Ka Nupepa Kuokoa, Volume VII, Number 11, 14 March 1868 — Page 3
KE KUOKOA, HONOLULU, MA RAKI 14, 1868.
NU HOU KULOKO.
Oahu.
I hoomaemaeia iho no ka luakini o Kaumakapili no ka manao oia ekalsia e loaa hou ana he kahu hou no lakou.
He mau kudala waiwai nui kona hale Luna Kudala o Honolulu nei i ka pule i hala a me keia pule, ua kaa paha ka pomaikai maluna o ka poe i hele ae e koho.
Ua hooma-u pinepine mai no na paka ua i keia mau la iho nei ma ke kulanakauhale alii, a ua oluolu pono no na ea. O ka puehu wale no nae hoi.
KE KILAUEA.—Ua mailuilu no na wahi ohua o ke Kilauea i keia holo ana aku nei i ka Poakahi, a o Ka Mea Hanohano D. Kalakaua, D. K. Naiapaakai, a me kekahi mau mea e iho i holo pu aku maluna ona.
HE HOOHALAHALA. — Ma ka nupepa haole a H. M. Wini o ka Poaono aku nei i hala, ua hoohalahala ekahi haole no ka hoomaikai kupono ole ia o ke Alanui Nuuanu, oiai he alanui hele mau ia ka ia e ka lehulehu.
Aohe makou i ike iho ma na mea hou i hiki mai nei, no ko kakou Kuikahi Panai Like e waiho la imua o ka Ahaolelo Nui o Amerika Huipuia. Ke kali nei kakou no kona hooholo a hooholo ole ia.
Ke kaliia nei o ka hiki mai o ke Kapena hou o Hoku Ao mai Kaleponi mai, a ina e hiki mai alaila e holo koke ana no ka moku. Nolaila, he pono ka hoouna koke mai i na palapala i ko oukou mau makamaka ma ko Nuuhiva pae aina, o haule auanei.
HE WAHI IA KUPANAHA—Ua hoikeike mai la o W. P. Kauaohilo ia makou, he wahi ia ano e i ike mua ole ia e ko makou mau maka, he iwi wale no a puni me kahi nuku oioi. Ma Kauai kahi i loaa ai, aka ua ike mua no kekahi poe Kauka i keia ano la, a ke malama ia nei i mea hoikeiki.
UA PAA NA HIMENI.— Ua pau iho nei i ka paa na Himeni o kakou, a ke kuaiia nei ma ke Keena Hana o ke Kuokoa, i kela a me keia la, koe ka la Sabati. O ka poe i nele, a i lohe ole i ka pau ana o na himeni, e kii koke mai, mai lohi a kakali aku, o haule i ka hopo waa. O ke kumukuai, mai ka hapalua a hiki i ka hookahi dala.
KE KUNA P RINCE.—Ua heo aku la keia kuna ma ke kai loa o Kaleponi, i hele aku la e huli aila pama, a no ka mea hoi, he hana pomaikai ia a kona mau ona i manao ai, nolaila, ua hoounaia aku la oia ka Poakahi iho nei. E holo hele ana ia ma na kapakai o Kalaponi o nuli ia ai nona ka aila pama, a aole no e nele kona ku ia e na pomaikai.
HUA MOA NAHUAHUA.—Ua waiho mai o Kaholokai o Pauoa, hookahi hua moa nui ma ko makou pakaukau, mai loko mai o kekahi o kana ohana moa. I ke kaupaona ana, 3 auneke, a me ka hapa derama. Ua naha e nae ua hua nei, i ka lilo loa i ke kakau i na mea hou; pa ia pahu hoi e ka makani a kakaa aku haule, uala liilii, i ka ike ana iho elua ona kauo. I ka lohe mai he hua moa nui e ae no kekahi i lawea mua mai.
EKALE SIA o WAILUPE.—Ua ike makou i ka waiho ana mai o kahi ekalesia kuokoa maluna iloko o ka waihona o ka Papa Hawaii, i na dala mahina hou he umikumamakolu, mai ka hookumu ana mai oia ekalesia kuokoa, Iulai a hiki i Feberuari iho nei. Ka i ka onina, ana mai nei o ua o Wailupe. I nui ke aho, ke puka a maka mai la hoi a ike ia e ka lehulehu. Mai hoopalaleha hou aku, aka o makaala mau no.
HOOKAHI KAPA MAKA LIKE.—Ua ike iho makou i kekahi mau kanaka Hawaii eono i ka Poakahi iho nei, he keokeo maka like ko lakou mau aahu a pau-keokeo ka lole wawae, ka palule, ka papale, ka lipine, koe nae ko lakou mau kamaa, he ili eleele no. Ua lohe mai makou mai ka waha mai o ka lehulehu, he hoailonaia na J. Kaona i haawi aku ia lakou, i ka wa a ua o Kaona la i kukulu ai i aoao hoomana nona ma Kona Hema Hawaii. Ua kapaia paha ua poe la ma ka inoa o ka poe pono loa. Pela mai ka lohe.
