Ka Nupepa Kuokoa, Volume VIII, Number 19, 8 May 1869 — Page 4

Ka Nupepa Kuokoa

KE KILOHANA POOKELA NO KA LAHUI HAWAII.

 

Ka Nupepa Kuokoa.

 

Thou Sweet gliding @ed@on, by the

SILVER STREAMS.

 

11.

 

1. O oe, Kedesona I kabe maikai,

   Ma Kou kapa @l! Iesu I po ai,

   Ua pau kana hana. ua kaa mai ka po,

   Ua hele e moe ma na wai owe ou.

 

2. Ua po no ka la, a hoea na hoku ;

   Ma ke kulu aomoe ua @alo Iesu ;

   Ua kau ka mahina konale laelae,

   A maha no Iesu ma kou wai maikai.

 

3. He anu ka hau I pa mai ma kou poo,

   Oolea ka uluna, ka bela po ou ;

   Ku mak na anēla, nānā, a haohao

   No kou eha nui, no kou kanikau.

 

4. E Getesemane, ka mala haalou,

   Ma ou la e ike ka lani, ke ao,

   Ma ka pule, ka eha, ka @we o Iesu.

 

5. Kulou, na haipule, ma kona wawae,

   Hoomana, hoonani a noomaikai ae,

   Hosana hauoli a mau aku no,

   Haleluia pu aku me ko kela ao.

HAWAII

 

Ka hanau ana o Iesu.

 

1.  Laelae ke ao, olino mai

Na hoku o ke alaula

Ua moe mai ka poe kiai

Me ko lakou ohana.

 

2.  A kani mai, maluna nae,

He leo mele nani ;

Ala'e lakou, hoolohe ae

la leo kani lani.

 

3.  Kakani, a kakani ae ;

Hamau lakou, a lohe,

A paē mai he leo hai,

He leo hoohauoli.

 

4.  Hauoli, e hauoli ae,

Ua hanau ka Mesia ;

Ka leo nei a ua kiai

I lohe a ilihia.

 

5.  He malu a he malu mau,

Maanei ka maluhia,

He kuikahi ma ke uo,

Ano e ikeia.

 

6.  Ku, ku, mai kali ae maanei,

E holo wikiwiki,

Aia ma kahi haahaa e

Ke moe ae ua keiki

 

7.  Hoonani, e hoonani ae

I ke Akua Mana,

Hoomaikai pu ia keiki nei

Emoe malie ana.

 

HAWAII

 

Calm on the listening ear of night.

 

8-6

 

1.  pa nani ma ke kulu po

Na leo nani no ;

Ku nakanū a lohe ae

Ko Iuda mau papu.

 

2.  Memele mai na anela

Mai luna lilo mai,

Me ko lakou mau lira pu;

A kani nani ae.

 

3.  A pane ko ludea mau puu,

A o mai o a o,

aloha a hauoli pu,

Ei;ae ka Hoku Ao.

 

4.  A, mai ko Galelaia wai

He leo ka@i ae ;

Kani na pa@a aala e

Mai ia Sasona mai.

 

5.  Hoonani I ke Akua mau,

Na ao, na aina e,

He malu, he aloha pu

                Mai ko ka lani Alii.      HAWAII

 

Ka la hanau o Iesu

 

6-4

 

1.  Hookani hone ae,

Na @ele kani nei,

No Iesu no,

No kona iho mai

Nai kahi iluna'e,

E noho haahaa ae

Ma keia ao.

 

2.  He aloha nui nei,

Hookani oli ae

Mai o a o ;

Ua holo mama wai

Iesu e imi ae

I na auwana nei

I hoi lakou.

 

3.  Ke Lii no luna mai,

Ke Lii e malu ai,

Ua lilo nae

I keiki makalii ;

Nana a mele mai

Na anela maikai,

Hoonani e .

 

4.  He aloha kamahao

Iloko a Iesu,

A noho mai

Me kanaka oonei,

He ano kauwa e,

Kuono ole ae

M@l@lo nei.

 

5.  Ua h@ne oia nei,

Aole he waiwai,

Hoowaiwai nae

Na kini hune no ;

Ike na makapo.

Leleie no lolo.

Ola ua mai.

 

6.  Ua maha na luuluu,

Oli na kanikau,

A lohe no

Ka poe @ne no,

Ka poe waiwai pu,

Ko keia ao a pau,

Ke ola mau.

 

7.  Hookani hone ae

Na @ele kani nei,

Na leo pu,

Ko Iesu lile ae

I mohai e ola'i,

Hoolaha nui ae

                        Mai o a o.     HAWAII

 

Na olelo kupono ole a Makaena i na

MALIHINI.

 

E KA NUPEPA KUOKOA E ;  Aloha oe :

            Ua ike iho nei au I na olelo wahahee a ka mea nona ka inoa e kau aenei maluna, e pili ana i ke Ahupuaa o Kaunolu, a malai@a ko'u wahi kanalua iki o ko'u luna manao.  Ua olelo ua Makaena nei i na malihini, he kamaaina oia noloaila.  Wahahee.

