Ka Nupepa Kuokoa, Volume V, Number 52, 29 December 1866 — Page 1

Ka Nupepa Kuokoa

KE KILOHANA POOKELA NO KA LAHUI HAWAII.

 

KE K@OHANA  POOKELA  NO  KA  LAHUI  HAWAII.

 

@UKE V.  HELU 52.   HONOLULU. DEKEMABA 29, 1866   NA HELU A PAU 265.

 

@A NUPEPA KUOKOA,"

@ KA MAU IA MA HONOLULU

@kela Poano keia Poaono.

$2.00

@a mahina he Umikumamalua!

@.00 no na mahina eono.

@E KA HOOKAA MUA MAI.

@ 10 @ $1.50; @ ia Kauka Kulika.

@ kania @ E pono @ auhau @

 

 

 

 

@Kuokoa--ma, ke kuhi hema o ka @ hora hana, @ ahiahi.

                                      L. H. KULIKA, (Luna Hoopuka.)

 

@ A "NUPEPA KUOKOA."

I@ published in Honolulu

@ERY SATURDAY,

@ per annum, or $1.00 per six

months, in advance.

@ ding 10 lines, inserted once for $1.00; @ and $2.00 for one month ; all advertise@ in advance.

@ 1.00 per page, or 4 cts. a line.

@ Subscriptions or Kanikau@ my of the Agents of the Kuokoa, or may @ a letter to the Publisher.

@PAID.  No names, either o @ will be inserted on the subscription @.  This rule must be strictly adhered to, @ow subscription price

@KUOKOA is in the South corner of the Sailors' @ from 9 A. M. to 4 P  M.

                                     L. H. GULICK.

                                             Publisher.

@ I. @ II @ III of the KUOKOA, bound, for sale,

@ complete sets of the above, can have @ $2.00 each.

 

@E MOKU HOLO MAU

@ Lahaina, a me Makena.

O KE KUA KALEPA PAA

 "Kate Lee,"

              O  Fountain ke Kapena,

@LO MAU LOA ANA, A HIKI MAI

@ ia malu@a.  No na ukana a me @ Kapena ma ka moku, a i olo ia ia

                                       C. BREWER &co.  (BURUA MA)

 

No Hilo.

KA MOKU KUNA

"MELE HILO,"

@O Sebastian ke Kapena.

@O MAU ANA KEIA MOKU I KE @ akana a me na ohua @ @nan ia

                                       HULIPAH@, ( L. L. TORBERT.)

 

@Kua, Kaupo, a me Miliko.

KA MOKU KUNA

@MANUOKAWAI,'

@Merehant ke Kapena.

@O MAU ANA KEIA MOKU I NA @ona.  No na ukana a me@ na ohua, e ni@

                                       C. BREWER &co. (BURUA MA)

 

@elo  Hoolaha

--A KA--

@  HOOHOLO  MOKUAHI

--A--

@U  MAOLI  KULOKO

--O KO--

@aii Pae Aina.

@OKU KUNA MAIKAI

Alabani,

@ Ka waihae, a me Kona, ma ka @ paha, la 10 o kena malama.

@KE KUNA KALEPA

@O Neti Mela

@ Lahaaina, a me M@ainen.

@ ia Kapena Mokiua, a i ole ia, ia @,

                                                   A. H. M. K. H

 

@ i Pai ia e ka Papa Hawaii.

@ Lahaina, a me Maalaea.

@ Kapena Mokiwa, a i ole ia, ia @,

                                                   A. H. M. K. H          

 

@ i Pai ia e ka Papa Hawaii.

@ bake kuai, a me ke kumukuai.

