Ka Nupepa Kuokoa, Volume VIII, Number 9, 27 Pepeluali 1869 — Page 1

Ka Nupepa Kuokoa

KE KILOHANA POOKELA NO KA LAHUI HAWAII.

BUKE VIII. HELU 9.

KA NUPEPA KUOKOA,

HOOPUKA MAU IA MA HONOLULU

I keia Poaono keia Poaono

$2.00

No na mahina he Umikumamalua!

$1.00 no na mahina eono.

ME KA HOOKAA MUA MAI.

 

            NA OLELO HOOLAHA- aole i oi mamua o 10 laina o ka hoopuka hookahi ana $1.00; alua komo ana. he $1.50; hookahi malama $2.00. E uku mua ia mai ke dala o na olelo hoolaha a pau e hoounaia ana mai e pai.

            KANIKAU- he hapalua dala ka uku no ka aoao hookahi o ka pepa leta, oia hoi 4 keneta no ka lalani hookahi-penei: he 25 lalani, $1.00; 50 lalani, $2.00; a pela 'ku.

            E UKU NO KA OLELO HOOLAHA- ka uku pepa a me ka uku o ke Kanikau, e haawiia no ma ka lima o na Luna o ke Kuokoa a i oleia, e hoouna mai ia Kauka Kahua.

            O KA UKU PEPA A PAU E HOOKAA MUA MAI NO- aole e kauia ka loaa o kekahi haole a kanaka maoli paha. ma ka loaa o ka poe lawe pepa ke ole e hookaa e mai mamua.  E pono ke hiipoiia keia mau rula no ka mea he emi no ka auhau no keia nupepa.

            AIA KE KEENA O KA NUPEPA KUOKOA- ma ke keena i noho mua ia iho nei e J.W> Aukina, maluna ae o ka Hale Leta. O na hora hana, mai ka eia o kakahiaka,a a i ka ha o ke ahiahi.

            H.M. WINI (Luna Hoopuka)

 

"KA NUPEPA KUOKOA."

Is pulsihed in Honolulu

EVERY SATURDAY,

$2.00 per annum, or $1.00 per six

months, in advance.

            Advertisements not exceeding 10 lies, inserted once for $1.00 twice or $1.60; and $2.00 for one month; all advertisements must be paid for in advance

            Kanikaus will be charged 1.00 per page or 4 cts. a line.

Payments for advertisements, subscriptions or Kanikaus, may be paid to any of the Agents of the Kuokoa , or may be enclosed in a letter to the Publisher.

            All subscriptions must be prepaid.  No names, either o foreigners or natives, will be inserted on the subscription list until paid for.  This rule must be strictly adhered to on account of the low subscription price

            The office of the Kuokoa is in the South corner of the Sailors Home. Office hours from 9 A.M. to 4 P.M.

            H.M. WHITNEY, Publisher

            Bound Volumes for the KUOKOA for sale at the office over the Bookstore--$3.50 each.

            Persons having complete sets of the above, can have them bound by paying $2.00 each

Ka Nupepa Kuokoa.

Mr. Palapala Hoike hana mawaena

O NA PAKE MA KA MOKIPUNI

o Hawaii na S. P. Ahiona.

___

No Hilo A Me Ka Ke Akua Hana

MALAILA.

I huu hihi ana ma Laupahoehoe, na

launa au me Apu, ka pake nona ka hale

huhi malaila.  Ua lilo iaia ka hookipa

ana ia'u no ka aina ahiahi, me ka pume-

hana o ke aloha no ko mana halawai pu

hou ana.

I ka uhi ana mai o na eheu o ka po,

aia hoi.  ua hookipaia aku la au e Rev. J.

Hanaloa. e moe ma ka hale laau maikai

o Mr. Spencer, me ka oluolu a maluhia

no hoi.

Ma keia ahiahi, ua launa mai no o Mr

Apo, maioko o ka hale i hookipaia aku

ai au e moe.  U a kamailio, nui aku au ia

ia no na mea e pili ana i ku pomaiakai o

ka uhane.  Ua oluolu oka e hoolohe mai.

Nov. 21. -- Ma he kakahiaka o keia la,

hailii mai la ha pu no ka halawai pule ma

ka Luahioio o "lerusalema Hou" ma lau-

pahoehoe.  Ua ahoahoa mai no na kane,

wahine a me na keiki, ka poe hoi a pau

e akoukoa ana ma ia wahi.  Ua launa pu

mai no inoa o Apo iloko o keia anaina.

