Ka Nupepa Kuokoa, Volume IX, Number 9, 26 February 1870 — Page 4
| This text was transcribed by: | Hanalei Hee |
| This work is dedicated to: | Dr. Chun, Henry Hee, Grace Hee, Guilermo Bala |
Ka Nupepa Kuokoa
KE KILOHANA POOKELA NO KA LAHUI HAWAII.
E maha auanei
(When Faint and Weary Toiling)
– Fresh Laurels
7–6 Aoao 5.
1. A luhi ae a maule
A u na kulu hou
Iini au e maha.
E pau ae kuu luuluu ;
He leo ke paipai la,
E kinai i ka uwe,
Oi kau ka la e hana,
A maha auanei.
Hui–maha auanei
E maha auanei ;
Aole mau ka luhi,
Aole mau ka uwe,
Kokoke ka hopena
A kakou e imi nei :
E waiho ae i na luuluu,
E maha auanei.
2. He ola hana keia,
Mai paupauaho e,
E hooikaika e komo
I kahi e maha'i ;
Kikoo ka mea luhi,
Kokoke hiki ae,
Aia ka lei imua.
e maha auanei.
Hui–Maha auanei. &c.
3. A luhi a iiloi
I hoa okua mai.
Mai noho a ahumu
Ke nana a ike ae
I hoa noho wale,
A kokua ole mai ;
E hana mau no oe,
E maha auanei.
Hui–Maha auanei. &c.
4. e eu kuu hoaluhi,
Eia ka oli ou,
Na hua au e ohi
He waiwai ia nou ;
Nolaila, e mau ka hana
Ma kau mahinaai,
He luhi ia no Iesu,
E maha auanei.
Hui–Maha auanei, &c. HAWAII.
Sing ye redeemed of the Lord.
S–6.
1. E mele, e ka poe maikai,
Ia Iesu e ola'i ;
E ko Ziona huakai,
E oli i ke Lii.
2. He lima e ke alakai
Ma ke ala oli nei
A hiki i ka puu laelue,
A ike i ke Lii.
3. E pua ma na poo a pau
Na lei hauoli mau ;
Hee, me he aka, na luuluu,
Na eha ma na u.
4. E maue ae, e lele pau
I ke Lii, a kikoo
i hiki i ka puu ma o,
Kikoo a oli mau. HAWAII.
Awake my soul, stretch every nerve.
S–6
1. Ala'e kuu uhane e kikoo
Me kou ikaika a pau ;
He heihei lani imua ou,
He lei olino mau.
2. Nui ka poe hoike nou
Ke ku a puni nei ;
Mai nana i ke ala i pau,
E naue imua ae.
3. Paipai ka leo o ke Lii
Ia oe mai luna mai,
A nana e haawi mai
Kou uku nani e.
4. He uku lua ole nei,
He lei olino mau
Ke pau ne i ka helelei
Na lei o keia ao. HAWAII.
Soldiers of Christ arise.
6–S.
1. E ku na koa e,
Kaei i makaukau,
Ma o Iesu la e koa'i,
E koa ikaika mau.
2. Ma kona mana no
E hilinai mai ai,
A ma one la no oukou
E lanakila ai.
4. Ka manaoio nae
Ka pale maikai nei,
Ka pahikaua oi ae
Ke olelo e ola'i.
5. E paio ikaika no,
Pule a hakoko,
E hehi ae i ko ka po,
A lanakila mau. HAWAII.
Mai ka hoi ana mai a ka Emepera wahine o Farani i Parisa. mai kana huakai makaikai aku nei i ke ala wai o Sucza, ua lawe pu mai oia he mau makana maikai, a ke haawi nei oia na kona mau hoalauna i kekahi o keia mau makana maikai a waiwai nui. Mawaena o ka poe i haawi niooa he mau kaukau-alii eono; he hookahi kane a he elima wahine.
Moolelo o ka Ahahui Euanelio o ka
MOKUPUNI O OAHU.
Ua akoakoa mai na lala o ka Ahahui Euanelio ka Mokupuni Oahu ma Kaumakapili. Honolulu. i ka la 15 o Februari A. D. 1870, ma ka hora 10 A. M.
