Ka Nupepa Kuokoa, Volume IX, Number 14, 2 April 1870 — Page 4

Ka Nupepa Kuokoa

KE KILOHANA POOKELA NO KA LAHUI HAWAII.

KE KUOKOA, HONOLULU, APERILA 2, 1870

Frequent the day of God returns.

8-6.

1.  Ua hoi pinepine mai

Ko Iesu la maikai,

He hapa nae ka hoomaikai,

Nanea ke ali ae.

 

2.  Hoonai i ka hoonai kai,

Me ke alpha pu;

E kala i na hewa e,

Hoomaemae ia makoo.

 

3.  Iini no a noi ae,

I like make nei

Me ka haipule maluna'e,

I mau ka hoomaikai.

 

4.  Hoomakaukau ia makou nei

E pii i ke ao maikai,

I kahi e pau ole ai

Na aha Sabati.

 

5.  Malaila no e oli ai,

A mililani mau

Imua o Iesu ke Lii,

A laina alpha pu.

 

6.  Malaila no e hui ai

Me ela põe maikai,

A hoomaikai a mele e,

A mau ka Sabati.

 

HAWAII.

 

 

Stealing from the world away.

7.

1.  Mai ke ao ke hui nei

Makou ma kou hale e;

E Iesu, laina pu,

Hoohauoli ia makou.

 

2.  No ka la ka lama ao,

Nou ka Lama o makou;

Kau a mau ia Lama ou,

I ole pouli ae makou.

 

3.  A i kau ka pouli e,

Nau, Iesu, e hooauhee.

Nau e hoolaelae makou

A ao mia ka La ao mau.

 

4.  Hoomaikai a laina pu,

Hapai ae i na manao,

E hoopiha ia makou

I ke aloha oia mau.

 

HAWAII.

 

Lord in the morning thou shalt hear.

8-6

 

1.  E loha Iesu, ke ao mai,

Kuu leo kahea'e,

Ia oe au e pule ai,

Ia oe e nana'i.

 

2.  E uwao oe maluna'e

No kau haipule nei,

I pau kuu hewa, kuu uwe,

A olioli ae.

 

3.  Aole ku imua ou

Ka põe hoolalau,

Aole lakou laina pu

Me oe kuu Haku mau.

 

4.  Owau no nae, e ala au,

A hoomakaukau e

E hele i ka hale ou

Ma kou la maikai nei.

 

5.  Malaila e laina pu me au

Ka Uhane maikai e,

A hoopaa mai iloko o'u

Ka olelo e olai.

 

HAWAII.

 

My God my Father, while I stay.

8.

 

1.  E kuu Makua, a kaa ae au

Mai kookie home io io,

E ao mia ia'u e pane no,

"E ko ka makemake ou."

 

2.  A uwe au a kanikau

No kahi hoa kaawale o'u,

Kuu pomo nei e pane no,

"E ko ka makemake ou."

 

3.  A kii mai oe e lawe ae

I kahi momi makamae,

Nou mai no ia, e lawe i kau,

"E ko ka makemake ou."

 

4.  Ina no oe e launa mai

Me kuu uhane maule nei,

Pomaikai au a pono no,

"E ko ka makemake ou."

 

5.  E hana oe i like pu

Na makemake o'u me kou,

I oli au ke pane mau,

"E ko ka makemake ou."

 

6.  A lele au la a ku ae

Ma ko ka lani kahakai,

E mele au a mau loa no,

"E ko ka makemake ou."

 

HAWAII.

 

He Hana Kupanaha.

