Ka Nupepa Kuokoa, Volume VI, Number 9, 2 March 1867 — Page 1
| This text was transcribed by: | Kamalanai Cummings |
| This work is dedicated to: | Pono Cummings |
Ka Nupepa Kuokoa
KE KILOHANA POOKELA NO KA LAHUI HAWAII.
BUKE VI. HELU 9. HONOLULU, MARAKI 2, 1867. NA HELU A PAU 274.
"KA NUPEPA KUOKOA,"
HOOPUKA MAU IA MA HONOLULU
I kela Poaono keia Poaono.
$2.00
No na mahina he UMIKUMAMALUA!
$1.00 no na mahina eono.
ME KA HOOKAA MUA MAI.
----------
NA OLELO HOOLAHA—aole i oi mamua o 10 laina no ka hoopuka hookahi ana, $1.00; alua komo ana, he $1.50; hookahi malama, $2.00. E uku mua ia mai ke dala o na olelo hoolaha a pau e hoounaia ana mai e pai.
KANIKAU—he hapalua dala ka uku no ka aoao hookahi o ka pepa leta, oia hoi 4 keneta no ka lalani hookahi—penei: he 25 lalani, $1.00; 50 lalani, $2.00; a pela'ku.
NA UKU NO NA OLELO HOOLAHA—ka uku pepa, a me ka uku o ke Kanikau, e haawiia no ma ka lima o na Luna o ke Kuokoa, a i oleia, e hoouna mai ia Kauka Kulika.
O NA UKU PEPA A PAU E HOOKAA MUA MAI NO—aole e kauia ka inoa o kekahi haole a kanaka maoli paha, ma ka inoa o ka poe lawe pepa ke ole e hookaa e mai mamua. E pono ke hiipoiia keia mau rula, no ka mea, he emi no ka auhau no keia nupepa.
AIA KE KEENA O KA NUPEPA KUOKOA—ma ke kihi hema o ka Hale Hookipa Luina (Sailor's Home.) O na hora hana, ma ka eiwa o kakahiaka, a i ka ha o ke ahiahi.
L. H. KULIKA. (Luna Hoopuka.)
KA "NUPEPA KUOKOA."
Is published in Honolulu
EVERY SATURDAY,
$2.00 per annum, or $1.00 per six
months, in advance.
ADVERTISEMENTS not exceeding 10 lines, inserted once for $1.00; twice or $1.50; and $2.00 for one month; all advertisements must be paid for in advance.
KANIKAUS will be charged 1.00 per page, or 4 cts. a line. PAYMENTS FOR ADVERTISEMENTS, Subscriptions or Kanikaus, may be paid to any of the Agents of the Kuokoa, or may be enclosed in a letter to the Publisher.
ALL SUBSCRIPTIONS must be PREPAID. No names, either of foreigners or natives, will be inserted on the subscription list, until paid for. This rule must be strictly adhered to, on account of the low subscription price.
THE OFFICE OF THE KUOKOA is in the South corner of the Sailors' Home. Office hours from 9 A.M. to 4 P.M.
L.H. GULICK.
For the Publisher.
Volume I, II, and III of the KUOKOA, bound, for sale, $3.50 each.
Persons having complete sets of the above, can have them bound by paying $2.00 each.
J.W. KEAWEHUNAHALA Loio! Loio!
O ka poe makemake a lono e kokua ma ka Hoopii ana, a pale ana ma ke Kanawai imua o na Aha Hookolokolo o keia Aupuni, e kii koke i ka mea nona ka inoa e kau ae ia maluna, a e loaa no oia ma kona Hale no @
Kikihale,
mauka o kahi o J. KAHAI Esqr. a i ole ia, e loaa no ma ka Hale Hookolokolo i Honolulu, Oahu.
Honolulu, Feb. 9, 1866. 219-1y
Mokuna wawiki!!
E holo mau ana kela wahi moku i Molokai i kela pule keia pule mai Honolulu akunei. A ina he ukana hooili ka kekahi a e holo ohua ana paha, alaila, e ninau no i ke Kapena oia o KAHALEMAKE.
No Honoipu me Naohaku
Ka moku kona " Kohala"
O Howard ke Kapena.
