Ka Nupepa Kuokoa, Volume VII, Number 26, 27 June 1868 — Page 4
KE KUOKOA, HONOLULU, IUNE 27, 1868.
Ka Nupepa Kuokoa.
"Come ye Disconsolate."
-
1. E na kaumaha, e, euwe eha ana.
Hele a kulou pu i ke Lii mau,
Iaia la e kai ai na naau eha.
Nana e hoona ae, a maha no.
2. Lai no ka poe auhee, ao no na auwana.
Koo no na mihi nei, paa no a mau,
I olu mai Iesu. leo hoolana.
Na'u no e hoona ae, a maha no.
3. Eia ka mane ao; wai puai mai la
Mai ka noho o ke Lii, wai maemae no;
Hele, o hele pu ia ahaaina,
Pau na kaumaha, e, a maha mau.
HAWAII.
-
"On ward go."
-
1. Luuluu kuawili no
Ka haipule ma ke ao;
Nauwe nae a paio pu
Ma ka mana o Iesu.
2. Nauwe aku, nauwe mau
Mai nei aka i ke ao;
Paio a hoomaka e,
Houhou i ka enemi.
3. Oli lana, mai kulou,
Iesu ka palama mau.
E kahikoia no
I ka lole kaua ao.
4. Mai pauaho, mai manao,
Loa e ka paio o'u;
Lanakila ke hoomau,
Wainohia me Iesu.
5. Mai niua i ka uwe,
Ane pau na luuluu nei,
Mai haikea i na makau,
Iesu no ke kokua mau.
6. Nauwe aku, paio mau,
Hehi a pepe ke ao;
Na Iesu e haawi mai,
Ko ka lani lei maikai.
HAWAII.
-
HE MELE KOIHONUA NO
Ahukai Kauukualii.
-
Na Kahekili wahine me Kailinaoa i haku.
-
Ua hanau o Ahukai Kauukualii i ka makahiki 1792, ma Keoneoio, Honuaula, Maui. O Kailinaoa Kahekili Ahumanu ka makuahine, a o Manono Kauakapekulani ka makuakane:—He mau moopuna laua a elua na Kekaulike ka Moi kapu o Maui.
Ua make o Ahukai Kauukualii ma Apua, Honolulu, Oahu, i ka malama o Aperila, i ka makahiki l855.
-
26. Na Ewa o Laakona Kaikimua,
Na kanaka i Poihale o Palekaluni,
He ahi hoomau ka Palena,
He ahi kapu mai ka Kalona,
Oia wale no ia i kana ahi ke a,
O ke ahi kapu he hoaka ole,
27. O ke ahi kapu oni o Ku,
Ke a la i Kauluwela,
Makau aku na'Lii i kona kapu,
He kapu aku na'Lii he mea weliweli,
Na pali kapu o Waakoihi,
O Kaipahu, o Lononuiakea,
28. O ka maka o Kauakahi nui a Kuihewa,
O Kaneikauaiwilani,
O Kuaanauakana,
O ku ka pukoa i kai,
Ka pukoa ku i ka haoaoa,
Ka pukoa ku i ka pap akoa i kai,
29. Ka pukoa ku i ka aaka,
Ka pukoa ku i ka halelo,
Ka pukoa ku i na moku,
Ka hale o ka mano i noho,
E ka ia nui o Kunuiakea,
Na Kunuiakea ka Kaweloaihele,
30. O Kuakane o Kaneiakama,
O ko oukou maka o Kauluua he Ohukini,
O Laa o Laa o Kupihea,
Na Laa ka pulupulu lauoho kanaka,
O Kaneahoa i ka lani,
O Wakea Kupopoopuu ka honua.
31. O Kalaninuimalokuloku,
Haaloloku ka na mai ka lani,
Ko pueeke eeke eeke e kiieeka,
Ka pakapaka pakapakaku,
Ka pakaku o ka ua lohi maka,
O ka maka o Lono,
32. O ka haku i ka lani,
Ke hauna nei la iluna,
Ke mahoahoa ae nei la iluna,
O ke kukuna o ka la, he ahi,
Ua wela kaulu o Kahiki,
I ke alii e hiki mai nei,
33. Hiki hanee ia Kamea,
O ko weke o malamalama.
Malamalama o Hanakaulua,
Akaka wale o Hanakaulani,
He hauli lele i ke ahiahi,
Kulia molia ka moku Oahu,
34. A noho i kahua o Laulialaa,
Hookani Laa i kana pahu,
Kani mai ka leo o ka pahu o Hawea,
Kani Hawea i ke ahiahi,
I ka ulu ohi ana o ka pewa o ke ao,
Ka manawa kani nui ia o ka pahu.
35. Loiloi, loiloi kani ka halale,
Kani ka halale kupekupe,
Loiloi kahalale, kaai kahalale,
Ouou ka leo o ka pahu Oopuku,
Na Kalanimakua, na Kaihukanamee,
Na laua ia pahu ke kani nei.