La haiolelo au imua o la anaina ma ka

olelo Hawaii A pau ka halawai, uu hoo-

koua he anaina me ke aloha.

Ma ka lokomaika no o Apo, na hoo-

kupa hou aku oia ia'o no ka paina kaka-

lilail.  Ua paipai nui au iaia, o malama

i na nana olalo a ke Akua, mamua o kou

haalele aua i keia wahi.

Mahope o ka hora 9 kakahiaka.  hon-

mahauniu au no ka hele ana a hiki ma

hamahua.  Ua kokua lokomaikai mai

kehalu hoahanau, o Keliiaukai kona inoa,

a me hehalu keiki opiopio, o Maele kona moa. no Laupahoehoe no, i ko laua mau

lio. iko'u a me kuu hoahele.  no ka hele

aua aku a hiki i Hamakua.  A o Maele

hoi. ua lilo oia i alakai. a hiki aku in a

Hamakua Hikina.  Mamuli o ke kauoha

a Mr. Hanaloa.

Nani wale ka lokomaikai o keia mau

keiki opiopio, i ke kokua ana mai i ko

laua mau lio no maua, i hiki ai keia ma-

lihini hemahema, ke hooneenee aku mai

kekahi wahi a hiki aku i kekahi wahi.

Oiai la'o e hoaa ana i kela manawa no

ka lio ole, e hiki ai ke lawe aku ia'u a

me kuu kanaka a hiki aku i Hamakua,

no ka mea, o ho maua mau lio i haawi

ia mai ui mai Onomea mai, ua olelo

ia, aia no a hiki ma Laupahoehoe, alaila,

hoihoi aku na lio o Mr. Kalaka.  No ia

mea, ua kokua mai la keia mau mokama-

ka opiopio i ko laua mau lio.  Ua wahio

iho au i na lio o Mr. Kalaka ma ka lima

o Mr. Hanaloa, a nana no e hoihoi aku i

Onomea.  Haawi iho la au i ke aloha ia

Mr. Pohano, Mr. Hanaloa, Mr. Apo a

me na makamaka kamaaina a pau ma ia

wahi, a o ka lualele ilio la no ia ia Lau-

pahoehoe, mamuli o ke alakai ana a Ma-

ele: o Hamakua ka ihu o ko makou ninu

ho. A o ka nawe aku la no ia.

He kanaka makapo ano kupanaha hoi

ka'u i ihe aina ka apana o

nei.  He hoahanau oia, o Timoteo Ka-

hele kona moa.  Ua hahai mai no oia ia

makou mai paiohe mai.  I kuu halawai

ana ma ka luakini o Hauoli.  malaila oia,

ua himeni pu me ka poe himeni.  me ke

ano makaukau no.  Ua hahai mai oia ia

makou a hiki ma Laupahoehoe. a ua moe

ma kekaiu hale kamaina malaila.  A ma

keia kakahiaka.  ia makou e hoomakau-

kau ana i na lio.  ua hana koke no oia i

kona lio. a o ka hahai hou no ia ia ma-

kou : a hoapili mai la i kona lio me ko'u.

a lilo iho la au i alaki nona.  Ninau aku

mae au iaia.  E Timoteo. heaha ke kumu

o kou hahai loihi ana ia makou?  I mai

la nae oia.  "He ono au i kau olelo no ka

hana a ke Akua, nolaila au i makemake

ai e hahai loihi ia oe, a hiki ma kahi au

e halawai hou ai."  Nani ka manao mai-

kai o keia makapo, no ka ono i ka olelo

a ke Akua.  Pehea la hoi na maka koa-

kaa a me na maka hulali e noho nei me

ka hoowahawaha i na hana a ke Akua,

me ka hoomaauea i ka olelo o ke ola a

me ka hoohenehene i na Kahunapule, ka

põe nana e hai mai i ka olelo maikai a ka

Haku.  E! auhea oukou e ka poe maka

ike i hana pela. e pomaiakai loa ana hoi

o Timoteo Kahele ka mukapo, me ko ono

i ka olelo a ke Akua. a e poino ana oe e

ka mea maka kaakaa me ka ike ole i ha

hana maikai a ko kakou Akua.

