Ka Nupepa Kuokoa, Volume VI, Number 14, 6 April 1867 — Page 2
| This text was transcribed by: | Jazzlyn Kaleohano |
| This work is dedicated to: | Awaiaulu |
Ka Nupepa Kuokoa
KE KILOHANA POOKELA NO KA LAHUI HAWAII.
English Column.
FOREIGN NEWS
The Tibuneʻs special says the Judiciary Committeeʻs investigation into the matter of the return to rebels of confiscated property, shows that in Louisiana alone property valued at fifty millions was returned to rebels by order of the President. All our Generals have frequently decided that this property belonged to the Government as much as any property could.
March 2. - The Presidentʻs veto of the Reconstruction Bill was received and read in the House. The rules were suspended and the Bill passe over the veto by a vote of 135 to 47.
IN THE SENATE
The veto was considered from the 7 to 11 P.M. when a vote was taken, and the bill passed by a vote of 37 to 10, and was declared a law by the President of the Senate.
The Tenure of Office Bill was also passed by both Houses, over the veto.
The Bankrupt Bill is approved. Also the bill validating the proclamations of the President during the war, thus exempting military officers and soldiers from the operation of the Courts
Adjournment of Thirty-Ninth Congress.
WASHINGTON, March 4. - At half past ten oʻclock Mr. Foster delivered his valedictory remarks, vacated the chair, and Secretary Forney assumed the duties of presiding officer.
Fortieth Congress.
March 4th. - The Senate convened at 11 1/4 A.M. In the House Colfax was elected Speaker and McPherson, Clerk.
House adjourned at 2 P.M.
A majority of the Impeachment Committee reported that they had examined a large number of witnesses and collected a large number of documents but had been unable to conclude their labors. They state that sufficient testimony has been taken to justify and demand a further prosecution of the investigation. The minority report that they do not find any evidence to sustain the impeachment charges.
NEW YORK, Feb. 28. - De Bow, editor of the Review, died yesterday at Elizabeth, N. J., after a brief illness.
February 28. - The Senate passed a bill to establish a Department of Education.
The Committee on Foreign Relations reported a joint resolution permitting the officers of the Miantonomah and Augusta, who have lately visited Russia, to receive presents from the Emperor.
The Judiciary Committee have made a report denouncing polygamy as contrary to the spirit of the Christian religion and a relic of heathenism and barbarism, and subversive of the marriage relation in all nations where it is tolerated, and stigmatizing it as simply legalized prostitution. They say no greater outrage on the freedom of religious faith could be perpetuated than to require the people of nay nation to sanction with approval of law, a practice so deeply offensive.
A joint resolution has passed to erect an equestrian statue of General Scott.
March 1. - The Colorado bill failed to receive a two-thirds vote, and hence failed to become a law.
Dr. Livingstone, the great African explorer, was killed by the Kaffirs. Prof. Bache, of the Coast Survey, died at Newport, R.I., in Feb.
European.
NEW YORK, February 18. - The Fenians profess to believe that fighting is going on in Ireland, and are working with energy to send aid there. In the meantime, the Fenian Circles under Roberts re preparing for a campaign against Canada, which promises to be of a formidable character.
The Reform demonstration in London, on the 11th, was a very enthusiastic one. Twenty thousand people marched in the procession. An immense meeting was held, and resolutions in favor of manhood suffrage and denouncing the Derby Government were passed.
LONDON, Feb. 15. - A terrible earthquake has occured in the island of Cephalonia. Every town on the island is in ruins. The loss of life and property is very great. The King of Greece has gone there.
BERLIN, Feb. 16. - At the elections in Russia the Liberals are triumphant. Ten districts have returned Count Bismarck as their representative.
PARIS, Feb. 17. - The budget presented in the Chambers yesterday by the Minister of Finance, gives a favorable report of the condition of finances. Rents in consequence revived from their recent depression and advanced.
BERLIN, Feb. 20-22. - Bismarck is again seriously ill, but there is hope of his recovery.
VIENNA, Feb. 21. - The Emperor has restored to Hungary the Constitution of 1848. Its influence tends strongly to tranquilize the people.
The Reform resolutions introduced by the Government have been withdrawn, and a regular Reform Bill is to be laid before Parliament.
ST. PETERSBURG, March 2. - The morning papers announce that the sublime Porte to cede the island of Candia to Greece.
FLORENCE, March 4. - Garibaldi has sent his sons to Crete, and promises now to go himself and take up arms.
The latest European dispatches indicate that the Eastern question is becoming serious ; that a general rising of Christians is threatened.
NU HOU KUWAHO.