36. Kani mai o Opuku,
Ka pahu aina moku,
O Kamahano ia o Ahukinialaa,
O Keamomakea, ka moku ka honua,
Ke au moku o Ku, ke aina nei,
Aina aku Ku o ka moku.
37. Maona Ku i ka ai ana i ka aina,
Piha i ke kapu o Liloa o Umialiloa.
Hohonu i ke kapu,
O Kalanikuihonoikamoku-e-o-
O ka imi lani eiwa lau o Haho,
O Haho a Mano o Auninikalani,
38. O ka newa o Hai o Nanaulu Kaaala,
O Kama o Kihi Kamakapu Kauhoa,
O ke alii nona uka o Holoholoku,
O ke ku ka lani, Kaioe ka manu,
Ena ka aukai pali hulaana o Kalalau.
He ako pua naenae no Waialoha.
39. O ka lani hai i kaona ino,
O ka pali o Hoohila,
O ka nahau ai i papala ka io.
Ka ia i ka nae.
Holua mai Kawelo ka wai o Luhi,
Hoi aku la o Kauai nui o Mano.
40. E ola Wailuanuiahoano,
E kala e Wailua, e pale opua.
Ola ke ahua moku o Kahinalalo.
Ola ka hinahina u o Konaanuhea.
Ola aku la Hawaii nui Kuakamau,
Ola Maui moku ahua i ka makani.
41. He makani kalaua, ola e Kalani,
Ola Ewa ka ea a Kaneluhonua,
Aole mai ka haku manawa au kapu.
Mai ke ake kapu o Manokalanipo,
Loaa ka haku ka io koko o Lono,
I hanau ma ka hono o ka Luahine.
42. Hemo pono ma Kapuolaniakea,
Anoano Puna ke keehi ia Kalani,
Ke haki a ka iwa ka lala haki,
Kani Kihapu kahea i Kauai,
Kukulu a ka hale kamauliola,
Ola aku la i ka noho ana
43. A kuu lani,
O ka Lani o Waka ka ka ilaila,
O Waka o ka wahine i ka pukui,
Ola kapakapa kau alii,
Hai ia aku e ka la i lono ia,
Ua kupo Hilo ke poo wai o Kona,
44. O ke oki lani ma ko Haho a Palena,
O ke kahiko poowai o Kuaikua,
He uka waena, he kai kela uka,
O Kalani o Kakae a Kahekili,
Ka wauki kilohana wale iho,
Ka mala aina ole ia e ke pai,
45. Nana hoi Kalani nui Kuiapoiwa,
Ka makua—ka makua-
Ka makuahine—
Loaa mai na punua alii,
O ko Kalani kino hou no,
Ua maalili Kalani kane mamua,
46. Ua mokoli mohai mai nei,
Pau ka awaawa o ka mulemulea koe,
O ke au iki o ke au awahia o Kalani,
Na Kamaunuihalakaipo na,
Na ka pua hoi o ke kahulihuli,
Kahuli Puna Mooiliula.
47. Me he haili la ka uka o Mailehuna,
Ke nana iho la ia lalo o Wailua,
Ke kahea iho la, pa koolau-e—
Mai kolohe oe a eha i kuu aloha-e-
E i ae ke kanaka he hepa no ka moku,
Uuku ke kino lana me ke olai,
48. Mama i ka hapaiia e ke ea,
I ke keha a ka leo a mai hina,
E waiho e ana loko i ka manao,
Ku heleloa ke kanaka i ka huhu,
Ia paka wahi a makemake ole,
Haawia'ku kau e ka hilahila.
(Aole i pau.)
-
Ka Moolelo o ka Ahaolelo Euanelio
o Hawaii, A.D. 1868.
-
Honolulu, Iune 1, 1868.
Halawai ka Ahahui Euanelio Hawaii ma ka halepule o Kawaiahao ma ka hora 11 A.M.
Kohoia o Rev. C.B. Aneru i Lunahoomalu. Kohoia o Rev. H.H. Pareka i Kakauolelo, o Rev. J.H. Moku i Kakauolelo kokua.
Komite Imi hana—Rev. L.H. Kulika, Rev. E. Bona, Rev. Z. Poli, kohoia i mau Hoakuka, o W.L. Moehonua, D. Aumai, H. Aea.
Hooholoia. E hookaawaleia i hapalua hora haipule i kela a me keia la.
Hoolohe ka Aha i na manao paipai o Rev. J.W. Kaiwi o Nuuhiwa mai.
Manao ka Aha e mahalo a hoomaikai aku i ke Akua, no kona malama pono ana i ka moku Misionari Hoku Ao, a me ka Elele i hoouna ia e nana i na hana ma ko Nuuhiwa Pae Aina. Na Rev. B.W. Pareka ka pule hoomaikai.