 

E Ke Kuokoa E; Aloha oe:

            Ia'u i naue iho ai ma na pali Koolau, a hiki au ma Keanae, ike iho la au e hana ana ka Lunakanawai Apana i kana hana i hoo iliia e ke aupuni maluna on a.  Ninau aku la au i na kamaaina o ia wahi, Heaha keia hookolokolo?  Hai mai la lakou, He hoki.  Hele aku la au a ma ka puka, ike aku la au.  Eia ka mea kupanaha a'u i ike no ua Lunakanawai nei, nona no ua hoki nei, a nana no i kena i na keiki e kii e hopu a hoohei a hei i ke kaula, hookuu hou, wahi a lakou; a i ka hoi ana mai ana kahi e ku ana o ka hale @@@i hui ninau aku la kekahi keiki.  Ua loaa mai nei nae paha ka hoki a oukou?  Ae, pela ka hana lealea ana a au poe keiki nei, i mea e ili aku ai ka hihia ia hai; aka, i iho la au ia loko o'u, he hiki no ka iaia ke hookolokolo i kona waiwai ponoi.  Nolaila, ke ninau nei au ma keia kakau manao ana, He pono anei keia hana, aole paha.  A ina ke mau nei ke kanawai papa ia lakou, a i ko lakou makamaka ponoi, e i hana paha keia Lunakanawai no kona ike paha aole he mea ike i ke kanawai, nolaila paha ka hana pono ole a keia kahu kanawai, noho no kela i kahu a i loio iloko o ia la.  Eia ka mea hai aku @ o ua keiki nei i niau aku la, oia ka mea i hookolokoloia a hoopaiia, aole nae he hoike ike i make i ua keiki nei ka hoki; he hoike no ka olelo ana mahope oukou ike; pela ka imi hala ana i mea e pakele ai lakou, a au hoopaiia ka mea i ike ole i ua holoholona nei i make, aka, o ka poe lana e hoohei apaa, hookuu paha hikii paha ma kahi paa, i mea e hooluhi ole ai ia lakou, nolaila, e nana pu mai kakou i neia hana apikianeia Lunakanawai, he imi i pono nona, aole i ka pono o ka lehulehu, me keia wahi ke hooki nei au i ko'u pulima.  O wau no me ke aloha.

 

D.K. IKEMAKA.

Keanae, Marati 14, 1870.

 

Kumumanao a S. P. Ahiona.

Heaha la ka hana nui e hana aku ai na Lunamakaainana no keia @ au Ahaolele e hiki mai ana?

 

            ALUA. - E kuka pu oukou me ko kakou Moi a e imi i wahine mare no ko kakou Moi.  Ke hoomanao nei no paha oukou i ko kakou Alii Koa loa, ia Kamehameha nui, nona ka lanakila i na kaua he lehulehu, a lilo mai o Hawaii a me Kauai i aupuni hookahi nana, i ka nui o kana mau keiki a me na kaikamahine e kupono ke pani hakahaka o kona noho Moi.  He kaumaha kuu naau ke hoomanao ia Kamehameha II, ua hala oia i ka make, me ka waiho ole mai i keiki ponoi nana a hala hou no o Kamehameha III. i ka make, me ka loaa ole o kana keiki hanau ponoi, eia hou.  Ua make opiopio aku nei o Kamehameha IV. a ua hala mua kana keiki hanau kahi ma ia alanui hookahi.  Nolaila, ke noho nei ko kakou mau Moiwahine kane make me ke kanikau, a me ka naau kaniuhu hoi, no ka nele i ke kane ole, a nele pu i ke keiki ole hoi.  Aloha ino na makuahine o kakou, i ka noho mau ana iloko o keia kaumaha luuluu.

            Eia ko kakou Moi Kamehameha V. e noho nei ma ka noho Alii kei noi pinepine nei kakou i ke Akua mana loa, e hooloihi i kona ola ana, a me ka haawi i mau keiki hanau ponoi nana, i hooilina no kona noho Moi, a a i mea hoi e hoolaha nui aku ai i ka ohana alii iwaena o keia lahui, ma keia hope aku.  Aka, ke hakahaka nei kona noho Moiwahine.  Nolaila, ke kau nui nei kuu manao e loaa koke i wahine na ko kakou Moi aloha, e loaa ana paha kekahi mau keiki mai kona pukaka mai, i mea e pomaikai ai keia lahuikanaka holookoa.

            No ia mea, aole paha hewa ia oukou ke kuka pu me ko kakou Moi, a noi aku iaia, e wae i kekahi kaikamahine pua alii i wahine mare nana, i loaa ka Moiwahine hou no kakou.

            AKOLU.- E hoala hou i ke Kanawai e pili ana i ka hoopai ana o ka poe launa hewa, me ka hoomahuahua hou i ka uku hoopai.

