Ka Nupepa Kuokoa, Volume VIII, Number 14, 3 April 1869 — Page 2

Ka Nupepa Kuokoa

KE KILOHANA POOKELA NO KA LAHUI HAWAII.

 

English Column

 

Foreign News.

 

By the @ sixteen days from San F@ @ @ news from New York  @ March 13.

 

United States of America

 

            E. B. @has been qualified as Attorney General @ @ of New York, was  @ @ as Secretary of @ @  who was appointed @, Boutweil of Massachusetts was appointed Secretary of the Treasury @ @ was Chief of Grant ʻ s Staff, Secretary of War, Secretary of the Navy, @ E Baker Secretary of the Interior, J. D. Co@, Postmaster General, John A. J. Cresswell.

            @ @ to make no change in @ Berlin, Madrid and Florence @ by George Bancroft, John P. @ George P Marsh.  Changes are @ contemplated in the London.  St. @ Lisbon missions. The reported @ @ Governor Curtin of Penn-sylvania the Russian mission is denied.

            @tary appointments decidedly @ @ Hancock to Dakota @ the way @ politicians; restoring @ his @ command, bring-ing @ North making Emory commander @ Washington where he refused to be John @ @ and bringing back the faithful @ @ his banishment to the far West @ @ him command of the department of the South.  Canby, Villem and others are @ @ corresponding the their rank @ @. Grant still retains his @ @ Secretaries, but they  will soon @ @ Sherman ʻ s Staff, who is still sick.

            A @ @ step has been taken in con-@ Johnson ʻ s pardons to two men convicted @ @ the revenue laws. They will @ @ to suffer the penalty they have @.

The @ war is reported at an end and @ on his way East, having received @ notice of his promotion to the rank of Lieutenant General.

            The Kansas Legislature has ratified the Constitutional amendment passed by Conp@ T@ is the first ratification by any @.

 

Mexico and Cuba.

            It is reported that President Juarez, of @ has put a stop to military executions @ @ @ become frightfully frequent in the departments.

            Senator Sherman introduced a resolution on Saturday in favor of recognizing the independence of Cuba as soon as the revolution-ists shall have, in the opinion of the President of the United States, established a de@ Government.  The resolution went to the Committee on Foreign Relations.

            Is is sad the Spanish Government has @ enough troops in Cuba to hold its @ but not enough to make fresh @.  The Cubans trust that one of @ @ acts after his inauguration will @ @ @ their belligerent rights.

            @ of the House Committee on Foreign Relations think events no trans@ in Cuba and San Domingo will lead to the @ of those islands to the United Sates very early in Grant ʻ s Administration.

            The Cuban insurgents have sent Van Allen @ @ to represent their case to Con_@ and Grant.  The latter is said to have made some observations to Van Allen not @ to soothe the feeling of Spain.  @ strongly in favor of the recognitions of Cuban independence, and believes Spain was our enemy during the war, doing us @ @ in harboring and encouraging @ who preyed upon our commerce.

            The Spanish Government instructs Captain General Dulce to allow no more sum-mary executions of Cuban insurgents.  The insurgents gained 16 men and a supply of @ @ from Florida.

 

Europe.

            March 2d. Premier Gladstone introduced @ @ @ the House of Commons for the establishment of the Irish Church. and @ it ʻ s principles in an able speech,  which was @ replied to by Disraeli.

            @ house de Lamartine, the eminent French poet, author, statesman and politician, died of the @ @ at the age of 77 years.

            @ February 26th. The @ulion in the Ba@ of France has increased eleven milions.

            In the @ Legis@ to-day, Rouher, @ et State, acknowledged that the @ to defray the expenses of improvements of Paris had not been raised @ accord-ance with the las.  Satisfaction was generally expressed by the members with the avo@ and explanation of the Minister.

            @ Feb. 26th. The Sublime @ has issued a circular of thanks to @ @ Pewers for their attitude in the late @ @.

            @. February 26th. The Cobden @ gold medal is awarded to Dr. Joshua Leavitt of New York.

            The Marquis of Huntington is elected to Parliament for Rodney.

            The War Office has received official dis-patches from New Zealand announcing further successes over the rebels.  The troops c@d by assault a stronghold.  The natives made a desperate defense and lost two hundred killed and wounded.  The British loss was twenty two. 

            M@ February 26th.  The modification of the Spain Cabinet is likely to introduce a radical element. 

            BERLIN, February 26th.  The Prussian Diet proposes to grant two million of @orios to the municipality of Frankfort, to which the King will add a million from his private purse, in the hope that such action will draw the hearts of the inhabitants of that city closer to the monarchy.

            PARIS, February 27th.  In the Corps Legislatil, yesterday, Fouher introduced a bill authorizing direct loans for the improvement of Paris.

            GREECE has announced officially the establishment of peace with Turkey. 