Hoopanee ia ka halawai a ka hora 1 P.M. apopo. Pule o Rev. A.O. Polepe.
Halawai ka Aha awakea hora 1 P.M. Pule o Rev. A. Pali.
Hooholoia. E kahea ia ka inoa o na lala a pau o ka Aha i kela a me keia wa halawai.
Hoike mai ke Komite imi hana i kona makaukau e waiho mai i na kumu hana imua o ka hale.
Lawe ia ka hoike a ke Komite i kohoia i kela halawai, e hoomakaukau ai mau rula hooponopono hana.
Hooholoia. E haawi ia na kope o ka olelo hoike a ke Komite i na lala o ka Aha.
Hoolohe ka Aha i na hoike kihapai.
Heluhelu o Rev. T. Koana i kana palapala hoike kihapai o Hilo Waiakea.
Heluhelu o Rev. T. Pohano i kana hoike kihapai, o ka Ekalesia o Hakalau.
Heluhelu o Rev. H.K. Pahio i kana hoike kihapai o Onomea.
Heluhelu o Rev. Makuakane i ka hoike o ke kihapai o Opihikao.
Heluhelu o Rev. J. Hanaloa i kana palapala hoike kihapai.
Heluhelu o Rev. S. Kamelamela i kana palapala hoike kihapai o ka Ekalesia o Hamakua Hikina.
Heluhelu mai o Rev. J. Pikanele i kana palapala hoike, kihapai o ka Ekalesia o Hamakua W.
Heluhelu o Rev. J.H. Moku i ka hoike kihapai a Rev. S. Kukahekahe o Hamakua Komohana.
Heluhelu o Rev. S.C. Luhiau i ka hoike kihapai o Kohala K.
Heluhelu o Rev. E. Bona i ka hoike kihapai o Kohala A.
Heluhelu o Rev. A. Pali i ka hoike kihapai o Kohaia H.
Heluhelu o Rev. J.H. Moku i ka hoike kihapai a Rev. L. Laiana o Waimea.
Hoopanee ia ka halawai apopo, hora 9 A.M.
Kawaiahao, Poalua, Iune 2, hora 9 A.M.
Halawai ka Aha. Pule o N. Pali, Heluheluia ka moolelo a hoapono ia.
Kohoia ka Mea Hanohano P. Kanoa i hoa kuka no ka Aha.
Heluheluia ka Palapala a ka Papa Misionari o Amerika i na makua Misionari ma Hawaii nei.
Hoike mai ke Komite imi hana i na lala o kela a me keia Komite.
Komite haipule—Rev. L. Kamika, Rev. H.H. Pareka, Rev. L.H. Kulika.
Komite no ka Palapala Hoike makahiki o ka Aha—Rev. E. Bona, Rev. J. Manuela, Rev. S.C. Luhiau.
Komite no na Papa Helu o na Ekalesia— Rev. J. Pikanele, Rev. J.N. Paikuli, Rev. A. Pali.
Komite Pai moolelo—Rev. A.O. Polepe, Rev. L. Kamika, O.H. Kulika.
Hoolohe ka Aha i na hoike kihapai— Heluhelu o Rev. G.P. Kaonohimaka i ka hoike kihapai o Kekaha, Koaa Akau, Hawaii.
Heluhelu o Mr. Kekea i ka hoike kihapai o Helani, Kona Akau, Hawaii.
Heluhelu o Rev. J.D. Parisa i ka hoike kihapai o Kealakekua, Kona Hema.
Heluhelu o Rev. J.H. Moku i ka Rev. J. F. Pogue hoike kihapa o Waiohinu, Kau, Hawaii.
Heluhelu o Rev. S.W. Papaula i kana palapala hoike kihapai o na Kapalilua, Kona Hema.
Heluhelu mai o Mr. Kahalelaau i ka Rev. J. Kauhane hoike kihapai o Kapaliiuka, Kau, Hawaii.
Hoike mai o Rev. D.B. Laimana i ke ano o ke kula hanai o Hilo.
Heluhelu o Rev. P.W. Kaawa i ka hoike kihapai o Kaupo, Maui Hikina.
Heluhelu o Rev. D. Puhi i ka hoike kihapai o Kipahulu, Maui Hikina. Heluhelu o Rev. D. Puhi i ka hoike kihapai o Hana, Maui Hikina. Heluhelu o Rev. S. Kamakahiki i ka hoike kihapai o Koolau, Maui Hikina.
Hoopanee ia ka halawai a ka hora 1 P.M. Pule o Rev. J.W. Kamika.
Hora 1 P.M.
Halawai ka Aha. Pule o Rev. A. Kaukau. Heluhelu o Rev. J.H. Moku i ka Rev T.G. Katina hoike kihapai o Wailuku, Maui.
Heluhelu o Rev. L. Kamika i ka hoike kihapai o Kaumakapili.
