Ka Nupepa Kuokoa, Volume VI, Number 6, 9 February 1867 — Page 3
| This text was transcribed by: | Kealii |
| This work is dedicated to: | To kumu Lehuanui Period 2 |
Ka Nupepa Kuokoa
Ke Kilohana Pookela No Ka Lahui Hawaii.
Februari 9, 1867.
Kohala. Ma ka poakolu iho nei. ua ike ia aku mawaho o Waikiki kekahi kohola e puhi ana i ke kai iluna.
E hooloha pinepine aku ana makou i kela pule keia pule i na mea pili Aupuni a pau, oia hoi na mea e hanaia ana imua o na Lunakanawai o ka Ahakiekie a me na mea like.
Kahi Eneikini Kekake.-Lele liilii loa ka hoi na pahu lanahu i keia wahi Enegini. O keia wahi mea ka mea nana e hoohiki wawe nei i ke kiola ana i ka nanahu mauka nei. Ke holo nei ka pau o ka nanahu.
Manawalea i ka Ogana.- Ma kekahi mau manawa i hala ae nei, ua kokua manawalea mai kekahi poe o Manoa, kahi i kapaia a hookaulanaia o "ka ui o Manoa," he $156.00 no ka ogana o Kawaiahao. Ke mahalo aku nei makou no keia kokua manawa ea ana.
No ke Kilauea.- Ua hoolaha makou mamua iho nei, ua koho ia e J.W. Aukina Esq. o Honolulu nei ko ka hui o Walker, Allen &Co, ma hapa iloko o keia mokuahi ma ke kudala ana a ka ilamuku. Ua lohe hope loa mai nei makou, no Aukina a me E.H. Alani ua hapa la i kudala ia iho nei a lilo ne nei ia laua.
Ka Uapo Mokuahi- Ma kai makou o Ainahou kahi i makaikai ai i ka hana a ke keiki Hulipahu i ka uapo mokuahi o kakou a ke Aupuni i hoolala iho nei. Ke hoomaka nei ua keiki la i ka mea a kona poo i hoomaka@ii mua au, he mau la paha koe, alaila hehi no na wawae o na kanaka a me na holohona maluna ona.
Pulupe i ka Waiona.- Ma ka la Hape nuia iho nei o na Pake oia ka Poalua, ua kuo-e hele ae kekahi wahine in a ko makou nei mau i puka, ua hele wale a pulu elo i kaua a kanaulu, e hikaka hele ai i o a ianei, e apo ana kona mau lima ma ka a-i o ka haole me ka nui o ka waha i ka walaau ma na hua kupono ole. Nana aku la makou a hoihoi pu wale iho la no i ka minamina iloko.
Make hikiwawe ma Mananui- I ka po Poalua iho nei, Feberuari 5, ua inu kekahi kanaka, o Kaloena kona inoa i ka rama (wai ona) me na pake, ma Mananui, Waialua, Oahu no ka lealea i ka la makahiki hou o na pake. No kona inu nui loa ana, ua holo ka wela ma kona nui kino; a i kona hoi ana ahiki i kona hale, inu aku la ia eha apu awa, aole i liuliu iho, i ka owehewehe ana ae o kai ao o ke kakahiaka nui, lawe ia aku la kona ola, a helu pu ia aku la ia me ka poe make me ka hakalia ole. Aloha ino ka mea i uhauaha i ka waiwai makamae he ola. Ua holo aku o Kauka Hilibarani e nana i ke kanaka make i ka Poaha iho nei.
La Hape Nuia o na Pake.- Ma ka Poalua iho nei, oia hoi ka la 5 o Feberuari, ua malama ae na pake i ko lakou la makahiki hou. Ua pani paa ia ko lakou mau hale oihana, a ua lealea lakou e like me ka malama ana o na haole a me na kanaka Hawaii i ka La Hape Nuia iho nei. Ua kani mai na mea hoopahupahu ma ke kulanakauhale nei, mai ke ano ahiahi mai o ka Poakahi, a hiki wale i ke aumoe o ka Poalua. Ua lilo nui lakou ma ka holoholo lio a kaa hoi. Ma kekahi hale o na pake kalepa ka Lunahooponopono Nui o ke Kuokoa kahi i paina ai i kona ainaawakea, mamuli o kona kono ia ana mai. Eia no kahi okupe i ka makou ike aku, o ka ona nui ana o na kanaka a hele hikaka ma na alanui, me he mea la no lakou ka la olioli. Aohe i lilo na pake i ka inu wai ona, i kanaka ka ona e. Konahi ka hapenuia i ka pake.