            Paris, February 25th.  Raymond, temporary President of the Senate, died yesterday , aged sixty-two.

            MADRID, February 27th,  In the Cortes, yesterday, Serrano announced that the members of the Provisional Government would retain seat in the Cortes. The Government would follow the programmed established by the revolution, endeavoring to disarm the attacks of the Republicans by a reduction of expenditures and liberal policy generally.  The liberal reforms contemplated for Cuba have been retarded by the insurrection. 

            MADRID, February 28th.  The insurrection attempted at Barcelona last week was quickly suppressed.  Forty persons are implicated.  The city is tranquil.

 

Haiolelo a Peresidena Kalani.

 

            No ka maikai a me ka mahalo nui ia o ka haiolelo a Generala U. S. Kalani i ka la o kona poniia ana i poo no kela aupuni huiia, no ka mea, e okoa ae ana kana mau hana mai ka kona mua iho, oia o Peresidena Ioanekana i pau, a he kanaka hoi e hooko pono ana ina kanawai, nolaila, ua manao makou e oluolu ana no ko makou poe heluhelu i ka ike ana, a ua unuhi makou i kana haiolelo i ike ai kakou i ke ano o kona manao a me kana hooponopono aupuni ana ma hope aku.  Oia keia malalo iho.

 

E NA KANAKA O AMERIKA HUIPUIA.

 

            Ma ka oukou koho balota ana ua hapaiia au i ka oihana Peresidena o Amerika Huipuia; nolaila, e like me ke Kumukanawai o ko kakou aina, ua hoohikiia mai nei au ma a hoohiki o keia oihana.  Ua hoohiki oiaio wau, me ka hookoe ole i kekahi mea ma kuu noonoo malu ana, a me ka manao paa, e like me ka mea i hiki ia ʻ u, pela wau e hooko ai i na mea a pau i kauia mai maluna oʻu  e hana ma ua hoohiki la. Ke ike pono nei no au i ke ano koikoi o na hana o keia oihana, aka ke ae nei no au e lawelawe me ka pihoihoi ole o ka manao. 

 

            Ua ili mai keia oihana maluna o ' u me kuu imi ole aku, a ke hoomaka nei au i na hana me ka hoohihia ole ia me kekahi mea a me kekahi poe paha.  Ke hele mai nei au me ka makemake oiaio a me ka manao kupaa e hooko i na hana a pau e like me ka ikaika i haawiia mai, a e like me ka mea i makemakeia e ka lehulehu.  Ma na ninau ano nui a pau e pili ana i ke aupuni i noonooia, e hai ana no au i kuu manao i ka Ahaolelo ; a e koi ana no au e like me ka mea a ' u e ike ai he pono ; a ina he mea pono i kuu nana ' ku e hoole ana au i na kanawai a ʻ u i kue ai. e like me ka mana i haawiia mai ma ke Kumukanawai.  Aka nae, o na kanawai a pau i hooholo loa ia, e hookoia ana no ua mau kanwai la e a ʻ u, ina no e hoaponoia e a ʻ u, a ina no e hoapono ole ia ; e like pu ana no kuu hooko ana.  E waiho mau ana no au i kuu manao imua o oukou, aka o kuu hooko ana, e like ana no me ka makemake o ka lehulehu.  Ua pili na kanawai na mea a pau, i ka poe i kue i ua mau kanawai la, a i ka poe i makemake, - ua pili like no ia lakou a pau.  Ina he kanawai pono ole kekahi, hookahi no mea e hoopauia ai ua kanawai la, o ka hooko ikaika ana i ua kanawai nei i makemake ole ia.  

 

            Ke puka nei ka aina mailoko ae o ke kipi nui, a nolaila he nui wale ua ninau o na ano a pau imua o kakou, e hooponopono ai iloko o keia mau makahiki eha e hiki mai ana.  E pono ia kakou e hapia i keia mau ninau me ke kuee ole o ka nanao, me ka nana ole i ko kakou mokuaina ponoi wale no, me ka hoomanao mau o ka pono nui, oia no ka maluhia o ke kino kanaka, a me ka waiwai, a me ka lanakila o ka manao ana o kela mea keia mea ma na mea pili hoomana, a ma na mea pili aupuni. ma na wahi a pau o ka aina.  O na kanawai e hoomalu maoli ana i keia mau pono, oia kaʻu e kokua mau ai, i kookoia. 

