonoo i ka mea kakau?  Ua hele paha i ka uhauha nui a lakou e hana nei?

            Aole makou e hahai ana mahope o ka hoolalau a “Ke Au Okoa” e pane nei i o a ianei me he pulelehua la ke kau aku i kela pua nahele keia pua nahele.  Ke paa nei no ka manao o na makaainana, e hooaiai hou aku no, i paanaau na kumu i na Lunamakaainana, a lakou i manao ai he kupono, oia keia: Ke hoopuka nei na luna aupuni hoolaha nupepa i na manao hoinoino i kela a me keia kanaka a lakou i manao ino ai; hailiili a kuamuamu ino i na kahunapule o kekahi aoao hoomana; olelo ino i kekahi poe, a pailani loa i na kahunapule o kekahi mau aoao hoomana; ae aku i na manao hoopaapaa ino a pelapela, e kue a kue mai, me he mea la, ua ae ia ke aupuni i wahi no na mokomoko kaua, hakaka, kuikui, kuamuamu aku a hailiili mai, a hoolaha hoi i na inoa maikai o kekahi poe.

            Ke ninau mai nei na makaainana, oia anei ka waiwai a na nupepa aupuni a kakou e kokua mau nei i kela a me keia kau?  Aole oia ko lakou mau pono.

            Akahi-Ina ua olelo ino ia aku ke aupuni e kekahi mea a mau mea paha, alaila, o ka ke aupuni pono ke pale nona iho, a kue aku paha i kela mea a mau mea paha, aole o ka huikau maluna o ka puulu hookahi i like ole na manao.

            Alua-Ina ua manao ke aupuni e ola ana oia i ka hoolaha ana i na nupepa aupuni, ma ke kuamuamu, hailiili, oleloino, lawe i na inoa maikai o kekahi poe “i mau iwi pipi”, e like me na nupepa kokua ole ia e ke aupuni e ola nei; alaila, ke ae laelae nei makou, me ka wehe ana i ka papale, e hookuu ae ia lakou e haa imua o ke kahua, me ka lawe ole aku i puu dala nui $35,198 .78 mai ka waihona aupuni aku, a mailoko aku hoi o na pakeke hune a na makaainana ilihune i hoiliili ai, no ka pomaikai o ko lakou Moi, Aupuni a me Kona inoa maikai.

            Eia ka hewa nui loa o ka Papa Pai Aupuni i ike kakou, a i hoomaopopo iho hoi: Ua haawiia e ka Waihona Aupuni he……$11,200.00  Loaa mai na nupepa a me na hana a pau a lakou, he..21,546.09 

Huina Loaa,…$32,746.09

            Ua pau loa keia mau dala mai ka Waihona Aupuni aku he $11,200 a me na loaa ma ka Hale Pai he $21,546.09 i ka uhauha ia. Pehea ko kakou manao e na makainana, hopohopo paha ea?  Ae.  O ka hanu no keia e lawe ia la.  Heaha ka hopena o ka waihona?  Mauliawa paha auanei a lele loa ke aho.

            Pehea kakou e pale ai i keia hana?  Kinai i kela puka liu mamuli poho ka moku holookoa, a poho pu na ona, alila, aie kaa ole auanei, a kudala ia na wahi opala huliau, a paipu, oia no na wahi waiwai a ke kanaka Hawaii.

            “Ua maopopo no paha ia kakou ke ano o ke Aupuni; o ka lehulehu no ia; a ke ole he lehulehu, aohe no ano aupuni e ike ia.  A nawai hoi keia Papa Pai i hoala i ka 1865?  Na na Luna Hooponopono anei, a na ka Luna Pai paha?  Ke hai mai la no hoi ka inoa o ka Papa Pai, na ke Aupuni, na ka lehulehu no ia mao na Lunamakaainana la, a me ka Ahaolelo o ka 1864, i hookumu ia e like me ke kauoha ana o ka Ahaolelo, i ka 1865.

