Ka Nupepa Kuokoa, Volume VI, Number 24, 15 June 1867 — Page 2

Ka Nupepa Kuokoa

KE KILOHANA POOKELA NO KA LAHUI HAWAII.

Ke Kuokoa. Honolulu. Iune 15. 1867.

English Column.

Foreign News.

@@@@ of May @@

            Official dispatches state that on the morning of May 15th a portion of the defenses of Queretaro was taken by the Liberal forces who surprised thee enemy, and that in a few hours afterward Maximilian surrendered unconditionally. General Escoledo reports he has received orders form President Juarez to shoot Maximilian and the Generals taken with him. The Literal forces hi@hetto be@@ging Queretam have started for the capital. It is stated that Juarez, in his answer to the request of our Government to spare the life of Maximilian, recounts the atrocities committed by the Imperialists, justifies previous executions of prisoners, and declines to guarantee the safety of Maximilian, in case of his capture.

            The trial of Surratt has been postponed until the 10th of June, in order to secure the attendance of important witnesses. The first section of the Western Pacific Railroad has been accepted, and a patent issued for the land granted.

            General Griffin, commanding in Texas, has suspended the collection of taxes levied during the war. They seem to be somewhat ignorant of their situation down there, as the Judge of a District Court refused to admit negro testimony, and the Sheriff of Victoria county does not believe greenbacks to be legal tenders.

            The managers of the St. Louis street railroads have resolved to admit negroes to equal privileges in their cars. Gen. Sickles has released all save two of the freedmen engaged in the Charleston street car riot.

            The people of Kansas are suffering from the outrages of organized bands of outlaws. One of a party pursuing the Richmond bank robbers was killed by a notorious bushwhacker, who escaped.

            Several fights have occurred between men cutting timber for the Pacific Railroad and Indians.

            The English Government has decided to commute the death sentence of convicted Fenians to imprisonment for life.

            The English National Reform Union have asked Gladstone to support household suffrage, but he refuses to commit himself to so radical a measure.

            The Danish Government denies that any negotiations have been had with Prussia relative to the retrocession of Schleswig-Holstein.

From Sac. Weekly Union, May 25.

            Jeff. Davis arrived in New York on the night of the 15th. Precautions were taken to prevent any mobbing demonstrations, but there was no excitement. Jeff. puts up at the Southern rendezvous, the New York Hotel. He was to proceed, without much delay, to Montreal.

            The laborers employed by the city Government of Chicago petitioned to have the ten hour system restored, as they were not able to stand the reduction of wages. They are now working ten hours a day. The eight hour movement in Chicago seems to have failed to realize the benefits which were expected to flow from the passage of the bill though the Legislature.

            Correspondence of the New York Herald, dated at Constantinople, April 20th, says Russia is encircling the Turkish Provinces with large bodies of troops and there is an immense number at and near Odessa. It appears that the "sick man" will soon be called to account.

NU HOU KUWAHO.

Ka hookuuia ana o Jeff Davis.

            I kela pule aku nei i hala, ua hai aku makou i kekahi mau mea hou, aka, ua koe nae kekahi mau mea hou ano nui, oia hoi, ka hookuuia ana o Jeff Davis ma ka bela, mailoko ae o kona home paahao ma ka Papu o Monoroe. Ma ka Poakahi, la 13 o Mei, ua laweia ua Kamaeu Kipi nei i Rikemona i maa o ka Aha Lunakanawai Apana, no ka hooko ana i ka Palapala Hookuu kino i hoolahaia e ka Lunakanawai Apana, a ua kauo haia e ka Peresidena loanekana o Generala Butona (Burton) ka mea nana e malama ana e hooko aku. Mamua ae o ka laweia ana mai, ua hele a pilipu na kanaka e ake ana e ike. Ua kukuluia he puali koa mawaho o ko keena hookolokolo, a ua hoonohoia he poe makai puhipuhi ahi wale no maloko. Ma waena o ka poe makaikai, he iwakalua wahino a he kanalima poe negero. Ma ka hora 11 o ke kakahiaka, laweia ae ana iloko o ke keena kahi e hookolokolo ai, a hoonohoia ma kahi noho e pili aku ana i kahi mau o ka poe lawehala, me kona kiai a me ka Ilamu ku Nui ; a ua heluheluia ka palapala hookuukino. Ua mahalo mai ka Lunakanawai i ko Gen. Butona malama pono ana, a me kopa hoolohe ana i na kanawai a me ka hoomaha mai ia ia ma ka hoopaahao ana ia Jeff Davis. Ia manawa ku koke mai la ka Ilamuku a noi aku la ia ia i palapala kena na ka Aha e hai aku i ka palapala hoopii a ko ke kulanakuhale o Norefolk. Ia wa ku koke mai la o O'Connor, ka Loio o Jeff Davis a wehewehe mai la i kona manao, no ka ioihi loa o ko Jeff Davis hoopaahao ia ana, nolaila ua maikai kupono ole kona ola kino, a ua noi mai o ia e bela ia ka mea e hoopiiia. Aohe mea i kue i keia noi a ka Loio, a ua hoopaaia kona bela i $100,000. Ua hai mai ka Lunakanawai i kona manao, ua makaukau oia i ke ae aku i ka bela, me ka hai mai o ka hihia a me ka hoopanee ana i ka lawe ana mai i keia hana i raua o ka Aha aia no na ke Aupuni, a aole ua ka Loio Apena. Ua olelo pu mai no hoi oia, o ka hapalua o ka bela na na kanaka e noho ana ma Vireginia e haawi mai. O ka iho koke mai la no ia o ka poe e hoopaa ana i ko lakou inoa no ka pomaikai o ke kanaka kipi, o ia o Horace Greeley ka mua, a o Mr. Schell mai o Nu laka he keiki lalawai, a o Mr. Jackman o Piledelapia o ia ano ano no, a o ka makawala wai la no ia o kekahi wau keiki kuonoono o Vireginia a kakau i na inoa. Ua makemakeia no ua Jeff Davis la e ka nui, aohe wahi mea a hamumu leo waiaau ae. Ma hope iho o ka paa ana o ka bela a me ka ae ana aku e hele mai i mua o ua Aba la i ka malama aenei o Movemaba, ua laweia aku ua kanaka komo lole wahine la maluna o kekahi kaa a i kekahi hale nui (Spottswood House.) O ua Jeff Davis nei, ka Presidena Kipi o ka He@@a, ke kamaeu nana i komo i ka holoku o kena wahine i lole kaua nona e maluhia ai, ua puhalahio aku la i Nu Ioka i ka la 16, a aia ma kekahi Hotele o Nu Ioka a malaila aku, holo loa i Canada e ike ai i kana mau keiki e ao ia ana i ka naauao. Ua holo pu aku no ia me kana wahine. E hookolokolo houia ana oia i mua o ka Aha Kiekie ma ka malama o Novemaba.