           

            Ua ili mai ia kakou he aie aupuni kaumaha loa, ma ka kakou imi ana e hoomauia ke ola o ko kakou Aupuni Huipuia.  E pono ia kakou e nana pono i ka hookaa pau loa ana i kea aie, mai ke kumupaa a i ka uku hoopanee, a e hoi kakou i ka hookaa dala maoli ana, i mau ka inoa maikai a me ka hanohano o ke aupuni.  O kela a me keia dala me o ke aupuni e hookaaia no ma ke dala maoli (aole ma ke dala pepa) ke olelo ole ia ma kekahi ano e ae ma ka olelo aelike.  E ike na kanaka a pau, aole hookahi aeia e noho ma kekahi hapa keneta hookahi o ka aie aupuni.  Ina penei ka kakou hana, e mau ana no ka inoa maikai o ke aupuni, a malaila e hoemiia ai ka uku hoopanee a kakou e uku nei, a malaila e oi ai ko kakou inoa hookaa dala mamua o na aupuni e ae a pau o ka honua nei.  A eia kekahi, e ohi pono ia na dala hookupu a pau o ke aupuni, a e hai pono ia i ka oihana Waihona dala kela a me keia  dala, a e hoemiia na lilo a pau o ke aupuni. 

           

            Ina e nana kakou i ka waiwai o ka aina i keia manawa e hookaa ai i kona aie, - oiai he umi no mokuaina i paino mai nei i ke Kaua, -a e nana hoi i ka waiwai o ka makahiki iwakalua kumamalima mamua iho nei, a e nana hoi i ka waiwai ke hala na makahiki iwakalua kumumalima mai keia manawa aku, - e ike auanei kakou e oi loa ana paha ko kakou waiwai hookaa aie ia manawa, mamua o ko keia wa.  No ka mea, ma ka lokomaikai o ke Akua, ua ahu wale na metala waiwai ma na mauna, me he pahu waiho dala nui la, a ke hana nei kakou i ke ki o ua pahu la, e weheia ai, a e hoopauia ai na pilikia o kakou.  E pono paha i ke aupuni e kokua i kea wehe ana, ma keia hope aku nae, aole i keia manawa nei, oiai aole i like ke dala hookaa (dala pepa) o keia manawa, me ke dala aie (dala gula).  Aia a like, alaila e hapai ke aupuni i na hana hou o keai ano no ka hookaa ana i ke dala.  Oiai e waiho ana keia ninau nui imua o kakou .  e makaala ana paha ka poe naauao, aole e aie wale ana no ka manawa loihi.  E pono i ke aupuni e hoohalike me ia.  E pono i ke aupuni e hoohalike me ia.  Ua poino ko kakou oihana kalepa, e pono e kukulu hou. a pela me na lawelawe hana e ae.  O ko kakou poe kanaka opiopio, maluna o lakou ke aupuni ke hala na makahiki iwakaluakumamalina mai keia manawa aku, e pono ia lakou e malama loa i ka inoa maikai o ke aupuni.  E noonoo lakou, heaha ko kakou kulana kiekie iwaena o na lahui o ka honua nei, ke hiki mai ia manawa, a e lilo keia noonoo ana i kumu makee lahui ho lakou.  oiai aia i ka lakou hana pololei - ka mau o ua kulana kiekie nei.  Ua hiki no i na mahele aina a pau o kakou, i na ano manao aupuni a pau. i na hoomana a pau ke hui ma keia makee lahui ana. 

 

            Aole o ka mea ka ninau ana no ke ano o ka hookaa ana ; a e ae like ia ka hookaa ana.  E hui like kakou ma ia mea, aole e hoopaapaa nui no ke ano o ka hookaa ana.  Malia aole i hiki mai ka manawa e kau kanawai ai no keia mea, aka e hiki mai ana no, ke hoi ka mana o ke Kanawai Kivila ma na wahi a pau o ka aina, a ke hoomaka hou ia na lawelawe kalepa ana.

 

            O ko'u imi mau, e hooko i na kanawai a pau ma ka oiaio, e ohi i na dala a pau i auhauia, a e hoike pono i na dala a pau i loaa, a e malama pono i ka hoolilo ana a me ka haawi ana.  A e like me ka mea e hiki ia'u e hookomo ana wau ma na oihana aupuni ka poe wale no i like pela ka manao. 

 

            Ma na mea pili i na aina e.  e like me na mea kaulike iwaena o na kanaka pakahi, pela no na mea kaulike iwaena o na aupuni.  O na kanaka kupa o ka aina nei, ina no onei ka hanau ana, a ina no na aina e mai, e malamaia ana no lakou ma na wahi a pau o ka honua e loaa ai kekahi pilikia ia lakou a ma na wahi a pau e welo ana ka hae o keia aina, ke malama nae lakou i na kanawai.  E nana ana no wau i na pono like o na aupuni e, a e koi ana e nana like ia ko kakou pono e lakou.  Ina nae e haalele lakou i keia rula ma ka lakou hana mai, e haalele like auanei kakou i ko lakou pono.  He ninau ano nui heaha ka hana kupono me ka poe kahiko o ka aina nei, oia o na Ilikini, a e pono e noonoo a e malama loa i keia mea.  Ke kokua nei au i ka hana me lakou e lilo ai lakou i poe naauao. i poe Keritiano, a i poe kupa maoli no ke aupuni.