Ahahui Paio o Honolulu.- Ua halawai iho nei keia Ahahui ma ka po o ka Poaha i hala ae nei, me ka hapai ana i ka hana i hoopaneeia o ka halawai o ka Poaha la 17 o Ianuari i naue ae nei, oia hoi ka paio ana i ke kumupaio, "O ka ilihune anei kekahi kumu e emi ai keia lahui, aole anei?" I ka paio ana, ua maopopo loa o ka ilihune io no kekahi kumu e emi ai keia lahui, aka nae aole i hooholoia, no ka hiki ole ana mai o ka mea nana i hapai keia kumupaio, a no ia ua hooholo ka hale e waihoia no ma ka buke moolelo o ka hale a lohe ia ka manao o ka mea nana ka ninau, alaila hooholo ia. A ua kohoia i kumupaio no keia halawai ana aku penei: "Heaha la ka mea i hanau nui ole ai keia lahui Hawaii?"
Hoopaneeia ka hana a ka Poaha ekolu o Feberuari oia hoi ka la 21. O ka nui o na lala ke heluia me S.K. Kuapuu i hoi aku nei i Kauai he 36; a ke waiho akea nei no ka puka no ka poe a pau e makemake ana e komo iloko o keia Ahahui.
J.Kua, Kakakauolelo.
Na Hawaii i make ai ma Butaritari- Ua lohe mai makou, o ke kumu ka o ka make ana o na kanaka Hawaii ma Butaritari, ua hooukiuki mua ke alii oia mokupuni no kakahi hana ino haumia a kekahi mau loina moku o luna o ka moku Paila. I ka holo ana aku o ka moku mai Apaiana aku, ua kau aku maluna ona he mau wahine elua, ua manao ia na ke lii o Butaritari kekahi o laua. Ia laua hoi e holo ana ma ka moku e hiki aku ai ma Butaritari, ua hoohaumia ia ka maluhia o ka wahine a ke 'lii. A no ia kumu, ua kukui aku ka lono i ke alii, ua hoohaumia ia kana wahine, nolaila, inu iho la ia i ka wai ona a hele pu aku la me kana pu. I ka hiki ana o ke alii ma kahi o Rev. Kanoa ma, o kana ninau mua, "Auhea ka malama moku?" I na kakou e heluhelu me ka hoomaopopo i ka moolelo a Rev. J. W. Kanoa i kakau mai ai, e ike no auanei kakou o kana ninau mua no ia. No ka loaa ole paha o ka malama moku, ua ki hewa kela i na kanaka Hawaii.
Maui
Hana a ka Haku- Ua hai ia mai makou e Pehu Kukahi o Lahaina, i ke ano e ae o na hana a ka Haku maluna o kahi poe. Ma ke Sabati mua o Februari nei, ua hai olelo o Abiona Pake, me ka hoike lea ana i ke ano o kona lahui.
Ua hala aku la i ke ala hoi ole mai kekahi o na pua o ka ohana kaukau alii o Hawaii nei oia o Iulia Moemalie. Ua loihi kona loohia ana i ka mai hokukule, a akahi no a make mai nei ma ke kulanakauhale o Lahaina. Ua hoonaauao ia ia kaikaimahine ma Kehehuna, ua kakahele no i keia mea he namu haole.
He Makua Hoomaau.- Ua poloai mai o Mrs. S.W.L. o Hana Maui, i ka hoohiki ana o kona makua, aole e ike laua a hiki i ka lua kupapau. Pau ole no hoi keia hana a kahi poe Hawaii, o ka hana iho la no paha uanei ia a kahi poe, a i ka hulihia o ka honua? Ina pela, alaila aole pono iki. Eia ka pono, in a ua enemi, alaila o ka hoolaulea koke ka pono. "aole o ka hoomau a po ka la," wahi a ka Buke nui.
Make ma Hana- Ma ka wanaao o ka Poalua Ianuari 15, ua hoonele ia mai la o Asa Hopu i ke kokoolua ole, a ua lawe ia aku la kona hoa pili he wahine, oia o Miliama, a ua waiho iho la ia ia e noho iloko o ka mokumokuahua o ke aloha a me ka paumako. He mea mau no nae i ke ao nei ka ike pinepine ana i ka make o ke kino kanaka, aka o ka hoomanao ana i ka pili ana o ka wa e ola ana e mau ana no ia maluna o ka mea e ola ana.