Ua hoolohe ka aha i ka Haiolelo a Rev. J. Manuela, aia ma loane 3: 30 hapa mua. " E mahuahua auanei oia. "
A pau ia, ua wheia ka halawai. Eia na lala:
Kawiahao, Rev. H. H. Pereka ke kahu. Loela Kauwe ka elele. Kaumakapili, Rev. A. O. Porebe ke kahu, Polapola ka elele. Ewa, Hon. I. li (Haiolelo) ke kahu. Keoahu ka elele. Waianne, rev. a. Kaoliko ke kahu, Kekilo ka elele. Waialua, Rev. S. N. Paikuli ke kahu, Kawika ka elele. Hauula. Rev. H. Kauaihilo ke kahu, Kupihea ka elele. Kahana, E. Kekoa ke kahu. Hua ka elele. Waikane, P. W. Kaawa ke kahu, L. Puuweuweu ka elele. Kaneohe, J. Manuela ke kahu, losepa Kamai ka elele. Waimanalo, S. Waiwaiole ke kahu. Nailima ka elele. Wailupe, S. N. Kaholokahiki ke kahe, Lulea ka elele.
NA LALA MAU. Rev. L. Kamika, B. W. Pareka, P. Naone.
Kohoia o Rev. H. H. Pereka i Lunahoomalu, a o P. W. Kaawa i Kakauolelo.
Noi mai o Rev. D. Balauina, Rev. J. F. Pokeue, Rev. G. B. Snow, Rev. Mr. Sturges (Kuleke) me Mr. S. P. Ahiona, i mau hoa kuka, hooholoia.
Hoopaneeia ka Halawai, me ka pule a Rev. S. Paikuli.
Hora 1½ ahiahi. akoakoa hou mai na lala no ka lakou hana. Pule o S. Waiwaiole.
Noonoo ka Hale i mau Komite Imi Hana. Komire Imi Kumumanao, a me ke Komite Pai Moolelo ; A ma ke noi e Kekoa, na ka Lunahoomalu e koho ia mau Komite.
æ J. N. Paikuli,
Komite Haawi Kumu., í L. Kamika,
è E. Kekoa.
Komite Pai Moolelo, P. W. Kaawa.
Hoike mai ke Komite Imi Hana i ka mea a keia Aha e Hana'i, peni :
1. Na Hoike Kihapai.
2. Na Kumumanao.
3. Na hana e ae ke waiho ia hanai imua o Aha.
4. E malamaia i hapalua hora Haipule, mai ka hora 11@ a i ka hora 12 kakahiaka ; a pela hoi i ke ahiahi, mai ka hora 4 a hike i ka hora 4 ½.
æ A. O. Porebe,
Komite Imi Hana í S. Waiwaiole,
è H. Kauaihilo.
I NA HOIKE KIHAPAI
Hoike mai H. H. Pareka no ke kihapai o Kawiahoa.
Hoike mai a A. O. Porebe no ke kihapai o Kaumakapioli.
Hoike mai Polapola (elele) no ke kihapai o Kalihi me Moaualua.
Hoike mai o I. Ii (Haiolelo) no ke kahipai o Ewa.
Hoike mai o J. N. Paikuli no ke kihapai o Waialua
Hoike mai o Kekahuna no ke kihapai o Kahuku.
Hoike mai o Kauaihilo no ke kihapai o Hauula.
Hoike mai o Kekoa no ke kihapai o Kahana.
Hoike mai o P. W. Kaawa no ke kihapai o Waikane.
Hoike mai o Manuela no ke kihapai o Kaneohe.
Hoopaneeia ke Halawai a i ka la Apopo hora 9 kakahiaka.
LA ELUA, POAKOLU, Feb. 16, 1870.
Hoomaka hou ka halawai ma ka hora 9. Pule o Lulea.
Hoike mai o Rev. a. Kaoliko no ke kihapai o Waianae.
O S. Waiwaiole no ke kihapai o waimanalo.
O S. N. Holokahiki no ke kahipai o Wailupe.
II. Na Kumumanao.
Heluhelu mai o Rev. L. Kamika i kona Kumumanao.
Heluhelu mai o Rev. S. Waiwaiole i kona Kumumanao.
Heluhelu mai o Rev. H. Kauaihilo i kona Kumumanao.
Heluhelu mai o Rev. Kekahuna i kona Kumumanao.
Heluhelu mai o Rev. J. N. Paikuli i kona Kumumanao.
Hora 1 P. M. Hoomaka hou ka halawai. Pule o Rev. S. N. Kaholokahiki i kana haawina.
Heluhelu mai o Rev. S. N. Kaholokahiki i kana haawina.
Heluhelu mai o Rev. P. W. Kaawa i kana haawina.
Heluhelu mai o Rev. A. O. Porebe i kana haawina
Heluhelu mai o Rev. A. Kaoliko o Kaua haawina.
Hoike mai ke Komite i kohoia i ka Halawai ma Kahana no ka hookahu ana ia Kekahuna. Aponoia ka hoike a ke Komite.