            O ka launa hewa, oia kekahi kina nui iwaena o keia lahui e noho nei.  Ua hele mai kekahi poe ano kolohe mai ka aina e mai.  Ua hoomoe i ka lakou upena hoohei a Satana, me he wahi apana dala paha, e lilo ai kekahi mau kaikamahine a kakou i hilinai ai e lilo aku ana i mau kumulau hoolaho lahui me keia hope aku, i mau wahine manuahi, a moe mau na lakou.  A pela no hoi oe e ke koko Hawaii ponoi, ua lawe ia e ke kane i wahine nana, a o ka wahine hoi i kane nana me ka mare ole; a hala he mau mahina, a mau makahiki paha ka noho pu ana me ka hanau aku i mau keiki pooole, me ka hookohukohu hoi, me he mau mea mare pono ia la.  Ua lawa like keia kina iwaena o na malihini me na kamaaina, ka poe waiwai, a me ka poe ilihu@e, ma na kulanakauhale, a ma na kuaaina hoi.  Ke hana nei lakou me ka hilahila ole, hopohopo ole, makau ole, me he mea la, ua lanakila loa lakou.  Aka, me he lanakila io la no ke nana aku, no ka mea, ua hoopau ia ke Kanawai hoopai launahewa i kauia i ka makahiki 1850, Mokuna 13, Pauku 5, o ke Kanawai hoopai Karaima.

            I kekahi la, kamailio au me kekahi Lunakanawaino keia pilikia.  I aku la au, "Aole anei e hiki ia oukou ke kinai i keia poe lohulehu e noho manuahi mai nei."  Pane mai kela ia'u.  "Aia a hoopii ia mai e kekahi mea, me ka hoohiki mua mai, alaila, hiki ke hoopuka i palapala hopu, ma ke ano moekolohe nae, aka, aole hiki ia makou ke hopu aku ia lakou ma ke ano launa hewa."  Auwe!  no hea ole ka lanakila o ka poe launahewa, no ka mea, in a ma ke ano moekolohe e hopu ai, alaila, aia a hopu ia i ka wa o ko laua moe pu ana.  No ia mea, ehia mea launahewa i hopuia ma ia ano@ he kakaikahi loa no, a o ka hapa o ia poe, ua neho lanakila loa lakou!  eia ke kumu, no ka hoopau ia o ke Kanawai e hoopai ai i ka poe launa hewa, i ka la 12 o lune, 1852.  He keu o ko'u minamina i ka hoopau ia ana o keia @ila Kanawai maikai.

            Aka, ano, ke noi aku nei au ia oukou na Lunamakeainana o kau Ahaolelo, e lokahi ae i ka manao, e hapai hou keia @ila kanawai, i pomaikai ai keia lahui kanaka holookoa.

            Eia kekahi, mai hoohalike me ka kanawai kahiko, he hookahi @ane@i d@l@, a i ole lakou.  No ke aha la?  No ka makau i ke kanawai m@laila.  A pela paha keka@i poe haole a'u i ike ai, au noho mai Hawaii nei me na wahine manuahi: ke moekolohe nei ua poe la me ka hilahila ole, makau ole; aka, aole paha pela ka lakou noho ana ma ko lakou aina hanau; a i ka hiki @na mai ia nei, ike iho i ke kanawai hoopai o ka poe moekolohe he $15 a $30 dala wale no, heaha la kela mau kala i ka manao o ka poe eke loloa, he opela paha.  "O ai no kea, ai kake palani moni," wahi ana, a hana aku mamuli o ka makemake o ke diabolo, e hoowalewale ana i na kaikamahine maikai o Hawaii nei, a haole ka lehulehu o lakou iloko o keia hewa hohonu loa, oia keia mea he "moekolohe."  (Aole i pau.)

 

He mau lini i Manao nuiia.

