Ka Nupepa Kuokoa, Volume VIII, Number 46, 13 Nowemapa 1869 — Page 2

Ka Nupepa Kuokoa

KE KILOHANA POOKELA NO KA LAHUI HAWAII.

 

 

NU HOU KUWAHO

No Amerika

            Ua holomai Amerika Hapua ke Kahu-

napule Pope  no ka oiaio ole. E noho ana oia malaila no kekahi mau po e eono a ewalu paha.  Heaha la aunei ha hana a ka Abuhui o Roma nona?

            Ma ka la 4 o Iulei i hala, ua ili ma ka lae @ ma ka bikina akau aku o ka mokupuni Terra del Foego ma Amerika Hema, ka moku nui Amerika nona ka inoa Dreadnaght, i ku ma Honolulu nei i ka makahiki 1563, a lawe aku la i na pahu aila he nui

mai keia awa aku no Nu Pepeki.   Ua haalele keia moku i livapulu ma Enelani, a maluna mai on a ua hookauia he 2900 na

tona hao, e lawe ana i Kapolakiko . I kona holo ana ma ka moana a hiki ma kela wahi mua I kaila ae la, loaa iho la iaia ka poino e lawa okoa aku ana i ke kino holookoa o ka inoku.  O ka nui o na kanaka maluna iho he 34.  Ua hoomanawanui keia poe i ka noha ana ma na kapa kai o keia kela aina hookipa makamaka ole, he poe ilikini me kahi ai uuku e lawa ole ai ka waha ke ai iho.   Ua laweia aku kekahi o keia poe e kekahi moku, a ua hoopoinia kekahi poe ma ke oki ana i na wawae ma loko o ka hale mai i waihola aki a i kekahi mau mea mai. 

            Ua koho aku o Peresidena Kalani ia Generala Unlama M. Belknap o ka apana aina o Keokuka, Iowa, i Kuhua Kaua no kela aupuni nui, ma kahi o ka mea i haalele mai i ka ohana mamuli o ka laweia ana aki e ka make. O ua Ganarala nei i  hookuhuia aku la i Kuhina, he kanaka ia i hele i ke kaua , mai ka la mua a hiki i ka la hope. Oia ka Alihikaua nana i alakai i ka mahela hoa 15, o na koa hele wawae o ko Generala Keroma mau ponoi iho, a me ka mahahalo loa ia e na alii maluna ae on a.

            Elua mau kanaka nui o na aupuni o Amerika Huipuna, a me Enelani, e waiho nei ma ka wehu o ka make, oia o Adimarala Farapu a me Earl Derby o Enelani.

             Maka lono mai Sidane mai, aia mamaila ka mokuahi kaua Amerika Huipuia Kearsauge, a ua hauwiia kekahi ahaaina nui i na alu moku o Sidane.

            Ua loheia, e waiho aku i loko o ka malama ana a Amerika, e waiho aku i loko o ka malama ana a Amerika Huipuia i kona aupuni, no kahi lihi iki paha kahi o Amerika noko uoaila.

            Ua hopuia ka moku manuwa Hornet o Coba maloko o ke awa o Wilmigton, mokaaina o Karolina Akau, e na mana aupuni a Amerika Huipuia . I kmom ae paha ua moku la, i lanahu hou no kona Mekini, aka, e hao mai ana na mana aupuni paa ua moku la.  Aole ae ae iaua moku la, e hookuu aku e holo a loheia na manao o na poo aupuni  ai Wasonatona mai.

            Ua hoi mai ka Peresidena kipi Jeff Davis, mai kana hele makaikini ana aku nei i Eurepa, a ua ku ae la oia ma ke kulankauhale e Balatemon, kekahi o na punana kipi o kela kau i hala aku nei.

            Ma ka po o ka la 11 Okatopa, ua piha no ka hale nui o Kupa ma ke kulanakauhale o Nu loko, no ka hoomanno ana i ka puni ana o ka makahiki o ok Cuba noho kaua ana me Spania.  Maloko olaila ke Kuhina Noho o Cuba ma Wasinetona, kahi i malama ai.  Maloko olaila i liaolelo mai ai na ma kamaka o ka poe Cuba.  Ua makaikai ae kekahi manuwa Amerika ma koe awa o Havana, mokupuni o Cuba. Ua oluolu loa na haole Amerika malaila, no ko lakou malammia, a akahi no a oluolu loa mai na Sepania.

