Ka Nupepa Kuokoa, Volume VI, Number 20, 18 May 1867 — Page 1

Ka Nupepa Kuokoa

KE KILOHANA POOKELA NO KA LAHUI HAWAII.

BUKE VI. HELU 20.                                                HONOLULU. MEI 18. 1867.                                    NA HELU A PAU 285.

KA NUPEPEA KUOKOA

@@@@@A MAU IA MA HONOLULU

I kela Poaono keia Poaono.

$2.00

No na mahina he Umikuma lua !

$1.00 no na mahina eono.

ME KA HOOKAA MUA MAI.

 

Na @@@@ H@@@ana @@@@ @@ mamua o 10 laina no ka @@@

@@@ @@@@@ui a@a $1.00@ @@@@ k@@@@ @@@ @@ $1.00 @ @@@

@@@@@@@@@@. $2.00. @@@@ @@@ @@ mau @@ @a@a o na olelo

@@@@@@@@ @@@ @@@@@@@@@ ana @@@ e pai

@@@@@@ @@ @@@@@@ @@@ ka u@a @@ @@ @@@@ hookahi o ka

@@@@@@ @@ @@@@@@@ @@l@@ni  @@@@ @@

@ @@@@@@@@, @@@@@@@ $2.00, @ @@@@@@.

@@ @@@@@ @@@@ @@@@@ @@ @@@ @@@@ a me k@ u@u

@@ @@@@@@ e @@@@@@ @@ ma ka luna o @a @ana o ke

@@@@@@@ a i @@@@ @@@@@@@ mai ia Kauka Kulika.

@@ @@ @@@ @@@@ @ @@@ @ @@@@@ mua mai no--aole e kaola @@ @@@ kekahi haole a kanal@@ @@ @@@ @@@@ @@@ ka @@@@ o a @@@ @@@@ papa ka ole @ @@@@ a o mai @@@@@@ @ @@@@ @@@@ @@@ @@@ mau @@@@. @ @@@@@ @@@@@@ @@@ @@ mau @@la, no ka mea, he emi no ka au@au @@ keia @@@@ @@.

@@@ @@ K@@@ o ka nupepa kuokoa--ma ke kihi hema o ka H@@ H@@@@ @@@@ @@ @@@ @@@@ O na @@@@ hana. @@@ ka @@@@ o kakahiaka, a i ka ha o ke ahiahi.

@. H. K@LIKA. @@@@ @ @@puka

 

"KA NUPEPA KUOKOA."

@@ published In Honolulu

EVERY SATURDAY,

$2.00 per annum, or $1.00 per six months, in advance.

 

Advertisement and @@@@@ine 10 lines, @@@@@@@@@@@ @@ $1.00 @@@@ @@ $1.00, and $2.00 for one month, all advertisements must be paid for in advance.

@@@@@@ will be charged 1 00 per @@@, or @@@ a line.

@@@@@@ @@ @@@@@@@@, @@@@@@@@ or Kanikana, @@@ be paid to any of the @@@@@ of the kuokoa, or may be @@@@@@ in a @@@@@@ to the publisher.

All @@@@@@@ must be @@@paid. No names, either of @@@@@ or natives, will be in@@@@ on the subscription @@ until paid@@. This rule must be strictly @@thered @@ @@ @@@@@ of the @@ subscription price.

@@@ @@@@ @@ @@@ Kuokoa in the South corner of the Sa@@@@ Home. Office hours from 9 A M. to 4 P M.

@ J. GULICK

For the Publish@@@.

@@ V@@@@@ I, II and III of the KUOKOA, bound, for sale, @@@ @@@.

@@ P@@@@ having complete sets of the above, can have them bound by paying $2.00 @@@.

No Hilo.

KA MOKU KUNA

"MELE HILO"

O Sebastian ke Kapena.

E holo mau ana keia moku i ke Awa@@@@@, @@ na @@@ a @@ na ohua e ninau la

H@ @@@@@ (@. @. Toka@@@. )

No KAWAIHAE.

E holo mau ana ke kuna ma@@@@ i kela awa maluna. No na ukana a me na ohua, e ninau i ke Kapena ma ka moku, a lole ia

WALKER & ALLEN

Na Luna.

Na Luna ma Kawaihae, o CONWAY & ALLEN

276 J@@

MOKU KUNA WAWIKI !!

