Ka Nupepa Kuokoa, Volume VIII, Number 10, 6 March 1869 — He mau Niuau i ka poe Poppe. [ARTICLE]
He mau Ninau i ka poe Pope.
E KE KILOHANA: ALOHA OE:– E oluolu oe e ae mai e lawe aku i keia mau ninau i ka poe Pope a pau loa, i wehewehe nui mai ai lakou a pau ai ko makou pohihihi. 1. He Pope mauli anei o Petero? A ke mana maoli anei mai a Iesu mai e koho aku oia i Pope hou, a hiki ia Pio IX? 2. A ma ka olelo hea hoi I unuhiia ai ka Baibala, a ike ia he Pope o Petero? 3. ua kauoha mai anei o Iesu aole e hoolaha ia ka Baibala, a o ka Ma@@ paha ke unuhiia? 4. A mahea ka Baibala a oukou e alakai nei I ko makou lahui, a like me Auperete e kuhikuhi puuone nei, e nana ma Hoikeana 12:19––ma 1 Korineko 1:12. 1 Tm. 5-6? Ina paha aia ia oukou e ka Ekalesia Kumau ka oiaio, auhea ke panana e kuhikuhi he oiaio, me na hoike? Eia ma ko makou apana nei ke hele mai nei kekahi haumana a oukou, a ke papa mai nei aole e hilinai i ka Baibala, aia ka a loaa ke alakai. U hoi o ka ihu ia. H. NINAUOIAIO Maui, Feb. 16, 1869.