Pio Makimiliana

            I ke kakahiaka o ka 15 o Mei, ua lilo kekahi aoao o na pa kaua o Keretaro i na koa kamaaina, a he mau hora koke ma hope iho, haawi pio mai o Makimiliana ia ia iho me ke kuka ole. Ke olelo nei ka Alihikaua nana i hoopio ia ia, ua kauoha mai o Huare ka Peresidena makaainana e ki pu ia Makimiliana a me na Alihikaua i pio pu mai me ia. Ua oleloia, ua koi aku ke Aupuni o Amerika Huipuia e hoopakele i kona ola, akua ua hoole mai o Huare oiai, ua nui ka hana mo ana o ua Makimiliana nei ia Mekiko a me kona mau kamaaina. O na koa makaainana, ua naue aku i ke kulanakauhale o Mekiko.

            No Amerika Iluipuia

            Ua hoopaneeia ka hookolokolo ana ia Surata, kekahi o ka poe nana i powa ia Aberahama Linekona a ka la 10 iho nei o Iune.

            Ua pilikia loa na kamaaina o ka mokuaina o Kanasa i na puulu powa e auwana hele ana i o a ianei.

            Ke holo mau nei ka mokuahi Hikina Nui ma Nu Ioka a Farani; he lawe ohua makaikai i ka hoike nui o Parisa  kana hana. Ioa e loaa hookahi tausani ohua i ka holo ana hookahi, aohe no e poho, aka no ka emi loa ana o na eemoku, nolaila e poho ana ka Hui nana i hoolimalima. No ka mea o ka lilo no ka malama hookahi no ka hoolimalima wale ana no i ka moku, he elima tausani dala, koe na lilo eae.

No Europa.

            He mai ko ke keiki Alii o Farani ma ke kuapoi o ke kuli, a ua maha nae, a ua hiki ke hele i waho e nana i ka paikau ana a na koa aupuni.

            Ke poi nei na boa o Rukia i na palena o Tureke, me ka makaukau e komo me ka puali koa malaila.

            Ua hoololiia ka hoopai ana i na poe Feniana mai ka make mai a i ka hoopaahao ana no ke ola.

Ka Nupepa Kuokoa.

HONOLULU, IUNE 15, 1867

Ka @una Hooponopono, -  -  L. H. Kulika.

 

                                                 J. Kua

Na Hope Luna Hooponopono-

                                                 J. Kawainui

Poe Haku Manao no ke Kuokoa.

C.J.Laiana, (Lyons,)    |   S. M. Kamakau

Rev. M. Kuaea,           |   Rev. C.B. Anelu.

G.W. Kanuha.             |              (Andrews.)

                 (Oniula,)  |   D. Malo,

Rev. L. Laiana(Lyons)            |             (Lokoino.)

No Na Papale a na wahine Hawaii e hana nei.