E holo mau ana keia moku ma na Awa i oleloia maluna, no na ukana a me na ohua. E ninau i ke Kapena, a i ole ia, ia KAKELA me KUKE. 6m
He moku holo mau
No Lahaina, a me Makena. O ke kuna kalepa paa maikai.
"Kate Lee"
O Fountain ke Kapena
E HOLO MAU LOA ANA, A HIKI MAI no hoi ma na Awa i oleloia maluna. No na ukana a me na ohua, e ninau i ke Kapena ma ka moku, a i ole ia ia
C. BREWER &co. (BURUA MA) 228 tf
No Hilo
Ka moki kuna
"Mele Hilo,"
O Sebastian ke Kapena.
E holo mau ana keia moku i ke Awa maluna, no na ukana a me na ohua e ninau ia HULIPAHU, (L. L. TORBERT)
No Hana , Kaupo , a me Maliko.
Ka moku kuna
"Manuokawai,"
O merchant ke Kapena.
E holo mau an akela moku na Awa i haiia maluna. No na ukana a me na ohua, e ninau ia C. BREWER &co. (BURUA MA)
NA BUKE HOOLAHAIA E KA PAPA HAWAII
Baibala Hemolele Nui ili eula nani me na kuhikuhi ma na a ao.....$12 00 " " Nui ili eleele kaekae wai gula.....5 00 " " uuku iki ihi " ".....8 00 " " Pananaiki iho ili eleele.....4.00 Kauoha Hou ili gula nani me na kuhikuhi.....3.00 " " eleele kaekae wai gula.....1.00 " " " ......75 Kauoha Hou Hapa Haole.....75 Lira Hawaii 1848 me ke kanawai......25 " " 1855.....25 Moolelo Ekalesia.....50 Haiao ili lahiahi.....10 Hele Malihini ana.....25 No ko ke Akua ano......25 Lira Kamalii......25 Hoike Palapala Hemolele.....25 Moolelo o Heneri Opukahaia.....25 Hoike Akua.....25 Weheweheia.....25 Ninau Hoike ili manoanoa.....25 " " " lahilahi....10 Kumumua Kula Sabati.....10 Buke Lawe Lima.....10 He Buke no ka Pope.....10 Ui Kula Sabati Helu 3.....25 " " " " 4......25 " " " " 5......25 Buke Euanelio a Ioane.....10 Himeni .....1.00 Himeni Ili nani.....1.75 Na Kauoha Hou Pakeke Ili Gula nani.....1.50 Ili eleele kaekae nani......50 Ili eleele......35 Kauoha Hou Pakeke me na Halelu Ili Gula nani.....1.75 Ili eleele kaekae wai gula.....50 Ili eleele......50 Na Halelu Pakeke Ili Gula nani.....50 Ili eleele kaekae wai gula......30 Ili eleele.....20 Ka Hae Hoonani (Buke Mele)......25 Buke Wehewehe Huaolelo Baibala.....2.00 " " " Ili nani.....3.00 Eia na buke haawi wale Palapala Liilii-- Helu 4--Makemake anei oe i ke ola Helu 6--E hele i o Kristo la. Helu 7--Ka hoi ana mai o ke Keiki Uhauha Helu 11--No ka hoohiki wahahee i ke Akua Helu 16--Ka Kehia ana o ka Ahaaina a ka Haku a ma ka Bapetiso ana. Helu 17--Mai hana ino i na holoholona Helu 18--No ka mahi ana, kuai ana a me ka inu ana i ka Awa. Ka Davida Malo Kumumanao. Ka Moolelo o Batimea Puaaiki. L.H. Kulika Kakauolelo o ka Papa Hooko o ka Ahahui Euanelio o ko Hawaii Pae Aina.
Ka Nupepa Kuokoa.
Ka Moolelo o Kamehameha I.
NA S. M. Kamakau.
Helu 17.
Ke au ia Kalani Kauikeaouli Kiwalao ke kaua ana me Kamehameha a me ka lilo ana o ke aupuni ia ia.