            Ua maopopo no i ka lehulehau na ke Aupuni ma o ke kauoha la o ka Ahaolelo i kukuluia ai keia Papa Pai; a o ko makou kulana hoi o ka hooponopono ana i na mea no keia pepa.  Ua hoopuka ia mai nae, ua pau i keia Papa Pai i ka uhauha na dala i hookaawaleia ai.  E hewa ole makou ma keia mau mea e ka poe epa kapa wale mai, a maluna no o ko oukou mau lae e kau ai na hailona hilahila ole oia mau kauhihi ana mai.  Aole makou i hoonuu wale ia mau dala, “a ono ko makou mau puu, ua maona na opu, ke puka nei ko lalo,” aka, ua hooluhi ia makou a me ko makou poe paahana e paaua nei i na la a pau; a ke ike maopopo ia no hoi, aole no e haiia mai, ua ai wale Kekahi kupaianaha no hoi i ke kapa ana mai, “Uhauha Dala ka Papa Pai Aupuni.”  Aole no keia Papa Pai i hookaawale ai noi aku i na auhou o ka lehulehu e haawi mai i mau tausani dala no keia Papa Pai e uhauha ai; aka, na ka Ahaolelo no i hookaawale kona haawina; a na ka lehulehu no hoi ia, me ko lakou ahonui i hoolako mai; aole no keia Papa Pai i kii aku a ahuai wale e like me ko lakou manao.”—Au Okoa, Aper. 14, 1870.

            He aha auanei ka mea e lanakila ai oukou mai ka hewa aku a oukou i hana ai me na lima haumia a miomio.

            Ua akaaka anei, ma keia makemake ana o ka lehulehu e kukulu i nupepa, ua haawi lakou i na dala, i mea e haawi wale aku ai i na nupepa “Au Okoa” i kona poe heluhelu, nona ka huina i hiki aku i ka $2,500?  Ke hoole mai nei lakou, “Aole loa.”  Ke “pau pele” mai nei lakou “pau mano.”

            Eia ko lakou makemake, e malama lakou nei (na lima lawelawe) i ke dala, hapalua, hapaha, dime a hapa dime i loaa mailoko mai o ka Hale Pai no ka waihona, aole ka uhauha e like me ka Alua Tausani Elima Haneri i haawi wale ia.  Aole anei keia he uhauha e na Makaainana o na lima lawelawe a kakou i na dala a kakou ilihune?  Ke hoike mai nei ke “Au Okoa,” “he olu no ia, ke puhemo nei ko lalo.”

            Ua lohe pono mai nei makou, aia kekahi Luna Nupepa “Au Okoa,” ma Koolaupoko, he Luna Nupepa oia no Honolulu nei mamua, a ua aie ua luna la i ka nupepa, he kanaono dala a oi ae.  Ke olelo la ua kanaka la, “Mai lawe kakou i ke “Kuokoa,” he nupepa koikoi mai i ke dala.  E lawe kakou i ke “Au Okoa,” i ka nupepa aohe koikoi ia mai o ke dala.”  Ke manaolana nei makou, ua ko paha kana olelo, aka, ke hoole mai nei nae ko kela Pali Koolau, “aole i ko kana.”  Ua lawe nui ia no ke “Kuokoa.”

            Ua maopopo anei ma keia, ua lawelawe maikai io no na Luna Hooponopono i ka pomaikai o ke Aupuni a me ko lakou mau haku?  Ke hoole mai nei ka lehulehu, Aole i imi i ka Pomaikai o ke Aupuni.  O ko lakou wale iho no ka lakou i manao ai, o ka hiki aku i ka hora 4 o ka Poaono, o kela a me keia pule, alaila, ohi mai na mori, a heo aku la.

            Pehea ko kakou manao e na makaainana, ka poe nona na dala e uhauha nei e lakou la?  E manao ana anei kakou, e la hou i $32,746.09 no kela Hale Pai iloko o keia mau makahiki ae e hiki mai ana, me ko kakou ike ma ka hooponopono ana a keia poe, aohe wahi keneta e koe ma ka waihona?

            Ke haawi nei makou i ke “kuke pai” i na puu dala $32,746 09 a me $2,500 i manawalea ia e “Ke Au Okoa” i kona poe heluhelu, me ke kolokolo aku, o hele olua me ka olua mau tausani pelehu.

            Hookahi wale no waiwai ma ka nupepa o keia Poaha, o ko “Ke Ao Okoa” hai ana mai i ka ninau:  “He pono anei i ke aupuni ke kukulu i nupepa kuamuamu i na Kahunapule Euenelio, e hoino wale ai?” a me ka ninau, “He pono hoi anei i ke aupuni ke hoolaha i ko lakou mau manao kuamuamu a hoino aku i kekahi makaainana, ke hana hewa ole?”