He la ua nui loa keia a makou e hele

nei, ua pulu loa makou a pau.  O kuu

mau lole komo a me na buke maloko o

ka paiki ili. ua pulu pau loa.  I ahona

ici nae au nokauililakeke, ale plu loa

kau' Kino, aka, o T Kahele, Maele a me

kuu kanaka, ua hele a opili loa i ka nui

launa ole o ua mea he ua.  I loko nae o

keia plikia no ka ua, ua hoomau mai no

ua Kahele nei ma ka hahai ana, aole he

kanalua a kuihe, aka. ua hoomanawanui

no.  O ko makou pailata hoi, ua hina pu

oia me kona lio, no ka pakika launa ole

o ke alanui.  Nani ko laua ahonui i ka

hele pu ana me keia malihini iloko o ka

la ino, me ke kupu ole ae o ka manao e

hoi hope a e hookup paha ma kauhale

kamaaina.  Aloha wale.

Aka, me he mea la nae paha, ekolu

mile i koe, a hiki aku ma ka hale o Rev S.

Kamelamela, aia hoi, huli aku la kuu

aka i hope, aia ka! aole ua Timoteo nei.

I ninau aku ka hana, hai mai ana o Ma-

ele, "ua piula (nawaliwli) kona lio. nola-

ila, ua kipa aku oia ma kauhale kamaai-

na."  Aloha ino ia Timoteo, no ko ma-

ua kaawale ana.

No Hamakua A Me Na Hana Malaila.

Mahope iho o ka hora 2 o ka auina la,

hiki makou ma ka hale o Rev. S. Kame-

lamela, ma Hamakua Hikina.  Ua launa

koke me ia a me kona ohana, ma ka lulu

lima ana me kona ohana, ma ka lulu

lima ana me ke aloha.  Ua hookipa olu-

olu mai oia e noho a hiki i ka la apopo,

nolaila, ua kaulai ia aku na ukana pulu

i ka ua.  O Mnele hoi, na hooikaika nui

oia i ke koi e hoi koke aku i Laupahoe-

hoe me kona kino i opili i ka ua.  Ua aua

aku au iaia e noho iki, aku. ua i mai noe

oia,  "aohe pono, no ka mea.  e huhewa

auanei o Timoteo i ke alakai ole.  no ko-

na huli hoi ana, no ka mea, ke kakali

mai la oia ia'u a hoi pu."  No keia mea,

ua apono au i kona hoi koke ana me na

lio.  Ua haawi aku au i ko'u aloha iaia,

no kona hoomanawanui ma ka hele pu

ana mamuli o ka'u huakai.

Ua malama pono mai no ia'u kuu hoa

hookauwa iloko o ka Haku.  ma na mea

e pili ana i ka pono o ke kino, a ua moe

iho au a me kuu hoa hele, maloko o ka

malu o kona hale.

Nov 25.--Ma keia kakahiaka hoi. ua

akoakoa mai na kamaaina e kokoke mai

 ana maloko o ka hale noho o Mr. Kame-

lamella.  Ua noi mai lakou e hapai i ka

halawai pule, a ua hooko koke no wau i

kolak au makemake.  Mahope o ka pau

ana o ka'u olelo paipai, ua kokua koke

mai kuu kaikuaana Mr. Kamelamela, ma

ka hooikaika ana i na manao paipai imua

o ke anaina. @ ua hookuu ia lakou me ka

Mahope o ka pau ana o ka aina kaka-

hiaka, ua hoomakaukau koke mai la ke

kamaaina i mau lio no maua, a nona no

hoi kekahi, oiai e lawe ana oia ia maua

a hiki ma Waipio.  A makaukau no ka

hele, haawi aku la au i ko'u aloha nui ia

Mrs. Kamelamela a me ko laua ohana, a

kau ae la maluna o na lio, a hookuu aku

la ia lakou ka hana.  He la malie loa no

keia, a ua oluolu hoi ka hele ana.

HONOLULU. FEBERUARI 27. 1869.

O na hiohiona nae mai Hamakua Hi-

kina lei a liki ma ke kahawai o Waipio,

he aina uliuli i na mea ulu. a he palaha-

laha maikai i ka nana aku.  Ua maikai

ke alanui, a ua hiki no ia ka lio ke holo a

maloeloe. me ka loaa ole i ka pilikia no

ka pali a me na kahawai paha. e like la

me ka apana o Hilo.