I ka malama o Iulai. i ka A.D. 1782, kuka iho la ka Moi Kalani Kauikeauouli Kiwalao, me Keaweniaululi ke Kuhina Nui, ke kaikaina o Kalaniopuu, me na kakama o ka Moi. a me na lii no hoi a pau, no ka hoihoi ana i he hino kupapau o Kalaniopuu i Hale o Keawe ma Honaunau, e like me ke kauoha a Kalaniopuu, e hui pu ahu i huna mau iwi me na iwi o na ʻ lii kahiko, ma ka Hooilioa o na ʻ Lii o na ʻ lii kahiko, ma ka Hooilioa o na ʻ Lii ma Hale o Keawe, ma Kona Hema. Ua lohe mua aku na alii o Kona, e hoihoi ia aku ana ke kupaupau o Kalaniopuu i ka Hooilina Kupaupau, ma Hale o Keawe i Honaunau ma Kona.
A no keia mea, na ulu ka manao okoa i kekahi poe alii o Kona, e haawi i ke Aupuni ia Kamehameha. O Kekukau pio, he alii oia a he kahuna no hoi, a he koa kaulana no hoi, ia ia no o Keei. Ua kii no oia ia Kamehameha i Kohala. I ka hiki ana o Kekuhaupio i Kapanaia ma Halawa i Kohala, i ka aoao o Kamehameha me Kalaimamahu ke kaikaina, me ka wahine, me ka hana lealea ma ke ano hooipoipo.
I ka ike ana o Kamehameha ma ua pae mai o Kekuhaupio ma. ma ka waa mai Kona mai, a akoakoa ae la i ka mua. Olelo ao aku la o Kekuhaupio ia Kamehameha, i ka i ana, "Ua ike iho nei au ia oe e ke ʻ Lii, ua lilo oe i ka lealea me ka wahine; he hana waiwai ole ia, hookahi no waiwai nui o ko koa, ku i ke Aupuni, pili wale mai no ka wahine, oia no oe i ka lanu Makalei In, he on a wale ia mai no e ka i-a. O ka Laipule i ke Akua, ku i ka moku, nolaila, i kii mai nei au ia oe, e hoi kakou i Kona, e hui pu me na makua ou, a i ae mai lakou e like me ko ʻ u manao, alaila, pono kakou, no ka mea, ua loheia mai, e hiki mai ana ko kaikuaana haku, me ke kupaupau o ka makuakane o olua. Ina no hoi he pono ka ko kaikuaana, alailai, pono no hoi ko kakou noho ana, aka, i hewa ka hana a ko kaikuaana, aia ke aina ma ka ikaika."
Pane aku la o Kamehameha, ʻ Ae, ua pono ia olelo, e hoi kakou i Kona, anoai o hiki io mai ke Alii me ke kupaupau; a e hoi aku no hoi e ike i ke kupaupau o ke Alii, o i ia mai auanei kakou e ke alii i ka lokoino."
Holo mai la o Kamehameha ma mai Kohala mai a pae ma Kekaha, no ka mea, e noho ana o Kameeiamoku ma Kaupulehu, a ma Kiholo hoi o Kamanawa ma.
O Kalani Kauikeaouli Kiwalao, ke keiki a Kalaniopuu, ka Moi o Hawaii. O Kalola Pupuka, o Honokawailani ka makuahine, ke kaikamahine a Kekaulike, a laua o Kekuaipoiwa Nui, na ʻ lii kapu moe o Maui.
Makaukau iho la ka hoihoi ana o ke kupaupau o Kalaniopuu i Kona, alaila, kau ae la ka Moi Hooilina Aupuni maluna o kona mau waa-kaulua; o na waa kaulua no hoi o ke kupaupau a me ka auwaa o na ʻ alii a me na kanaka. Holo mai lakou a pai i Honomalino ma Kona Hema, a i kekahi la ae, holo mai lakou a waho ae o Honolulu, holo ae la kekahi alii mai Honokua ne, o Keeaumoke kona inoa, a uwe iho lakou no ke kupaupau. Olelo aku o Keeaumoke, "I hea ke kupaupau e waiho ai?" Kikoi mai la hoi ka olelo a kekahi puali, o Kaihekioi kona inoa, i ka i ana, "Aia i Kailuau kahi e waiho ai." Ua lohe lakou he manao okoa ko na ʻ lii o Kona.---- Ma ke kauoha hoi a ke kupaupau, ma "Hale o Keawe e waiho ai," aka, he okoa loa hoi ka Kaihekioi i pane kikoi mai ai. Holo aku la lakou a pae i Honaunau, a waiho aku la i ke kupaupau ma Hale o Keawe, a noho iho la ka Moi a me na ʻ lii ma Honaunau.