            Haina:  “Ma ka ninau alua ame ke kolu, ke pane aku nei no hoi makou, aole no he ku i ka pono ia ano Papa Pai.”-Au Okoa, Aper. 14, 1870.

            Ua ike i kona hewa, a hoahewa iho, nolaila, ke manaolana nei makou, e hooponopono hou ia ana oia.

            He mau makahiki i hala anei, i ka Bihopa Enelani i holo aku ai i Amerika a me Europa, ua hoolaha aku oia ma ka laula a ma ka loa o kela mau aina puni ole, e hapala ana maluna o ka Moi, na Alii, na Makaainana, a me ka inoa maikai o ke Aupuni Hawaii i ka eleele kanikau o ka inika a me ka negero.  “Ua paumi ke ino o Hawaii i keia manawa mamua o ka hiki ana aku o na Misionari,” aole nae i ekemu iki ke Aupuni, me he mea la paha ua ku i ke a-u, no ko lakou hilinai hewa maluna o kela aoao hou loa.

Na ka poe Aea a me ka poe Haukae.

            He aneane hiki ole paha i ka lahui mai Hawaii a Kauai ke hoomaopopo i ke ano o na kanaka nona ka koiia ana mai o ko makou luna manao e haku i keia kukulu manao ana, oia, “no ka poe aea a me ka poe haukae.”

            Ke waiho nei imua o kela a me keia makaainana, kela a me keia kanaka naauao kela a me keia poe loio, lunakanawai, kumukula, lunakula a me na kanaka no a apau ma keia aupuni, ka pauku akahi o ka mokuna XXXVIII o na Kanawai Hoopai Karaima me ka nana oleia: a ina ua nanaia a heluheluia, alila, ua hala wale ae lakou mai ka noonoo kupono ana i kona ano a me kona io maoli.

            Ma ka makahiki 1850, malalo o ke Kumukanawai a ka Moi Kamehameha III i haawi ai, ua kukuluia ke kanawai no ka poe aea a me ka poe haukae, e hooakaka ana i ko lakou mau ino a me na hoopai ana no ia mau hewa.  Mai ia manawa mai a hiki i keia au hou aole no i loheia ka hooko nui ia ana o keia kanawai maluna o kekahi poe o ko kakou lahui.

            I keia manawa, ua konoia mai makou ma muli o na ikemaka a me na lono, e kamailio no keia mea he aea a he haukae.  I ko kakou hoomaopopo ana i ke kulana a me ka hiohiona o keia mau wahi huaolelo, aole no i ku i ka maikai a me ka mahaloia.  Ma ka puana ana ia laua, ua ike e ia ka pelapela a ma ka hoomaopopo ana i ka hopena, ua ike lea ia ka awaawa kenakena a awahia haalele loa o ka hua.

            Ma ke kulanakauhale kahi nui o na kanaka a me kahi lanakila loa o na huikau o ka noho ana, kahi hoi e lohe pinepineia ai na olelo o kela a me keia ano, ke manao nei makou, aole hookahi kanaka manao maikai i nele kona ike ana i keia ano kanaka he aea a he haukae.

            Malia paha, e haohao ana kekahi poe heluhelu o makou i ke ano o keia poe, a kuhihewa paha, he hookahi wale no wahi ano i keia mau wahi huaolelo, a no ia kumu ke hoike moakaka lea aku nei makou i ka poe a pau e heluhelu ana i keia, penei:

            O ka aea a me ka haukae, ua pili laula ia i na hewa ino a pau, e like me keia.

            Akahi.-Ka mea maopopo ole kana hana, a imi i kona ola ma ka pili waiwai.

            Alua-Ka imi ola ma ka hoopunipuni, ka hoomanamana, ka hoopiopio, ka wanana wahahee me ka imi pomaikai, ka wanana hooweliweli a me ka wanana i kahi e waiho ai na waiwai aihue.

            Akolu-O ka pule kuni e anaana ai i ke ola o ke kanaka, me ka alapahi, aia iaia ka make a me ke ola.

            Aha-Ka wahine lilo loa i ka hookamakama a imi i kona ola malaila.  Ke kane haalele i kana wahine a malama ia hai.

            Alima-Ke kane, ka wahine a me ke kanaka a wahine ui ona mau.  Pela hoi na kamalii ona mau.

            Aono-Ka mea malama i hale hookamakama e imi ana i ke ola o ka noho ana malaila, a e loaa ai o ka ai a me ka ia ma ia hana.