E KA NUPEPA KUOKOA E; Aloha oe:

            Ua waiho mua aku au ma ou la, i kekahi mau kumu manao e noi ana i ka Ahaolelo Hanohano o ko kaua Aupuni, no na mea e pili ana i ka malama ana i na mai-pake ma Molokai nei, a i keia wa no hoi, ke ulu hou mai nei no kekahi manao e noi aku i kou ahonui, e waiho hou ae i ke akea, i ike mai ai na hoa hanohano o ua Aha la i na manao i imi nuiia.

            No ka mea, o ke kuokoa pilo paa i loaa i ke kanaka malalo o ke Kumukanawai, he mea hiki ole ia ke hoololi waleia, aia wale no a hoopiiia ke kanaka no na hewa karaima, e like me na lawehala e paa nei ma Kawa, no ka mea, na lakou iho no i imi aku ia mau hewa, a mae wale hoi ko lakou noho kuokoa ana.  Aka, o ka poe i loohia i na ino ili wale mai e like me makou nei, a hookaawaleia ma Molokai nei no ke aloha lahui, he okoa ia.

            Nolaila, he pono a nei e hehi waleia ko makou noho kuokoa ana?  A e hoomaluia anei malalo o na rula kakauha o na halepaahao?  Nolaila, he pono i na hoa hanohano o keia kau ahaolelo, ke noonoo nui i ke kau ana i na rula kupono, a akaka hoi, i ole ai e luwaiele wale ia e na luna keia noho pilihua ana.  No ka mea, o ke kanawai i hooholoia i ka A.D. 1864, e pili ana i na mai-pake, e hooakaka wale ana no ia i na rula i oleloia make Kanawai Kivila, e pili ana i na hana a ka Papa Ola, aole i lawe maohia ko ke kanaka mau pono pili paa ana, me he mea la nae paha ua manao wale ka Papa Ola mamuli o ke kuhikuhi ana aia mau pauku o ke Kanawai Kivila, e keehi maoli no i ka noho kuokoa ana o ka poe i loaa i keia poino ili wale mai.  No ka mea, ke ike pono nei au i kekahi mau hana ku i ha mokumokuahua o ka naau ke nana aku, oia hoi ka ike kumaka ana iho nei i na kane mare a me na wahine mare hoi a ka poe i loohia i keia mai e uwe paiauma ana ma na alanui o keia wahi, no ka hookaoia o ka laua pili aloha e na luna kiai.  Nolaila hu mai ke aloha, a hoomanao ae i kekahi mau wahi lalani mele a ka poe kahiki, "Wehe i ka pil hookooia loko," aole no hoi o ka poe mare wale, o na makua mea keiki kahi, puko ae na leo wawalo i na pali.  He mau pihe uwe ke, loheia ana maanei i na wa apau; owai la ka mea mokumokuahua ole o ka naau i ka nana aku i keia mau hana ku i ke kumakaia, me he poe lawehala maoli la?

            Eia kekahi, e noonoo pu ia loko o na rula a ka ahaolele e kau ai ka luna malama mai kupono, e like me ke ano o ka lahui i hookaawaleia, no ka mea he kanaka maoli wale no ka poe i hookaawaleia mai maanei, a pehea la e malama maikaiia mai lakou e ka luna o ka aina e?  He mea pono no hoi, e hoonoho pu ia mai i kiai mai, ina no ia he kanaka no ka lahui e, i wahi kiai ano ike lapaau e like me Charles Buns o Waikapu a me Dr. Iniko O Lahaina, Kinikake hoi o Honolulu, no ka mea, he nui ka poe i make wale no ka lapaau oleia; aole pono i kiai wahine no ka mea, aole keia hana he kiai mai he wahi mea uuku, no ka mea, he mau haneri e kii ana i na laau lapaau i kela la keia la.

            Eia no hoi kekahi mea e noonoo pu ia, o kahi ola o ka mea mai, o kahi ola e nohoia nei i keia wa, he hapaha dala ko ka pule, i loko iho la no olaila kahi ai, kahi paakai, kahi kopa holoi a me na lako e ae, koe nae kahi ia a me na aahu he lawa pono no ia mau mea, aka o ka ai, aole i lawa, no ka mea, in a lilo kahi hapaha pule i kahi pai kalo, ola ia pule, hiki mai hoi ka manawa e lepo ai na wahi welu, lilo ua hapaha nei i wahi kopa, a nele iho la hoi ka apu i ka ai ka poe ikaika, loaa no ka lakou wahi uwala, o ka poe nawaliwali, pili wale iho la no a haule aku ana, o ka uuku loa mai hoi o kahi pai ai, oki loa, he 11 wahi paona o ka hapaha, nolaila aole e lawa na pilikia kino a pau ia wahi hapaha.

