Ka Nupepa Kuokoa, Volume V, Number 48, 1 December 1866 — Page 3

Ka Nupepa Kuokoa

KE KILOHANA POOKELA NO KA LAHUI HAWAII.

 

Ua hoi ae ke Kapena. - I ka holo ana

aku nei o ke Kilauea i ka Poakahi iho nei,

ue ike aku makou i ke ku ana mai o kahi

Kapena o ia moku maluna o kona wahi ku

mau. I ka ike ana aku, ua oluolu ia mai

kona kaa ana i keia wahi mai ahulau.

 

Iwaina o keia kau mai e hele nei, ua

kuikui iho kekahi wahi wahine o Manoa i

na lau fiku a waliwali loa, a hoino no hoi

man na wahi hui eha o kona kina a inu no

hoi kahi maloko.  A i kona palaueka wale

ana iho no pela loaa io ka pono, ke ola 'la

no ua wahine la.

 

Kau liilii na hapawalu. - I ka nui loaa

ana mai nei paha o ke kalepa ana ma ko

kakou nei wahi kaona alii, ua nele loa na

hapapwalu, a he ano hoaa maoli i na he

wahi hapaha kau a kuai aku hoi i wahi

hapawalu, aohe e loaa mai ana kahi hapawalu,

aia no a hoopau loa aku, pono iho la.

 

Ua hoi aku i ka aina makua. - Ma ka moku

olelo e R. C. Wale i holo aku nei i ka la

28 o Novemaba iho nei, ua lawe pu aku oia

i kekahi makamaka i kamaaina ia kakou,

ona o Farani Karuka (Karuger) o ka hui o

Nolte & Kruger, maia moku hookahi, ua

lawe ia aku he nui wale na pahu aila a me

na waiwai e ae o keia Aupuni.

 

Ka la hoomaikai i ke Akua. - Ma ka hora

11 o ke kakahiaka o ka Poalua iho nei, ua

komo nui ae na haole maloko o ka luakini

o Kaukeano e hoolohe i ka haiolelo a Rev.

S. C. Demona i kupono no ia la, e like me

ka hoolaha ana a ka Peresidena o Amerika

Ionesana o Amerika Huipuia, e malama ia

ka Poaha hope o Novemaba.

 

Hoopii i mua o ka Aha hookolokolo. - I

kekahi la o ka pule i hala aku nei, ua hoopii

ae o F. Mokina i mua o ka Aha hookolokolo

i ha Hui o Walker, Allen & Co. o Honolulu

nei, no ke koena aie he $1,325.  Ke waiho

nei paha ia hoopii, aohe akaka mai ka hooholo

ia mai e na Lunakanawai.  Ina paha e

hookaaia keia koi ana, alaila e pii nui mau

mai ana ua hoopii ana.

 

A kiei a halo. - I ke ahiahi Poalua, ua

komo ae kekahi haole ano kolohe maloko o

ka pa o Joe. Carter ma Nuuanu.  E nanea

ana ko loko o ka hale i ka noho, aka he

poo ka lakou i ike i ke okuku aku mawaho

o ka puka aniani.  Ua wehe mua ua haole

nei i kona mau kamaa buti, a he aha la

kona makemake.  Aohe nae i ko kana mea i

anoi ai komo poo ana i ka hale hoopaa.

 

Ka wahine o ka lua. - Ma ke ku ana mai

nei o ke kuna Alabani mai na kapukahakai

mai nei o ka mokupuni  o Keawe, ua hiki

mai ma ko makou nei mau pepeiao na lono,

ua hoeu hou ae ka wahine Pele o ka lua ahi

nui o Kilauea i kana hana hookalakupua a

hoohikilele oili.  Aole he mea hou keia aka

mai nukunuku mai ko makou poe heluhelu

no ka hoopuka pinepine ia aku, oiai he hana

nui kana, a ua ike ia aku ka pele e a ana

mawaena o Mauna Loa a me Hualalai.

 

Holo malu hoi ua puni au kai. - I ka la

Sabati iho nei, ua hoopaaia maloko o ka Hale

hoopaa lawehala ma Honolulu nei ekolu

mau kanaka holo malu.  Ua imi ia ua mau

kanaka nei ma ke kaona nei aohe loaa,

aka i hele aku ka hana ma ke alanui o

Nuuanu e hiki aku ai i ka nuku o ka pali, loaa

aku o lakou no a ekolu e kuoe hele ana mamua,

ia loaa ana ua hoihoiia mai lakou a

ua uhao ia ma ke puhi mua o Honolulu.