E holo mau ana keia wahi moku i Molokai i keia pule keia pule mai Honolulu aku nei. A @@@ he ukana @@@@@ ka kekahi a e holo @@uaana paha, alaila, e ninau a@ i ke Kapena ola o

KAHALEMAKE

 

HE MOKU HOLO MAU NO KONA

A ME

KAU, HAWAII

E HOLO MAU ANA KE KUNA

"Kona Packet,"

KAPENA BALAAMA, mawaena o Honolulu a me Kona, Kau, Hawaii. No na ukana a me na ohua, e ninau  i ke Kapena ma @@@ @@ a i ole, @@

G. WILLIAMS.

Honolulu, Apr. 23, 1967                                 2@@ 6m

No HONOIPU me NAOHAKU.

Ka Moku K@na

"KOHALA"

O Howard ke kapena.

E @@@@ mau ana keia moku ma ma Awa @@@eleia maluna, no na @@@@ a me na ohua     E ninau i ke Kapena, a lole ia, ia @@@…

KAKELA me KUKE.

No Hana, Kaupo, a me Kahului.

KA MOKU KUNA

'MANUOKAWAI,'

O Akoni ke Kapena.

E holo mau ana keia moku i na Awa i haiia maiona, No na ukana a me no ohua, e @@ mau @@

C. BRWER @@@ (BURUA MA)

HE MOKU HOLO MAU

No Lahaina, a me Makena.

O KE KUNA KALEPA PAA maikai.

"Kate Lee."

O Fountain ke Kapena,

E holo mau loa ana, a hiki mai @@@ hoi ma na Awa i olelo la maluna. No na ukana a me @@ @@@. e in a i ke Kapena ma ka moku, a lole ka ia @@@

C. BREWER &co.. (BURUA MA)

Na Buke i Pai ia e ka Papa Hawaii.

Eia na buke kuai, a me ke kumukuai.

Baibala nui no na Awai o na Halepula. $4 00

" Ohana, ano nui, @o na kii, a me na Moohana, 2 50

" Ohana uuku iho, me na Moohana, ili ulaela, 1 00

" Ohana, me na Moohana wale no, 624

" Okoa, - - - 50

Kauoha Kahiko, i paiia i ka M. H. 1838, 25

Kauoha Hou, me ka pepa lahilahi o waho, 12@

Kauoha Hou, hapa haole (Haw, Eng.)            25

Ha@@o, -   -   -  -   25

H@@@ Malihini Ana,     -  - 25

Wehewehehala,    -   -   25

La@@ Hawaii,    -   -   -   25

No k@ k@ Akua Ano,    -   - 25

L@ra Kamalii,   -        -   25

Kumumua Hou,      -     12@

Moolelo Ekalesia,  -    -   50

Hoike Palapala Hemolele,      -    25

Himeni Hawaii mo na Leo Mele, 1834,    25

Ninauhoike,    -   -   -   12@

Ui Kamalii no na Kula Sabati      12@

Kumu Leomele      12@

Haawina Kamalii. Buke 1, a me 2      12@

Haawina Kamalii, Buke elua i huiia,      25

Eia na buke i haawi wale ia.

Haawina Baibala

Ui

No ka Aoao Pope

Hoike Pope

Palapala Liilii----

Helu 1---Makemake anei oe i ke ola?

Helu 6---E hele i o Kristo la.

Helu 7---Ka hoi ana mai o ke Keiki Uhauha.

Helu 11---No ka hoohiki wahahee i ko Akua.

Helu 16---Ka Eehia ana o ka Ahaaina a ka Haku a me ka Papetiko ana.

Helu 17---Mai hana ino i na Holoholona.

Ka Davida Malo Kumumanao.

Ka Moolelo o Batim@a Puaaiki.

La H. Kulika.

K@ kauolelo o ka Papa Hooko o ka Ahahui @uanelio o ko Hawaii Pae Aina.

 

Ka Nupepa Kuokoa.

KA MOOLELO O KAMEHAMEHA I.

Na S. M. Kamakau

HELU 27.

Ka Hiki Ana Mai o Vanekoua i Hawaii

Nei i ka A.D. 1792.