I ka la no a po iho i halawai ai o Keeaunioku ma me ke kupaupau o Kalaniopuu, ma Kapalilua, holo aku la oia ma Kekaha e halawai me Kamehameha, no ka mea, ua lohi ia mai ka hiki ana mai o Kamehameha ma Kekaha, mai Kohala mai, ua kiiia e Kekuhaupio. I ka halawai ana o Keeaumoku me Kamehameha, a me Kameeiamoku, Kamanawa. Kekuhaupio a me kekahi poe alii no hoi. Pane aku la o Keeaumoku, "Ua hiki mai ke kupaupau o Kalaniopuu a me na ʻ lii aia i Honaunau kahi i noho ai."
Olelo aku la o Kekuhaupio ia Kamehameha a me na ʻ lii, "E pono is kakou e holo e Kaawalua, Napoopoo a me Keei. Ina e loaa ia e ka pilikia no ke kaua, he kahua maikai no o Hauiki, he nui ke alualua ma Keei, me ke aa o Honaunau, oia ke kahua maikai no ke kaua." Alaila, ae mai la o Kamehameha a me na ʻ lii, "Ae, ua pono." Holo mai la o Kamehameha a me na ʻ lii makuakane ona a me na kaikaina. a pae ma Kaawa oa, a ma Napoopoo, a o kekahi poe alii a me na kanaka, ma Keei lakou kahi i noho ai.
A lohe ka Moi Kalani Kauikeaouli Kiwalao, ua hiki mai o Kamehameha maaia ma Kaawaloa kahi i noho ai. nolaila, holo mai la oia e halawai me Kamehameha. Halawai iho la laua ma Kaawaloa, a uwe iho la, a olo ae la ka pihe makena a na ʻ lii no ke kupapau.
A pau ae la ka uwe ana, olelo aku la ka Moi ia Kamehameha, "Auhea oe, e make ana paha kaua la, eia no ka makuakane o kaua ke pue mai nei no e kaua kakou; elua wale no paha auanei kaua e make. Aloha ino kaua." O Keawemauhili ua makuakane la. Olelo aku la hoi o Kamehameha ia Kiwalao, "Apopo makou holo aku e ike i ke kupapau o ke Alii." Ae mai la no hoi ka Moi Kiwalao.
A pau ka ike ana a na ʻ Lii, hoi aku la ka Moi Kiwalao ma ka waa.
I kekahi la ae, holo aku la o Kamehameha a me kona mau alii e ike i ke kupapau o Kalaniopuu, ma Hale o Keawe ma Honaunau. A hiki o Kamehameha ma Hale o Keawe i Honaunau, uwe iho la na ʻ lii no ke kupapau.
A pau ka uwe ana, ku mai ka Moi Kiwalao ma Akahipapa, ma ka aoao Komohana o Hale o Keawe, a kukala mai la oia i kana olelo Alii, mamuli o ka olelo kauoha a ke kupapau penei, "Auhea oukou e na ʻ lii a me ua makaainana, elua maua i kauoha ia e ke kupapau, owau a me kuu kaikaina----O ke kauoha o kuu kaikaina, (Kamehameha) o ke akua o mana, (Kukailimoku) o kona kauoha ia; a o ka aina i loaa iai mai ka makuakane mai o maua, o kona aina no ia. O ko ʻ u kauoha, o ke Aupuni, owau ke alii maluna o ke Aupuni----Aole e hiki ia ʻ u ke kii i ko ia la kauoha----Aole hoi e hiki iaia ke a-e i ko ʻ u haawina. Oia ke kauoha a ke kupapau."
I ka lohe ana o na ʻ lii o Kona, ohumu iho lakou me ka olelo ana, "Kahaha ! Kahaha !! Ka inoa e mahele ka aina, i ekolu moku o kekahi, a i ekolu hoi o ke kekahi, oia ka pono, waiwai like; aole ka! Ilihune loa kakou----O ko Hilo poe alii a me ko Kau ke waiwai, no ka mea, na lakou kela alii. E aho ke kaua! E aho ke kaua!!"
O Kamehameha nae, aohe on a manao e kaua, aku, no ka manao o na ʻ lii o Kona o lilo ko lakou mau aina, nolaila, paipai ai lakou ia Kamehameha e kaua, aka nae, ua uhi ia ko lakou manao kipi i ke Aupuni, no ka lele mua ana o Keoua Kuahuula.
