Ka Nupepa Kuokoa, Volume V, Number 51, 22 December 1866 — Page 1

Ka Nupepa Kuokoa

KE KILOHANA POOKELA NO KA LAHUI HAWAII.

BUKE V.        HELU 51.       HONOLULU DEKEMABA 22, 1866.         NA HELU A PAU 264

 

 

"KA NUPEPA KUOKOA,"

@ KA MAU IA MA HONOLULU

I kela Poaono keia Poaono.

$2.00

No @ mahina he Umikumamalua!

$1.00 no na mahina eono.

ME KA HOOKAA MUA MAI.

 

@ WHOLE SECTION

 

A "NUPEPA KUOKOA,"

Is published in Honolulu

EVERY SATURDAY

$2.00 per annum, or $1.00 per six

months, in advance.

 

Advertisements not exeeding 10 lines, inseted once for $1.00; twice for $1.50; and $2.00 for one month; all advertisements must be paid for in advance.

@Advertisements, Subscriptions of Kanikaus, @ @ any of the Agents of the Kuokoa, or may @ @ letter to the Publisher.

@ must be PREPAID.  No names, either of foreigners or natives will be inserted on the subscription@ @.  This rule must be strictly adhered to @ @ the low subscription price.

@ @ Kuokoa is in the South corner of the Sailors Home. @ @ hours from 9A.M. to 4P.M.

L.H.Gulick.                 Publisher.

@ @ I, II and III complete sets of the above, can have @ @ $2.00 each.

 

HE MOKU HOLO MAU

No Lahaina, a me Makena.

O KE KUNA KALEPA PAA makai.

"Kate Lee."

O Fountain ke Kapena,

E HOLO MAU LOA ANA, A HIKI MAI  @ WHOLE PARAGRAPH

 

No Hilo.

KA MOKU KUNA

"MELE HILO,"

O Sebastian ke Kapena.

E HOLO MAU ANA KEIA MOKU I KE @ mahina, @ na ukana a me na @ ninau la.

HULIPAHU, (L.L. TORBERT)

 

@ Hana, Kaapo, a me Maliko.

KA MOKU KUNA

'MANUOKAWAI,'

O Merchant ke Kapena.

E HOLO MAU ANA KEIA MOKUA NA @ @ .  No @ ukana a me na ohua, e @

C.BREWER & CO. (BUKU A MA)

 

Olelo Hoolaha A KA

AHAHUI HOOHOLO MOKUAHI A

@IOKU MAOLI KULOKO O KO

Hawaii Pae Aina. E KA MOKU KUNA MAIKAI

Alabani,

@ @ Kawaihae, a me Kona, ma ka @ @, la 10 o keia malama.

O KE @ NA KALEPA O Neti Mela

@ @ Lahaina, a me Maalaea.

 @ Kapena Mokina, a i ole ia, ia @

A.H.M.K.H.

 

Na Buke i Pai ia @ Papa Hawaii.

 

Eia na buke kuai, a @

@ @ no na Awai o                             $4.00

  "       Ohana, ano nui, me @                          2.00

            a me na Moohana,                     5.00

  "        Ohana uuku iho, me na

            hana, ili ulaula,                                      1.00

  "        Ohana, me na Moohana wa

  "        Okoa,                                          62@

Kauoha Kahiko, i paiia ika M.H.@        50

Kauoha Hou, me ka pepa lahilahi o wa   25

Kauoha Hou, hapa haole (Haw.Eng.)     12@

@,                                                           25

@ Malihini Ana,                                     25

@wehehala,                                            26

@ Hawaii,                                               @

@ ka ke Akua Ano,                                @

@ Kamalii                                               25

@mumua Hou,                                        12

@ olelo Ekalesia,                                    50

E ike Palapala Hemolele,                        25

@ Hawaii me na Leo Mele, 1834,          25

@hoike,                                                   12@

@ Kamalii no na Kula Sabati                 12@

@                                                            12@

Haawina Kamalii, Buke 1, a me 2,         12@

Haawina Kamalii, Buke elua i huiia,       25

            Eia na buke i haawi wale ia.

Haawina Baibala.