@ no na Awai o na Halepule,    $4 00

@a, ano nui, me na kii, @       @ 2 50

@ me na Moohana,       @       @ 5 00

@ uuku iho, me na Moo@           1 00

@, ili ulaula,                   @

@a, me na Moohan@wale no         62-1/2

  "       -      -     -      -      -                50

@ ike, i paiia i ka M. H. 1838,       25

@ ue ka pepa lahilahi o waho,       12-1/2

@ hapa haole (Uaw. Eng.)             25

@      -     -     -     -     -     -             25

@o Ana,       -       -       -                25

@ala  -     -     -     -     -     -            25

@      -     -     -     -     -     -             25

@    - Ano,     -     -     -     -             25

@      -     -     -     -     -     -             25

@      1     -      -     -     -     -            12 1/2

@      -     -     -     -     -     -             5

@molele  -     -     -     -     -             2

@a Leo Mele, 1834,     -                 2

@      -     -     -     -     -     -           12

@na Kula Sabati                            12 1/2

@                                                   12 1/2

@alii, Buke 1, a me 2,  -     -     ,   12 1/2

@alii, Buke elua i huiia,     -          25

@a buke i hauioi wale ia.

@

@

@ Helu      -      -     -     -     -     -     4

@    "         -      -     -     -     -     -     6

@    "         -      -     -     -     -     -     7

@    "         -      -     -     -     -     -    11

@    "         -      -     -     -     -     -    16

@Mal@ Kumumanao.

@ Bati@aea Puaaiki.

                                   L. H. Kulika.

@ka Papa Hookoo o ka Ahahui Euane@ ko Hawaii Pae Aina.

 

Ka  Nupepa  Kuokoa.

 

Mele Kahiko.

Aa kului kului au i ka po newalani.

Lea ka hiamoe hikilele a'e i ke awakea,

Hano auau i ka wai mu o Lele,

Kau ana ka opua e o'u hoa--

O Kaulua no ka malama.

Haa ka lau o na maia i ka la.

Maia hili la o Waianae,

Hil@ pakua pa ka makani,

Pa ka ua lililehua,

Makani nahua o Wenapali,

Kukii e hii ka Opua i ka lai,

Aloha na hoa lau makani,

Pae honi ala Olalohana,

E hele ana oe e ike i ka la koana i Lehua,

Momoe aku paha auanei olua,

Me ka ipo hala i ke kai,

Ka hoa alo i ka pali o ke i u--la,

O ke a'la o ke ahi maile na hoaka lani e aka

Kaua i e honopu,                     [i ke kai,]

I akele a kele e hina i Maunahina,

Hina ku la i ka lepo ke ua la ka ua Kioao,

Wa i ka nahele o Kaau-u o na ia pee lau

Hilahila moe wai o Luhi,                 [palai,]

Ka wai pa-u lau koa,

Hauna lau koa  o Makaweli,

Aala lau koa  o Makaweli,--

                                (Aohe i pau.)

 

Ka Moolelo o Kamehameha I.

NA S. M. KAMAKAU.

HELU 8.

 

  O KAULU, OIA O ULU--He umikumamalima hanauna mai a Welaahilaninui mai.  Ua olelo ia ua pau loa o loko o Kahiki ia ia, ua ike oia i na aupuni a pau o ka honua, a ua ike oia i ka mimilo o Moanawaikaioo, nana no i lawe mai ka lepo ai o Kawainui, aia ma kana mele i kau ai; e ike ai kakou i kona wahi i hele ai, e hoopuni i ka honua.  Penei..

            " O Kaulu nei wau,

            O Ke kama a Kalana,

            O ka hiamoe kapu,

            Ka auwaalalua,

            Ke keele maaalaia,

            O kuulei o pawa--

            Ka mea nana i hoolei.