Kanaka mai Wahahee.- Ua hai ia mai makou e O.S.K. Kalamau Opio, o Wailuku Maui, i ka wahahee ana o kekahi kanaka i mai, penei: I ka hiamoe ana o ua kanaka mai nei, hele ka kona uhane a hoaikane me ke keiki a Kanehunamoku. Pela io no ke ano o keia olelo ana, he ku loa i ka wahahee, nolaila, e na makamaka mai hoopunipuni, he mea hilahila, i ka aia ia, aia hoi ke kanaka i olelo ai, ua hoaikane me ke keiki a Kane, i ka moe uhane ana.
Hawaii.
Ua hoi aku no o S.L. Ausetina maluna o ke kuna Alabani i ka la hoomalolo aku nei i hala.
Pilikino.- Ma ke ku ana mai nei o kuna Oddfellow mai Hilo mai, ma ko kakou nei awa, ua ike iho makou i ke kau ana mai o ka Mea Hanohano Rufus A. Laimana, ka Lunakanawai Kaapuni o ka apana o Hilo.
Ua punihei wau.- Ua loaa mai ia makou he palapala mai a Ioane Kahookaumaha mai o Kona Hawaii, e hai mai ana i kona punihei i ka haawi wale i kana mau dala he kanakolu i kekahi keiki i hoonaauao ia, me kona poloai e hoihoi hou mai ana aka aole nae i hoihoi ia mai a hiki i keia wa.
Hana wai ona.- Ua loaa mai he leta ia makou mai ia A. Kealahanui mai o Hilo Hawaii, e hai mai ana i ka hana wai ona o kahi poe mauka o na wahi kahu ki o Hilo. Pono ole io no ka hana la i ka hoolilo i ka mea ai i mea e hehena ai ke kino.
Ahahui euanelio o Kona.- Ma ka la 18, o Ianuari, ua halawai keia Ahahui ma Kona, a ua hoomau ia mai ka halawai ana a hiki i ka la 29 iho nei i hala. No ka loaa ole mai o na hana oia Aha, nolaila, aole e hiki ia makou ke haanui wale aku, aka o ka halawai wale no ka makou i lono mai.
Pule Hoomana ma Waipio.- Ma ka pule hoomana iho nei o na Ekalesia Euanelio, oia hoi ka pule elua iho nei. Ianuari, ua malamaia ka halawai ma Waipio, Hawaii i kela la keia la oia pule, a ua piha mau ka luakini i ka poe hele mai e hoolohe i ka ke Akua olelo. Ua hoomau ia ka halawai malila, mahope iho.
Kohola i kahunapule.- Ma ka halawai ana a na ekalaesia o ka apana o Hamakua Hikina, ma Maunahoano ma ka la 21 o Ianuari i hala, ua kohoia o S. Kamelamela i kahunapule no ka apana o Hamakua Hikina, a e uku ia oia i $200. ke hui pu ia na uku kuwaho.
Kauai.
He piha Kanaka ma Nawiliwili- Ma ka ka W.D. Mauiloa o kela wahi maluna palapala ana mai ia makou, ua ike iho makou i kona haanui ana mai, i ka i ana, 'ua piha a ka uapo o Nawiliwili i na kane a me na wahine i ka hele mai e makaikai i na pepehi kanaka, o Kahooleawawa a me Kaohe'. E ole hoi ka piha he mai ia ua pii ke o-na ia la.
I na Kumu Kula
E o'u poe hoa kumu kula, Aloha oukou. He mau hemahema nui ka'u i ike ai iwaena o na haumana, ma na mea helu.
Ma ka Numera ka hawawa mua. He kakaikahi na haumana Hawaii e hookumu pono ia ma ka Numera, Penei kahi haawina a'u i kauoha aku i kekahi mau haumana i hele mai, e komo i Lahainaluna, "E kakau i elima haneri kumamaha kausani, me kanakolu,"
A kakau kekahi. "5,430" a o kekahi, "50,430" Pono no oukou e hoohui pinepine i ka oukou poe haumana helukakau, a haiwaha aku ia lakou i na haawina lehulehu na lakou e kakau ma na papapohaku, a hoikeike ia oukou. Peia no, a maa lakou i ka Numera. O ke kahua keia o na helukakau apau loa. Pehea anei e hiki ke kukulu iahana, maluna o ke kauoha hawawa?
Mahope aku e wehewehe i kekahi mau hemahema e ae iloko o na kula Hawaii.
Na'u na
C.B. Aneru.
Hunahuna Huikau.
Ua ku ae kekahi mokuahi Amerika ma Kapalakiko, ma ka la 16 o Ianuari i hala, me na mai konela maluna on a. Ua hoomalu ia ua moku la ma kekahi wahi kaawale aku.
Ua loaa mai ia makou kekahi palapala na L.K. o hea la? E hai ana no ka pepehi naaupo o kekahi kane i kona aoao palupalu, a he ano weliweli a maewaewa ke ike aku i ka hana a kela kane. I na io he oiaio keia e hooki ka mea pepehi wahine.