            O ka hiki pinepine ole mai no kekahi o kahi hapaha, oia poino hou no ia.  Ei aku a make ka mahina loaa maila, noho wale iho la no ia mau la, pii aku la i ka nahelehele e huli i na mea ulu wale, hele a loaa make loa ka opu i ke nahu, ka hokuku maila no ia, a haule aku ana.  Nolaila la ea, he mea nui no ka noonoo ana o na hoa o keia kau ahaolelo i ka mea pono e hanaia ai no na mai o keia ano, no ka mea, me ka nui wale no o ke dala e pono ai, aole ma ka hoonui ana mai i ka aina, me ka manao e mahi aku na mai i ka lakou ai, no ka mea, aole i liuliu ka noho ana maanei, a o ka ohi aku la no ia o ka mai ia na lala o ke kino, nolaila, mai hilinai nui oukou he hiki io i keia mai ke hana i ka wa hou hiki no, aka ina kahiko iho, nawaliwali loa, no ka mea, ma na a@ lolo e ai mau ai keia mai a ma na pilali o ka hookuina nolaila hiki ole ai ke hilinai ma ka nui o ka aina ka pono, ka oiaio ma ke dala no.

            Nolaila he mea maikai e kaana akahele ia, e hoololi pono.  Ina paha e oi aku ka lilo o ke aupuni i ka malama ana mai i na haneri mai ke hookaawaleia mai i anei, a hakahaka paha kekahi mau hana nui a ke aupuni, he poino ia o ka lehulehu a me ka lahui.  Ina hoi e hoohuikauia keia mai o ka noho ana me ka lahui, he poino no hoi ia o ka lehulehu a me ka lahui.  Nolaila, owai la ka pilikia hoohaiki koke mai o laua i ka lahui?

            Nolaila ke waiho aku nei ko oukou wahi hoe makaainana i kaia kumu manao, a ke hilinai aku nei hoi, i ko oukou hooiaio ana mai i kana pule.  Me a mahalo.

W.M.H. NALIMAHEA.

Pali Koolau, Mar. 16, 1870.

 

E hoakeia ka Mana Koho Balota.

E KA NUPEPA KUOKOA E; Aloha oe:

            He wahi kana makamae ka'u o hooili aku nei maluna ou, ka manu a-e ale iwaena o keia mau Mokupuni, ka uwea Teregalapa e hele imi ana i kona mau hoa luhi, e noho ana i ka la hiki ma Kumukahi, a ka welo ana a ka la i Lehua.  A n@u hoi ia e kuupau ae iwaena o ka lehulehu, i ike mai ai hoi na Lunamakaainana, mai Hawaii a Niihou; eia keia: E hoakeaia ka Mana K@ho Palota.

            No ka mea, ua ikeia e ka lehulehu, ua alai a keakea loa ia ka Mana Koho o ke kanaka, e ke Kanawai i keia wa; ma keia makahiki i puehu ae nei, e aho no ia.  Nolaila au i manao ai, e hai e aku mamua ia oukou, oiai ke kokoke mai nei ke kau Ahaolelo, a ilaila e hooikaika like ai oukou, me ka lokahi o ka manao, a me ke aloha i ko kakou Lahui, "E hoakea i@ a mana koho malua o na kanaka a pau, mai ka poe ilihuna a ka poe waiwai," no ka mea, e like me ka Auhau kino, Kula.  Alanui, o ke kanaka ilihune, elima dala, ($5.00) pela no ka Auhau kino Kula, Alanui, o ka poe waiwai; elima dala, ($5.00) ma ka nana ana, au kaupaona like ia laua; Aka, hoele loa ia nae ke kanaka ilikune i hookaa i kona Auhau $5.00, aole e koho, aka, e i ae o i ala ka mea kupono ke koho, o ka mea i loaa makahihi he $75.00, a pela aku.

