Ka Nupepa Kuokoa, Volume VI, Number 42, 19 October 1867 — Page 1
KA NUPEPA KUOKOA.
KE KILOHANA POOKELA NO KA LAHUI HAWAII.
BUKE VI. HELU 42. HONOLULU, OKATOBA 19, 1867. NA HELU A PAU 307.
KA NUPEPA KUOKOA,
HOOPUKA MAU IA MA HONOLULU I kela Poaono keia Poaono.
$2.00 No na mahina he Umikumamalua! $1.00 no na mahina eono,
ME KA HOOKAA MUA MAI.
NA OLELO HOOLAHA— aole i oi mamua o 10 laina no ka hoopuka hookahi ana, $1.00; alua komo ana, he $1.50; hookahi malama, $2.00. E uku mua ia mai ke dala o na olelo hoolaha a pau e hoounaia ana mai e pai.
KANIKAU—he hapalua dala ka uku no ka aoao hookahi o ka pepa leta, oia hoi 4 keneta no ka lalani hookahi—penei: he 25 lalani, $1.00; 50 lalani, $2.00; a pela'ku.
NA UKU NO NA OLELO HOOLAHA—ka uku pepa, a me ka uku o ke Kanikau, e haawiia no ma ka lima o na Luna o ke Kuokoa, a i oleia, e hoouna mai ia Kauka Kulika.
O NA UKU PEPA A PAU E HOOKAA MUA MAI NO—aole e kauia ka inoa o kekahi haole a kanaka maoli paha, ma ka inoa o ka poe lawe pepa ke ole e hookaa e mai mamua. E pono ke hiipoiia keia mau rula, no ka mea, he emi no ka auhau no keia nupepa.
AIA KE KEENA O KA NUPEPA KUOKOA—ma ke kihi hema o ka Hale Hookipa Luina (Sailor's Home.) O na hora hana, ma ka eiwa o kakahiaka, a i ka ha o ke ahiahi. L. H. KULIKA. (Luna Hoopuka.)
KA "NUPEPA KUOKOA,"
I s published in Honolulu EVERY SATURDAY,
$2.00 per annum, or $1.00 per six months, in advance.
A DVERTISEMENTS not exceeding 10 lines, inserted once for $1.00; twice or $1.50; and $2.00 for one month; all advertisements must be paid for in advance.
KANIKAU S will be charged 1.00 per page, or 4 cts. a line.
PA YMENTS FOR ADVERTISEMENTS, Subscriptions or Kanikaus, may be paid to any of the Agents of the Kuokoa, or may be enclosed in a letter to the Publisher.
ALL SUBSCRIPTIONS must be PREPAID. No names, either of foreigners or natives, will be inserted on the subscription list, until paid for. This rule must be strictly adhered to, on account of the low subscription price.
THE OFFICE OF THE KUOKOA is in the South corner of the Sailors' Home. Office hours from 9 A.M. to 4 P.M. L. H. GULICK. For the Publishers.
Volume I, II, and III of the KUOKOA, bound, for sale, $3.50 each.
Pe rsons having complete sets of the above, can have them bound by paying $2.00 each.
KAUKA LAPAAU.
—O—
Dr. Kennedy (Kenede) kona inoa.
AIA NO KONA HALE KAUKA MA ke Alanui Papu, makai iho o ke Alanui Hotele. Honolulu 245-1y
HALE PAI KII!
AIA KO'U HALE PAI KII MA MONIKAHAAE, Mawaena o ka HALEKUAI BIPI a me ka HALEKUAI MEA AI o S. SAVIDGE ma ke Alanui Papu. He emi loa ke kumu kuai o na KII. H. L. KEIKI (CHASE.) Mea Pai Kii. 267-1y
Papa Nukama ( R. Newcomb),
—A ME—
Toma Kea (Thoma s Cross)
NA MEA HUMU BUKE. Alanui Kalepa Makai o Hale Luina. 275-1y
No Hilo.
KA MOKU KUNA "MELE HILO," O Sebastian ke Kapena. E HOLO MAU ANA KEIA MOKU I KE Awa maluna, no na ukana ame na ohua e ninau ia HULIPAHU, (L. L. TORBERT).
HE MOKU HOLO MAU
No Lahaina, a me Makena.
O KE KUNA KALEPA PAA maikai, "Kate Lee." O Crane ke Kapena, E HOLO MAU LOA ANA, A HIKI MAI no hoi ma na Awa i olelo ia maluna. No na ukana a me na ohua, e nina i ke Kapena ma ka moku, a i ole ia ia C. BREWER &co. (BURUA MA) 228-tf
HE MOKU HOLO MAU NO KONA
—A ME—
KAU, HAWAII.