            Ua hoala ia mai ko makou manao hauoli i keia mau la i naue ae nei, i ka ike ana aku i ka lehulehu o na wahine Hawaii e ulana ana a me ka humuhumu papaia ana. O ke ano iho la no ia o ka noho ana o na aina hana papale e noho mai nei, a kakou e ike nei maloko o na hale kuai o kakou i na papale o kela ano o keia ano. Pehea la hoi kakou e ko Hawaii nei mau hana papale, e hana anei a haalele pu wale iho ka manaoio hana? Ea, aole pela ka pono, o ka hana mau ka pono i ke talena i loaa ia oukou e ka poe hana papale a nui, alaila, hoolilo maoli i mea kalepa ma na wahi e aku, e like me na papale o na aina e, e hooili ia mai nei maanei e ka poe kalepa a lilo ia i mea e waiwai ai lakou. Pela no hoi auanei oukou e ko Hawaii nei mau hana papale, no ka mea ua nui no na ano mauu e hanaia nei na papale, a mai loko mai o ia mau ano mau, e loaa mai ai na papale ano like ole. O ka loulu, iwaiwa, ha ipupu, pua ko a me ka ha ko, pua pili a me na mauu ano like, pamoho, hululio, lauhala a me ka mauu makoloa. O na papale o keia mau la e kailewa ia mai nei, ua ku maoli i ka maikai ma ka nanaina, e loaa ai no na hapaumi a lilo ia i mea e kokua mai ai i ke kino. Maloko o kahi pepa puka mahina (The Friend) ua oleloia no keia mea e olelo ia nei, a ua hoikeia malaila ke ano o ka hanaia ana o ka mauu e hanaia mai nei na papale waiokila, a kakou e ike nei i ka hele a mouokea a penei ka hana ana: O kiia ka mauu, hana a maikai alaila, kihaehae a kaulai i ka la i hookahi la, alaila pua, a paa hookomo iloko o ka ipu waiwela waiho iloko a aiai alaila kaulai ae ma kahi malumalu a lilo i mea aiai loa, alaila ulana aku i papale. I ka hoohalike ana i ke ano o ka mauu o ka papale waiokila me ka makoloa ua like loa, a ma ka lena koke o ka papale makoloa ka like ole me ka waiokila. I ka nana aku, aole paha i like ka hanaia ana o ka makoloa me keia mea i oleloia ae nei. I ko makou noonoo ana e like ana no paha ke aiai o ka makoloa@ke hanaia e like me ka mauu o ka papale waiokila. I mea e pau ai kuhihewa o ka hoao ka pono a malie o pono, o ka loaa no ia o ka mauu waiokila ia Hawaii nei.

            Ua hala aku i ke Aupuni Uhane.—O kekahi o na kaikamahine ma ke alo ponoi o ka Lunahooponopono o keia pepa, o ia hoi o Kate V. Kulika, ua lawe aku la ka Mea nana i haawi mai, ma ka po o ka la Sabati iho nei bora 9 ma kona wahi noho ma Kawaiahao. He kaikamahine keia i hookama ia na laua me kana wahine ma Ponape. Ua loaa mai ia laua ia pua hoomanao o ka aina malihini, na kekahi haole Pukiki i mareia me kekahi wahine Ponape. I ka wa uuku o ua kaikamahine la, nona na makahiki eha, ua kaa mai ia laua ka malama ana a hiki wale mai i ka wa i hele aku la ana ke alanui hele lani. O ka nui o kona makahiki o ke ola ana ma keia ao, he 14; a he umi makahiki o ka pili paa loa ana me na makua i hoikeia maluna. He haumana oia no ke Kulanui o Punahou, a he hoahanau hoi no ka ekalesia o Kawaiahao. He mai loihi kona o ke kaa ana iho nei, o ia paha he mai ano like me ka mai aiake. Ma ke ahiahi Poakahi iho no, ua hoolewaia kona kino kupapau, a ua akoakoa mai na hoa misionari e ukali aku i kana huakai hope loa ma keia honua. Aloha ino ka pua o ka aina malihini i mae iho nei ma na kaiaulu o Hawaii nei.

NU HOU KULOKO

Oahu

            Ka Aha Juro o Honolulu.—Ma na nupepa nupuni o kakou, ua ike iho makou, e malamaia ana ka Aha Hookolokolo Jure kanaka maoli o Honolulu iloko ae nei o Iulai.

            Hale hana pahu.—Ua lilo ae nei ka hale hana lauu pahu malakeke a pahu ko o ka Hui o na Olelo e ma Alanui Papu, ia L. L. Hulipahu o keia kulanakauhale. E hana ia ana paha ma ke ano e holo ai ka hana.

            Ka Lunakanawai Kiekie.—Ua hoi mai ka Lunakanawai Kiekie o ke Aupuni Hawaii maluna mai o ka mokuahi kaua Amerika Lakawana, mai kana huakai mai i holo aku nei i ka hookolokolo i ka mokupuni o Kauai. Ua oluolu maikai kona ola kino.