            Eia hoi kekahi mea nana i keakea, o kou hookaa ana i kou auhau mai ka la mua o Dekemaba a hiki i ka la h@pe; ua hooleia oe, aohe mana koho, ka poe i hookaa i ka auhau iloki o Sepatemaba, Okatopa, a me Novemaba, o lakou ke koho.  Kupanaha @ kainoa aia a pau pono ka makahiki, oia na malama he 12; alaila, o ka palena ia o ka aie o ke kanaka i ke Aupuni.  I hoopii wale ia ai e H. Kamikana ia Alapaki; a hoopii loa ia imua o Hatawela, hemo ia kaulahao.

            Paa hou no oe i keia, o kou hele ana mai, mai kahi lo@hi mai; he 12 m@le a oi aku a emi mai paha; no ka pupuahulu a me ka wikiwiki, a o ka balota wale no kau i lawe, a waiho no ko "Palapala Hookaa Auhau" i ka hale; o ko hoi nele no ia, aole ou Mana Koho balota ma ia la; ei ae o lakou la ka poe paha i lawe pu mai me au Palapala Hookaa Auhau la; kupono lakou ke koho ma ia la; a ua kpuia hoi ma ua Palapala Hookaa Auhau la, "Kupono ke Koho Palota."

            Eia hou no.  O kou ike ole i ka heluhelu, a me ke kakaulima; ua hoohokaia nooe ia ka "Mana Koho Balota" ole, o lakou la ae ke komo ia ua mana la, o ka poe e kakahele ana i ka heluhelu, a me ke kakau, loaa ka Mana Koho ia lakou.

            O kou hanau ana mahope o ka makahiki 1840, hanauia paha oe i ka makahiki 1841; he 29 ou mau makahiki i keia wa, ua nele no oe i ka "Mana" hanohano o ke "Koho Balota" ana, aia a hanau mamua aku o ka makahiki 1840; loaa ae la ua mana la.

            Ma ka nana ana i keia m@u kumu a ke Kanawai e keakea nei, aia akaka lea.  Ua hoohaiki loa ia ka mana koho balota iwaena o keia Aupuni; he nui no paha na kanaka e makemake ana e koho ia oe, a ia ia la, a ia ia nei, a ia'u; aka nole nae e hiki; no ka mea, ua alai ia e ke Kanawai, a o ko'u puka ole no ia, a me lakou la aku.  Malama aole no paha pela ma na aina e, a me na aupuni naauao o ka honua nei, ke keakea ia e like me keia, pehea o Amerika?  ke hoole mai nei, Pehea o Europa?  Pehea o Beritania?  Ina olua e ae mai; alaila, au kupono maluo olua ia mea; aole i kupono maluno o keia Aupuni.

            Olelo mai paha auanei ke Kauawai; ka! ua kau ia keia Kanawai i mea e imi ikaika ai ke kanaka i ka waiwai, a oi aku kona loaa makahiki, a naauao oia, a i kaa mua kona auhau i ka wa pupouo, a pela aku.  Ke ae aku nei au, ua pono no ia; aku ke heoikaika nei no kahi poe ma ka lakou hana iho; a o kekahi poe, malalo o na Haku hana, aohe @ae i hiki aku kahi poe ma ua palena la; a ke ike ole nei no kahi poe, a ke kaa ole nei ko ka auhau o kekahi poe, a hoopii ia imua o ua Lunakanawai, a pela aku no.

            Nolaila ea, aia a ike iho oukou ikeia; e hookomo iho iloko o ko oukou naau, i ke aloha like, kuikahi like, aelike, hui like, manao like, eleu like, a hooholo like i keia mau kumu malalo nei:

Akahi.  E wehe i na dala $25.00 $75 00.

Alua.  E wehe i ka poe ike ole i ka heluhelu a me ke kakaulima.

Akolu.  E wehe loa ae i ka malama o Dekemaba.

Aha.  E wehe i ka lawe pu me ka palapala hookaa auhau imua o na luna Nana Koho.

