Ka Nupepa Kuokoa, Volume VIII, Number 2, 9 January 1869 — Page 4

Ka Nupepa Kuokoa

KE KILOHANA POOKELA NO KA LAHUI HAWAII.

 

Ke Kuokoa, Honolulu, Ianuari 9, 1859

 

Ka Nupepa Kuokoa

 

Majestic Sweetness sits enthroned.

 

1. He hanohano kamahao

            Ma ko Iesu la lae,

   He lei alii mak kona poo,

            He leo hoomaikai.

 

2. Aole ona like e

            Mawaena o kakou;

   A ma na kini o luna'e

            Oia la no ke Poo.   

 

3. Ua ike he poino ko'u,

            A holo mai e uwao,

   A make ma ke ka no'u,

            A kai i kuu luuluu.

 

4. No ia la mai ke @a o'u.

            Kuu pomaikai a pau;

   A make au e ala hou

            Ma kona mana mau.

 

5. Ma kona mana e ku ai

            Kuu wawae lohi nei

   Ma ko ka lani kahakai.

            A mau kuu pomaikai.

 

6. No kou aloha, e Iesu,

            Me na makana pu,

   I pakaukani o'u naau,

            E pau loa'e la nou.

 

                                    Hawaii.

 

Eia iho malalo nei ka moolelo o ka S.P. Abiona hana, ina ke ano kumuao a haiolelo no na pake, a he pono ke hoolaha mua ia mamua o ka puka ana a kana moolelo i hoolaha mua ia iho nei.  L.H]

 

Palapala hoike hana mawaena o na pake ma Lahaina a me Makawao, Maui Hikina.

 

Aug. 15, M.H. 1868, oia ko'u la i hoomaka ai i ka lawelawe hana ma ke ano Misionari

Kuloko iwaena no na pake ma Hawaii nei, ua hele au e launa i na pake ma ka malu ulu o Lele i  eia la, me kuu noi aku ia lakou e hele nui i ka halawai pule pake i ka la apopo awakea.

 

Aug 15, Sabati ma Lahaina. Ua noi mai no o Rev.J.H. Moku ia'u e malama i ka halawai pule akahiaka ma ka halepule o Wainee, Lahaina no na kanaka, a ua hooko no au e like me kana noi.  i ke awakea iho, ua malama au i ka halawai pule pake, aole i hiki mai ia halawai.

 

Aug. 17, iauna au me na pake ma ka Lai o Lele nei, me ke kamakamailio ana me lakou no na mea pili uhane.

 

Aug. 18, haalele au ia Lahaina, holo aku a @@@@ kuu Ohana I Maui Hikina.  Ua hookipa @@@@ a po ma ka halekuai o Mr. Akoloka ma @@@ u, kuu makamaka aloha, a ua hookipa  lokomaikai mai oia me kana wahine ia makou apau.

 

Aug. 19, A.M., ua hele au e ike ia Rev W.P. Alekaodero o Wailuku pela no hoi kekahi mau pake, ua launa @au au me lakou, @ @@i aku au ia lakou i na mea e pili ana i  ko ke Akua oiaio.  I ke ahiahi iho hoi, holo loa au me kuu ohana ma Kaupakalua, Hamakualoa, Maui Hikina.

 

Aug. 21, holo aku au ma Haiku Plantation, a launa oluolu me Mr. W. Goodale, Luna nui oia Mahiko, me kuu hoike aku iaia i ka palapala mai ka Papa Hawaii mai ia'u, mahope o kona heluhelu ana i ka palapala, ua oluolu oia e kokua mai ia'u i na mea a'u e manao ai e hapi i kekahi hana iwaena o kana mau pake malaila, ua hoike aku au i kuu manao imua ona, no kuu makemake e kukulu i kula e ao aku ai i kana mau pake i ka heluhelu Hawaii, no ia mea, ua oluolu oia e hookaawale i kekahi keena, me ka hoomaemae ana i ua keena la i keena kula no na pake, me ka hana hou i mau noho loihi, a papa eleele a i ipukukui hoi, a mea e pono ai ko lakou kula ana, a hiki i ka wa a'u i  manao ai e haalele i kela wahi, alaila, nana no e imi i kumu hou no loakou i pani'ai i kuu hakahaka, ma keia la no, ua oluolu o Mr. Goodale e holo pu me a'u e ike i kekahi mau pake ewalu maloko o ke ko, oiaio ka wa hana ia no lakou, a ua kamakamaiho au me lakou i na mea pili kino a me na mea pili uhane, a pela no hoi kuu ike ana i kekahi mau pake iloko o ka hale puhi ko a me ko lakou hale moe, ua ao like aku no au ia lakou.  Ma kuu huli hoi ana mai, ua hookipa ia au ma ka hale o kekahi pake hana mea ono ma Kalanikahua a me kekahi hale pake humuhumu kamaa, a ua kamakamailio ai me laua no na mea pili i ka hooman@, me ka paipai aku ia laua e hele i ka pule i ka la Sabati ma ka luakini o Makawao.