            Kaulu mauka e Kaulu makai,

            E Kaulu-e Kiwaa ia,

            E Kaulu--e-Auwaa ia:--

            O lele aku keia o Wawau,

            O Upalu-o Pukalia iki,

            O Pukalia nui, o Alala,

            O Pelua, o Palana o Holani,

            O ke Kuina, o Ulunui, o Uliuli,

            O Melemele, o Hiikua, o Hiialo,

            O Hakalauai-apo ka lani,

            Apo ka po, apo ke ao,

            Apo kukulu o Kahiki,

            Pau Kahiki ia Kaulu:--

            Pau Kahiki ia Kaulu'

            I koa o Halulukoakoa,

            Mai ke au paha ia Ku,

            Mai ke au paha ia Lono,

            I wahia ai ka pumaleolani,

            O ka pupu o ka naia,

            O ka lei kua o ka lei alo,

            O ka lele o ka lele a Kela,

            Hakuhakualani kuu makuakane,

            O ka lele o ka lele a keia,

            Hakuhakualani kuu makuahine,

            Lele ka o ili o ka lani lele i ka lani,

            Lele ka ua-loku, loku lele i ka lani,

            Lele ka ua-@ea, lele i ka lani,

            Lele ka ua huna, lele i ka lani,

            Lele ka pinaohaololani lele i ka lani,

            O lele aku keia o Moanawaikaioo--

            O keaumiki, o ke auka, e mimilo ai,

            E make ai ia oe--

            E lele paha-e-ku paha."

  I ko kakou nana ana i keia mele a Kaulu, ua loaa kekahi mau nina o ka moana, ua loaa kekahi mau aina o Asia a me Europa, ma Kailua Koolaupoko ko Kaulu aina hanau, ma kona moolelo, a me kona kaao, ua oiaio kekahi, a ua wahahee kekahi.  Aka, ua kaulaua ko Kaulu kaao i hele ai i Kahiki.

  O HEMA.  O Hema kekahi kanaka i holo i Kahiki.  He umi kumamaono hanauna mai a Kaulu mai.  O Kauwiki i Hana  Maui  kona aina hanau.  Penei kahi kahoahoa e akaka ai, ua holo oia i Kahiki.

            "Holo Hema i Kahiki, kii i ke apoula,

            Loaa Hema lilo i ka aaia,

            Haule i Kahiki i Kapakapakaua,

            Waiho ai i Ulupaupau."

  Ma ka moolelo o Hema, ua kaulana kona holo ana i palala no kana keiki no Kahai i Kahiki, no ka mea, o kona makuahine o Hinaaikamalama, ua olelo ia no Kahiki mai, a ma Kahiki no i loaa aku ai ke kupuna wahine, a me na makua o Hinaaikamalama.

  O KAH@I A HEMA.  O Kahai kekahi i olelo pinepine ia, i ka holo i Kahiki, aole o Kahai i ike i kona makuakane, no ka mea, iloko no o ka opu o kona makuahine, holo o Hema i Kahiki.  Ma Iao i Wailuku kahi i hanau ai o Kahai, i kona nui ana, ninau aku la o Kahai i kona makuawahine ia Ulamahehoa.  "Auhea ko'u makuakane," olelo mai la o Ulamahehoa.  "Ua holo ko makuakane i K@hiki. i palala nou, aka, ua lilo na maka i ka Aaianukea a Kane, aole e hoi mai"

  Olelo aku la o Kahai i ka makuahine. E imi ana au i kuu makuakane.

  Eia ka wanana o kona holo ana i Kahiki.

            "O ke anuenue ka ala o Kahai,

            Pii Kahai koi Kahai,

            A-e Kahai i ke kuiula a Kane,

            Hihia i na maka o Alihi,

            A-e Kahai i ke anaha,

            He anaha he kanaka ka waa,

            I luna o Hanaiakamalama,

            O ke ala ia i imi ai i ka makua o Kahai,

            O hele a i ka moana wehiwehi,

            O halulu i Halekumukalani,

            Ui mai kini o ke akua,

            Ninau o Kane o Kanaloa,

            Heaha kau huakai nui,

            E Kahai i hiki mai ai?

            I imi mai au i ka Hema:

            Aia i Kahiki, aia i Ulupaupau,

            Aia i ka Aaia, haha mauia a Kane,

            Loaa aku i kukulu o Kahiki."