Ekolu pule i hala iho nei me ka loaa ole o kekahi Nu Hou Kuwaho-a eia i ka ha o ka pule ua ku mai ka moku Berenika.
Amerika Huipuia.
He ano nui ko na mea i haiia mai. O ka mea i oi ma ia ano Nui oia ka
Bila Kukulu Hou
i na Mokuaina Hema, i hooholoia i ka Ahaolelo, i hoole ia e ka Peresidena, a hoihoiia i ka Ahaolelo, a hooholo hou ia e ka elua hapa kolu, a lilo no i kanawai. O ke ano o keia Bila, e hoopau ana i na mana aupuni o ia Mokuaina Hema, a e hoihoi ana ia lakou malalo o ka lima ikaika e ka Oihana kaua. No ka mea, i ke kukulu hou ana o na Aha hookolokolo Kivila, a me na Ahaolelo hooholo kanawai, a me na Kiaama Mokuaina, mahope o ka pau ana o ke kaua ua pono ole ka noho ana o ia mau Mokuaina. Ua kupu hou mai no ja manao kue i ke aupuni ua hookaumaha hou ia no ka poe Negero, ua hoomaauia ka poe pili Akau, a ua haunaele ka noho ana. Nolaila ke hoihoiia nei lakou a pau malalo o na Kenerala o ke aupuni, a ua maheleia ka Hema holookoa elima mau apana, a o na Kenerala i kaulana ko lakou mau inoa i ke kaua iho nei, o lakou ka ke hoonohoia ana maluna o keia mau apana.
I ka la 4 o Maraki ka pau o ka oho ana o ka Ahaolelo kanakolu-kumamaiwa. Ma ka hana mau ana i na makahiki mamua iho nei, aole akoakoa koke ka Ahaolelo hou, aia no a ka Poakahi mua o Dekemaba ko lakou wa mau e halawai ai. - O na lala nae o ua Ahaolelo hou la, ua koho e ia no mamua, i malama hope o ka makahiki i hala. - Aka, no ka maopopo loa o ke kue o ka Peresidena i na mea i hooholoia e ka Ahaolelo, a no ka makau o na lala o ua Ahaolelo la, o imi ka Peresidena i mea e ikaika ai kona aoao, a no ka maluhia ole o ke Aupuni, nolaila ua hooholona e ka Ahaolelo xxxix, e halawai koke no ka Ahaolelo XL me kali ole ana a hiki mai kona wa mau e halawai ai.
Nolaila aole paha i hala na minute he 20 mahope o ka hoopanee ana o ka Ahaolelo kanakolu-kumamaiwa, noho mai ana ka Ahaolelo Kanaha, a koho koke ia no ko lakou Luna Hoomalu oia o Kolenaka (Colfax) a hoomaopopo koke no lakou i ka Peresidena i ko lakou makaukau e hoolohe i kona message, oia hoi kona kumumanao no na mea pili Aupuni. Pane mai la nae ka Peresidena aohe ana kumumaanao, no ka mea ua pau na hana i ka Ahaolelo, i hala iho nei.
Aohe nae i manaoia e noho mau ana keia Ahaolelo kanaha a pau ka makahiki ; aia paha a hala kekahi mau la alaila hoopanee hou a ka malama o Okatoba. Ua makaukau e nae lakou i ka hana.
Mamua o ka pau ana o ka Ahaolelo kahiko, ua hooholo lakou i kanawai no na Oihana Aupuni, e hoemi ana i ka mana o ka Peresidena, e hoopau wale ai i na Luna Aupuni e kue ana ko lakou maao i ka manao o ka Peresidena. No ka mea, ua kinikini wale na Luna Leta a me na Luni Auhau i hoopau wale ia i keia mau malama iho nei, no keia kumu hookahi wale no, no ko lakou manao like ole me ko ka Peresidena. Nolaila ua hooholoia keia kanawai, e mau no ka noho ana o na luna liilii o ke aupuni aia no a pono ole ka lakou hana, alaila e hoopauia. Ua veto (hoole) koke no ka Peresidena i keia Bila-a ua hooholoia e ka elua hapa-kolu a lilo no i kanawai no ka aina.
Ma ka Bila auhau hou ua auhauia ka pulupulu 2 keneta o ka pauna hooahi ka auhau ana, a ka barani wai ona hoi, 2 dala ma ke galani.
E hele mai ana kekahi o na Pua Alii o Enelani i Kanada, e noho o na Mokuaina Huiia o Kanada. He keiki opiopio wale no, 17 ona mau makahiki-ma ke kuleana alii paha kona noho ana.
Kaleponia.
Ua haiia mai ka holo ana o ka lua o na mokuahi holo i Kina, oia o Heremana, ma ka la 1 o Maraki. He iwakalua wale no ohua.
