Ka Nupepa Kuokoa, Volume VIII, Number 37, 11 Kepakemapa 1869 — Page 1

Ka Nupepa Kuokoa

KE KILOHANA POOKELA NO KA LAHUI HAWAII.

Buke V111. Helu 37.    Honolulu. Sepatemaba 11, 1869     Na Helu a pau 406.

Ka nupepa kuokoa

@@@@@@@

Kela Poaono keia poaono

$2.00

No na mahina he umikumamalua!

$1.00 no na mahina eono.

Me ka hookaa mua mai

@@

@@

@@

@@

@@

@@

@@

@@

@@

@@

@@

@@

@@

@@

@@

@@

@@

@@

@@@

"Ka nupepa kuokoa."

la published in Honolulu

Every Saturday

$2.00 per annum, or $1.00 per six months in advance

 

@@

@@

@@

@@

@@

@@

@@

@@

@@

@@

@@

@@

@@

Ka nupepa knokoa

Na hunahuna

no ka

moolelo Hawaii.

Ke kaua ana o kamamainuu me pele.  O i noho ua kalanmainuu la i poliahu a ana wale i ka piha ole o ka huewai, ua puha no nae ka huewai i ka wai, aka, no ka houhonia ana o ka aoao malalo o na huewai nei, ua pau loa aku la ka wai i ke kahe.  A no ka mau ole o ka wai ua pau ae la kona manao ana no ka wai.  Aka, iaia nae e kulou ana ilalo, a ea @e la oia a nana aku i hope, aia hoi, ua puhalahio ke kane.  Komo iho la ka ukuki iloko o ua pilikua nei, nolaila, kuahaua ae la oia i na moo a pau o Molokai, lanai, Maui, Kahoolawe a me ko Hawaii, no ka mea, ua ike oia aia me Pele ma ke kane ma kilauaea.

            I ka akokoa ana mai o na moo a pau, o ka hoomaka no ia o ka hele ana, a hiki ana i kukuilauania, a pii ana i kilauea, a ku ana i ke kai o ka lua, a noi ana keia i ko lalo poe, e hookuu ma i ke kane, he hoole mai hoi ka lakou la, me ka i mai,  "Aia i hea kau kane o onei?  O ke kane no keia a ko makou kaikuaana.  Aoihe e loaa uku ana ia oe, no ka mea, he wahine kolohe oe."

            A no keia olelo a Pele ma, okalakala mai la o Kalamainuu, me ka i mai, "Ina nole oukou e hookuu mai i kuu kane, he oiaio, e kena koke ae no au i o'u kanaka, a e hoopihaia keia lua, a e pio koke no ka oukou ahi ano."  Ua oleloia no hoi, ua piha ka lua i ka wale o ka moo, a aue pilikia o Pele ma.

                        I ka aneane ana e pio ke alii o ka lua ma ko Pele ma wahi, a koo no ko Kamohoalii wahi, a koe no ko Kamohoalii wahi, a maluila i hoomakua ae ai ka a una o ke ahi a nui loa, a lilo iho la ka wale o ka moo i mea ole, no ka pakela nui launa ole o ke ahi.  A no ia mea, ua hiki ole loa i ua Kalamainuu nei a me ka lehulehu o na moo ke hookaulua iho, oiai ua hao mai ka wela o ke ahi ma o na maanei, a pau iho la ka hapa nui o na moo i ka hake mawaena o na mawae i hoowaia ae, nia kahi a na moo e naholo ana.  A o ua Kalamainuu nei ho@, ia holo in lole, a luu ana iloko o ka loko i ka paia ma ka inoa o ua moo la o aku, (oia hoi o Lokoaka).  Pele iho la oia i pio ai, a nele hoi i ke kane ole, a pakele mahunehune ana ke ola. 

            K hoapai ana o Kalanainuu ia Hinale.  Ia Kalamainuu i hiki ai ma Molokai, kii aku la oia ia Hinale e make, oiai ua piha loa oia i ka ukiuki iaia, no kona aoao ana ia Ponaaikoae a pakele, a ili aua maluua on a ka poino; a no ka nui mama no hoi i ka holo pakele ai.