 

Aug. 23, Sabati ma Makawao A.M., ua malama ia kuu halawai pule pake ma Haiku, he 23 pake kane, 3 pake wahine i hiki ae ia halawai P.M.  E like me ke kauoha ana mai a Rev. Green makua ia'u nolaila, ua @@@@@ au iloko o ka halepule o Makawao i keia @@@@@

 

Aug. 24, ma Kaluanui Plantation, ua oluolu no o Mr. Spencer i ka ae ana ia'u e lauana aku me kona mau pake hana iloko o kona hale, elua pake kane hookahi pake wahine malaila, ua launa aku no au me lakou, a ua ao aku au ia lakou i ka olelo a ke Akua Oiaio.

 

Ma keia la no, ua iho aku no au ina Poholei, oia kahi o Capt. Hobron Plantation, a ua hoike no au i kuu palapala hookohu ia Mr. a me Mrs. Hobron, a ua oluolu no laua i ka ae ana mai ia'u launa aku me ka laua mau pake, me ko laua ae pu ana mai no@@@@ ia'u i ka hana aku iwaena o kana mau ke'kulu i kula Hawaii no kana mau pake @ mea e alakai aku ai ia lakou i ka naauao@@ ka olelo o ke Akua, a me na mea pili kin@ @@@ahi, aka, ua ae oluolu mai no o Capt. Hobron e kokua i keia hana e like me ko Mrs Goodale i ae mai ai e kokua no kana mau pake iho.

 

Ua launa aku no au me kekahi hapa nui o na pake ma ko lokou wahi hana, a he oluolu no lakou i ka lohe ana i kekahi mau mea a'u i ao aku ai ia lakou.

 

Aug. 25, iho hou aku i Haiku, a launa hou me kekahi poe pake malaila, me ke ao aku ia lakou i na mea e pono ai o ko lakou mau uhane.

 

aug. 28, launa au me 2 mau pake halekuai ma Kokomo, Hamakualoa, ua hoakaka aku au ia laua i na mea e pili ana i ka aoao hoomana oiaio, alaila, iho aku au e i ke i na pake a Mr. Spencer, ua ao kula aku au i na pake kane ma na hua Hawaii A, B, C. &c., he mau hora kuu ao ana aku ia laua malaila, ma ia hope iho, iho loa au ma kahi o Capt. Hobron e launa ai me ko laila mau pake.

 

Aug. 29, iho aku ma Haiku me ka manao e hoomaka i ke kuia no na pake malaila i keia ahiahi, aka, no ka makaukau ole o kahi keena a me kahi papa eleele, nolaila, ua hoopanee ia ke kula ana ma ke ahiahi la 1 o Sepatemaba e hiki mai ana, aka, ua halawai nui au me lakou i keia po ma ko lakou hale moe, no na mea pili i ka pomaikai o ke kino a me ka uhane pu, oia ka'u mea i ao aku ai ia lakou.

 

Aug. 30, Sabati ma Makawao A.M., ua iho aku au ma Haiku e malama i kuu halawai pule pake malaila, i ke awakea iho, holo au ma Paholei a malama i kuu halawai pule pake ma ia wahi.  Mahope o ka pau ana o ka pule pake, ua piha hou mai kahi hale halawai i na kanaka me na wahine, nolaila, ua hapai au i kekahi halawai pule kanaka maoli.

 

Aug. 31, holo aku au e launa me na pake a Mr. Spencer, ua haawi wale ia he 2 buke Kumumua i na pake kane 2 me ke ao aku ia laua i ka heluhelu ana.

 

Ma keia ahiahi no, iho aku ma Paholei e hoomaka ai i ke kula pake malaila i keia po, he unikumamakahi pake i hiki mai i keia kula, eono buke Kumumua i haawi wale ia, a elima na buke ua haawi mai no i na hapawalu elima.  Mai ka hora 8 o ka po i hoomaka ai i ke kula a ka hora 10 paha, alaila, hoi ae au ma Kaupakalua.  Sepatemaba 1, M.H. 1868, ma Haiku i keia ahiahi e hoomaka ai i ke kula Hawaii no na pake malaila, he 12 pake ka nui i hiki mai i keia ahiahi, a ua haawi wale aku au i na buke Kumumua he 12 na lakou; ua oluolu no kekahi hapa-haole kupakako o ka Ahahui mahiko o Haiku nei, (oia o Mr. Geo. Brook) e kokua mai ia'u e kula aku ia lakou i keia po, a ua wiaho au he 16 buke Kumumua no na pake i koe.

 

Sept. 2, iho aku e launa hou me na pake a Mr. Spencer me ke ao kula hou aku ia laua.  Iho no i keia po ma Paholei e kula hou ai i na pake a Capt. Hobron, hookahi pake hou i komo mai i ke kula o keia po.

 

Sept. 4 ma Kokomo, launa aku au me na pake 3 ma ka halekuai o Mr. Kiakona pake, a ua kamailio au me lakou no na mea pili i ka hoomana.

 

Iho aku no e ike i na pake a Mr. Spencer ma Kaluanui, e ao kula aku ai ia laua, a iho loa i ke kula po ma Paholei i keia po, ua hiki no i kekahi mau pake ke hookuikui i na hua ekolu.