            I ka makaikai mokuahi.—I ke ahiahi Poalua iho nei, ua puu nui aku na kahunapule o na paia kuaaina aku nei o kakou maluna o ka mokuahi Lakawana, a ua hookipaia lakou me ke kulana i loaa ia lakou. Ua kuhikuhiia lakou a pau i na mea e hoomaikaikaiia ai i ka lehulehu a pau i hele aku ma kona papahele.

            Kudalaia o Hanalei.—Ma ka nupepa haole i puka iho nei i ka Poakolu, ua ike iho makou ma kekahi o na kolamu olelo hoolaha, ma ka Poaono, la 7 o Sepatemaba e hiki mai ana, e kuai kudala ia ana na aina mahiko a pau o R. C. Wale a me na aina e ae on a, mamuli o ka ae ana mai o ka Aha Kanawai Kiekie o ko Hawaii nei pae aina.

            Na Ahahui Mokupuni.—Ma ka hora eha me ka hapa o ka auina la Poakolu iho nei, ua halawai ka Ahahui mokupuni o Oahu nei no kekahi kumu ma Kawaiahao. Ma ka hora 8 hoi o ke kakahiaka o ka Poakolu iho nei, ua halawai ku i ka wa ka Ahahui Lunakahiko o ka Mokupuni o Maui no kekahi mau kumu

            Haiolelo a Rev. G. W. Pilipo.—Apopo ma ka pule ahiahi ma ka luakini o Kawaiahao, e hui ana na ekalesia o Kaumakapili a me Kawaiahao ma ka halepule hookahi no ka hoolohe ana i ka haiolelo a Rev. G. W. Pilipo, ke keiki elu a keiki papa o Kona, no ke kumumanao. "No na oihana misionari Kuloko." E hele nui mai o lohe pepeiao auanei. Ma ka pau ana o kana haiolelo he wahi hookupu iki no ka mea e pono ai ia oihana misionari Kuloko.

            Mau haiolelo ma Kaukeano.—Ma ka pule po o ka Halepule o Kaukeano i ka la Sabati aku nei hoi i hala, ua haiolelo o Rev. J. F. Pogue ma ka olelo haole i mua o ka auaina maka keokeo he lehulehu wale. O kona kumumanao i hai ai. No na oihana misionari Kuwaho. Ua akahele a ua mai kai kana mau olelo i haku ai. I ka po o ka la apopo, e hai olelo ana o Rev. C. B. Aneru maloko o ia luakini, nona ke kumumanao No na Oihana Misionari Kuloko

            Mau alahaka elua.—Eia ma Ainahou he elua mau alahaka e hana ia nei e Hulipahu, a ua paa iho nei, a eia ke kali ia nei no ko laua lawe ia aku ma ko laua mau wahi. E hoouna ia ana paha ia mau alahaka no Ko'uko'ua-i a me Oheo ma Kipahulu. O Oheo, he kahawai no ia i loaa pinepine na pilikia, a ua make loa kekahi haole a mau kanaka maoli no hoi ma ia kahawai. Nolaila, ua pomaikai ka lehulehu ke paa io keia mau alahaka, a o ka pau no ia o ka pilikia ma ia mau wahi ke hiki mai i na la wai nui.

            Ka hoi ana mai o ka mokuahi Lakawana. Ma ke awakea o ka la Sabati aku nei i hala, Iune 9, ua hoi mai keia mokuahi mai kana huakai hele aku nei e makaikai i na kaiaulu o ka mokupuni o Manokalanipo, ka aina a kona Kapena i wale ai i kona wa ui. Ua haalele aku ua moku la i ke awa o Koloa ma ke ahiahi Poaono, a ua ku mai no ma Honolulu i ka la i oleloia maluna. O na ohua kaulana ana i lawe hele aku nei mai Honolulu nei aku, oia hoi ka mea Hanohano Ruta Keelikolani, ke alii Kiaaina wahine o Hawaii, o Paulo Kanoa, Kiaaina o Kauai, a me A. Keohokalole, o lakou no kana mau ukana nui i hoihoi mai nei. Ua kau pu mai no hoi maluna on a o Rev. J. W. Kamika, Rev. Dole a me kekahi poe e ae he nui wale. Ua lohe mai makou, ua haawiia na lokomaikai a pau i nailii moku e ko Kauai poe. I mea hoi e hoihoi ai i na lokomaikai a me na ahonui, ua malama maikai ia na ohua a pau i ee mai maluna ona.

            Ua hoopanee ia ka Hoike Kula Nui o Waialua.—Ua hoopanee iki ia ka la Hoike o ke Kula Nui o Waialua, oia hoi ke Kulahanai Kaikamahine. Mai ka la i olelo mea iaii oia ka Poalua, a i ka Poaha ae nei o keia noa ana aku, Iune 20. O ka hoike hoi o na Kula Saboti o Waialua a me ka ahaaina, e malama ia i ka Poalima, Iune 21.