Noi mai o Porebe e koho hou o Komite e helu hou e hooko i ka hookohu ana ia Kekahuna i Kahu ekalesia no Kahuku. Aponia.
Eia na inoa o ke Komite. Rev. A. O. Perebe, Rev. H. Kauaihilo, a me Rev. E. Kekoa.
III. Na Palapala Hoopii.
Heluheluia ka palapala hoopii a na hoahanau o Wailupe e noi ana e hookuu o ko lakou kahu mailaila mai ; a ma ke noi a Rev. A.O. Porebe, e hookaawaleia i halawai ku i ka wa no keia Aha ma Wailupe i ka Poalima mua la 1 o Maraki, hora 10 kakahiaka. Ua hooholoia.
Heluheluia ka palapala hoopii a na hoahanau o Kaopa a me Maunawili, e noi ana e hookuu ia lakou mai ka ekalesia o Kaneohe mai. Hoomoeia ma ka papa.
Noi mai o A. O. Porebe e kono keia Ana ia Rev. J. F. Pokue e hele kaapuni ma Oahu nei e hai aku i na mea hou o Maikonisia. Hooholoia.
Eia na Kumumanao hou iloko o Sepatemaba A. D. 1870 e hiki mai ana.
I. Ina e hoomaka hou ia ke Kula Kaikamahine ma Waialua, pono anei ke ao alo ma ka Olelo Beritania kekahi, a me ka aldo Hawaii kekaji ? Na Rev. P. W. Kaawa.
II. Heaha la ka waiwai on a Halawai on a Halawai elua o ka makahiki. o ka Ahahui Euanelio na Oahu nei ? Na Rev. H. Kauaihilo.
III. Ka pono o na Ekalesia Hawaii no o lakou nanawalea ana, a me ko lakou hoouia ana i na misionari i na aina Pegana. Na Kekahuna.
IV. Heaha ke kumu o ka emi nui ana o ko Hawaii nei poe kanaka ? Na Rev. J. N. Paikuli.
V. Pono anei i na Alii o keia o keia Aupuni le kii aku i poe paahana i ko na aina e, i pe paahana ma Hawaii nei ? Na Rev. S. N. Holokahiki.
VI. Ua oi aku anei ka pomaikai o ka poe hana hoolimalima ma na mala mahai o na haole mamua o ka poe e noho ana ma ko Iakou aina alodio ? Rev. A. Koaliko.
VII. Heaha la ka Milenio ? Ahea la a hiki mai ?
VIII. Heaha la ke ano nui o kela olelo ma Luka no ke kanaka waiwai, a me Aberahuma, he Nane anei, he Kaao paha ? Na Rev. L. Kamika
IX. He pono anei i ke Kahunapule ke nao pu me kana wahine a malama i ka oihina a ke Akua, ina ua hihia ia wahine ? Na Rev. S. Waiwaiole.
X. E wehewehe i ka Pauku ma Luka I : 26. Na Rev. H. H. Pareka.
Ke kumu o ka hemahema o na anaina hoomana i ka himeni, a peha la e pau ai i hemahema ? Na Mr. P. Naone.
XI. He pono anei ke bapetisoia na keiki a ka poe mawaho o ka ekalesia ? Na Rev. B. W. Pareka.
XII. Heaha ka hookuina i waena o ke Diablo me na uhane ino ? Na Rev. J. Manuela.
XIII. Pehea la e pii ai ka ike o na kula la o ke Aupuni ? Na Rev. E. Kekoa.
XIV. O ka mihi io e ola'i, heaha ia ? Na ka Ekalesia o Moanalua.
XV. O ke kukulu ana o na Halekuai awa ma kela apana keia apana o Hawaii nei, he he mea unei ia e pii ai ka lahui ? Na ka Ekalesia o Ewa.
Ua kohoia na Elele o keia Aha no ka Ahahui Euanelio Hawaii iloko o lune aenei.
Major W. Moehonua me Hu no Honolulu; Nakea no Kahuku ; J. Kamai no Kaneohe.
Noi mai o Rev. S. Waiwaiole ma Waimanalo e hui ai, Hooholoia.
Hooholoia o Rev. E. Kekoa ke Komite hoike i na hana o keia Ahahui i mua
o ka Aha Eua nelio Hawaii.
Hooholoia, e hoopanee i ka Aha a hui hou ma Waimanalo i ka Poalua la 13 o Sepatemba, A. D. 1870 i ka hora 10 kakahiaka.
P. W. KAAWA,
Komite.
Nu Hou Misionari.