            PAUMAKUA  A  LONOHOONEWA.  Ua ole ia o Paumakua, oia ke alii i kaapuni @ Kahiki, oia he umi hanauna ia ke na@ma ka mookuauhau o Hema mai a Ka@i a hiki ia Paumakua.

  N@ Kuaoohe no Kaneohe Koolaupoko kon@wahi i hanau ai, ua olelo ia, ua kaapun@ia ia Kahiki.  Ua lawe mai oia elua aole, he mau kanaka keokeo la@a.  O A@kahiniu Auakamea, elua ma@ kahuna @eokeo, ua kapai o Kaekae, a me Maliu hookahi kaula, o Malea, nana mai k@makani, o "Ka haole nui maka alohil@, ke a aholehole maka aa, ka puaa keo@o nui maka ulaula."

  Pen@ Kalanikuahulu no Paumakua.

            " Paumakua ka lani o Moenaimua,

            Oe alii nana i hele ke Kahiki,

            A ahiki i ke kaiakea,

            O @mo o momi o ka mamio,

            O @ ia mailoko o Aukahinu,

            O @akamea ia lani."

  Eia ka@ Kapaahulani i ke au ia Kualii ke alii o Oahu no Paumakua, i ka A. D. 1565. i kawa e noho alii ana o Kualii, no ke aup@ni.

            " A K@hiki ia Paumakuakalani,

            A Kal@ki i keakeau o ka lani,

            I akea@a lani a malu,

            Malum@lu Kahiki,

            I ke a@ua o Maheleana-e-

            Amaa@a Kauai,

            Ua hik@ma Puna mawaho,

            Ma Ka@i Hilo, ua ikea ka leke,

            O ko ai@a e ka lani,

            E kekal@ alii hua i ka lani,

            A keaka@lii lani o Waipa,"    

  Ma la mokunuhau o Nanaulu, aia malaila kekal@ poe mai Kahiki mai, aole nae he hao@ ka i olelo ia ia lakou, ua manao ia no @kou no Kahiki, Bolapola lakou.  Ma kamookuauhau o Punaimua, ua olelo ia aia ekahi poe mai Kahiki mai malaila, aole n@ hoi i olelo ia he haole, aka, no Kahiki Bolapola no lakou. Mahope mai o Paumakua, a mamua paha o Keliiokaloa, waena paha oia manawa, mawaena o ka A. D. 1200 a me ka A. D. 1600.  O waeia o keia mau makahiki ka nui loa o keia poe i olelo ia.

  O PAAO, O MAKUAKAUMMANA O PILIKAAIEA.  O Paao he kahuna ia, o Makuakaumana, he kaula ia, o Pili oia hoi o Pilikaaiea, he @lii, oia no o Pili mahope iho o Laau alii, ma ka mookuauhau o ka mana o Hema.

  Ma ka moolelo o Paao ma, ua olelo ia o ko lakou mau aina no Wawau a no Upolu a me na aina ma ka Hema aku, oia paha na aina i kapaia e na haole o Nu Zilani.  O ka pali ma kahakai o ua aina la, o Kaakoheo ka inoa. o ke kuahiwi o Malaia, nolaila mai ka mauu a Paao i lawe mai ai, na mauu o Malaia, ua kapaia ke kaikuahine o Paao o Namauuomalaia.