E HOLO MAU ANA KE KUNA "Kona Packet," KAPENA BALAAMA, mawaena o Honolulu a me Kona, Kau, Hawaii. No na ukana a me na ohua, e ninau i ke Kapena ma ka moku, a i ole, ia G. A. WILLIAMS. Honolulu, Aper. 23, 1867. 281-6m
No Hana, Kaupo, a me Kahului.
KA MOKU KUNA 'MANUOKAWAI,' O Akoni ke Kapena. E HOLO MAU ANA KEIA MOKU I NA Awa i haiia maluna. No na ukana a me na ohua, e ninau ia C. BREWER &co. (BURUA MA)
Na Buke i Paiia e ka Papa Hawaii
Eia na buke kuai, a me ke kumukuai.
Baibala Ohana, ano nui, me na kii, 2 50
a me na Moohana, 5 00
Kauoha Hou, me ka pepa lahilahi o waho, 12 ½
Kauoha Hou, hapa haole (Haw. Eng.) 25
Haiao, 25
Hele Malihini Ana, 25
Wehewehehala, 25
Li ra Hawaii, 25
No ko ke Akua Ano, 25
Li ra Kamalii, 25
Kumumua Hou, 12 ½
Moolelo Ekale sia, 50
Hoike Palapala Hemolele, 25
Himeni Hawaii me na Leo Mele, 1834, 25
Ninauhoike, 12 ½
Ui Kamalii no na Kula Sa bati 12 ½
Kumu Leomele 12 ½
Haawina Kamalii, Buke 1, a me 2, 12 ½
Haawina Kamalii, Buke elua i huiia, 25
Eia na buke i haawi wale ia.
Ui.
No ka Aoao Pope.
Hoike Pope.
Ka Ekale sia Oiaio.
Palapala Liilii—
Helu 4—Makemake anei oe i ke ola?
Helu 6—E hele i o Kri sto la.
Helu 7—Ka hoi ana mai o ke Keiki Uhauha.
Helu 11—No ka hoohiki wahahee i ke Akua.
Helu 16—Ka Eehia ana o ka Ahaaina a ka Haku a me ka Papekiko ana.
Helu 17—Mai hana ino i na Holoholona.
Helu 18—No ka mahi ana, kuai ana, a me ka inu ana i ka Awa.
Ka Davida Malo Kumumanao.
Ka Moolelo o Batimea Puaaiki.
L. H. Kulika.
Kakauolelo o ka Papa Hooko o ka Ahahui Euanelio o ko Hawaii Pae Aina.
Ka Nupepa Kuokoa.
KA MOOLELO O ALAPAKI KA NUI, KA MOI MUA O BERITANIA.
MOKUNA V.
HELU I.
Pela iho la ka moolelo i hahai ia mai no ko Alapaki wa opiopio; a ma keia wahi, ke hoohui hou aku nei makou i na hana pakaha wale o ka poe Dane, a me na kumu hoi i hookiekie ia ae ai o Alapaki a hiki ma ka noho alii o ke aupuni.
I mea hoi kekahi e maopopo ai ia oukou ke kumu o ka hoonene kaua ana mawaena o ko Sakona a me na Dane, nolaila, ke hoike hou aku nei no makou i na kumu o ke kaua ana.
O ka mua; he hookae loa lakou i ka poe Kristiano. O ka lua hoi; ua ike lakou he nui ka waiwai i hoahuia ma na hale Moneka a me na waihona waiwai e ae o na alii.
He oi loa aku ka makemake o ka poe Dane, e lilo pio mai ia lakou kekahi abe (abbey) no ko lakou makee nui i na mea gula i hoahuia iloko o na a be a me na mea dala. Iloko o ko lakou manawa e hoopio ai i kekahi o na hale Moneka, e hookuu aku no lakou i na ilio hae a me na holoholona hihiu e ae i malama ia e lakou, e haehae liilii i ke kino o na Moneka a me na Nuna.
He manaonao maoli oe ke hoolohe malie aku i ka moolelo i hahaiia mai, no ka pepehi hoomainoino ia ana o na nuna e na Dane. Penei hoi kekahi moolelo i hahaiia mai no kekahi poe moneka i pepehi hoomainoinoia e lakou:
Aia kekahi hale moneka kaulana loa iwaena o Beritania a pau, i kapaia o Korolani (Crowland), a oia hookahi no hoi ka oi o na a be (abbey) iloko o ia mau la maluna o ka mokupuni.
E ku ana hoi keia hale moneka ma na palena hema loa o Linekonasire, ma kela pea hikina hoi o Enelani. Ma keia kapakahakai hikina o Enelani kekahi kaikuono hapapapa, i kapaia "Ka Wase," (The Wash) i hoopuni ia e ka aina hakukele haahaa, a me na Kanele (Canals) loihi, a maluna iho hoi o ua wahi la, e kamoe ana na alanui i hoopihapihaia a kiekie.