Maikonisia.
Ma ke Kuokoa Buke IX Helu 7. Ua paiia ka moolelo o ka holoholo ana ku o ka Hokuao i Maikonisia, mai kona wa i haalele ai ia Honolulu a hiki i kona ili ana i ke kahakai o Kusaiea, 4618 mile ka holo ana ku a hiki i ponabe a hoi mai i Kusaiea, kahi i hoonahahaia ai.
Ekolu mau Pae-aina okoa ma ia wahi hapa o ka moana pakipika i ka paia mai o Maikonisia.
Oia hoi ka Pae aina o Gilibati. Ka Paeaina o Makala, a me ku Pae-aina o Korolaina. Aia ma ia mau kihapai ekolu na Sisionari o ka Papa Hawaii. Aole mae he Misionari Hawaii ma ka Pae-aina o Karolaina. He mau haole wale no maluila. Ua launa aku ka Elele o ka Papa Hawaii me na Misionari a pau o kela ano a keia ano. Eia malalo iho nei he wahi hapa o ka hoike o ua Elele nei.
Ka Pae-aina o Gilibati.
He 15 mokupuni okoa o keia pae moku, he mau aina haahaa ; umi, a iwakalua paha kapuai ke keikie ae i ko ka ili moana. Paapu i na niu, he 30 paha tausani kanaka, he poe kanaka iki ole i ke Akua oiaio, lilo i ke kalohe loa, he poe haumia, pelapela, helewale, olohelohe, hilahila ole a hupo maoli no.
Eha mau mokupuni okoa o keia pae moku, he mau aina haahaa ; umi, a iwakalua paha kapuai ke kiekie ae e ko ka ili moana. Paapu i na niu, he 30 paha tausani kanaka, he poe kanaka ike ole i ke Akua oiaio, a lilo i ke kalohe loa, he poe haumia, pelapela, hele wale, olohelohe, hilahila ole a hupo maoli no.
Eha mau mokupuni Misionari, o Tepiteuea, Apaina, Taraoa, a me Butaritari. He 15,000 kanaka no keia mau moku eha. Ewalu Misionari Hawaii me ka lakou mau wahine lawelawe i ka oihana o ke Akua mawaena o lakou ; a hookahi Misionari Amerika me kana wahine, aole nae laua malaila i ka makahiki i hala ae nei.
11 Mokupuni Misionari ole, me ka nui o kanaka no na moku, he 15,000 no. Aole o lakou i lohe iki i ka olelo a ke Akua, he kioikioi na uhane ioo a lakou i makau wale ai. Aia lakou ma ka malu o ka make. Aloha ino!
"He poe ike ole,
He naaupo lakou,
O ko lakou Akua,
He lapu, kii laau."
No Tamecoa.
Aia ia mokupuni ma ka hema o ka Poaimaena, he 30 mile ka loa, he 15 kulanakauhale, o ko laila poe kanaka. he 6,200 no, he 12 hale hula, 120 kapuai ka loa, a he 54 kapuai ka laula o kekahi. 126 kapuai ka loa. a he 59 kapuai ka laula o kekahi. Maloko o ua mau hale nei i hoakoakuaia na kanaka, ohane kamaiii i kukakoka a i kamailio, a i haoa lealea hoi. malaila i hanaia ai na hana haumia, kupono ole ke haiaku ma kahi akea.
Aole na alii ma Taiteuea e like me ko Hawaii nei maau lii. Manalima o ka poe elemakule kamana ; na lakou i hooponopono mai i na mea i hoolaa ia e kanaka. Lawe aku la lakou i na haawina a waiho imua o keia mau mea lea me he mohai la.
Elua Misionari o kakou ma ia moko. Rev. W. P. Kapu laua me Leleo. me la laua mau wahine he umi wale no mau wahine. he umi wale no malama ko lakou noho ana mawaena o ia poe Pegana, i ka wa a ka Hokuao i ku ai malaila. holo nae ka hana.
Elua kaapuni ana o na Misionari i ka aina, a hai aku la i ka nu hou maikai maloko o na hale hula a pau. Hahai na kanaka he lehulehu mamuli o lakou a lohei ka olelo a ka Akua. malama no kekahi poe, hoowahawaha kekahi poe, he uuku wale no nae lakou. e like me ka poe Ludaio i ka wa a Paulo i hai aku ai i ka olelo ma Kema, Oihana 28 24.