I KUMUKULA HAOLE NA MAKOU,—Ke kahea aku nei makou na makua mea keiki e noho ana ma Waikane nei, e manao ana e loaa ka ike i ka makou mau keiki ma ka olelo Be ritania. Ke makemake nei makou i kekahi keiki kupa Hawaii i ike i ka olelo Beritania, e hele mai e noho pu me makou, a e olelo no hoi no kona ola o ke ao ana i na keiki a makou. Ina makemake kekahi i keia Leo Kahea, e hai mai i na Komite a makou i koho aku ai. Aloha no auanei oukou a pau.
Na Komite. S. E. K. PAPAAI, Na Komite, J. P. LIPOA.
Waikane, Ma raki 4, 1868.
HOAO E HOOPAHU.—Ma ka wanaao Poalima aku nei i hala, ua hoao ia e hoopahu ka Hale noho o Ahunako pake ma Kahehuna, ma ka waiho hoomokaki ana malalo ae o ka hale i ka pauda, a na ke pahu liilii i kakani ae, a lohe ia ke kakani ana, i imi ia aku ka hana, ua waiho ia kela mau mea liilii i a ae ai ke ahi a pau pu me ka hale. Aohe no i loaa ka mea kolohe, aka he loaa nae paha koe. No ka mea, aole mea huna i nele i ka ikeia. Heaha no la hoi ka waiwai oia manao ana o ke kanaka kolohe pela. Pela okoa iho la no hoi ka hana a Guipake, ke kanaka hoolimalima o ka Pope i ka Ahaolelo ma Enelani, i ka wa i au wale ka la.
LULU MANAWALEA. —Ma ka Poaono aku nei i hala, ua hoala ae la na wahi ekale sia o Makiki i mau wahi mea paina, a ua kono ia aku kekahi mau hoa, mau hoalauna a me na makamaka e hele mai i ua wahi ahaaina la. I ko lakou ai ana a maona na houpo lewalewa, ua hoahu iho la lakou i ka puu dala, ua loaa $34, i mau dala e kuai ai i pili laau hou no ia hale hoomana i ke Akua. Eleu no ia lala o Kawaiahao. A ua mahui iki wale no hoi makou, e haawi ana o Kamoiliili i wahi paina ano like me ia, i mea e hoolakolako ai i kekahi wahi hemahema iki oia Ekalesia. Ke i ae nei makou, aole no e nele ana ke oehuehu oia apana, no ka mea he kawa ka ahaaina na oukou i lele a hio ka ihu ; nolaila, e ala e na Keiki Lalawe o Kamoiliili, e hoahu i ko oukou waiwai no ka lani. Aole io no oukou e nele i na pomaikai a oukou i nakui ai no ia la. Aole no e nele ka uluhua iloko o kekahi poe e ike ia Kamoiliili, a ua loaa iho la ke kumu e hiki ai i ua wahi la o makou.
KA HOOKOLOKOLO IA ANA O J. KAONA. — I ka Poakahi iho nei, ua hookolokoloia ma ke Keena o Ka Mea Hanohano Robata G. Da vis, Kokua Lunakanawai Elua o ka Aha Kiekie, ke Kaula Alapahi o Kona Akau, oia kela kanaka maluna. Ua hoopukaia he palapala hopu nona, a ua hopuia ma Kona a laweia ma ma ke Kilauea i ka Poaono iho nei. Ua kukuluia na hoike o na aoao elua, a ma ka hoike ana a Makaike, ua lohe makou, ua hoopuka keia "Kaula" ma ka malama o Iulai i hala, ekolu makahiki a me ka hapa i koe, alaila, pau na kanaka o Hawaii nei i ka make, a o ka poe wale no e hiki aku ana ma kahi o Kaona e noho ana ka poe e ola. No ia kumu, ua hele kekahi kanaka e kuai aku i kona kuleana, a ua hele aku e kuai kekahi kanaka i kona pahu wai nui, aka, aohe mea nana i kuai mai. He elua mau hoike i olelo pela. He mau hana ano lalau loa kekahi a ua "Kaula " nei, oia ka hemo wale ana o ka puka o ka Halepule i ka wa e paa ana i ke ki. Na ka poe hoike me na lole ano like i hoike ae pela, nolaila, ua kahaha loa makou i ka lohe ana i ka hoike ana pela. Owai la o kakou e puni aku i ka hemo wale ana o kela puka, oiai, e paa ana i ka laka ! Owai hoi o kakou e hooiaio aku i kana wanana e pau ana kakou i ka make iloko o na makahiki ekolu me ka hapa! Ua oluolu Ka Mea Hanohano e waiho aku i ua "Kaula" nei ma ka Hale Mai Pupule ma Kapalama i hookahi e ule e nana ia ai kona ano, ina he mai ano kona i puka ai kela mau huaolelo ano ole.
Maui.
DALA MAHINAHOU o KA EKALESIA o WAIHEE.—
Mai Aug. 4—Dek. 1, M. H. 1868. he $35 00. Mai Ian. 5—Mar. 1, M. H. 1868, he $23 00, huina pau $58 00.
L. W. PAPALIMU.
Waihee, Maui, March 5, 1868.
Kaapuni ia Oahu.