He umikumumahal makahiki mai ka hiki ana mai o Kapena Kuke (Lono) ma Hawaii nei, alaila, hiki mai la o Kapena George Vanko@a, he kauaka huli aina no ka aupuni o Beritania Nui ; elua on a mau moku, a ua hele mai oia ma ke alanui i moali mua ia Kapena Kuke, no ka mea, ua hoomaopopo ia kona alanui i hele mai ai ma ka Moana Ateranika Akau a me ka Hema, ka Moana Pakipika Akau me ka Hema a me ka Moana Anu Akau. Ua hookaawale o Kapena Kuke i ka latitu a me kona lonitu o ka Hemepela Hema, i ka latitu a me ka lo@@tu o ka Hemepele Akau. Ua maopopo ke alanui a me ka meheu o kana wahi i hele mai ai a me na wahi i keehiia e kona mau kapu@i.

O Kapena G. Vanekouva, he kanaka oia no ke aupuni aina keokeo Alebiona (aole anei pela ?) a i kapaia o Beritania Nui. Ua lilo oia i hoa'loha no kela alii keia ahi, o kela a me keia aupuni e noho kaawale ana, oiai aole i lilo i aupuni hookahi o Hawaii nei malalo o ke alii hookahi ia wa.

Ma na aina o ka Hema kona hiki mua ana mai, a ua holo mai oia ma ka latitu e kupono ana i Kealakekua ma Hawaii, aka, aole nae oia i ku mua i Hawaii, ua kalewa wale no, me kona ninau ana nae no Kalaniopuu ka Moi o Hawaii ; a ua haiia aku "ua make, a lilo ke aupuni ia Kamehameha."

Holo aku la hoi o Vanekouva a ku ma Waikiki i Oahu, a halawai pu laua me Kalanikupule, ke keiki a Kahekili, ke alii o Oahu. Ua haawi aku o Kalanik@pule ia Vanekouva, he kanaha puaa a me na mea ai he nui wale ; a haawi mai no hoi o Vanekouva, he lole ulaula kanekopa, a hoaikane i ho la  laua.

Haalele iho la oia ia o Oahu, a holo aku la a ku ma Waimea I kauai, a malaila oia i hoike ai i ke ahi kaolele, e hoike ana, eia ka aina i loaa mua o Hawaii nei i ke kanaka huli aina o Beritania, oia hoi a Attoii ka inoa. Halawai pu laua me Ka@mualii ke alii o Kauai, he kamahi wale no oia ia wa, a na kona mau kahu (Nakaikuaana ma) no e hooponopono ka aina o Kauai. O Kaeokulani ka makuakane o Kaumualii, aia no nae oia ma Maui me Kahekili. Ua kapa aku no hoi o Vanekouva i ka inoa o Kaumualii, mamuli o ka inoa o ke alii o Beritania, oia hoi o King Geore Kaumualii. Ua haawi aku no hoi o King George Kaumualii ia Vanekouva i ka puaa a me ka uhi o Niihau, a ua haawi mai no hoi o Vanekouva i ka puaa a me ka uhi o Niihau, a ua haawi mai no hoi o Vanekouva he mau lole ulaula, a ua kapaia ka inoa he kanekopa, Ua mahalo nui loa ia keia mau lole ulaula ; a no ka ulaula maikai o keia mau lole, ua kapaia i ho o Kekupuohi a me Kea@ualapu ka inoa.

A ma keia ku mua ana mai a Vanekouva, ua olelo iho oia, ua emi na kanaka a me na alii, aohe nui e like me ke ku ana mai a Kapena Kuke, ua paapu ka aina i na kanaka ia wa, a ua nui na'lii.

Ua oiaio ka nui o na kanaka i ka wa i hiki mai ai o Kapena Kuke, no ka mea, ua hele nui mai na kane na wahine a me na kamalii a ma na'lii e maikaikai ia Kapena Kuke ; a he wa no hoi i akoakoa nui ai na kanaka i ke kaua ma Maui, a ua ike o Kapena Kuke ia wa. A no ke ano malihini o ka haole, nolaila, ua hele nui mai e makaikai, i ike pono i kanaka maka alohilohi. Aole nae pela ka wa ia Vanekouva. He wa kaua nui ka wa mahope iho o Kapena Kuke, he nui ka luku, a n@pikao i ka umu me na poluku. [ E nana i ka moolelo o na kaua].

O ka lua o ka moku o Vanekouva, o Daedalesa ka inoa, a ua holo loa oia ma Koolau o Oahu, a ku iho la ma Waimea, Koolauloa, he awa maikai no ia e pili pu ana me Waialua, a he awa ku mau ia no hoi e na moku. Malaila kahi i pepehiia ai ke Kapena a me ke Aohoku.