            A ike hoi o Hinale i kona pilikia i ke kaikuahine, ku ae la oia a laalele i kona wahi a holu a i-a aku la i ka moana.  A no Hinale no hoi ka luu iloko o ke kai, e luu aku ana no hoi o Kalamainuu mahope, a huli ana i ke kea-poko me ke hoa loa na wahi hoi a Hinale e noho ai.  aohe nae he loaa iki, no ka mea, ua ku a ia aku la kela a oia hoi ka hinalea hapaha nui e kuai ia nei ma ulakoheo.

 

            Ua hoomau no o Kalamainuu i ka imi ana, aohe nae he loaa iki.  A no keia mea hui, uluhua loa iho la o Ounauna ia Kalamainuu, no ke kaalo pinepine ma kona wahi, nolaila, ua ninau aku oia me ka i aku, "Heaha la kau e Kala e imi nei? " I mai ia hoi o kala, " E imi ana au na Hinale."  Pane mai hoi o Ounaunu, "Aole e loaa o Hinale ia oe, aka, e loaa ana nae, ke hoolohe oe i ku'u aka ma aole oe e hoolohe aole no e loaa a e hoka ana oe, e like me ko hoohokaia ana mai nei e Pele ma, a nele oe i ke kaue ole, apela no auanei keia, ke ole hoi oe e hoolohe mai i ka'u." Pane aku o Kalamainuu. "E hoolohe no au i kau ke ike aku au he pono, a in a aole e luaa, e kauwa make loa ana oe ia'u."  I mai o Ounauna, "E hoi eo a kii aku i ka inalua, a hoi mai, e ulana oe a paa ka hinai, alaila lawe aku oe a kukulu iloko o ke kai, waiho aku oe a liuliu, alaila luu aku, a e ike no oe, ua komo kela iloko o ka hinai, alaila loaa ia oe."

            Hoi aku la o Kalamainuu, a kii aku la i ka inalua, a hoi mai la no hoi ulana, a paa ka hiuai, lawe aku la a kukulu iloko o ke kai.  Waiho aku la keia a liuliu, i luu aku ka hana, aohe o Hinale o loko o ka hinai, aka, ua ike iho no nae oia i ke kaalo wale no o HInale mawah@ o ka himai.  Ea ae la keia a luna, noho iho la a huiu, i luu aku ka hana, oia ana no.  Pela no oia i hana mau ai a kole ka ihu i ka luu ula ula hoi na maka, aohe mae he loaa.  Komo iho la ka ukiuki iloko on a, hele aku la oia me ka inaina nui a ku ana imua o Oanauna.  Eia oe, wahi hoi a Ounauna.  Pane aku la hoi o Kalamainuu me ke okalakala, "Eia oe, e kauwa make loa ana oe ia'u i na la.  Ka i no paha he oiaio kau, eia ka e n@anao ana oe e make au.  Pehea no la hoi e loaa ai ia oe, a loaa ole loa aku hoi paha oe e na wahi Ounauna kolo kahakai.  Aole n@u manao o hooluihi loa i ka'u olelo ana me oe i kei wa, oiai ke makaukau nei au e lawe i kou ola a no a e ike oe, aole @e e kolo hou ana ma na kahakai a me na kaheka."

            I mai o Ounouna, 'O ke kamailio paha mamua a ku i ka make, alaila no hoi paha, liaawi aku no nei mau iwi e make, aka hoi a i pono no hoi aole no hoi he make ana aku o laila.  Aka, he makemake nae au e hahai pono mai oe i ke ano o kau hana ana, i maopopo ai hoi ia'u ke kumuy i loaa ole ai ia oe."  Paue aku la o Kalamainuu, "Aole o'u makemake e kamailio hou me oe i kei wa, oiai ua lohe aku nei no oe i ko'u manao hope."  I aku no hoi o Ounauna, "E oluolu oe e hai pokole mai, anoai ua poina paha au ma ka hahai ana aku i kekahi mau mea ia oe."  Pane aku la o Kalamainuu, "Aole o'u makemake e kamailio hou me oe i keia wa, oiai ua lohe aku nei no oe i ko'u manao hope."  I aku no hoi o Ounauna, "E oluolu oe e hai pokole mai, anoai ua poina paha au ma ka hahaiana aku i kekahi mau mea ia oe."  I aku la o Kalamainuu, "E kamailio aku ana no au ia oe, ak@, o ka paa nae o kuu manao i ko make, he oiaio e make ana no oe, no ka mea, ua luhi au mamuli o kau mau olelo."  Pane aku o Ounauna, "Aohe o'u makemake e nuku mai oe aka, e hahai mai no oe ma ke ano o kau hana, aole o ka wikiwiki koke iho i ka make.  A make auanei au loaa ae kou hoa kamailio, a owai hoi kou mea nana e hookipa o keia wahi, in a au e make?"