Ma ka la 11 o Okatoba M. H. 1869. wehewehe aku la o Kapu i ke ano o ke Akua oiaio, a hoike lea aku o ka ole, a me ka lapilewale o na mea a lakou i hoomana aku ai. Lohe mai la na kanaka, ae mai ia kekahi poe he oiaio, lapuwale iho no na laau. na lala o ua phaku, a me na laau, na pohaku, a me na mea like a lakou i makau wale ai, a hoomana hoi. Hoole mai la kekahi poe. a i aku la, :aole ne oiaio o ka mea o ka Misionari e olelo mai nei." A nui ka hoopaapaa ana, ku ue la kekahi elemakule iluna, a olelo aku la, i akua ia oe. "Ua huhu na akua ia oe. e hoopai no lakou ia oe, e make auanei oe, aole oe e pakele ana." A o ua elemakule nei, ua kiole aku ia i na mea laa ana i paulele ni, a hoomaikai i ke Akua oiaio i keia manawa. A hala ae hookahi he bedoma. he 320 mau mea laa a lakou i hoomana aku ai i kiola wale aku, a wawahi aku paha. A hookoia ae ka olelo a ke Akuan ma ka waha o Isaia, penei : " la la la e kiola aku no ke kanaka i kona mau akua dalo, a me kona mau ahua gula, ana i hana'i i mea hoomana. e lilo o ma oile, a me na peapea. " Isaia 2: 20. Ke ninau mai nei paha kekahi, heaha la ia mau mea laa ? ae. he ninau kepono ia. ke pane aku nei au, eia ua mau me alaa nei, na pohaku na lalo o na loau i hamoia i ka aila niu, na ia o kekai, na munu o ka lewa, a me na i hoomana aku, a makau hoi me ka weliweli. Mahope iho, haalele wale aku la i ka mahalo ana o keia mau mea. a koho ao la lakou ia lehova i Akua no lakou, oia ko lakou Akua hoomana i keia wa a kakou i noho moi nei, aia ma kahi kokoke i na hale o na Misionari, he 35 kapuai ke anapuni o ke kumu o ua laau nei ma ke kapuai hookahi iluna ae o ka lepo. He laaau kapu loa keia. A e ae iki ka noho ana malalo iho o kona malu, aole hoi ka pii ana malalo iho kumu, a hele ma kona make koke no ia. Ua lawe pinipioeia na niu, aila, hua hala, a me na ia, a waihoia malalo o keia laau, me he la, he akua no ia. Aia ma la kua Januari 1869, i hala aku la, ua hoakoakoaia na kanaka he 3,000 malalo iho o keia laau, i malama lakou i " ka happy new year," wahi kapu, "ko lakou hapi no year mua ia." Hauoli lakou me ka olioli o ka naau. pule aku la ia lehova. Himeni aku, Halelu aku, a hoke kula hoi. He la nui keia o lakou, aole o lakou la nui me ia ma ka wa kahiko mai a hiki mai i ka la mua o Januari M. H. 1869. Ma ka hoike kula, ua maopopo lea ka makaukau o kekahi ooe i ka heluhelu ana i na buke. Hai mai la kekahi poe o ka heluhelu ana i na buke. Hai mai la kekahi poe i na kanawai Umi, a me ka pule a ke Akua a lakou i hoopaanaau ai. He la keia a na Misionari i hoomano ai me ka lana ana o ka manao. Nani ! ka lanakila ana o Iehova, ke Akua oiaio malena o na akua ola ola, hiki old ke kokua mai i ka poe paulele aku ia lakou. Ekolu mau kula ma na mukupuni, he lehulehu na haumana, he 150 haumana, hiki ia lakou ke heluhelu aku ma Maaio ; ma Oihana ; ma Epeso kekahi. Nui na haumana heluhelu i ka Pi-a-pa, holo no ka hana ! aole hiki ke hoole. E hoomaikai ia aku ka inoa o ko kakou Haku o Iesu Kristo.
Ke ninau mai nei paha kekahi, aole anei na mea e keakea ai i ka haana malaila ? ke pane aku nei au, e like me ka Paulo o ka poe Koriento no Esepo, penei: "Ua weheia uai no'u he puka nui, a ua hamama loa, a ua nui no hoi ka poe emei." 1 Kor. 16: 9. Pela no ma Tapiteuea, ua nui no hoi na enemi.