Ma ka hora 2 paha o ke ahiahi. hiki

aku la makou ma eleio, a kipa ae la ma

ka Halekuai o kekahi mau pake elua, a

he pake kumeka kekahi ma ia wahi ko-

koke no. Ua hoomaha iho la makou, me

kuu hoelauna aku ia lakou e kuka pu no

na mea e pili ana i ka pono no ka uha-

ne.  O na pake nona ka hale kuai, he

oluolu loa laua ma ka lohe ana i ka ke

Akua olelo, me ka hookipa ana aku hoi

ia makou e paina awakea pu me laua.

Ua hala paha elua hora a oi aku kuu

hooluana ana me na pake nona ka hale

kuai, a o ko makou iho aku la no ia i ka

aina awawa o Waipio, e ike ia Rev. J.

Bikanele, ke Kahu Ekalesia o ia kihapai.

Ua loaa aku oia ia makou maloko o ka

luakini, oiai ko lakou halawai Poakolu.

O makou kekahi i huipu aku iloko o ia

anaina.  A pau na hana, ua launa mai o

Rev. J. Bikanele ia makou, me na hele-

helena hauoli, a hookipa aku la ia ma-

kou ma kona home, a launa oluolu me

ke aloha.  Aole i liuliu iho, nonoi mai la

o Mr. Kamelamela, e hookuu aku iaia e

hoi ma kona home, nolaila. ua hooko ia

kana hoi, a ua hookuuia makou me ka

lulu lima pakahi.

Maanei ke haawi ae nei au i kuu ma-

halo ia Mr. Kamelamela, no kona kokua

lokomaikai ana mai i mau ho no maua, a

pela no koua hookipa oluolu ana a me

ke alakai ahonui ana mai a hiki ma Wai-

pio nei; a ke ohi nei oia me na lio, oia

kona mau hoa hele o ke alanui.  Ua aua

aku au iaia e noho, o poeleele aunei,

aka, ho mea ole nae ia leo aua aku, no

ka mea, ua maa oia i ka hele ana ma ia

alanui.

Ua hookipa iho o Mr. Bikanele ia'u e

pains ahiahi pu me laua.  A no ka nuku

o kona wahi hale noho, na kuhikuhi oia

ia'u e iho ma kai, ma ka hale o G.W.

D. Halemanu e moe ai.

O Mr. Halemanu, he Luna Ekalesia

oia no Waipio nei, he kanaka naauao, a

he oluolu kona manao ma ka hookipa

ana ma ka malu o kona hale.  He hale

laau maikai keia, a he kohu hale hoi no

na haole hanohano i ka nana aku, no ka

maiakai o na keena a me na lako hale no

hoi.  Ua oluolu oia a me kana alii wahi-

ne, ma ka hookipa ana aku ia maua e

moe ma ko laua hale me ka maluhia.

He kahawai pali nui o Waipio nei, a

me he mea la he hoki ke ano, i hamo ia

i ke pani maluna, a i ka aoao makai, a

koo hoi mauka mai a me na aoao elua.

Ke hoomanao ae nei au no ko Bikanele

hai ana mai ia'u, no ke kiekie o ka pali,

he hookahi tausani kapuai.  Ua piika io

no na aoao elua. aka, ua hana ia nae hoi

a maikai maoli ke alanui ma ka aoao mai

Hamakua' mai, e moe pololei ana.  He

nui loa na kauhale ma keia awawa, a he

nui no hoi na loi kalo.  E moe ana hoi

he kahawai mai uka mai a hala i kai. He

aina momona maoli no i ka'u nana aku,

a oia no hoi ke kumu o ke aloha ana o

ko laila põe kamaaina ia wahi.

Nov 26--Ua hookipa maikai mai no

o Mr. Halemanu no ka paina kakahiaka.

A mahope iki iho o ka hora 9, kani mai

la ka bele ma ka luakini. e kahea ana i

na hoahanau a me no Kamaaina a pau

malaila, e akoakoa mai ma ka halepule,

no ka hoolohe ana i na olelo o ke Akua,

i hoopukaia ma ka waha o keia wahi ma-

lihini.  Ua mahuahua no na mea i hiki

mai ma ia halawi.

A makaukau maua no ka hele, ua ko-

kua mai o Mr. Bikanele i lio no'u e pii

aku ai a hiki ma Eleio, a malaila i manao

ai e loaa kekahi lio mai ka pake hale

kuai mai, (Akau) e kokua ai ia'u a hiki

ma Waimea.  Ua kokua pu mai no hoi

i keiki nana e alakaia ia maua a hiki ma

Waimea.  O Petero kona inoa.  Ua ko-

kua mai no hoi o Mr. Halemanu i wahi

lio no kuu wahi hoa hele.  Ua haalele

iho ia Waipio, me ka waiho ana i ke alo-

ha a me ka mahalo no ke Kahu a me ua

hohanau a pau ma ia ekalesiia.