            I aku o Kalamainuu me ka inaina nui, "Ka i no hoi, hoi aku nei no hoi a puka i ka hale, pii no hoi au i ka inalua a hoi mai, ulana no hoi a paa ka hinai, a o ka nuku hoi lole ia ae e a'u mawaho, a lawe mai nei no hoi paha au a kukulu iloko o ke kai ma kahi kupono; waiho no hoi a liuliu, i luu aku kuu hana, aohe o hinale o loko.  A no kuu manao la hoi ua kupono ole ia wahi hoouwai ae la au in a kahi e, a i luu aku ka hana o ia ana no.  A pela iho la au i hana inau mai nei ku a luhi maoli, a nolaila, he'e mai nei au e make oe, i niniia ai'ka eha o kuu lae, mamuli o kau hooluhi ana ia'u."

            I aka o Ounauna, " Aia hoi paha la, ua poina au i ka hahai ana ia oe i kekahi mau mea e loaa ai.  Ua loaa nae hoi, e hoi a l@u i wana, a i hawae, a hoi ae oe a ka ohiki o kahaone, kui pu oe a wali ia mau mea, alaila, hoo iho iloko o ka hinai; a o ka nuku au i lole ai mawaho, e hoololi iho maloko, a e lawe aku iloko o ke kai, a e kukulu iho ma kahi kupono.  E waiho no hoi a liuliu, alaila, lu@ aku oe aia kela e noho mai ana iloko, no ka mea; ua ike kela ua make k@@@ mau @@@ hanau, a oia no kona mea e komo ai iloko o ka hinai; aole no hoi oia e puka koke ne i waho, a loaa e aku iaoe."  A pela i@ i @o@@ ai wahi a ka olelo.  A puli

 

            mai no ka mau ana oia ano loaa a hiki keia wa.  Nolaila, ua haku a mele ia ke ia ano, penei:

E kala ku e kala mai

E kala ka puloku i ke ahiahi,

Kau lia ka maka ia Puna,

O Punaaiko@e ke kane,

O walinuu ka wahine,

Lilo Puna ia Kala,

Kalakala, wehewehe ana i Maunaloa,

O welioiki o moo-ka@l@@@,

Lala hewa ia Hinale Heaha kau e Kala-e?

O Hinale.

Aole e loaa o Hinale Imiia i inalua,

Uuma, ohikimakaloa,

Hawae kai nui,

Ka wana nianiau i ke ala,

Loaa ka hoa paio e Kala-e Ua pakele O Pu-na.

Hoihoi ana o Pele ma ia Punaaikoae.  Mahope o keia kaua ana a Pele ma me Kalamainuu, a pakele ai o Punaaikoae, mamuli o ka Hinale mau alakai, pela iho la oia i ike hou ai i na maka o kana wahine.  He wahine ino leulehu hoi keia, a pela no paha i lilo ai i poe akua wahine no ia kau.

            Ua oleloia no hoi, ua hokaka kino a kanaka maoli ua poe wahine nei, oia hoi o Walinuu, ka wahine mua Punaaikoae, me Kalamainuu, (Kihawahine) a me Haumea (Kamehaikana) hoi.  No ua kane nei no a lakou ke kumu o ia hakaka nui ana.  Ma ia hakaka ana nae. ua makapaa o Kaiamainuu, a ua mene hoi ko Waliinuu ihu; a pela no i hoikeia mai ma ko laua mao kii, i ka wa e ku ana ma Hale @ Papa.  O Papa wahine paha ia a Wakea. 