Heluhelu mai o W. Kahookaumaha i ka hoike kihapai o Kaanapali.
Heluhelu mai o Rev. N. Pali i ka hoike kihapai o Lanai.
Heluhelu o Rev. A. O. Polepe i ka palapala hoike kihapai o ka Ekalesia o Kaluaaha, Molokai.
Heluhelu o Rev. J.N. Paikuli i ka hoike kihapai o Waialua, Oahu.
Heluhelu o Rev. Kauaohilo i ka hoike kihapai o Hauula.
Heluhelu o Rev. E. Kekoa i ka hoike kihapai o Waikane.
Heluhelu o Rev. J. Manuela i kana hoike kihapai o Kaneohe.
Heluhelu mai o Rev. S. Waiwaiole i ka hoike kihapai o Waimanalo.
Heluhelu o Rev. S.N. Kaholokahiki i kana hoike kihapai o Wailupe.
Heluhelu mai o Mr. Palapala i ka hoike kihapai a Mr. P. Kapohaku o Kalihi me Moanalua.
No ka Nupepa Alaula, me ke ano o ke kula kaikamahine o Waialua, Rev. O.H. Kulika.
Heluhelu o Mr. Papalimu i kana hoike kihapai o Waihee, Maui.
Heluhelu o J.M. Kealoha i ka hoike kihapai o Waioli, Kauai.
Hoike mai ke Komite imi hana i na lala o ke Komite—No na kula la o ke Aupuni.
Komite no na kula la o ke Aupuni—Rev. J.B. Parisa, Rev. A.O. Polepe.
Komite hoike manaoio—Rev. W.B. Pareka, Rev. J.W. Kamika, Rev. T. Koana, Rev. W.P. Alekanedero, Mr. A. Wilikoki.
Komite no ka nele i na paahana o ka Oihana Kuloko a Kuwaho— Rev. E. Bona, Rev. H. Manase, Rev. S.W. Papaula.
Komite no ka hoolaha ana i na buke a me na nupepa—Rev. A.O. Polepe, Rev. S.C. Luhiau, Rev. E. Helekunihi.
Komite no ka noonoo ana i na pilikia o ko Kau poe—Rev. T. Koana, Rev. A. Pali. Kahalelaau.
Komite no ka pono a kakou e hana aku ai i na Pake—Rev. J.D. Parisa, Rev. J. Manuela, Rev. A. Kaukau, S.P. Ahiona.
Komite no na kahua luakini me na kahua hale o na Kahunapule—Rev. J.N. Paikuli, Rev. P.W. Kaawa, Rev. G.P. Kaonohimaka.
Hoopanee ia ka halawai apopo, hora 9 A.M. Pule o D.P. Aumai.
Kawaiahao, Poakolu, Iune 3, 1868.
Halawai ka Aha. Kohoia o Rev. J. Pikanele i Lunahoomalu a hiki mai ka Lunahoomalu mau. Pule o Rev. G.P. Kaonohimaka.
Heluhelu ia ka moolelo, a hoapono ia, me na hooponopono.
Koho ia o Mr. Kaluaahi a me Hon. 1. Ii i mau hoakuka no ka Aha.
Heluhelu mai o Rev. J.H. Moku i ka hoike kihapai o Olowalu, Maui.
Heluhelu o Rev. D. Balauina i kana hoike kihapai o Lahaina.
Heluhelu o Rev. H.H. Pareka i kana hoike kihapai o Kawaiahao.
Heluhelu o Rev. A. Kaoliko i kana hoike kihapai o Waianae.
Heluhelu o Hon. I. Ii i kana hoike kihapai o Ewa.
Heluhelu o Rev. E. Helekunihi i kana hoike kihapai o Koolau a me Anahola, Kauai.
Heluhelu o Rev. J.W. Kamika i kana hoike kihapai o Koloa, me ka moolelo o ka Ahahui o na Ekalesia o Kauai.
Heluhelu o Rev. A. Kaukau i kana hoika kihapau o Waimea.
Heluhelu o Rev. S.D. Kupahu i kana hoike kihapai o Niihau.
Heluhelu mai o Rev. D. Dole i kana hoike o ka Ekalesia haole o Koloa.
Hoakaka mai o Mr. A. Wilikoki i ke ano o ke kula o Waioli.
Hoike mai o Rev. T. Koana i ka olelo hoike o ka Ahahui o Hawaii Hikina.
Hoopanee ia ka halawai a ka hora 1 P.M. Pule o I. Ii.
Hora 1 P.M.
Halawai ka Aha. Pule o J. Manuela. Heluhelu mai o Rev. S.W. Papaula i ka hoike o ka Ahahui Euanelio o Hawaii Komohana.
Heluhelu mai o Rev. J.W. Kaiwi i kana hoike kihapai o Omoa, Fatuhiwa.