Aole ka e ike ia.- Ua hoolaha iho nei makou ma ka Helu 4 o ko kakou nei Nupepa, "e pouli ana ka mahina ma ka la 13 o Sepatemaba, a e ike ia ana ma Hawaii nei." Ua poloai mai ke Kumu Kula Kaulana o ka Punahou ia makou. e pouli io ana no ka ka mahina ma ia la, aka, aole nae e ike ia ana ia pouli ma Hawaii nei, e ike ia no nae ma na aina e.
Na buke pane- Ma ke ku ana mai nei a ke Kometa i ka Poalima aku nei i hala, ua hooiliia mai he pahu buke pake, oia hoi he mau baibala, kauoha hou a me na buke pili hoomana e ae. Na na pake haipule o Kapalakiko i makana wale mai no na pake e makemake ana e imi i ka pono. Eia ua pahu buke la ke waiho nei ma ko makou keena hana.
E Hui Ana.- Ua ike iho makou ma ka nupepa haole Aupuni, e mare ana ke kaikamahine mua a ke Alii wahine o Tahiti, o Mo@keifayo kona inoa, i kekahi keiki haku mele opiopio o Parisa o M. Leon Rogues ka inoa. E hoololi ia ana ka inoa o ke keiki opiopio, a e kapaia ka inoa o Noukaitasika, a e hoi mai ana e noho ma ka noho moi o ka makuahonowai wahine.
Pule hana keia o ka oihana koa.- I keia mau la mua iho nei, ua paa kekahi mau alii koa i ka hana hookolokolo i na koa kiai no kekahi mau poino i hoopii ia mai. Ua imi ia na kumu me ke akahele loa, aohe nae he maopopo, nolaila, ua hookuu wale ia ka poe i awili wale ia mai. I keia pule no hoi e ao nei ke haole i hookohu ia iho nei i kumu paikau i kekahi mau alii koa.
Ka La Gula Napoo.- Ua ili kekahi moku Beritania ma kekahi o na mokupni lepo manu, nona kela inoa, ma ka la 11 o Dekemaba i hala, aole nae i nui ka pilikia o na ola o kanaka, aka, o ka moku holo okoa, ua poho a pau loa, aohe wahi waiwai lawe. Ua noho ka poe pio ma kekahi mokupuni uuku, kahi a ka haole a me kekahi mau kanaka Hawaii e malama ana i ka mokupuni o ka Hui Lepo Manu o Amerika. Eia kahi mea kupanaha, o ka ai e lawa ai ka poe pio he 38 ka nui a me na kamaaina, aohe lawa kupono. Ua hoomanawanui lakou a pau. A ma ke ku ana aku nei o Kamehameha V ., ua lawe ia mai lakou a pau i Honolulu nei. Eia lakou a pau ke noho noi ma ka Hale Luina. Mawaena o ia poe, he wahine kaulana kekahi i ka hoolealea.
Ka Halawai ana o ka Aha Lunakahiko o na Mokupuni o Maui.
Lahina, Ianuari 16, 1867.
Ua halawai ka Aha ma ka hora 10 A.M., e like me ka hoopanee ana. Kohoia o Rev. T. Kakina i Lunahoomalu. Pule o Mr. Kakina. Eia iho ka Papa inoa o ka Ekalesia, na Kahu, a me na Lunakahiko i hiki mai:
Ekalesia. Kahu. Lunakahiko.
Lahaina, D. Baluina, G.W.P. Kukahi.
Lah. Luna, S.E. Bihopa,
Wailuku, T. Kakina, Keakini.
Kaanapali, J.H. Moku K. Kaukau.
Kaluaaha, A.O. Polepe, Kukahaoa.
Halawa, S.W. Nueku, S. Paulo.
Lanai, N. Pali, Kalaihoa.
Honuaula, Kaawaapahulu.
Kaupo, P.W. Kaawa, Noeau.
Kipahulu. D. Puhi. Kaiwiaea.
Hana, Kimo.
Koolau,
No Wailuku, W.P. Alexander; no Lahainaluna, C. B. Anaru; no Molokai, o L. Kuaihelani-- Eia na keiki o ka Aha ; o W. Kahookaumaha, H, Kauaihilo, J.W. Papalimu, G. Leleo, J. Kikiakoi, J. M. Kealoha, J. Kaipu, J.N. Paikuli.