Alima.  E hooemi mai i na makahiki o ka poe koho.

            E o'u hoa, eia mai la, a na oukou, ia e lu ae i keia mau mea nana e hoohaiki ko ke kanaka pono koho; a i lanakila oia e koho i kana mea i makemake maoli ai; a e puka hou no oukou i kela mau makahiki e hiki mai ana; no ka mea, ua wehe ia ka puka, a ua hooakeai@ka lehulehu, e hookomo i ko lakou mau haneri balota. ma ka pahu balota.

            A ma keia mea, e ninau ae ana paha ka poe ike akeaia a me ka lehulehu o kuu lahui, "Heaha ke poho o ke Aupuni, ke weheia a a hoakea loa ae i ka mana koho balota o ke kanaka?  A ua hakahaka anei ka waihona o ke Aupuni?  Emi iho anei ko ke kanaka ake nui ana e imi i ka waiwai a me ka naauao?"  Ke olelo nei au@ e puana like @e ana ka lehulehu o kuu lahui, "Aole!  Aole loa no!!  Aohe poho o ke Aupuni, aole no hoi ia he mea e emi ai ko ke kanaka imi ana i ka waiwai a me ke akee ana e hoonaauaoia."  Pela no ka mea i akaka lea ma ka nana aku.

            Ke waiho aku nei hoi au i keia mau mea imua o oukou e na'Lii a me na Lunemakaainana e akoakoa ana i ka Aha Kau Kanawai o keia Aupuni, a na oukou ia e kaana like iho a hooloa ae i ka lehulehu.  Aloha no.

S.H. WEHE.

 

 

Nu Hou Misionari.

            DR. GULICK: - Aloha nui oe me kou ohana hale a pau, a me na hoahanau ekale@ia, me na hoalauna a pau me na kumu a pau m@ ko Hawaii pae aina.  O ka Haku pu me oukou a pau.  Amene.

            Eia no makou a pau na kumu e ol@ pono ana ia keia wa.  Aole mea i make; he mau pilikia na@ i hookokokeia mai i kekahi poe o makou.

            Ua kokua ke Kiaaina Farani ma Nuub@wa ia Kauwealoha i ka hana ana i mau kale hou, penei: Na ke Kiaaina i olelo i ko Uapou a pau e hana i mau hale no Kauwealoha a ua ae oluolu mai ko Uapou a pau e hana.  Pela kekahi pilikia i hiki mai ia Kauwealoha ma.  Na mea pono kino kai pau aku, pakele mai no nae ke ola.

            He kaua loihi ma Puamau mahope koke iho no o ka hoi an@ aku o ka Hkuao; o na la hope o Mei, he kaua kuloko,- kue kekahi poe o Puamau ia lakou iho.  A o ko maua hale, kahi no ia e lele ai o na poka a ka poe kue mai.  A au manao na enemi e owili p@ ia makou iloko o na pilikia a ka poe hupo ina e pio ka poe o kahi a maua e n@ho ana.  I kekahi wa kaua o lakou, au ku mai k@kahi mau poka ma ko maua hale, a au kokua mai kekahi poe kamaaina ia maua m@ ke kiai ana i kekahi mau po e pale aku i ka poe hele mai e kolohe.

            He ehiku malama o keia kaua kuloko @n@ ua pio ka poe kua mai, a au hoopau kokeia ke kaua ma na la hope iho nei o Dekemaba 1869, he hebedoma okoa mamua o ka pau an@ o ke kaua.  Ua hiki mai kekahi mokuahi Farani ma Pu@mau, e launa me na alii ma Puamau, a e ao ia lakou, ua oki ke kaua ana me ka hana @@m@, a inu hoi.

            Hookahi la ma Puamau, hapa la ma Hanamenu, he la okoa ma A@uona, a ma Vaitahu, a hoi aku.  Iloko o ke kaua ma Puamau, 4 poe i make o ka poe kue mai, 2 o ka poe kueia mai.  He hope ino ko ke kaua, aole nae hoopau ka poe naaupo i ko lakou paakiki ma ia @ana.

            Hoko o keia wa haunaele ma Puamau, aole nui na mea launa mai ma ka pule, he poe uuku o lakou, he 10.15.