            Ua olelo oia i na akua Lawaia, o Kaun@ lu, Kunihi, Kanemakua, Lohe, Kahilinai, Kaneapua, a me Kamakauwahine.  He mau akua lawaia kekahi, a o kekahi aole.  E pono au e wehewehe iki i ka moolelo o keia mau akua pegana o ka wa kahiko.  Eia ko lakou moolelo.  O Lohe, he akua lawaia ia, a penei kona olelo ana.  Ina e holo na waa i ka lawaia, (he kaulua nae na waa) a i ka hoi ana mai, ina hookahi waa i ai ia e ka ia, a nele kekahi waa, alaila, ukiuki loa ka waa inele.  "la wa e hoowalewaleia ai o ka lawaia ai ole ia, o ka ihoe paha, makahi o ua akua lohe nei, ia manawa e kulaiia ai a pa iluna, o ka lohe iho la no ia.  Aole e ai ia keia waa e ke'ku, aia no a hoomalielieia alaila na mai ka huhu o keia akua eepa.

            Aole e like me ka Makaena i kuhikuhi lalau ai i na malihini e olelo ana no ka holo ana o kekahi lawaia i ka, a noho kekahi lawiaa i uka e pauaka ai i ka wahine, aole pela, e like me ka mea i haiia maluna Kaneapua.  Aole ia he akua lawaia, he akua noho lae ia, oia ke kaikaina o Kane, a me Kanaloa.  A ma keia ko Makaena wahahee akua ana o Kunihi.

            He akua lawaia keia, aeia kana olelo ana, ne mau wahi akua e iho nae kekahi.  O holoholo-a, Holoholo-i, o Namakaokaia, o Kunihi e ua liniua ka i-a, alaila ea, ua piha na waa i ka i-a, a pela kona olelo ana.

            KANEMAKUA.  He akua lawaia no keia, penei kona wahi kaao, ua h olo na waa i kai a hoi mai ua nele nae i ka i-a ole kela waa keia waa, ku wale ana na mokoi e laho e, ai i na opea o Kanemakua.  O ka pele ana keia i ke akua ole.

            KAHILINAI.  Aole keia he akua, he pohaku wale iho no, he wahi hilinai no no lawaia, a me na kaohi, a kapaia aku kona inoa Kahilinai, ka wahahee akolu keia o Makaena i no malihini.

            KAMAKAUWAHINE.  Aohe au i lohe he kaikuahine no Kaneapua keia akua, o kana hana he kuku kapa, aia no kana kua ke waiho nei i ka pali o Kolokolo a hiki i keia la, o ke kapa ana i kuku ai oia ka puakala, ka mea ia kuku ole ai, o kona pa-u ia ua wahahee iki o M@ma ka olelo mua ana o keia akua, kekaikuahine no Kaneapua, (aole) a ua pololei ma ka pa-u nona ka puakala, ka eepa aha keia o M. ina malihini.

            Na mea kanu, ipu pu, ipu haole, ipu ala, uala, kulina.  Aole keia mau mea kanu na ke'lii i k uhikuhi lalau ai, a kolea hewa i ka inoa o ka Moi, ae kukulu ana o ua o Makaena nei i h ale no ua imi lani nei, kea aku ka wahahee a me ka alapahi.

            Nolaila la ea, e o'u mau makamaka malihini e noho ana i ka piko olu o Harona, mai manao oukou he kamaaina keia no Kaunolu.  He aea haukae keia no Kipahulu, a Lahaina a mailaila mai a anei.  I olelo wahahee ai ia oukou, a malaila ka lana ana mai o ke'u wahi manao, i mea e kuhihewa ole ai ka manao o kekahi poe, o manaoio auanei he kamaaina ia.

            O ka ilima iho la ia o ko'u manao, a me ka palena o ko'u makemake.  Ua pau me ka mahalo.                                                                                              P.M. WELOULA.

            Kaunolu, Lanai, Maraki 15, 1868.

 

Mai Kaleponi mai.

 

NO KA MAINE ELI GULA HOU O KEOMOLEWA.

            Ua ike oukou e na hoa oha e noho ana ma na ae-kai hua-lala o ka moana Pakifika, i ka leta o ka la 24 o Oct , i pai ia ma ka Helu 50 o ke "Kuokoa ;" o ke koena mai, malaila kakou e makaikai ae ai.