A pau ke kukala ana o ka Moi i ke Aupuni, hoi aku la o Kamehameha me na ʻ lii, aka, kaohi aku la o Kekuhaupio ia Kamehameha e noho laua ma Keei, me ka i ana aku, "E noho kaua ianei, a ahiahi aku, hoi hou kaua i ko kaikuaana la i keia po." Ae aku la no o Kamehameha. I ke ahiahi ana iho, holo aku la o Kamehameha ma mai Keei aku a pae ma Kapauai ma Honaunau, a malaila ʻ ku no na halau mua o ka Moi Kiwalao.
I ke komo ana aku o Kamehameha ma iloko o ka mua, e hoomakaukau ana ka aha awa o ke Alii. Nonoi aku la o Kekuhaupio i ka Moi, i ka i ana, "Ho mai kou awa na ia nei e mama, (na Kamehameha.) Olelo mai la hoi ka Moi, "Heaha hoi ka ia la mea e mama ai?" Pane aku hoi o Kekuhaupio, "Oia kauoha ia a na makuua o olua, e noho kanaka aku kekahi keiki o olua malalo o kekahi keiki o olua, ke ku kekahi keiki o olua i ka moku." A mama iho la o Kamehameha i ka awa, a pau ka hana ana, aumiki no hoi a pau, a kahee no hoi i ka apu---Lealea no hoi ka awa a noa, kahee no hoi ka Moi i ka apu mua, a haawi ae la i ke aikane punahele ana, a paa i kona lima, a hoomaka ae la no hoi e inu, e pai ae ana o Kekuhaupio i ka apu awa, lele ana i kahi e. Pane aku la o Kekuhaupio. "He was ke ʻ Lii, aole paha i mama ko kaikaina i ka awa---e no ke kanaka, nou no ke alii." Peku aku la no o Kekuhaupio ia Kamehameha me ka i aku, "Hoi aku kaua a kau iluna o ka waa." Hoi aku la no hoi laua a pae i Keei---Hewa aku hewa mai---o ne ka hewa, o ke alii ka hewa.
I kekahi la ae, koi mai o Kewemauhili i ka Moi Kiwalao a me na ʻ lii, e okioki i ka aina o Hawaii. E okioki i ka aina, a no kuu kaikaina kekahi aina no Kamehameha, wahi a ka Moi. Hoole mai la o Keawemauhili, me ka i ana aku, "Aole pela ke kauoha a ko makuakane. Ua kaawale no kona kauoha o ke Akua, a o kona aina kahiko no, o kona no ia i kauohaia ʻ i. O oe no ke Alii o ke Aupuni. owau aku no malalo ou, a o na ʻ lii mai malalo o kakou. Pela ke kauoha a ke kupapau.
Okioki ia iho la ka aina, a o Keawemauhili ke alii i alunu i ka aina, o na aina nui wale no kai iaia. Ua haawiia no hoi ka aina i na ʻ lii, i na puali, i ka poe kaukau alii, i na punahele a me na koa. A lohe iho la o Keoua Kuahuula i ka okiokiia ana o ka aina.
O Keoua Kuahuula, he mau mahoe na Kalaniopuu. O Keoua Peeale ka lua, he mau keiki na Kalaniopuu - O Kanekapolei ka makuahine, he wahine alii maikai.
A o ua Keoua Kuahuula nei, he kanaka maikai o ke kino mai luna a lalo, ua maikai no hoi kona helehelena, ua kiekie hanohano kona kino. O na wili lauoho o kona poo, ua hele a hawele ilalo. A i kekahi la, ua kokoke paha i ka hora 9, hele mai la oia i kahi o ka Moi Kiwalao a olelo aku la, "O Olaa a me Keaau, na kaua ia e ai." Pane mai la hoi ka Moi, "Ua lilo, aohe o kaua o laila" Pane hou aku la no ua o Keoua Kuahuula, "O Waiakea a me Ponahawai, ua kaua e ai." Ua lilo aohe o kaua o laila, wahi a ka Moi. O Waipio me Waimea, na kaua e ai. Ua lilo, aohe o kaua o laila. O Pololo me Makapala, na kaua e ai. Ua lilo aohe o kaua o laila. O Napuu elua, o na Honokohau elua, na kaua e ai. Ua lilo, aole o kauu o laila. O Kahaluu me na Keauhou elua, na kaua e ai. Ua lilo no ia, aohe o kaua o laila. A no ka nele ana o Keoua Kuahuula i ka aina ole, pane aku la oia i ka Moi, "O ko ʻ u nele no ka keia i ka aina hou o ka okioki ana?" Pane mai la hoi ka Moi, "Ua nele kaua i ka aina ole, o ka okioki aina, ua pau no i ka makuakane o kaua ka aina. O ko kaua mau wahi aina kahiko no, o kou no ia."