Hoike mai o W.P.Alexander i ko laua hooko ana me H. Manase, ma ko laua ano Komite i ke noi a na Ekalesia o Kaupo me Kipahulu, e hoolilo ia Kaawa i Kahu no Kaupo, a ia Puhi i Kahu no Kipahulu.
Hoike mai o A.O. Polepe i ko laua hooko ana me S.W. Nueku ma ko laua ano Komite i ka hookumu ana i Ekalesia okoa iwaena o ka poe mai pake ma Kalaupapa, Molokai, i ka la 23 o Dek. 1866-- A na laua i kapa i ka inoa oia Ekalesia o Siloama.
Hapai ka Aha i ka hoolohe ana i na kumumanao, a me na Iwi Hai Ao. Ua hooholo ka Aha, e hoouna i kekahi mau kumumanao i ka Nupepa "Kuokoa ."-- Hoolohe ka Aha i ka haiolelo a Rev. S. E. Bihopa ma ka hora 4 P.M. Aia ke poolelo ma Ioane 17:21.
Kohoia o S. E. Bihopa, me C. B. Anaru, i Komite haawi kumumanao.
Hooholuia . -- Ke paipai ia aku nei na Kahu a me na Lunakahiko o keia Aha, e hooikaika nui lakou i ka imi ana iwaena o na haumana, i mahuahua ia na keiki e komo ana i Lahinaluna ma keia hope aku.
Hoolohe ka Aha i ka noho ana o na kihapai Ekalesia, ma ka hoike ana a na Kahu a me na Lunakahiko. He mau mea no e hauoli i ka manao, a e kaumaha i hoi ka nanu.
Hooholoia —E hookuu ia o J.H. Moku, mai kona noho Kahu Ekalesia ana ma Kaanapali.
Hooholoia -- E lilo o J.H. Moku, i kokoolua Kahunapule no Lahina, mamuli o ka palapala kahea a ia Ekalesia.
Hooholoia -- E hoopanee i ka halawai a halawai hou ma Lahainaluna ma ka la 7 o Mei e hiki mai ana.
Papa helu
o ka Nupepa Kaokoa, no ka M.H. 1867.
HILO.
Rev. T. Koana 95
Rev. D. B. Laimana, 10
Kaiwiki- J.W. Alapai 12
Pahoehoe- Hanai 10
Onomea- S.L. Ausetina 27
“ Rev. Pahio Haui 10
Kaupakuka- Kinipeki (Gilbert Walker) 11
Hakalau- Rev. T. Pohano 12
_____
187
PUNA.
Keaau- Paiau 6
Makuu- J.K. Pae 6
Pohoiki- Liana 6
Opihikao- Maluo 4
Koae- Kahulana 8
Kaimu- Lainaholo 13
Panau- L. Kaina Esq. 5
Kealakomo- Timokeo 8
_____
56
KAU
Kapaliuka- Rev. J. Kauhane 17
Waiohinu- W.T. Martin 44
61
N. & S. KONA.
Kapalilua- Rev.S.W. Papaula 11
Kealia- Haleole 19
Kaawaloa- Rev. J.D. Parisa 11
" Lumaawe 28
" Maluaikoo 9
Napoopoo- J. Kahookaumaha 11
Keauhou- Rev. J.W. Kupakee 20
Kailua- Rev. G.W. Pilipo 10
Kalaoa- N. Simeona 21
_____
140
KOHALA.
Kawaihae- Rev. A. Pali 23
" uka J.W. Keoni 27
Waimea- Rev. L. Laiana 21
Iole- Rev. E. Bona 175
------- Rev. S. C. Luhiau 31
277
HAMAKUA.
Waipio- Rev. S. Kukahekahe 6
Kawela- P. Kanekuahiwi 35
Maunahoano S. Kamelamela 20
61
_____
Huina pau o Hawaii 782
MAUI.
Lahaina- Rev. D. Balauwina 62
" C.W. Pehu 49
Lahainaluna Rev. S.E. Bihopa 30
Kaanapali- J.D. Kanehoa 20
Waiehu- Kolopapela 10
Waihee- Pohinauakea 21
Wailuku W.P. Kahale 32
Waikapu- Pulehu 15
Makawao- Rev. J.P. Gerina 5
Haiku- P. Nui Esq. 75
Keanae- Rev. S. Kamakahiki 20
Hana- Asa Hopu 51
Kipahulu- Rev. D. Puhi 15
Kaupo- Rev. P.W. Kaawa 4
Honuaula- Rev. H. Manase 18
Kalepolepo- D.H.L. Hakuole 25
_____
Huina pau o Maui 452
MOLOKAI & LANAI.