Ke kepa ana ka ia puni ka hoolalau e

hookananeo ai.

 

Komodoa Pete. - Ua maopoopo no paha

i ka poe a pau o ke kaona nei, o Komodoa

Pete ke alii o ka moku kiapa Kometa e

holoholo nei mawaena o Honolulu nei a me

Kapalakiko, aka i kana holo hope ana aku

nei, ua loohia oia i ka mai.  I ka hoi ana

mai nei o Kometa mai Kapalakiko mai, ua

hoonoho ia mai he Kapena hou, o Dale

kona inoa, a hoi pu mai no hoi o Pete maluna

ona.  I kona hiki ana i Honolulu nei, ua

maikai koke oia, a ke oluolu mai nei.

 

Kuhihiwa no. - Ua ike iho makou i ka lalau

a me ka huhewa o ke Au Okoa a me

kahi nupepa puka la, i ke kukahekahe ana

imua o ke akea, o ka nui o na kanaka i make

a i kanuia ma ka pa kupapau o Kawaiahao,

mai ka la mua mai o Novemaba a hiki

i ka la 23, he 104.  A ke olelo nei, ua kanu

ia ma ka pa kupapau o Kaumakapili, he 63.

Ke hoole nei makou i keia, aole he wahi

kupapau hookahi i kanuia ma ka pa kanu

kupapau o Kaumakapili no keia mai ahulau.

Nohea mai la ka lalau ana o keia mau waha

olelo.

 

- Ua ike iho makou ma kahi Au Okoa

o keia pule nei i ka maopopo ole o ke

ano ia makou o kahi hunahuna nona ke poo

"Haule i ke kai," e olelo ana penei. " I ke

ku ana mai nei o ka moku kuna San Diego,

mai kekahi mai o na aina lepo manu, aia

hoi, haule iho la oia, a iu ia i haule aku ai

i ke kai, ua ku ia iho la kona poo i kekahi

mea kanono.  Ua kukonokonu no kona

wahi i eha, aka e oluolu mai ana paha oia."

O ka makou keia e haohao loa nei, o ke poo

la owai kai ku ia i kekahi mea kanono? O

ke poo paha o ka heleuma, o ke poo la owai?

Malia no nae paha ua hoohunahuna no nae

ke Au Okao i mea no kakou e hoohoka ia ai.

U hoi o ka ihu ia.

 

Uala nui. - Ua komo mai o W. J. Kauha

ma ko makou keena, me kekahi uala nui

no Kau Hawaii mai, maluna mai nei o

Emalaina, nona na paena he 20@. Akahi

no makou a ike i ka uala nui.

 

Hu ka aka i kahi poe o Manoa. - I keaha

hoi? I keaha mai ka hoi kau.  Hele a

nalowale aku kekahi lio, "ua loaa aku la ka

lio i ka piwa;" a ina hoi e holo mai maluna

o ka lio ua hele a wiwi," he lio ia ua loaa i

ka piwa.

 

He wahi ahaaina luau. - Ma ka la 28

iho nei o Novemaba, ua haawi ae ka wahine

a Kapena Hanale W. Kaimana opio he

wahi luau maloko o ko lahou pahale ma

Nuuanu.  O na mea ai i hoomakaukau ia

ma ua ahaaina la, he mea ai Hawaii wale

no, a ua papa ia na mea i hiki ma ia luau aole

e ai ma ke ano haole, aka e miki no i ka

poi me ka lima e like me ka ai ana a na

kanaka.  I ka ai ana ua hemahema ke kioe

ana i ka poi o ka poe i maa ole, a ua hokake

aku hokake mai.

 

Hana ka wahine o Kilauea i kana hana.

- Ma ka la 12 o Noemaba nei, ua hele aku

makou e nana i ka hana a ka wahine o Kilauea.

I ko makou hiki ana aku i laila, he

me e ko makou makau no ka nui mai o ke

ahi. Ua nui no ka olioli o kekahi poe, a ua

makau kekahi poe, no ka nui o ke ahi; ua

puni kona kihapai i ke ahi, mai ka Hikina

a i ke Komohana, ma ka Akau a i ka Hema.