 

Sept. 5, iho aku ma Haiku e kula ai i na pake malaila i keia po, ua nui loa na pake i hiki mai, ua kokoke 30 ka huina, elua hora ka loihi o kuu kula ana ia lakou, a hoi no au i uka o Kaupakalua.

 

Sept. 6, Sabati ma Makawao A.M., e malama i kuu halawai pule pake ma Haiku maloko o ka hale kula o lakou.  Makawao e malama i kuu halawai pule pake ma Paholei, maloko no hoi o ko lakou hale kula P.M., ia'u no ka haiolelo kanaka ma ka halepule kanaka ma Makawao, a ma ka olelo pake kekahi no kekahi mau minute pokole, no ka mea, he mau pake kekahi iloko o ka halepule ia manawa, nolaila, ua noi mai o Rev. Green ia'u e hana pela, a he mea pono wale no ia i kuu manao, a ua hauoli no ke anaina holookoa i ka lohe ana i kuu haiolelo pake, mea hou io paha!

 

Sept. 7, holo aku ma Kaluanui e ao kula ai i na pake a Mr. Spencer, a pau ia, iho loa ma Paholei e kula po ai no na pake malaila, ma keia po no, ua kauoha aku au i ke kanaka kumu hou, (oia ke kanaka a Mr. Hobron i manao ai e malama i kuu kula ke haalele au i keia wahi) o Kekahuna kona inoa, no ke ano o ke alakai ana i na haumana pake, a pela no na haumana pake, ua kamailio loihi aku no au ia lakou e hooikaika e imi i ka naauao a me ka pono, no ka mea, i kuu ike ana, oia ke ahiahi hope loa o kuu ao kula ana ma Paholei nei, nolaila, ua hooili aku au i keia hana maluna o keia kumu hou, me ka hilinai aku iaia nana e hooikaika ae.

 

Sept. 8, P.M., iho aku ma Haiku no ke kula po o na pake malaila, ua launa mua aku au me Mr. W. Goodale, me kuu hoike aku iaia oia ka po hope loa o kuu no kula aua malaila no kana mau pake, no ka mea, e holo koke ana au ma Ulupalakua e lawelawe koke i ka ke Akua haua malaila, ua oluolu loa o Mr. Goodale ma ke kauoha a Mr. Geo. Brook e malama i keia kula a'u e haalele ai, me kona olelo mai ia'u oia ponoi no kekahi e hele kino i kekahi manawa e makaikai a e paipai ai i ko lakou kula ana, ua paipai nui ao i keia po i na pake malaila o hooikaika i ke kula a naauao lakou, laila, e loaa anu ia lakou ka pomaikai no ko lakou kino a me ko lakou uhane pu kekahi.

 

Oia wale no kuu moohana iwaena o na pake ma Lahaina a me Makawao iloko o na la he 24.

 

O ka nui o na pake kane ma Lahaina, - 19

Na pake kane ma Makawao, Hamakua-8

Ma Haiku 30 pake kane, 3 w. 3 keiki, - 36

Na pake kane ma Paholei, Makawao, - 20

                       Huina pau loa - 83

 

Ke hoomakaukau nei au e holo aku i Ululpalakua, Maui e hana i ka hana a ka Haku iwaena o na pake a Capt. James Makee, me kuu nonoi aku i ke Akua e iho mai kona Uhane Hemolele maluna o na pake ma na wahi a'u i lahi ai i keia mau la i hala, me ka hilinai i na leo pule o na haipule a pau ma keia Pae Aina Hawaii nei, e nonoi i ke Akua no na mea i pili i kuu hana e pono ai.  Me ka mahalo.

 

Kaapuni ia Hawaii ma ka Hele

MALIHINI ANA.

 

KOHALA

 

Ma Kohala Hema kuu noho ana, ma Kawaihae, ma ka hale o Rev. A. Pali.

 

Sepatemaba 10, kuu noho malihini ana malaila, a hele aku ko'u makua uhane J.F. Pogue ma Kohala Akau ; a noho Rev. L.H. Gulick ko'u kaikuaana ma ka uhane ma Kona Hema.

 

KAWAIHAE. Rev. A. Pali ke kahu.  La 13 Sabati.  Maiama au i ka pule kakahiaka ma ka luakini, a he nui no ka poe i launa mai, a ma ke ahiahi malama ia ka ahaaina a ka Haku ; a lulu pono mai no lakou i ke ola o ke Kahu, oia no ku ahaaina hope o ko lakou Kahu ekalesia a hele aku i Waioli Kauai.

 

He lepo ulaula ko uka, a puhi mai ka makani, ula loa na wahi kapa.  He kai hawanawana ko kai, malaila e auau ai, a kopi-pi mai he wahi wai uuku e pau ai ka pilipili o ke kai.

 

Lulu dala lakou a haawi mai e $5.12@ e hoihoi aku na ka Papa Hawaii e malama.  Ma ka Poakahi, e pii ana makou me Rev. L. Laiana ma Waimea, a ua halawai no me ia makou, e hana ana i kana hana me ka paupauaho ole ; a hoi no ma ia ahiahi ma Kawaihae.