O. H. Kulika

            Ma-kena ua mea he ipuhaole.—Ma ke kakahiaka Poaono aku nei i hala, ua hoea mai la ma ka makeke o Honolulu nei, he ekolu tausani ipuhaole mai kekahi wahi mai o keia mokupuni; a na ke kiakahi Wailele i hookele mai i Honolulu nei. Ua kuai nui ae kekahi Hawaii hoopukapuka o Ulakoheo, a aia malaila kahi i kuai ia ai no ka hapawalu a me ka hapaha no ka ipu hookahi.

            Ruta Kapohaku.—O kekahi keia o na lala o ka Papa Himeni o Kawaiahao, a ma ka Poalima aku nei i hala, ua hapuku ia mai la oia e na lima o ka make, a ua lawe aku la ia ma kela ao, a ua waiho iho hoi i kona nui makamaka mahope nei. Ma Maui oia, a i ka hoihoiia ana mai i Honolulu nei, emoole a lawe ia aku la oia.

            Makana waleia mai.—Ma ka lokomaikai o Emmes & Co., kekahi mau haole kapili moku o keia kulanakauhale, ua haawi manawalea mai laua i ka pahu have no ka hoohiehie ana i ka la nui a na Kula Sabati o Kona nei, a e welo ana maluna o ua pahu have la i keia ia na have wai hooluu o Hawaii nei. Ke haawi nei ke Komite Hookipa i ka mahuloia no laua.

            Apiki ka kaole.—Ma ke ahiahi Poakahi iho nei, ua hoehaia e kekahi haole, kekahi keiki hapa haole, a ua ano manuheu nui loa ka mea i hoehana. Ua hoopiiia ke kolohe i ka Aha Hoomalu, a ua hoopaiia he kanalima dala. Ua uleu iho la no kona mau aikane Pukiki, a ua uku pau ia aku, a ke kani nei kana aka.

            Hoike i na keiki.—I  keia kakahiaka ma kekahi keena ma Kawaiahao, e makaukau ai na kumu kula o Lahainaluna e hoike aku i na haumana o ka mokupuni o Oahu nei, i aka ko lakou makaukau no ka hele ana ia kula. Nolaila, ua maikai loa maoli keia hana, a na kumu. I na e akaka ke komo i na kumu, alaila, he hoononohu wale ana no koka uka iuiu o Lahainaluna, a i na puu panoa aku hoi o ua kula la e waiho mai la.

            Ka aina o Kamookahi.—Ma ka Poakolu e hiki mai ana, Iune 19, ma ka hora 12 o ke awakea, e kuai kudalaia ana ka aina nona ka inoa Kamookahi, e waiho la ma Waikiki. He eono a keu aku ka nui o na eka. E kuai kudalaia ana keia aina, mamuli o ka ae ana mai a ka Aha i na Lunahooponopono waiwai o ka mea Hanohano C. Kapaakea i make. He ukali paha keia wahi aina no na aina lehulehu wale o ka mea Hanohano Levi Haalelea i pulumi ia iho nei.

            Hoike Kula Kaikamahine o Waialua.—Ma ka Poakolu ae nei e lele mai ana me he opua la, oia hoi ka la 19 o Iune nei, e hoikeia ana ke Kula Kaikamahine o Waialua maloko ka luakini, nolaila, ua makemake ia no ka lehulehu e hele e nana no lakou iho, i ike i na hana a na makuahine opio o Hawaii nei. Mahope iho o ka hoike ana, e kuai ia ana kekahi mau mea i humuhumuia e ko lakou mau lima palupalu, mikioi, maiau a akahele hoi. He oiaio no paha, aohe no e nele ana ka hiki mai o kekahi poe o ke kaona alii e ike maka i na hana a na kaikamahine o ka "Ehukai o Lalo."

            Ka La Sabati ma Honolulu.—He mea mau ma keia kulanakauhale, ka hoolilo nui ana i ka la kapu o Iehova, i la hololio no ka poe e puni ana ma na lealea o keia ao. Aole i holo lio na kanaka no ko lakou malama i ko lakou ola kino iho, aka, ua holo no lakou no ka lealea, i ike ia mai ai e na makamaka he lehulehu. Pe keia i maopopo ai, in a o ka poe holohololio, poala koke iho no lakou ma na kikee alanui o ke kulanakauhale nei, aohe hoi he hoonalo aku ma kahi kupono i ka imi ana i ka ea maikai. Nolaila, he kupono ole ka hololio ana ma ke kulanakauhale nei, a pela no e kapu like ai ma na wahi e ae o keia pae aina.