@

@ Pope

Palapala Liilii Helu                                    4

  "          "       "                                         6

  "          "       "                                         7

  "          "        "                                        11

  "          "       "                                        16

@ Davida Malo Kumumanao.

Ka Moolelo o Batm@ Puaaiki.

L.H.Kulika.

Kikauolelo o ka Papa Hooko o ka Ahahui Euanelio o ko Hawaii Pae Aina.

 

Ka Nupepa Kuokoa.

 

Ka Moolelo o Kamehameha I.

Na S.M. Kamakau.

HELU 7.

            Aole i hala ae na makahiki a ka manaonao o ka make a ke kaua, ua kupu mai ka manao ino me ka lili paha i ke poho wale o na manao kuko iloko o Kalaniopuu.  Nolaila, hoomakaukau iho la o Kalaniopuu e holo i Maui i ke kaua, a e luku wale aku i na makaainana.  Holo aku o Kalaniopuu, a pae ma Mokulau ma Kaupo.  Hoomaka iho o Kalaniopuu e luku i na makaainana e Kaupo me ke paia a me ka luku i ka hohoa i na kane a me na wahine a me na kamalii, ua like me ka powa.  I ka lohe ana o Kahekili, ua hiki mai o Kalaniopuu i ke kaua ma Kaupo, nolaila, hoouna mai la o Kahekili i kona mau alii Pukaua a me na koa, e kaua me Kalaniopuu.

            Holo aku la Kalaniopuu a pae i Kahoolawe a ma Kahoolawe a pae i Lahaina.  He nui ke kaua ma Lahaina me Kalaniopuu, o na makaainana, ua pau i ke auhee ma Kaanapali.  O na 'lii o Lahaina me na koa, aia ma ka puu kaua o Kahili, mawaena o Kauaula me Kanaha, mauka aku o Paupau, malaila ka puu kaua o Kahili.

            I ka ike ana o Kalaniopuu, ua pau na'hi o Lahaina me na koa aia maluna o ka puu kaua o Kahili, hoouna aku la o Kalaniopuu i na Luna kaua o Kahili.

            Pii aku la koa o Kalaniopuu me na Pukana a hoouka aku la i ke kaua i ka puu kaua o Kahili, o ke koa kaulana o Hawaii, oia no o Kekuhaupio a me Kamehameha o laua no na mamaka kaua i kokoke aku i kapuu kaua i Kahili, a o ka nui o na koa me na 'lii aia lakou ma ka palahalaha o Haleili, ma ka huli mauka o Paupau, he nui ke kaua o na aoao elua, a he nui no hoi ka make.  O kekahi koa o ka puu kaui, o Pua ka inoa, ua iho mai oia malalo o ka hulili, ma kahi i koli ia o ka puu kaua, o ke Kuhaupio, ua kokoke loa aku la oia, ma ke koli ana o ka puu.  Ua maopopo loa ia ia o Pua me kana mau ihe ma ka akau a ma ka hema, he paulua.

            I ko Kekuhaupio nana pono ana i ka ihe ma ka lima akau, ua makaukau loa i ka pahu, i ka anehe ana o ka lima akau, e waiho ae ana ka ihe ma ka lima hema, e alo ae ana o Kekuhaupio i ka ihe ma ka lima akau, ku no i ka ihe ma ka lima hema, malalo iho o ka opi a hula ma ka aoao hema, kepa iho la no o Kekuhaupio i ka ihe, a hai iloko aole nae i make o Kekuhaupio (ua ola no o Kekuhaupio a hiki i ke au o Kamehameha I.)

            I keia kaua ana, ua kaulana loa o Kamehameha i ke koa.  Ua hoouna mai o Kahahana ka Moi o Oahu a me Molokai i kona mau koa e kokua ia Kahekili ka Moi o Maui.

            I ka hoi ana o na koa o Kahahana i Molokai, olelo aku la na koa o Kahahana ia ia.  Pehea ke kaua?  Olelo aku la na koa.  "Hookahi wahi kanaka koa o Hawaii, he wahi aikane na Kalaniopuu, o Kamehameha ka inoa, ka i kahi kanaka koa, he wahi kanaka puipui."