Eia kekahi enemi. He Kaula wahahee. He kahuna ia no ko lakou hoomana kahiko. He aina ho hoi maluna o kekahi mokuu haoe. ohe mai la ia i o Binamu hai ana aku i ke ano o ke Akua oiaio, a me kona aloha nui i ka haawi wale ana i kana Keiki i iho mai ai mai ka lani mai a i ka honua, a make iho la no ka poe hewa. Manao iho la kela Kaula wahahee e hoolilo o keia i mea e hanohano ai iaia iho, nolaila, olelo mai ia ia i na kanaka, penei : "Ua iho mai o Iehova mai ka lani mai, a ua komo mai iloko o ke kino o'o, a ua haawi mai ia'u e ao aku ia oukou e hoomana aku i keia kea. Ae no kekahipoe mamuli o kona manao, a hoomana aku la lakou i ua kea la . a manaoio ito la. aia ke akoa iloko o ua Kaula wahahe la, a makau wale iaia a ku-e i na Misionaari. He Kaua kekahi mea e keakea ei i ka hana a ke Akua malaila, a me kekahi hole puni aina. Huhu ae la ia i na Misionari, a imi i na mea e alakai ai i ka hana. ala, "E hoonani aku no ka huhu o kanaka ialehora ; a e liki no hoi ia i ke koena o ka luhu. " (Aole i pau.)
Kanikaa no Hoakalei.
Kanikau he aloha no ia la,
Nou no hoi e Hoakalei,
Kou mea minamina na hala.
Akahi ka eha o ka manao.
Ke lalawe nei i ka nui kino,
Kuu kino ka luahi he aloha.
Ke hahana nei i ka puu wai,
Ke leku nei i ka iwaihilo.
Kanikau he aloha no ia la,
Nou no hoi e Mama.
He uwe helu mai kuu lei.
Aloha ino no ka makua,
Ua hala ua nalo aku nei,
Aia paha oe ma ka lewa,
Ma ka poli kapu o ke kupuna,
Noho i ka ioio ka wahine.
Kanikau he aloha no ia la,
Nou no hoi e Hoakalei,
Kuu pau nana ma hikina,
Kiina mai nei ua lilo,
Ma ka lima hopo ole o ka make,
O ka hope ia e hakukoi nei,
E halia nei o ke aumoe.
Kanikau he aloha no ia la,
Nou no hoi e Mama.
Kuu hea ohumu o ka po,
Haihai olelo o ke kino,
E walea ai o ka manao,
O na po ua lokuloku.
Ke loku mai la i la Laila,
I ka hale lai a ke aloha.
Kanikau he aloha no ia la,
Kanikau he halia keia,
Nou no hoi e Hoakalei,
Ei aku nei paha ku uhane,
I ke kai wale o Keawaeli,
Ike i ka hono a na Lio,
Ku ana ka wahine mana,
O ke ahe mai a ka makani,
Halihali mai la i ke ala.
Kanikau he aloha no ia la,
Kanikau he aloha keia,
Nou no hoi e Mama.
Kuu hua o ka hale hooluhi,
Hale lauahi a na lima.
I ka lima ke ola e noho ai,
Hala ia la poluli nui,
Ola i ka ai a ka haole.
A ka ilipuakea o Maleka.
Miss Rebeka Kaikuaanaheleloa .
Kanikau he aloha no ia la,
Nou no hoi e Hoakalei,
Kuu lei mae ole o ke kau.
O ka hau anu o ka mauna,
I ka uka wale o Mana,
I ka ohu paa mai i ka nahele,
Hele oe haalele ia ka pili,
I ke ana iliwai a loko.
Kanikau he aloha no ia la,
Nou no hoi e Mama.
Ka hiapo mua a ka makua,
Hoahele o na kai loa,
Mai Hawaii a Kauai,
O na ale o ka moana,
Ua ana ka Wahine i ka hele,
Kuu aku ka luhi i Kohala,
O kona one hanau ia.
Kanikau he aloha no ia la,
Nou no hoi e Hoakalei,
Ei nei e moe loa nei,
Ei nei e moe loa nei,
E ala ae oe ua ao,
Ua kani e ke oe-oe mua,
Ianei iho nei ke aloha,
Kahi i lauwili mai ai,
A manawahua mai nei loko.
Kanikau he aloha no ia la,
Nou no hoi e Mama,
Hooponopono ole ka helena,
Ka helena o ke alanui loa,
Aohe lua, aohe kolu,
O ke keiki ka mea aloha,
O ka luhi hoi a ko lima.
Kanikau he aloha no ia la,
Nou no hoi e Hoakalei,
Kuu pua Mamo ma ka hikina,
I lawea mai e ka makani,
E ka Ulumano makai ae,
Ko Hilo mea mau no ia,
O ka ua nihi ma Halai,
Ua lai ka wahine i Punahoa.