E hoomaka ana ka hele ma Wailupe, Feberuari 17. Ua hoomaka, ia ka halawai ma ka ho ra 11 o ke awakea aole nui na kanaka. Haalele ia Wailupe, holo aku la no Waimanalo, o Rev. S. Waiwaiole ke kahu, o maua no o Waiwaiole keia holo ana, a moe ma kona hale. Poalua, halawai, aole nae nui mai na kanaka, he la ua keia; ke holo pu nei o Davida me a'u, ka Waiwaiole keiki, nona kuu mahalo. Ke pailaka nei oia ia'u, a ke hiki nei ma kahi o Manuela ke kiai o Kaneohe, i keia ahiahi, a moe iho la ma kona malu, a i ke kakahiaka ana ae, ua hoomaka ka halawai aole nui na kanaka, a pau ka halawai. Ua hookipaia au e Pareka wahine no na kuu mahalo. Ma keia awakea ke holo aku nei no Waikane; o Rev. Z. Poli ke kahu. Ke hoomaka nei ka halawai ma keia ahiahi, e pau ana ma ka hora 9, a moe iki ma ko ke kahu hale a ao ae. Poaha, hoomaka hou ka halawai ma kakahiaka, a pau. Hala hope o Waikane ia'u; ke holo aku la e hiki i Kahana. Ua holo mai maua o Poli. A hiki ma Kahana, aole o Rev. E. Kekoa ko laila kahu. Ua hoomaka iho la ka halawai ana ma ia ahiahi me na Luna, a me na kanaka he uuku. Haalele ia Kahana, holo aku la no Hauula; o Rev. H. Kauaihilo ke kahu ; ua moe iho malalo o kona malu. Poalima, halawai; ua nui na kanaka i akoakoa mai. Haalele ia Hauula, holo aku i Kahuku, o G. Leleo ke kiai; ua halawai me ia. Ua moe ma kona malu a ao ae o ka Poaono la 22, halawai iho la, ekolu wahi i halawai ai ma kona apana. Ke holo pu nei o Leleo a me kona kaikuahine ahine. Ke holo nei no Waialua, e hiki mua ana ma kahi o Rev. O. H. Kulika, kahu o na kaikamahine. Ua hoomakaikai ia i na hale kula a me na pa mea kanu. Ua paina pu iho la me ua kahu la a mahope o ka paina ka pule ohana o na kaikamahine, ua haawi mai la o Kulika ia'u i keia mau mea a pau. Ke mahalo nei au i ke kahu a me na kaikamahine, a me na pa mea kanu. Ke hoi nei ma kahi o Rev. J. N. Paikuli ko laila kahu, a moe iho la malalo o kona malu. Sabati, hoomaka ka halawai ma ka hora 10 kakahiaka, a pau hoomaha uuku. Ua hookipa aku la o Emesona wahine ia'u ma ia awakea. Hoomaka hou ka hana ma ka auina la, e pau ana i ka hora 4. Poakahi, haalele ia Waialua, holo aku i Waianae, o Rev. A. Kaoliko ke kahu. Ua halawai no me ia. Poalua, hora 12 awakea, ua hoomaka ka halawai ana a pau, moe malaila a ao ae. Poakolu, haalele ia kakahiaka ia Waianae, holo aku i Ewa, o Hon. Keoni Ii ke kiai oia wahi, aole o Ii, ua hala i Honolulu. Ua haalele iho la ia Ewa, aole i halawai malaila, aka ua holo pololei aku i Honolulu. A pela iho la kuu kaapuni ana i ka mokupuni o Kakuihewa.
Ke hoomanao pu ae nei no hoi au i na lau oliva o kela kihapai keia kihapai i loaa ia'u ma keia kaapuni ana, a penei: No Wailupe, $2.25. Waimanalo, $1.10. Kaneohe, $4.00 Waikane, $6.25. Kahana, $1.37 1/2. Hauula, $10.10. Kahuku, $4.00. Waialua $12.39.
Waianae, $6.25. D. P. AUMAI.
En glish Column.
FOREI GN NEWS.
By the Bernice, which arrived on the 10 inst. we have San Francisco dates to February 17.
Letters from Washington, to January 18,
look upon the pa ssage of the Reciprocity Treaty as certain. We have no further Telegraphic news respecting it.
The Colli sion between Gen. Grant and the President still continued. It is said that the General will be Court Martialed for insubordination. The trouble arises from political jealousy on the part of the President.
We lea rn that Rear Admiral Bell, Lieut. Com. Reed and Owen, were drowned January 11, at Haogo, Japan. The boat left the Hartford bound for Osaka, and was capsized on the bar. The accident was seen from the ship, but before assistance could be rendered, only three out of the crew of thirteen were saved.
The Japanese Ironclad Ram Stonewall, arrived in Valpariso on the 6 of January. Her next port will be Honolulu.
EU ROPE.—Sir David Brewster, the celebarted savant died. Feb. 10.
Impo rtant dispatches have been received from Abyssinia. General Napier is at the front pushing forward the advance. Report state that skirmishing has already occured with King Theodores forces.
I t is officially announced that Negotiations for a Commercial treaty between the United States and the North German Confederation have commenced and are progressing satisfactorily.