 

HAMAKUA. I ka la 16 o Sept., E hele ama kela kahu keia kahu ekalesia me na lala ma Hamakua i ka Ahahui Euenelio, a owau kekahi i ukali aku mahope, ma ka hele malihini me ko'u mau kamaaina Rev. A. Pali a me Paahao mai Kawaihae aku.

 

Ma Waimea halawai me Rev. L. H. Gulick, Rev. J. F. Pogue, Rev. E. Bond, a hele pu makou ma Hamakua i Waipio kahi o ka Ahahui Euenelio.

 

AIKU.  He wahi naele a pohopoho ka lio ma kela wahi, no ka nui loa o ke poho, ua huli pu kekahi mau lio a haule ke kanaka ma kahi e, paumaele loa kahi kapa, a ka, hele no imua na hoa o ka aha, aole i hoi hope.

 

O ka uhi mai ka ka-ua-awa lalilali loa ke alanui, aole he lio poho ole, aka, o kekahi mau kamaaina he pakele iki no, aka, ua hapala ka lepo, na ke poho ka ai.

 

Ma ke awakea oia la hiki ma Hamakua i Waipio, a noho kela poe keia poe ma na hale o na Komite, a hookipa maikai mai no lakou, i na kahu a me na lala o kela ekalesia keia ekalesia, mai Kohala Akau, a Hamakua Hikina.

 

WAIPIO.  Ma ka la 17 o Sept. Weheia ka Ahahui Eunenelio ma Waipio, Rev. S. Kukahekahe ke Kahu ekalesia.

 

Ekolu la okoa o ka Ahahui i mau ai ma ka hana a ma ka ha o ka la, hoi kela mea keia mea ma kona kihapai.

 

Aia ma kela mau la, he nui na manao e imi ana i mea e holo pono ai no hana o ke Akua.

 

He kahawai poopoo o Waipio, a he pali ma na aoao, e like me ke kahawai o Omoama Fatuhiva, aka, ma kekahi mau mea, aole like, he momona kalo ko keia, he ulu kela a me ka niu.

 

WAIMEA.  I ka Poakolu, la 23 o Sept. He halawai ma ka hale pule o ka makua Rev. L. Laiana.

 

Ua launa mai no kekahi poe ma ka Hale pule.  Ia'u no na olelo no na hana pouli ma ko na aina pouli o Nuuhiva, a pau ka halawai, hoi aku kela mea keia mea me ka ua liilii e anuanu ai ke kino.

 

He aina anu o Waimea e iho mai ana ka hau a me ka huihui mai ka mauna mai o Mauna Kea.  He mea ole wale no ke anu i na kamaaina, e hiki no ia lakou ke auau i ka wai ma kakahiaka nui me ka haukeke ole.

 

Ma na kihapi a keia makua kaulana ma ka pono Rev. L. Laiana i hana ai.  Ke ku nei na luakini i mau hoailona no kana mau hana pono, he umi kumamalua ko lakou nui a he mau hale laau wale no ma Kohala Hema, a me Hamakua, a he maui bele e kani ana ma keia mau hale ; a he kanaka ka mea uuku ma keia mauawa, no ka pau i ka make a me ka hele ma kahi e.

 

O na moa o kekahi mau hale no loko mai o ka Baibala, Sinai, Horeba, Kalemela, a me Ziona.

 

O na pu e puhi ai no keia mau luakini 12 mamua, ua make lakou, eia na kupapau ke waiho nei ma na pa luakini.

 

KOHALA AKAU.  Rev. Bona ke kahu makua ma keia kihapa@.  Ua hookipaia mai au ma kona luakini me ke aloha.

 

I kakahiaka Sabati 27 Sepatemaba, he piha pono ka luakini, a pela no ma ka pule awakea ; a ma ke ahiahi e hoi ana keia apana keia apana ma ko lakou wahi ponoi.

 

O ka'u me olioli ma ia la o ka nui o na haumana Kula Sabati, eha haneri me kanalima(450), ua pau kekahi poe i ka hoi.

 

He mau @@@@ he umi kumamalua mahope no Simeona imua o na mea e noho ana ma ke Kula Sabati, ua makaukau nui o lakou e nai pono i ke ano o ka ninau i ke kumu me ka ikaika kupono o na leo o lakou.

 

E like me ka lea o ko iakou aina, aole he ui hele wale o Kohala, pono no e loaa ka ninau o ka olelo a ke Akua.  I waiwai ke Kula Sabati.

 

Ma ke ahiahi Sabati.  Hele maua o Hon. D. K. Naiapaakai, a me ko maua pokii Aiwohi i ka halawai maloko o Kohala, ma kekahi hale halawai piha pono ko lakou hale halawai.  I ka hoi ana ma ke ahiahi poeleele ua hoopakikaia ke alanui e ka ua, a ma ka hale o Hon. D.K. Naiapaakai ka hookipaia ana.

 

MAKAIKAI.  He maikai o Kohala mai Honoipu i waho, a hiki i Pololu ma keia aoao, he aina momona, ua kanu nui ia i ke Ko o Kohala-iloko, a i ka nana aku oia auanei kekahi kaona nui ma keia hope aku, mka mahiai o ka poe kalepa.