Hooholoia. E hoolohe ka Aha i na olelo a Mr. D.P. Aumai me Mr. H. Aea no Maikonisia, aole nae e oi ae ka laua kamailio ana i ka 10 minute a ka mea hookahi.
Heluhelu mai o Rev. H. Binamu i kana hoike no Maikonisia a no na hana e ae, ma ka olelo haole, a unuhiia ma ka olelo Hawaii e Rev. A.O. Polepe.
Hoopanee ia ka halawai apopo, hora 9 A.M. Pule o Rev. S. Kamakahiki.
Kawaiahao, Poaha, Iune 4, 1868.
Halawai ka Aha. Pule o Rev. S.C. Luhiau. Heluhelu ia ka moolelo a hoapono ia.
Heluhelu o E.O. Holo, ka Puuku o ka Papa Hawaii i kana hoike makahiki.
Lawe ia ka hoike a haawi ia i ke Komite—Rev. O.H. Kulika, Hon. I. Ii, J. Kauai. Heluhelu mai o Rev. L.H. Kulika i ka hoike makahiki a ka Papa Hawaii.
Lawe ia ka hoike a haawi ia i na Komite Elua.
Komite no na hana Kuloko—Rev. D.B. Laimana, Rev E. Kekoa, Mr. A. Halulu.
Komite no na hana Kuwaho—Rev. H. Binamu, Rev. J.W. Kaiwi, Rev. A. Kaukau. Mr. H. Aea.
Hooholoia. E hoohuipuia ka heluhelu ana i na hoike kihapai o na hana Kuwaho a Kuloko imua o keia Aha.
Heluhelu mai o J.H. Moku i ka olelo hoike a ka Ahahui Luhakahiko o na mokupuni o Maui.
Heluhelu ia ka palapala a Miss Lilia Binamu e noi ana i na lala o keia Aha, ina he mea oluolu ia lakou e hele aku e nana i ka hoike kula o ke kula kaikamahine o Kawaiahao nei i ka Poakolu la 10.
Manao ka Lunahoomalu e waiho i ka noonoo ana no keia palapala a hiki mai ka palapala o ka hoike o Kapunahou, alaila, noonoo pu.
Hoopanee ia ka halawai a ka hora 1 P.M.
Hora 1 P.M.
Halawai ka Aha. Pule o Rev. S.D. Kupahu.
Hooholoia. E noonoo ka hale no ka hoolaha ana i na buke a me na nupepa.
Hoakaka mai o Kauka Kulika i kona manao no keia hana nui o ka hoolaha ana i na buke a me na nupepa.
Wehewehe mai o Rev. S.C. Luhiau i kana mau hana akamai ma kona kihapai no ka hoolaha ana i na buke a me na nupepa.
Pela o A. Pali o Kawaihae, Mr. Ahiona a me O.H. Kulika.
Heluhelu mai o Rev. E. Bona i ka olelo hoike a ke Komite no ka Hooponopono ana i ka Buke Lawe Lima.
Hooholoia. E lawe ka hale i ka Buke Lawe Lima, a e hoapono me na hooponopono a ke Komite.
Hooholoia. E kauoha ia ka Papa Hawaii e pai ia i e 500 o ia Buke.
Hooholoia. E kapae ia ka inoa Buke Lawe Lima, a e kapaia he buke hooponopono i na Ekalesia malalo iho o ka Ahahui Euanelio.
Noonoo hou ka hale no ka hoolaha ana i na buke a me na nupepa.
Hoakaka mai ka Lunahoomalu i kona manao no keia mea.
Kamailio hou o S.P. Ahiona no keia mea, pela o Luhiau, O.H. Kulika.
Hoopanee ia ka halawai apopo, hora 9 A.M. Pule o A. Halulu.
Kawaiahao, Poalima, Iune 5, 1868.
Halawai ka Aha. Heluhelu ia ka moolelo a hoaponoia.
Heluhelu mai o Rev. T. Koana i ka olelo hoike a ke Komite no ka noonoo ana i na pilikia o ko Kau poe.
Lawe ia ka olelo hoike, a noonoo pakahi ia na Pauku, a hooholo ia mai ka mua a ka hope, me na hooponopono.
Heluhelu mai o Rev. J.D. Parisa, i ka hoike a ke Komite. No na hana pono a kakou e hana aku ai i na Pake.
Noonoo ia ka olelo hoike, a hoapono ia mai ka mua a ka hope, me na hooponopono.
Komite hooponopono i na rula—Rev. E. Bona, Rev. J.D. Parisa, Rev. M. Kuaea.
Heluhelu mai o Rev. J.N. Paikuli i ka olelo hoike no na kahua luakini me na kahua hale o na Kahunapule.
Lawe ia ka hoike a waiho ia imua o ka hale.
Hoopanee ia ka halawai a ka hora 1 A.M. Pule o Rev. J. Hanaloa.