            @'a hopuia ana o ua Punaaikoae nei ma kona inoa hou o Makea.

            No ka mea, ua ku ae he alii hou ma kona hope, oiai ua nalo aku la na Punaaikoae nei i ka ia o la apa ana a loihi wale ka manawa o ia nalo ana.  A oiai nae laua e noho ana ma Kalihi-uka, a no ka make a ka i-a, ua hele pinepine o Walinuu i ke kaahiki (lawaia) papai ma na na Pali Koolau o Heeia a ma Kauwahi e ae no hoi.  Aia nae ma kekahi wa mahope mai, ua hele hou o Welinuu i ke kaahiki papai ma na wahi ana e hele pinepine ai i ka lawai, aia hoi, ua eu ae o Punaaikoae,  a hele aku la iloko o kekahi ea maia, a malaila oiu i luana ai.  A no kona manea i ka oluolu maikai o ua ea maia maia nei, ua pauhia iho la oia i ka hiamoe.  Iaia nae e hiamoe ana, hopuia iho la oia e na kiai o ua mala maia nei, ma ke ano aihue maia.  Weheia ae la kona malo e paa ana i ka hope,  a hikiiia kona mau lima i ke kaula, a alakaiia ana i kui o Honolulu, a kau ia ana ko ia nei kino make iluna o ka lala ulu.  Ua oleloia, oia ma ka aoao Komohana Akau o ke kawa o Waikahalulu, ma ke kualapa mawaena on a a me Puehuehue ma kona hope, (o ka pa-u lawaia mau no ia o na wahine kaahiki mamua o ka lawaia ana, a hoomomoa hoi kahi pa-u maoli, aia a hoi mai mai ka lawaina ana, kakua ua wahi pa-u maoli nei a hemo hoi ka pa-u pohuehue).

            A no kei lono pilikia ua manao ole aku kei i kona pa-u maoli, a pii pu mai la no me ia pa-u pohuehue,, a ike aku la i ke kane e kau ana kona kino mawaena o na lala ulu, a e paapu ana na makaikai he lehulehu wale malaila.  A malaila no hoi keia i uwe kumakena ni no ke kane, me ka paiauma ana.

            Ma ia ano o ia nei, na ikeia mai la keia he wahine na ka mea i make.  Aka, iaia nae e noho ana me ka u no ka hewa ole o ke kane, nolaila, manao iho la paha oia i mea e hookumakaia'i ka mea hana keia make ino, no ia mea, e hoowa ne ana keia i ua kumu ulu nei a hamama ae la a haule iho la ka lehulehu a pau iloko o ka eehia no keia mea kupunaha.  Haalele iho la oia i kona pa-u pohuehue ma kaha on a i noho ai, a ku kohena oe la me ha hele kino ana a komo aku la @@@@ o ua kumu ulu nei, a hookui ae la a paa e like me kona ano mua.  Lilo ne la ia i mea olelo nui ia, a kaulana ae la ma na wa@@@ @ @@@ i je aki aky,  A i ja oa-u @@@@@@@ @@@ @ a ia mai i @@@@@ ilio ai, ua ulu ae la ia a mahuahua, a aia no paha ke ulu la malaila i keia wa.

Ka make ana o ke'lii nana key make.

            Ma ka manawa i kahe ai o ka hinu o Makea, (Punaaikoae) ua paapu o lalo o ua kumu ulu nei i na ilio e palu ana i ko ia la hina; aia pu no hoi malaila ka ilio naha maka (ilio kupele) a ua alii nei.  I ka hoi ana nae o ua ilio nei a hiki i ka hale, a wiliwili ana hoi ka huelo imua o ua alii la, a pela laua i hookaawili ai me ka olioli.  Ia wa no a laua e lealea ana, a nahu ae anaa ua ilio nei i ka puu o ua kahu alii nei on a, a o ka make koke iho la no ia.  Kupanaha maoli ia hana ana a make ana.  Ka no ka hoi i ka ai ua mea he make.  Ka i na hoi paha ma o wale no ka make, eia ka he make pu aku no ka hope.  Pela ka mea imi wale i ka make o ka mea pono, e like la me herode i ke poo o Ioane Baptezio.