            E noho ana kekahi kalaiaina no Hawaii me Kahahana, o Keaulumoku ka inoa.  I ko Keaulumoku, lohe pinepine i na koa o Kahahana, i ka olelo pinepine ia e kanaka ia Kamehameha, ua lili loa kona naau me ka eha, e noho pu ana laua me Kahahana ka Moi o Oahu.  Ua kaumaha o Keaulumoku i olelo ino ia o Kamehameha.

            I ke kulou ana o Keaulumoku, e haku @ oia i ke mele, i ke ea ana o ke poo @ ua puana koke mai la oia i keia @ Penei.

"@ not sure of line order???

 

Eia Keoka, eia K@, Keaka a Kiha.

Kamakalakaua a Kama.

Ka maka o Umikalakaua i hanau,

Ka pua @ alii o Kama,

E walu hoi ke Kama o nei alii,

E Kama, e Kamanuena, Kamahiki,

Kamaola, e Kamaoholani,

E Kamakuiia a Peapeaaiuila,"

 

            Aole i pau keia mele.  Aka, haalele iho la o Keaulumoku ia Kahahana ka Moi o Molokai a me Oahu, a hoi aku la me Kalaniopuu ke alii o Hawaii.

            Holo mai la o Kalaniopuu i ke kaua i lanai, he kaua nui loa ma Lanai, aia ma ka puukaua na'lii a me na koa o Lanai.  O ka puu kaua, oia no, o Hookio, aia mauka o Maunalei oia ka puuhonua o Lanai i ka wa kaua; ua haiki ka hewa; ua hiki no ke maa ia i ka pohaku, oia ke kumu i hee ai ka puu kaua, a no ke pani paa ia o kahi e loaa ai o ka wai e inu ai o na koa, nolaila, ua luku ia na'lii me na kanaka o Lanai.  O ka mokupuni holookoa o Lanai, ua luku ia me ka hoomainoino ia e na koa o Kalaniopuu.  Ma Paomai, malaila ke Aea i kokoki o ka laau, a ma Kaohai malaila kahi i kapaia o Kamokupeu, oia ke alina o ke kaua i ka wa kahiko.  O kekahi kanaka, ua lawe pio ia me ka nakinaki ia o na lima a paa, a alakai ola ia i mua o Kalaniopuu, aka, i ke kokoke ana i ka pali, olelo mai la ua kanaka nei, ua pilikia au i ka mai, e hookookoo ae kuu kaula o kuu lima, aole hopohopo o ka poe lanakila, ua ike lakou i ka pali a ua paa ia lakou kahi papu, i ka wa i kaawale aku ai o ua kanaka nei, e lele aku ana ua kanaka nei i ka pali.

            O keia kanaka, he kanaka kaulana i ka mama i ka lele pali, o Kini ka inoa, nana no i lele ka pali kiekie o Kukaemoku ma Iao, a ma Olowalu, ma ka mama o Kini i ka lele pali i pakele ai kona ola i ke kaua ma Lanai.

            I ka noho ana o Kalaniopuu ma Lanai, ua wi loa ka aina o Lanai, no ka nui loa o na koa o Kalaniopuu, a me na kanaka, aole ai e ola ai, nolaila, ua ai na kanaka i ke kupala, a no ka nui o ka ai ana, ua hanahemo na kanaka; ua kapaia ka inoa oia kaua o Kamokuhi, lie kaua kaulana ia no Lanai a kau i na mamo.

            Manao iho la o Kalaniopuu ma Koolau o Maui e hoi ai, no ka mea, he nui ka ai ma Koolau.  Holo aku la o Kalaniopuu ma Kaanapali, a na kalo o honokohau, loaa ka ai a na'lii me na koa.

            I ka holo ana o Kalaniopuu mawaho ae o Puukoae ma Kahakuloa, e noho ana kekahi kanaka maluna o ka puu o Puukoae.  I ka ike ana ia Kalaniopuu me ka waa akua, hanai mai la ia Kalaniopuu i ke kuala me ka hookapeke mai i ka olema.  O ka puu o Puukoae, ua aneane 200 kapuai mai ka ili kai ae, a ua aneane e hiki ole ka poka ke ki ae.