            Ua hala aku ke Kilauea.—Ua olioli makou i ka ike hou ana aku i ko kakou Kilauea, e kani hou mai ana kona oeoe, a e kue ana kona huila, a e auku ana kona ihu maluna o na Ale o Pailolo a hala loa aku ma Alenuihaha. Ma ka Poakahi iho nei, hora 4½, haalele iho la ia i ka uapo o Ainahou a holo aku la ma na awa ku mau ana e holo nei. Ua ike aku makou maluna o kona oneki i kekahi mau kamaaina hanohano o keia kulanakauhale, oia o Ka Mea Hanohano S. H. Pilipo. ka Lunakanawai Robata G. Davis a me kekahi mau hoaaloha e iho. I holo aku nei na mea nona na inoa maluna e malama i ka Aha Hookolokolo Kaapuni o ka mokupuni o Maui

            Ua lilo ae la i hehena.—O kahi hoa no hoi e hio ana ma na alanui i keia mau la iho nei, ua hoopaa ia aku la ma ka Halewai ma Honolulu nei, no ka mai i loohia ia ia, oia ka pupule. Aia oia malaila kahi i hoopaaia ai, a e haawiia ana iaia na lapaau ana. Ua pono no la hoi ke ko'u o kahi waha, e hele pono ia no la hoi, in a peneia no ke naue hele nei no, aole, e hano ino aku ana oia i kekahi wahine iloko o kona wa ulupuni, ua emoele a kakae ana oia i ka Halewai. Maanei no oia mamua, a hoi aku nei i ka malu ulu o Lele no kekahi mau makahiki, a ano wale iho nei no ka hiki hou ana mai i ke kulanakauhale alii nei, a hoopaa ia aku la ma kahi i hoomakaukauia no ka poe e like me kona mau ano.

            Rev. A. Kaukau ma Kawaihao.—Ma ka po Poakolu iho nei, ua haiolelo ae oia imua o ke auaina nui, i hiki aku paha ka huina i na tausani elua, a oi aku a emi mai paha, i akoakoa me maloko o ia luakini, no ka hoolohe ana no na hana a na Misionari ma na pae aina o Fatuhiwa. Ua olioli nui ke anaina no kana mau olelo, a ua lilo nui ia i mea kaao na kekahi poe i keia mau la.

            Nui hou no na faiai.—O ko ke kaoaa nei huluaa no ia, o ka nui loa mai no o na paiai, e aho hoi ia mamua o na wahi umeke pihilolelole o na huina alanui o Honolulu nei. Aia ma ka la Poaono i aui ae nei, hiki mai la elua mau moku ma Honolulu nei mai Maui mai, a ke kuai ia nei ua mau pai ai nei no ke kumukuai manao like mawaena o ka mea huli dala a me ka mea hoopukapuka ai, a ua loaa like ka pomaikai.

            No ke Kapena Lanai.—Ma ke kakahiaka o ka Poakahi iho nei, ua komo ae o Kapena Lanai (Capt. W. Reynolds) o ka moku manuwa Amerika Lakawana, iloko o ka halawai a ka Ahahui Euanelio o ko Hawaii Pae Aina ; a ua hoike aku oia i kona manao mahalo loa i na hana a na Misionari Amerika, a ua mahalo loa no hoi ka poe o ia Aha i kona mau manao. A keia pule ae, e pai'a ana kana haiolelo maloko o ko kakou Kilohana ma ka olelo Hawaii.

            No Hokuao.—Ua ku mai o Hokuao ma Honolulu nei i ka Poakahi iho nei, mahope iho o ka holo lea ana o kana mau hana Misionari ma na pae aina o Fatuhiwa. Ua oluolu maikai ke ola o na Misionari a pau ma ia mau kihapai. Ua hoi mai nei hoi o Rev. Adamu Kaukau mai ia pae aina mai, no ka wehe i ka berita mare mawaena on a a me kana wahine. I keia pule aku, e hoopuka aku no makou i ka moolelo o ka holo ana aku nei o Hokuao a me kona hoio makaikai ana ma kela a me keia kihapai.

            I ka hoehoe waapa ka Moiwahine Kaleleonalani ma ke ahiahi Poaha iho nei, a i ka pau ana no, hoi ae la no ma kona home aekai ma Huehue; Aloha no paha ia aekai a olua i pili ai me ia la. Eia malaila kona luana ana a me kona hiolani ana i keia wa. A puana ae la makou, "Mai na home kahakai, Mai na wahi pomaikai." A haupu hou makou a u-alo ae, Aia i ka hoehoe, i ka pa-ka-ka ale, Niau e ke kialoa, hoolele-a ke ama e." Na oukou hoi e hoolawa aku.

            Kudalaia ka Halekuai mea ai.—Ma ka Poaha iho nei, Iune 13, hora 10 kakahiaka, ua kuai kudalaia ka Halekuai mea ai o Makanele ma, ma na huina o Alanui Alu a me Papu, no kekahi kumu nui, oia hoi ka aie kaa ole. O ke poho, ua hiki aku no ia mawaena o ka iwakaiua a me ka iwakalua kumamalima tausani dala. O kahi kumukuai wale no no na waiwai i hoomalu ia, he eono tausani wale no. Mau no ka hoi ka nele. He wa maumaua loa mai nei hoi keia o na hui poho. He pa-kalaki maoli no paha. I ka nana aku no nae, ua hui pu aku paha keia poe hui me Hagai ke kanaka akamai i ka hana eke pukapuka.