The Heral d's cable dispatch says Napoleon has altered his policy towards the Pope and Italy in a sudden and remarkable manner. He evinces a disposition to abandon the position of Champion of the Holy See urged it is said, by the existence of the Bourbon intrigues emanating from Rome. Imperial diplomacy at Rome has become colder, while the unfriendly relations hitherto existing with Victor Emanuel have been removed.
Queen Isabella wa s forced to dissolve the Papal Legion recruited under her warrant in Madrid, as Napoleon flatly objects to their service in the cause of the Holy See.
NU HOU KUWAHO.
No Ame rika
I ke ahiahi Poaha iho nei, ua ku mai ke kiapa Bernice iloko o na la he 22 mai Kapalakiko mai, a eia na wahi hunahuna mea hou i wae ia mai ai :
Aohe mau olelo akea no ke Kuikahi Panai Like mawaena o Hawaii a me Ame rika Huipuia ma na nupepa a ma na waeaolelo. He mau palapala paha kai loaa mai i kekahi poe o kakou, ke maikai wale la no ke ano.
O ke paonioni mawena o ka Peresidena Anaru Ioanekona a me Generala Kalani ke mau la no, ua lohe waleia, e hookolokoloia ana o Kalani ma ke Kanawai koa no ke pakike i ka Peresidena.
Ua kauoha aku ka Peresidena ia Kalani e hoopuka i olelo kauoha, e hookuokoa i Mahele Koa malalo o Generala Keremana, a e kapaia ua mahele koa la, ka Mahele Koa o ka Atelanika, a e komo pu iloko o ia mahele koa ka hoonohonoho ana penei: Ka Oihana Koa no na Moanawai, ka Oihana Koa o ka Hikina a me ka Oihana Koa o Wasinetona.
Ua hoole o Keremana no ke koi ia aku e noho ma ia kulana, a ua telegarapa aku i kona mau makamaka ma W asinetona aole ona makemake e noho ma ia Oihana. Ua manaoia, e hookiekie ia ae ana kona kulana a i ka Alahikaua Nui, ua waiho ia aku nae imua o ke Komite no ka Oihana Koa o ka Hale Ahaolelo.
Moku Hao Iapana.
O ka moku hao Iapana Papohaku, ua ku ae ma Valaparaiso ma ka la 6 o Ianuari i hala iho nei, a o kona awa hou e holo aku ai, oia o Honolulu ma Hawaii nei. E lawe mai ana paha ia i ke Kuikahi Like mawaena o kakou a me Iapana. Ohumu ma Uanegari. Ua olelo ia, ua loaa kekahi ohumu ino nui loa i ke Aupuni o Auseturi ma Hunegari. Heaha ko lakou manao, he kipi anei e kaua ?
Moku Hao Nui.
O ka moku hao nui ma ke ao nei a puni, oia ka moku hao Beritania Helekela.
Hoonioni.
Iloko o ka Hale Ahaolelo o ka Poeikohoia o Enelani, ua noi ae kekahi Luna e noonoo ia ka hihia mawaena o Enelani a me Amerika Huipuia, no ka hihia a ka Ala bama i hana ino ai i na aumoku Amerika. O ka la eha o maraki nei, ka la e noonooia ai iloko o na Hale Ahaolelo o Enelani.
Kaua ma Abisinia.
Ua hai ia mai, aia no ka Moi o Abi sinia me na kanaka Beritania i hoopaahaoia ma Magdala. Ua hiki ae ka lono i Ladana ma ka la 12 o Feberuari, aia ke Generala Napia o Enelani me kona puali koa mamua pono iho o ke alo e nee aku ana imua. Ke hookokoke loa mai la na puali kipi ma kahi kokoke, a he kaua koe.
Mai na Kanaka Poo o Enelani a me Pe rusia.
He mai loa ko kekahi Kuhina Nui o Enelani, oia o Earl Dape, a ua wawa waleia i ka po o ka la 14 a ao ae 15 ua make, aka, aole nae he oiaio o ia lono.
O Coun t Bisimaka hoi, Kuhina Nui o Perusia, ua omaimai loa, a nolaila, ua hookuu ia aku ia e hele e hoonana i kona mai ma na aina a pau o Europa.
He A dimarala make.
Ma ka la 11 o Ianuari, ma Haogo. Iapana, ua kahuli ka waapa o Rear Adimarala Bell, a ua make oia me kona mau malamoku nui elua a me kekahi o kona mau luina he umi. He ekolu wale no i pakele. Ua ikeia aku no ke kuhuli ana, aka, mamua o ka hiki ana aku o ke kokua, ua make lakou a pau, a koe ekolu.
Nu Hou hope loa.
Ma ka moku i ku mai i ka Poaha iho nei, ua loaa mai na mea hou ano nui.
Ma ka la 21 o Feberuari, ua hoopau aku ka Peresidena Ane ru Ioanekana ia Stanton, a ua koho iho ia Gen. L. Tamaki i Kuhina Kaua no ka manawa.
Ua hoouna aku o Stanton i ka Luna Hoomalu o ka Hale Ahaolelo, no ka hookohu ia ana o Gen. L. Toma.