 

Aia mawaho o Kohala.  He mau wahi kaulana, a ua ike maka hoi au ma ka nana ana, ma ke kuhikuhi mai a ko'u alakai.

 

MOOKINI.  Oia ka heiau nui a Kamehameha 1 i hana ai, ua lohe au, ua ana pono ia kona mau kapuai 325 ka loa, o ka laula a me ke kiekie aole i maopopo, ua nui no na heiau ma Hawaii he liilii wlae no.

 

Ma ka makaikai ana, he maikai maoli no ka hana ana a ke'lii koa kaulana o Hawaii, aka, i ke au i kana mau keiki a me na moopuna, he mau hale pule nani na heiau i ku nei ma keia mau mokupuni.

 

MANAIAKALANI.  He makau keia maluna o kekahi pohaku, ua oleloia na Paao, mai Nuzilani mai, me he makau maoli la no, he mano ka ia kupono, a he kohola, no ka nui launa ole, ma ko'u manao wale, na na kanaka Hawaii no paha i hana a ku a makau, i kike ai me kekahi pohaku.

 

HOLONOPAHU.  He pahu na Paao, aia no maluna o keia pohaku me ka makau, he lua hohonu, ua kapai he pahu na Paao, aia ma kahakai o Kohala-kai.

 

KAPAKAI.  He wahi kaulana no keia ma na olelo, ua lalau ka olelo ana.  I mai kekahi, ahu ka boka i kapakai, ma ka nana ana i keia mau wahi aole i nani loa ka helehelena, aka, o ka inoa ka mea nui. (Aole i pau.)

 

Na mea hou o McKeans Island.

 

E KA NUPEPA KOKOA E; Aloha oe:

 

E oluolu iho olua e hookomo iho i na mea hoe o keia Ailana, ma kahi kaawale o ko kakou Nupepa, i ike mai ai na makamaka puni mea hou o kaua, mai Hawaii o Keawe a Kauai o Mano, a hiki loa mai ma na Ailana nei.

 

Ua ku mai ka moku kalepa Reynard ma keia Ailana, i ka la 30 o Aug., a maluna mai ona na paahana o keia ailana, he 18.

 

MAI PUUPUU LIILII.  Ua loohia kekahi keiki i ka mai puupuu liilii maluna o keia moku o Kekapa kona inoa, ua puka mai keia mai ma ka moana, a ua nana ia e Mr. Eluena, a ua oleloia, he Pikela ka inoa oia mai, aka, i ka hiki ana mai maanei, ua ike makou he puupuu hebera ia mai, nolaila, ua hookaawale koke ia aku oia ma kahi e, me ka malama pono ia e na haku, ma na mea e oluolu ai o kona mai, a he mau la o kona kaawale ana, ua loaa ia ia ka oluolu maikai, a ua hoi mai a noho pu makou.

 

Sept 12, Ua puka hou mai keia mai maluna o kekahi poe o makou, a ua hookaawale koke ia aku.  O ko lakou mau inoa, eia iho malalo nei.  Puko, Samu. Lonoakai, Puakea.  Mana, Kalili, a ua hoonoho ia aku o Jeoni Paniolo I mea nana e hooponopono ka lakou mau mea ai, a me ko lakou noho ana, a hiki i ko lakou wa e oluolu ai.

 

MAKE.  Sepatemaba 20, make o Puko, he mai puupuu liilii hebera kona mai i make ai, he keiki ia i aloha nui ia e makou, a me na Haku hana, no ka miki a me ka eleu ma na hana a pau o na Ailana nei.  Ua hanauia oia ma Maui, a ma Puiwa i Honolulu kona wahi i noho ai, a hele mai oia keia ailana, e hana ai i loaa mai na pomaikai o keia noho ana, aku, ua kii mai no Ka Mea nana i hana, a lawe aku.  a ua haalele mai ia makou kona mau hoa aloha, i poe nana e kanikau aku ma keia kae o ka lua kupapau, o ka nui o kona mau la o ka noho ana ma keia ailana he 20, nolaila, ua haku iho makou i kanikau aloha nona, ka hoa pili o na ailana nei, no kona kulu ana aku la i ka hiamoe kapu o Niolopua.

 

Sept. 22. Make o Samu he Kukuina ia no na Ailana malalo aku o makou nei, he puupuu hebera kona mai i make ai, ua waiho iho ia i kona kaikuaana, i mea nana e u aku ma keia kae o ka lua kupapau, a ma ka hora eono o ke ahiahi, ua haawi ne la kona kaikuaana i na pu aloha nona, e nei ana iloko o ka lewa holookoa.

 

MAHUKA.  Ma ke kakahiaka o ka la ewalu o Oct., ua haohao makou i kekahi waapa o makou, oiai, ma ka poe uo ko laua wahi i hoopaaia ai, a ua manao makou ua moku kona kaula i hoopaaia ai, a ua lilo la i ka moana, a ma ka au ia ana'ku e nana, aole i moku, e waiho ana no na kapa o ka poe hoe waapa, o na hoe, a me na pine, ua pau i ka laweia, a manao makou ua kii ia mai e ka moku, aka, i ka holo ana mai o ka moku o Capt. Hanvey i uka nei, hai mai aoa, ua mahuka kona mau sela elima, a akahi no maopopo ia makou na keia poe i lawe ka waapa hali lepo manu o keia Ailana.