Ua loheia ka hiki ana aku o ka mokuahi Kolorado i Honokaona i ka a 30 o Ianuari. E nui ana kona mau ohua ke hoi mai i Kapalakiko.
Ua nui loa ka ua ma Kaleponia i keia hooilo iho nei.
O ka huita a me ka bale o Kaleponia, oia ka mea e lawe nui ia nei i Kina a me Iapana.
Ua akoakoa ma Kapalakiko he mau halawai o ka poe paahana ili keokeo, e kue ana i na paahana Pake, a e hoole ana i ka lilo ana o ka nui o ka hana ma na lima o na paahana Pake, e noi ana no hoi e hoopauia ka holo ana mai o na Pake i Kaleponia.
Europa.
Ua halawai ka Ahaolelo Nui o Keremania ma Berelina i ka la 23 o Feberuari, a e hoonohoia ana o ka Moi Wilama o Perusia i Emepera no Keremania holookoa.
Ma Ladana a ma Parisa ua paa na alanui i kekahi la i ka hau iloko o ka malama o Ianuari. aole i ike pinepine ia keia neeana mai o ka hau a manoanoa ma ka ili honua maia mau kulanakauhale. He mea lelehuna wale no ka mea i maa ia lakou.
Ua haawi o Auseturia ia Hunegari he Kumu kanaawai oluolu i na makainana, o ka mea ia i noiia e Hunegari iloko o keia mau makahiki he 20 a eia wale no i keia wa nawaliwali a kulanalana o Auseturia, ka loaa ana. No ka mea, ua ike maopopo na alii o Auseturia na pau ko lakou kuleana ma Keremania, nolaila ua huli lakou e nana i na mea kuloko o ko lakou aupuni, a e imi i na mea e kuikahi ai a e oluolu ai ka manao o na lahui malalo o lakou, oia hoi he mai lahui i hookaawaleia mamua iho nei.
Ke manao ia nei, e kuokuoa ana o Kanedia. a i ole ia, e huiiaʻana me ke aupuni o Helene. ke aupuni i pili iaiama ke ano lahui hookahi. Ua oleloia ua palapala ka Kara o Rusia, (oia ka Moi) i ke Kuletana o Kureke, e ae kela e hookuu i ka poe o Kanedia e hui me Herene. Ua holo aku mai Italia aku, ke keiki a Garebaledi e holo kino aku e imi i ka pono o ua poe Kerete nei. Ua haiia e makou i kela pule iho nei. ke kokua ana o ka Amerika i ke Kanedia.
Ma Italia, i ke koho balota ana o keia makahiki ua ko ka aoao makaainana, a me ka aoao hoopau noho alii ana o ka Pope ma Roma.
Pela hoi ma Keremania na ko ka ao ao makainana.
------
KA LUNA HOOPONOPONO, - - L. H. KULIKA.
NA HOPE LUNA HOOPONOPONO, { J. KUA, J.KAWAINUI.
POE HAKU MANAO NO KE KUOKOA.
C. J. Laiana, (Lyons.) S.M. Kamakau.
Rev. M. Kuaea, Rev. C. B. Anelu, (Andrews.)
G. W. Kanuha. (Oniola.) D. Malo, (Lokaino.)
Rev. L. Laiana (Lyons)
------
Ka Nupepa Kuokoa.
HONOLULU, APERILA 6, 1867.
Na Kula.
ILOKO o keia au, ke au opiopio o Hawaii. o ke ano o na kula kamalii kekahi mea nui i ikiai makaala loa ia e ka lehulehu. Oiai ua hoonoho ia ma ke poo o ka oihana hoonauao kekahi kauaka i kokua ole i ka hooulu ana i nei mea he naauao iloko o ka lehulehu holookoa ; a oiai malalo o kana hooponopono ana, ua hoohelelei ia ko kakou oihana kula kahiko, ka mea i hoohua nui mai i ka pomaikai no keia aina, aole nae i hooemi ia ka ulu ana o ka ike iwaena o ko Hawaii lehulehu. Aole i hoopio ia ka makemake o ka lehulehu e pii ae ka hanauna hou. Heaha la ke kuikahi ana o Aberahama me ka lehulehu o na makua o keia pae aina, ma na mea i pili i ke ao ana i na keiki? He ole loa no. Oiai oia e hoopau ana i na kula, a e kipaku ana i na kumu i ike ia he maikai, a e haalele wale ana i kekahi apana kula ; ke kokua nui nei ka hapa nui o na makaainana e kukulu hou a e hoopaa i na mea ana i wawahi ai.