            Ma ka pule mua o Nevemaba, hiki mai la kekahi poe mai ka Maine hou mai, e haanui ana  lakou, no ka wili kokoua konahua ka o ke gula iloko o ka lepo.  (He keu a ka liki ; hoohoihoi makuahonowai no hoi lakou.)  I ka hala ana ae o na la 2, makaukau lakou no ka hele hou ana ; liuliu noi kekahi po@ e hele pu me lakou, he hui niu okoa ia ; he 10 lio ko kekahi hui, 8 ko kekahi, 6 kekahi, 5 hoi ko kekahi hui.  I ka hele nui ana a ak @ o ke alanui, inu ra@a iho la kekahi mau hui a ona ; (o ka poie 8 lio & 5.)  O kekahi mau hui hiki pono laua i ka Maine, o lakou nei hoi hele mahu-ha.  I ka pau ana'e o ka ona rama, hoomaka hou lakou a hele, na hu aku la i kula i ka alaala polu ; no ka mea, ua haole iho ka hau 2 kapuai, aohe ike ia aku o ka alanui a noe ka meheu o kela poe i hele ai, lalau wale aku la no lakou a ha-upu mai la ka manao hiki ole, no ka mea, akahi no a hele ia wahi, a no ka hau hoi e ha@le ana a me ka maeele e hoopuni ana i ke kion kekahi pilikia.

            No laila, haalele lakou i ka ukana ilaila, a hoihoi mai la i na lio a lakou ; 3 ho i make no ka ai ole (mauu,) o kakeahi poe loi kai hoomanawanui mai hiki ia nei. a no ka malie loa ana iho oia mau la ; nolaila, hele no ka poe ua ike mua i ua Maine @a, me ka ai no a ko lakou mau lio.  I ka ike ana o lakounei e hele ana kela "hui," o ke kalakala kunahihi hou ae ia no ia o ua poe nei, a hele aku la a kahi a lakou i haalele mua ai i ka ukana , ilaila no kahi i apa ai a hala loa kela poe, haole hou no ka hau ke kumu keakea o ke alanui, naku aku la lakou nei a hiki i Pakaka (kahi o ke kii a Kimo e ku ana,) aohe ikeia aku o ka meheu o kela huakai e hele la, hiki ae la hoi ke kiekie o ka hau i k 3 kapuai, haalele hou lakou i ka ukana iluna o ka hau, a hoihoi mai la i na lio i ke kahawai ; he wahi 7 a 8 mile paha mai kahi i haaiele ai i ka ukana.  O kekahi haole o lakou kai hoi loa mai me kona hoki, a kahi i ha-i ai ka wawai, ki aku la ia i ka pu a make, lawe mai la no hoi i kahi ai kupono iaia ; i ka pauana o ka ai, hoomanawanui mai la ia i kapoploli 2 la a hiki mai la i kauhale pau ka palena o ka pilikia, manao ae no o ke gula o ka Maine.

            Ma ka pule mua no Novemaba, ua lawe aku kekahi "hoi" waiwai he 60 na ho i kaumaha i ka ukana, (ma ke alanui hou) e manao ana e ku mua kona Hale Kuai i ka Maine ; aka, ua hana io mai ka hau, ua hoomanawanui aku no nae lakou a hiki i ka muliwai ma kekahi aoao, kukulu ka hale no ka ukana we kekahi o lakou, o ka hapa nui kai hoihoi mai i na lio.  Ua loleloia, he 40 mile mai ka muliwai aku ma ke alanui hou a ka Maine ; aka, i ka hoi ana mai nei o na haole mai ka Maine mai.  Ma ka lua o ka pule mua o Dec., ka @ikiana mai ; 7 ko lakou huina, he 10 la ko laokou hoi ana mai 3 la pololi aohe komo "weuweu," a i ka 4 o ka la hiki mai ia lakou i ka muliwai kahi o ka "hui" waiwai e noho ana, a manao ae la ke ola.  Ma ka lakou olelo ua hu ka ua alanui hou la ma ka hema, ua hala ka Maine ma ka akau ; he 40 mile mawaana o kaua, he 60 hoi mile mai ka muliwai aku, ma ke koho wale no.

            O na haole i hana'i i na alanui la, aohe o lakou uku, o ka hiki i ka Nu Maine ko lakou uku i manao ai ; aka, i ka hana ana'ku nei ua  kau ia ae la ka ihu o ke panana i ka hikina hema, a hala ae la hoi ka Maine i ka hikina akau.  O makou kekahi i manao e hele e hana i ua alanui la, me ka uku nae; a nolaila ua komo ae na haole i ka Hale Ahaolelo e noonoo, a ua hooholo iho lakou.  A kahea mai la ia makou a me na haole hou, he 20 paha ko lakou nui ; akoakoa aku la makou a ku ana i ka aoao o ke pakaukau, olelo mai la o J. B. Lanck, Esq., "Owai ko oukou poe makemake ik hana alanui ? Aohe nae he uku, o na lilo a pau a me ka oukou ai na ka poe mea Hale Kuai e kokua, o ko oukou uku no hoi o ka h iki i ka Nu Kikina ; no ka mea, he alanui kokoke loa keia mamua ae o ke alanui kahiko, he 75 no mile mai anei aku a hiki i ke Kikina ; a he 120 mile hoi ko ke alanui kahiko, o ka poe ae i keia e kau na lima iluna," o ke kau like ae la no ia o ka lima o ua poe haole ai-moo la o ke kuahiwi, o makou me na haole kamaina no, holo aku la i waho e walaau ai.