 

            O ka ninau no ka mana koho balota, he ninau ia e kamailio nui ia ana a e hoopaapaa ia no, ke koe kekahi poe o na kupa o ka lahui, me ka loaa ole o keia pomaikai ma kekahi mokuaina.  E pono, ma kuu nana ana e hooponopono koke ia keia ninau. 

 

            Ke lana nei kuu manao e hooponoponoia no ma ka hoaponoia ana o ka Hoololi 15 o ke Kumukanawai.

 

            Eia kuu noi hope loa, e oluolu a e akahi kekahi me kekahi, e hoomanawanui like kakou ma na wahi a pau o ka aina, a e hui mai kela mea keia mea e hapai i kona hapa o ka hana e hoohui paa loa ia ai ka aina holookoa.  A ke koi aku nei au i ka lahui holookoa e pule aku i ka Akua Mana Loa, e hooko loa ia keia pomaikai. 

 

Ka Nupepa Kuokoa.

Honolulu, Apelila 3 1869

 

Na Papa Helu no ka Ahahui Euanelio

NUI O IUNE 1869.

–––––––––––

 

            I KULIKE ai me ka olelo i hooholoia e ka Ahahui Euanelio Nui o ka Makahiki i hala ma ke kulanakauhale o Honolulu, e olelo ana ia olelo hooholo penei : "E helu na Kahu Ekalesia a pau, i na kanaka a pau ma ko lakou mau kihapai iho. a e hoolaha ka Papa Hawaii i mau Papa Helu i pai hakahakaia no keia hana. a e hookomoia ua Papa Helu la ma ka Hoike Kihapai ma keia hope aku,: nolaila. ua hooko ka Papa Hawaii ia kauoha, a ke hoouna aku nei makou i kela a me keia Kahu Ekalesia a me na Haiolelo e malama ana i ko lakou mau kihapai iho, i na Papa Helu elua.

           

            O ka mua ; he Papa Hoike Helu, oia ka Papa Helu Ekalesia i maa mau ia oukou, a ke kauohaia aku nei oukou, e hoopiha i na wahi hakahaka i koe i hookaawaleia.

 

            O ka lua ; oia ka papa Helu Kanaka, i kauohaia ma kela Olelo Hooholo o ka M. H. 1868.  He Papa Helu hou keia, akahi no a hoomakaia e hana.  Maloko o keia Papa Helu, ua kauohaia kela a me keia Kahu Ekalesia a Haiolelo paha e noho malama Ekalesia ana, e helu i ka nui o na kane, na wahine, keikikane a kaikamahine hoi e noho ana maloko o kona hihapai iho, me ka helu pau loa ana i na kanaka a pau, ina he haole, pake pukiki a me na waihooluu kanaka e ae, me ke koe ole o kekahi.  Ua kauoha pu ia no hoi oukou e helu i ka nui o kae i mareia, ka poe noho mare ole ia, ka poe manuahi e noho nei ; ka nui o na keiki a ka poe i mareia, ka nui o na keiki poo ole, ua keiki Kula La Hoole Pope, na keiki Kula La Pope, ka nui o na Hoole Pope a me ka nui o na kanaka ma na Hoomana e ae, a e hoopihaia na wahi i hookauwaleia, e like me ke kuhikuhi ana a na huaolelo. 

 

            Ke koi ikaika ia aku nei oukou a pau loa e na Kahu, e hooikaika e hoopina pono i keia mau wahi i hoohakahakaia ma na Papa Helu elua me ka maiau a akahele kupono i hiki ai ke hoopokoleia ka hana i ka wa pokole. 

 

            I ka hoopau ana, ma e hiki ole ana kekahi o oukou i ka holo mai i ka Halawai Makahiki ma Honolulu nei i i keia makahiki @, ke kauohaia nei oia a o lakou paha, e hoouna mai i ka lakou mau Papa Helu elua, i hoopiha ponoia e ke Kakauolelo o ka Papa Hawaii ma Honolulu, mamua ae o ka halawa ana o ka Ahahui.

 

–––––––––––

Hoike Kula Sabati Hapaha Makahiki

o Kawaiahao.

–––––––––––

            AOHE a makou mea nani a mahalo e ae e hoike aku a imua o ko makou poe heluhelu, mawaena o ko makou mau mea i ike ai i ka hebedoma i hala a me keia e hele nei. o ka hoike hapaha wale no o ke Kula Sabati o Kawaiahao a me na apana liilii e ae e pili mai ana ma ia Ekalesia maloko o ka luakini o Kawaiahao ma ke kakahiaka Sabati aku nei i hala.  