Hoi aku la o Keoua Kuahuula i kona wahi, a hiki aku la i kona mau halau, hoolale aku la i kona mau koa a me kana mau aikane, a me kahu, e ai ka ai, e puali, e nalu ka ahuula, e kui ka mahiole, o na niho palaoa kai ka ai, o na pololu kai na lima, a e hele i ka lelekawa. Hele aku la o Keoua Kuahuula ma, a ike ae la ka Moi a me na ʻ lii, ninau ae la lakou, "E hele ana la i hea o Keoua Kuahuulauna?" Olelo aku la no hoi kekahi poe, "E hele ana i kahakai i ka lele-kawa."
O ka hele loa aku la no ia o Keoua Kuahuula, a me Uhai ke kahu, a me Kaieica ke keiki hookama, a me na aikane, a me kona mau koa a hiki ma Keomo, ma ka hikini hema iho o Keei, a @ iho la i ka niu a hina. O ka moku ana o ka niu, o ka hooailona ia o ke kaua. O ka niu, he kanaka no ia, wahi a ka poe kahiko, aia ke poo ilalo, a o ka mai a me na opea, aia iluna, he alii niaupio ka mea e hina ai ka niu. O ka hele aku la no ia o Keoua Kuahuula ma a hiki i Keei, e heenalu ana kekahi poe alii me na kanaka, o ke kaua koke iho la no ia, a make kekahi mau kanaka ia Keoua Kuahuula ma. O ka lawe ia aku la no ia o na heana na ka Moi Kiwalao e hai. A hai iho la o Kiwalao i na heana kaua a Keoua Kuahuula. No ko Kamehameha aoao na kanaka i pepehiia.
O ka hoomaka iho la no ia o ke kaua liilii ana. Eha na la o ke kaua liilii ana, alaila, hoouka nui iho la. O kekahi poe alii o ka aoao o Kamehameha, ua mahuka aku la ma ka aoao o ka Moi Kiwalao. Oia hoi o Kanekoa, oia kekahi alii, he aikane no na Kamehameha, a o Keahia a me kekahi poe alii e ae.
O na ʻ lii mahope o Kamehameha, oia hoi o Keeaumoku. Keaweaheulu, Kameeiamoku, Kamanawa, Kekuhaupio, o na ka kaikaina, o Kalaimamahu, o Kawelookalani, o Kalanimalokoloko i Kepoookalani, a me na kaikaina a pau, a me na'lii e ae o Kona a me Kohala. Ua oi aku ka nui o na'lii mahope o ka Moi Kiwalao.
I ka la hoouka kaua nui, i ke kakahiaka, oia paha ka hora 9, ua kaua ka huna lele o ke kaua, a ua @ ko Kamehameha aoao, a ua hee ko Kamehameha aoao, a ua make kekahi mau kanaka o Kamehameha, a ua lawe ia na heana imua o ka Moi Kiwalao, a ua hoi ia e ia a ue kana mau kahuna.
A pau ka hai ana a ka Moi a me kana mau kahuna i na heana o ka poe i make i ke kaua, olelo aku la kekahi kahuna i ka Moi, o Kalaikuiaha ka inoa i ka i ana aku, "O keia la, he au iluna, pa ia oe i ka ehu kakahiaka, i ke awakea hoi ke au ilalo, pa i kela aoao i ka ehu ahiahi, nolaila, e hoomoe ke kaua apopo." O keia mau olelo a ke kahuna, aole no ia he mea e loli ae ai ka manao o ke 'Lii, no ka mea, ua lana kona manao i ka make o ko Kamehameha aoao. Ua loihi ka hele ana o Kiwalao ma, mai Honaunau mai a hiki ma Hauiki i Keei. O Keoua Kuahuula hoi, ua hoouna oia i kekahi mau waa ma kai, me kona manao paha e lanakila ana no o Kamehameha, nolaila, hoomakaukau e no kela i kona mau waa. (Aole i pau.)