  HE WAHI MOOLELO NO PAAO.  O ke kumu o ko Paao haalele ana i kona aina hanau, ua hakaka laua me kona kaikuaana o Lonopele, o Lonopele oia ke kahuna, a he kanaka mana, he akamai, a he ike i kela mea keia mea, ma kona ano kahuna, he mau kanaka mahiai laua. O Lonopele, ua mahiai oia i kona aina a maikai ; a ua kanu oia i na laau hua ai he nui loa iloko o kona kihapai.  I kekahi manawa, ua@pau i ka aihue ia ka hua o na laau kanu a Lonopele ma kona kihapai, a manao iho la oia, ua hele ke keiki a Paao e kalohe i ko hua o kana laau, nolaila, hele mai la oia ia Paao, a olelo mai la, no ka pau o ka hua o kana laau i ka Paao keiki.  Olelo aku hoi o Paao, "Ua ike pono no nae paha oe, ua pau io ka hua o ko laau i kuu keiki?"  Pane mai la hoi o Lonopele.  "Ua ike au i ka hele ana o ko keiki ilaila, aole nae au i ike i ka lawe ana, aka, ua manao no nae au nana no i kolohe."  Oielo hou aku o Paao, "Ina pela, e kaha ana wau i ka opu o kuu keiki, a i loaa ole kau hua, alaila pehea:"  Olelo mai no hoi o Lonopele, "Aole ia'u ia, aia wale no ia i kou manao.  I ka wa hea no la hoi kou ike ana e kaha ia ana ka opu o ke kanaka, a ia oe wale anei no ke kahaia." Pane aku no o Paao, "Aole, e kaha ana au i ka opu o kuu keiki, a i loaa ka hua, pono oe, aka. i loaa ole, alaia, ua hewa oe."

  A no ka paa loa hoi o ko Paao manao e kaha i ka opu o kana keiki, nolaila, kakaha iho la oia i ka ou o kana keiki, aole nae i loaa kekahi hua iloko, nolaila, kena aku la oia ia Lonopele e nana mai, aka, i mai la nae o Lonopele, "O oe o paha ke nana i ka opu o kau keiki."  A o ua Paao nei hoi, minamina loa iho la oia i kana keiki, a olelo iho la hoi oia, "E uni ana hoi au i mea e make ai kau keiki, (ka Lonopele) a e ku hoi kau kumakaia, a e haalele au i keia aina, nolaila, kapili iho la  o Paao i mau waa o holo ai, a paa na waa, he mau waa maikai loa, nolaila, hookapu iho la oia, aohe kanaka hele, aia a pau ka lolo ana o na waa.

  Ua loihi no kakali ana no ke kapu. A iloko nae o ia manawa, hele mai la ke keiki a Lonopele, a paipai ana ma ka aoao o na waa.  A lohe o Paao i ke kamumu o na waa, ninau ae la oia i kanaka, "Heaha la hoi keia mea kamumu i na waa?"  Olelo mai la hoi kanaka, "O ke keiki a Lonopele, aia la ke paipai mai la i na waa."  Kena ae la o Lonopele e kii e pepehi.  Kii ia aku Ia o Lonopele e kii e pepehi.  Kii ia aku Ia ua keiki nei a Lonopele, a pepehiia iho Ia a make, a lolo iho Ia o Paao i na waa a noa ae Ia, alaila, lawe ia aku Ia ua keiki nei a waiho ia iho la ma ka lona hope o na waa.

  Iloko o na la elua a ekolu paha, hiki ana o Lonopele i kahi e kau ana o na waa o Paao, i huli mai no i ke keiki no ka haohao i ka nalo loa.  Nana iho la no hoi o Lonopele i na waa, a mahalo iho la no ka maikai  Kilohi no hoi oia mai mua a hala i hope o na waa, aka, ike aku la oia i ka mumulu a ka  nalopaka malalo o ka lona hope o na waa, a kii aku la oia e nana pono, a ike iho la o kana keiki ponoi no, ua pepehiia a make.  A no keia mea, aole i kanamai kona minamina i ke keiki, a uwe kanikau iho la oia me ka paiauma ana, me kona hulu no hoi ia Paao, me kona olelo aku no hoi, "Kupanaha no hoi oe e Paao, nau no ka i pepehi kau keiki, eia ka kau imihala i ka'u keiki, e kii mai ai oe e pepehi, nolaila, e ku oe a e hele pela, no ka mea, he kanaka ino oe."  Hoihoi aku la o Lonopele i ke keiki, me kanikau ana i ke aloha. Ua kapaia hoi ka inoa o na waa o Paao, o Kanaloaamuia.