Kanikau he aloha no ia la,
Nou no hoi e Mama,
Ei aku nei paha ka wahine,
I ke kui lehua i Panaewa,
I kahiko no ka wahine,
Ke hea mai nei Hopoe,
Ka wahine ami i Haena,
Huli aku ke alo i ka hikina.
Kanikau he aloha no ia la,
Nou no hoi e Hoakalei.
Kuu pua nani ku hookau,
Aohe lua ma Kohala nei,
Hookahi wale no hoa like,
O ka hiwahiwa ma Paliuli,
Uhia mai e na manu,
Kui aku ka lono i ke kaona,
Kanikau–he aloha–no Hoakalei.
J. J. K. Nahulanui.
Kanikau he aloha no Mama,
He uwe helu mai Kamokuilima,
Aloha ino no kuu keiki,
Kuu mea minamina e noho nei,
Kuu lei mae ole o ke alanui,
Au aku maua o ke kai,
Mai Hawaii o Kauai,
Oni ana Haupu i ke kai,
Kuu hoa o ka hale makamaka ole,
Hookahi makamaka o ka ua Koko,
Ke peahi mai la ia'u e hele,
Ike ai kaua i ka ua loku o Hanalei,
Ke haaheo mai la iluna o Hihimanu,
Ke wawahi ae la i ka wai o Namalokama
Ke hehi mai la ka ua o Limunui, [ma,
A nui mai no ko aloha e uwe no au,
Uwe aku au o kahi o kaua e hele ai,
Kuu keiki mai ka limu pehu o Manuakepa,
Nai na lehua o Kupakoili, [kepa,
He lei lehua ia na ko aloha,
Aloha au o ka luna o Puuhinahina,
e nana ana i ke one o Hoohila,
Akahi kaua a ike i ka wai o Lumahai,
Mai ka hala nee mai i ke kai o Naue,
E naue aku no kaua i ike i ka wai o Kanalo,
He loa ka hinakina ku i Makana, [naloa,
He aloha–nou–e Hoakalei
Kuu keiki mai ka wai o ka Lihiwai,
Mai ke ko kumu ole o Kahikolo,
Mai ka nani lua ole o Halaulani,
He lani nui ko aloha na'u e malama nei,
Aloha wau o ka wai o Waiuli,
Oia wai o kaua i auau ai,
Komo aku kaua i auau ai,
Komo aku kana o ka olo o le kukui,
Aloha ia wahi a kaua i hele ai,
Kuu keiki mai ka lai o Moloaa,
Oia aina a ka makani i noho ai,
Noho no ka ua poo iluna o Paeo,
E nana ana i ka wai o Anehola,
Ua kau ka iwa he la malie.
Ka hailona ua hoi ia oia aina,
He aloha–nou e Hoa kalei.
Heleloa Kaui.
Nou paha ka uhane i hele hookahi aki nei aohe lua.
O na kuiloa o ka pihe i ke awakea.
He uwe helu mai e Ikeole,
Aloha ino no kuu kaikuahine,
Kuu wahine mai ka wa heu ole o na kino,
Mai ka hale paa i ke ehukai o Hoea,
Hoea mai au ua hele oe,
Ei aku nei paha ma kaiaulu o ka makane,
Makani ka helena la e ke hoa.
I aha ia oe i ike ole iho ai ia makou.
Me ka lei aloha a kaua he keiki.
He aloha–nou e Hoakalei.
Pahulihilihi Koolani.
He wahine holoholo lio.
O Hoakalei no Kapaau,
Ei aku nei la paha ka uhane,
I ke kapae ihu lio i ke kula.
I ke kui pua lei i ka nahele,
I wehi i kahiko no ka uhane,
Ku hoolai ana la ka uhane,
O ka leo o ka niu e uwalo nei,
Kanikau ana la i ke aloha,
He uwe helu mai Koahualii,
Kuu kaikuahine ka mea aloha,
Kuu hoa o ka hale malu loia.
O ka la kanaka o Halaula.
Kuu hoa o ka i a lauahi lima.
Ui ae Kalai aole ia.
Auhea iho nei kuu Mama ?
Aia i ke kakelekele lio,
Mauka makai o Keawaeli,
E huli e hoi paha ka uhane,
Aia ka la i ka ili kai,
Ua lawe aku la i Lehuakona,
Ua ko ka hana a ke aloha ole.
Na mua menemehe ole o ka make,
He uwe helu mai e Kahalewai,
Aloha ino no kou hoa luhi.
Kuu hoa o ke kai koieie.
O ke kai whe i ka ihu o ka moku,
Na ale hulilua o Pailolo,
Kahea e ka ono i kapena,
Mahea ka moku e hooi o ia,
I ka nuku kai koi o Kawaihoa,
Kuu hoa o ka ua alo i ke anu,
O ka la welawela Kulaokahua.