O Koi, oia kekahi Kanaka paele, a oia no hoi kekai kanaka koikoi o ko Kahekili alo alii, a he luna koa oia no ka poe pahupu, a he kahuna hoi no ka papa kahuna a Kaleopuupuu ; a nana no hoi ka heiau me ka hale o Ko@ ma Kapokea, Waihee, Maui.

O ke kumu o ka pepehi ana i ka haole, oia no ke kuko ana i ka pu, no ka mea, ua ike ia ka pu he maua kona e pepehi @@@iwawe ahu ai i ka hoa paio ma kahi mamao aku ' a ua ike ia no hoi ke kaua ana ma ia ano i kekai makahiki aku i hala, oia hoi o Kepuwahaulaula, o ke kipu ana ma na Palihulaana o hawaii ' a o ua o Koi a me kekeahi poe e ae no kai pepehi i keia mau haole, no ka mamao nui no i ka pu.

I ke ku ana o ua moku nei ma Waimea, ua hoomakaukauia na waapa elua no ka holo ana e ukuhi wai, a ua holo aku na waapa me ka  hoolaki ana i na pahuwai a me na lako kaua, oia hoi ka pu, pahi a me na elau, I ka holo ana o na waapa a pae i uka, a hoopae aku la i na pahu wai ma ka aoao akau o Waimea, ma ka nuku muliwai e pili ana me Piliaaama. Ike mai la na kanaka no Koolau mai a no Wailaua mai kekahi kanaka, he poe puali koa, a he poe pahupu paele no Kahekili, a o Koi ko lakou luna nui. A ikeaku la na kanaka i ke Kapena a me ke kilo Aohoku o ka moku, he mau pu ka laua, a he mau pahi kaua e paa ana ma na aoao, a kuk@ iho la na kanaka e pepehi i ka haole no ka ipu a me ka pahikaua. Hoao iho la na haole i ka wai o ka nuku o ka muliwai, a ua awaawa nae i ke kai ; a kuhikuhi aku la na kanaka i kahi o ka wai ono mauka loa o ka muliwai ; a hoowalewaleia ma haole, me ka lawe ana i na pahu wai a hala loa i uka, a malaila kahi i ukuhi ai i ka wai. I ka piha ana o na pahu i ka wai, olokaa mai la no na haole i na pahu maloko o ka muliwai a hiki i ka nuku o ka muliwai. O ke Kapena hoi a me ka haole kilo Aohoku, ma kapa no laua o ka muliwai ; a, ua hoowalewaleia me laua e kanaka e kuai i ka puaa, ka uala a me ka maia ' a o keia hoowalewale ana ke kumu i kaawale loa ai ka nui o na haole, a koe wale no ke Kapena a me ke kilo Aohoku, e hoowalewale ia ana e kanaka me ka manao e pepehi. Hailuku ia iho no hoi laua e na kanaka i ka pohaku, no ka mea, ua huna na kanaka i ka pohaku ala iloko o ke kihei. O kekahi kanaka hoi, o Kapaleaiuku ka inoa, a me Kuaniu, o laua na mea nana i hoomaka mua i ka hailuku ana i ka pohaku, a pa ma ka auwae o ka haole, a hina iho la ilalo, a kaili ia ae na pu a me na pahi, a pepehiia iho la a make loa. A ike mai la ka nui o na haole e hoau ana i na pahu wai, ua haalele koke iho la lakou i na pahu, a holokiki aku la iluna o na waapa e lana koke mai ana ma kai aku, a ki mai la i ka pu i na kanaka. A ike mai la hoi na haole o ka moku, e ki pu ana na waapa i uka, alaila, manao iho la lakou he kaua ko uka, nolaila, hoololi pono ia ae la hoi ka moku a ki pu mai la ia uka o Waimea, mai ia la a po. I ka po ana, holo aku la ua moku nei, e kalewa wale ana ho iwaho ; a i ke ao ana, hoi hou mai la no e ki pu ia Waimea, Ua hala paha na la elima o ke ku pu ana, a holo aka la a ku ma Niihau.