A ma ko makou nana ana, i ka hooikaika like ana o ka aoao Hoole Pope a me ka aoao Pope, me ka poe Bihopa, me he mea la e oi loa ana ka makaukau o ko kakou poe keiki ma keia mua aku, mamua o na kau i hala. O keia makaala ana o na makaainana ma na mea keia makemake ikaika ana o ka lehulehu e ulu ka ike iwaena o ka lahui holookoa, oia no kekahi hua o ka Pono i kanu ia maanei e na kumu mua o kakou. Eha kula ma ka olelo Enelani ma ka mokupuni o Oahu i ao ia e na kanaka Hawaii maoli. Ua holo pono ia mau kula ; na na makaainana e malam nei. Hookahi kula o ia ano e weheia ana, a ua weheia paha ma Lahaina ; a na na makainana no e malama.
Ma Mokuleia, i Waialua, Oahu, ua weheia kekahi kula kamalii ma ka olelo Hawaii, a ua holo pono ia kula. He iwakalua a keu, a he kanakolu paha na haumana. O kekahi keia o na wahi a ke Kahu Kula Nui i manao ai e haalele loa aku i kula hanai holoholona; no ka lawa ole ka o no keii e hoomaka ai ke kula. Ma Kahuku, e weheia ana e na makaainana o Waialua kekahi kula hou maka olelo Hawaii. He aina kela i haalele ia e ka poe iaia ko kakou oihana hoonaauao no na makahiki he nui. O na holoholona ka mea i malama nui ia ma ua aina la, o ke kanaka, heaha la ia? He kahu no no na holoholena. Aia no malaila na kaikamahine me na keikikane, mai ka umi o na makahiki a hiki aku i ka umikumamawalu, aole no i ike i ka heluhelu! Auwe ko laila pio!
"Aloha ko na mauna,
Ipaa mau i ka hau,
A me ko Aikiopa,
Ko Inia me Makao ;"
Ko Mokuleia me Kahuku,
Uwe mai ko laila pio,
I ola no lakou.
A e olaʻna no lakou, e komo ana ka Lama o ka naauao ma ia mau Apana, aʻe puka mai ana ka ike kanaka mai loko mai o na kula hanai bipi. No ka nui o ka naaupo ma Kahuku, ua kaulana ia wahi ma ka moa o "Fatuhiwa alua." Aka, e pau ana ia naaupo, ua hapai ko Waialua poe i ka lama ku. A ke kau leo aku nei makou i na mea a pau i pili, e wehe ae oukou mau pua holoholona. Aole he pono ke noho ka lahui malalo, a o na holoholona maluna.
No keia mau mea e hana ia nei ma Oahu nei, a no ka lono i hiki mai ia makou mai na mokupuni e ae o ko kakou nei aina, ke i nei makou, e haaleleia ana o Aberahama me kana mau manao elemakule ma ka hope waa, a e nee ana o Hawaii opio imua a ilunaʻe.
O na kula hanai kekahi mea e hapai nui ia nei i keia wa. Ke makemake nei makou e alakai i ka manao maikai o ka lehulehu, e nana me na maka oluolu i ke kula hanai kaikamahine o Honolulu nei, e kukulu ia ana ma Kawaiahao. E wehe ia ana ka HONOLULU FMALE ACADEMY, oia hoi ke kula kakamahine o Honolulu, i ka Poakahi la ewalu o Aperila nei. Aia ma ka pahale kahiko o Rev. E. W. Kalaka, ma Kawaiahao kahi e kukulu ia ai ke kula. He kula hanai a he kula la ke ano. AIa ia kula malalo o ke alakai ana o Mrs. L. H. Kulika a me Miss Lilia Binamu. E ao pono ia na haumana, e like me ka makemake o na makua, ma na palapala a ma ka hana, ma ka himeni a me ka hookani piana, me na mea e ae a pau e pono ai lakou ma ka noho ana, me ka hana ana ma ko ke ao nei mau pono. E alakai pono ia no hoi lakou ma na pono pili uhane.
He pono i na makua e makemake nei i wahi malu no ka lakou poe kaikamahine e noho ai, e nana mai i keia kula. He pono i na makua e kamailio me na kumu, no na mea i pili i ua kula nei. Ma keia pule ae e hoike aku makou i kekahi mau manao hou e pili ana i keia. O ka wehe wale ana no keia i ka puka. Ma keia pule aku e wehewehe laula makou no keia kula me kona mau pono, a me na pomaikai e ulu mai ana iwaena o kakou no ke ao pono ia o na kaikamahine Hawaii.
_____
NU HOU KULOKO.