O ka uluwehiwehi o Honolulu,
Ka hoene a ka Pila i ke ahiahi,
O ka bele kuilua i ke aumoe.
Na Pohakunui w.
Kula Haole ma Ulupalakua, Maui,
E ke Kuokoa ; Aloha kaua :
E oluolu paha oe e hookomo iho i kela mau hua e kau ae la maluna, "Kula hao e ma Ulupalakua, Mauai."
Ua wehe hou ae nei ke kula haole ma ka la 24 o Januari o ko kakou makahiki lou. mamuli o ke alakai ana a James Makee ka Peresidena oia kula a me John Kavanagh ke kumuao.
Mamua ae o ke kula ana, ua hana ia he wahi olelo aelike mawaena o James Makee me na makua mea keiki ma ka aoao elua, penei : Ua haawiia e ka aoao mua he hale kula, ewalu eka aina me hapa, i palau ia. kanuia i ke ko, o ka loaa o keia mau eka 8 me hapa, ua haawiia ka hapaha o ka loa no na keiki i hana me na hemahema oia kula. Ua ae no hoi ka aoao elua na keiki kupono i ka hana. e mahi a malama i ke ko a hiki i ka wa e oo ai alaila pau ko lakou malama ana, na ka aoao mua no e wili, alaila haawiia mai ka hapaha o na loaa no na keiki i hana mau i na hora eha me hapa no kela me keia la. Me ka hou o kou lae e loaa ai kou ike namu haole. He kanaha ka nui o na haumana o keia kula, elua me hapalua ka uku no ke keiki hookahi no ka malama. ua like me kanakolu dala no ka makahiki. he mau lepo maoli ka ke kumu. Ua pau me ka mahalo i na keiki o ke Koukou.
Na M. Kamaaina.
Ulupalakua, Feberuari 10. 1870.
NA BUKE
HOOLAHAIA E KA PAPA HAWAII
Baibala Hemolele Nui ili eula nani me na kuhikuhi ma na a ao.....$12 00
" " Nui ili eleele kaekae wai gula.....5 00
" " uuku iki ihi " ".....8 00
" " Pananaiki iho ili eleele.....4.00
Kauoha Hou ili gula nani me na kuhikuhi.....3.00
" " eleele kaekae wai gula.....1.00
" " " ......75
Kauoha Hou Hapa Haole.....75
Lira Hawaii 1848 me ke kanawai......25
" " 1855.....25
Moolelo Ekalesia.....50
Haiao ili lahiahi.....10
Hele Malihini ana.....25
No ko ke Akua ano......25
Lira Kamalii......25
Hoike Palapala Hemolele.....25
Moolelo o Heneri Opukahaia.....25
Hoike Akua.....25
Weheweheia.....25
Ninau Hoike ili manoanoa.....25
" " " lahilahi....10
Kumumua Kula Sabati.....10
Buke Lawe Lima.....10
He Buke no ka Pope.....10
Ui Kula Sabati Helu 3.....25
" " " " 4......25
" " " " 5......25
Buke Euanelio a Ioane.....10
Himeni .....1.00
Himeni Ili nani.....1.75
Na Kauoha Hou Pakeke
Ili Gula nani.....1.50
Ili eleele kaekae nani......50
Ili eleele......35
Kauoha Hou Pakeke me na Halelu
Ili Gula nani.....1.75
Ili eleele kaekae wai gula.....50
Ili eleele......50
Na Halelu Pakeke
Ili Gula nani.....50
Ili eleele kaekae wai gula......30
Ili eleele.....20
Ka Hae Hoonani (Buke Mele)......25
Buke Wehewehe Huaolelo Baibala.....2.00
" " " Ili nani.....3.00
Eia na buke haawi wale
Palapala Liilii--
Helu 4--Makemake anei oe i ke ola
Helu 6--E hele i o Kristo la.
Helu 7--Ka hoi ana mai o ke Keiki Uhauha
Helu 11--No ka hoohiki wahahee i ke Akua
Helu 16--Ka Kehia ana o ka Ahaaina a ka Haku a ma ka Bapetiso ana.
Helu 17--Mai hana ino i na holoholona
Helu 18--No ka mahi ana, kuai ana a me ka inu ana i ka Awa.
Ka Davida Malo Kumumanao.
Ka Moolelo o Batimea Puaaiki.
L.H. Kulika.
Kakauolelo o ka Papa Hoeke o ka Ahahui Euanelio o ko Hawaii Pae Aina.