            Ahiku-Ka mea hoonaukiuki ma ke kanawai, e manao ana o kana mau olelo ka maikai, a e hana wale ana me ke kue.

            Awalu-O ka mea hoopoino ia hai, noho haukae, hoohaunaele ana, noho maluhia ole a e hele ana me na mea hoeha, hooweliweli a me na mea ano like.

            Aiwa-O ka mea pepa, lulu, kuhele a me na paani e ae e pili waiwai ana.

            Umi-O ka mea ikaika kupono i ka hana a aea wale ma kela a me keia hale a wahi paha e noi hele ai i ai, i aahu a i wahi paha nona a me ka ohana.

            Umikumakahi-O ka mea noho palaualelo ma kona hale iho a me ko hai hale aku paha, me ka ai wale i ka hai.

            Umikumamalua-O ka mea aea wale e olelo pololei ole ana nona iho.

            Ma keia mau kuhikuhi a pau i hoikeia maluna’e, me he mea la, he lehulehu wale o na kanaka e noho mai nei ma keia kulanakauhale a ma na wahi e ae o keia pae aina, ua ahewaia lakou ma keia kanawai.

            Ua ike no na makai i kekahi poe o keia ano, aole nae hooko i ke kanawai.  Palupalu na lima o ka poe makai i ka hooko ana i ke kanawai a nele loa aku hou na lunakanawai, nolaila, ua ulu mau keia ino mawaena o keia wa a kakou e noho nei.

            Ke noho nei ma keia kulanakauhale kekahi poe, ua hookuu i ka lakou mau hapa maikai e imi ola no ka noho ana o na la makaponiuniu a me na la makapehu ia, e nuku ana io a ianei e ake o ka loaa o ke ola malalo o ka piepiele ana i na wahi i hookapu loa ia e malu a na ke kanawai e hoonoa.  Auwe ka poe i hana ikeia hilahila lua ole ma ka maka o ka honua nei!  He oi aku ka pono e noho ilihune, mamua o ka haawi ana i ka io o ko oukou mau io a me na iwi o ko oukou mau iwi, e kalepa i loaa mai.

            Nohea mai na aahu nani i loaa i na wahine a me na kane ike ole ia oka hana?  Aole anei mailoko mai o ka piele hilahila ole ana?  Ke hooia mai nei ko ka honua, ae ua hewa.  Ano e haalele ka mea hookamakama a me ke kanaka ui lima palaleha i ka hookamakama a me ka palaualelo, a imi i ke ola malalo o ka hou o kou lae e ka wahine a pela oe e ke kane kino puipui, nui a limaikaika hoi.

            He mea hilahila ka helu papa ana aku i kekahi poe e noho a e hele mai nei, e hakali ana ma o a maanei, me na loaa a me na aahu i loaa ole mai ko lakou mau hou mai o ka lae, aka, malalo o na lima palaleha.  Heaha la ka waiwai o na lima o ke kane ui keiki opio, kanaka makua, wahine makua, wahine ui a wahine opio paha, ina e noho wale ana oia?  Ua haawi mai la ka Mea Mana Loa ma ka lani kiekie he lala imi ola ia no ke kanaka e ola ana ma ka honua nei; aka pehea la hoi i kapae ae ai ke kanaka a imi ano e i kumu e ola ai.  Ina ua hiki ole i ka lima a me ka noonoo ke imi ola, alaila, e pono e oki ka lima mai ke kino aku, a e waiho pahupu ino, a pela hoi ka lolo.

            No ka waiho wale ia o keia hihia, aole he manao nui ia, ke ike nei makou, ua lehulehu wale noho na kane a me na wahine uhauha wale i ko lakou mau manawa.  Makau i ka hana lima no ka luhi, a imi ma na mea i kueia e ke kanawai, a loaa iho la ke ola.  Mamuli o na lono i pae mai i ko makou mau pahukani, o ka hapanui o ka poe opiopio o keia au, ua lana haakei no ka loaa wale o kahi ai, ia a me kahi e noho ai ma ka makilo.  Hele lakou me na paa lole nani a maikai ma na huina alanui, e hoike ana he poe waiwai ma ka hiohiona, aka aole nae pela.  O keia hana ua kupu ae no ia mai na haakoi ae o na manao hilahila ole, hookaoo a hookano maoli.