__
Oahu
MA KA PONEI, ua mareia e Rev. H. H. Pareka ma Honolulu nei, o A. Halulu me L. Kikaha. Malaiʻa o Mrs. L. K. Dommis a me kana poe haumana.
____
AIHUE. - I ke kakahiaka la Sabati iho nei o keia pule, ua komohewaia ma ke ano aihue ka hale kuai o Schuette & Greenwald ma Monikahaae, Honolulu nei. Ua komo ia mai ma ka puka mahope, aka aohe nae i holo kana hana kolohe, ala e ka pake kiai o ka Halekuai Pipi. ------
HE WAHI PAINA LIILII. - Ma ka uka iuiu o Nuuanu, malalo o na malu koa o Hanaiakamalama, ua haawi ae Ka Moiwahine Kanemake KAleleonalani a me Mrs. Wodehouse he wahi paina liilii na laua, a me he mea la no hoi paha, aole e nele ka lu luu o ka laua papaaina i na mea ai momona o ko ke alo Alii ano mea ai. -----
NA LUA WAI O HONOLULU NEI. - I keia pule makou i ike iho nei i ka hana hou ia ana o na luawai o ka piula wai hou i hoomoe hope ia iho nei. Aohe i maopopo ke kumu ia makou o ka hana hou ia ana, aka me he mea la no nae paha, he kumu no, ke hoolilo hou ia la he mau dala no ka hana houia ana.
------
KA HAPALUA O KE KUNA MALOLO. - I ke awakea Poakolu iho nei, ua kuai kudalaia ka hapalua o kela kuna maluna makai iho o Ulakoheo, oia hoi ka hapalua o Walker, Allep & Co., ma iloko oia kuna. Ua kohoia e G. Emmes o ke kaona nei, a ua lilo no na dala he umikumamawalu haneri me ka umi.
------
HE HOPE KUHINA WAIWAI. - No ka holo ana aku nei o Ka Mea Hanohano C. C. Hailasi, ua hoonoho iho ia ia Setepano Hanale Pilipo, i hope kuhina nona no kona kaawale ana aku mai keia aupuni no kekahi manawa. Ua ae pu mai no hoi Ka Moi i kona lilo ana i pani hakahaka no ka manawa kaawale o ke Kuhina Waiwai a hoi mai.
-------
HOHONO NA MEA ONO PAKE. - Ua lohe mai makou mai kekahi mai o ke kaona nei, ua nune ka kekahi poe no ke komo aku ka iloko o kekahi mau hale inu ki o ka pake me ka manao e inu ki, eia nae i ka haawi ana mai o na pake i na mea ono, ano hohono, a hoopailua kekahi poe. Maha no paha no ka punihei aku no kekahi o oukou i ka mea ono a ka pake.
------
NA AINA O KAHUKU A ME KEANA. - O kela mai aina i hai ia maluna, e kuai kudalaia ana e na Luna Hooko Waiwai o R. C. Wale, ma ka Poakahi la 8 o Mei, ma ka puka o ka Hale Hookolokolo o Honolulu. He mau aina kupono loa keia no ka hanai holoholona, nolaila o ka poe hanai holoholona, eia ka aina kupono no lakou e hoopulapula ai i na pipi, hipa a me kekahi mau holoholona e iho.
------
MANAWALEA WALE MAI KE AUPUNI. - I ka manawa a ko kakou kialua nani HOkuao e hookomo mai ana i ke awa a ku ma ko kakou nei mau uapo, ua oluolu ke aupuni i ka kokua wale ana mai i ka mokahi Pele e kii a kolo mai me ka uku ole, nolaila, ua kokua nui loa mai ke aupuni. O ka nui paha o na dala no ia mau lilo a ke aupuni i kokua wale mai ai, ua oi aku mamua o ka haneri dala hookahi. e mahaloia ke aupuni.
------
AHAHUI PAIO O HONOLULU. - I keia Poaha ae e hiki mai ana, Aperila 11, e halawai hou na hoa o keia Ahahui ma ko lakou keena mau no ka hooholo ana i ke kumupaio a lakou i hoopaapaaai i ka po Poalua o keia pule iho nei. Nolaila ua makemakeia na lala a pau oia Ahahui e pau loa mai. O ke kumu paio, Heaha la ka mea i hanau nui ole ai ka Hawaii me ka Hawaii.
-------
NO KA MOKU AHI KILAUEA. - I ke kakahiaka Poakolu iho nei, ua hoi hou mai ke Kilauea i Honolulu nei, a na ka mokuahi Pele i kii aku ia ia e kolo mai iloko nei o ke awa. I ke komo ana mai, ua ike ia ua hai na kue e hookaa ai i ka huila. Oia ke kumu o keia hoi hou ana mai nei, a me he mea la paha e hala ana ka malama no ka hana hou ana ia ia. Aole i ike ia ka poini i kona wa i haalele ai ia Lahaina, aka i ka holo ana aku a mawaho ae o Olowalu, ike ia ka hapakue o na kue o ka huila.