 

Ua haalele mai ka moku Reynord i keia Ailana i ka hora 12 o ka la 12 o Oct., a e huli hoi aku ana ia ma na lae ino o Kepohoni, a ua haalele iho ia i kona mau heleuma e moe malie iloko o ka hohonu o keia Ailana.  ua lawe aku ia he 1500 tona, a ua lawe aku o Capt. Hanvey ia John Pake kekahi paahana o keia Ailana. a waiho mai i kona pake maanei.

 

Hoao E MAHUKA.  Ia Reynard i hook@@ia aku ai.  ua pee kekahi kanaka @@@@@ o ka moku, me ka manao e nalo. aole nae e nalo. ua hu@@@ na wahi a pau o ka moku. a loaa aku ia malalo ae o na k@@@ pra. a i kona loaa ana, ua like ia me ka mea i loaa i ka mai pake ka upehupehu o na maka.  O Kenoi kona inoa.  no Puueo Hilo Hawaii.

 

Eia iho na inoa o na kanaka hana o MeKeans, Island nei, i hoounaia mai e C.A. Williams. ka Agena ma ka moku Reynard.

 

Inoa                 Kahi noho                   Mokup.

Kaawailua,      no        Honolulu,        -           Oahu,

Kalili,              "           Hamakua,        -           Hawaii.

Puakea,            "           Mana,              -           Kauai.

Nahakuelua,    "           Kohala,            -           Hawaii,

Kookoo,          "           Kauunanui,      -           Niihau,

Kenoi,             "           Hilo                 -           Hawaii,

Dawida,          "           "                       -           "

Lonoakai,        "           Honolulu,        -           Oahu,

Kalia,               "           Hilo                 -           Hawaii,

Kekapa,           "           Wailuku,          -           Maui,

Mana,              "           Kau                 -           Hawaii,

Kekula,            "           "                       -           "

Aki,                 "           Honolulu         -           Oahu.

Piikahiolo        "           Kipahulu,        -           Maui.

Keawe,            "           Kukama.          -           Island.

Kale,                "           "                       -           "

Asamu,            "           Honokaona      -           Kina.

 

Ua ku mai o Kamehameha ma keia ailana, i keia la 9 o Oct., a maluna mai ona na lako ai o keia ailana.

 

Mau maka aloha e hoi ana.  Ma ka huli hoi ana aku o ka moku, ua hoi aku o Kamikuka ke alii o ka ailana nei, a me John Paniolo, a me Kale, a e ike aku ana lakou i ke kaona lai o Honolulu, kahi a ka hanohano i noho ai.  J.W. Molia.

 

Anemanu, Novemaba 9, 1868.

 

Naue ana e ike i ka mokupuni o Kaululaau.

 

[Ke koena keia o keia kumumanao]

 

I nana mai ka hia ia kai, ma o a maanei, he keu aku ka palahalaha maikai oia aina uuku a kekahi poe i hoowahawaha ai, a i aloha ia hoi e na kamaaina, a i mahaloia hoi e makou malihini o kuaaina.  O keia aina he aina maikai no ka hanai holoholona, no ka mea, he uliuli ke kula a me na kualono. I ke kiei halo ana i na kamaaina o laila, me he la o ka hapa nui o lakou ka i lawa pono i na pu-a pelehu, a o ke ola iho la no ia o ko laila poe, a e pau ai no hoi ko lakou mau pilikia ; a ia hona Lahaina i ka hao mai a ko Lanai mau kupueu me na hipa a me na kao, pau ka la makapehu ia, poha no lakou la i na palahaku hoi ana.

 

Ua like ka palahaiaha maikai o keia wahi me Kapapala, Keaiwa a me Waimea aina mauna i Hawaii, a me kauwahi o Hamakua aku.  Hala i hope ia wahi ia makou, holo pono aku i ke komohana hema, hoohihi aku la hoi i na hua panini i ka Ulalena a ka maka o ke Koolau iluna o na pepee, lele i lalo hooluolu i na lio, a paina wahi hua panini iho la ; a i walea loa ai no ko laila poe i ka inu panini i ka ka mea o ka nui o ia mea i laila.

 

"Hao ke Koolau pau na mea aloha, Haha hewa ana oe e hamo ai, Maleka i ke hoa la lilo, Miki ka ilio kahu ole na ka hemahema."

 

A hala he mau minute, pai ae la i na lio a pailaka pono aku la o P.K., ia makou a hiki ana i kona home ponoi ; hookipa kela a me kona ohana lokomaikai i na malihini hele nei, a walea wale iho no me na kamaaina, a lia wale iho, ke welo haaheo aku la ka la i ka ilikai, hoi mai la keia wahi malihini me kona aloha no na hookipa oluolu a P.K., a me kona ohana.  Moe iho la po a ao ae, puholo ka pelehu.

 

NO KE KAAPUNI ANA.