E waiho ana o Kolorani mawaena o na muliwai elua, e kahe ana maluna o keia aina haahaa a puni, a oia nae hoi ka mea i momona ai ka lepo o ia wahi. He mea nani no hoi ka ike ana aku i ke kii kahiko o keia hale moneka, e ku nei maluna o ka lepo pohopoho.
I ka makahiki mamua iho o ko Alapaki noho Moi ana, e ku ana no ua hale moneka la me kona hiehie nui;—a mai loko mai o keia hale moneka, he elua haneri poe moneka i hele aku e kokua pu i na koa Pelekane, malalo o ke alakai ana a ko lakou luna moneka, o Feriara Joli (Friar Joly) kona inoa.
He uuku loa keia poe koa Pelekane, mamua o na Dane he lehulehu, aka nae hoi, he poe wiwo ole lakou. Mai ke kakahiaka a po, aia no lakou e hoopaa ana i ko lakou kulana imua o na enemi, e alo ana i na pua pana a ka poe koa kani wawae o na Dane, a e pale ana hoi me ka lakou mau pololu, i na puali kaua lio o ka enemi.
I ka wa nae i uhi mai ai ka noe o ka po, hoi aku la na poe Dane, e hooluolu i ko lakou kino, a e hoomaha hoi i ka luhi o ke kaua ana i ke ao; a o na poe Pelekane hoi, he wahi manawa pokole wale no ko lakou i hoomaha iho ai, a hoomaka hou no ka hooikaika ana i na mea e maluhia ai lakou, a e alai aku ai hoi i na enemi, aka, hoi, oiai lakou e hooikaika ana me ka luhi nui, hiki hou mai la no ko lakou mau enemi, a hoouka hou mai la me ka hahana nui i oi aku i ko ka wa mua. A no ka mea hoi, ua maheleia na enemi i na apana elua, ma ke kua aku kekahi, a ma ke alo mai hoi kekahi, a nolaila, he mea makehewa wale no hoi i na Pelekane ke hooikaika ae i lanakila ko lakou aoao; aka, ua onipaa no nae lakou i ko lakou kulana mua, me ka manao paa, "imua no a make," a hiki wale i ko lakou manawa i pau loa ai i ka make, a he kakaikahi wale no na wahi koa i pakele aku iloko o ka ululaau, me ka ike ole ia mai. Malaila no hoi lakou i pee iho ai a hiki wale i ka wehe ana mai o ka pawa o ke ao, alaila, kaukou aku ai lakou i ko lakou a be, e hai aku i ka lono pilihua i na hoa o lakou e noho ana maloko o ka abe.
I ko lakou wa nae i hiki aku ai ma na puka o ko lakou hale moneka, ua hele a nae iki i ka ka mea o ka paupauaho. A oiai hoi na moneka e hoomakaukau ana i ka lakou mau hana mau, aia hoi, ua kuia koke ia mai la ko lakou mau manao kanaka e ka lono auhee o ko lakou poe koa, a hoi ae la ka manao mihi i na hilinai kalele o ka auwae kahi i kau ai. Ua piha koke ae la o loko o ka luakini i na leo kaniuhu a me ke poho o ko lakou manaolana, aole no hoi i kana mai ko lakou kumakena.
O kekahi moneka hoi, o Teo doa kona inoa, hoomakaukau koke iho la oia e lawe i na waiwai kupono ke laweia. Noho pu iho la oia me na moneka elemakule a me kekahi mau keiki uuku, no kona manao he poe nawaliwali lakou, malia o loaaia mai ko lakou alohaia mai e ka poe Dane. He kanakolu wale no ko lakou nui i koe iho,—a o ka nui o na moneka a pau i hele pu me Feriara Jole i ke kaua, ua pau loa aku lakou i ka ee maluna o ka waapa, a holo aku la ma ka muliwai me na waiwai makamae i hiki ke laweia.
He manao kupanaha keia; o ka poe ikaika kai holo i kahi e maluhia ai lakou, a o ka poe nawaliwali hoi kai hoonoho ia iho e kiai i na hale moneka o lakou. Aka, he mea maopopo, he makehewa wale no ke imi i na mea e kue ai i na enemi. O na pohaku makamae, na mea gula a me na mea dala, ua hooiliia aku maluna o na waapa, a aloia aku la a hiki ma kekahi wahi anoano iloko o ka ululaau, a malaila lakou i huna iho ai.