NA KUNA KALAMA A ME MOIKEIKI. - I keia pule iho nei makou i ike ai i ka hana hou ia ana o kela mau kuna holoholo pili aina o kakou. O ka mua, ua paa maikai loa i ke keleawe hou a me na hemahema e ae mamua i ike ia, nolaila, me he mea la i ka makou manao wale aku, he mau la koe a eku hou aku i na kai ewalu o Hawaii nei. O ka hope hoi, ua kapili hou ia iho nei kona puka liu i ka ili ana i Kamalo, Molokai, a o la makaukau koe e hoolale hou aku i ka au i na ale hanupanupa o Pailolo.
------
KA MOKU EMILINE. - O ka mea mau o keia moku ka piha mau i na ukana o Kau a me Kona, Hawaii. pela no ia i ku mai ai ma ke kakahiaka Poulua iho nei, ua hele wale a lehau na ohua a me na ukana. Maluna mai ona he mau ohua he 40 a oi ae paha, he mau pahu aila ewalu, no kekahi moku okohola e ku ana ma Napoopoo, he mau waa lawaia elua kekahi a me n ukana e ae no ana e hoopiha pinepine ia mai nei e ka aina i haku meleia, "Kai malino o Kona."
-------
HOOPAAHAOIA 3 MAKAHIKI. - O kekahi kanaa i ike ia mamua iho nei e ko ke kaona nei poe, oia o Halulu, ma ka Poakahi iho nei, ua ae aku oia imua o na Lunakanawai o ka Aha Kiekie i kona hewa, oia hoi, ka pau ana o na dala auhau kula o ka Apana o Ewa ia ia, oiai kona wa e noho Kahukula ana no ia Apana i kekahi mau makahiki i kaa hope aenei. Ua hoopuka mai na Lunakanawai Kiekie i ka olelo hooholo, e hoopaahao ia oia ma ka hana oolea i ekolu makahiki, me ka uku pu mai i na koma. He apuka i ka waiwai i waiho ia aku ai ia ia e malama, oia ke ano o ka hihia.
----------
PAU NA KOA I KA HOOKUUIA. - I ka Poakahi ohi nei o keia pule, ua pau na makahiki 5 o ka hoohiki ia ana o kekahi poe koa e noho koa kiai no ka Moi. Ua hookuu ia aku na koa he 20 paha a oi ae, a o na koa hou wale no ia, e hoolei masi mai nei! I ka puka ana mai o keia poe, haualaoa lua ia la. Oia pololei no o kekahi poe a ka hale kepa. Iawelawe no i na mea poepoe, a o ka puhalahio aku la no ka ia i ke kumakahiki, a o kekahi poe iho hoi, ke paikau hele mai nei no ma na Alanui, e huli ana ma o a ma o. Ua hele wale ua poe koa la a ioioena, oia no ka mea i holo i kahiki la.
--------
KE KULA HAOLE O KAUMAKAPILI. - I keia Poakahi iho nei, ua hoomakaia he Kula haole hou maloko o keia kulanakauhale. Ua loaa paha i ka la mua he 30 mau haumana, a ke pii liilii aenei no. Ua makemakeia e nui loa mai na haumana Kula. Ua hoenohoia H. M. Kiha, he keiki Hawaii ponoi, a i hoonaauaoia ma ke Kula Alii i ka wa e noho ana kona kaikaina ianei. Nolaila, ke paipai nei makou, aohe i ka haole wale no ka pakake i ka namu, aka he oki pau loa iho ua wahi Kiha la. he hookakahele loa i keia mea he namu.
------
HALE KULA HANAI KAIKAMAHINE O KAWAIAHAO. - Ua hoomakaukauia iho nei ka hale pai kahiko ma Kawaiahaao, a ua hoomakaia no malaila he kula hanai kaikamahine no na kaikamahine a pau e makemake ana e ao ia ma ka naauao a e hoomaamaaia ma na lawelawe ana no ka malama hale a me na hana kupono a pau i na wahine. I keia Poakahi iho nei, ua hoomaka o Lila Binamu i ke ao i na haumana i malama ia iho nei e Kauka Kulika wahine. Nolaila, o ka poe makua kaikamahine e makemake ana e hookomo i keia kula, e hele no malaila e kamailio pu ai me na kumu.