            Ua loheia ma Amerika huipuna, e holo mai ana i Nu Loka kekahi Agena o ka ludaio waiwai o ke ao nei, oia o Rotakaila. E holo mai ana ua Luna la, e haawai akui na haole Banako o Amerika Huipuia, ma ke ano haole i ka dala e like me ka lakou i makemake ai.  O ke kumu o keia Hoounaia ana a e o kela agena, no ka loheia ana, ua ae aku ka poe dala o Geremania, e hoaie aku i na mea malama Banako o Amerika Huipuia, ma ka eha keneta o ke dala no ka makahiki.

            Ua hiki ae na lono ma ke kulanakauhale o Wasnetona, ma ka la 17 o Sepatemaba i hala, ua hoonaueue hou iho la na olai hoolukilele hauli maluna o ka mokupuni o Saua Toma.  Ua hoike mai kekahi mea kakau Nepepa, he lehulehu wale kona loaa pinepino ana i na olai, aka, aole nae i like aku ka ikaika o kana mau olai ikeia e ia ma Sana Tome i kela la 17 i hoikeia maluna.  O na kabua o na kauhale, ua hoana e ia ae, a o na hale nui, ua hoopoinoia.  O kela la welawela , i hiki ae ai ka mea ana wela i ke kanawa kumamalua degere, hiki koke mai la ke olai, a hoohaku iho la me ka ikaika.

            He wai halana ma ke kulanakauhale nui o Piladelpia, ma ua la mua o ka malama o Okatobe.  A o ka nui o na dala i hoopohoia no na waiwai i hoopoinonia, ua hiki aku no ia maka hapalua miliona dala.

            Ma ka halawai o ka Papa Misionari Amerika ma ke kulanakauhale o Pittsburga, Peniselavenia, ua ikeia maloko o ka koike ana a na Luna Lawelawe he aono tausani paha ko lakou aie i keia makahiki  Ua kuhihewa loa na lala aae o ia Papa, ua nui loa aku ko lakou aie, aku , mamuli o ka hoikeia ana iho nei, ua emi loa.  He ekolu hanen a nue kanaluua ua paahana a na Papa i hoolunalima aku ai, i hoike mai i na lono hoohauoli .

            Mahope iho o ke kaua holiamahi o Amerika Huipuia, ua kapili iho ke aupuni, he ewalu mau Mokuaki kaua nui ma na pa

 

            pili maeu Kaletona. Balukaiani a ma Phadelepia.  Ke koi mai nei kekahi lama hooholo mokuahi, e kuai aku me lakou i ekolu o ia mau moku.  I mau moku lawe ukana, a ohuapaha keia a keia laina hooholo Mokuahi , e koi mai nei.  Kaumaha no hoi a luhi ka imi ana o keia mea he saia, aka, he mea ole waie no nae i ka poe waiwai.

            Ma ka la 1 o Okatopa,, ua ili mai malona o ke anaina makaikai fea (fair) ma ke kulanakauhale  o Iodinapolisa, kekahi ahula, oia hoi ke poha ana o kekahi Makini hana malaila, manawa ae o ka hora 4.  O ke kumu i poha ai, ua ho-a nui ia ke ahi o na Mekini, a nolaila, ua niniu pono ole na huila.  O ka nui o na make i hoomaopopoia, ua hiki aku i ka iwakalua kumahiku, a he kanakolu kumaono paha poe i hoehaia.

            ua holo malu aku kekahi ouulu koa no ka puali kaua o Cuba, mai ke kulanakauhalemai o Nu loka, ma ka wa poeleele wale, ma ka la 27 paha o Sepatemaba.  O ka nui o na koa i laweia aku la malalo o ia huaki, he eha haneli.  Ua ku aku la ua mooku lawe malu la i na koa, ma na kapakai o Perolula , a ua hui koke aku me na Mokuahi o Cuba, e holoholo ana malaila, a na laua i kukali pu aku la i ua moku la a hiki i kahi e hoopaeia aku ai ua moku lawe kanaka la.  Aia maluna o kela mau moku , he 1.600 mau koa e laweia ana i Cuba, e kokua ai i na kamaainanona ka aina.  Ua piha pu no hoi kela mau moku i na lako kaua.

                                    No Europa.                             

            Ma ka la 24 o Okatopa, e hauleia ana ka Emepara o Auseturia i kona kulanakauhale Alii, a holo aku i ka Hikina.  E halawai ana oia me ka Emepera wahine o Farani, me ke kulanakauhale o Knatinopela, a malaila aku laua e holo pu ai me ke Alii Wahine.  O ke Suletana hoi o Tureke, e holo aku ana oia ma ke aia e hiki ai i Irusalema, a me Jaila , a malaila aku i ka Puali o Suoza, e ike i ka wehia ana o ke ala wai.  Na na aumoku kaua o Auseturia a me Farani, e lawe aku i ko laua mau Moi, ma ko laua ala e hiki aku ai i ka Puali o Sneza.