Ua hoouna aku no hoi ka Peresidena i kana palapala i ke Komite imi buke, e hoihoi ae i na buke o ka Oihana Kaua ia Gen L. Tamaki.
Ehiku hora o ka hoopaapaa ana o ka Hale, a hoopaneeia. I ka hoopanee ana, hele nui aku na Luna Ahaolelo i ke Keena Kaua e kamakamailio pu me Stanton. E manao ana no oia e noho i ke Keena Hana, a e laweia aku kana mea ai ilaila.
Ua hele nui aku kekahi poe Luna Ahaolelo a hai aku i ka Lunakanawai Kiekie e hopu ia Tamaki no ke kue i ke kanawai. Ua hopuka koke ka Lunakanawai, a ua hopu ia mai la paha.
Aumeume kahi wai o na pa wili ko
O HILO NEI.
E KA NUPEPA KUOKOA E; ALOHA OE:—
Ua ike ae la no kaua i kela mau hua e kau ae la maluna.
A ua maopopo o Hilo nei he aina i hooholo ia ma ke mele ; "no ka ua."
Nolaila, i ka hapa o ka A. D. 1867, a hiki i ka hapa mua o keia makahiki e naue aku nei, ua maloo loa, a kohu aina kula ka panoa o ka lepo. A no ka haule ino ana o Hilo nei, ka aina kaulana i nei mea he kulu mau ka ua no Hilo a po ka La. Ua maloo mai na kumu wai, a ano uuku mai ka wai o na kahawai. Nolaila, ua aumeume na Pa wili ko i kahi wai, mawaena o Poonahoahoa & Capt. Borres. Ke kumu o keia hana, no ka nele i ka wai ole.
Malaila au e kaena ae ai, ua malie o Hilo i keia mau malama, a he nu hou ia a na kopa o Hilo nei e waha kani mau ai. "Malie ! Malie o Hilo nei!!"
He kumu hoike oiaio ia e olelo ae ana, ua hiki io aku la o Hua i Hilo, ka mea nona ka inoa. "Nakeke na iwi o Hua i ka la."
A ke ninau nei kekahi poe. Heaha la ke kumu o ka malie o Hilo nei.
Ke hai hookamani ole aenei au, ua au'a ka Mea nana i hana i ka ua, no ka hoomahui o na kanaka, o kekahi hapa e lilo nei i ka inu uwala.
E kanu aku ana, hao mai ka La, maloo kahi lau, a ulu homimi, a ke hoka iho la i ka mea e waha ko'u ole ai, haalele ia iho ka ai mau o Hilo nei he poi, piikoi aku o ka uwala, i ka nono mai ai ka lae i ke Kanawai, poha ka auwae o ka hai keiki.
Weliweli ka ulu hou o nei mea ino ma Hilo nei, a ke kapa aku nei au i ka inoa o ka poe e hana ana ia hana, o ke Kao walewale a John. Pukaka. Oia ka nui o ko'u manao i ko kakou Kilohana.
Me ka mahalo. J. P. IWA.
Alae, Hilo Feberuari 24, 1868.
KEANAE, MAUI,
Ma raki 3, 1868.
REV. L. H. KULIKA ; Aloha oe:—
Ke waiho nei na dala maoli o ka mahina hou no ka mahina o Feberuari.
Dala maoli $18.87 ½
Dala ma ke olona, 4 lau 7 apana, $9.00
Huina, $27.87 1/2
I ka akoakoa pau loa ana mai o na hunahuna, oi ae ka huina imua o ke kope i hoouna mua ia aku, olioli au i ka holo o ka loaa o ka mahina hou, aole o na hoahanau wale no ka i haawi, o ka poe mawaho kahi, o na keiki kekahi, hui pu me no hoahanau, holo loa ka loaa o ka mahina hou.
Ua holo pono na hana haipule maanei e hana nei, ua launa mai ka Uhane Hemolele. Ke hooeueu mai nei i na naau o na keiki a me na kaikamahine.
Ua lana maikai ka manao i ka nana aku, ke launa mau mai ka Haku, ka mea nana ke kihapai ai.
Ua hiki mai o S. Kapaha i o makou nei, ua nui loa ka makemake o na kanaka a me na wahine, i ka haiolelo ana, ua nui loa na kanaka, ua piha ka luakini o Keanae, pau ka haiolelo, kokua na kanaka ia S. Kapaha, ua loaa he $16.25.
Ua hana ia ka hale halawai ma Kaloe, kokoke e paa.
Aole i loaa mahuahua mai ko'u wahi ola e noho nei, malaila no ka pilikia.
S. KAMAKAHIKI.
$5 00 MAKANA !
UA AIHUE IA AKU MA KA LA 10 O KEIA makama mawaena o ka hora 3 a me 1 o ka naauao, he lio nui me ka hao K no Kinitake o ka
HALE MAI MOI WAHINE
mamua me ka noho wahine, kaulawaha a me ka makinikela eleele. O ka mea hoihoi mai ia Mr. Horne, e loaa no ka uka
maluna. 328 1t
NA LOLE MAKEPONO LOA!