O ua mau haole nei hoi i pepehiia ai ma Waimea, ua kau@ hele ia mai Waimea aku a hiki ma Waialua, a hala loa aku la i Mokuleia, mamuli o ka manao hana lokoino o kekai poe kanaka--- Me ka makau ole no hoi i ke Akua, ka mea nana i hana mai i ke kanaka ma ke koko hookahi. Ua ike au i kekahi o ia poe kanaka nana i pepehi i na haole ma Waimea, a ua olelo mai o ia, "O ka pu no ke kumu o ka haole i make ai, a ua kauoha mai na alii i na kaukau alii a me na puali e noho ana ma ke kuaaina, in a e ku ka moku ma kuaaina, a ike ia ka pu, alaila, e pepehiia ka haole a e kailiia ka pu, Nolaila, ua lawe ia ka pu imua o Kalanikupule a me na pahi kaua ma Waikiki. A ike o Kalanikupule i na pu a me na pahi kaua a Koi ma i lawe aku ai, imua on a, olioli nui ihola oia, no ka loaa ana o ka pu, no ka mea, he manawa kaua nui ia ma keia mau pae aina mai Hawaii a Kauai ; he mau kaua kuloko a he kaua kuwaho ; a ua kaniuhu ka honua i ke koko o na kanaka i hookahe wale ia, no ka hoohanohano a me ka hookiekie a na'lii, a me ka haawi ana i ka aina a me ka waiwai a me ka mohai ana aku i ke koko o ke kanaka. E noonoo nui ka lahuikanaka Hawaii no keia mea.

Ke ku alua ana mai o Vanekouva ma Hawaii nei i ka a. d. 1793.

A nalowale o Vanekouva mai Kauai aku, hoio aku la oia ma ka aoao Komohana Akau o Amerika, ma na awa a Kapena Kuke i ku mua ai, a ku no hoi ma na awa o Mekiko komohana ma Kaliponia, a hoi hou mai la i na mokupuni o Hawaii nei, a ku mai la ma Kawaihae i ka la 14 o Feb. 1793. I ke ku ana hoi o kona moku malaila, ua @oi nui ia mai oia e na kanaka e kuai i ka pu a me ka pa@@a, ua hoole aku o Vanekouva, me ka i aku, "aole pono e kuai ia mau mea, he mea pepehi kanaka ia." He ano Kristiano ko Vanekouva, a he kanaka Beritani ma oiaio ; a ua kupono ke kapaia oia he makua no ka Lahuihana Hawaii. Oia no hoi ka mua o ka mea nana i @uhi@uhi, "Aia ke Akua oiaio ma ka lani." Ua maopopo no hoi, he hoa'loha oia no na alii mai Hawaii a Kauai. Aole no hoi oia i haawi i na mea kaua i kekahi ahi a hoonele i kekahi---aka, eia kaua oleloao i na'lii mai Hawaii a Kauai. "E hoopau i ke kaua, e noho kuikahi, e aloha aku kekahi i kekahi." Ua makemake nui ia na'lii ka pu a me ka paa@a, a pela no hoi i na kanaka mai Hawaii a Kauai, no ka mea, he wa kanaka nui loa ia, oia no hoi na kaua i lilo ai ke aupuni i hookahi ia Kamehameha.

O keia ku ana mai a Vanekouva o ka lua ia o kana ku ana mai ma keia pae aina. Halawai ae la oia me Kamehameha, ma Kawaihae a me kaua mau haole, oia hoi o D. Isaac Aikake a me John Young Olohana. Mahalo aku la nae oia ia Kamehameha, no kona malama pono ana i na haole Beritania. Ua ninau aku oia ia Olohana ma no Kamehameha, ua haawi mai ia maua i na aina. Aole nae oia i koi aku ia Kamehameha e hoihoi ia Olohana ma i Beritania, aka, kauoha oia e malama ia Olohana ma. A ike iho la oia he alii oluolu o Kamehameha, ua malama oluolu i na malihini, a ua hookipa maikai ia, me ke kokua ana aku i n amea ai o kela ano keia ano i akemakeia e ka haole, pau ia mau mea i ka hoo@ahoia e Kamehameha nolaila, haawi aku la hoi o Vanekouva ia Kamehameha, hookahi @ipi kane a hookahi bipi wahine, no ka mea, ua lawe mai oia ia mau bipi mai Monederei, Kalipionia-luna mai. ua mahalo loa ia keia mau bipi e ko Hawaii nei lahui ; a no ka malihini o ko lakou ike ana, ua kapa aku lakou i ka inoa he puaa-bipi. Oia ka hoomaka o ka hele hi@@ ana o na bipi ma Waimea a me Mauna kea.                                  (Aole i pau).