I ka manawa nae i hala aku ai na waapa, imi iho la o Teodoa i wahi e nalo ai kekahi mau waiwai i koe iho. Huna iho la lakou i na mea hiki ke hoonee ia, a o na ukana kikooia kai hookoe ia iho, oia hoi na papakaukau kumukuai nui, a me na mea e pili ana i ke kuahu, a me na aahu kumukuai nui o na kahuna. Mahope iho nae o ko lakou huna ana, hookomo iho lakou i ko lakou mau aahu kahuna, a imua o ke kuahu lakou i hoouna ae ai i ka lakou mau pule ma ka paepae o ka lani.
Maloko o ia wahi hoano, i loaa aku ai lakou i na poe koa Dane, a hana aku la me ka naau menemene ole, e wawahi ana i na hale moneka a me ke kuahu hoano, a o oki ku ia iho la na moneka imua ponoi o ke kuahu, a luku ia iho la lakou a pau loa, mai ka poe i aoo a hiki i ka mea opiopio loa iwaena o lakou, a hookahi wale no mea i koe, ma ka apua paha kona pakele ana. He keiki opiopio ka mea i pakele mai, o Turega ra kona inoa, he umi wale no ka nui o kona mau makahiki. He keiki opiopio maikai oia o kona helehelena, a oia hoi ke kumu i aloha ai o kekahi alii o na Dane, a kailiia mai oia mai waena mai o ko lakou poe e pepehi ia ana.
O Count Sidoroka ka inoa o ua alii la, ka mea hoi nana i kaili aku ia Turegara mai loko aku o ke aluka o ka make, a hoaahu ia iho la oia i ke kapa o ka poe Dane, me ke ao-ao pu aku no hoi iaia, e hahai mai oia ma na wahi a pau ana e hele ai, i mea hoi e kuhihewa ia ai oia he keiki Dane.
Hoolohe pono aku no o Turegara i na olelo a pau i kamailio ia mai iaia, i pakele ai oia i ka make; a pela iho la i pakele ai kona ola.
Mahope iho o ka pepehi hoomainoino ana o ka poe Dane i na moneka, noke iho la lakou i ka huli i na wahi a pau o ka pa hale moneka, huai ia na lua kupapau a me na wahi a pau, no ko lakou manao ua huna keleia na waiwai makamae maloko o ia mau wahi. A pau ka lakou huli ana i na waiwai i huna ia, pupuhi ae la lakou i ua pa hale moneka la o Korolani a pau i ke ahi, a o na kino make kekahi o na moneka i papaa pu iloko o ke ahi. Mai Ko rolani i hele aku ai na Dane a hiki i kekahi hale moneka e aku e ku kokoke mai ana, a e like no hoi me ko lakou luku ana i na moneka o Korolani, a hoopau hoi i ka hale i ke ahi, pela no lakou i hana ai malaila. A o Turegara no nae kekahi i hele pu aku me lakou. Ua hoolilo ae o Sidoraka ia Turegara i ukali e pili kokoke loa ana iaia.
I ka wa i pau ai ko lakou pakaha wale ana, hooili ia iho la na waiwai o na hale moneka a i elua maluna o na kaa, a hoouna ia aku la i ka aoao hema o ka aina.
A o kekahi o ka Sido raka mau kaa kekahi i hoouna pu ia aku mahope loa o na lalani kaa ukana a pau.
I ka hiki ana aku hoi o keia kaoo ukana i ke kauwahi halana o ka wai, poholo iho la kekahi o na kaa a Sido raka iloko o ka lepo poho, a hookuemi hope ia mai la na lio. A oiai hoi na kanaka o Sidoraka e hooikaika ana i hemo ae ke kaa, holo malu aku la o Turegara mai o lakou aku, a pee iho la oia maloko o na ululaau e pili koke mai ana, me kona ike ole ia mai hoi e kekahi kanaka e ae. Mai laila aku no oia i holo pee aku ai, ma ke alanui e hoi hou ana i ko lakou pa moneka ka abe (abbey) o Korolani i puhiia ai i ke ahi.
I ko Turegara hiki ana aku nae ilaila, aia hoi, ua hoi hou mai la na poe moneka o lakou i alo mua ako ai i na ukana ma kela aoao o ka muliwai, a e alaa ana hoi lakou i na mea i koe iho, me ka poino ole i ke ahi, a e hoakoakoa ana hoi i na kino make o ko lakou poe hoahanau i papaa i ke ahi.
He nui no kaao i hahaiia mai e ka poe hoonoho kuauhau o Enelani e pili ana no keia mau mea.