AIA MA KA HALE KUAI MAKAI iho o Monikahaae, e loaa no na pule makepono loa, oia hoi na
HALUA,
KALAKOA nou,
ALAPIA HELU 1,
a me na lole e ae.
E wiki nui mai, o pau e auanei i ka wahine o ke kaona nei,a hoka hoi oukou e ko kuaaina.
G RUNWALD & SCHUTTE.
Ianua ri 11, 1868. 319 tf
KE ALAULA, MA KAHIKI HOU.
E hoomanao na Luna a me na makamaka a pau o Ke Alaula, i ka pau ana o ka makahiki elua o keia hoalauna o ka lehulehu. A e kauoha koke mai oukou i ka nui o na pepa a oukou e lawe ai i keia makahiki hou. Mai kali. E hoike koke mai i ka nui o na pepa a oukou e lawe ai.
E hoomaka ana ka makahiki ekolu o Ke Alaula i ka malama o Aperila, a i ka malama o Iune e hookaa mai ai na Luna i ka uku makahiki no ka pepa e like me ka mau. O. H. KULIKA. Luna Hoopuka.
Halekuai Lole Hou ma Waiawa Ewa.
UA WEHE AE NEI AU I HALEKUAI LOLE ma Waiawa nei; malaila e loaa ai na Lole nu hou i pau a ke keiki o ke lai ula i ka lepo o Ewa e ao mai. Nolaila, ke kahea nei au i na mea a pau e kipa mua mai ma ko'u Halekuai, mamua o ka hoomaloeloe hele wale ana i Honolulu. LUAU (Pake)
Ewa, Maraki 12, 1868. 328-3t*
OLELO HOOLAHA
— A---
KA LUNA HOOPONOPONO.
MA KA WAIWAI O KA MEA KIEKIE VICTORIA K. KAAHUMANU I MAKE.
KE HOOLAHAIA AKU NEI E KA MEA nona ka inoa malalo.
KA LUNA HOOPONOPONO WAIWAI HOOKAHI
o ka waiwai i haiia maluna, o na mea a pau e paa ana i kekahi Waiwai Paa, no loko mai o ia Waiwai, ma ke hoolimalima, a ma kekahi ano e ae paha, a ua aie no ia mea, a e aie ana paha ma keia hope aku i ua waiwai la no ka uku hoolimalima, a mau aie e ae paha, e HOOKAAIA i ka mea nona ka inoa malalo,
KA MEA WALE NO I HAAWIIA KA MANA,
e lawe a e ohi ia mea, me ka haawi aku i palapala hookaa no ia mea. A ua papa ia na mea a pau, aole e komohewa maluna iho, a hokai wale aku, a lawelawe wale aku i kekahi mana mai ka hooponopono ana o ka waiwai i oleloia, a o kekahi apana a mau apana paha o ia mea.
JNO. O DOMINIS.
Luna Hooponopono Waiwai Hookahi o ka Waiwai o H. R. H.
V. K. Kaahumanu.
Honolulu, Maraki 10, 1868. 328- 3ea
HALE KUAI LOLE HOU!!
UA WEHEIA AE NEI MA KE ALANUI NUUANU, malalo iho o ka Hale o McLEAN, he Hale Kuai Lole Hou. Malaila e loaa a, ua Kamea a me na Buti o na kamalii a me na wahine. E kuai makepono ia na lole a me kela mea keia mea.
JOS DAVIS & Co.
NA LAAU LAPAAU!
A DR. JAYNE.
OIA NA
LAAU KUNU,
LAAU HOOPAU NAIO ME NA KOE,
LAAU HOOPAA HI,
LAAU HOOMAEMAE KOKO,
LAAU HAMO—PENIKILA,
HU'ALE OLA.
AIA MA KAHI O
KAKELE me KUKE,
Ma Honolulu. 327- tf
HALE KUAI MANUAHI!
KA HALE O C. BRENIG
MA AIENUI.
E hele mai oukou e na hoa aloha a me na makamaka ae hoao, a e kuai no au ma ke kumukuai emi loa.
CHA RLES BRENIG.
Honolulu, Feb. 23, 1868. 325 3ms
S. MA GNIN
MEA KUAI LOLE MAIKAI
—A ME---
NA ANO LOLE HOOHIE A KA MANAO,
Na Kamma, Buti, na Papale Kapu a me na ano Papale.
E hele mua manuel mamua o ka hele ana aku i na hale e, a e kuai makepono aku no wau. Aia makai iho o ka Roiala Hotele Hale kuai Lole. E wehe ia ana ka puka i keia la.
Honolulu, Ian. 4, 1868. 318-6m
WILI LAIKI HOU !
UA PAA PONO LOA IHO NEI KA WILI Laiki a me ke Kulina a ka mea ka inoa malalo nei, e ku la ma ke kahi Hikina Hema o ka pau ana mai o ke Alanui Moi Wahine, ma kai iho o Kawaiahao, a ke makaukau nei e hoomaemae a e ihi i na ili o na Laiki me ka ili, a e wili hoi i na Kuhina a aeae. Ua makemake au i ka Laiki me ka ili a me ke Kulina e kuai. E ninau ia
JOHN MITCHELL ma ka Wili Laiki.