HE KINO PAHAOHAO MA KE KAI.

[Unuhiia no ke Kuokoa].

O Mr Robata Buruke he kanaka Sehotia, noloko mai o kekahi hanauna kahiki i kapaia ma ia inoa ohana. Ua hanauia oia ma ke kalana o Torebe. (Torbay) iloko o na makahiki hope loa o kela Keneturia i hala ' aia keia wahi ma ka aoao hema o Enelani. Malaila no kona wahi i noho ai @ nui, a hiki i kona wa kanaka makua. He kanaka aukai oia mai kona wa kamalii mai maluna o na moku kuna, a hiki mai i ke kanakolu o kona mau makahiki, (oia ka M. H. 1838,) ua hoolilo ia ae oia i malamoku nui no luna o kekahi moku kalepa e holoholo mau ana mawaena o Livapula a me St Ioane, o Nu Berunewika

I kekahi manawa o kona holo ana i Nu Berunewika mai Livapula mai ; he eono pule ka loihi ma ka moana ; ua aneane aku no nae e lihi launa aku i na kepa kahakai o Nu Foundelani, a e hooiho ana hoi ka ihu o ka moku i ke komohana : Ma ke awakea o kekahi la, pii ae la o ua Buruke nei me ke kapena iluna e ka oneki o ka moku e nana ai i ka la, i ike ia ai ka lititu, a me ka lonitu o kahi a lakou e holo nai Mahope iho o ko laua nana ana, hoi iho la laua ilalo o ke keena hope e imi pono ai i ka lonitu a me ka latitu. Komo ae la ke kapena iloko o kona rumo kakau, a komo ae la no hoi ka malama moku iloko o kona rumi kakau e imi ai i kona ; a hiki i ka loaa ana o kana, kahea mai la oia i ke kapena peni : "Ua loaa ka'u lonitu a me ka latitu, peni a penei. Ua like auei me kau ?" a no ka pa@e ole mai o ke kapena, kiei ae la oia e nana pono aku i ke kapena me ke kahea pu hou aku no e like me ma mua, aohe no he pane iki ia mai. Manao iho la ia ua pilikia loa ke kapena i ke kakau i kana mea maluna o ka papa pohaku nolaila, eu kino ae la oia e hele aku e ike maka i ke ano o ka iala hana ; a ia ia i hookokoke aku ai i ka rumo o ke kapena, alawa mai la ka mea e kakau ana iluna o ka papapohaku ma ka papakaukau a ke kapena aia hoi! he mau hiohiona o ka mea e loa, aole o ko ke kapena. Aole no i hoomakaukauia o Buruke e ko iala haka pono ana mai me na lihilihi kuku, a ohea hoi na helehelena me he mea la he kanaka mai ka luakupapau mai ka ala ana. Aole ao hoi oia i ninau aku i kona wahi i hele mai ai, aka, pii koke ae la oia iluna e kai ai i keia mea kamahao i na hoa o ka moku ; a lohe ke kapena i ka leo @io o Buruke e kamailio nei i kekahi poe ; kahea mai la ia. "Heaha ka pilikia i loaa ia oe e Mr Bruke?" "Aohe pilikia" wahi a Buruke, "aka, owai kela kanaka e noho la ma ko rumi kakau ?" "Aohe mea e ae a'u i ike ai malaila," wahi a ke kapena. "He kanaka kela e noho la malaila, he malihini nae" pela aku o Buruke, "He malihini! ua moe hewa paha oe! Malia paha o ke kuene no a i ole ia o ke kolomeli. Owai ae auanei na mea e ae e hiki ke hele malaila, ke ole e kauoha ia.

"Aka ea" wahi a buruke, "aia kela kanaka e noho ana iluna o ko noho nui e kakau ana iluna o ka papa pohaku, a ia ia i leha mai ai ia'u aole e hiki ia'u ke hai aku i ka'u wahi i ike ai i keia kanaka; a i na he kanaka na'u i ike mua, aole  no au e poina i kona mau helehelena a'u i ike mua ai.

"Owai ia kanaka ;" wahi hou a ke kapena.

"O ka lani kai ike, owau la aole:" wahi a Buruke, "Ua ike mai nei au ia ia, he kanaka nae a'u i ike ole ai mai ko'u wa nuku mai."