            Ma ka la 10 o Okatoba, ua halawai kekahi poe kanaka, aole e emi iho malalo o aha tausani ma ka Notting Hall, ma ke kulanakauhale o Lauana.  O ke kumu nui o ko lakou hoohalawai ana, o ka hooikaika e koi i na Feniana a pau e hoopaahaoia nei, e hookuu ae ia lakou ma ke kala wale ana.  He mau haiolelo kai haiia, aka, uamaluhia nae ka halawai.

            O na kamailio ana ka waea olelo mai na Poo aupuni aku ma Madarika a i na okana aina ma ka Hema, ua hoohaunaeleia.  Ua manao wale ia, ua lanakila ka poe Ripubalika, a ua mahuahua lakou.

            O ka paipai ana i na aumoku e lawe ai i na koa kokua no na koa Sepania ma Cuba, ua hanaia me ka ikaika ma Cadiza, a ua onouia aku e holo imua.  Ua hoonaia aku  he mau lako kaua, no ka manawa i makemakeia ai.   ua lawe pu ia aku hoi, he mau pu kuikela.

            Ua hoopuka ae ka Nupepa Aupuni o Sepania, he palapala e kauoha ana i ke Kiaaina o Cuba, e malama aku ma ke ano kanaka i na paahao i lilo pio mai ; a ia manawa hookahi, e pono e hai aku ia, e hooloiia ana na hooponopono aupuni ana.

             Ua hookipa maikai loa ia aku ka Eme`pera wahine o Farani ma ke kulanakauhale ahi o ke Suletana o Tureke.  Ma ka la 17 o Okatoba kona hoohiki ana aku i ua kulanakauhale alii la a ka nani i noho ai.  I kona hiki ana aku, ua paa pu kahi kowa e komo aku ai i ke awa ku moku o ua kulanakauhale la i na waapa, i hoonaniia a maikai, a o na kapa o na uapo, ua hele lehau i na kanaka makaikai.

            Ua hoouna aku ke Keiki Alii a Napoliona i ka Lunahoomalu o na haole Amerika e noho ana ma Ledana, e haawi aku ana i kona aloha a me kona hoomaikai ia lakou na haole Amerika, no ko lakou mahalo ana mai i ka ke keiki alii haiolelo iloko o ka hale ahaolelo o Farani, oiai kona makuakane e kaa ana i ka mai nawaliwali.  Ke hoike aku nei ua keiki alii la i kona hoomanao ana no na kaula a ke aloha e paa nei mawaena o Farani a me Amerika Huipuia.  Me he mea la, ke huli nei o Farani mahope o ka hoano e hou ana ae i ka hoponopono aupuni ana, mai kona wa mai e noho ana i ke keneturia i hala aku.  E ike ana paha kakou mahope i ko Farani ano e ana.

                                                                                                    No Cuba.

 

            Ua hoolaha ae ke Kiaaina o Sagua La Grande, he olelo kuahana, e kuhikuhi ana i na kanaka a pau, e papani i na halekuai i ka la Sabati ma keia hope aku, i mea e malama pono ia ai ka maluhia o ka la hoana.

            Ua hiki ae na lono ma Amerika, o na haole Amerika i holo aku i Cuba malalo o na hoolimilima ana a na Cuba ponoi iho, ua ano kuee.  Ke hoomalielie la na Generala, aka, aole nae he maluhia iki.  Ke makemake loa nei na haole Amerika e pau ko lakou noho ana ma Cuba.  Heaha no la ka mea o ka holo ana?

            Ua laweia ae e ka poe o Cuba kela wahi nona ka inoa Paeito del Phadre. O kela wahi na ka poe koa Sepania e malama ana, aka, no ka nui loa mai o ka hooke ana mai a na Cuba, ua haalele iho lakou, a ua lawe ia ae la ua wahi la iloko o ka lima o na kainanina iho.

            Ua akahi ae nei makahiki ka loihi o ka manawa i hoomauia ai ke kaua mawaena o ua koa o ke aupuni o Sepania a me na kuniaaina iho o Cuba i aikena i na auhau a me na kamaaina iho o Cuba i aikena i na auhau a me na hookupu a ke aupuni makuahine.  Ua hoomanao ia ka puni ana o ka makahiki o ko iakou hooikaika ana e kuokoa.

 

                        E HOOMANAO!      

                        E UKU I KO OUKOU MAU AUHAU.

                        E NA MAKAAINANA

                        I LOKO O KA

                                    MALAMA O NOVEMAPA NEI.

                                    A E LOAA IA OUKOU KA MANA

                                    KOHO BALOTA.

                                    Ka Nupepa Kuokoa.

 

                                    Honolulu, Novemaba 13, 1569.