 

            Mamua ae o ka hora umi kakahiaka, ua hoakoakoaia mai na haumana Kula Sabati o Palolo, Kamoiliili, Waikiki kai, Manoa, Makiki, Pauoa a me Kawaiahao iho ma ke keena pule anaina, mai na makua a na kamalii, e hoopiha ana ai lalo o ka luakini i na haumana Kula Sabati wale no ; a o na aoao o luna, no ke anaina hele pule mai.

 

            He nu hou keia ma Kawaiahao, ka hoolilo ana i ka manawa haiolelo i wa no na keiki Kula Sabati, e ninaninauia ai e na kahu, kula Sabati iho o lakou, e hoolohe ai hoi ka hoolea ana aku o ke anaina holookoa mai kamalii a na luaui i ka mea nona ke Sabati, a he mea hoi e hoolanaia ai na manao, ka ike ana aku i na kamalii liilii a me na makua, ua paanaau kekahi mau mea o ka Baibala, na wa a me na manawa i hookaawaleia.

 

            He mea hauoli hoi no na manao ka ike ana aku i kela a me keia Kula Sabati, e hookelakela ana ia lakou pakahi iho, me na himeni hoonani, na pauku paanaau o ka Baibala a me kela a me keia mea i ulu ae iloko o ko lakou noonoo, mai loko mai o ka heluhelu mau ana i ka Baibala.

 

            Ua nani na hana, a ua hele me ka maluhia a pau wale no iloko o na hora okoa elua. me ka makaala wale no, aole maluhiluhi iho, aka, he ake nui ko ke anaina i na mea apau e hoikeia ana. 

 

            Maiwaena ae o ka makou mau mea i wae ai, ua hiki ia makou ke mahalo aku i ke Kula Sabati holookoa o Kawaiahao ma na himeni a ma na mea a lakou i ao ia ai mai loko ae o ka Baibala a ma na buke pili hoomana e ae i wae kuponoia.  Mahalo no hoi ia Makiki a me Waikiki kai no ko lakou hele mai me ka maluhia.  No ka ua, ua hiki ole i ka awawa uliuli o Manoa ke hoouna pau mai i kona mau kamalii. 

 

            Aole makou i anoi ua Kula Sabati o Kamoiliili i ko lakou hele huakai ana mai iloko o na mile ekolu, me na hae elua e pulelo ana ma ka huakai, me ka leo mele ma ka waha e uwaka ana, aka, o ke ano mau no paha ia o kela wahi apana o ka hookelakela.  Ke ao aku nei makou iaia, aole like pu ka Hoike Kula Sabati me ka hoike hele huakai o ke Kula Sabati. 

 

            O keia Hoike Kula Sabati, aole no ia i like me na Hoike Kula Sabati o na la noa, e kai huakai ana ma na alanui me na hae e kuwelu ana i ka makani.  He okoa loa keia.  O ke ano maoli o keia, o ka hoakoakoa i na haumana Kula Sabati ma kahi hookahi, a ninaninau aku ia lakou no na mea i aoia ia lakou mai loko ae o ka Baibala a me na buke ano hoomana iloko o na Sabati o na malama ekolu i kaa hope aku. 

 

            O ka hoike huakai hele Kula Sabati, oia no ka helehuakai ana ma ke alanui, i kupono iloko o na la noa e ae, me ka hoike pu ia nae o na mea i aoia ia lakou ma na Sabati hala he hookahi wale no o keia ano hoike ma Honolulu nei, oia ka hoike makahiki o Iune. 

 

            Mahope o ka pau ana o na ninau a ma na himeni hoolea, a pau pu hoi ko lakou wa i hookaawaleia ai, ua hoolohe ke anaina Kula Sabati i na hailolelo mai a E. Kupele, Rev. H. Binamu opio, S. N. Emekona a me W. L. Moehonua mai.

 

            Ua hanaia no keia Hoike Kula Sabati ma kekahi mau Ekalesia o Amerika Huipuia, a me he mea la o ka hiki mua keia ma Hawaii nei.  Aole o keia hana ana, he mea ia e kue ai i ka malu Sabati a me kona hemolele. 

 

–––––––––––

Ka Pope a me kona Hoohokaia

 

–––––––––––

 

            Ua ike makou maloko o na pupepa o na aina e mai, a ua haiia aku i ko makou poe heluhelu ka lohe, ua hoopuka ae ka Pope o Roma, he olelo kuahaua, e kahea ana i na ekalesia a pau o ke ao nei, e hoouna aku i ko lakou mau Kahunapule i ka halawai nui ana i manao ai e kukulu ma ke kulanakauhale o Roma iloko o ka makahiki e hiki mai ana. 

 

            Aka i mea e maopopo ai, a e akaka lea ai kona hookiekie wale maluna o na ekaleia a pau, a me kona hoohokaia mai e kekahi ekalesia, nolaila he pono ia makou e hoike aku.