                        ( Aole i pau.)

            Heaha la ka hoomana i lele ai o Hawaii iluna me he Lupe La?

            he elima mau hoomana ma Hawaii nei, iloko o keia au hou a kakou e naue nei, aka hoi; he like ole na hana pakahi a pau a keia mau hoomana, nolaila au i lawe mai ai i kela mau hu@; e kau ae la maluna o keia kakau manao ana, me ka ninau ana iho penei:-"Heaha la ka hoomana i lele ai o Hawaii iluna me he lupe la?"  Eia no ka baina o kela ninau e kau ae la maluna.  O ka hoomana no nana i lawe mua mai i ka Baibala ma Hawaii nei, o ka hoomana no ia i lele ai o Hawaii iluna me he lupe la, mai kuhi mai nae oukou, he lele maoli iluna, e like me ka lele ana o ka lupe ma ka lewa; a pela kou lele ana e Hawaii iluna, aole!  pela!!  Aka, e ike ea no ma kau hana, a me kau ano iho a malaila oe i lele ai e Hawaii hou iluna, me he lupe la, a kaulike me na Aupuni naauao a pau o ka honua nei, i mau kumu e maopopo ai keia.

            1. O na kula hoolaha ike.  E like me ka pae mua ana mai o na misionari, i ka A.D. 1,820.  a a-o i kei lahuikanaka; i na lii a me na makainana, i na kumu mau o ka ike, a puni ka aina, a ua ike ia kou holo mua e Hawaii; ma ka hoonaauao ana, a mai laila mai a hiki i keia manawa a kakou e naue nai.

            Ua kukulu ia na kula la, kahi e ho@naauao maikai ia ai; o ko na kula kuokoa i keia manawa, ke ulu a mahuahua nei na kula hanai, no na kaikamahine, a me na keiki kane kahi hoi e a-o maikai ia ai lakou, i na ike pakake a ka haole, a na @@u kawalawala hoi a ike Hawaii no hoi.  A pelu no hoi na kulanui o kakou, ke k@ nei lakou, me he mau aniani la e hoo@iai ana i ke kanaka me ka ninau ana paha o kekahi, owai la ia mau kulu nui o kakou?  O "Punahou College" a me "Waialua Seminary," i ke ehukai o Puaen@, i Oahu; o "Lahainaluna Seminary," e ka hoolai mai ka i ka @Ukaiuano,   i Maui; kahi hoi e hoonaauao maikai ia nei, na hanauna hou o ka poe  opiopio, a me ke kula kahunapule ma Wailuku.  Aole paha he Aupuni holo mua ma ka hoolaha ia ana o ka ike; a ma ka hoonaauao ana, a ma ka pono Kerisiano, e like me oe e Hawaii hou nei

            2. Kumukanawai.   Oia ke kahua kahi e kukulu ia ai o na kanawai; kahi hoi e hoopili paa ia ai na pomaikai o ke kanaka; ma keia ola kino ana a e hoomoakaka ia ai ko ke kanaka noho ana, o ke Aupuni Kumukanawai, he Aupuni ia e hoike ana ia ia iho, he Aupuni naauao; e like me oe e Hawaii hou, a me na Aupuni naauaoo ka honua nei.  E like me Beritania Nui, a me Perusia, me Rusia, me Farani, a me Amerika Huipuia, na Aupuni naauao; Kaulana o ka honua nei.  Ua loaa anei ia oe i haawina e Hawaii hou?  "Ae" ua loa@!  ua loaa!! He "Aupuni Alii,"  i hooponopono ia malalo o ke Kumukanawai.

            3. O ka mea pai palapala.   O kekahi kei o na mea paahana maikai; i hana ia ma ke ao nei, mamuli o ka noonoo o ka mea hookahi, i @a A.D. 1,440, a ua hoolaha ia, a mai laila mai, a hiki mai i keia manawa, ke laha nui nei ia hana, mawaena o na Aupuni naauao o ka honua nei, A pela no hoi ia oe e Hawaii  opio.   ke maamaa  nei kekahi poe ma ia hana maikai, o ka mea paipalapala; oia kekahi mea e hoopokole ai i ka luhi ma ka han@ ana, in a aole i kaa keia mea; aole paha e hiki wawe ka pai ana i na puke hoo@@auao, i ka Baibala, i na nupepa, i ke Kumukanawai, i kekahi mau mea e @e, a pelu aku.