Hora 1 P.M.
Noonoo ka hale i ka olelo hoike, no na kahua luakini me na kahua hale o na Kahunapule.
Hooholoia. E hoihoi hou ia keia hoike i ke Komite, e huipuia ka inoa o Rev. T. Koana me keia Komite.
Heluhelu mai o Rev. L. Kamika i ka moolelo o kona holo Elele ana na ka Papa Hawaii i ko Nuuhiwa Pae Aina.
Ma ia moolelo, ua kauoha ka Papa Hawaii ia Mr. Laioha a me kona ohana e hoi mai i Hawaii nei.
Ninau aku ka hale ia Kauka Kulika i na kumu a ka Papa Hawaii i manao ai he pono ia Mr. Laioha ke hoi mai.
Hoakaka mai o Kauka Kulika i na kumu o ko ka Papa Hawaii manao ana, he pono ia laua ke hoi mai i Hawaii nei.
Hoike mai o L. Kamika, komite haipule, no na hana a ka la Sabati penei:
Na Rev. S.W. Papaula e hai aku i ka olelo no ka Oihana Kuwaho ma Kawaiahao ma ka hora 3 1/2 P.M. o ka la Sabati.
Na Rev. L.H. Kulika e hai aku ma ka olelo haole ma ka luakini o Kaukeano ma ka hora 7 1/2 P.M.
Hoopanee ia ka halawai a ka Poakahi, hora 9 A.M. Pule o Rev. A. Kaukau.
Kawaiahao, Poakahi, Iune 8, 1868.
Halawai ka Aha. Heluheluia ka moolelo a hoaponoia.
Komite no ka noonoo ana i mau lala no ka Papa Hawaii no keia makahiki—Rev. J. D. Parisa, Rev. S.E. Bihopa, Rev. D. Dole, Rev. H. Manase.
Heluhelu mai o Rev. S.E. Bihopa i ka hoike makahiki o ke Kula Nui o Lahainaluna.
Heluhelu maio Rev. H.H. Pareka i ka hoike a Rev. J.P. Green, no ke ano a me ka noho ana o ke kula kaikamahine o Makawao a me kana mau hana e ae.
Heluhelu o Rev. J. Waiamau i kana hoike kihapai o Lihue, Kauai.
Heluhelu o Rev. H. Binamu i ka olelo hoike no ka Oihana Kuwaho.
Lawe ia ka hoike a hoaponoia.
Hoike mai o Rev. J.D. Parisa i ka makaukau ana o ia Komite e hoike mai i na lala o ka Papa Hawaii.
Kohoia o Rev. L.H. Kulika i Luna kakau leta na ka Papa Hawaii.
Kohoia o E.O. Holo i Puuku Dala.
Kohoia o Rev. A.O. Polepe, Rev. J.D. Parisa, Rev. B.W. Pareka, Rev. E. Kowini, Rev. J. Waiamau, Rev. H. Manase, Hon. John Ii, Major W.L. Moehonua, i mau lala no ka Papa Ekolu i puka iho nei.
Hooholoia. E hoopanee ia ka halawai a ka Aha i ke ahiahi Poalua, no ka pii o na lala i ka hoike o ke kula o Kapunahou.
Heluhelu o J.W. Kamika i ka hoike a ke Komite no ka hoike manaoio.
Lawe ia ka hoike a hoaponoia me na hooponopono o ka buke hoike manaoio.
Hooholoia. E kauohaia ka Papa Hawaii e pai i 500 o ka hoike manaoio i hooponoponoia.
Heluhelu mai o T. Koana i ka hoike no na kahua luakini a me na kahua hale o na Kahunapule.
Noonoo pakahi ia na Pauku, a hooholo pakahi ia me na hooponopono.
Hoopaneeia ka halawai a ka hora 1 P.M. Pule o Rev. J.W. Kaiwi.
Hora 1 P.M.
Halawai ka Aha. Pule o Kauaohilo. Heluhelu o A. Halulu i ka hoike no ka Oihana Kuloko, lawe ia ka hoike a hoaponoia.
Heluhelu mai o Rev. H. Manase i kana hoike kihapai o Honuaula, Maui.
Heluhelu mai o O.H. Kulika i ka hoike, no ka hoike makahiki a ka Pauku o ka Papa Hawaii.
Lawe ia ka hoike a hoaponoia.
Kohoia o L.H. Kulika, J.W. Kaiwi, D. P. Aumai, H. Aea i Komite no ka noonoo ana i kahua luakini me na kahua hale noho o na Kahunapule o ka Oihana Kuwaho.
Heluhelu mai o E. Bona i ka hoike. No ka nele i na paahana ole, no ka Oihana Kuwaho.
Manao ka Aha e pono ia W.P. Alekanedero me S.E. Bihopa ke hoakaka i ko laua manao no keia mea.
Lawe ia ka hoike a hoaponoia.