            Na Hoike Kula o Honolulu.—Ma ka auina la Poalua iho nei, Iune 11, hora 1, ua hoike ia ke Kulanui o Punahou. O na Komite Hoike, o Kapena W. Ranai o ka Lakawana, Kauka J. S. Makalu, (McGrew) Kauka L. H. Kulika a me Rev. W. I. Alekanedro makua.

            Poakolu, Iune 12, hora 9 kakahiaka. Ua hoomaka hou ka hoike ana o keia kulanui, a ua nui na makamaka i hele mai e makaikai i na hana naauao a na keiki ilikeokeo a me na wahi iliulaula hapa. Ma ka hoike ana i na mea naauao, aole i like me na makahiki i hala, oiai na hiki mua ua komo loa iloko o na mea paakiki o ka naauao. O kekahi kumu paha i haule iho ai, no ka hou loa no a me ka opiopi loa o na haumana.

            Po Poaha, Iune 13, hora 7½.—Ua haio lelo na haumana oia Kula maloko o ka hale kula ma Punahou. Eia na hana oia po, he eono mau himeni, eono mau haiolelo mai loko mai o na buke, a ekolu mau haiolelo haku iho a na keiki. Ua maikai na hana o ia po, aole e hiki ia makou ke hookiekie loa ae i kekahi maluna o kekahi, oiai ua maka like, aka, e like me ka mea mau, o na himeni no ka heke. Mawaena o ka poe haiolelo, ua ike iho makou o kekahi o na haku manao o keia pepa kekahi, oia o D. Malo, no ka mea, he haumana no ia no ke Kulanui ilioko o keia makahiki.

            Poaha, Iune 13, hoike kula o Mililani. Ma ka hora 9 o keia kakahiaka, ua hoike ia ke kula kaikamahine maluna. He kaikamahine wale no ko keia kula, a he kumu wahine no ka lakou. Ua eleu no lakou ma na mea i ao ia aku ia lakou, a ua kakahele no hoi ma na mea heluhelu a himeni hoi. Aka, i na nae e hoomau loa aku, aohe no e ole ka likelike haole. Malaila ka Moiwahine Emma Kaleleonalani, Na Mea Hanoha D. Kalakaua, a me C. De Varigny. Ua uleu maoli na kaikamahine o ka Papa Akahi, no ka mea, aole i hiki aku ko lakou mau hiki mua ilaila, a haalele honua wale iho nei no. E mahaloia lakou nei.

            Poalima, Iune 14, ma Kehehuna.—Hora 9 kakahiaka, ua hoomaka ka hoike o keia Kula keikikane malalo o ke Kumu nui Iosepa R. Kini. Maloko o keia pa kula, ekolu mau halekula i huiia malalo o ka hoponopono ana a ke kumu nui, aka, he mau kumu wahine nae na kokua, eha paha lakou kokua. Ua maamaa no na haumana ma ka mea i ao ia ia lakou, aka, ke hoomanao nei no nae makou, aohe no e loaa aku ko Bekue manawa e noho kumu ana. He mau haiolelo paanaau kekahi o keia kula i ka wa i pau ai na hana hoonaauao.

            Poakahi, Iune 24.—Ma keia la e hiki mai ana, e hoike ia na Kula Pualu Aupuni o Wailupe, Palolo a me Waikiki-kai ma ka luakini ma Kamoiliili ma ka horo 9 kakahiaka. Nolaila, i mea e makaukau ai na haumana a me na kumu, ua hai akea ia no ka lehulehu.

            Poalua, Iune 25.—E hoike ia na kula o Kamoiliili a me Manoa maloko o ka luakini o Kamoiliili ma ka hora 9 o ke kakahiaka oia la, nolaila, e noho liuliu a hoomakaukau no ka naauao honua. Aohe no paha e nele ana ka elu.

            Poakolu, Iune 26.—E hoikeia ana na kula o na Kalihi, Kapalama a me Maemae ma loko o ka luakini ma Kaumakapili. E hoomaka ana ka hoike ma ka hora 9 kakahiaka. E makaukau ana paha na haumana a me na kumu no ia la, no ka mea, he la iloko o ke anaina nui. Haule no e haule, aole e hiki ke hapai hou. Hoomaamaaia i ma-kau, i ole e haule ino iloko o kou la kaulana.

            Poaha, Iune 27.—Maloko no o ia hale hookahi, e hoike ia ai na kula pualu o Honolulu nei. E hoomaka ana no paha ka hana ma ka hora mau, e like me na kula i hai ia maluna. Nolaila, aole no paha e ole ka pau nui mai o na makua, e ike i ka hoike ia ana o ka lakou mau keiki.