 

Ma ka Poaono la 14 o Novemaba.  Ia makou e holo la, ke i ae la no o Mr. P. "aohe loa o nei kula i ka hao a ka ihu lio."  Holo aku no makou ma ia kula a hiki pono i Keahiakawelo.  He wahi Kaulapa keia no ke puhi ia ana o ka lepo o Lanikaula, ka p@@@-ona o Molokai i ke au ia Nalowalekapo i hala aku la.  He ole hoi ia paka ona i nei Kamaeu, iliki ia ae ku na imu a me na ahua a i puhi ia ai.

 

Ma kai he kaolu, a ma uka a me ka aoao akau he ululaau i hoohanohano ia, ma o mai he mau ahu pohaku na ka poe malihini, a ke ku la ka makou mau ahu, papahi mai la hoi i na lei maile ma ka papale a me ka a-i. hao mai la hoi ana na a-i o na lio.  Oki pau ka hana i ke one kani o Nohili, i laila makou i puana like ae ai i ke kauwahi hua mele penei:

 

"Moani mai ke ala, Ala, Ala, Ke ala o ka maile, O Keahiakawelo nei."

 

Kau iluna o na lio, holo komohana hema aku ma ke kula e hiki ai i kai o Pulihua.  holo aku la makou iluna o na lehua o Malulani, ako kikepa ae la i na lehua uliuli, ulaula, a keokeo no hoi a ia wahine i kanu ai, i ka nana ana iho popohe lua i na kowa o na pohaku, i honi ae ka hie. paoa i kuu ihu i ka ua mea o ke ala.

 

I ho pono aku la makou ma ia lapa pohaku a hiki aku i ke kula.  Ia makou e iho nei ke hapakue nei na lio i ke a, hookele aku la hoi ko makou mau kapena kamaaina, na mea i maa i ka holo ana i na kai anu o Aukaki, a huhewa aku la ma kuaau, aole hoi ma kahia iu-a i ka holo mau ia e laua, nolaila i olelo mai ai laua, "I ko maua wa kamalii loa no la hoi, pau ka alo ana i keia kai anu, oiai ka wa e kau ana na niho, ua hele ae nei a kani moopuna, a akahi no a hoomaka hou e holo i ua kula nei."

 

Hou no hoi na kamaaina i ka laua la hou eku no hoi makou i ka makou eku, e ake o ka hiki i kai o Polihua.  Hele aku ia na kamaaina i ke au a ka Hewhewa.  holo @@@ makou i ka mal@ a ke'L@ hiki ana o Kuahewa.

 

Naku ae no ia i kana maka. naku ae no ia i kana naku.  Ke au-ku la ko'u wahi moku iluna @alo, i o ia nei, no ka mea. ua paa i ke au. ke pakuikui mai nei na ale hanupanupa o ka nahelehele kakou, a me na laalaau akokoko, a hiki ole i ka lio ke iho aku, a ke i hou ae la no o ua o Mr. Pa@@@opio.

 

"Opala keia kula paakiki, I kiani ia mai nei.  E na mama inu wai puakanawao, O ka uka olo o Harona."

 

Pela makou i naue ai a ku ana i kai o

 

POLIHUA.,

 

Kaulana keia wahi no ka nee o ka honu i uka, a hanau iloko o ke one a me ka pohuehue, aole nae hoi i hiki i ka wa hanau o ka honu, ma paha e hanau i na la hoi ua ike makou.

 

He wahi one palahalaha maikai keia, he pohopoho. a he loko-kai kekahi ; a wahi a ka lohe i kamaaina, aia k@ ka ike ia Polihua a lei i ka manewanewa. o ko makou ieie @@@@ iho la no hoi ia u-u e like me ka u-u ana i ka maile : i kau mai hoi ka hana i ka a-i, onaona launa ole mai i ke ala o ka hala o Panaewa, he ano like me ka rose ke aia. a o ka hao mai ia no ia kapalulu ana ma kahaone.

 

He nani hemolele maikai ia hele ana mai, he pae wale no ia holo'na mai a makou i ka pa a ka Maaa mahope, poho pono na peaheke, a hiki ana i Awalua.  He nani okoa no hoi ia, he awa ko moku o kai, he mau hale maikai no e ku ana ma kapakai, i laila makou i inu iho ai i ka wai opunui o Puako i Hawaii, me ka haawi aku i ke aloha no lakou, ulele mai no a hehi ana ia Paomai a me Awili.

 

He mau aina nui keia mai kahakai a kuahiwi, kiola ae la makou ia mau aina i hope, holo aku no a hiki i.

 

HONUAULA.

 

I laila ke keiki a ke aloha i noho ai o Mr. Palau, hookipa kela ia makou.  He alalaikaua oia no na hana pono ma ka uhane ma ia Kihapai o ka Haku, a he alihikaua no hoi e alakai ana i na wahi pulapula opio i koe malaila ; a pau ka paina ana me na pokehee, o ka hele ae la ia a lik@ @@@ kupalaka wahi a ka haole, nolaila i hoomanao ae ai au i kekahi mau wahi muliwai ma Asia, a i ole he kulanakauhale,

 

Palani laua me Walekau.  He palua a luna o ka lio. I ka pa iho a ka poke hee. Kokoni lua i ke kileo.