  Ke kau leo aku nei au i na keiki puukani

o na aina e, e naue mai, i ike pono, i pau ai

ke kuhihewa.  W. M. Kamaluokehua.

Kau, Hawaii, Nov. 13, 1866.

 

Ua minmina makou i ke komo ole ma keia

pepa o ka hihia nui i hana ia i mua o

Hon. Robata G. Davis, ka Hoa Lunakanawai

alua o ka o ka Aha Kiekie no ka hihia

a Makuaole kanaka Hawaii i hoopii ai ia

Kapen Hoamana (Homan) o ka moku Cornelius

Howland (Kolanerio Haulani.). He

nui loa na la o ka hookolokoloia ana o keia

hihia a o ke kokoke no keia e pau o keia

pule.  Ina e hookokoke ia mai e hoopuka

koke no makou.  He hoopii keia na Makuaole,

no kona hoohana ia ana iloko o ka wa

mai a me ka moku ana o kona mau manamana

wawae ekolu.

 

Ko Kauka Poka la hoolewa. - Ma ka

auina la o ka la Sabati i naue ae nei, laweia

ae la maloko o ka Halepule ma Polelewa ke

kino kupapau o ke Kauka make.  Ia Rev.

S. C. Demona oia luakini no ka haiolelo

hoolewa, a me kona paipai i kona ohana a

me na kini makamaka i akoakoa mai.  Ua

hiki ae malaila ka hui Hoomanamana (Free

Mason) me ko lakou mau kahiko kanikau

me na hoailona oia hui.  I ka pau ana o ka

haiolelo a me ka pule, ua laweia aku kona

kino kupapau maluna o ke kaa i hoomakaukauia

nona, a ua hoomaka koke ka hoonoho

ana i ka huakai hoolewa.  Ua ukali ia kana

huakai hope ma keia ao e na kini makamaka

a me na hoalauna a pau i kamaaina iaia.

Mai Polelewa aku, ua lawe pololei ia aku

mauka o ka pa kanu kupapau ma Maemae.

I ka hiki ana ma ke kaa me ke kae o ka lua,

ua hanaia na mea ano huna a ka hui a i kupono

paha no ia mea i hala aku la.

 

Ka hihia o ka aina ma Waikaloa Hawaii.

- I ka Poakahi iho nei, ua hoopuka ia mai

ka olelo hooholo a ke Komisina Palena aina

no ka hihia mawaena o Geo. Y. Davida Hueu

kue ia Keoni Paka.  O ke ano nui o keia

hihia, ua hookeke aku o Keoni Paka i ka

palena o Paauhau e komo aku iloko o Waikoloa,

mamuli o ka hahai ana a na kamaaina.

Ua hoole loa aku o Hueu ke konohiki

o Waikoloa, a ua hookeke mai no hoi na

Komisina o na aina Moi me ka manao e komo

aku ke Ahupuaa o Waimea iloko o

Waikoloa.  He hihia nui keia i hanaia ma

Waimea, a malaila i hoike ia na olelo ike a

na hoike.  Ua waiho ia ka hooholo ana i

keia hihia a hiki ma Honolulu, a ma ka la i

hai ia maluna, ua hai mai ke Komisina

palena aina i ke kuleana ole o Paauhau e

komo aku ai i Waikoloa.  Ua kae ka hoopii a

na Komisina aina Moi, a e puka koke ana

no nae.  O ka aina o Waikoloa he aina

nui no ia pela ka lohe, me he mea la

mawaena o ke 87,000 ka nui o na eka.

 

Ke kino Kupapau o Hanale Kalaka. -

Ma ka la 18 o Novemaba, ua hoolewa ia ke

kino kupapau o Hanale Kalaka, ka haole i

pepehi mainoino loa ia mai nei ma Kona

Hema.  Ua lawe ia kona kino maloko o ka

halepule ma Kona Waena, a ua piha loa o

loko i na haole a me na kanaka.  Ia Rev. J.

D. Parisa ka haiolelo no ka mea i make.

Ua lohe wale mai makou, ua lawe paha ua

haole la i ka wahine a kekahi kanaka oia

wahi, a no ia kumu paha ka pepehi ia ana.