 

@ ka mea paipulapala.   Oia ka mea e hooenu ai i ke Kumukuai o na mea i pai ia, i ka wa Kahiko: i a wa aole i loaa ka mea  paipalapala,  he pu loa ke Kumukuai o ka Baibala hookalu.  i ke 600 dala, no ka mea, o na Baibala ia mau wa, a me na buke e ae, ma ke kakaulima wale no, ehia la makahiki e kaka@ ai i ka Baibala, a me kekahi mau buke e ae, alaila paa? 

            He umi paha a oi aku, a emi mai paha, aka, i keia wa; ua hikiwawe loa ke pai ana, a emi ke Kumukuai o ka Baibala, i ka hapalua, pele kuu ike ana i ka A.D. 1,863, i hala aku.

            4.  Na hana misionari.  O na hana paha keia e paa ia nei; ma na lima o Huwaii ponoi i keia mau wa, o ke Kahunapule, a me ka oihana kula eia ma na lima o Hawaii ponoi; aka, o ka oihana Kahunapule, eia ma kou lima, he oihana nui, a he kaumaha no hoi o ka lawelawe ana, he oihana laa.  Ke ulu a mahuahua nei, a ke waiho nei na makua nui o ka pono, ia hana nui maluna o na keiki, oia hoi oe e Hawaii, a ke holo nei na hana  misionari imua, na hana misionari Kuloko; a Kuwaho hoi he Kanalima paha a oi aku, na Ekalesia Kuloko o kakou i keia manawa, aole nae i paa pono loa i na paahana, a pela no hoi na hana Kuawaho.

            I ka nana iho ia oe e Hawaii i keia manawa, "lili lua ka ua i ka makalii, pau olelo me luina, Kapena hoa olelo"- ka hana nui Kaulana keia au e Hawaii, e auamo nei a kai- kai iluna, a he mea hoi na na Aupuni nui Kerisiano o ka honua nei, e nana mai ai, a kohu pono ka olelo ia ana iou e Hawaii.  "Ua mau ke ea o ka aina i ka pono."

            5. O ke Kerisiano io maoli.  Oia ka mea e hooia ana i ko Iehova aku ana, i kona ike kona mana, kona aloha, a me kona Hemolele.  E mauaoio ana i kana olelo, e hoomana ana hoi ia ia mai ka uhane, a me ka oiaio, a ua makau hoi ia ia na wa a pau, a e hooiaio ana i kana mau hana a pau. 

            Aeia hou kekahi mau mea e pili ana i ka mea i Kerisiano maoli ke ano aloha, ke akahai, a oluolu hoi ma ke Kamailio ana, A o ka poe i loaa keia mau ano maluna; o lakou na hookele kupono, e hookele ai i na uhane o na kanaka, a pae aku ma kela awa lani, aole o ka mea ano huhu ma ke kamailio ana, a hoopapua paha, no ke diabalo ia manao!!  "O ka mea i oi aku i keia, no ka ino mai ia," manao paipai.  E like me ka heleuma nui, a me ke kaulahao e paa ai ka manuwa nui pela ka Ba@ala i hoolaha ia iwaena o kekahi Aupuni, a mao aupuni paha, oia ke kahua e paa ai, a e poniaikui ai, a e lanakila ai ia Aupuni a pela aku. 

            Ua pau me ka mahalo O wau iho no o,                      J. Kulailua.  Puunoa, Lahaina, Aug. 26 1,,569

Hui Humuhumu Kapa Apana.

I ka NUPEPA Kuokoa;  Aloha oe:-

E oluolu oe e hookomo iho i keia wahi puolo ma kahi kaawale o kou mau kolamu, oia hoi kela mau hua e kau kehakeha ae la maluna, oia hoi, "Hui Humuhumu Kapa Apana."