Penei hoi ka moolelo no ka Moi E demuna i pepehiia ai; O Edemuna, he Moi oia maluna o kekahi lahui kanaka o Anekelo Sakona, i kapaia na "Anekelo Hikina." O keia iho la ka inoa nui i kapaia aku ai i na kanaka e noho ana ma ka aoao hikina o ka mokupuni; a o ke kumu nui i hoala ia ai ka inaina hoomauhala mawaena o na Dane no ua Edemuna la, penei no ia: Aia kekahi kanaka koa loa, a akamai hoi ma na mea a pau i kapaia o Lotaboroka. I kekahi ha, holo aku la ua o Lotaboroka me kona waapa maluna o ke Kai Baletika, a lawe pu ae la no hoi i kana manu uhai manu ahiu me ia, a holo aku la ma na kowa e pili ana me ka moana o Geremania. O ke kumu nae hoi o kona holo ana, oia hoi ka pepehi manu maluna o kekahi wahi mokupuni manu iloko o ua mau kai la; a no ka mea hoi, he manu akamai loa kana i ka lawe mai i na manu ahiu a loaa iaia, e like me ka mea i kauoha ia aku iaia, a pela no e hana ai. A mamua ae nae o ka hiki ana o ua o Lotaboroka i kahi ana i makemake ai e pepehi manu, ua puhi e ia aku la ia e ka makani ino iloko o ka lipolipo o ke kai; aka, mamuli nae hoi o kona akamai i ka hookele ana i kona wahi waapa, i pakele ai oia i ka make, a pae ola aku ai i na ae kahakai o Beritania.
Ike iho la nae oia, aia oia iloko o ke aupuni kahi i noho ai na enemi o kona lahui, nolaila, huli koke ae la oia i wahi nona e hoonalonalo ai i kona pae ana mai, o ike ia mai oia he malihini mai ka aina e mai. He mau la hoi i hala ma ia hope iho, loaa iho la oia e auwana hele ana iloko o ka ululaau anoano. Hopu ia iho la oia a laweia aku la imua o ka Moi Edemuna, a o kana manu pu no kekahi me ia. Ua oluolu loa nae hoi ka Moi Edemuna iaia, a ua kahaha no hoi oia i kona pakele ana mai make i ka moana, a ua hoomahuahua loa ia mai kona makemake nui ana ia Lotaboroka, i kona wa i ike ai i ko ia nei akamai ma na mea a pau. Aia pu no hoi iaia nei kekahi ilio hahai holoholona, nolaila, ua like pu ka hiki iaia ke hahai i na manu, me ka hahai ana i na holoholona, mamuli o ke kokua ana mai o keia mau holoholona iaia, oia hoi ka ilio a me ka manu.
Ia wa nae, e noho ana kekahi kanaka akamai i ka hahai holoholona ko ka Moi Edemuna, o Beorona kona inoa;—a no ke kaulana loa hoi o Lotaboroka i ke akamai i ka hahai holoholona, nolaila, ua lilo ia i mea opuinoino loa no Beorona, a o ka hoomaka ana no ia o kona lili a me ka hoomauhala ana ia Lotaboroka.
I kekahi la, oiai o Beorona a me Lotabo roka e hahai holoholona ana maloko o ka ululaau, pepehi ia iho la o Lotaboroka e Beorona a make, a huna iho la i kona kino maloko o ka nahelehele. I ko Beorona wa i hoi aku ai i ka hale me na ilio ana, koe iho la no nae ka Lotaboroka ilio, e kiai ana hoi maluna o ke kino make o kona kahu.
Aole i pau.
Ka hele Malihini ana ma Honolulu.
He nui no na mea a'u i manao ai e kamailio pu me oukou aka hoi he poina wale au e like me ka'u i olelo mua aku ai i keia pule ae nei. Aia no ko'u manao a hoomaoe ia mai, aia no hoi a ku pono iho i ka ii alaila e pii auanei ko'u noonoo a moakaaka loa ae la na mea i huna ia. He mea akaaka he mea hoi e kukule ai a he mea hoi e nui ai o ka nuku ke lohe mai i ke kamailio a ko oukou wahi malihini; aka owau maoli no kekahi i ku i ka ii. Uumi wale iho la no nae hoi au, aka aohe hoi e hihi o ka hoopaipai a o'u mau hoa, a nolaila e wehe ae hoi a ake'a pono ia ai na puu na kee na wahi haiki na wahi akea na ololi me ka laula. A eia no ka kakou mea nui o kahi kaula nana e puiki nei ia kakou, oia hoi ke kaula o ke aloha, a ina e moku alaila o ko kakou kaawale no hoi ia.