"Kaholo!" waia a ke kapena. "E lilo ana paha oe i pupule e Buruke. Nohea mai a anei hoi nei malihini o ko kakou moku, oiai eia kakou i ka moana uliuli, a he mahina ae nei a me ka hapa ka loihi mai ka aina mai."

"Ua ike no au, i ko kakou loihi mai ka aina mai, a o kela kanaka mae aole au i ike mua ia ia."

"E hele hou oe e nana ia ia i ike pono oe i kona ano." "Olelo hou mai la o Buruke. "He kanaka manaoio ole au i na lapu, a in a he lapu io keia a'u i ike aku nei, alaila, e a@@ i kokoolua kekahi no'u e iho pu ai i pau ke kuhihewa."

"Oi hoi ha, iho aku oe ilalo, a mai hoopunipuni hou mai i na l@ina o ka moku." Iho iho la ke kapena a mahope iho no on a ka malamamoku. Nana ae la laua a puni ka rumi kakau aohe mea kino i loaa maloko. "E Buruke" wahi a ke kapena, "aole anei au i hai @@a aku nei au ia oe, ua moe hewa oe."

Olelo aku la o Buruke. "Ua hiki no ia olelo ana pela i keia manawa ; no ka mea, aole ae nei, aka, in a aole i@ au i ike ia ia e kakau ana maluna o ko papa pohaku, he mea anei ia no'u e hakuepa wale iho ai no."

"A ! e kakau ana ma ka papa pohaku! wahi a ke kapena "a eia no la ke waiho nei." Lalau iho la ke kapena i ka papa pohaku a paa ae la iluna. "Ma ka mana o na lani, he oiaio he mea no i kakauia iho nei maluna o ka papa ; aole no anei hoi keia o kou lima kakau e Buruke?" Lalau aku la o Buruke i ka papa pohaku a heluhelu iho la i ka mea i kakauia maluna, me ka heluhelu kuoo a me ke kahaha pu. A o na huaolelo i kakauia penei no ia. "Steer to the northwest." oia hoi keia. "E hookele i ke komohana akau." Olelo aku la o Buruke. "Ke pane aku nei au ia oe e like me ke kanaka anela oiaio, aole loa au i ike i keia mea i kakauia. Ua hai aku nei nae au ia oe i ka oiaio a pau, a o ke ano o kana mea i kakau aiaole au i ike, a pii wale aku nei au iluna e hai aku ai ia oukou.

Noho iho la ke kapena ilalo e noonoo ai, me ke kau ae o ka lima i ka lae ; a ke waiho mai la hoi ka papa pohaku imua o kona mau maka me kana ukana kupanaha. A mahope iho hoohuli ae la oia i ka papa pohaku ma kekahi aoao, a pane aku la ia Buruke, me ke kauoha p aku ia ia e kakau iho, "Steer to the northwest." Kakau iho la ka malamamoku, a waiho mai la imua o ke kapena. Hoohuli @e la hoi ke kapena ma kekahi aoao o ka papa e nana ai i ka like o ka mea i kakauia me ka ka malamamoku mea i kakau iho ai, aohe like.

"E Buruke, e kahea aku oe i ke kolomeki a me ke kuene e iho mai laua ilalo nei." Iho mai la laua a kakau iho la i ko laua lima ma ka papa pohaku, aohe no he mea i like o laua me ka mea i kakau mua ia. Pela i kajea pakahi ia aku ai kela luina keia luina e iho mai e kakau i ko lakou mau lima, a hiki i ka pau loa ana o na mea a pau maluna o ka moku, aohe no he mea hookah i like iki me kela lima kakau mua.

I ka pau loa ana o na luina a pau o ka moku i ke kakau, olelo aku la ke kapena ia Buruke. "Aole anei i hunaia kekahi kanaka malalo o ka moku ; e pno e huli ia ka moku, a in a aole e luna keia kanaka, he keu nei a ke kanaka peepee akua nalo. Kauoha ia aku la na mea a pau e huli i ka moku mai ka mua a hiki i hope ; nohe ia na kuono na wahi poopoo a pau o ka moku mai ka oneki oluna a hiki i ke kila o lalo loa, aohe loaa ihi, mahope iho o keia huli mauele ana, olelo aku la ke kapena i ka maamamoku,  Heaha keia mea pahaohao au e hoolele hauli nei?" "Heaha la?" wahi a ka malamoku." "Ua ihe au i ke kanaka e kakau ana, a @@e hoi kai ihe mua iho nei i ka mea i kakauia. Malia no ke ano ko keia mea."