He minamina ko'u naau, no kuu hala-

lawai pu olé aua me kekahi pake hoaha-

nau o ia ekalesia a'u i lohe ai, o Lima ko=

na inoa.  Wahi a na kamaaina, ua haiia

mai, ua hala oia i Kawaihoe.

I kuu hiki hou ana ma ka hale kuai o

na pake am Eleio.  I a hookipa hou no

laua e paina awakea me laoa.  Ua kama-

ilo hou au me laua no na mea e pono ai

ko laua mau uhane, me kuu haawi aku

laua i na buke pake no ka olelo mai-

kai a ke Akua.

Ua kokua mai o Akau i lio no'u e ho-

lo ai a hiki ma Waimea. Nolaila, na haa-

wi aku au i kuu aloha ia laua, me ka wa-

iho aku i na olelo paipai hope loa.

Healele ia Eleio, a hulli pololei aku la

ke alo i Waimea, ma ke alakai ana a Mr.

Petero.  O keia ke alanui i kaulana no

ke poho, mai Waipio no a Waimea, aka,

ua ane maloo a apaapa no, oiai he mau

la malie no ia malaila.  a no ke akamai

no hoi kekahi o ke kamaaina ma ke ala-

kai ana, nolaila, ua palekana i na ino he

nui wale.  Eha mile ka loa o ia wahi ino,

a hiki aku ma ka aoao o Waimea, alila,

hoea aku, he nani wale no ia a hiki ana

i "Imiola", ka luakini o ke Akua.

He hapalua i hala o ka hora 3 o ke

ahiahi. hiki aku la makou ma ka hale o

Rev. L. Laiana. ka makua o ka pono

ma ka Ekalesia o Waimea.  Ua launa ko-

ke me ia a me kona ohana holookoa.  He

mea e ko lakou hauoli ma ka ike ana

mai ia'u, a hookipaia aku la me ka mai-

kai, a pela no hoi i kuu kanaka, ua ma-

lama pu ia no i ua mea e pono ai ke ki-

no.  A o ko maua @@@@ hoi, ua nonoi

mai no oia e hele aku ma kona hale ma-

kamaka ponoi, a malaila e noho ai a hiki

ma ka la apopo, alaila, hoi aku i Waipio

me na lio i kokua ia mai oi.

(Aole i pau.)

Na Hunahuna ka Moolelo Hawaii.

____

Hoi o Kalaniopuu i Kau

laia e hoi ana, aole ia i lawe pu i ua

keiki nei ana me kona kaikaina, aka. ua

hoonohoia iho no me ka makuahine a me

kona mau kahu hanai, oia hoi o Keaka a

me Luluka, ma Puu, i Holoaloa.  Ua ma-

naoia, ua kamaaina ka noho ana malaila,

mai ka wa mai ia Alapai a mamua aku.

Ma ia mau Holoaloa no kalu i noho mau

ai na'lii i ka wa kahiko, mai a Keakama-

hana a mamua aku no paha.

Pela no paha kela papohaku nui ma

uka ae o Keolonahihi, ua olelo ia a o ko

Keakealani wahi ia i noho ai, oiai ai mala-

ila kona mau makua i noho ai, a me mau

aina noho mau ia ia e na'lii, no ka mai-

kai o ka nalu; a he ai nui no hoi ia na

na'ii o ka wa kahiko.  Pela no hoi o Ka-

mehameha e ao ia ai i ka heenalu a me

ka pakaka waa i ka nalu a i na ale, me

ka malama pono ia e ka nui o na kaiku-

nane o Keaka, mamuli o kaua mau hau-

oha.  No keia akamai i aoia ia Kameha-

meha, nolaila, ua oi kelakela loa oia ma

ia mau hana, a me ka holo waa ana.

LAWE O KALANIOPUU IA KAMEHAMEHA.

I ka hiki hou ana mai o Kalaniopuu

mai Kau mai, mamuli o kana mau hana.