Aole no i make loa ua Kalaka nei i ka wa i

pepehi ia ai, pela ka manao a kekahi poe,

aka me he mea la o ka pau wale ana no i ke

ahi ka mea i make ai.  Ua a ae ke ahi mai

ke kukui ae a na pepehi kanaka i kinai ai

a holo aku.  Maia hope iho, ua hoeu ae ka

Luna makai Neville e imi i ka poe nana i

pepehi, a mahope iho, o kekahi mau la, loaa

iho la na pepehi kanaka o Kahuliko laua me

Paakaula.  Ma ke ku ana mai nei o ke Kilauea

i ka Poaono aku nei i hala, ua lawe

pu ia mai laua me na lima e paa ana i ka

hao.  E kali ana laua no ka hookolokoloia.

 

Make - Ma ka wanao o ka la 21 o Novemaba,

make o David Hoapili keiki muli

loa a J. G. Hoapili Lunakanawai o Kona

Hawaii, ma Kahaluu, Kona Akau, a ke waiho

nei ka ukana luuluu a ke aloha maluna

o na makua.

 

Pai Hewaia. - Ma ka pepa o kela pule

aku nei, ua paiia kekahi manao no ka hoike

o na kula Sabati o Makawao ma, nona ke

poo "hoike ! Ahaaina."  Eia ka mea i pai

hewaia: Poakahi la 18 o Dekemaba e hoike

ai, eia ka pono, Poakolu la 19 o Dekemaba.

 

Ma ka po Poaono aku nei i hala, ua kuai

kudala ia ae maloko o ka Hale Kudala o

C. S. Bato ma Alanui Moiwahine na buke

a me na kii o kela ano keia ano.  Malaila

na ano buke i kupono no ka makemake o

kekahi poe.

 

He leta no Fatuhiwa mai. - Ua loaa mai

ia makou he leta mai ia Z. Hapuku mai o

Atuona Hivaoa, i kakauia i ka la 25 o Nov.

1865, e hai mai ana, i kona aloha ia Kauka

Kulika a me na Ekalesia a pau o Hawaii

nei.  Eia kekahi, o na kamaaina o kona

kahawai, aole hana pono, he kaua, inu rama

a me ka powa malu i kanaka; i ka wa i

kakauia ai keia leta.  Eia kahi aole pilikia o

ko lakou mau kino.

 

Heihei paha auanei. - I ka Poakahi iho

nei, ua holo like aku i Kapalakiko elua mau

moku o D. C. Mare a ne Monita.  O ka moku

hope hookahi ona hora o ka holo e ana

mamua o Mare.  I ka hoopuka ana aku o

Mare, ua hoolealea ae kekahi poe ma ke

kakaolelo ana, e ku e ana o Mare mamua

o ke ku ana o Monita.  Aohe i akaka, no

ka mea eia no kakou i ka mole o Lehua,

aohe i ike ia aku.

 

Na dala o Hoku Ao i loaa mai. - Mai a

Rev. E. Bona mai o Kohala, he $35.00;

Rev. J Waiamau o Lihue Kauai he $5.00;

Rev. S. C. Luhiau, o Kohala Komohana, he

$3.50; Rev. Z. Poli o Waikane Oahu he $2.37;

Rev. J. Bikanele o Ewa Oahu he $3.75;

Rev. E. Ioane o Waioli Kauai he $1.75;

Rev. E. Helekunihi o Koolau Kauai e $3.25;

ko Kawaiahao he $18.37; ko Waialua he

$13.00; huiia na mea a pau i loaa mai he

$89.36.  Ea,  hoi na dala o kekah

mau wahi e ae? ahea hoouna mai?  O ka

wa kaawale no keia.

 

He kula Paio. - Ma ka po o ka la 20 o

Novemaba, ua hoala ae kekahi poe o ke

kaona nei he ahahui kula paio.  O ke kumu i

hoala ia ai keia ahahui i mea e hoomaamaa

ai i ke kamailio ana a me ka wehewehe ana

i na kumumanao i hooholo like ia e ka hui.

Ua akoakoa ae malaila he umikumamalima

lala, a ua koho koke ia ka Luna Hoomalu,

ke kakauolelo, a he mau komite imi Kumukanawai

no ia ahahui.  E halawai hou ana

ia aha ma ka hora 7 o ka po Poaha e hike

mai ana, Dekemaba 6.  Ua makemakeia ka

poe e hialaai ana e hele mai e komo pu

me ia poe i akoakoa mua.