            Alia nae i ka hele ana aku e hana, e hoomanawanui i ka hay a me ka maeele o ka aika (ice,) alualu ia mai ana e ka bipi, ua oki oe i holo kiki mai ana a paa i ka laau a Kekuaokalani ; aole hoi i hiki i kahi i manao ai.  No lakou ka ia mau wahi lalani Himeni i haku ia'i.  "Puho kou luhi ana, Make hewa hoi ka hana."  Ua hoi loa no lakou i Pokalana (Portland,) aole no hoi lakou ike hou ia mai a hiki i keia la.

            Ma na na la mua o Maraki i hala ae nei, hoomakaukau na haole kamaaina no ka hele ana, ka poe no nae ua hiki mua ka ai i ka Maine, (koe ka poe ai ole,) e kau-o hele ana i ka lakou ukana maluna o ke kaa holo hau ; 150 paona ke kaumaha a oi aku a emi mai kekahi, he 20 paha ko lakounui a emi mai.  O  makou kekahi i uluku a pioloke ka manao e hele u me lakou ; aka, ka-ua ia mai la e ka leo o ua poe hoa aloha la, i ka olelo ana mai.  "Mai pono no ia kakou ke hele pu, i na he nui ka ai i hiki aku nei i ke Kikina, a i na no hoi he Hale Kuai kekahi i hiki ilaila, ina ua pono.  Aole paha kakou e lawa i ka ai i hiki mua mamua ae o ka hiki ana o ka hoki lawe waiwai, no ka meai he mau malama oko@ ia e noho aku 4 a 5 paha.  Ina no oukou e noho a puka ae i ka mehana loaa ka lio, alaila hikihoi paha ka ai – aole no e phia kela wahi i na tausani haole i oi a ku mamua o ke kolu, a i na o ka poe @ ae mahope nei, He oiaio, aole lakou e hana dala a holo hou – mai no i hope nei, oka ai ke kumu keakea no na mea a pau.  A ua makehewa no hoi ke kole ana aku o na iwi iluna o ka hau, a hoi "luuluu ana i ke one Mahamoku."  aole i loaa ka mea a ka manao i li-a wale ai i na po anu koo-u ka hooilo &c.  I ka pau ana o keia mau olelo, ki-ke ae la na kiaha aloha – lulu na lima – a o ko lakou hele no ia.

            He mau la 4 e 5 ko lakou kaawale ana aku, aia hoi, hiki hou mai la na haole he 14 me na lio ho ; hoomakaukau no ke kaa holohau a paa o ka hele no ia.  O kekeahi poe o lakou kai hoihoi i na lio i kai o Luwikini (Lewistop).

            Aole i hele aku ia poe hiki mai ana, aohe no hoi i kaawale aku noho mai ana.  A o ke aiwa loa mai ka ia o ka hoomano, ua ike aku aohe ai o ke alanui a me ka Maine, o ka meemee loa aku ka ia o ka puni kauoha ole ina iwi.  No ka Hawaii hoi ka huaolelo "Imi loa," eia ka o ka haiole ka "pakeu pali."

            O na mea aku i @oe, na keia mau malama aku ia e nan@, a e hoike mai ka pomaikai a me ka pilikia, o ka ike ko'u a me k@ lohe kakau a@o, o ka heluhelu mai ka oukou @ me ka hoomaopopo iho.  "Oi moku ole ke kaula dala ; aole hoi i @ ke @ ."  Ua lawa keia no ka manawa @ no @ no na mea a pau i oleloia ma ka "Baibala."  Ke hoi nei nae ko Mauna Heiene keiki. a halawai aku me ka ma@ o Kale@onia.  Ipaia mai e ka lau o ke onaona o ka ili lauae aala i ka nahele, i hoop@l@ i@ e na kulu hau @ o @ kahahiaka.  A o@ oukou.  G.P. @

            Pierce City, Idaho, Ter. Mar. 27, 1869.

 

He ku aku la i ka pua ke wi nei ka

niho o ka iole.

 

            Ua pa@ ma ka papa keleawe o ka Nupepa "Kuokoa," o ka la 1 o Mei, Helu 18 aoao 4 ; ka hailoa@ o ka ninau ia "Aba Buna." a me ka ninau ekolu i ka Aha Hui "Adimeke. i kakauia malalo o ka inoa o Kamaioulakoheo, (oia no o Kamaikakio).