            Eia ma Kaneaina, i Kawaihae-uka nei,ke hoomaka nei kekahi poe wahine e hana i keia wahi hana i haiia ae la maluna.  He eono ka nui o keia poe wahine e hapai nei i keia hana.

            Penei @@e ke ano o ka lakou nei hana ana: Kuai no kela mea keia mea i na ano apana ana e makemake ai, a loaa, hoi mai no humuhumu a paa.  A ma ka la a lakou e hooholu ai, ua lawe mai kela mea keia mea i kana mau apana a @koakoa ma kahi e humuhumu ai.  Ia wa, ua hoolakoia ka ai a me ka i-a.  A makaukau ia mau mea, hooma@ ke pai ana i ka hulu; a pau i ka paa i ka hulu, o ka hoomaka aku ia no ia i ka humuhumu, a he manawa ole, o ka pau ae la no ia i ka paa.  Pela iho la ka lakou hana ana. 

            I ka nana aku i ka hana a keia poe wahine, ua eleu maoli no; holo ka lakou hana, aole lohi.  He hana maikai no hoi keia e hapaiia nei e keia poe iwa o ka uka o Ahi@.

            Ma ka la 3 iho nei o keia mahina, ua kukuluia he wahi papa aina e hoomanao ana no ka luhi o k@ lakou hana ana.  Ma ko'u nana aku nae, ua oiaio no ko lakou hoomanao ana no ko lakou luhi, aka hoi, hookahi kina a'u i ike ai, oia hoi ko lakou malama ole i na rula a lakou i hana ai.  A ma ka ho@a 12 o ke awakea, ua makaukau na mea ai o ka p@@@@aina.  Ku mai la ka Papa Himeni o Ho@@@.  malalo o ke alakai ana a J. W. Keoni.  Ma ka lohe aku a ko'u mau pepeiao.  ua ku no i ka mahalo, a pela no hoi paha k@ ke anaina holookou e hoolohe aku ana.  O ke mele i meleia mai, he mele no ia i hakuia e pili ana no ka hana i haiia maluna ae.

            A pau ka lakou himeni ana, ku mai la o J.W. Keoni a hoomaikai aku la i ke Akua no ka ui ana e like me ka mea mau.  a pau ka pule ana, o ka hoomaka noia o ke paina ana.  Ma ka ike ana iho i na mea i hoolakoia no ka papaina ana o ka iliki iho la no ia o kaua, a pulu eio ana makou.  "Pau ka haumia,"  wahi a ka olelo.  Me ke aloha no.

                        Samesona, Kawaihae-uka, Sept 3, 1@69.

Olelo Pane ia B.L Like.