Ka Moia Leonetesi
----Oia Hoi----
Ke Kaao O Ka Hooilo
Helu 5
Me he no naulu la i uhi iho maluna o na kipapali i ka wa poliliu o ka la, pela na hekau a ke kaumaha i hoalii iho maluna o ke alii Leonetesi, oaka ae la kona waha me he mea la e hiki mai ana imua o Felorigela, ua hana hewa ia imua o ka na makuakane, i ka i ana. "Ua pau kuu launa a me ka pili aloha a maua me ko makuakane makau ole, kuu aikane hoi mai na wa liilii mai o maua, a maua e u holoholo ai i na kula hahai holoholona, a me na alu kahawai kinikini o Bohemia; a'u hoi e ake nui nei e ike hou aku i kona mau maka, mamua o ka iho ana aku o keia mau oho hina'i i ka lua pau me ke kaniuhu ole."
A i hou mai la no ia. "O na lani kai ike i ka nui o ka luuluu piliia me a'u. Ke nana nei au ihope i ka hoomaka ana mai o na makahiki he iwakalua mai keia manawa aku; na ino a pau a'u i hana aku ai i kuu hoa aloha paulele, na hewa hala ole a pau a'u i hooili iho ai maluna o kuu Heremione aloha, a hoonele ia ai au i ka Moi Wahine ole a hiki i keia la, a me ka hana lokoino nui wale a'u i hana aku ai i kuu inoa i na haumana e hiki mai ana. Auwe au ia wai la auanei e waiho iho ai au i kuu aupuni mahope o'u?" Uwe iho la ia me ka ehaeha a hiki i ka mauli awa ana.
O ka elemakule kahuhipa ka makua nana i hanai ahonui i Peredita mai ka wauuku mai,---i kona lohe ana aku i ka ke alii hoohalike mai i na hiohiona o Peredita me ka Moi Wahine Heremione,---a me ka i pu ana mai, he kaikamahine uuku kana i kiola ia i ka aina e, hikilele koke ae la ia no Peredita; Kulou iho no hoi kona poo ilalo, e noonoo ana i ka manawa i loaa ai o Peredita ia ia, hoohalikelike iho la ia i ka loihi o ka manawa, me ka manawa i nalowale ai ka ke alu kaikamahine, ua like loa. Hoomanao ae la ia no na pohaku makamae i humuhumuia, a me ka le ahi momi i loaa ai ma ke kino o ke kaikamahine Peredita, aole ia he mea loaa wale i na keiki a ka poe lope; haupu ae la no hoi ia i ke ano o na huaolelo Peredita i kakauia. O! iluna ilalo ka puuwei o kahi elemakule kahuhipa,---aole no hoi he kumu nei e kanalua ai oia i ka noonoo ana iho o ua Peredia nei oia no ke kaikamahine ponoi a ka Moi Leonetesi. A he manao e hoopuka aku imua o ke alii * * * "alia," wahi ana, mohala mai la ua opuu o kona manao. E ola ana na iwi, hooponopono iho la ia ia ia iho a pono, me ke kuoo o kona mau papalina, a me ka naau hoihoi kona hai ana aku i ka moolelo o Peredita.
E noho ana o Kamilo, Paulina, a me Felorigela, i ka wa a ua kahiko nei i haimi aku i ka moolelo o Peredita imua o ka Moi Leonetesi; Ke ano o ka loaa ana o Peredita ia ia, a me ko Anetigonusa make ana, i haehae liilii ia e ka bea.
Unuhi ae la ia a hoikeike anu imua o lakou i ke kapa komo nani i loaa ai ia ia ia maluna o Peredita. Ia manawa lele mai la o Paulina me ka oluolu loa, i kona ike maopopo ana mai o ke kapa komo no ia a Heremione i hoaahu ai i ke kaikamahine i ka wa uaku, ana i lawe ae ai imua o ka Moi. Hoike hou ae la no ia i kekahi o na pohaku makamae ana i malama ai. I ae la o Paulina, "o keia no na pohaku i haki'iia e Heremoine ma ka ai o ke kaikamahine." A hoike pu aku la no hoi i ka pepa i kakauia ai Peredita. Hoomaopopo iho la o Paulina i ka lima kakau o kana kane Anetigonusa. Auwe! Elua mana a Paulina e hele ai, o ke kaumaha no ka make ana o ke kane, a o ka olioli no ka loaa ana o ke kaikamahine alii. Ua hooko ia ka wanana a ke kaula, no ka loaa hou ana o ka mea i nalowale.