            No ka palaleha o ka poe makai kanawai, molaila, ua hookuu kakou i ko kakou poe manaka hana e palaualelo loa, a makilo wale.  Ina ka poe makai kanawai e lawelawe lima ana i kekahi poe o keia ano, alaila, ke manao nei makou, e pau ana ko kakou mau aina, kuleana, aina hoolimalima mau aina kuai, na kula, mahakea a me na awawa uliuli, i ka mahiia, a e ulu mai ana a hua mai na hua ohaha o ka honua, e pani ana i ka luhi a me ka inea o ka hana ana i kinohi, a e ai ana hoi kakou i na loaa mailoko mai o na hou i kahe aku mai ko kakou mau lae, me ka ono, maikai a me ka hoaponoia.  O ko kakou ai ana i na loaa i makilo ia a loaa wale mai me ke ano ole, he leo ko ia mau mea mahope mai.  E maikaiana no i ka la o ka maikai, a i kupu iho kauahakaka, puka maila ka hua kuamuamu makilo, palaualelo, hookamakama, haaheo a pela aku, alila, o ka loaa iho la no ia o ko kakou mai, he hilahila, a i ole he make maoli no.

            O ka hoopai no ka poe aea a me ka haukae ina e hopuia a laweia imua o ka lunakanawai, a hookolokoloia a ku ka hewa e hoopaaia ma ka hale paahao, a hoohana aku ma ka hana i ua mea aea wale la no na malama eona a makahiki paha, a ina e loaa mai ke dala, alila, e haawiia ka elua hapakolu i ua aea la, a o kekahi hapakolu i ke aupuni.

            E ao kanaka kakou ano, e ku a maloeloe, e lalau na lima i na oo, komo na kapa hana, a hele aku ma na wahi waiho wale o ko oukou mau aina ponoi, a i ole ia, e hoolimalima me ka poe mea aina, a e hoomaka aku e hana.  Ke hoouna nei ka poe hoomakaualii dala a aina i na paahana ma ka aina mamao aku no na paahana ole maanei, aka, ina kakou e huliamahi e hele i ka hana, alaila mamua o ka pae ana mai oia poe lima hana, ua pau na hana ia kakou, a e hoao ana ka poe o ka aina e mai.  Aole na kakou i kipaku aku lakou, aka, na ka nele hana e hoihoi hou aku ia lakou i ka aina kahi a lakou i hanau ai.

No na Mele a me na Kanikau

UA haohao paha kekahi poe makemake hoolaha inoa, Mele a Kanikau, no ka uku o ka hoolahaia ana o ia mau mea.  Ua hoouna mai kekahi mea haku kanikau, he 76 ka nui o na lalani.  Ma kana kakau ana, ua pau keia mau lalani he 76 iloko o na aoao pepa kakau eha.  Nolaila, ua manao paha kela, ina he hapalua ko ka aoao kanana kakau hookahi, alaila, he elua dala wale no ua lawa.  Aole loa pela e ko makou poe makamaka.  Ua kau ia ka uku maluna o kela a me keia lalani mele, inoa a kanikau ma ka 4 keneta pakahi.  Nolaila, ma keia hope aku, e hoomanao oukou i keia rula o ka kakou nupepa “kuokoa,” a e malama hoi.

            Ke hoike aku nei makou i ka lehulehu, ke pai nei makou i kela a me keia pule, he 2,350 ka nui o na nupepa “Kuokoa,” a ke hoounaia nei ma kela a me keia wahi o na mokupuni o Hawaii nei.  Aole he hookahi Apana i nele i kona heluheluia, aka, ua koe nae ka Apana Fatuhiwa o Waikane, he hookahi a elua wale no paha wahi nupepa ma ua wahi.  Nolaila, ke manao nei makou, he nupepa kupono keia i na mea hoolaha a pau e makemake ana e hoolaha.  E kipa, a he oluolu no ka uku ke kuike mai ke dala.

Na Hou Kuloko.

Oahu.

            E hoaoia ana ke kani o ka Bele Pau Ahi nui o Honolulu nei, i keia ahiahi, hora 4 1/2.

            E haiolelo ana o Levi Keliipio a me Hon. J Komoikeehuehu maloko o ka luakini o Kawaiahao, ma ka hora 7 ½ o ke ahiahi Sabati e hiki mai ana, no ke ino o ka Wai Ona.  Ke kono ia aku nei ka lehulehu e naue ae.

            AOHE NO I NEONEO LOA-Ua manao paha ko makou mau makamaka heluhelu “Kuokoa” kuaaina, ua neoneo loa ke awa o Honolulu i na moku aole eia no he mau moku nui ke ku nei.