 

He olai ma Honolulu nei. - He hapaha

hora paha mamua ae o ke kaniana o ka

hora 1 o ka po Poakahi iho nei aia hoi, ua

hoohikilele ia kekahi poe o ke kaona nei

mamuli o ka halulu kupanaha a me ka

nakolokolo ana o na hale.  O ka poe a pau i

pauhia e ka hiamoe, ua hoala ia ae lakou no

ka akahi a ike i keia mea kupanaha i hoike

ia mai i ka wa o na kanaka e moe ana.  Ma

kekahi mau hale ua pau na pa i ka nahaha,

a ma kekahi mau hale hoi, ua hoonakeke ia

mai na wahi paipu.  He lohe olelo wale

mai hoi ua hike ke olai ma Waimea, a akahi

hoi a ikemaka i ua olai nei.  O kahi

ikaika loa o ke olai i ka makou lohe mai o

kahi hale e pili loa la i ke ae-kai ma

Kaholoakeahole.  Pehe aku la la hoi na wahi

e ae o ka mokupuni Oahu nei?

 

Ka La Kuokoa o Hawaii nei. - O ka Poakolu

i hala iho nei, la 28 o Novemaba, eia

no ka la i Kuokoa mai ai ke Aupuni Hawaii

nei mai na mana mai o na Aupuni nui o

Beretania a me Farani.  Ma ia la o ka makahiki

1843, ua hui ae na mana nui o Beritania

a me Farani e kuka no ka hookuokoa

ana i keia Aupuni, a ua hooholo laua a ua

loaa mai ia kakou keia noho kuokoa ana.

Aia ka mokupuni nui o Nu Holani ke noho

la malalo o na mana o Beritania Nui, aka,

o kakou, ua olioli loa, a he hiki ke kuena

ae, aia kakou maloko o ka heluna o na Aupuni

Kuokoa malalo o ka la.  He nui wale

o na mokupuni i like me kakou, ke ano e

noho mai nei malalo o na hookuapapa nui a

ko lakou mau mana maluna iho, aka o Hawaii

nei, ke noho laelae nei me ka mana ole

nana e pai iho maluna o kona poo.  Nolaila

o ka hoomanao ana o na puuwai Hawaii

mai ka Hikina a ke Komohana o keia Pae

aina i keia la, aohe no ia he mea iki, aka he

mea nui ia, a e paa kakou i ka olelo kumu

o ko kakou nei Aupuni.  "E mau ka ea o

ka aina i ka pono."  O ka loaa ana o keia

Kuokoa, aole no me na maka o na pahi kaua

a me na waha o na pu, aka i noho laelae

wale ia no, a maluna o ka Mea e noho ana

maluna o ka noho Alii nui, ka hooikaika ia

ana a me ka hilinai nui ia ana, a nolaila

mai kuhihewa kakou o ka inu ana i na wai

hoohehena kino ka mea e mau ai ke Kuaokoa

ana, aole pela.  O ka Poakolu i hala aku nei,

oia no ka la i hiki ai kakou i ka 23 na

makahiki, o ka hoomanao ana.  Ua hookani

ia ma he 21 pu mai ka puu mai o Puowina,

ua maluhia ka la mai ka kakahiaka a po.

 

            English Column.

 

            FOREIGN NEWS.

 

            Mexico.

 

An import feature of the news is the

announcement of an arrangement for an

American protectorate in Mexico.  The rising

importance of the Colorado river as a highway

of trade would justify the United States

Government in negotiating for the cession of

both Lower California and Sonora.

 

Carlotta, wife of Maximilian, is insane.

At Rome, she sought shelter in the Vatican

from imaginary assassins.  The Pope

provided for the unfortunate woman, and

she was subsequently removed to

Miramar.  Her condition is decided to be

hopeless.  Maximilian will probably return

in an Austrian frigate, which has already been

sent from Trieste by the Emperor

Francis Joseph.  It is said twenty French

war steamers will leave for Mexico in

November to bring home the entire French force

now in that country.

 

            Canada.

The Fenian Circles of the Atlantic States

are greatly excited over the news from

Canada.  Colonel Lynch, of Louisville, who was

one of the leaders of the Fenian raid on Fort

Erie, and who was captured at that time,

has been convicted in a civil Court and

sentenced to be hung on the 13th of December.