Aia mai la o Leonetesi me ka olioli nui ka losa hou ana o ke kaikamahine, aka, iloko o ia manawa hauoli ona, haule hou ia iho l ia e ka luuluu, ia ia i hoomanao ae ai, aole hoi o Heremoine pu kekahi e ola nei e nana pu aku ai i na helu helena o ka laua kama.
Maule iho la ia no ka manawa loihi aohe ekemu, aohe pane, a ua uhia pu ia ka rumi hoolookoa e ke kanikau eehia ke hoolono aku i na leo uwe o ka Moi Leonetesi no Heremione. Aohe waimaka paa o lakou, no ke alii ka uwe uwe pu hoi lakou, a hala ka manawa loihi o ko lakou uwe ana me ka pane ole aku i kekahi a i kekahi, hooho ae la ka Moi me ka leo haaloulou. E Heremoine! E Heremoine e!! O kou makuahine e Peredita aole oia maanei e nana pu ai me a'u (kou makuakane) i kou mau helehelena, @ ia anei lakou a pau e ke kauikau no Heremoine? Ae, aka o Paulina he olioli wale no kona i ka lohe ana i ko ke alii uwe kanikau no Heremoine.
Kamailio mai la ia i ka Moi Leonetesi, no kekahi kii pohaku hou o Heremoine. Na Iulio Romano, (he kanaka kalai kii akamai o Italia) i kalai i ua kii nei, aohe wahi lilo o Heremoine, ua like loa no me ia. A i na he manao ko ka Moi e hele i kona hale e ike ai, aole no e ole kona manao aku oia okoa no a e no keia e ku mai nei.
I ko ke alii lohe ana i keia mau olelo a Paulina, ua hoomama iki ia mai kona ehaeha.
"Ae," wahi ana, "e hele aku no e ike hou i kona kino aku, a o Peredita pu hoi kekahi e hele, i hilohi aku ai oia i na helehelena nani o kona makuahine, ana i ike ole ai mamua i kona like ma keia honua. Hoeu koke ae la lakou e hele i kahi o Paulina."
Ua paku aku o Paulina i ke kii pohaku me kekahi uhi aamoo, a e ku ana kela maluna o ke kumabala i hoomakaukau ia nona, a i ka wa o Paulina i pale ae ai, aia hoi na helehelena o Heremoine e ku kohana mai ana imua o ka Moi a me Peredita ma.
I ko ke alii ike ana aku, ua hoihoi ia mai kona manao a ka puuwai; aole luli, aohe naue, aole hoi he kamailio no kekahi manawa loihi.
"Ke mahalo nei au i kou mumule ana e kuu Haku," wahi a Pauina "he mea kupauaha ka keia kii i hoike mai ai nou. Aole anei i like keia kii me kau ahi wahine?"
Mahope loa iho, pane aku la ka Moi. "Oi nei e ku mai nei ua like no ia me ua lani la a'u. Aka, ea e Paulina, i ka wa a'u i hoopalau ai meia, aohe ia i lo-a iho e like me ke kii a'u e ike nei." Pane aku la o Paulina. "O ka mea ia i iho ia ai ke akamai o ka mea halai kii, i kona kalai ana i kii e like me ko Heremoine ano o ke ola ana iloho o keia manawa. Aka ea e paku ae paha."
"Mai huki iho oe i ka paku," wahi a ka Moi. "E make anei au! E nana oe e Kamilo aohe anei ou manao e hanu ana no ia? Me he mea la e onioni ana no kona onohi maloko o ka pale o kona lihilihi."
Kamailio hou aku la o Paulina. "E aku haku e uhi ae au i ka paku. No ka mea, ke hoohuahualau nei oe, a hookuio iho paha a anei e ola ana ao keia kii pohaku leo ole. (Aole i pau.)