            E amama ae ana o Kalaniopuu i ke akua.  "E Kukailimoku-e-aia ke kanaka, e ola ia'u."  E maa ia ae ana iluna, he pohaku mamua, a puka ka pohaku a pa ma ka elemu i kapeke, a lele ana i ka pali na kanaka la, make kauoha ole.

            O ka holo noia o Kalaniopuu a pae i Hamakualoa, o ka hoomaka noia o ke kaua, aka, hele aku la o Kahekili e kokua i ko Hamakualoa, a he nui ke kaua ana, a ua hee aku la o Kalaniopuu ma ka auwaa, a pae ma Koolau, a luku aku la i na makaainana me ka hoomainoino ia me ka mimi ia o ka maka o ka poe pio, a ke ola nei ko ka poe mamo a ia poe i hoomainoino ia, e like me ka poe pulapula a Kamalanai o ko Lanai.

            Ua huipu mai na koa o Mahihelelima, ke alii Kiaaina o Hana a me ka puu kaua o Kauwiki, nolaila, lilo o Koolau ia Kalaniopuu, a hele hou aku la o Kalaniopua i ke kaua ma Hamakualoa, ua loihi no hoi ke kaua ana me Kahekili, he hapalua makahiki paha ke kaua ana.  Iloko o na hoouka kaua a Kalaniopuu, o Kamehameha I no kekahi koa o Kalaniopuu, he koa ikaika kaulana o Kamehameha, a o Kekuhaupio no kana kumu koa, a ua kaulana laua elua no ke akamai a me ka ikaika, iloko o na makahiki elua ke kaua o Kalaniopuu i keia mau kaua ma Kaupo ma Lahaina ma Lanai a ma Hamakua a ma Koolau, oia ka A.D. 1778 a me 1779.

            "Eia ka manawa kupono no ka hiki ana mai o na haole makamua ma Hawaii nei."

 

NO KA HIKI MUA ANA MAI O NA HAOLE MA HAWAII AEI.

            Ua olelo mai ka poe kahiko, ua ili kekahi mau moku i ka wa kahiko loa ma keia pae aina, a ua ike ia kekahi ma ka moana i ka @ ae, a ua ku mai kekahi a ua holo aku, ma na kaao a ma na mele a ka poe kahiko ua loaa na aina o kahiki.  Ua kapa aku ka poe kahiko o Hawaii nei i na ama Bolapola, a me na aina haole, o Kahiki ka inoa nui, a pela no i @ a'ku na kanaka holo ma ka moku haole ma Amerika, ma Europa a me Bertania, he poe holo kahiki.

            Eia kekahi mea kupalanaha i ka poe kahiko ma Hawai nei, ua paa naau loa ka mimilo o Norewai, ua kapaia o ka mimilo o Manawaikaioo.  Ua loaa pinepine maloko o na kaao a me na mele a ka poe kahiko.

            O ke kaieleele, ke kaiomaomao me ke kaiula, u aloaa no ia ka poe kahiko.  Penei kekahi mele kahiko.

@ Kai wawa ka moku,

Kai Lanahu ahi,

Ka i popolohua mea a Kane,

Inu a ka manu i ke kaiula,

I ke kai a ka omaomao.

Aole ku, aole hina aole moe.

Aole wawa l@ kai a keanaoku."

            Ua olelo pinepine ka poe kahiko o Hawaii nei, i ka aina o ke kapalii, he aina kanaka liilii keia i olelo ia, ua hiki ke lawe ia, he umi kanaka, ua hiki ke lawe ia e ke kanaka.  Ua olelo ia ua lawe mai o Punaluu i kekahi kanaka kupalii ma Kau Hawaii, a mauka o Kopu me Moaula i noho ai, ua kapaia; he ili.        Pela ka pilikua, ua lawe mai o Wahanui mai kahiki mai, a pae i Kauai, a ua ike ko Kauai i ka pilikua.

            Ua nui no ka poe o Hawaii nei i holo i na aina o Nuuhiva, o Bolapola o Upolu, o Sawaii, o Holaniku, o Holanimoe, o Hakukaki, o Lalokapu, o Kuukuu, o Malimali, o Muliwaiolena, o Maokuululu, a me na aina e ae i holo ia e ka poe kahiko, o Hawaii i ka makaikai, aia ma na kaao, a me na mele wanana a me na pule e loaa no ka nui o na aina.