Kaluaaha- Rev. A.O. Forebe 48
Wailua- S. Paulo 8
Halawa- Rev. S. W. Nueku 30
Kalaupapa- Kahananui 20
Lanai- M.W. Kealakaa 9
_____
Huina pau o Lanai & Molokai 115
HONOLULU.
Kupihea 53
Mea pakahi 20
Hu 59
Beni 28
Papa Ola 6
Elia Lino 10
Kunawai- Keomoku 19
Kalihi- Kioi 30
" Oleloino 36
Nuuanu- Manu 11
Pauoa- Moku 39
Waikiki-kai- Kamoana 45
" uka- J.W. Mikasobe 21
Manoa- Kapakaula 28
Wailupe- S.N. Kaholokahiki 13
_____
417
KEKAHA & KOOLAU, OAHU.
Ewa- Rev. J. Bikanele 50
Puuloa- Kaauamo 10
Waianae- Rev. A Kaoliko 42
Mokuleia- S.N. Emesona 20
Waialua- Rev. J.S. Emesona 25
" Rev. M. Kuaea 8
“ Rev. O.H. Kulika 20
Hauula- Kinimakalehua 15
Punaluu- Kaaimanu 20
Kahana- E. Kekoa 24
Waikane- Rev. Z. Poli 48
Kaneohe- Rev. B. W. Paleka 68
Kailua- Aimanumanu 17
Waimanalo- Rev. S. Waiwaiole 20
_____
Huina pau o Oahu 805
KAUAI & NIIHAU
Waioli- Rev. E. Ioane 41
Koolau- Rev. E. Helekunihi 25
Lihue- Paulo (P. Isenberg) 36
Koloa- Rev. J. W. Kamika 50
Waimea- J. Kauai 12
Niihau- Rev. D. S. Kupahu 4
_____
Huina pau o Kauai 168
NA AINA E.
Amerika Huipuia 25
Maikonisia 10
Fatuhiva 6
Aina Lepo manu 17
58
_____
Huina pau loa 2,381
Ma ke ku ana mai o ke kialua Kamehameha V ., ua ike iho makou i ka hoi ana mai o kekahi poe kanaka kumakahiki o na Aina lepo manu, a ke hookikaha nei lakou.
HANAU.
Ian.7 ma Kapalik@a, Kona Hema, Hawaii, hanau o Lidia Kanekake w, na Rev. S.W. Papaula me Mrs. Papaula.
MAKE.
Dek 12. ma Kapaliloa make o D. Luther.
Ian 26, ma @makaha Honolulu make o V. Kahale@.
Ian 25, ma A@ Honolulu make o Kah@@@@@ w.
Feb 6. ma Kaumakapili Honolulu, make o Nakiai w.
[sideways at right edge of paper]
Papa Helu o ka Apana o Kona, (Honolulu.) Mokupuni o Oahu, i helu ia i ka po o ka la 7 o Dekemaba, 1866.
Na Apana E Pili Ana [sideways ad]
HALE KUAI HOU! [printed sideways]
Ua wehe ae nei na mea nona @ HAKE KUAI HOU ma Mauikahune, mawena o ka Hale Kuai @ a me ku lia @ Ka@ K@ ma ke Alanui Papu. Eia hoi maloko o keia Hale na @ he nui wale, e lawa ai ka makemake o na kane a me na wahine, oiai he mau lole kane a he mau lole wahine maloko o keia hale. A e kuai aku ana no maua ma na @ a pau i na mea i makemakeia.
281.11 GRENWALD & SCHUTTE
He Ahaaina nui ma Kahana. [printed sideways]
I na keiki o na pali Hauliuli@. A i ka poe no a pau. Ke kauleo aku nei ka mea nona ka inoa malalo nei, a hele mai oukou a pau i kuu Ahaaina ma ka la 15 o Feberuari nei e hiki mai ana, ma
KAHANA I KOOLAULOA
Ua lako au i na mea ai Hawaii o kela ano keia ano. E hoomanao nae hoi ka poe e hele mai ana i ka paa pu mai me kau wahi @nu no ka ai aina. AMI (Alinee pake)
Kahana, Koolauloa, Feb. 6, 1867. 271-1t
WAHINE KUE KANE. [printed sideways]
O moeipo ka`u wahine mare, ua kue kumu ole mai oia ia'u i kana kane mare, me ka loaa kupono ole o ko'u hewa ia ia, nolaila, ke hai aku nei au ma ke akua, no kana mau olelo i hoopukaia ma ke KUOKOA, e hai ana oia. "E komo iloko o ko oukou mau Halekuai. Eia hoi, ua kipuku maoli mai no kuu wahine ia'u , me kona hae mai, "Aole au e noho i ka hale," pela mai ma kona waha. Nolaila ke hoolaha aku nei wau ma ke akea, mai hoaie oukou ia ia, a hookomo i kona poo, o poho oukou. Aole au e hookaa, ina oukou e hooaie ia ia, maluna no ona kela aie. G. KALAMA.