 

                                    E hoomanao ia kakou Hawaii.

           

            Ke hele hou aku nei makou imua o ka lehulehu e mano ana, he pomaikai ko lakou iloko o ka Hale Ahaolelo, a ke paipai aku nei ia oukou e uku mua ae oukoi i na uahau o oukou  i na Luna Auhau iho o na apana kahi a oukou e noho ana, mamua ae o ka la hope o Novemaba.  Ua maopopo e pania ana ko oukou mau pono koho balota, ke hookaa i ko oukou mau auhau, a e loaa ia oukou ke mana balota ma ka Monede mua o Feberuari, makahiki 1870 e hiki mai ana.

            Ma ka makahiki koho balota i hala iho nei, ua hooholoiniia aku ka manawa hookaa a i ka la hope o ka malama pau, aka, i keia manawa, ua awiwi loa mai nei ka mana aupuni, nolaila makou e hookekena aku nei ia oukou e hookaa i na auhau.  He oki loa hoi ka noho pu wale iho o kakou me keia a huli ae ka manawa pono, papapao kakou he aa ko ka hale.  E hoolohe a hooko aku, oia ka pono.

            E hoomkaukau kakou i keia wa, a noopoo i na Lunamakaainana kupono a kakou e hoouna aku ai.

            Mai ke koho hou kakou i na Lunamakainana i hele mua aku nei i keia kau, a hookaawale i Kanakolu Tausani Dala no ke kii ana aku i mau lima paahana mawaho o keia aupuni, a hoonoho wale ia kakou ka poe nona ka aina e noho palaualelo hana ole. O na dala i hookupuia e kakou maloko o ko kakou aupuni, he pono no e hooliloia maloko o ko kakou aupuni, mawaena o na kanaka popoi o ka aina nana i hookupu aku ia mau dala.

            E makaala kakou o komo hou na Lunamakaainana hoopiipii i na uku makahiki o ka Moi a me na Luna Aupuni.  Oia poe a pau, e hoolaha aku ana no makou i na inoa ma keia akaka ai ko lakou manao aloha ia kakou Hawaii iho a me ko lakou hookaumaha maoli.

            E haka pono mai oukou i ka na Lunamakaainana mua mau apu hoomalimali ia oukou, a e noonoo iho a hoomanao ae, o ua poe nei nokeia i papa ia mai nei mai puni wale aku.  Ua lawa kakou e hilinai aku ai.

 

                                                                                    He Palapala na na Pake Kalepa o

                                                                                       HONOLULU NEI I WAIOIA

                                                                                    imua o na Halawai Makaai-

                                                                                       NANA A KA HAOLE.

 

            "I na Kamaaina o Honolulu ma na Halawai Makaainana:

            O makou na mea nona na inoa malalo, he mau pake moali no Kina e noho nei ma Honolulu, me ka manao lokahi nei ma Honolulu, me oukou no ka makemake nui i mau lima me oukou no ka makemake nui i mau lima paahana ma Hawaii nei, ke hai aku nei makou i ko makou manao mahalo me ka poe o oukou e kue nei i ka hoopae ana mai i na lima paahana malalo o na palapala hoopaa.  Ke hoole paa aku nei makou i ka leweia ana mai o na pake malalo o ia ano.  O kekahi poe o na pake, he poe ino loa, a hana i na karaima hewa.  O makou ka poe i ike no ko makou poe pake iho, mamua o ka poe e ae ; a ke manao nei makou, e loaa no ia kakou na paahana maikai no ko kakou mau mahiko a me na hana e ae mai Kina mai, ma kekahi mau ano e ae e hooikaika ai, e komo lanakila mai na pake a e ukuia ko lakou mau uku. Young Sheong, Afing and Achuck, Asse and Aching, Lam Yat, Amau, Athony, Awa, Aching, Ahoo, Lo Look, Yat Chong, Tong Kai, Chulan Brother, Alee & Co., Ahana, Onching, Lo Ngot, Chung Cho, Ah Hon, Achung, Ah K@@, Aseung, Chee Pai, Ah Kong."  Ma keia palapala a na pake kalepa maluna ae e ike ai kakou, a hoomaopopo iho, aole lakou i makemake i na pake e laweia mai malau o na palapala hoopaa, no ka mea, o kekahi poe pake, he poe ino a pepehi kanaka lakou, a o na pake a loaa ana ia kakou malalo o na palapala hoopaa, o na pake ino no ia, no  ka mea, aole e ae mai ka poe paahana maikai e laweia mei lakou maanei me ke ano ukana, a kuai waleia aku ko lakou manawa

 

hana me koho ko lakou mau haku iho.