------
PUKA KE POO. - I ke ahiahi Poakahi iho nei, mahope iho paha o ka ho@a 5, ua holo ia e ke kaa lio maluna o kekahi haole nona ka ino Kanakawahie. Ua kuhea ia mai no ka ua haole la e hookaawale ae, aohe ka he maliu mai, a no ka paa loa no hoi kekahi o ka huina o Monikahaae i ke kaa e ku ana ma ka aoao o ke alanui, a e holo aku ana elua kaa, a no ka manao, o hookui aku auanei me kela kaa uwai ae hoi e kaawale, aka, o ka wala aku la no ia o ka haole, a pahu ana i lalo. Ua lawe koke ia aku i ka Hale Kauka o Hilibarani a ua nana ia e Kauka Bufama, a me he mea la paha e maha ae ana no ua kanaka popilikia la.
------
KA MAKE ANA O MRS. HANNA KAOO JAKETT. - I ka po o ka la Sabati iho nei a ao Poakahi, make iho la maloko o ka hale noho o kana kane o (William Jarett) Uilama kelekona wahine mare i noho ai a ewe ia Hawaii nei. O ka mai ona i make ai, he akepau. Ua nui ka lapaau ia ana nona, aka, aole nae i loaa mai ka maha. He iwakalua-kumamalima na makahiki o ko laua noho ana ma ka berita mare, a ua hanauia nna laua elima keiki e ola nei. Ua pauaho mai la nae i keia ola ana, a ua hele aku la i e ala hiki ole ke aui hope mai. Ua kau iho i na hoehaeha o ke aloha a me ke kumakena ana maluna o kon ahoa pili he kane a me la laua mau hua o ka lepo kanu a Kamehameha Nui O ka nui o kona mau makahiki 42. Auwe! Aloha ino.
------
NA OKOHOLA O KEIA KIKINA. - Ke hooihoiho uuku mai nei na wahi okohola o keia wahi kikina moku. Ke kalewa wale mai nei no ka nui o lakou mawaho o ke awa, a ua holo aku no i ka imi kohola, i ke kai i kapa inoa ia, "puhipuhi ka hana a naʻlii, liilii ka ia o Alika." O ka nui o na moku i kalewa mai mawaho, he kohahe wale no, a me he mea la no paha o kekahi kumu ia o ko lakou "pilipili aina ole mai." Ua komo mai maloko nei, he mau wahi okohola uuku loa, a o na wahi aila o luna, ua hoolele ia ae mauka o Ainahou, a aia malaila e kaulai mai la, a e hooili koke ia ana paha i Amerika.
NO MANUELA. - E Sabati ana o Manuela i ka la apopo, ma Ewa, nolaila la ea, e mika mai oukou e na makamaka, i lohe ai oukou i ka olelo o ke ola mau, mai ka waha ae o ka kakou malihini. -----
NO M. KUAEA. - Ma ka Poalua i hala ae nei, ua holo mai o Rev. M. Kuaea mai ka ehukai o lalo mai, a hiki ma Kipapa, halawai mai la oia me ka pilikia, oia hoi keia He kaalio no Lane mahope mai, a i ka puiwa ana o na lio, na holo ino loa ma kahi ihona pali o ke alanui, a hooikaika wale ae la uo o M. Kuaea i ka huki i ke kaulawaha o kona lio ma kahi e looa ai ka pono ; a o ua kaa nei me na lio, haule i lalo o ka opalipa@ a hakihaki liilii ke kaa, a pakele loa o M. Kuaea. O ka mea nei, e haule pu ina ua make pu. -----
MAU PAHU POI. - I ka pule aku nei i hala ua lawe ia mai maluna o ke kuna Mlee Elena mai Waiehu mai, he 42 mau pahu poi ua kui ia no ka poi a wali, a ua hoo ia no ilaila. I ka hiki ana mai i Honolulu nei ua kuai ia no, aka, nohe makou i lohe mai , ua holopono paha aole paha. Ma ke ku ana mai hoi o ke kuna Ka Moi i ka Poalua ino nei, ua ike aku makou he umi pahu poi maluna ona. Ua miki ae ka poe maauauwa o Honolulu nei, ka haawi ana he eono dala no ka pahu. Ka ka mea ai oi aia no i ka umi. Haalele aku no makou e u papa@ nui ana no, malia paha ua heo mai la i na keiki hoopukapuka o ke kaona nei, pela ka halia wale ae a loko.