  A na keia hookuke ana a Lonopele i@ Paao, nolaila, hoomakaukau iho la no hoi o Paao i na lako a pau no ka holo ana ma ka moana.

  O ka nui o ka poe i holo maluna o ua mau waa la, he kanakolukumamawalu; elua kanaka aipuupuu, o ke alii, oia hoi o Pili a Kaaiea, a me Hinaaukekele kana wahine, oia hoi o Hinaauaku, a me Namauuomalaia, oia hoi ke kaikuahine o Paao.  O Paao ke kahuna, ua po@iaa oia no kona-holo an@eokimi , @oa.

  I a wa i makauRuui@i ka holo o Paao, a kau @in@ iluna@" na waa, alaila, @ hele @ ai la na kaula a ku mai la iluna o ka pali o Kaakoheo, a kahea mai la ia  Paao, "P Paao e, owau @ou @hoi kekahi e holo pu me oe."  Ninau mai la no hoi o Paao, "Heaha@oe@:"  "He kaula." Owai kou inoa ?  O Lelekoae wahi a ua kaula nei.  Kahea aku la no hoi o Paao e lele mai.  Lele mai la no hoi ua kaula nei, a haule iho la ilalo o ka paala, a make loa iho la.  He nui loa ka poe kaula i hoao ia e Paao, i ike ia ko lakou mana ma ke ano kaula, aka, ua pau loa nae lakou i ka make.

  Holo aku la hoi o Paao ma a aneane e nalowale na waa, o ka pea wale no kai puaki ae, ku ana keia kaula i ka pali o Kaakoheo, a kahea aku la ia Paao ma me ka i aku, "E Paao--e, owalu ho@ kekahi."  Elua a ekolu paha kahea ana. lohe koliuliu ana o Paao ma i keia leo e kahea ana, i nana mai auanei ka hana. e ku aku ana keia kanaka i ka pali o Kaakoheo.  Ninau mai la @o hoi o Paao, "Heahe oe?"  Hai aku la no hoi keia, "He kaula." Ninau hou o Paao, "Owai kou ino?" O Makuakau@paa@ wahi a ke kaula.  Pane hou aku o Paao, "Ua piha ka waa, eia no nae kahi i koe ia o ka momoa"  No'u ia wahi.  Kahea 'ku la no hoi o Paao e lele aku.  Lele mai ana no hoi ua o Makuakaumana. ua like pu me he manu la ka lele ana mai a kau 'ana iluna o ka momoa, a paa ana na lima i ka manu o na waa.  Pane mai la o Makuakaumana, "Eia au la, mahea hoi au?"  Maluna ae o ka pola, wahi hoi a Paao.

  Ma ka wanana a Kalaikuuhulu,

            "O ka ia pea haki au,

            Kaa mio i ke alo o ka lani,

            Hele i ka moana wehiwehi.

            O halulu i Haiekumukalani,

            O Kane, o Makuakaumanao.

            O ke kaula i puni ka moku,

            I kaa kua ma kukula o Kahiki.

            Lele noho iluoa o Kaulia."

  Ia Paao ma ma ka moana, hoouna mai la o Lonopele i na pilikia he nui, oia no ke Kona ka makani ikaika, o heapuku, o ke kikiao lelekuilua, o ka hooilo lele aka, o ke kamani haunone, o ka moaeku wawahi kauhale.  O Paao nae hoi, ua hana mua no oi i kona makaukau e pale aku ai i na poino o ka moana, no ka mea, ua uhi mua no keia i na waa a paa i ka ahu.  I ka wa i ikaika loa mai ka makani, haluku ae la ke aku, hoolili iho la ka opelu, malie iho la ka ino, a malino ke kai.

                                 (Aole i pau.)

 

Ka makani ino.

I unuhiia mai ka mea i kakauia e Uilama

Hoonaueueihe, "William Shakespeare."