             Auhea kakou na kanaka Hawaii.  ka poe nana ke aupuni, ua makau honua ka poe i ike maka i ke ano o na pake, aka, o ko kakou mau lima lawelawe i ke aupuni, ua hoolohe ole mai i ka kakou mea e kamaiho nei, a heaha la auanei ka ho pena oia hoolohe ole.

            E nana pono kakou i ka hana ana a ko kakou mau Luna Aupuni, a in a ua ike kakou i ko lakou mau kee, he pono no e hooikaika kakou e kapae ia lakou a hoololi i ka hooponopono ana a ko kakou aupuni i na lima hana paewaewa ole, a holo lua ole.  E ike kakou i keia e noonoo iho.

 

                                                                                     Na palapala mai i ka Kuokoa.

           

            Ua hoouna mai o R. P. K. Vailua, o Heeia, Koolaupoko, Oahu nei, i kana palapala, a maloko olaila i ike iho ai makou ua puka ma kana olelo pane ia Kanawai ma ka Poaono iho nei hala, he mau huaolelo ua hewa ka hoonoho ana.  Ua puka hewa ka huaolelo Psiblitneta ; o ka pololei Bibliotheta.  O ka huaolelo Code @ ; o ka pololei Civil Code.

            Ua hoouna mai o L. K. Kanoe o Kahau alea, Puna, Hawaii, he palapala, a maloko olaila i ike iho ai makou ua noho he elua mau mea mare no Kapoho no na makahiki loihi, a ua hanau he mau makahiki, aka, i keia manawa mai nei ua haalele ka wahine i kana kane mua, a ua lilo aku ia hai.  Ua hopuia ua wahine nei me ke kane e, a hookolokoluia e S. B. Puamana a hoopaiia Hoopii hou na mea i hoahewaia mua o ka Aha Kaapuni, a ua hookuuia, no ka loaa ole o na hoike kupono e hooia mai ana i ko laua mareia ana me ke kane mua i haalele wale ia iho la.  I ka hookuuia ana i palapala mare hou.  Ua kii aku laua ia J. Hi, a ua hoole mai kela.  Olelo aku ke kane i hoohihiaia ai, mai aua oe i ka palapala ae mare, na ka Aha Kaapuni i kena mai.  Ua ae aku ka luna haawi palapala mare, a na ke kahuna Pope Kalolo i mare ia laua.  Mamuli o ka ninau pono ana, aole no i kena mai kaa Aha Kaapuni e mare laua, aka, ua hookuuia laua no na hoike ole, e hooia mai ana i ko laua mare mua ana.

Eia ma ko makou nei keena kekahi kumumanao nona ke poo, " Na Kula Sabati o Kakou,"  I kakauia e Kahukulasabati. E nana no makou, a hoopuka aku ke maopopo he waiwai.

            Ua loaa maiia makou , mai a J.W.M. Poohea mai o pelekunu, Molokai, he palapla nona ke poo, "Na Mea Hou o Pelekunu." Ma ka heluhelu ana. o kahi lulu dala wale ana no mawaena o lakou, oia kahi nu hou a ke keiki o ka aina pali e palolo mai nei . Ke manao nei makou, o na hookupu dala ana mawaena o kela a me keia kihapai, no lakou wale iho no ia, aole no ka lehulehu ae.

            O kau palapala e J. W. Kalawaiapoaimoku o Lahaina, Maui, nona ke poo. "kulike ole na Manao," e hoolaha no makou ke loaa  ka wa kaawale i keia pule ae.

            Ua loaa mai ia makiu he  elua mau palapala, e hoike ana i ka hookahunaia ana o Ioane Kahookaumaha ma ka la 31 o Okatoba i hola. Hookahi o ia mau palapala ka makou e hoopuka aku ai, aka ke haawi aku nei makou i ka mahalo ia lakou a pau , ka poe i kakau mai ia makou.

            E hoolaha aku no makou i ka moolelo o ka mea kaulana G.B. Ukeke i make ma koolauloa, mai ka peni kakau alo. Ma keia pule ae e puka aku ai.

Ua hoouna Lou ia mai i ko makou nei keena kakahi palapala, nono ke poo ,"Mau Hoa hanau Hoomanamana ma Hauula," mai ka peni mai a ka mea a makou i maopopo ole ai, oia keia, o W.P. Haleaha.Ke makemake nei no hoi makou,o na hihia a pau o kela a ne keia Ekalesia, kupono no lakou e hooponopono e mamau. He mea kupono ole ka lawe e ana mawaho o ka ike a me ka maopopo ole ana o ka han a kona mau hoa hoahanau.