            O makou o ka poe lala o ka Aha Hui Adimeke, aole makou i mahalo i kau loaa, no ka me@, ua hai mai oe i ka pauku a me ka mokuna, a me ka buke, aia ma ia pauku he elua a he ekolu na iona o Bela, o Iobaba a o Zera, owai o lakou o I@ba ? a owai o lakou ka makuakane ? loa manao mai oe o Iobaba, oia o Ioba, auhea kou kuhikuhi noia mea, i hiki ai ia oe ka hoololi ana i ka huaolelo Alabia "Iobaba," a ma hea ka loaa ana o ka huaolelo Hebera "Ioba," noloko mai o ka Hebera, Alabia "Iobaba," akahi makou a ike i ke akamai o ke keiki o Hamakua, o ka ike ana o "Ioba" na hua kumu o "Iobaba," a manao mai oe o "Ioba noia," a pela e loaa ai ka makuakane o Ioba ; a pehea la e hiki ai ia oe ke unuhi pono mai i keia mau Io-ba-ba, Ze-ra, Be-la ma ka Hebera, alabia ; i maopopo ai kau loaa kapilipili, i ike ai makou ma ka olelo Hawaii i ka olelo oiaio o ka loaa.  Ua makaukau makou ma ko makou Keena Oihana o ka Kulanui Hui Adimeke, i na Buke 120 o ka Baibala e hiki ai ke wehwehe.  I nui ke aho ! e ka hoa a me kau kumu ike ole, ai loaa ole, na mokou e wehewehe aku.  aole makou i manao na ke koko Hawaii e kue mai keia Hui Adimeke, no ka mea, he mau keiki Hawaii ka poe e kukulu nei, aka, ua haliu mai oe me ko ike no aole oe i makaukau i ka hooili kaua ana o na mea pohihihi loa o ka Baibala.  I ka la hea ? o kā malama bea ?  M. H. B. A. C.D. hea ka hanau ana o Ioba?  Ina loaa ia oe, akamai oe a hanini maluna o na pali o Waipio.

            Ua olelo mai oe, "ua alakai ka o Mose i na kanaka he 1,000,000 a keu aku i ka B. C. 1146.  Ua makaukau makou no ia mau mea, no ka mea, ua ike makou o ka nui o na kanaka i alakaiia e Mose, aole i like me kau e pane nei, he ole loa no, a pela no kau B. C. 1146 ; no ka mea, i na i ka B. C. 1146, alaila, o ka manawa ia e noho kahuna ana o Eli, a e lawelawe ana o Samuela ma kana hana, nolaila, ua puka mai ka Iseraela mai Aigupika i ka B. C. 1491, e hoolawe i kau B. C. 1146, koe 265, oia na makahiki mai ka puka ana o ka Iseraela a hiki i ko B. C. 1146, a he mea kupanaha loa keia, na ka anela hea i ao mai ia oe, ma ka Buke hea la keia helu ano e ; ma ka buke anei i kapala ia i ka lep palolo o Hamakua, e akaaka a maloeloe i ka loaa a Kamaipahinuihinu.  Ina oe i makemake e ike i ke ano o keia mea he B. C., a he a@i o na B. C., eia no ma ke Keena o ka Aha Hui Adimeke.

            O na kia keleawe ehiku au i pane mai ai, he mau kia popopo wale no, na ka lima hema o ka Adimeke e opa iaia, a lilo ia me he opala la a ka makani e puhi ai.

            O na huahelu 8,000, he mau huahelu i kaulia maluna o n a puakala ; o ka waiwai e loaa mai, he koe me ka naio ; ma ma na huahelu lani, a me na huahelu honua, ua makaukau makou e wehewehe maikai loa ke kauohaia mai, ua ike no makou aole e hiki i kekahi huahelu ke wehewehe mai ; ua helumai oe i na helu ana a ka moa keiki, he pokipoki ka mea loaa.

            Eia mai na haina o na ninau poi nalo au e hou makapo nei iloko o ke ie me ka uluhe, me ko ike ole i ke ano o kau ninau.

            1.  Pehea ka manoanoa o ka pahiolo i olo ia ai o Isaia ?  ehia kapuai ka loa ?

            Haina.  He 3 hua bare o ka helu Hepera, ua likeme 3 hua bare o ka aoao luna, he hapa hua bare ka aoao lalo ; a o ka loa he 3 iniba, ka loa ua like me elua kubita me ka hapa.  E nana i ka moolelo o Ahaba Horema 21,C22.  A o ka iwi a o ka hipopotamu kela phiolo, aia ma ke Keena o ka Hale Oihana o ka Ahahui Adimeke kahi i waiho ai o na mea liilii, aole ma na aina o na pali o Waipio a me Honokaia.

            2.  Heaha ka inoa o ke kaula a Iuda i kalawe ai iaia iho ?

            He olona ; he kaula kahei ma kona kikala, a wehe ae lo oia i kela kaula ana e kahei ana, a kaawe iaiai i@o.  Aia ma ka terema 2, C. 42 o ka buke mooleleo a kekahi Iudaio, oia o Ioseputo.  Aka, ua kue mai o Petero i keia ; me kana olelo mai aole i kaawe, i hina maoli no a malolo kona poo a pahu kona naau.  Oihana 1:17,18.

            Ua makaukau makou e wehewehe i na mea liilii loa o ka Baibala ke kauohaia mai makou.  E hana i ka puniu a manoanoa, i oie e helelei i ka wa e hookui ai me kekahi ala o ko makou aina.

