Ka Nupepa Kuokoa, Volume VI, Number 11, 16 Malaki 1867 — No ka Ai ana. NO KA MOMONA, A ME KA WIWI. [ARTICLE]

No ka Ai ana.

NO KA MOMONA, A ME KA WIWI.

HELU 4. Ua kamailio aku makou mamua no na mea kupono e ai ai ka poe momona, a me ka poe wiwi, aka ; o ka hapa nui o na mea ai i kakauia o na mea ai wale no a ka haole, a no ka haole no hoi ia mau ru!a i hanaia ai. Ua ike kakou i ka kakou ai aloha, he poi; ke kaena nei makou o ia wale no ka ai kupono i ka hooulu kino o ke kanaka Hawaii maniua o na ai e ae.—Aka, o ka uala no ia ai hoonui kino a pela no hoi keia mau ai a pau i hahai ia malalo iho nei. Poi kalo. poi uala, poi ulu, Hoi, kalo, ulu, uala, uala kahiki ele,

O na ai aeae a pau he mau ai hooulu kino wale no lakou, a pela no hoi na ai paa, aka aole i like ka ai ana o ka ai aeae me ka ai paa. He hiki wawe loa ka he hee ai a a me ke komo ana o kona momona iloko o ke kino o ke kanaka mamua o ka ai paa. O ka iini ana i ai kupuono e hoemi mai ai i ko ke kanaka Hawaiii nui hualale, he mea nui no ia, no ka mea, he uku maoli hoi ka loaa pinepine ana o na ai hoomama kino ma kou papaaina. A i makemake oe e ka mea kino momona e hoemi i kou kino, i palanaiki mai e pono oe e hoao i ka ai ana i na mea ai i hahai ia ma na Helu 2- -3, a i ole oe e lako pono ia mau mea ai, alaila e ai pakiko i keia mau mea i: Ke kalo, uala kahiki, uala maoli, la hou, bipi momona ole, ia malooLuau, hoio, laulele, popolo, kapiki, Inamona, kai helo na hua o na laau a pau. E ai nuku i ka poi ma ka aina awakea. O ka ia mau ka io bipi olala, a me na ia miko, a me ka ia maloo, -- a i inu ti, (kope) oe i kekahi manawa mai hui pu me ke ko, a me ka waiu. MAI AI I KEIA MAU MEA: Na io momona, ia maka, puaa. Na hua momona o na laau, e like me ka niu, etc. Kulolo, haupia waiu, waiu bata, ke koaa, ko maoli, na mea ono, a me na kanade (candy) a pau. O ka ai nui ana me ka hoopa ole o na lima i kekahi hana e hooikaika kino ai, oia kekahi kumu e momona ai ke ino o ke kanaka. E nana aku i na lio i hoohana mau ia, a me na bipi hoi i ko lakou manawa e hookuu wale ia ai i ke kula a hala na mahina ekolu, eha, a eono paha, ua hiki wawe loa ko lakou momona. o ke kumu o keia hikiwawe o ko lakou momona, o ka ai ana i kela launahele keia launahele me ka hoohana ole ia a o ke ea maikai kekahi ma na wahi kula, kahi e pa kolonahe ana na makani o uka a me ko kai mai. Ia oukou hoi e ka poe wiwi, a me ka poe i manao e hoonunui i ko oukou mau kino. E hoao no oukou i ka ai ana i na mea ai i kupono no oukou ma na Helu 2, o keia kukulu manao ana, a ina ua hemahema oukou no ia mau mea ai no ka lako ole paha, eia iho no ka pai, ka ai makua i nunui ai ko kakou mau kupuna, ia ka ai kupono loa no na wahi mehana e like me ko kakou nei, mai ai nui nae i ka poi awaawa loa he like no ia poi me ka vinega. NA MEA AI KUPONO E AI AI OUKOU. Poi kalo, poi uala, poi ulu, Kalo, uala, uhi, maia, Hoi, hapuu, ki, pia, ko, Ia maka, ia moa, a me na ia a pau i kupono ke ai ia, a me ke ake Na limu, limu huna, limu kala, limu pakelo, lipalawai, lipoa, alaalaula, pakaiea ; inamona, Laulele, aheahea, popolo, haha. palula luau, a me na kapiki. Na io momona o na holoholona i maa i ka ai ia e kakou. Hau-pia, hau-ki, kai-helo, Kulolo—niu. paipaiee, Na hua o na laau ai a pau. Na mea ono o na ano a pau. MAI AI I KEIA MAU MEA. Na poi awaawa, ia maloo Na ia miko a pau, (ke ole e hoomanaloia,) Wahi hinalea hoowiluwilu, Na papai hoomomona a palahuki, Na kai ahi, a me na kai palu, Wahi hee hoomakole, a hohono ke honi iho, Na lumu koku, manauea, a me na iwi wana; na alaala hee, a me na akaakai lomilomi. Na maomao lomilomi paakai, a me na ao. Mai mikole paakai. E hoopaa i na manawa e ai ai o ka la, mai noho a awakea loa i kahi manawa, a ai hoi i ka po okoa i kekahi manawa, mai noho wale i kekahi la a po he kumu ia o ka mai ana. Ke hahai wale nei no makou i keia mau mea ai, aole nae me ka paulele nui o ko makou naau, e maikai pono io ana ko oukou ola i na mea ai a makou i hahai ae nei. No ka mea, hookahi wale no mea i koe aku e hiki ole ai ia makou ke aua aku, oia hoi ka mea a kela keia kanaka i ono ai. Ina he hoopailua ko kekahi mea i na mea ai a makou i hahai ae nei, alaila, e ai no oia i kaua mea ai i ono ai. Malaila no oia i kaua mea ai i ono ai. Malaila ko kakou ola ana, ma ka mea ai kupono a kela kanaka keia kanaka i ono ai kona pua, malaila ia e hoomau ai i ka ai ana e maona pono ai kona opu. ONIULA.