-------
KA L@A ANA O PAAKAULA A ME KAHAULINO. He iwakaluakumamalua minute mahope @ o ka hora 9 o ke kakahiaka o nehinea. Aperila 5. ua hooko ia ka make maluna @ keia mau kanaka Hawaii, no ke karaina nui a laua i hana ai, oia ka pepehi ana ia nui a laua i hana ai, oia ka pepehi ana ia Hanale Kalaka haole ma Kona, kahi i noho ai. Mamua ae o ko laua laweia ana mai e kau i ka amana, ua heluhelu aku ka maheleolelo i ka palapala make a ka Moi i kakau inoa ai. A i ko laua laweia ana mai a ka amana pule ke kahunapule Pope, a i loko eia wa e pule ia ana, hooia ke kaula ma ko laua puai. I ka amene ana ae o ka pule, eia ka laua wahi olelo, "Aloha oukou a pau." Emoole a lewalewa ana laua. He mau minute loihi mahope iho, nanaia e na kauka ua make.-------
Maui.
KA HAIOLELO A D. KAHAULELIO. - E hoolaihaia aku ana ma keia hope aku ka haiolelo a D. Kahaulelio i mua o ke anaina kanaka nui ma Lahaina. O ke kumu o kana haiolelo no ka wi o Lahaina.
------
KULA BERITANIA MA LAHAINA. - I ka Poakahi o ka pule i hala aku nei, ua hoomaka o J. M. Poli i kana kula haole ma Halealoha, a ua hiki aku he 28 mau haumana i kana kula. --------
HE HOKU LELE ANO E loa ka makou i ike ai ma ka po Poakolua iho nei. Ua nui loa kona malamalama i kon lele ana mai, a ua hala loa aku ia ma ke komohana. Ua hooho ae na kanaka. Auwe ke akua lele!
----
HALE PULE NO KAMALOO. - Ua ike ia ma ke kaona nei he Komile kuai paha hale mai Kamaloo, Molokai mai me Rev. A. O. Forebe, e kuai i papa no ko lakou kalepule hou. He hana noonoo a nani maoli keia.
----
HE HOIKEIKE KU. - He lohe olelo wale hoi i ke "Kii Hoolele," aka, a akahi no ho@ a ike pono ia. I ka po o ka la 28 iho nei i hala, ike aku la no, ua hoolele ia na kii o kela ano keia ano e Rev. S. E. Bishop, ka Peresidena o Lahainaluna nei, ma ka Luakini i kapaia o "Kalaokeola." A o kekahi o na kii i hoolele ia mai ia po, oia no na kii o Adamu laua o Ea; o ko Mose iloko o ka wau kome, o ko Iosepa i kuaiia ai i Aigup@ta e kona mau kaikuaana ; na kii o ka mohaikuni a me na kii o ka noho aloha; o ke poo o Ioane Bapetizo iluna o ke pa ; ke k@ o na Hoku-hele, Hoku-welowelo, ka pou@ ana o ka La a me ka Mahina, ke kai pii a me ke ka@ emi, a pela wale aku. Elua no nae kii oi aku - "Nani no ku a ke kii-a he oi wale no Hua-a."
D. L. WAIHAALEAKAMANU.
-------
MAKE A OLA MAHUNEHUNE I KA MITINA MOOMALOO KO. - I ka pili o ke awakea o ka Poalua, la 26 o keia malama, ua make aku a Akina pake hana o lukini, ma Wailuku nei ; he mau hora nae mahope mai ke kamau ana o ke ola a make aku la. O Kanaha he keiki, a me Keanu he hapahaole, ua pakele mahunehune mai i ka elele a ka make ; oia na apana o keia umeke hoomalook@ paa, ka mea nana i awe aku i ke ola o Akina, a waiho mainoine iho ke kino, a he mea weliweli noia i ka ike aku. O ke kumu @ ka naha ana o keia mitina, o ka nui loa @ ka wai e hookaa ana i ka huila wai ; a @ ka hapa hoi kekahi o ka poe nuna e hapa mai ana i ke ko iloko o ka nau, nolaila, @ kiwiki ino loa ke kaa ana, a o ka naha no ia o keia mitina, a make iho la hoi o Akina pake, ke kanaka hana ma ia wahi. H. K.
Waiehu, Mar. 28, 1867.
------
Hawaii.
UA KOMO AKU KE KIALUA HOKUAO ma ke awa o Hilo i ke kakahiaka Sabati aku ne pela mai ka lono i kekahi wahi ohua i kipa mai ma ko makou nei keena.
------
NA MEA HOU O WAIPIO. - Mea hou no. - Ua hiki mai nei kekahi malihini, (ke keiki Ilikini i haiolelo ai ma ke Keena Halawai o Kawaiahao) a ua haiolelo oia ma ko makou luakini ma ka la Sabati nei. Ma ka haiolelo ana a keia malihini, hu mai la ke aloha o na hoahanau i ka malihini opiopio o na ai