            Maanei kakou e hookaawale ae i ka moolelo o na kanaka maoli maoli o Hawaii nei i holo i Kahiki, a me ko Kahiki mai i holo i Hawaii nei, aole lakou i kapaia he ahole, a he haole.

            Ma ka moolelo o na kupuna kahiko loa o Hawaii nei, a ma na mookuauhau kupuna, mai a Kumuhonua mai, a hiki ia Welaahilaninui, a me kana wahine o Owe, ka inoa; o ka iwakalua ia o na hanauna, mai a Kumuhonua mai.  Ua olelo ia lakou no ka lewa, aole maopopo ko lakou wahi, a me ko lakou aina, ua olelo ia, mai a lakou mai, i loaa mai ai na kupuna mua o Hawaii nei.  Aka, ma na ouli oiaio no Kahiki no lakou; a ua maa ka lakou mau mamo mahope mai i ka holo i Kahiki.

            NO PAPA, oia no o Walinuu, a o Haumea i kapaia e kekahi poe, aka, he okoa loa o Haumea, he wahine akua ia, a he ohana akua kana poe keiki, aka, o Papa oia o Walinuu, ua hanau paee no ia, aka, ua puka kanaka nae kekahi, a oia mai ke kupuna o na 'lii a me na kanaka.

            O Papa, ua olelo ia, ua holo i Kahiki, no ka mea, o kona mau makua o Kukalaniehu, a me Kahakauakoko, no Nuumehalani, he aina i ka@ pa@ ku, a malaila o Papa e hoopa@ ai i kona kino, a lilo i mea opiopio hou.

            Ma ka Kalaikuahulu ke kanaka akamai loa i na mea kahiko a me na moolelo, a me na mookuauhau, penei kana.

"Hoi mai Papa mailoko o Kahiki,

Ku inaina lili i ka punalua,

Hae manawa ino i ke kane o Wakea."

            Oia ka makamua o ko Hawaii nei i holo i Kahiki, i olelo ia ma na moolelo kahiko.

(Aole Pau)

 

            UA IKE IA ka poe bele o waho o ke awa o Honolulu e Welopi (Wetherbee) i ka Poalua i hala ae nei.  Ua loihi no ka nalowale ana o keia poe, eono paha mahina mai ka nalo ana a hiki i ka ike ia ana i ka Poalua iho nei.  He 40 anana ka hohonu o kahi i ikeia ai o ua bele nei, a ua kilou ia ua poe la, aole noe he paa, no ka popopo o ka laau.  No ia mea ua luu ia e kahi mea, @ ua paapu i ke one.

 

Ka makani ino.

I @ mai ka mea i k@ e @ Hoonau@.  "Wlliam Shakespeares"

 

            aia ka he wahi mokupuni iloko o ke kai a o na mau wahi kanaka o ua mokupuni nei, he elemakule nona ka inoa o Perosipero, a me kana kaikamahine o Miranada; he kaikamahine loa.  Ua hiki mai ua kaikamahine la maluna o keia mokupuni i kona wa uuku loa no, a nolaila, aole he mau hiohiona kanaka e ae ana e hoomanao ae mamua o kena makuakane ponoi.

            Ua noho laua maloko o kekahi ana i paoia iloko o ka pohaku, a he nui wale na rumi i hookaawale ia o loko o ua ana nei, a ua kapaia kekahi rumi, he keena huli palapala no Perosipero, malaila ia i malama ai i kana mau buke i piha i na mea ano kilokilo a pau, no ka mea, oia iho la na buke i ao nui ia e na kanaka naauao iloko o ia mau la.  Ua akamai loa o Perosipero i na hana kilokilo a pau o loko o ua mau buke nei, a ma kona pae ana maluna o keia mokupuni i hookahuhia e ka mana kilokilo o kekahi kupua wahine i kapaia o Sikoraka, (ua make ua wahine nei mamua koke iho no o ko laua hiki ana mai iluna o ua wahi mokupuni la,) i hookuu ia ai na uhane maikai he nui wale a Sikoraka i hoopaahao ai iloko o na kumu laau nui, o ke kumu o ko lakou hoopaahao i ana, no kok lakou hoole ana i na kauoha hoopai ino a ua wahine kupua nei.