Me he mea la hoi, ua make pana ka ma-

kuahine o Kamehameha ia wa, a oia pa-

ha ke kumu o ko Kalaniopuu lawe ana

ia Kamehameha mai kona mau kainu ae,

iloko Keoua kauoha iaia, amamua ae o kona

make ana ma Waiolama, Hilo.  Pela i

haele pu ai laua i Kau.  Ua oleloia hoi,

o Kalanimamahu pu no kekahi ma Kau.

I ko laua hiki ana ma Kau, ua hooho-

ho ae o Kalaniopuu ia Kamehameha me

Kanekapolei, a pela oia i waiho ae ai ma

ka lima o Inaina ma kona mau kaikuna-

ne.  A pela iho la ko Kamehameha noho

ana me lakou, mamuli o ke kauoha a ko-

na makuakane.

Ua lua wale paha ia noho ana iho, a

ua maopopo ia ano noho ana alu alu ia

Kamehameha a me ka huna puana me

me Kiwalao kona kaikuaana.

He mea mau no hoi ma na alo alii na

hana lealea, oia ke kukihi maika, pahia,

noa, ke kui, ka heenalu, heeholua, kaua

paani a me na hana lealea e ae he nui.

Ua ulu mai keia mau hana lealea no ka

wa maluhia o ke aupuni, no ka mea hoi,

o Kalaniopuu ke'Lii, ma ka waiho ia ana

o ke aupuni iaia, mai ua keiki (Kame-

hameha) nei ae a laua.

He mea mau no hoi na kaua paani ma

ke alo alii i na manawa a pau, i mea hoi

e makaukau ai na kauaka ma ke ano o

ke kaua ana, nolaila, ua hana ia no pela

iwaena o na kanaka, a ua maheleia elua

poe, ma ela aoao mia a ma keia aoao

aku, e kaua ana me na iho hau.  A e li-

ke no hoi me ka mahele ana i na kona-

ka, pela no hoi i hoonohoia ai na'lii, ma

kela a me keia aoao.  Ua oleloia iloko

oia mau @

alii ma kekahi aoao a o Kamehameha o

ma kekahi aoao.  Iloko no nae o ia mau

kaua ana, o ko Kamehameha aoao wale

no ka lanakila mau, no ka mea, ua ma-

kaukau oia i ke alo ihe.  A no kona la

nakila mau, ua kuaki loa kekahi aoao.

         I ka hoouka kaua paani hou ana, ua

koa maoli aku no o Kamehameha a hee

kela aoao, nolaila, ua kokua ikaika mai

kekahi poe e ae, a o ke komo mai la no

o kekahi alii o ka aoao e pio ana, a o ke

kaua iho la no ia o na poo kaua o na ao

ao elua.  A peia wale no ke ano o ke

kaua ana. A no ka lanakila mau o ko

Kamehameha aoao i na wa a pau, nolai-

la, ua alu like mai la na'lii o ko Kiwalao

aoao; a pela iho la e pau ai ke kaua ana,

no ka mea, haalele iho la o Kamehame

ha i ke kahua kaua, a holo pololei aku la

i ka hale o ka makuakane, a pii ae la ma-

luna o ka puka pa uai o kona hale, a ko-

mo maloko. A oia wale iho la no kona

mea e pakele ai. iloko o na wa e pau e

alualu ia ana oia e hoopaa.

 