            NUI KA INO-Ua lohe mai makou i ka Hoa hanohano o Hilo mai i ku mai maanei i ka Poakahi iho nei; he nui ka ino ma Hilo, kaikoo, ua, waikahe, a o ka hana mau no hoi ka ka wahine o ka lua i kana hana, o ka ho-a ahi. Aole oia i hookuu i kona luhi, ke hana nei no.

            KE HOOMAKA MAI NEI KE KU-Ua ike iho makou, ma ka Poakahi iho nei, ua ku maila ma ke kulanakauhale nei, ka Lunamakaainana Hawaii ponoi o ka ua kaulana o Hilo, oia ka Hon. Daniela Wahine.  Ma ka mahui mai, he ku-e pake oia maka hoopae ana mai i na lima hana o na aina mamao aku malalo o ko kakou mau dala auhau.  Ua like pu ka ia me ke kaili aku i ka hanu ola o ke kanaka Hawaii ili ulaula, ka poe nona ka aina.  Ke helu akahi nei ka aoao kuokoa ia ianei.  Ina hoi pela ae o Kahaulelio, Aholo, Hanaike, Kaukaha, Kumahoa, Kalama, Kamakau, Kapihe, alila, o ko kakou aloha no ia ia kakou Hawaii iho, aohe i ka malihini hoomakaulii aina a kakou i lohe wale ai ia Vanekouva.

            MAI HILO MAI-Ma ke ku ana mai a ke kuna “Manuokawai,” i ka Poakahi iho nei, ua kau mai la ka Rev. T. Koana maluna ona, me ka manao e holo loa aku i kona aina hanau, e ike i na kini makamaka ma ke kino.  Ua waihoia kona kihapai ma ka lima o kekahi Hawaii opio me ke kokuaia e kekahi makua o ka pono.

            AHAAINA MA NUUANU-Ma ka po Poaono iho nei, ma ka pa o Kauka Hopemana, Kanikela Auseturia, ua kukuluia he lanai lole, a ua haawiia he ahaaina maloko olaila e na alii moku o ka manawa “D@nau.” Ua kono ia na luna aupuni, na mea hanohano, ka poe lala wai a me na kamaaina maka hanohano e hele mai ia ahaaina.  Malaila no ka poe puhi ohe o ka man@wa kahi i hoonanea ai i ka lakou mau mea kani.

            HE KAAO HOU “KA LIMA KALA.”-Ua waiho mai ko makou makamaka opiopio i ike mau ia kona mau kukulu manao ma ko kakou nei nupepa i na makahiki i hala, he kaao “Ka Lima Kala,” oia hoi “Silver Hand,” i unuhiia no ke “Kuokoa.”  I keia pule ae, e hoopuka makou i kona helu mua, a na ko makou poe heluhelu e kaana no lakou iho; a ina aole e hiki ia kaao ke hooluolu like i na manao o ko makou poe heluhelu, alaila, ma ka mea oluolu no i ko oukou mau manao e heluhelu ai, a kapae ae kela.

            Ma ka hora 12 o ke awakea o ka Poakalu iho nei, Aperila 13, 1870.  Ua halawai ae na hoa Hawaii o ka Papa Loio, (oia hoi na Loio Hawaii) a me kekahi mau keonimana e iho o keia kulanakauhale, ma ka Hale Hookolokolo ma Honolulu no ka hana ana i Kia Hoomanao no ka Mea Hanohano a kaulana hoi o J.W.H Kauwahi, a me ka hoomaikai ana i kona he, e like me ka hiki.  Ua kohoia ma keia halawai ana, o E. Kanihina i Luna Hoomalu, a o W. Ka i Kakauolelo, o J.M Kapena i Puuku, a ua hooholo ia penei: O na hoa aloha a pau o ka mea make (oia hoi na loio a me na hoa aloha) e pono lakou e hapai pu i keia hana, ma ke kokua pu ana i dala, i mea e hiki ai, a na keia Aha no e koho i mau komike, ma kela a me keia wahi o keia mau mokupuni, (ke hoike ia aku iloko o na nupepa o keia aupuni,) a na lakou e malama i na dala, a hoili mai i ka Puuku.  E halawai hou ana keia Aha, ma ka Poaono e hiki mai ana, la 23 o Aperila, hora 12.

Ma ke kauoha a ka Aha.

Kakauolelo