 

            I ka makahiki i kua hope aku la, ua kakau iho ka Pope he palapala, e kono aku ana i ke Poo o ka elalesia Helene, a hoouna pu aku la i mau Elele nana e lawe pu aku i keia palapala kono.  I ka hele ana o ua mau Elele la a hiki imua o ke Poo o ka ekalesia Helene, haawi aku la i ua palapala nei, me ka manao e lalau ia mai ana, aka aole nae i lalau ia mai.  Kuhikuhi mai ua Poo la o ka ekalesia Helene, e waiho aku i ka palapala maluna o kahi papa, a malaila laua i waiho aku ai.  Mahope o ko laua waiho ana aku, ua kamailio aku laua imua ona me ke kono pu aku iaia e hele mai i ka halawai nui a ka Pope i hoolaha ae ai.  Hoole mai la ke Poo o ka ekaleia Helene me ka olelo ikaika mai, ua mahaoi wale kela hooolaha ana a ka Pope a me kona kono wale ana aku i na ekalesia e ae e komo mai e noho pu iloko o kana anaina.  Hoole lea mai kela, aole o ka ekalesia Pope, ka ekalasia kahiko loa, aka he mau ekalesia e ae no kekahi i kupaa mai kinohi mai. 

 

            He ekalesia hookiekie a auwana wale ka Pope mai ka ekalesia kahiko aku, a ke hele wale nei mawaho ae o ka oiaio maoli, a ua hookomo wale mai i na mea kupono ole iloko o ka ekalesia, e hapai wale ana, a mililani nui wale aku ia Maria a me na haipule e ae, e papa ana i ka mare wahine ana o na Kahunapule.

 

            O ko ka Pope kahea ana i na ekalesia e ae, e komo mai i kana halawai, he kuhihewa nui ia nona, me kona mauao paha, he mea nui oia maluna o ke ao nei, a e hoolohe wale ana kekahi mau ekalesia e ae, i kana kahea.  Aole! Ua lalau loa ka Pope, a me kona kuhihewa, hookano, hookiekie a mahaoi wale auanei oia e hana ai. 

           

            Owai la auanei na ekalesia e hoolohe aku ana i ke kahea a ka Pope i kapa iaia iho ma ka inoa Kiekie he Panihakahaka no ka Haku ma keia honua!  Na ka manawa a me ke au e ike i ke ano o kana mau hana. 

 

–––––––––––

 

NU HOU KULOKO.

Oahu.

 

–––––––––––

 

            Ma ka Poaono aku nei i hala, ua kuai kudala aku e Mr. Waila ia "Luka" kona holoholo pili aina o kakou no na dala uuku hookahi tausani a me kanalima.

 

–––––––––––

 

            Ma ke ahiahi Poakolu iho nei, haule iho la kekahi keiki hapa haole mai luna iho o ka lio maloko o ka pa o ka Halekuai Pipi Waimanalo, a ua hai kona a-u.

 

–––––––––––

           

            I nehinei ho la Puali Inuwai ia malalo o ka lepo ula o Ewa, aka no ko makou hiki ole aku alaila, nolaila, na kekahi no paha o ia anaina e hoike mai i na hana o ia la eehia ma ke kuaaina.

 

–––––––––––

 

            I keia la, e holo aku ana ke kialua "Kamehameha V." i na mokupuni hana lepo manu o Puakailima ma, e lawe ana i na ai a me na lako e ae no na paahana e noho hana ana maluna o ia mau moku.

 

–––––––––––

 

            I keia Poakahi aku e hiki mai ana, Aperila 5, e haalele ana ka mokuahi "Idaho" ia Kapalakiko, a e holo mai ana i Honolulu nei, a ku maanei i ka Poano la 17 o Aperila.

–––––––––––

 

            HALAWAI KAHUNAPULE. - Ma ka Poalua e hiki mai ana, Aperila 6, e halawai ana na Kahunapule o ka mokupuni o Oahu nei ma Kawaiahao, ma ka hora umi kakahiaka.  Mai poina mai oukou e na kahunapule ia halawai. 

 

–––––––––––

 

            NA PAHU DALA HAO. - Ua ike iho makou ma ka Halekuai o Mr. E. O. Holo. i kekahi mau pahu hao malama dala e waiho ana.  He mau pahu nui a liilii lakou, kupono no ka poe hoomakaulii dala o kakou e hono mai nei.

 

–––––––––––

 

            HOI MAI KA MOI. -- Ma kekahi la o kela pule aku nei, ua hoi mai ka Moi i ke kulanakauhale alii nei, a ua noho aku no kona mau kanaka hana paakai ma Moanalua.  E oluolu pono ana ke ola o ka Moi i ka makou wa i wehe papale aku ai iaia.

