Ka Nupepa Kuokoa, Volume VII, Number 23, 6 June 1868 — He Mele Kanikau no Walia Kahaha- NA KA MOI O OAHU. [ARTICLE]

He Mele Kanikau no Walia KahahaNA KA MOI O OAHU.

Na Kalawela i haku. Ua hanauia o Walia Kahahana ma Manuaula, Waialua, Oahu, i ka A. D. 1755. O Kaionuilalahai ka makuahine, a o Elani ka makuakane. Ua noho ma ka Nohoalii i ka A. D. 1774. Ua noho pio i ka 1783 Ua pepehiia i ka A. D. 1785. 21. Hele hewa i ka nahele o Halemano, I ka uka o Wahiawa, I ka uka lio e noho i ka ao, Noho iho la—e nanea ka noho— O Ku o Lono i ke ao, Ololo ua nopa ke kahawai, 22. Aloha ka wai— a olua e noho nei, I ka wai anu o ka nahele, Ua li wale i ke koekoe, Ka huakai hele pii mauna—e— Haele i ke ala muku a Kanaloa, I ko kino loa e like me Kana— 23. I anana ia a puehu ka loa— Hoi ha ka nui o ka Lani—e— I nui Kalani i moe i ke ala—e— Moe oni ole Kalani i ka ea—e— Oia he ea na Kanenuhonua, Huna aku la i ke ao uli ka lani— 21. Liua hoi na maka i ka nalo loa—e— He kiowai Kaula no Waianae, He poo wai no Kalalua iuka, No Makanipalua i ka luna o Haliiala— Ko inoa— Auhea kuu hoa o Koolau, 25. Mai ka malanai a Kailua—e— Ke ahe wale la i ke oho o ke uki, I ke kula puu kaala o Alele, I ka pouli au, aole i hala, Hala hoomau—hele loa—e— Lu iho la au i ko nui kino, 26. Oleoleo la i ka moana la—e Kau mai ana Ka maka hoaloha e Kalani, E ke kumu o ka po, hookumu ka po, Ka po! ka po! ka mole, ke aa, Ka weli o ke alii, 27. Alii o poluluhi, poweliweli, Weliweli kaumaha i na lani, Hakoi i ka nui, o ko aloha—e— Au wale ana au, he ake ka ike— Aohe e ike ua nalo—e— Ua laa aku la i ke kai okia a Kane, 28. Aia la i Kuaihelani ka hele ana— O Kaonohiulaokalani ko inoa, Keiki kapu oe a Kaeha—e— Elua olua i moe i ke kai o Kahaloa—e— He kamaaina no ke kai i Hauola— Kupa noho lae no Waiaula—la— 29. I uwe wale ae ia Kona—e, I ka la wela o Makalii, E lawe ana koena aloha, Ia Kalani-kau-ko-liko— I uwe mai—i ke keiki— I ko hoa i olelo ai, i hai ai, 30. I ola honua, e momomoe ai i kehukai— Hookahi Kalani i hele aku nei— O ka moku, o ka aina, alua, Hele i ka huakai hoi ole—e— O Kalani ke kapu ohi o Kalani, O ke alii i Olopiolani, 31. I ke kai o Peapeakamanu, O ka loea o Maui ka hookalakupua, He kupua ka moku no Kalani—e— Ke hakupehe ia nei kuu lani, O Palila la ko ka po, O Kalani la ko ke ao. 32. Ua hoopaapaa ke alanui hele, I ka make, i ke ola, o kuu lani— Ua ike pono kakou, I hele o Kalani i ke awakea— I uhai paha i kana wahine, Halualua Kona, halua Wailuku, 33. O ka wahine ia— I aloha ai Kalani, hahai—e— Hele lolopio ai Kalani, A uhi i ka niau, moe malie— Aia ko makuahine i kolealea, I kolealea, i kolealea, i kolealea,

34. Hoi aku Kalani i ka wa kamalii. Ke hii—a—la— Paapu Kalani, palamoa he inoa. He kai wahamoe, kai moa Kailua—e— O ka luhe la, |uhe la, i ke kehau, He hau ke ala, he kumoena ololi, 35. E newa ai, ohea make i ka la, Akua noho la i Puuokapolei, E hanehane mai ana ka la, I na wahine o ka mao, Akua pee pu ohai o Kekaha, I walea wale la i ke a, 36. I ka ulu kanu a Kahai, Haina oe e ka oo, E ka manu o Kanehili, Ikea iho ka hoi kuu lani, Iluna la ka ohu kanalio a ka manu—e— Kola manu haule wale i ka uahi— 37. I hapapa ai loaa i ke kanaka, Honi i ka manu hauna kai o kai, Aia ka i kai kuu lani, I ka lala hoano i ka lele kai, Akua, hoea kai la i Oneula, Ua molowa na hoa haele, 38. Ua pau aho, ua noho hookahi, O Kalani—e — Kamau i ka lau o ka pali ke ala Ala holopapa laau i alanui, I ala no ka waa a hali aku a luna, I ka waa a ke Kuileiakamokala, 39. E kala no i hele ai o Kalani, Imo no ka maka nalo aku la—e— Lele uli—e, lele wai—e— He ui, he ui, he wai, he wai, He wai inu, he wai no Laka, O Laka ka hoi kona inoa—e— 40. O kaili ai aina ka lani, O oki i ke one kapu o Kaha—e— I kahi i hele hookahi o kuu lani, Mokuhia ka ua, moku pane i ka nahele, Lele hoopoo ae la ka ua iluna o ka hala, I ka hala ua o Poohanau. (Aole i pau.)