Ka Nupepa Kuokoa, Volume VII, Number 24, 13 June 1868 — Mele Kanikau no Walia Kahahana. KA MOI O OAHU. [ARTICLE]

Mele Kanikau no Walia Kahahana. KA MOI O OAHU.

Na Kalawela i haku. Ua hanauia o Walia Kahahana ma Manuaula, Waialua, Oahu, i ka A. D. 1755. O Kaionuilalahai ka makuahine, a o Elani ka makuakane. Ua noho ma ka Nohoalii i ka A. D. 1774. Ua noho pio i ka 1783 Ua pepehiia i ka A. D. 1785, 41. Hanau mai la Keakuaolelo— Akua pahulu, hohe hoha mai ana, E ka aku nei i ke kaia o Kama, O ke Kama o ka lei o Moopuaalii, O ke alii o ke kai ahua moku, O ka moku o Paakania, I kaikuaana oe i kaikaina kela. 42. E Kalani—e— Ilaila no ka ike la ike iho, Ilaila no ia ka pono la pono la iho, O'u mau kaikunane hoomau hele loa, Aia la laua i hea ? E ka ia ana e ke kalana, 43. E luhe ana e ka malie, E puaia kae kaponawaa, Hooponopono ana ka pali, niania ka la, Hoi kaona ka makani i Laiewalu, Hoowaha keiki waha i ka pohu—e— Pohu loa ka Kona—e— 44. Aole i pili ka pohu a Kauna, Aohe i na i ka makani o Kau, Ke haaino mai la i Kahaaweli, Weliweli ka ino o Napuuapele i Piliwale, Nana ka i lawe mai ia'u, A waho o Kahua la haalele, 45. I haalele ia i ka makau lia i ke a, I ke a lau maka ihe, He ihe ke a he keiki na Kau, E hoi ana au i ka malino, I ka pawapawa haahaa onikiniki, Me he mea i naoa la no. 46. Ka maawe ala a ke kai e hele nei, O ke kai kanu hala, kanu lehua, He lehua ka nani, Ke pua la i ke kai I kai ula loa no—o— Lolohili no a Kawaihae—e— 47. A Kawaihae, hae na ukana, Hana liilii ka uka na a ka huakai, I hakalia ilaila hiki ka la, Moe koke no i ke kula o Waika—e— Kaka i ka hau ka wai a ka la, He la makili loa ka la o Kaipuhaa, 48. Haa na makani pa e paio nei, Paio i ke alo o Makanipalua, Aohe i lua ka maikai o Kohala, I kipeia e ka makani Apaa, Ka naaele kuakua loi. Mai Kohala-waho a Kohala-loko, (Aole i pau.)