Ua hala aku la ia po a'u i uhauha ai, ua pau aku la kuu mau wahi dala oia pule hana o'u, a noho wale ae la no kekahi mau la ae; aohe wahi hapawalu o ka pakeke. Hiki pinepine ae kuu mau hoa i o'u la i na ahiahi a pau me ke koi ana ia'u e hele e holoholo; aka aohe o'u ae aku, oiai ua maopopo loa no ia'u ina makou e hele aole no e nele ke komo iloko o na wahi inu kope. A makau loa wau no ka nele o ko'u pakeke i kahi hapawalu. Aole no nae au i hai maoli aku i kuu mau hoa i ke kumu io o ko'u hoololohe ana o henehene mai auanei laua ia i ka'u dala ole. Eia nae hoi i kekahi po, he po Poaha, hiki hou mai la no kuu mau hoa a koi mai la no ia'u e hele e makaikai ma na huina alanui. O ka pau ana ae no ia o kuu kuke ana, a e mau ana no ke kiheahea ana o ka hou, a hiki ana laua la, ua kahiko no a maikai i ane like me ke kulana o ka poe hanohano a oi aku no paha. Hoihoi launa ole au i ka ike ana aku ia laua la, oiai ua noi au i kuu haku haole i mau dala na'u, a ua loaa mai eha mau dala, a waiho ke koena a Poaono ohi pau loa mai. Ia ike ana ana mai no o'u ia laua la, o ko'u lelele ae la no ia iluna a komo ino aku iloko o kuu wahi rumi a komo i wahi palule hou. Aohe i holoi ia ka hou o ka ili a komo no ka palule maikai, hao mai la no kuu lole wawae paina; a malalo ae o kuu mau wahi kapuai he mau wahi kamaa nahaehae; a aohe no hoi i kahi ia kahi lauoho a komo mai la kahi kaka. Aohe makou i hooloihi iho o ka noho ana, lilo e aku la na'u ka olelo e hele, a o ka hele aku la no ia. Ke kuhi nei au he dala no la hoi ka laua la, eia ka aohe, a na'u makou i hoolawa i na mea a pau a makou i anoi ai. Hoopailau loa mai la laua la ia'u me ka hoolilo mai ia'u i haku no laua, a hoihoi loa ae la hoi au. Koke hele aku la makou ma na huina alanui e hookalali ana, me ke kau ana o na kika a ua ohu hoi i ka lei. Ia makou no e hele ana hoea mai ana elua mau kanaka i kamaaina i kuu mau hoa a olelo mai ana e hele e inu rama, ke hoihoi wale la no au me ke ano hoomakaukau, aka hoi o ko'u iini loa no ia o ka pa wahi kiaha, oiai ua lohe mua wau no ia mea, a o ka pono e hoao i pau kuhihewa. O ko makou komo aku la no ia iloko o ka Nekina a na ua mau kanaka nei i uku ka mea inu, a aole no hoi i kanamai o ua awaawa. Nana aku la wau i ko'u poe hoa inu, aohe imo iho o na maka, aka owau nae i ka inu liilii no ou i ko'u kiaha a pau wale. Ke hoomanao wale la no au, he ona iho paha koe, a eia ka auanei e ona io ana aole i kanamai. I ua po nei no pau loa hou no kuu mau wahi dala, a aole au i maopopo i ka'u mau mea o ka hana ana ia po, a i ala ae kuu hana eia ka wau iloko o ka hale lio o kuu haku haole kahi i moe ai; ua hele a oki loa kuu wahi lole, a hoomanao ae la au i na mea i hana ia ia po, a i haha iho kuu hana i kuu pakeke aohe kuu mau dala; a i nana iho ka hana i kuu mau wahi wawae aohe kuu mau wahi kamaa, a i haha ae hoi ka hana i kahi poo aohe kahi papale; ka ua pau loa no ka i ka hele, he makau paha ia'u pau loa lakou i ka holo. Holo na dala, hele hoi kahi papale, a hele pu no kahi kamaa. Pau aku la ia, ua ao ae la ka hoi ka po a pau mau aku ia no iloko o ka uwahi.
I kekahi la ae no oia pule o ka Poalima ia, hiki mai ana o Nohoaekai a koi mai la ia'u e hele maua e makaikai ma na huina alanui, a i pono nae i ka hele ana o kuu haku haole i kuaaina a hoihoi loa au i ka hele me kuu hoa o ka lae kahakai. Ia maua no e hele ana, hoea mai ana he kanaka opiopio i kamaaina i kuu hoa a koi mai ana ia maua e hoi ma kau hale a ua ae no maua; a hele aku la makou. He hale maikai kona ua nani o loko he malapua maikai ko kona pa; aka oia nani a maemae hoi ua hoopupuka ia e na paa lole lepo a hohono ta hoi o na sela moku okohola ia lakou e momoe ana. Eia ka he hale hookamakama, alia ua kuhihewa paha wau, eia nae hoi he mau wahine no ko loko e namu nui ana; a nana aku la wau he poe wahine no no ka huina Laisini. Aohe iho la o'u wahi hoihoi aka hoi hoomanawanui no au me ke kali ana o ka hoi ae o ko'u hoa, a no ka lohi loa o ko'u koi aku la no ia e hoi maua, a haalele aku la i ka mea hale me kona mau kauwa hana o na ili keokeo. Aole no hoi i mamao mai maua mai ka hale mai, i nana aku ko maua hana e lawe ia mai ana he poe i loohia ia e na wai hehena a i waena oia poe na kanaka a makou i komo puai iloko o ka Nekina; a e lawe nui ia ana i ka Halewai, ua pau nui i ka ona. Pakele maoli au i ko'u hopu ole ia ana ia'u i inu ai a lilo ai kuu wahi papale me na wahi kamaa.