 

–––––––––––

 

            MAU PAHU TA. - Mahope iho o ka hora 7 o ka po Poakahi iho nei, ua hoaia ae kekahi mau pahu ta maluna o kahi puu uuku ma ke komohana o Puowina.  Ua lohe mai makou, he mea hoomanao ana na ka poe olelo e, e noho nei ma ko kakou kulanakauhale. 

 

–––––––––––

 

            I keia la, ma Honolulu nei, e kuai kudalaia ana ka aina nui o Wailua ma Kauai imua o ke akea, no ka pomaikai o na mea nona ka aina.  He aina maikai keia, a kupono hoi no ka hanai holoholona kekahi hapa.

 

–––––––––––

 

            HUI HOU NO LA. -- Maloko o ka Olelo Hoolaha a Lui kamana a me Dicksona, ua ike iho makou, ma ka la akahi iho nei o keia malama, ua hui hou ae laua a elua, a e lawe hou ana laua i ka Pa Kuai Papa, malalo o ko laua mau inoa, Lui a me Dickson.

 

–––––––––––

 

            Aole no i hoopau mai ka hoohelelei ana o na paka ua o ka hooilo, maluna o ko kakou mau awawa uliul., oia hoi o Manoa, Palolo, Pauoa a me Kalihi. Aia i ka poeleele loa ana iho e hiki loa mai ai i ke kulanakauhale nei. 

 

–––––––––––

 

             U. S. S. OSSIPEE. - Ma ke awakea Poaha iho nei, ua hoi aku keia mokuahi kaua i ke awa a Kapalakiko, a e paniia mai ana kona kulana ma Honolulu nei e ka mokuahi o ka Adimaraia Craven, oia o "Pensacola" no kekahi manawa pokole. 

 

–––––––––––

 

            Ua komo mai no na wahi moku okohola, aka aole nae i emo ke ku ana iho maloko nei o ke awa, a holo koke aku no ma ke kahua o ka lakou hana mau he imi aila.  O ka lehulehu paha o lakou no ka holo loa wale no i ke kai anu o Arita. 

 

–––––––––––

 

            I keia mau la aku nei o keia pule, ua nanaia a ua ikeia kekahi hemahema o ke kuna ʻMere" e holoholo nei i Kauai, a nolaila, ua eleu ae na ona nona ia waiwai, e hoopaa hou i kahi i ikeia, e poino mai ana mahope,  I keia la, e holo hou ai oia i Anahola, Kauai.

 

–––––––––––

 

            MAKE HIKIWAWE. - Ma Honolulu nei, ma ka po Poalua iho nei, make hikiwawe loa iho la o J. P. Hughes o keia kulanakauhale.  Oia no hoi ka mea nona ka hale humuhumu noho lio ma ke kihi komohana o na huina alanui Hotele a me Papu.

 

–––––––––––

 

            I keia Poakahi ae, e noho ana ka Aha Kiure o ka apana hookolokolo o Oahu nei maloko o ka Hale Hookolokolo ma Honolulu, a i mua o ia Aha, he mau wahi hihia moku paha, a i ole he nele loa iho no paha. 

 

–––––––––––

 

            Ma ka nupepa aupuni o keia pule nei, ua ike iho makou, ua hoololi ae ka Papa Hoonaauao i ke ano io maoli o ke kanawai o na keiki hele kula, ke loaa ole na palapala hookuu mai ke kumu mua mai,  E ae mai ana hoi i ka ka lehulehu koi.  A keia pule ae, e kamailio hou makou no keia mea.

–––––––––––

 

            HALIIIALI'A MAI. - Ua ike iho makou ma ka Poakahi iho nei i ka halihalua ana mai e na kaa o ka Moi i Honolulu nei, o na Paakai mua o kana hoahu ana ma kona loko paakai ma Alia paakai i Moanalua.  He oiaio, ua hee no kekahi paakai i ka ua ana iho nei, a o kekahi, ke keokeo pu la no me ka maikai.

 

–––––––––––

             I ka wa iho nei i haule mai ai na paka ua o ka lani ma Honolulu nei, aohe no i hoopoinoia na ahua paakai a ka Moi i hoahu ai ma kai ae nei o Kakaako,  I ka malie ana ae nei, ua wikiwikiia e hoihoi koke mai i ka Hale Hoahu Paakai ma Papakanene

 

–––––––––––

 

            HON. W. P. KAMAKAU MA EWA. - Ma ka Poakolu iho nei, ua holo aku kela Mea Hanohano maluna ae ma kana huakai mua loa ma kona ano Peresidena no ka Papa Hoonaauao, e makaikai i ka hoike ana a na kula o ka Apana o Ewa.  E hele loa aku ana paha ia e makaikai i na hoike a ka apana welawela o Waianae. 