Honolulu, Feberuari 1, 1868. 322-2m*
HALE MU!
HALE KUAI MEA AI!
HE OLUOLU LOA KE KUAI ANA O NA mea ai ma keia hale, i lohe oukou e na makamaka Hawaii
a pau!
RAIKI no Waimea, Kauai mai,
PALAOA maikai loa,
KAMANO io ula no Keamolewa mai,
BIPI uahi no Kaleponi mai,
KOPA keokeo---KOPA ulaula.
AILA Honua! AILA Kohola, KOPE—PAAKAI,
AI no na Lio me na Moa
Na mea ono he nui walo o kela ano keia ano.
PIA NO HAWAII MAI,
PIA AI—
A he nui loa no na mea ai maikai e ae.
Nolaila la ea, e na makamaka, e hele mai no me kahi dala e ike maka no oukou i keia mau mea i haiia ae la maluna.
Me ka mahalo.
I. BATALETA.
318-3m
Hale Hoomoa Palaoa ma Hilo!!
KE HAI AKU NEI NA MEA NONA ua inoa malalo nei, i na kanaka a pau o Hilo nei, ua wehu ae nei maua i Hale Hoohainu Kope a Hoomoa Palaoa Hou, kahi hoi e hoolakoia ai ua ohana i na pahoa i kela a me keia la, a me kahi e hana ia ai ka mea Ono ki i na aluna ahiahi a pau. NA mea Ono a me na PAI o kela a me keia ano. E hanaia no na mea Ono a me na Barena ma ke kauoha. He wahi no e paina ai i na hora a pau. Owau no o
318-5m L. SEBASTAIN a me J. C. BLACK.
OLELO PAPA.
KE PAPA AKU NEI AU I NA kanaka a pau, aole e oki wale i na laau nui a me na wahine ma ka aina ma KUPULUA Komohana, ma ka Apana hoi o Hamakua a me Makawao, Mokupuni o Maui. A ke kauoha aku nie hoi au, o ka poe i kuhi i kekahi kuleana maluna o ua aina la, aole hoi i hooponopono ia, e pono e hele mai e hooponopono ma ka la mua o Aperila 1868 a mamua ae paha a ina i ole, e lilo ko oukou mau kuleana i mea ole.
SILA S CHANDLER.
Makawao, Dek. 16, 1867. 319-3m
HALE KUAI MAKEPONO.
AIA HE HALE KUAI MAKEPONO loa o na lole, ma kai iho o Lepekaholo Aia malaila
KIHEI PAPAMU,
HULU HIPA,
KALAKOA HOU,
ALAPIA HELU 1
KALEPA,
E loaa no na lole kane me na lole wahine maikai no ke kumukuai makepono loa.
GRUNDWALD & SCHUTTE.
Ianua ri 11, 1868. 31 tf
E HOLO MAU ANA KA
Moku Ahi
"KILAUEA "
I keia hapaha Makahiki, e like me keia malalo nei.
E haalele ana ia Honolulu
Poakahi Dekemaba 30
Poakahi Ianuari 6
Poakahi Ianuari 13
Poakahi Ianuari 20
Poakahi Ianuari 27
Poakahi Feberuari 3
E hoomaha ana i ka hebedoma elua, e hoomaka ana i ka la 10 o Feberuari, a holo hou i ka
Poakahi Feberuari 17
Poakahi Feberuari 24
Poakahi Maraki 2
Poakahi Maraki 9
Poakahi Maraki 16
Ma ka hora 4 1/2 ponoi o ke ahiahi, a e ku ana ma
LAHAINA,
KALEPOLEPO,
KEALAKEAKUA,
KAILUA,
KAWAIHAE,
a me MAHUKONA.
Ma ka hoi ana mai, e haalele ana ia
KEALAKEKUA ma ke awakea Poakolu.
KAILUA, make ahiahi Poakolu.
KAWAIHAE & MAHUKONA, ahiahi Poaha.
Ku hou ma HONOLULU i ke kakahiaka Poaono.
E hoopae ia no na ohua o MAKENA.
Ma ka Poaha, Maraki, la 26, e holo ana i KOLOA a me WAIMEA KAUAI ma ka hora 4 1/2 ponoi, a e ku hou mai ana i ka Poaono la 28.
WALKER & ALLEN
Honolulu, Dek. 21, 1867. NA EGINI.
318-3m
No Hilo.
KA MOKU KUNA
"MELE HILO,"
O Ballaster ke Kapena.
E HOLO MAU ANA KEIA MOKU I KE Awa maluna, no na ukana ame na ohua e ninau ia
HULIPAHU, (L. L. TORBERT).
318-tf
HE MOKU HOLO MAU NO KONA
—A ME—
KAU, HAWAII.
E HOLO MAU ANA KE KUNA
"Kona Packet,'
KAPENA BALAAMA, mawaena o Honolulu a me Kona, Kau. Haweli. No ua ukana a me na ohua, e ninau i ke Kapena ma ka moku, a i ole, ia
PALAIKA (F. S. PRATT)
Honolulu, Aper. 23, 1867. 318-6ms
HE MOKU HOLO MAU
No Lahaina, a me Makena.