Ua hala ae la ia mau mea me ko lakou ano, a aohe o lakou i nele i ka hopena. He hopena ko ka uhauha he nele, a he hopena ko ka hewa he pilikia a e pau ana na mea a pau i ka nalo me ko lakou mau hopena. Aole no hoi paha oukou e nele i ka olelo iho he hopena no ko ka malihini, he lilo iho i kamaaina, a pela io no ua kamaaina io no ko oukou wahi malihini a eia no ke noho ae nei iloko o na kaiaulu o ke kaona alii a ka nani a me ka hanohano i noho ai. Mawaena nae o nei nani a me nei hanohano aohe i nele ka manao ana ma ko kuaaina noho ana; ka noho ana iloko o ka ea oluolu e aheahe mai ana mai na ulu laau mai; ka nanea ana me na hoa noho o ke kuahiwi; ka hauoli mau ana i ka leo o na manu; ka makaikai ana i na kula panoa, na puu me na awaawa; ka nanea ana i ka olu a me ka huihui o na wai kahe; ka pupue ana i ke anu iloko o kahi pupupu hale; ka lolii ana i ka wa a ke kehau a me na paka ua e komo mai ai ma ka nahaha o ka paia. Ae, aohe i nele ka hoomanao ana nou e ka aina hanau; aohe e poina ia kou mau kaiaulu;—ka oni ana iloko o ka lepo; ka hele ana ma kou mau kualapa; ka hoomainoino ana i kou nani ma ka hume wale ana no i kahi malo; ka hele wale ana no me kahi kihei; he aloha no nou e ka aina kuaaina. Aohe poina o ke ala ana ae i ka wanaao, wehe aku no i kahi umeke muka kahi waha, a haule hou aku no moe, o ka hele no ia a awakea ala. He nanea io no ka noho ana o kuaaina aka hoi o ke kuaaina loa no hoi o ka noho ana; aohe ike wahi maka kanaka aohe pili me na keoni mana, aohe lohe i ka nakeke o ke kaa; aohe iou wahi kope; aohe komo lole maikai; aohe piva me na kamaa buti; aohe kuka paina me na lole wawae muo iki, aohe hui me ka poe hanohano; aohe ike i na nani a me ka hanohano o ke kaona, aohe i ike i na rula o ka noho maikai ana he ole loa no, e hoka mau ana ma na mea o ke alo alii;—ke kipa ana ma na home nani o kekahi poe; ka ai pu ana ma na papaaina; ka hooluana ana ma na olelo maikai. Ae aohe e loaa ia mau mea i kuaaina, a no Honolulu wale no ia mau mea hanohano. Aka hoi, hookahi a'u e olelo ae mawaho ae oia nani a me ia hanohano; ua helu pu ia mai ka pelapela a me ka lapuwale o na hana ino e hana ia ana; a hookahi no nae au mea i maopopo loa o "ka poe wahine laisini" a oia mea hookahi ka'u i hoopailua a makemake ole hoi, a ke hele nei kela inoa lapuwale; "he hookamakama na wahine o Honolulu."
AHAHUIKU.
(Aole i pau.)
Ka Poi Falaoa o Kalifonia.
INA LUNA HOOPUKA O KA NUPEPA KUOKOA; ALOHA OUKOU;—Ina paha he mea oluolu i ko oukou mau maka ka nana ana i keia kumumanao, alaila, e hookau aku oukou ma kahi kaawale o ko kakou Kilohana Pookela, i ike mai ai ka poe e manao ana e hoao i ka poi falaoa. Nolaila, ke kuhikuhi aku nei keia mau rula malalo iho nei i ke ano o ka hana ana o ka poi falaoa.
Hookahi, elua ano o ka poi falaoa, he poi Agore, a he poi falaoa, o ka poi Agore, oia ka poi i hoowali nui ia e na kanaka ma Kalifonia nei, o ka wa ia e hu nui ana o ke dala gula ma na kahawai eli gula, a o ka poi Agore a me ka barena pulehu ka ai nui a na kanaka ia wa.