            O keia poe uhane maikai a pau ua hoolohe pono mai lakou i na makemake o Perosipero, mawaena o keia poe uhane o Ariela ko lakou poo. 

            O keia wahi uhane o Ariela uuku, he eleu, a aohe he wahi manao ino iki iloko o kana mau hana a pau a me kona ano, koe nae ke kauwahi kina iki ona, ka hoopilikia i kekahi pilikia pupuka i kapaia o Calibana, no ka nui o kona hooukiuki ia ia, no ka mea, oia ke keiki a kona enemi kahiko ka wahine kupua Sikoraka.

            Ua loaa ua Ka@ nei i Perosipero iloko o ka ululaau, aole i kana mai kona pupuka i oi ae ka pupuka mamua o ke keko: a hoihoi mai la o Perosipero ia ia iloko o kona ana, e ao aku ai ia ia i ke kamailio, a hana oluolu pu aku no hoi ia ia, aka, e like no me ke kulana ino i ili mai ai ia ia mai kona makuahine ino Sikoraka mai, pela no i hiki ole ai ia ia ke moni aku i kekahi hunahuna o na mea maikai a Perosipero i ao aku ai ia ia; nolaila, hoolihoia iho la o ia i kauwa kuapaa na Perosipero, i mea halihali wahie a me na hana lohi e ae, a o Ariela kona luna nana e kuhikuhi aku ia ia i kela a me keia me aana e hana ai, a e nana ai hoi i kana hana.

            I ka wa e molowa ai ua pilikua nei, a haalele wale i ka hana, kokolo malu mai la o Ariela a iniki mai la ia ia, (aohe no he mea e ae e hiki ke ike aku ia Ariela no ka mea he uhane kela, koe na maka o Perosipero) a i kekahi manawa hookulai na ia loko o ka lepo poho, alaila, hookua keko iho la o Ariela ia ia iho, a me ia ano oia e holo aku ai e nanahu ia ia.  A i kekahi manawa hookua puaa o Ariela ia ia iho me na hulu ooi a puni ke kino, a moe loa iho ma kahi a Kalibana e hele ai, no keia mea makau loa o Kalibana o ku-ku ia kona wawae e na hulu ooi.  Me na hana o ia ano i hoopilikia pinepine ai o Ariela ia Kalibana,  i na manawa a pau ana i haalele wale ai i ka hana a Perosipero i kauoha aku ai ia ia.

            No ka hoolohe ana mai o keia poe uhane ikaika i na olelo a pau o Perosipero, i hiki ai ia ia ke kauoha aku i na makani ino, a me na ale halelolelo o ka moana i na manawa a pau ana i makemake ai e hana pela, nolaila, kauoha ae la oia i na uhane a pau loa e hoala mai i kekahi makani ino launa ole; a iwaena konu o na ale kawahawaha o ke kai kekahi moku nui i aneane e piholo i ka lumilumiia e na ale; a kuhikuhi aku la oia i kana kaikamahine i ua moku nei e luaiele ia mai ana e na kikiao makani ikaika, me kona hai pu ana aku ia ia, ua piha o luna o ua moku la i na mea ola, i like hoi na @ @ me ko laua iho.

            @ @ makua aloha," wahi a ua kaikamahine nei; "Ina ma kou mana i ea mai ai keia iho nui, aloha iho no ka hoi  kela poe pilikia @ @   Mamuli e nahaha ana ka mok@ a e pau auan@ na mea ola a pau i ka make iloko o ka moana !!  Ina paha he nana ko'u, alaila, e hoale koke no au i ke kai malalo iho o ka honua, mamua ae o ka manawa e poholo ai o ka moku me na ukana makamae maloko ona, iloko o ka opu o ka hohonu o ka moana."