 

–––––––––––

 

            NA BUKE KUDALA - Ma ka la Poaono aku nei i hala, ua makaala mai ke anaina puni kudala o Honolulu nei, i ke kuai kudalaia ana o na buke maloko o ka Halea Kudala o Adamu me Wailea. Ua lehulehu loa na buke i kuaiia aku me ka make pono.  Ua eiwa haneri paha a oi ae na dala a loohia mailoko mai o na dala o ia mau buke. 

 

–––––––––––

 

            I ke kakahiaka Poalua iho nei, ma luna mai o ke kuna "Moi Keiki." i hoihoina mai ai ke kino kupapae o kekahi wahi kaikamahine uuku a Kauka Poka.  Ma Makawao kona wahi i hele ai i ke kula, a ma ka la 28 o kela malama iho nei, kona hahai ana aku la ma ka meheu o kona makuakane, ma kela aoao o ka muilwai o ka make, mai keia ola ana aku.  Aloha ino ia. 

 

–––––––––––

 

            Aohe makou i ike i ko "Ke Au Okoa" mihi ana no kana haukae i ka moku kuna " Mary Ellen" no kona hoi okoa ana mai i kekahi pule i hala, a i hoohoaia e kekahi nupepa o  kakou o ka pule i hala.  Ua mihi mai ka nupepa haole o ke aupuni no ia hunahuna hookahi, aka, ua hooolea nae keia nupepa i kona ai, a he hoololohe paha ke i ka auwai.  Pela ka ikena aku.

 

–––––––––––

            I keia la, ua wehe ae o Davida Kealohapauole i ka Hale Pena mua iho nei o S. P. Nohea ma alanui Kaahumanu, a e lawelawe ana oia i ka oihana pena me ka noeau a me ka maemae e like me ka akamai i loaa iaia, a i ike mau ia e ka poe a pau ana i noho hana aku ai.  Nolaila, o ka poe mua i launa iaia, ke kono ia nei ko lakou lokomaikai e kipa mai, a e ike ia kakou hookanaka.

 

–––––––––––

 

            AHIONA PAKE NO KAUAI. - Ua hai mai o S. P. Ahiona ia makou, elua pule mahope iho o keia Sabati ae, e haalele ana oia ia Honolulu nei, a e holo aku ana i ka mokupuni o Kauai, mamuli o kana hana misionari kuloko mawaena o na pake.  Nolaila, aole no paha ka mokupuni o lalo, e hoohemahema mai ana i ka malihini o ka lahui paakiki i huli ma ka pono Karistiano mawaena o na kaiaulu o Hawaii nei.

–––––––––––

 

            NETI MELA. - I ka la 10 o Apr., i like ai me ka olelo hoolaha a ka Luna Kudala, nolaila, e kuai kudala ia aku ana imua o ke akea ka umikumumulima hapa umikumumuono o ke kuna "Neti Mela," oia no ka waiwai o F. Mokina i make aku nei.  O kekahi keia o ko kakou mau kuna holo loa e holoholo pinepine nei ma ko kakou mau kapakai, a he mea minamina no ko kakou nei poe holoholo mau nona i ike i ka holo, ka lohe ana ae paha e lilo aku ana i na kai e. 

 

–––––––––––

 

            Mai ka hoopau ia ana mai o ka holo ana a ke "Kilauea" i na kai o Hawaii nei, ua hoomaka mai ke kuna "Marilda," i ka lawe mau ana mai i na bipi o ka aina mauna o Hawaii, i kupalu mau ia i na mauu uliuli maikai o ua mau aina kula la.  Ina paha e nele loa ana i na moku nana e lawe mai i keia ia ai nui ia, alaila, kii iho paha kakou i na wahi ouou bipi hou o onei, akahi ae nei a hoopulapula, aole hoi o na mea i oo, ke pepehi mau ia nei no ia. 

 

–––––––––––

 

            PAPAU KE KAI. - Ma ka nupepa a Wini o ka Poaono i naue aku, ua ike iho makou, ma ka holo ana aku nei a kekahi kapena moku ma na kapakai o Kaleponia lalo, ua ike iho ia, ua ane papau ke kai, no ka mea, o kahi ana i mea mau i ka holoholo i na huakai mamua, i keia wa, ua hiki ole iaia ke hookokoke aku.  Ua manaoia ke kumu o keia papau ana, no keia hele puni ana iho nei no a ke olai hoonaueue honua.

 

–––––––––––

 

            I ka Poaono aku nei i hala, ua hapa loa ka ai kuai paa (pai) o ka poe mea kuai o Manamana.  Ua haohao makou i ka hapa ana o ka ai o ia la kanaka nui, aka, mahope o ka hooniele ana aku, ua haiia mai ia makou ka lono, o ka nui ka o ka poe maauauwa o Kamoiliili, ua hiki ole mai i ke kalewa pai ma ia kakahiaka, no ka mea, he hana nui ka lakou ma ia la, oia hoi ka Hoike Kula Sabati.