Hooholoia. Na kela a me keia Aha mokupuni e hookama mua i mau keiki na ia mau Aha, a mahope hookomo aku i ke kula kahunapule o Wailuku.
Hooholoia. E hoomakaukau ka Papa Hawaii i mau Buke Ekalesia i pai hakahakaia, i hoohalike ia me ka Papa Helu o keia Ahahui a me ka Buke Hooponopono Ekalesia, a kuai aku i na Ekalesia.
Heluhelu mai o E. Bona i ka olelo hoike no ka hooponopono ana i na rula. Hoapono ia ka olelo hoike.
Hoakaka mai o L. Kamika ke Komite haipule penei: E hookaawale ia ka hora 2 P.M., o ka Poaha, i manawa haipule, a e malama pu ia ka ahaaina a ka Haku ia manawa.
Hoopanee ia ka halawai apopo, hora 9 A.M. Pule o Rev. H. Manase.
(Aole i pau.)
-
Ka Moolelo a Rev. L. Kamika, ka
Elele o ka Papa Hawaii, i na
Misionari ma ko Nuuhiva
Pae Aina, M.H. 1868.
-
[Koena mai kela pule mai.]
A makaukau o Mr. Hapuku i ka hora 4 1/2, hele makou me ka manao e hoi aku i ka moku, aia hoi he loihi aku ia. Ua holo nae makou a po e ka la, pilikia; nolaila, hoi makou mauka e moe ai; a wanaao, e holo hou a kau i ka moku. Kuka makou no ka pilikia i ka nalu a me ka ukana ma ka waapa; a ua hooholoia ka manao, e moe kekahi ma ka waapa; e hana paa iaia i ka heleuma pohaku; a o ka nui, e holo lakou iuka e moe ai. He po maikai no ia, maikai ka mahina, ua mehana, malie a ua ole. Nolaila, owau a me Kauwealoha ka i ae e moe ma ka waapa; elua luina haole hoi kai moe ma ka waapa, malalo o ka pea makou ia po.
A i ka hora 5 wanaao, hoi mai kanaka mai uka a hoala mai ia makou. Ua huki makou i ka heleuma, a nee hope iuka, a loaa mai i kela poe, alaila, holo aku la i ka moana; a puka mai ka la, ua ike aku makou i ka moku, aia 5 a 6 paha mile ka loihi. Ua hoe aku paha elua mile, alaila kukulu i ke kia a wehe i ka pea, aole i liuliu ike ia mai makou, a holo mai ka moku, a kau makou i ka hora 8, alaila, holo aku la makou i Fatuiva.
Ma ka hora 2 ahiahi, ua kokoke makou o Omoa, aka, no ka lauwili ana o ka makani, aole i hiki aku i kahi e ku ai ka moku, a po e iho la ka la. Alaila, haule ka heleuma, haule na pea, a po ka la ia minute hookahi. He umi na la mai Uapou mai a hiki i o Omoa nei.
POAKAHI, MEI 11—AHAOLELO.
I keia kakahiaka, ua laweia ko Mr. Kaiwi waiwai makahiki iuka, a me na mea e ae e pono ai ka Ahaolelo.
A pau ko makou paina awakea, ua halawai a hoomaka i ka hana o ka Ahaolelo.
Kohoia o Rev. J.W. Kaiwi i Luna Hoomalu, a o Rev. J. Kekela i Kakauolelo. Ua koho mai ia Rev. L. Kamika i hoa kuka no keia Ahaolelo.
Ua heluhelu ia ka Palapala Nui mai ka Papa Hawaii mai e ke Kakauolelo. Alaila, ua hooholo hou, ka manao, e heluhelu hou i ua Palapala Nui la, a e kuka pu ka Aha no kela mea keia mea i kakauia ma kela Leta.
A he loihi ke kuka ana no keia palapala. Eha halawai okoa ana, a ekolu hora no kela a me keia halawai ana, oia paha ka manawa i lilo no keia Leta Nui. A o ka hope o na hana, ua kakau ia ma ka moolelo a ke Kakauolelo.
Ua noi mai nae ka Aha i ko oukou Elele, e kakau hoi, a e hoakaka i ka Papa Hawaii i kekahi mea pohihihi, a maopopo ole ia lakou.
POAKOLU, MEI 13.—HOIKE KULA.
I keia kakahiaka, ua lilo i ka hoike kula ma o Omoa. He 36 na haumana i hiki mai, a he 12 aole i hiki mai. He 48 ka nui o na haumana ma keia kula.
O ka poe i hiki mai, he 24 o lakou i hiki ke heluhelu maikai ma ke Kauoha Hou, he 12 ka i heluhelu ma ka ka Pi-a-pa, he 12 ka poe i aoia e himeni, a ua maikai ka himeni ana. Ua niele ia lakou a pau ma ka Palapala Poepoe o ka Honua.