  Ia Perosipero no i ninau pono aku ai ia Ariela no na mea ana i kauoha aku ai, alaila, hoike pau aku la o Ariela i na haina a ka ino i ulupa iho ai i na palekai o ka moku, a me ka weliweli nui o na luina o ka moku, a o ke keiki alii Feredinana ka mea mua i lele iloko o ke kai, a o kona makuakane hoi, manao iho la ia ua make, no kona ike ana aku, ua ale ia aku la kana keiki e na ale o ka moana kailipolipo.

  "Aole, aole i make o Feredinana," wahi a Ariela nei ; "aia oia ke noho la ma kela kihi o ka mokupuni, me na l@na i puukiukiia ma ke alo, e kanikau ana hoi no kona makuakane, me ka manao ana, ua make oia iloko o ke kai.  Aole loa no i manuheu iki kekahi lauoho o kona poo, a ua makamaka hou ae kona kapa alii, i ka pulu ana iho paha i na ehu kai o na ale, i oi ae ka nani mamua o ka manawa mua."

  Pane aku hoi o Perosipero, "oia ka'u mea kau nui e Ariela, e lawe koke mai hoi ia ia ianei, e pono e ike kuu kaikamahine i keia keiki alii.  A auhea la ka Moi a me kuu kaikaina?

  Pane aku no hoi o Ariela, "Haalele aku nei au ia laua e huli ana ia Feredinana, me ko laua manao paha e loaa ana ia laua ke imi, no ka mea, ua ike laua ia ia e poho ana iloko o ke kai.  Aole no kekahi luina hookahi o ka moku i nalowale. Ke manao la nae kela mea keia mea oia hookahi wale no kai pakele mai mailoko mai o na oupe ia e na ale, a o ka moku hoi, aia oia ke ku la meka maluhia iloko o ke awa, me ka ike ole ia aku nae e kekahi o lakou."

  Olelo aku hoi o Perosipero ia Ariela, "O kau mau hana a pau, ua hooko pono oe me ka manaoio hana pu, aka, aole i pau ka hana."

  Pane aku o Ariela, "He hana no ka koe? E, na'u e waiho hou aku i ka hoomanao ana iloko o kou naau e kuu haku, no ka mea, ua hoohiki mai oe ia'u me na huaolelo paa loa, e hookuu mai ia makou a pau, a i ka manawa hea la auanei hoi e hookoia ai?  Ke nonoi hou aku nei no hoi au ia oe, e hoomanao ae oe i na hana a@ pau a'u i hooko pono ai iloko o na manawa a pau i hala ae, aole au i hai apuhi wale aku ia oe, aole hoi i hana kuhihewa wale, a ua lawelawe aku au nau me ka apiki ole."

  @ahi hoi a Perosipero, "Pehea la hoi kou hookunaoa ole ana iho i @a pilikia i h@ukua ai maluna @u, a me ko'u makalakala ana ae mai loko mai o ua pilikia la ou :  a ua hoopoina no anei oe i na ha@ ino aua a Sikoraka kela wahine @na mo, no ka mea. mamuli o kona howa a me ka loihi o kou hoopaahaoia ana, ua aneane oe e pili ke kua me ke alo @  Ea, e olelo a e hai mai hoi ia'u. mahea la kona wahi i hanauia'i@ "

  Pane aku o Ariela, "Ma Alegiera kona walu i hanau ai."

  "Pela @ ?" wahi a Perosipero, na'u e wehewehe pono aku ia oe i kau mea hoi i hai mai nei ia'u. no ka  mea, aole oe i hoomanao iki.  O keia kahuna anaana ino Sikoraka. mamuli o kona anaana aua i weliweli nui ai na kanaka o Alegiera, a kipakuia ai oia mai laila mai, a maanei i haalelo iho ai na luina o ka moku ia ia. A no ka mea hoi, he poe uhane oukou; o oe a me kou poe ohana, i hoowahawaha i na kauoha hoopai ino wale a ua kupua nei. nolaila i hoopaa ia ai oukou iloko o na kumu laau nunui a malaila hoi oe i loaa ai ia'u e a-o wale ana.  O keia paahao mau ou, e hoomanao iho oe, na'u ia i hookuu ae, aohe na ka mana e ae.