PILIKIA UA KAMEHAMEHA NEI

         No ka uuku o ka ai i kekahi manawa

o kona kino ke kumu ai e ola ai, no ka

mea, ua pa ae kona kino i ka wa kupo-

no, a ua maikai hoi na pua, mohala na

hiohiona a ka makemake, nolaila, iini nui

na wahine ano makaleho wale iaia nei a

me Kaleimamahu kona kaikaina, a o la-

ua wale iho la no na oi o ia mau la, no-

laila, ua nui wale na makana a na alu

wahine e haawi (hookuli) mai ai ia laua

nei, no ka mmea, o ko laua nei mau oiwi

nani a mau hiohiona maikai hoi, oia wa-

le iho la no ka maunu i loaa wale mai ai

ia mau mea, a no loko mai o ko laua na-

ni e loaa ai ko laua ola, a hala hoi ka la

pilikia, a pela no ma kekahi ano e ae,

A ma keia ano, i pilikia ai laua i ka ma-

kuahine, no ka mea, ua lalauia mai kahi

o laua e Kanekapolei, nolaila, ua hooma-

loa ia hana nei, aohe ike aku i ka ma-

ka o ka makuakane.  Elua ano o ka loo

hia ana, no Kaleimamahu ka mua, a no

Kamehameha ka lua, aka, hookahi wale

no kalahala no laua, o Keawemauhili, a

nana wale no e olelo aku ia Kalaniopuu,

e hoopaa i kona manao hoomaau i na

keiki, no ka mea, ua ike no kakou, he

ipu huai wale ia no ka hope o ka wahine,

me he poi ipu la i hookapekeia. A ma

keia mau olelo a Keawemauhili, ua hoo

pau koke ae la o Kalaniopuu i kona ina-

ina, a ua kii ia na keiki e ike.  Pela io

paha, aka, pela no ka mea e oleloia ana,

a me he mea la paha, ma keia ano i loaa

ai o Kaoleioku.

         Hoouna ana o Keaka ia Kamehauluae

kana keiki me Luluka, a Mulehu no

Maui, oiai ua hoi na keiki ma ko laua

alo me ke'Lii a laua, a ua launa pu ia

poe keiki me ke alii mai ko lakou wa

hi mai.

         A oia ka manao e piha ana iloko o ua

mau kahu nei, i ke aloha haehae o ka

laua hanai alii, i nalo mai ko laua maka

aku, malaila hoouna aku la laua i ka la-

ua keiki e holo i Kau, maluna o ka waa,

me na ukana pili i ke kino o ke alii, a e

noho pu oia me ke kaikuahine, o Ulula-

ni ka moa, he wahine na Keaweaheulu.

a e noho pu ana me Kalaniopuu i Kau.

Ua hoakaka aku ua Keaka nei i na ano a

pau o ka hana a ua keiki nei, ke hiki oia

ma Kau, a me na hailona no ka hoi ana

mai, i ike mua ia mamua o ka pae ana

mai iuka nei, i ka maikai ame ka mai-

kai ole o ke ola o ke'Lii.

         I ka hiki ana o ua keiki nei i Kau, ua

hele mua oia iuka e imi i wahi kupono

iaia e like me ke aoaoia ana mai.  A lo-

aa iaia kalu kupono, nolaila, ua kauohaia

ka waa e pae mai, no ka mea, ua loaa ka

hale e hookipaia ai lakou.

 

KA HANA A UA KEIKI NEI.

         Ia la, e kau ana ko ia nei kilepa ma

kahi kokoke i ke kahua heenalu, oia pa-

ha e hai maikai ana ka nalu, a he kahiko

mau no hoi ia no ia wa.  A no ka mea,

he puni no hoi ka nalu na Kamehameha,

a pela paha keia i maa ai ma ia ano, a i

mea paha e ike koke mai ai ke'lii iaia.  A

kai no a hala

 

HALAWAI PU KEIA ME KAMEHAMEHA.

         I ka hiki ana o Kamehameha ma ke

kahua heenalu, o kona ike aku la no ia i

ua keiki no nei no ke kilepa, ku ana ilala

ua hanai nei ana, a honi ana i ka ihu, a

aloha.  Ninau iho ua alii nei, "Ua pae

mai ka oe?" Ae, wahi a Kamahauluae.

I nahea nei? Inehinei no. Pehea la o

Kalopelekei ma? (Keaka me Luluka)

He maikai no a i aloha mai no lakou a

@

@ Kahu, aia ka i ike au i ke @

noho ana, alaila ku @

nele ae @ e kaha @ a hoi mai. He

wahi malu no nae paha ko'u? Ae, ua

hele mai nei no wau me ka makaukau i

na mea a pau e pili ana ia oe.

         I ka pau ana o ka Kamehameha hee-

nalu ana, i hoi mai ka @. ua makau-

kau ka ipu @ a me ka malomaloo,

a o ka maloawi, lilo mai ia iaia nei, hoi

ana keia i ka hale.  Noho mau keia ma-

laila i kela la keia la a pela no ko laua

halawai mau ana i na la a pau.