Ma kuu manao, ua oi iki aku keia Kula mamua o na Kulu e ae a'u i ike ai ma kela Pae Aina.
O kekahi mau wahine, ua kahiko ia i ka lole haole, aka, o ka hapa nui o lakou, ua kahiko ia i ke kapa maoli, a nakiiia ka hipuu nui maluna o ka poohiwi.
Aia no kekahi mau kanaka Hawaii maloko o keia kula a Kaiwi (he mau kanaka mahuka no na moku okohola.) Ua oi aku ko lakou ike i na mea o na palapala, mamua o ko Nuuhiva poe, aka, ua pomaikai paha ke kumu, no ko lakou launa ana mai, a alakai i na kamaaina ma ke ala e naauao ai.
Mai Apaiana mai kekahi haumana malihini, a ua akamai no ia i ka heluhelu palapala. Ma ka niele ana hui i ka Ui, a me ka Palapala Aina. He hoahanau ekalesia no oia.
(Aole i pau.)
-
KAUKA LAPAAU.
-O-
Dr. Kennedy (Kenede) kona inoa.
AIA NO KONA HALE KAUKA MA ke Alanui Papu, makai iho o ke Alanui Hotele. Honolulu 318-1y
HALE PAI KII!
AIA KO'U HALE PAI KII MA
MONIKAHAAE,
Mawaena o ka HALEKUAI BIPI a me ka HALEKUAI MEA AI o S. SAVIDGE ma ke Alanui Papu. He emi loa ke kumukuai o na KII. H.L. KEIKI (CHASE)
318-ly Mea Pai Kii.
OLELO HOOLAHA
-A-
KA LUNA HOOPONOPONO.
-
MA KA WAIWAI O KA MEA KIEKIE}
VICTORIA K KAAHUMANU I MAKE.}
KE HOOLAHAIA AKU NEI E KA MEA nona ka inoa malalo.
KA LUNA HOOPONOPONO WAIWAI HOOKAHI, o ka waiwai i haiia maluna, o na mea a pau e paa ana i kekahi Waiwai Paa, no loko mai o ia Waiwai, ma ke ano hoolimalima, a ma kekahi ano e ae paha, a ua a e no ia mea, a e aie ana paha ma keia hope aku i ua waiwai la no ka uku hoolimalima, a mau aie e ae paha, e HOOKAAIA i ka mea nona ka inoa malalo.
KA MEA WALE NO I HAAWIIA KA MANA, e lawe a e ohi ia mea, me ka haawi aku i palapala hookaa no ia mea. A ua papa ia na mea a pau, aole e komohewa maluna iho, a hokai wale aku, a lawelawe wale aku i kekahi mana mai ka hooponopono ana o ka waiwai i oleloia, a o kekahi apana a mau apana paha o ia mea.
JNO. O. DOMINIS.
Luna Hooponopono Waiwai Hookahi o ka Waiwai o H.R.H.V.K. Kaahumanu.
Honolulu, Maraki 10, 1868. 328 3m
Na Buke i Paiia e ka Papa Hawaii.
Eia na buke kuai, a me ke kumukuai.
Baibala Ohana, ano nui, me na kii, 2 50
me na Moohana. 5 00
Kauoha Hou, me ka pepa lahilahi o waho, 12 ½
Haiao, 25
Hele Malihini Ana, 25
Wehewehehala, 25
Lira Hawaii, 25
No ko ke Akua Ano, 25
Lira Kamalii, 25
Kumumua Hou, 12 ½
Moolelo Ekalesia, 50
Hoike Palapala Hemolele, 25
Himeni Hawaii me na Leo Mele, 1834, 25
Ninauhoike, 12 ½
Ui Kamalii no na Kula Sabati 12 ½
Kamu Leomele 12 ½
Haawina Kamalii, Buke 1, a me 2, 12 ½
Haawina Kamalii, Buke elua i huiia, 25
Moolelo o Heneri Opukuhaia - 25
Hoike Akua, - - 25
Eia na buke i haawi wale ia.
Ui.
No ka Aoao Pope.
Hoike Pope
Ka Ekalsia Oiaio.
Palapala
Helu 4---Makemake anei oe i ke ola?
Helu 6---E hele i o Kristo la.
Helu 7---Ke hoi ana mai o ke Keiki Uhauha.
Helu 11---No ka hoohiki wahahee i ke Akua.
Helu 16---Ka eehia ana o ka Ahaaina a ka Haku a me ka Papekiko ana.
Helu 17---Mai hana ino i na Holoholona.
Helu 18---No ka mahi ana, kuai ana, a me ka inu ana i ka Awa.
Ka Davida Malo Kumumanao.
Ka Moolelo o Batimea Puaaiki.
L. H. Kulika.
Kakauolelo o ka Papa Hooko o ka Ahahui Euanelio o ko Hawaii Pae Aina.