Ka hoowali ana o ka poi A gore, e paila i ka wai iloko o ka ipuhao, alikealike o ka ipuhao e piha i ka wai, alaila, e hoowali i ka falaoa iloko o kekahi tini-pana a hehee loa, alaila, e ni-ni-ni iho i ka falaoa iloko o ka ipuhao e paila ana, a e koai ae oe me kekahi laau maikai, aole no hoi e ole ka moa e lena paakiki ana, alaila, e hoomaalili aku ma kahi oluolu, a maalili ea, o ka wa iho la no ia o ka hoomaka ana e paina, wehe ae oe i hookahi pahu sarina, lomi pu iho me ke akaakai a me ka ohia kahiki, holu iho oe i ke kai a nui, halale lua kela, o Kalifonia no ka sina, eia nae aole i like ka oi ana o ka poi Agore me ka poi falaoa, he koekoe ka ai ana o ka poi Agore, a he ono ka ai ana o ka poi falaoa e like me ka poikalo a oukou e ai mai la.
He rula (1) o ka hoowali ana. I ka wa e hoowali ai i ka poi Agore, mai kau oe iluna o ke ahi lapalapa, o papaa auanei hohono uwahi oe ke ai aku, eia ka pono, e hao mai oe i ke ahi nanahu ma kapa o kapuahi; a kukulu iho oe i ka ipuhao iluna pono, a e poepoe mai oe i ka lehu wela a puni ka ipuhao, pela oe e hoowali ai i moa maikai. A o ka poi Agore a me ka barena pulehu, he mau ai hikiwawe o ka moa, a paina koke no, ua kuke mau ia keia mau ai ma na huakai hele a na kanaka ma na Mauna eli gula o Kalifonia nei.
Rula (2). I ka wa e hoowali ana i ka poi Agore, mai kuihewa oe i ka paa koke ae ua moa, e hoomau no oe i ka hoowali ana me ko hoao pu, ina e hohono palaoa ana no, aole ia i moa, hoowali no oe a e ala pono ae ana no ka poi alaila ua moa, no ka mea ea, ina i moa pono ole ka poi Agore, he hokuku ka opu ke ai aku, a hakukoi aku kela me he poi ulu la.
Ka poi falaoa, a me ka poi Agore, noloko mai no ia o ka palaoa, aka nae, ua kulike ole ko laua hoowali ana, a me ka ai ana.
Hookahi, e hoolako mua i pahu laau, e like ke kiekie me ka pahu malakeke a me ka pahu ko paa, a emi iho paha malalo, a lako ia ea alaila e paila aku i wai wela iloko o kekahi ipuhao nui, me ka hoopiha i ka wai a piha loa, a paila ka wai, ea, e ni-ni-ni iho i kekahi hapa o ka waiwela iloko o ka pahu, a e kau hou aku i kekahi hapa o ka waiwela iluna o ke ahi i kela wa nae i ni-ni-ni ia iho ai ka waiwela iloko o ka pahu ea, o ka wa no ia e ni-ni-ni iho ai o ka falaoa iloko o ka waiwela, alaila, e koai ae me kekahi laau loihi ekolu kapuai ka loa, e hoomau i ke koai ana a hui ka falaoa, hoomau no i ke koai a pau ka hakuhaku o ka falaoa alaila, e ni-ni-ni hou mai i ka waiwela iloko o ka pahu, koai no a pau ia wai, ni-ni-ni hou mai a pau loa ka waiwela, eia nae, ina oe e makemake e ni-ni-ni iho i wai huihui mahope iho o ka pau ana o ka waiwela, ua pono no, eia nae ka hewa, mai hoowali oe a hehee loa ia wa, no ka mea, ina he falaoa ino, e mau no kona hehee i kekahi la ae, a he like kona ai ana me ka poi i awili puia me ke ko paa ka momona, a liuliu aku e ike oe i ke pohapoha e like me ka poi uwala i hoawaawa ia, elua kumu e momona ai o ka poi falaoa.
Hookahi, o ka hoowali hehee loa ia i ka wa mua. Alua, o ka hoowali paakiki ia i kinohi. Ma keia mau mea, he kohu ono ole loa ka poi ke ai aka no ka momona. Mehe mea 'la ua pai ia me na paona ko he 10, a he kumu e ae no kekahi e momona ai o ka poi falaoa, oia hoi ka moa ole i ka wa e hoowali ai, a o ka hopena o ka poi momona ke ai ia, he hokuku ka opu, a o pu makani aku ina e maikai ka hoowali ana o ka poi falaoa, he maikai a he ono loa ka puu ke ai aku, ina elima ohana o kekahi hale, e hala ka hebedoma hookahi ke ai ia, o ka pahu poi falaoa hookahi, he poi maikai loa ka poi falaoa no na aina Kaha, a me na wahi loaa mau i ka wi, ina nae he emi mai ke kuai