O KE KUNA KALEPA PAA maikai,
"Kate Lee."
O Crane ke Kapena,
E HOLO MAU LOA ANA A HIKI MAI no hoi ma na Awa i olelo ia maluna. No na ukana a me na ohua, e nina i ke Kapena ma ka moku, a i ole ia ia
318-tf C. BREWER &co. (BURUA MA)
KAUKA LAPAAU,
---O---
Dr. Kennedy (Kenede) kona inoa.
AIA NO KONA HALE KAUKA MA ke Alanui Papu, makai iho o ke Alanui Hotele.
Honolulu 318 1y
HALE PAI KII!
AIA KO'U HALE PAI KII MA
MONIKAHAAE,
Mawaena o ka HALEKUAI BIPI a me ka HALEKUAI MEA AI o S. SAVIDGE ma ke Alanui Papu. He emi loa ke kumu kuai o na KII. H. L. KEIKI (CHASE.)
318-1y Mea Pai Kii.
Papa Nukama (R. Newcomb),
—A ME---
Toma Kea (Thomas Cross)
NA MEA HUMU BUKE.
Alanui Kalepa Makai o Hale Luina.
318-3m
OLELO PAPA.
KE PAPA LOA IA NEI NA MEA A PAU loa, aole loa e ukuia na aie a pau loa ma ko'u inoa, ke ole he palapala i kakauia e ko'u lima ponoi, e kauoha ana pela. WILLIAM HOAPILI KAAUWAI.
Wailuku, Maui, Jan. 4, 1868. 320 3m
Olelo Hoolaha.
E IKE MAI NA KANAKA A PAU, UA hookohu ia mai ka mea nona ka inoa malalo o ka mea Hanohano R. A. Lyman, kekahi o na Lunakanawai Kaapuni o ka Apana Ekolu o Hilo, mokupuni o Hawaii, i Lunahooponopono i ka waiwai o J. B. Mikaele, o Kukuau, Hilo i make aku nei. Nolaila, ke haiia'ku nei i na mea a pau i aie iaia, e pono ia lakou e hookomo mai i ko lakou mau bila, me ka hookaka pono mai i ka oiaio o ia aie. G. W. AKAO HAPAI,
Lunahooponopono Waiwai.
Punahoa, Hilo, Feb. 17, 1868. 326 5t
OLELO HOOLAHA.
E IKE AUANEI NA KANAKA A PAU O Kona Hema, mokupuni o Hawaii, ke hai aku nei au ma ke akea imua o kanaka, haole a me na pake, o ka aina i kapaia o KALAMAKOWALI, aina o E. Kuhia, ua lilo ia'u i ka hoolimalima no na makahiki elua. Nolaila, ua kapa na holoholona hale hewa ma ua aina la, a ina e komo hou aku kahi holoholona ma na aina la, $1 00 no ke poo, a pela aku O ka Luna malama aina o Hope o'u, o Keliiwahahee k, o Kona, iaia wale no ka mana hooponopono. Me ka mahalo
Honuakaha, Feb. 28, 1868. 326-2t
Na Buke i Paiia e ka Papa Hawaii.
Eia na buke kuai, a me ke kumukuai.
Baibala Ohana, ano nui, me na kii, 2 50 a me na Moohana, 5 00
Kauoha Hou, me ka pepa lahilahi o waho, 12 1/2
Haiao, - - 25
Hele Malihini Ana, - 25
Wehewehehala, - 25
Lira Hawaii, - - 25
No ko ke Akua Ano, - 25
Lira Kamalii, - - 25
Kumumua Hou, - 12 ½
Moolelo Ekalesia, - - 50
Hoike Palapala Hemolele, - 25
Himeni Hawaii me na Leo Mele, 1834, 25
Ninauhoike, - - - 12 ½
Ui Kamalii no na Kula Sabati 12
Kumu Leomele 12 ½
Haawina Kamalii, Buke 1 a me 2, 12 ½
Haawina Kamalii, Buke elua i huiia, 25
Moolelo o Heneri Opukahaia - - 25
Hoike Akua, - - - - 25
Eia na buke i haawi wale ia.
Ui.
No ka Aoao Pope.
Hoike Pope.
Ka Ekalesia Oiaio.
Palapala Liilii—
Helu 4—Makemake anei oe i ke ola ?
Helu 6—E hele i o Kristo la.
Helu 7—Ka hoi ana mai o ke Keiki Uhauha.
Helu 11—No ka hoohiki wahahee i ke Akua.
Helu 16— Ka Eehia ana o ka Ahaaina a ka Haku a me ka Papekiko ana.
Helu 17—Mai hana ino i na Holoholona.
Helu 18—No ka mahi ana, kuai ana, a me ka inu ana i ka Awa.
Ka Davida Malo Kumumanao.
Ka Moolelo o Batimea Puaaiki.
L. H. Kulika.
Kakauolelo o ka Papa Hooko o ka Ahahui Euanelio
o ko Hawaii Pae Aina.