  "E kala mai e ko'u haku aloha i kana kauwa,"  pela aku o Ariela, me ke ano ohilahila nae o kona nanaina, no ka mea, ua hana aku oia i kekahi mea oluolu olu i kona haku.  "E hoolohe mau loa aku no au i ka@ ma@ kauoha."

  "Pela kou pono," wahi a Perosipero, @laila. e hookuu aku no au ia oe e hele i ka loa a me ka laula o ka lewa, mahope o kou hooko pono ana mai i na kauoha a pau a'u e waiho aku ai ia oe."  Alaila haawi ae la o ia i na kauoha a pau e like me kona makemake, a e hana aku hoi o Ariela pela.  A hele aku la o Ariela.  O ka mua ; i kahi ana i haalele aku ai ia Feredinana, a loaa aku no o Feredinana ia ia malaila; e noho ana iluna o ka @iauu me ia ano poluluhi no o ka manao i ka luuluu no ka makuakane.

  O Ariela nae, hookahuli ae la ia i kona ano ma ka like ana me ko ke kanaka helehelena, a kamailio aku la ia ia penei, "E kuu Keonimana opiopio, e lawe koke aku ana wau ia oe mai keia wahi aku, no ka mea, he pono ke laweia oe imua o ka Lede Miranada, i ike mai ai oia i kou helehelena nani.  E ku ae a e hahai mai ia'u."  Alaila, hoomaka ae la oia e male me keia mau huaolelo mele malalo iho penei:

            "Elima na anana ka nui,

            O kahi i waiho ai kou makukane,

            A o kona mau iwa la,

            Ua hauaia me ko na akoakoa 'la,

            Aole loa he wahi ona

            I manuheu iki."

  Alaila, hoomaka hou aku la oia he mau lalani mele hou.

            "Aka, oia niau poino la,

            Ua hoololi ano e ia ae e na kai,

            Iloko o kekahi mau mea ano e:

            O na wahine pilikua o ke kai la,

            E ke hora ana, he bele kanikau,

            Hamau, ke lohe nei au,

            I ko lakou kani ke ana."

  O keia nu hou ana i lohe ai no kona makuakane nalowale, ka mea nana i hoala koke mai ia ia mai mai loko mai o na ao poluluhi i uhola ia iho maluna ona, nolaila, ku ae la oia a hahai aku la ia Ariela, me ka hoopihoiho@a e kana mau leo mele, a hiku wale i kona hiki ana 'ku imua o Perosipero a me Miranada, oiai laua e noho ana malalo o kekahi kumu laau nui.  A o ua Miranada nei, aole o ia i ike iki i kekahi kanaka e @e, o kona makuakane wale no.

  A no ka ike ia ana aku o Perosipero i ke keiki alii e hele mai ana, ninau hoomahua aku la  oia i kana kaikamahine, ":E Miranada, heaha kau e ike la ma o loa la?"

  Pane aku hoi o Miranda, me ka apoapo no nae o kona o@, i ka i ana aku, "E ka makua, he oiaio, he uhane kela mea.  E ka Haku ! Naui wale kona ike ia ana aku! Ke manaoio nei nae au, he mea kino maoli kela.  Aole anei kela he uhane?"

  I mai hoi o Perosipero, "Aole, e kuu kaikamahine, he ai no ia i ka ai, a hiamoe no hoi, a he mau ike no hoi kona e like me ko kau@ ei.  O keia kanaka opiopio nae au         nei, mai luna mai o ka moku. @U@ alii iho ke kau@aha maluna ona, aka, ke kapa aku nei oe i