Feberuari 8, 1867. 271.1t*
Na mea pili Aupuni.
Feb. 19-hora 10. A. M. e hooponopono ia ka moowaiwai a Kaneumi k, ma ka waiwai o Kamano k. i make, o Koolauloa, Oahu, i mua o Hon. G. M. Robikana ma Honolulu.
Feb. 16- A.M. e hana ia i mua o Hon. G.M. Robikana ma Honolulu nei, ka waiwai o Mele Haanui w. i make, mauli o ke oia ana mai a J.W. Kalaaulima i lunahooponopono.
Feb. 19- hora 10, A.M. e hoolohe ia ka palapala noi a Mareka w. a me D. Naoho k. e hookohu ia laua i lunahooponopono no ka waiwai o Latalo k. i make i mua o Hono. G.M. Robikana ma Honolulu.
Feb, 16- hora 10. A.M. e hoolohe ia i mua o Hon. G. Robikana ma Honolulu ka palapala hooilina a Kalawemaunu k. i make mamuli o ke noi ana mai a Kuahine k.
Feb 16- hora 10, A.M. e hooponopono ia ka moowaiwai a Kawaha a me Kiha na lunahooponopono o ka waiwai o Kaia k. i make, i mua o Hon. G. M. Robikana ma Honolulu nei.
Feb 12- 9. A.M. e hooponopono ia ka waiwai o Hakau w. i make i mua o Hon. Robata G. Davis ma Honolulu nei, mamuli o ke noi ana mai a Ieke k. e hookohu ia ia i lunahooponopono.
Feb. 22- e hoolohe ia ka hoopii a Halekika w. ma ka waiwai o Paeimuai i make, i mua o ka Hon. Robata G. Davis ma Honolulu nei.
Maraki 1- hora 10 A.M. e hoolohe ia ke noi a Hae w. i mua o ka Hon. Robata G. Davis ma Honolulu nei, no ka hooiaio i na palapala kauoha a Lae k. i make aku nei in a Waianae Oahu.
Maraki 1- hora 10 A.M. e hoolohe ia e ka Hon. Robata G. Davis ma Honolulu nei, ke noi a Mahoe k. no ka hooiaio i na palapala kauoha a Kapulu w. i make.
Maraki 5- hora 10 A.M. e hoolohe no ka Hon. D. K. Naiapaakai ma Kapaau, Kohala, i ke noi a J. H. Keanu k. a me Hanapule k. no ka hookohu ia laua i lunahooponopono no ka waiwai o Kukano k. i make ma Kahei, Kohala, Hawaii.
Aperila 16- hora 10 A.M. e hana ia ana i mua o Hon. D.K. Naiapaakai ma Waimea, Hawaii, ke noi a Mere w. no ka hooponopono ana i ka waiwai o Koahou k. i make ma Waimea, Hawaii, a me ka hookohu aku ia ia i lunahooponopono waiwai.
Mei 6- hora 10. A.M. e hana ia i mua o ka Hon. Robata G. Davis ma Honolulu nei, ke noi a Kaleilaumano w. kue i kana kane mare o 1@ e e hooki i ko laua mare ana.
KAUKA LAPAAU
-O-
Dr. Kennedy (Kenede) kona inoa.
Aia no kona hale kauka ma
ke Alanui Papa, makai iho o ke Alapai Hotele.
245 1y
HALE PAI KII !
Aia ko`u hale pai kii ma
MONIKAHAAE,
Mawaena o ka HALEKUAI BIPI a me ka HALEKUAI MEA AI o S. SAVIDGE ma ke Alanui Papu. He emi loa ke kumukuai o na KII. II. L. KEIKI (CHASE)
267-1y Mea Pai Kii.
Kelema ma (Delemar & Co !)
NA HAOLE PENA HALE, KAKAU
Inoa a me na hua hoonani e ae. Ke Kea kau leo aku nei nona i ka lehulehu me ka hoike ana, ua lilo ka HALE Pena o KILILANA ia maua. A o na kauoha a pau e hoo@ mai ina ia maua, e hooko koke ia no me ka hikiwawe.
271-1@
UA MAKEMAKEIA
E ka mea nona ka inoa malalo nei i
20 KANAKA.
E ninau ma ka Hale Hookolokolo ia
W.P. RAGSDALE.
Honolulu, Ian 28, 1867 259-1m
Olelo Hoolaha.