            Poalima, Iune 28.—Ma ka hora 9 o keia la, e weheia imua o ka poe a pau e hele ae ana e nana ma ka luakini o Kaumakapili, no ka hoike ana o ke kula namu haole a Mr. M. Kiha, he kumu kula kanaka, aka, ma na mea haole nae kana e ao nei. Nolaila, papau nui ae e lohe i ka pakake o ka oukou mau keiki, oiai lakou e hoomahele ana ma ke ao ana i ka olelo haole.

            Na hana o ka la kaihuakai Kula Sabait.—I ka hora 10 o keia kakahiaka, e houluulu ana na keiki kula Sabati a pau o na ano keokeo a ulaula, mai Maunalua a Moanalua ma ka luakini o Kawaiahao, a e ka i ana ka huakai mai ka puka mai o Kawaiahao ma Alanui Moi, a hiki i Alanui Rikeke, alaila, pii a hiki i Alanui Beritania, a malaila ae a Alanui Nuuanu, hil i kai a hiki i Alaunui Moi, hele mai a ka Punawai Inu wai nona ka olelo ana, "Ua noa i na mea a pau." Ia wa e hoolaa ia ai ua punawai la, a peni na hana:

            1. Himeni koala—"From this bright Drinking Fountain." Na ka Papa Himeni o Kaukeano.

            2. He pule ma ka olelo haole—Na Rev. S. C. Demona.

            3. He haiolelo haole—Na Hanale A. P. Carter.

            4. Himeni Hawaii—"Punawai maikai nona mai ka wai." Na ka Papa Himeni o Kawaiahao e mele, malalo o ke alakai ana a Ka Mea Hanohano Mrs. L. Kamakaeha Dominis.

            5. He haiolelo Hawaii—Na Rev. A. O. Polepe.

            6. Himeni haole—"Sparkling and bright in its liquid" light. I ka pau ana o na hana malarial, e kai like aku ana a maloko o ka luakini, he mau haiolelo a he mau himeni. Ke pau ae ia mau hana, alaila, he ahaaina malalo o halau laau.

Maui.

            Pepehi kanaka ma Lanai aoiie i loaa.—Ua poloai mai o P. M. Nakaipuni o Puukauila, Lanai ia makou ma kana palapala e i ana, ke kani nei ka aka a ka pepehi kanaka o Lanai, aohe i loaa ua mea la, ke mau nei no ka olelo hoolaha a ka Luna Makai, aka aohe nae wahi mea a pu'a iki ae. O ka nalo no ia mai ka wa i make ai a hiki i keia wa.

            Oleloa kahi pai kalo e aho kahi raiki.—Ma Lanai, ke kuai nei na kanaka i ka laiki, no ka mea oia ka ai kupono no na wahi menehune kanaka e noho la malaila. Ua pau ko lakou kuai ana i ke pai kalo, a ua hoi nui ae la ke kuai a kahi laiki, i hookahi ka namu like ana me na moa. E! papau oukou he a-a ko ka hale.

            Na Halekuai. Ekolu halekuai i keia wa, ua paniia ka ha no ko Paioa make ana ai. A o na halekuai i koe iho ia wa no A. Unna hookahi, a no ka poe hui o A. Hopu, Esq ma hookahi, pela hoi ko M. Ulunahele. A eia lakou ke ku nei me ke kuai ia o ka lole, e na kanaka o Koolau mai me Kipahulu mai, aole hoi o ko Hana iho he ope alu wale no.

            Ka põe uni—Ke ao nei na kane iae na wahine, ma Wananalua, Hana, i keia mea la he ku-i. O ka lakou hana ia e hana nei i ke ao a me ka po, me ke kakani ana o na waha me he Palahu kane la e kou-kou ana me ke panau ana o na wawae me he pinao la, a puke hoi na papakole me ke pai ana i na lima, koele iho kanono he aha la ia. Ola ka noho ana wi, a o ke ku-i ka hana, loaa paha auanei i na olelo a Solomona.

            Hoike Kula Sabati.—Mei 17, Hoike ke Kula Sabati o Keanae, maloko o ka luakini, ua hele mai na haumana a pau, me ko lakou makaukau i na mea i ao ia ma ke Kula Sabati. Oia hoi ka paanaau Baibela a me na himeni Kula Sabati, o na keiki a me na makua pu ma keia hoike. Eha haumana e hai pakahi ana ma kahi a kela keia haumana i paanaau ai, ku mai kahi haumana o ka papa himeni e noi ana i kana himeni i makemake ai, ku like mai ka papa himeni ma ka himeni i noi ia, a himeni mai, a pela ka hoike ana, ma ka paanaau a me ka himeni. Mahope o ka hoike ana, ekolu haiolelo e pili ana no keia hoike Kula Sabati, wahi a lakou, maikai keia hana, aole i ike ia mamua, a kahi no a ike ia, a he mea hou keia, a he hana nui a koikoi, a ke lana nei ka manao, o ka Haku pu ma keia hana. Pau ka hoike, ahaaina, ua makaukau na mea ai kupono, paikalo, puaa, moa, palahu, opae, ia, pau ka ai ana, o ka hoi no ia.