            Ua hiki hou mai nei ma ko makou keena hana kakahi palapala, e hoike mai ana i ko kana oihana he ao kula. No ka hoike po noi ole mai o ka mea nana i kakau i keia palapala hope, nolaial,ua nao kanalua iki makou i ka hoolaha pau ana aku, aka, e ike iho no nae oJ L. Naili, ka lunakula o kela apana , ua hoike mua ia kmai ka hemahema o keia kumu , a ke poloai aku nei makou i ua Lunakula la e nana a makaala loa i na kumu ao o kona apana, ae hoopau  ae ka mea i ikeia he molowa in a ke ao ana, a ma ka puni e ae kona makemake . Ina e kokua ana na Lunakula i na kumu o keia ano a na makua e hoopii mai nei , alaila, ua oi loa aku ka pono e waiho oia i ka oihana.

            Eia he olelo pune na S.M. kahoano ia L.N. Kamakahoa opio. No ka manawa ole o keia pule e hookomo ai, nolaila , ke manao nei makou, aia a loaa ka wa kaawale , alaila nae makou e hoopokoleia na pane ana a kela a me keia, i pau ai ma ka kakou pepa." He pilikia kulokoi loaa i kekahi o na mai lepera ma kalawao. mokupuni o Molokai Nui a Hina." Ua kaaka, no makou manao o na poino a pau e ili ana malona o na lepera ma kalawao, aia no ka hoihoiia mai o na poho mai ka papa ola mai.

            Ua hoouna mai o D.Aiawa he palapaia paoe ikekahi o na komite o ke kola Sabati o Heiani, nona mea i hoolahaia mamoa ae. Ua maopopo no ia makou ua hala loa ka wa pono o ke kamaino ana no keia mau mea, noleila, aole makou a=nana aku i na mea hoopaapua hou a oukou . Ua lawa ae la ka hoopuapua ana.

            He mau palapala elua he waiho nei ma ko makou keena , e paipai ana i na makaainaua e koho i na Lunamakaaina na kupono e hele mai ai  i ka Ahaolelo.

            Ua waiho malu ia mai maluoa o ko makou pakaukau oihana kekahi palapala nona ke poo."Hookaumaha na alii moku o ke kuna ka Mai." Ma keia palapala e hoohlahala ana ka mea kakau no ke kaki nuia hookomahao ke kapena a me ka malamamoku i na ukana a ka ohua , mai kahi o ao, @ kahi palau moena hlil ai o ka papahele.No ka hoike ole mai o keia kanaka i konainoa ponoi,nolaila, ke hooki nei makou maanei.

            Ua hoouna mai o L.W. Kaneehu o ka lepolepo,Hilo,Hawaii, he palapala pane pane ia Kaluahine Ai, kumukula o puna . Ua haala loa no ka wa kupono ,aka,aole nae e ae hou la ana na olelo paio hou e puka mai ana mai loko aku o keia nupepa, no ka mea, ua puka ae la no hoi na olelo a kekahi ame kekahi, a ua ike like ia ko laua manao. He hookole waha wale iho no ka hoopaapaa loihi ana aku.

            E hoopuka no makou i kau wahi palapala pokole e J.A. Kamakini o Kawaihae, no ka lili i ko kakou inoa maikai: ka laweia e na hoale o na mahiko, e hoino hele ai, me kaolelo, he poe uaolowa ua kauaka Hawaii.

NU HOU KYLOKO.

Oahu.

            O ka nui moku okohola maloko o ke awa o Honolulu nei ma ke kakahiaka onenei, he @@@ lakou nui. o lakou a pau he poe moku aila wale no.

            Ua haule iho maluna o ke kulanakauhale o Honolulu nei ma ka la poaha o keia pale iho nei he kuaua koikoi.

            A keia pule ae, e hoopuka aku makou i ka Palapala mai ka Luka Hooponopono mai o keia Nupepi.

            Luna Hooiaia Palapala.       Ma ka la 5 o Novemaba, o Frank Bindt o Hanalei, Kauai, i Luna Hooiaia Palapala no ka mokupuni holookoa o Kauai.

            Komisina o na Ala Liili.     Ua hookoku ia aku o Aliuene H. Boyd o Honolulu nei, i Komisina no na ala liilii a me na pono wai, ma kahi o W. H. Pease i holo aku i na aina e.

            Ua makemake i keiki Hawaii i ike a akamai i ke kamailia olelo haole, e ao ia i ka hoonoho hua maloko o ko makou nei hale pai Nupepa.  O ka mea i ike, e ku mai iluna a hele mai.

            Ke cono nei makou i ko makou poe heluhelu Nupepa, e nana ae i ka Olelo Hoolaha a zBalaki a ma Olo i puka ma ka Nupepa o kei la, a e haawi ae i ko oukou aloha ma ka hele ana ae malaina e kuai ai.