E ike auanei na kanaka a pau, ua hooholo aku au ia LONO (w) i mea @ e malama i kuu Aina ma Waiahole, Koolaupoko, Oahu - Oia ke kueana o Naa@ mamua. Ina e komohewa a hana ino malaila kekahi holoholhua, na Lono e hoopai e like me ke Kanawai. A.F. JUDD (ALPAKI-@)
271-3t
I ka poe mea Kuleana Aina.
O ka mea nona ka inoa malalo iho, Ke hai nei oia, ua makaukau loa oia i ka hooponopono ana i na palena o na aina o kela mea keia mea imua o ka Mea Hanohano G. M. Robertson, ke K@ @ na Palena Aina, i ka poe a pau e makemake ana e hooponoponoia na palea o ko lakou mau Aina. A ua makaukau oia no na mea a pau loa. W.C. JONES (@)
Honolulu, Jan. 31 1867. 270 @t
OLELO HOOLAHA.
E ike auanei na kanaka a pau, o maua na mea nona na inoa malalo nei, ua kohoia mai maua ma ka la 3 o Ianuari 1867, e ka Mea Hanohano G. M. Robertson, i mau Luna Hoponopono waiwai no ka waiwai a pau o Paaluhi, no Wahiawa, Waialua, o Oahu. A ke kauoha aku nei maua i ka poe i aie mai ia ia, a me ka poe ana i aie aku ai, e hoike mai ia maua, a i kekahi o maua ma ka la 20 o Feberuari 1867, a ina aole oukou e hoike mai ma ia ia, o ka pau no ia.
IESA (k.) A ME LIHILIHI (w.)
Na Luna Hooponopono Waiwai o Paaluhi k.
Leleo, Honolulu, Ian. 31, 1867. 270-3t*
E HAALELE ANA KA
Moku Ahí
"KILAUEA"
Ia Honolulu i kela Poakahi keia Poakahi.
Ma ka Hora 4 1/2 Ponoi, (a hiki i I ka wa e hai hou ia ku ai.) Ae holo ana i
KONA, HAWAII,
A me na Awa ku moku malalo iho nei
LAHINA.
KALEPOLEPO,
KAWAIHAE,
KAILUA,
KEALAKEKUA.
Ma ka hoi ana mai, e haalele ana ia
KEALAKEKUA & KAILUA, ma ka Poakolu.
KAWAIHAE, " " po Poaha.
KALEPOLEPO, Ma kakahiaka Poalima.
LAHAINA, " ka po Poalima.
H.HACKFELD & Co.,
270-tf NA EGINI
I KA LEHULEHU!
Ua loaa mai i ka mea nona ka inoa malalo nei na lole ano hou o na aina e mai, ma na moku i ku hope mai nei, a e kuai make p@@@ loa ia aku ana i ka poe e kipa mai ana a hoinainau me a`u ma ko'u HALE KUAI ma na huina o AlanuI Maunakea me Alanui Beritania. Ma ke ano o na mea hou i kupono no ua mea a pau:
Na KAMAA BUTI a me na KAMAA MAOLI maikai no na wahine a me na kamalii.
Na kalakoa mai Amerika a mai Farani mai,
Na keokeo Laulai-a,
Na keokeo laula nunui, 54,63,72,80 a 90 in,
Na hainaka lilina ume naau,
Na paku makika nahenahe,
Na peahi nani o na wahine,
Na upa kila maikai,
Na kaei ili o na Lede, na kakamahine a me na kamalii.
Na kamaa ili laholio no na kane i kele wale a kii i ka wai ka hila.
Na kamaa Buti a me na kamaa maoli i humuhumu ia no kane.
Na kamaa buti a me na kamaa maoli i kakia kuiia.
Na kasimea eleele o kane,
Na kasimea ahiahia maikai no na kane,
Na peahi ano nu hou no na kane,
Na puliki silika nani,
Na Puliki keokeo,
Na kuka eleele holopu,
Na palule makai a
DAVISA a me JONE.
Na KA--LA PALULE LILINA,
Na PALEMAI PALULE,
Na PALEMAI PALULE MALINO,
Na PALULE UWEWAHINE A Kalakoa,
Na LEI,
Na HAINAKA LILINA kupno no kane,
Na KAWELE AUAUA,
Na MAMALU KILIKA,
Na KAMAA LOLE kamalii,
AILA mahu,
PALULE alu makalii,
NA PAA LOLE Kasimea mai luna a lalo.
O na pulule keokeo emi mai no ke kuike ke dala.
MIKINANE (M. McINERNY).
Honolulu, Ian 31, 1867. 270-5t