NUNE NA KAHI O UA 'LII NEI

         No ka hoi ole aku o Kamehameha ma

kahi o kona mau kahu iloko o na la lehu-

lehu wale, nolaila, ua haohao ko lakou

manao, a no ia ano, ua @ ae la lakou ia

Kanekapolei, a me ia ano hoi i hai aku

ai oia ia Kalaniopuu.  A ma ka @

ana, ua hai ia mai ke ano o Kamehame-

ha a me kona wahi i noho ai, nolaila, ua

kaoha ae o Kalaniopuu ia Keaweahe-

ulu, e halawai pu laua.  A i ko laua ka-

mailio ana, hahai aku la o Keaweaheulu i

ke ano o Kamahauluae, he kaikunane no

kana wahine.  Pela i maopopo pono ai

ia Kalaniopuu, a pela no hoi i waiho ia

ae ai ke keiki ia Keaweaheulu, a mai la-

ila mai ka mau ana o ka Halea@anawa a

hiki mai ia Keohokalole ma

KA PUIWA ANA O KAMAHAULUAE.

         A no ka mea, ua loohia oia no ke ake

nui e ike i na kupunakane ona, ai @ o

Keaa.  A no ke kau nui o kona manao

ia laua, ua pii aku oia. Mamua nae o

kona pii ana, ua hai mua aku oia i ke'lii

no kona pii ahoi mai a me ke ano no ia

pii ana. Pii aku la oia a halawai pii nui

laua, a noho pu iho la no na la ekolu a

eha paha, me ka hoolohe hoi i ka laua he

mau olelo e hahai mai ana iaia nei, no

ka mea, ua hiki aku imua o laua kekahi

mea me ka maunu a me na mohai maka-

na ia laua, i mea e make ai o Kamehameha.

         I ko laua hoao nae, hele loa he hi-

i ke alii ke a, i ka wa e hia ana ka auli-

ma me ka aukaki, a kokoke e a ke ahi,

a mai kahi e no ka pueo a kapai ana i

na eheu, a o ka pio iho la no ia o ke ahi.

A pela mau aku no a ane hiki ole ke

hoomau aku, nolaila, oki pu wale ino no,

me ka haohao o ko maua manao. A no

ia hoahao, ua hoao maua ma ka hailona

ana, aia hoi, ku mai la ke kanoaka o ke

'Lii au, nolaila, maopopo ae la ia makou.

ua hole mai ke Akua i ka maua hana. A

no keia ano, ua noi aku maua i kekahi

mau lauoho o ua kanaka, a eia no ia ma-

ua ia mea, me ko maua lohe ole nae ua

hiki mai oe.  Ua manao o hoi maua, he

nui ka poe i hui e mano ino i ke 'Lii au.

Nolaila, ina e hoi aku oe a halawai me

ua alii la au, e ninau aku oe iaia, ua loaa

paha ia i ka ma@, aua malamaia ia

no keia wa, aka, e pau ana ia poe i ka

make ma nei hope aku.

         A no keia mea, ua @ oia no ke

kmu i pau ai o Inaina ma i ka make, i

ka wa i kaua ai me Kahekili ma Kakani-

lua nei, wahi a ka wahahee o keia wa, a

pela no.

         A i ka pau ana o ia mau la, hoi aku la

oia i kai, a kuka pu me ke alii no kana

mea i lohe mai ai i na kupunakane, a ua

maihehe io ia no ua alii nei.

HOI O KEMAHAULUAE I KONA AKAU.

         I kona ike maopopo ana i ke ano o

ko ke 'Lii noho ana, ua loaa hoi ke kula-

na kupono e hoi hou mai ai oia a me ko-

na poe hoahanau. Hoike a @ ia i ke 'lii

i kona manao hoi, a e hai@ i na kahu

ona i kana mau mea a pau i ike ai no ke

'lii.  A me he mea la, ua oluolu ia hoi

hoi ana i ko ke'lii manao.

         I ka wa nae e haawi ana na aloha hoo-

kaawale o laua. pane aku la o Kameha-

meha mahope o ko ia kua.

         "Ike aku ia Kalopelekei,

         Ku la o Kalaieha i Kona.

         A no keia mau maauna leo o ke 'Lii,

hui hou aku la keia a hoolohe i ka he

luhelu mai a ua hanai i ka inoa o ua ka

hu wahine la ona a pau.  Pela no keia i

hahai aku ai ia Keaka ma

         Aole i pau

 

         Ua hana ia ma Veremoneta, kekahi wahi

nui, na ka uila e hoohele i kona mau mea

paahana, me ka luhi ole i ke ki aku a me ka

hohele ae.

         Ua hooholo ka Ahaolelo Nui o Amerika

Huipuia, e hoakea, a eli hou a hohonu i ke

awa o ka mokupuni Brook, i wahi e hoahu ai

i na lanahu a me na lako e ae o na moku

kaua a kalepa o Amerika Huipuia.