            O ke kula la aole he holo pono, no ka haunaele o ka aina.  Eha mau keiki kula hanai e noho pu ana me a~u.  He makau ka nui o na keiki ma kela wahi keia wahi e hele a e noho ma Puamau no ke ao kula, a ke minamina nei au no ka holo ole o ia hana.

            A ke manao nei au e nee iki ae paha i keia wa ma Hakeahi, kahi a Pohaku i noho mua ai.  Ua noi mai ke alii olaila ia'u e noho pu me lakou, a he ae au pela.  Ma Puamau i kahi wa, a ma Hakeani i kahi wa.

            Ua loaa ia makou kau palapala me na nupepa i hooiliia ma Tahiti i keia @@.  A pomaikai makou i ka ike i na mea hou o ko kakou mau aina.

            He launa oluolu ke Kiaaina Farani ma Nuuhiwa ia makou e noho nei, ma ke ano hooponopono aup@ni, a me na hana pule.  Aole manao i ka pule o ko lakou poe o ka aina hanau.  E malu like kela pule keia pule.  Oia ka pono; ua olele oia ia makou, aole anei pono kekahi o oukou ma Nuuhiwa nei?

            A oia ke kumu nui o ko makou manao ia Mr. Bikanele e hoi hou mai a noho ma Nuuhiwa a e ao i kula Enelani no na keiki, a e holo paha ia hana.

Tahuatu, Jan. 15, 1870.  J. Kekela.

 

Atuona, Hiwaoa,

Dek. 28, 1869.

 

            Rev. L. H. Gulick: - Aloha nui oe a me ko ka hale ou; a nau e hai akea aku ma na wahi a pau o ke Aupuni Hawaii i ko'u wahi aloha i mua o lakou.  Aloha na kumu mai Hawaii a Kauai, me na haipule, na hanauna a@i a me ke alii nui o ke aupuni.  E ola ka Moi i ke Akua.

            O ka hana a ke Akua ma Atuona nei, eia no ke hoomau nei na haipule o ke Akua, a he mau haumana hele hou mai kahi.  O ko makou akoakoa mau i keia manawa he kanaha ke huiia me@na mea hou.  A he kii aku na haipule e hoohuli mai i ko lakou lahui, a au oluolu mai no kahi poe.

            Ko'u hele paipai@  Ua hele au e paipai i k'u apana a ua hiki mai kekahi mau hoahanau elua a ekolu.  Hookahi hele ana i ka mahina maloko o keia kahawai; aka, aole e moloa no ka pa@kiki o ko lakou mau naau.  Ua hele nui makou me ko'u mau haumana i waena o na hale o lakou, a hana aku i ka hana a ke Akua imua o lakou, aka, he hoolohe mai no.  A he hele haipule i kekahi mau hale o na alii a hui pu me lakou a pule pu.  Aole lakou e hoino mai ia'u, a pela no ma Tahuata, a ma Taaoa.

            Na Sabati ke akoakoa mau nei na haipule ma keia la me ka malama loa ia o na hana a pau ka makahiki aole i haule kahi la Sabati.  O na kua Sabati ke hanaia nei, a ke olioli nei lakou ma na mea i hanaia ma ia hana.

            Na kula la ua hoomaha makou i keia mau mahina elua no ka hana halepule; aia a paa e hoomaka hou aku no.  Ua ao aku kahi poe o lakou ia lakou iho.  Ua ike kahi poe i ka heluhelu puke na lakou i ao aku.  Ekolu a eha haumana a ke poe ike e ao aku ai i ka poe ike ole.  Oia paha@ka hua a oukou na haipule mai Hawaii a Kauai i hoouna mai ai ia makou e ao aku i keia lahui.  Ua oluolu maikai ka poe e hana ana i ka hana a ke Akua.  Aole lakou e hele i ke kaua me ka inu lama, a me na mea kahiko o lakou.

            Nolaila, eia ka'u e noi aku nei ia oukou e pule nui oukou i ke Akua no makou i holo ae ka hana  Akua iwaena o keia lahui paakiki.

Z.  HAPUKU.