            Ma ka Poakahi iho, ua komo mai la ma ke awa o Honolulu nei ka moku kalepa nui i hoolimalimaia e Kale Likeke ma, ma ke kulanakauhale o Kapalakiko.  I holo mai oia e hooili aila, a holo aku i Nu eki.

            O ka la 11 o Dekemaba e hiki mai ana, oia ka la hanau o ko kakou Mou e noho nei ma ke kalaunu, a ma kona ano mau e kulaia ana no ia e like me ka malama ana i na makahiki i hala.  Ua awiwi mai nei ke Keena Kalaiaina i ka Hoolaha ana i keai wa.

            Ua lohe mai makou ua holo aku nei o P.K. Keawehawaii, alakai o ka Papa Himeni o Kaumakaoili, i ka Lai Ulu o lele, e hoomaamaa mau himeni ai no ka ahahui mele, e himeni ana ma Wainee, i ka pule mua paha o Dekemaba, pela ka uwalo ana mai.

            Ua kapilua iho nei ka pauma liu o ka moku poino F. N. Thayer, a ua paa loa.  ke hooiliia nei oia i kona ukana i hoahuia mai ai mauka nei, oia ka huita, a ma keia pule ae paha e holo ai oia no kona awa i makemake ai e lawe aku i keia ukana, ola o Livapulu.  Malia paba e holo pono ana keia huakai a ua moku la.

            Hoonuanua Iua na keiki o ke kai i na lei i ka ike aku i keia mau la, ke hele la a paa ka papale, ka ai a me ke kipoohiwi.  O ko ka puni lei paha ia la, ke welo la.  Ka i no he dala i imiia i kahi o ka make, he malama ka pono i ike hou ole aku ia wahi.

            He IKE ALII ANA.-Ma ka poakahi iho nei, ua hoolaunaia ake e ke kuhina Noho o Amerika Huipuia  ma Hawaii nei, imua o ko kakou Moi,  ka Adimarala Turner o na Aumoko Amerika e holoholo nei ma ka Moana oakipika Akau, a me kekahi o kkona mau alii moku, maloko o ka Hale Alii lolani. Mahope o ke kamailio iki ana o ka Moi a me ka Adimarala, ua hooluana iho lakou no kekahi hora kaawale. Ua maikai na hookipa ana mawena o laua a elua. O keia Adimarala, ua holo mua ao ma Hawaii nei mamua, a ua kamaaina oia i ku kakou awa. O ka wa nea ana i ike mua ai, he hapa iho na wahi hale, aka, i keia holo ana mai nei , ua ano e. Ua loli ae ko kakou kulana, mau ka noho ana i ka wa kahiko, ai ka noho ana o ka wa maemae.

            Meku Kikane- Ma ka poakahi iho nei ua ku mai ma ka nuka o Mamala he moku mai ke kukanakauhale mai o kikane ma

Nu Holani. Aia malona oia moku he lehulehu wale o na kane a me na wahine kikane. Ma ka poalima iho nei ua holo aku na moku ka i kapalakika Maluna on a i hoouna aku nei ko kakou Luna Leta i ma leta a me na pepa mai keia awa aku.

             E Hoopiha ana i ka Ukana.- Ma keia mau ka aku ei, ua ike iho makou ua hooili ia ae maluna o ka moku kalepa Amerika Kilona o ka kaina moku pea o Burua ma, e holoholo nei mawaena o Honolulu nei a me Bosetona, na akana no inoa huli hoi ana aku ma ke awu o Nu Bepeki.  Ke kokoke nei oia e piha, a me he mea la, aole e pau keia malama, haalele mai oia i keia awa, a holo aku ma kona awa mua i oleloia ae la maluna.

            Ku Mai.  Ma ka kakahiaka Poalima aku nei i hala, ua ku mai Honolulu nei ka moku J. W. searer mai Petelopolasi mai.  Maluna on a i hoi mai o Mr. Pratt kane a me wahine.  I holo aku laua i kela wahi  maluna ae i keakahi mau malama loihi i hala, e imi i ke ola kino maluna o ko laua moku Paiea.  Ua pae ola aku lakou ma kahi i manao ai, a malaila i hooluolu ai no kekahi mau malama i hala.  Ua holo e mai ka moku Paiea mamaua mai o lakou nei, aka, aole nae i ku mau a ku e mai lakou.

            Hoike Kula Sabetl E hoike ana ke Kula Sabati o ka "Ta hamau lea, i ke one kui lima, i ka laula o Ewa," ma ka la 30 o keia malama.  Nolaila, ma mea a pau loa e manao ana e ike i ka hoike ana o keia kula, e nane mai no, a ike no oukou e ike iho ai, "I ka mimino o ka mauu, mae wale ka pua." No ka nui lloa paha o ka wela o kela mau la.