            E.B.L Like a'u i ike ole ai. a mai hea la oe i hele mai ai me kou mau manao hakukole, a lili makehewa i ko hai haawina, ua ike au i kau olelo hoolaha ma ka helu 30 o ke Kuokoa, e hakukole, ana imua o ka lehulehu no ka hana aluna, lokoino, opuino, o pelu aku, oia o ka Luna Leta o Kau.  no ka haawi aku ia oe i na dala he kanaha wale no, o koe ia'u he $32.00.  Ke ninau nei au ia oe, i nehea hoi kau hoolimalima ana me a'u, a i nehea hoi kou kuleana pu me a'u ma ka oiluna lawe leta.  Aole paha oe i ike o k@u kanaka o Kamali oia ka'u i hoounauna e hana ma na hana a pau a'u e makemake ai, a oia ka'u i hoonauna e lawe i ka eke leta o Kau a hiki i Kona no na dala he kanaha o ka hopaha, iaia kahi holoholua a @a'u kahi holoholona, oiai, o Kamali oia no ko'u kanaka hana ponoi, aole oia ma ke !no hoolimalima maoli, he ano ohana no.  A o oe e B.L. Like a'u i ike ole ai, owai la oe, ke kauoha nei au ia oe e pono oe e hele i o Kamali la e ninau ai no keia mau dala au e hoohalahala nei, malie o hai mai kela ia oe i na dala he kanahiku kumamalu ($72) a olua i hoolimalima pu ai me ka Luna Leta Nui, i lawe ae hoi o Kamali i ke kanaha dala ($10.) a o ke $32. hoi nau iho.  Auhea oe, he oiaio no ka olelo hoolaha a ka Luna Leta Nui no na dala eono o ka hele ana o ka eke leta, aole nae me Kamali, aole hoi me oe e Likipaupaka ia olelo ana, me a'u no ia olelo ana ma Honolulu ma ka Hale Oi hana L@na Leta o ke Aupuni, a oia mau dala $6.00 na'u no ia oiai, ua makaukau au i na holoholona no ka lawe ana a me ke kanaka.  A no ko Kumali noi ana ia'u iaia ka lawe o ua eke leta nei malalo iho o ko'u inua, a e mahele ia ka uku, a like a like, na'u kahi hapa a nana kahi hapa, ia'u kahi holoholona iaia kahi holoaolona, a no kona koi ikaika loa mai, ae aku @a au iaia, a haawi nu iaia he kanaha dala, a na'u hoi he kamakolukumalua, a no kau olelo hoolahi mahaoi lua ole, a kukala wale aku me ke kumu ole, ua pololei ole ia hana au, a no ku ike paha o hoopuka ole ia kou akamai in a k@ akea hoolaha ai oe.  Eia nae ko hewa e B. L. Like o ko huna i ko inoa maoli, aku, ua ike aku la no au ia oe a me ko kakauolelo.  Eia ko inoa maoli o Haili, a o ka inoa o ko kakauolelo o R. K. Pahee.  Ke ao aku nei nu ia olua, e pono olua e hoihoi i ka olua olelo hoolahe ano ino i hana ai ma ke akea, i hiki ai ia'u ke kala aku ia olua no ia hewa ino a olua i hana iho nei, oiai boi.  he ano laibila maoli, aole ku i ka oiaio, aole no hoi o olua kuleana iki me ka Luna Leta no ia mea oiai hoi, ua ninau au ia Kamali kuu kanaka no keia olelo hoolaha, ua olelo mai oia aole nana, aole no oia i ike i ka mea nana ia hoolaha.  Nolaila, e Haili a me Pahee na enemi kuloko o ka Luna Leta, e roonoo olua no ka olua olelo hoolaha, a e hoihoi koke mai ia olua ia olelo hoolaha.  Owau no

                        Luna Leta O Kau.

Waiohinu, Aug. 24. 1@69.

Ehoihoi mai Ia'u.

E ka NUPEPA Kuokoa E; Aloha oe:-

            Aia ma kou Helu 30, o ka la 31 o lulai, Aoao 4, nona ke poo, "Hana ku i ke aloha ole."  A ma ia kukulu manaoana, aole no i pololei ia hoolaha ana, ua lalau au ma keia mea, a wikiwiki hoi ma ka hoolaha ana.  A ke noi aku nei au ma ka lokomaikai o ka Mea Mana Loa a me ka poe heluhelu, o kaia mai ia'u ma keia mea.  O kela olelo hoolaha a'u e pili ana no ka Luna Leta o kau nei, no ka haawi pau ole mai i na d@la he kanahiku kumama lua ($72.00) no ka hapaha.  Ua he wa wau ma ia hoolaha ana, oiai aole no owau ka mea i hoolimalima me ka Luna Leta, o kuu makuakake no, oia no hoi o Kamali a oia wale no ka mea i hoolimalimaia, a owau, be Lawe Leta au mamuli o ke kauoha a kuu makuakane.  Aole @@ hoi i ike kou makuakane, i kela hoolaha ana.  A o ka olelo hoopaa no ia a kuu makuakane me ka Luna Leta, he $40.00 no ka hapalua.  Oiai hoi, ua kokua no ka Luna Leta ia'u i kekahi mau holoholona, ma ka lawe ana i na Leta.  Nulaila, ke nonoi aku nei au i ke olelo hoolaha, e hoihoi hou mai ia'u; a o na olelo i hoohoopukaia, aole no e manaoia ua pololei.  Me ka mahalo.                        B. L. Like.

            R.K. Pahee, Kaukauolelo

Wai@hiaua, Kau, Hawaii, Aug 21, 1560.