"Pela io no," ahi a ke kapena. "Ke mamao nei au e hoohuli io ae i ka ihu o ka mou i ke komohana akau, a e nana hoi  ka hope o keia mea, oiai ke mau mai nei no ke aheahe maikai o ka makani mahope."

Olelo hou aku la ka maamamoku.

"Owau kekahi manao pela in a  owau ma kou wahi. He mau hora nuku wale no ke lilo aku i ka huli ana i ke ano o keia mea." "Ae e nana aku hoi kakou," wahi a ke kapena. "E pu aku hoi @a oe e hai aku o No-wesi ka ihu," a i ka malamamoku e pii ana, kahea hou mai la ke kapena. "E kena aku oe i kekahi kanaka e pii iluna o ka ma ke e nana ai, a e hai mai oia ia kakou i kela mea i keia mea ana e ike aku ai mamua o kakou,"

Ua hoolohe pno loa ia mai la na kanoha a ke kapena. A i ka hora ekolu ponoi o ia auwina la, lohe ia aku la ka leo o ke kanaka iluna o ke kia mua e kahea mai ana ; he puu hau noi mumua pono aku o lakou, aole iliuhu ma ia hope iho, kahea hou mai la ia, he mea ane like me he moku la ke ano, e pilipu ana me ka puu hau,

I ko lakou kokoke ihi ana mmai, kau pono aku la ke kapena i ka ohenana, a ihe pono aku la oia i ke ano pilikia o ka moku ; ua opa pu ia e ka hau ka iwikaele, a e lolii ana hoi ka moku maluna o ka moe anuanu paakiki ; ua piha o luna o ka moku i na kanaka ola. Hoouna koke ia aku na waapa e aloalo mai i na olulo o ka moku naha. A oa ua moku la ; mai Kebeka mai kona holo ana a i Livapula Beritania kahi i manao ai e ku. Ua piha o luna i na ee-pakeke ; he mau pule i hala o kona waiho pilikia ana iwaena o ka hau-paa. Ua aneane e pau kani a me ka wai, a ua pau no hoi ka manaolana ana o na ee-pakeke a me na luna o ka moku, e pakele ana ko lakou ola.

Ke aloalo nei na waapa i na olulo o na moku la ; a i ke kolu o ke alo ana o kekahi waapa, ike aku la ka malamamoku i kekahi kanaka, ia ia i pii mai ai ma ka palekai o ka moku, ua like loa no na hiohiona make me ko ke kanaka ana i ike mua ai i ke awakea e kakau ana ma ke keena o ke kapena. Kuemi mai la oia ihope me ka i iho. "Ua like loa kela kanaka me ke kanaka a'u i ike ai e kakau ana ! Aole o na helehel@a wale no kai like, aka, o ka lole aahu pu no kekahi.

Mahope koke iho no o ka hoopau ia ana o ka pilikia o na olulo a pau, a me ko lakou malma kuponoia ana ; hoohuli hou ia ae la ka ihu o ka moku i ke komohana, a ia manawa i hele aku ai ka malamamoku a noho pu iho la ma ka aoao o ke kapena, me ka olelo aku ia ia. "O ke akaku a'u i ike ai i keia la, aole ia he uhane lapu maoli, aka he kanaka kino ola okoa no, a eiae ua kanaka 'la ua ike aku nei au." "Heaha," wahi a ke kapena. "Owai ia kanaka kino ola?"

Pane aku la ka malamamoku, "O kekahi o na eepakeke o ka moku pio a kakou i hoopakele iho nei, oia ke kanaka a'u i ike ai e kakau ana iloko nei o ko rumi kakau i ke awakea nei. E hiki ia'u ke hoohiki i keia mea imua o ke aha hooiaio a ka Lunakanawai." Olelo mai la ke kapena, "Ke pii mau mai nei na hooko io ana o kela lima kakau kupaianaha. E hele kaua e ike i keia kanaka." Haele aku la laua, e kamailio ana ua kanaka nei me ke kapena no o ko lakou moku. I ko laua ike ana mai ia laua nei, ku ae la laua iluna a pane mai la i na huaolelo aloha makamaka no ko lakou hoopakele ia ana mai ka pilikia i aneane e make. Hu olelo hooluolu no ka ke kapena i pane aku ai, a mahope iho kono aku la oia ia laua a i elua e hele pu mai me laua iloko