            3.  Heaha ka ino o ke k@i i kakia ia ai na lima a me na wawae o Iesu ?

            Haina.  He kui o ka make, o kela kui he kui o kekahi apana laau o ka ota ; oia ma na lima, a he kui hao ma na wawae, pela no ma ka makou mau hoike e waiho nei, a i makemake oe e ike, e holo mai oe ia nei, haalele aku i ka wahine, i ike oe i ka ala e phoa ai ko auwae.

            Ua lolo mai oe no Honokaia oe, eia mai kekahi pauku hao e k@ ai oe, pii ka lena, kukai ka i@ o Puapuakea.  E imi oe, a i @ ole a make oe, @, e kali no ka @ ke kae o ka luakup@, no ko uhane ka pii ae.  pe pe-la no; a ina he mau keiki kau, o na hooilina ia o ka ninau.

            1.  Owai ka inoa o ka anela o ka Papa 4 i makemake e lili iaia ke Ki o ka Luaahi o Ge@?  a ma ka Papa o na Hoku Ao, owai ka anela nana e pulumi nei ka Hoku Pereiade.  Ehia makahiki e pulumi ai?

            Aole ka ike i ka ninau, kiola oe i kou lole komo. a holo ulala i kanahele o Honokaia, i ka uku li-o o Mahiai, i na pali hulaana o Waipio.  Ua ike no makou he keiki oe iluna ke alo, he ai pu-a wale no ka mea hiki ia oe  a hiki mai na la ino, e paio ana na al@ o ka moana Pakitika.  Me ka mahalo.

NA KA AHAHUI ADIMEKE

            Waianae, Oahu. Mei 3, 1869.

 

Pale hou ana i ka hoopunipuni.

 

            Ua halawai-hou mai me makou na olelo hoopunipuni ma ka helu 12 o ka "Hae Makika," o ka malama o Aperila nei.  Ua like loa keia mau olelo oiaio ole me kela mea mua a makou i pale ai i ka hoopunipuni nui o ka poe piha o ka naau i na manao ino.  A ua makaukau makou e hoike aku imua o ka lehulehu i ka io ole a ka hana a ka aoao Pope e wahuhee nei.  Ua huli nui no makou me ke akahele i keia mau olelo i hoopuka hou ia ma keia mau olelo i hoopouka hou ia @ keia helu 12, me ka imi noiau ana i ka mea nana keia mau olelo oiaio ole e hoolaha nei, a ua maopopo ia makou ma ke ano o ka haku manao ana.  Na Rev. Auberete keia mau olelo ano kohu ole i ke Kahunapule o ke akua kiekie loa, nolaila, ke hoike mai nei ka hua a ko waha i ke ano o kou naau.  He elemakule wale hoi ka nanaina, he kamalii ka hoi ka hana.  A ke manaolana nei makou, o ko Auberete makua ke Kiabolo, no ka mea, he wahahee oia mai mua mai, a he makua ho hoi ia no ka wahahee.  Pela okoa no o Auberete mai luna a lalo, mai loko a waho, ke hoopuka nei a ke hoolaha nei oia i na olelo wahahee me ka hilahila ole oka naau.  A ke manaolana hou nei no hoi makou, he hakuepa wale no keia hana a ke Kahunapule e liki nei o ko lakou ka hoomana a ke Akua i kukulu ai.  Ea, e na makamaka hoolepope mai Hawaii a Niihau, ua makemake anei ke Akua i ko Auberete hoopunipuni ana i na he khaunapule oia no ka ekalesia a ke Akua i kukulu ai ?  aole, aole loa no, aole e ikeia ia mea iloko o na Kahunapule o ka hoomana oiaio a ke Akua i kukulu ai, ia auberete ma wale no.  Eia ua mau olelo hoopunipuni hou nei i hoopukaia ma ua helu 12 nei.  "Ma ka luakini ma Kahana i Kaanapali nei, ua hoopaapaaia he mau kumu paio, wahi a kona lohe i kekahi hoahanau hooloepope i makemake e kapiliia na maka i ke @epau e Auberete.  Eia uamau kumu paio nei.