            Mai Kalawao Mai.  Ua hoounaia mai kekahi palapala ma ko makou nei keena mai kela wahi mai maluna ae, a mai okoolaila makou i ike iho ai ua huhu a inaina ka mea kakau mai, no ka hoihoiis o ns msi lepera ilaila me ka lapaau ole ia.  O na kauka a me na laau lapaau i hookaawaleia no ia oihana, aohe o lakou ike iki.  E hoolaha no makou i keia pule ae i keia palapala, i ike mai ai ka lehulehu a puni ka honua, i ka hana a Hawaii i kona mau makuainana popilikia.

            Na mea hou o Waimanlo.  Ua ulu nui na halawai ma na apana, ua hoopiha mau ia na Sabati, a ua ulu pono hoi ke Kula Sabati iwaena o na kane, wahine a me na keiki. A e hoike ana ma ka la 25 o Novemaba nei.

            Ke hoopiha loa ia mai nei keia awawa i na hale laau, a he kakaikahi wale na hale pili.  Ina e ku iluna o Maunananiani, a nana aku ikai, he keokeo wale la no, a inaikai i ka nana aku. 

            Ke hooneenee mai nei ka wi e pili mai i keia awawa uliuli.

            Pulupelu Helu 1 o Hana.  Ua hoouna mai la ke keike kanu pulupulu o ka ua Kea o Hana, oia o J. W. H. Kauwahi, i kekahi o kana mau pulupulu mua i waeia ka ili a koe iho o ka pulupulu aeae wale no.  Ma ka hoike ana aku a makou i ka mea kuai pulupulu ma Honolulu nei, ua nana iho la oia, a mahalo iho la.  Nolaila, ke kau aku nei makou i ka lono ia oukou, hoopapau nui ia i ke kanu pulupulu, he oki loa hoi ka aina waiho wale mai no a mahakea.  Eaho hoi keia ohi liilii ana, mau no ia helu ka hora, helu e ke kesona.

            Pai Ku Ma Lahaina.  Ua lohe mai makou, e hoouna ana o J. W. Kini, haole pa i kii maluna ae o ka hale pai Kuokoa, i kekahi keiki Hawaii akamai, epai i na kii o ka poe e noho ana ma ke kulanakauhale o Lahaina.  Oka Ponkahi e hiki mai ana, oia ka la e holo ai ua keiki pai kii la i ka Malu Ulu o Lele.  Nolaila, aohe na makou e koi aku i ko laila poe, aka na lakou no e ike iho e like me ko lakou makemake.

            Pili waiwai ma Laie.  Aohe no i mao ae ka pili waiwai ma Laie, ke noke la no.  Ma ka Poakahi iho nei no la, ua ulele hou iho no ko Maluae lio o Hauula, me ko Adamu lio, no Malaekahana i ka huki ana.  Ua eo aku ko Hauula poe i ko Laie.  A ma ia eo ana, ua hoopaapaa ko Hauula.  Ua nui ka haunaele i ulu ae, aka, mamuli o ke koho ana ia J. Kupau a me Keonekapu i mau Komite, hookoloia e kuea, a e hoihoi ke dala o na aoao elua.  Malaila no ka Lunakanawai Apana a me ka Lunaauhau kahi i hoonanea ai ma ia hana hope ole.  Ua kauobaia Lakou aole e hana hou.  A in a lakou e hana hou ma keia mua aku, alaila, e hoopiila no.

            Ka La Kuokoa o Hawaii Net.  O ka la 28 o keia malama o Nevemaba, e maopopo, o ka la no ia i haawina mai ai ko kakou kuokoa ana e na aupuni o Beritania Nui a me Farani.  E kulaia ana kakou i keia la, e like me ko kakou malama ana i keia la, e like me ko kakou malama ana i na la i hala o keia ano.  Heaha la aunei ka na makaainana hana oia la?  Aole no hoomaopopoia na hana o ia la, e like me ka hana ana ma na makahiki i hala.  Ke manao nei makou e like paha auanei ka emi pu ana me ko ka la 31 o Iulai.  Ua hoolaha ae nei Keena Kalaiaina e malamaia keia la ma ka Poakahi, la 29, no ka mea, ua kaa ma ka la Sabati ka la 28.  E huki ana na have o na pahu hae no ka hoomanao ana, a me he mea la, ua lawa iho la malaila.  E waho i ko kakou pauda i mea hoopahupahu ma ke aumoe, a me he mea la i keia makahiki ae, e kani ana na pu kuniahi o Puowaina no na la hoomanao o na aupuni e.  E haawi i ekolu huro nolaila, alaila pau ae.