            Pane aku hoi ka makuakane, "Mai makawelawela oe no lakou e kuu kaikamahine Miramada, no ka mea, aohe ino e ili iho ana maluna o lakou, no ka mea, ua kauoha ae nei au, aole e loaa hia i kekahi mea o lakou ka poino, e like me a'u i malama ai ia oe e ka'u aloha.  He naaupo oe, aohe oe i ike i kou wahi i hele mai ai, aohe no hoi i oi ae kou ike a me ka maalea mamua o'u kou makuakane, a hiki i ko kaua wa i noho kokoolua ai iloko o keia ana.  E hiki anei ia oe ke hoomanao ae i ka manawa mamua aku o kou hiki ana mai i keia ana; Ke manao nei au aole e hiki, no ka mea, aole i akolu kou mau makahiki ia manawa."

            Pane aku la o Miranada, "Ae e hiki no ia'u ke hoomanao ae i ua wa la."

            Ninau aku la o Perosipero, "Heaha?" Kekahi hale anei, a i ole ia kekahi mea kino paha?  E hai mai i kau mea i ike ai a hoomanao ai oe a hiki i keia manawa?"

            Pane aku la o Miranada,  "Me he mea la ua like me ke akaku o ka moeuhane, ka aweawea iki o ka'u mea e hoomanao nei.  Aole anei elima a eono paha wahine e hele pu ai me a'u?"

            "Ae, o ia no, a oi aku,"  wahi a Perosipero.  "Pehea la i mau ai keia hoomanao ana iloko o kou naau?  A ke hoomanao nei anei oe i ke kumu o kou hiki ana mai i keia wahi?"

            Pane aku la o Miranada, "Aole mea e ae a'u i hoomanao ai, o ia wale iho la no ka mea i maopopo ia'u."

            Alaila, hoomau aku la o Perosipero i ke kamakamailio ana.  "He umikumamalua na makahiki i hala ae nei, owau no ke alii (duke) o Milana, a o oe hoi, he kaikamahine alii oe, a o ko'u hooilina kuakahi.  He kaikaina ko'u, o Anetonio kona inoa, maluna hoi ona i hooili aku ai au i na mea a pau: @o ko'u makemake nui i hoohala ia'u iho ma ka hu li ikaika ana iloko o na buke nei.  ua haalele au i ka hooponopono ana i ko'u waiwai a pau na kou makuakane no e hana kuu kaikaina kumakaia hoi, (ae, kumakaia io no).  A owau, kanu iho la wau ia'u mawaena o na buke, malaila ka hoopapau ana o ko'u mau manawa a pau, a malaila ka lealea a me ka olioli nui o ko'u manao ana, me ka hoopoina i namea pau wale o ke ao nei.  A o kuu kaikaina hoi o Anetonio, no ke kaa ana ia ia 'la ka hooponopono i ko'u mau waiwai a pau, nolaila, manao iho la oia e lilo maoli ana oia ke duke.  O ka hanohano nui a'u i hooili aku ai maluna ona, ia ia ka mana malama o ko'u okana, ka mea nana i hoala mai i na manao haaheo iloko ona, a e kipaku hoi ia'u mawaho o ko'u mau palena aina.  Ua hui like iho no laua me ke alii o Napele kuu enemi e kipaku ia'u, a imi koke iho la i mea no'u e pilikia ai.

            "No keaha la hoi ko kaua mea i make ole ai iloko o ua mau hora la o ka pilikia?"  Pela aku o Miranada.

            "E kuu keiki," wahi a ka makuakane, "Aole e hiki ia laua ke hoopilikia ia'u, no ka mea, ua oi nui loa aku ke aloha o na kanaka ia'u, nolaila, lawe ai o Anetonio ia kaua a hooili maluna o ka moku, a i ko kakou mamao ana aku, eono mile mai ka aina mai, hooiliia iho la kaua maluna o kekahi waapa uuku, me ka nele i na mea e pono ai, aohe hoe, aohe kia, aohe pea; a pela i haalele iho ai o Anetonio ia kaua, me kona manao lokoino paha, e poho ana kaua ma ka moana.  Aka, a kekahi haku aloha o loko o ko'u alo alii, oia hoi o Gonezalo, ma kona lokomaikai, i hookau malu iho ai oia maluna o ka waapa he ai, he wai a me kekahi mau buke a'u, ku mea i oi loa aku ko'u makamae mamua o ko'u aupuni, a he mau wahi lole aahu pu hoi kekahi no kaua."

            "O ! E ka makua, nani paha kuu hoopunini aku ia oe i ua manawa la i kau a….