            1.  Ua opiopio paha o Iehova, ua elemakule paha ?

            2.  Ke ola nei paha o Iehova, ua make paha ?"

            I ko makou ike ana i keia mau kumu paio a Auberete i  haku ai mamuli o kona manao inoino, ua hu ae ka akaaka o na kamalii hoolepope o Kaanapali nei, e i ana, kohu aha mai nei la hoi ua aoao Katolika nei; o i hele mai nei i ka pono a ke wahahee mai nei.  Nolaila, ke oaka ae nei ko makou mau waha, me ka hooiaio aku imua o ka lehulehu yholookoa i makemake oie i keia mea he hakuepa.  aole a makou mau kumu apaio i like me ka auberete e kalekale nei imua o na hoananau o ka Ekalesia a Satana i kukulu ai, a i paio ai hoi makou ma ka luakini ma Kahana.  aole ko makou he hoole oiaio ole, he hoole oiaio loa, o i mai auanei o auberete, he hilahila ka mea i hoole ai, nole o makou hana pela, aole no hoi pela ka paipai ana mai o ka lunaikehala iloko o makou.  Ina e kanalua ana o auberete-wahanee no ka oioio o ka makou hoole ana, e hele mai e huli maloko o ka makou puke moolelo o ka ahahui paio, i ike na maka, pau ka hoopunipuni ana, oia ko makou pale aku no keia hoopunipuni alua ana o auberete.  A ua mahui ik@ makou no kekahi moolelo o ua auberete nei.  "Ina lohe wale no oia i kekahi me me ka maopopo ole, o ka wikiwiki iho la no ia e hoolaha."  A he oiaio keia, no ia mea, ua lohe wale no ia i keia mea, o ka hoi no ia hoolaha aku, me he kamalii la ke ano, am he la, o kekahi hana nui no ia a auberete e kaauni nei ia Maui i loaa hou ua whai kauna mea hou e hoopunipuni hou ai, e aho nae ia piha opala kahi "Hae Makikia" a oukou.  Like loa o Auberete me ka ilio nali iwi, e lawe ana i o a ianei, nolaila, ke ao aku nei makou ia oe e ke kahunapule hana kamalii, mai h oopuka hou oe i na olelo oiaio ole, o alakai auanei oe i ka lehulehu o kou aoao i ka lua meki o ka naaupo.

NA NA HOOLEPOPE.

            Kaanapali, Aperila 23, 1869.

 

He mau hana pono ole a na hoahanau

Katolika ma Kahuakuloa a me

Honokohau.

 

            Ma ke Sabati, Aperila 11, ma Honokohau, ua kue na hoahanau Katolika malaila i ke kanawai o ke Sabati, oia hoi, ua hui mai na hoahanau o Kahakuloa ma Honokohau, a ua kalua puaa lakou i ua la Sabati hoano nei o ka Haku.  Ua ike pono ia e kekahi poe hoahanau hoolepope, i ka puka ana ae o ka la o ua la eehianei, nana lakou e kalua ana ua imu puaa nei.  Kauoha kokeia ka makai e kii e hopu, aole i kii ka makai e hopu, he makau peha, heaha la.  a pela no ma Kahakuloa, ua hui aku ko Honokohau mau hoahanau malaila, a ua kalua no i ka puaa i ka la Sabati, a ua hele aku ka makai e ao, a ua pau paha ke kalua puaa ana malaila.  A m@ ke Sabati, aperila 18, ua hana hou no lakou i keia hana kue i ka maluhia Sabati, ua kalua hou no i ka puaa.  Poe hoahanau hookano maoli no keia i ka l a Sabati.  Malie nae pa@ ua ao no o auberete ia lakou e hana pela, e kalua puaa no e inu awa no i ka la Sabati, a pela aku.  E hele ae oe e auberete e ao i ko mau haumana, o @ auanei i nauokaoka na ke kanawai o ka @.  Kiekie a haake ka manao o keia mau haumana o ka aoao Katolika, na ke Adua e kau mai i ka laau @ maluna o @ no ka poe malama o@ i ka la Sabati.

A@ NA MAKUA POPE I NA KEIKI A LAKOU

AOLE E HELE MAI I KE KULA.

            Ma ka apana o Kahakuloa ua laweia ae ka oihana kumukula mai ke kumu pope ae, no kona ao ole in keiki.  A ua hoonohoia i kumuhoolepope malaila ; i keia kumu i hele ai malaila, a lawelawe i kana hana o ke ao i na kamalii, he uuku loa na keiki i hele mai.  o ka nui o na keiki ua ana ia e na makua pope.  Naaupo maoli keia poe makua ; He makemake no paha na makua e ao ia na keiki i ka pule ia Maria, e eku ai na kuli ilalo, me he ihu la no ka puaa.  Nolaila, ke paipaiia aku nei na makua hoolepope a pau, e malama i na keiki a oukou, mai haawi i ke kumu pope, a e imi ikaika oukou i kumu kupono nana e hanai i ka ike a me ka naauao, i loaa ka pono o na keiki mahope aku.  O ke kumu nui mae o keia mau hana pono ole a ua poe hoahanau pope nei, oia ke kalua ana i na puaa i ka la Sabati, i mea e huli mai ai na kanaka i ko lakou aoao.  Nani wale ka hooikaika kanaka ana o keia poe e hoohuli mai i kanaka me ka puaa, a me ka awa, e kakale ai ka puu o ka poe hoahanau hookano, hehi-ku i ka la Sabati.  Maanei wale iho nei no na hana i ikeia ai keia hana o ke kalua puaa o na hoahanau o ka aoao hookano, a malia paha pela no no hoahanau Katolika a pau e noho mai nei.  a perla hoi a a@a nei i na keiki a lakou aole e hoou@a mai i ke kula ke lilo ae i kumukula hoolepope, o komo ka i Lahainaluna, lilo ke keiki i Loio, Lunakanawai, Luna Helu, Kahunapule, a pela aku.  E aho ko Maikonisia poe makua i keia poe makua naaupo loa, puni wale aku ao i ka apuhiia mai e Aubereter, he hoi aku ko auberete i roma i ka hui kanu pulupulu a lakou, puni wale aku no nei e puni ai.  Oia na mea hou i ikeia iwaena o na hoahanau o keia mau awawa.