 

Ke haawi aku nei na malihini i na koana wai a ke aloha no na hookipa oluolu a Mr. Palau a me ko ka hale holookoa, ke wela aku la ka la i ka ilikai, kau iluna o na @@@ a holo aku.

 

Ka Luna Auhau o Kona Hema.

 

E KA NUPEPA KUOKOA ; ALOHA OE :

 

E ahonui oe e hoike aku i ka haua a ka Luna auhau o Kona Hema, Hawaii, i ike mai hoi na hoa a pau  e lawe ana i kou kino.

 

O ka inoa o ko makou Lunaauhau. o M. B., he hapa haole, nona na makahiki he aneane kanakolu.  Ua ike iho au i kona hele aua mai ma ko makou wahi, ma Kapaliloa. ma ka malama o Oct. mamuli o ka oihana i loaa ia ia mai ke Aupuni mai. oia a me J.Z. Waiau. ka Lunakanawai Apana o Kona Akau ; (he makuahonowai nona.) A i ko'u ike ana aku ia laua, hophopo mai la ka naau, me ka olelo iho iloko o'u, o ka wa no ka paha keia e hoopai ai ke kaa ole ka auhau, eia ka L.A. la me ka L. K. A., makehewa nae ia manao ana o'u.  Eia ka he Kakauolelo ka makuahonowai. (o ko'u ana kuaaina no hoi paha ia.)  A o ka ka hunona hoi. he kolikoli pepee paka wale no, pua no nae ka uahi a ke taata Nuuhiva.  A i ka Poaha hoi o ka pule mua o Nov., hele aku makou e hookaa auhau ma ka hale o ua L. A. nei. Halawai e aku la makou me Kekumano o Napoopoo, olelo mai ana oia ia makou, e hoi, aole keia o ka la hookupu auhau, no ka mea, ua hoi o Waiau i Kailua i Elua wale no la e ohi ai i ka hebedoma, o ka Poalua, a o ka Poaono, oia na la e hele mai ai o Waiau, pela kela e olelo mai nei.  O ko'u pane aku la no hoi ia ; o Waiau ka ka L. A., ka moa o M. B., ka mea i kepaia ma kahi o K. Kamauoha, hai ia mai ana e kekahi me e aku ; aole ka e hiki ia M. B. ke kakau pono, o upa ia ka e ke au a hookokoke aku i Kapakai, a pae aku i Kapua.  o ko'u kahaka iho la no ia, me ka hoopaka koke ae i keia mau hua olelo ; Kupapaha I Kupanehe II Kupanihi !!! no ka hoi ua kanaka opiopio.  Aole ka e hiki ke hana, na ka elemakule ka e hana, a e hooponopono ka Buke o ke Aupuni.  Ua ike no hoi paha aole i maamaa i ke O aua o ke Kohola ; kepa keia ma ka noho O l-a, i noho nae paha ma ka puka Ka-e-le-iki.  I hele aku la ka hana i ka moana, a laa ka hoka la.  E hele hookahi i ka moana, aole ka makuahonowai ina la ua pa i ka hiu o ke Kohola Hamapaika, hoi Kuapuu la i ka Home.  E ole na lima palupalu o ka makuahonowai, pakele ke ola.  I hea la keia taata kahi i kepaia'i?  i Hivaoa paha.

 

No oukou no hoi kekahi, e na Kapena, (na Poo Oihana Aupuni.) he mea ninau no hoi paha i ke ano, a me ka makaukau o ua o i ala e malama i ka Oihana L. A. i ka poe kamaaina oia wahi, i maopopo ai. ina la ua hai ia'ku oukou.  He kipuka ili ka mea makaukau a keia taata.  Eia ka o ke koho mai nei no ia i ka makapowehiwehi i L. A. E ole no nae ko ia nei makuahonowai, loaa ke ko o-ko-o, pakele ai mai paholo i ke meki.  Haalele ia ae no o K. Kamanoha, ka mea i kuliu i ka ike, i hiki ai ke hele me na lima elua, a o i ala hoi, eha lima ke hele mai.  Oia mea kupanaha aku no ia i na Poo Oihana Aupuni ; ma ke Au Okoa hoi o K. Kamauoha ka L. A. o Kona Hema, a i hele mai hoi ka hana e ohi, eia ka o ke keiki oki wahie o Keopuka ka L. A., ka inoa hoi i Mana kahi e ahu ai o Kupanaha ; Eia no ka hoi i Honolulu kekahi ; a i Kona Hema hoi, ka inoa hoi i Kualoa kahi e hoolalau ai ke aloha, a pii hewa iluna o Kanehoalani.  Eia iho no ka hoi i na Poo Oihana Aupuni kekahi.

 

Auhea oukou e o'u hoa opiopio ; mai hoopalaleha i ka imi ana i ka naauao, e imi mua nae i ke kumu, (ka makau ia Iehova) a loaa, mai hoi hope.

 

Nou ke aloha, a no kou Luna Hooponopono, a me na keiki hoonoho hua.  Ke hoi nei ke keiki o Kapalilua me na kamaa la-i.  Kapalilua.

 

Dec, 11, 1868

 

O.H. KEAHILELE.