KAUALILILEHUA.

            Kaunahua, aperila 23, 1869

 

Omoa, Tatuiva, Aperila 9, 1869.

REV. L. H. KULIKA ; Aloha oe.

            Kuu makamaka aloha ; - Maikai oloa ka Rev. J. F. Pegue hooponopono malie ana iwaena o ka makou ahaolelo.  He akamai, he olulu, henaauao, e he haahaa loa, me ke aloha i ka Papa Hawaii a me makou.  Akahi wale no au a ike i ke kumu makua haahaa maoli, ua piha loa oia i ke aloha.  Ua hooholo ko makou ahaolelo e hoi au i Hawaii i keia makahiki ae, 1870.  Ua hoole aku au i ko lakou manao, aole au e hoi aku i Hawaii.  Aole i paipai mai ko'u lunaikehala i keia manao.

            Aole i lana ko'u manao no ka hoi i ka aina.  Eia ka'u hana ma keia Pao Aina, aole i Hawaii, nolaila, e hoho no au i Uapou.

            Ua holoke kula kaikamaine ma Uapou, aka, he pilikia nae i ka paa ole o ka hale no ke kula, eia no ke hoomanawanui nei ma ko'u wahi hale.  Ke mau nei no ka hana a ke Akua ma Uapou nei ; aole i nele loa.

            Ke paipai nei au i ka mahina hou ma ko'u kihapai, ma ka niu me ke dala, a pela no hoi ke Kula Sagbati o na kaikamahine ma Hakanahi.

            Aole paha e hoi aku ka'u keiki o Samuela i keia wa, e kali paha a hiki i ka makahiki 1870.  E lohe paha oe i na mea a pau o keia Pae Aina ma ka waho o ka Elele a ka Papa Hawaii i hoouna mai ai a oia ko makou palapala ola nana e hae aku ia oukou.

S. KAUWEALOHA.

NA BUKE

I HOOLAHAIA E KA PAPA HAWAII.

 

Baibala Hemolele Nui ili gula nani me

na kuhikuhi ma na aoao                                  $12 00

"  "  Nui ili eleele kaekae wai gula                   7 00

"  "  uuku iki iho, "   "    "    "  "     8 00

"  "  Pananaiki iho ili eleele,    "  "                5 00

Kauoha Hou ili gula nani me na kuhikuhi         3 00

"       "   "  eleele kaekae wai gula, "             1 50

"           "   "     "   " --        - - - - -                 1 00

Kauoha Hou Hapa Haole, - - - - -                       75

Baibala Ohana nui me na kii moohana,

  "  "    ili eleele, M. @.  1843 - - -         5 00

  "  "    ili kao M. @. 1843 - - - -            2 50

Li@a Hawaii 1848 me ke kanaw@i, - -             25

  "    "    " 1855, - - - - - - -                               25

Kumu Leo Mele ili manoanoa meke kenawai    25

   "   "    "  "  "  lahilahi, - - - -              12

Moolelo Ekalesia, - - - - - - - -                              50

Haiao, - - - - - - - - - -                                           25

Hele Malihini ana, - - - - - - -                               25

No ko ke Akua ano, - - - - - - -                            25

Lira Kamalii, - - - - - - - - -                                  25

Hoike Akua - - - - - - - - -                                    25

Wehewehehala, - - - - - - - -                                25

Ninau Hoike ili manoanoa, - - - -                        25

   "     "   "  lahilahi, - - - - -                            12 ½

Ui Kamalii Kula Sabati, - - - - -                          12 ½

Kumumoa Kula Sabati, - - - - -                           12 ½

Haawina Kamalii Buke 2 - - - - -                         12 ½

Buke Lawe Lima, - - - - - - -                                12 ½

He Buke no ka Pope, - - - - - -                             25

Ui Kula Sabati Helu 3, - - - - -                            10

Buke Euanelio a Ioane, - - - - -                            15

 

Eia na buke haawi wale

 

Palapala Liilii –

            Helu  4 – Makemake anei oe i ke ola ?

            Helu  6 – E hele i o Kristo la.

            Helu  7 – Ka hoi ana mai o ke Keiki Uhauha.

            Helu 11 – No ka hoohiki wahahee i ke Akua.

            Helu 16 – Ka Eehia ana o ka Ahaaina a ka Haku a me ka Papekiko ana.

            Helu 17 – Mai hana ino i na Holoholona.

            Helu 18 – No ka mahi ana, kuai ana, a me ka inu ane i ka Awa.

Ka Davida Malo Kumumanao.

Ka Moolelo o Batimea Puaaiki.

L. H. KULIKA.

Kakauolelo o ka Papa Hooko o ka Ahahui Euanelio o ko Hawaii Pae Aina.