Secretary Seward sent a remonstrance to

Sir Frederick Bruce, British Minister at

Washington, against the proposed executions.

 

            Europe.

The Reform agitation increases in England.

It is apparent that the preasure of

public opinion will be too severe for the Derby

Ministry.  This time the reformers go to the

bed-rock and insist upon manhood suffrage.

 

Trouble appears to be frewing between

Prussia and Austria.  Bismarck has complained

of the license allowed the Vienna

press, and Francis Joseph responds that the

press is free in Austria.  Correspondence

from Vienna, in the latest New York journals,

represents that bitter feeling against Prussia

pervades all classes in Austria, and the

military men are anxious to get an opportunity

to reverse the verdict of Sadowa.

 

An attempt was make to shoot the Emperor

Francis Joseph at Prague, Capital of Bohemia.

The assassin was arrested, in time

to prevent the crime, by an Englishman.

Bohemia has been devastated and

impoverished, and thousands of her people are

in a desperate condition.

 

It is reported that there is a scheme in

preparation to proclaim the King of Prussia

Emperor of Germany.

 

On the 11th of October a dispatch was

received from the Prussian Embassy, stating

that Napoleon's recovery was impossible.

Few events would create a more profound

sensation or be attonded with more important

consequences than the death of the French

Emperor.

 

The Cretans seem to be making a gallant

fight.  By way of Florence we have intelligence

that another battle was fought on

October 17th, resulting in the repulse of

the Turks.

 

                        NU HOU KUWAHO

 

O na nupepa i paiia ma Kapalakiko ma

ka la 3 o Novemaba, ua hiki mai ma ka

moku kiapa Cometa.

 

            Amerika Komohana

Ua oleloia he nui loa ke poho o na kalepa

ma Vitoria, a ke haalele nui nei lakou.  Ua

nui ka ulu ana o ka palaoa ma Kaleponia i

keia makahiki, a ua makaukau lakou e hooili

aku i na aina kuwaho i na busela he

12,000,000.  Ke hana ikaika ia nei ke alanui

koa mahu Pakifika e hele ai mai Kapalakiko

a na Mokuaina Hikina, ua kokoke

hala ka poe lalani kuahiwi mua oia ka

Siera Nevada.  Mai ka Hikina mai no hoi

ka hana ana, a ua aneane paa na mile he

600 ma ke Komohana o ka muliwai misisipi.

Ua 10,000 paha a keu na paahana; hookahi

mila a me ka hapaha ka lihi o kahi i paa i

ka la hookahi.

            Mekiko.

Ke oleloia ne@ hoolilo ia Mekiko malalo o

Amerika Huipuia, aole ma ke ano lilo loa,

he kuokoa no ke aupuni o Mekiko, aka ia

Amerika Huipuia ka malama a kokua i ole

hoopilikia ia mai e na aupuni e ae, a i mea

hoi e kukulu paa ia ai ke aupuni i ole e poino

i na kipi kuloko.  Oiai he aina haunaele

pinepine o Mekiko, he mea pono pahi ia,

i ka nana'ku nae, aole i maluhia loa na

mokuaina Hema, a pehea e malama pono loa

ai o Amerika i kekahi aina hou aku.

 

O Carelota, ka wahine a Mekemiliana,

eia ka i hele i Europa e koi ia Napoliona e

kokua mai i ke kane ana, ua pupule, no ka

nui loa o kona mau pilikia.  I ka hale alii o

ka Pope ma Roma, ma ka Vaticana, malaila

kahi i loohia ai i keia mea, a ua laweia aku

a i ka hale noho alii kahiko o kana kane, ma

Mirimara ma na kapakai o ke Kaikuono o

Venike, malaila e noho malie ai a hoi aku

ke kane mai Mekiko aku.  Ua holo mai na

moku Farani he iwakalua i Verakeruke e

hoihoi aku i na koa Farani mai Mekiko aku a

ko lakou aina ponoi.  Ka hope o ka lalau.

 

            Amerika Hikina.

 

Ua hookolokolo ia kekahi o na Kenela

Feniana i hoouka kaua aku ai ia Kanada, a

ua kau kanawai ia e lua ma ka la 13 o

Dekemaba.  Pii ke kai i na Feniana o Amerika

Huipuia i ka lohe ana i keia.  Ua makaukau

paha lakou e kaua hou aku. Ua palapala

aku ke Kakauolelo o na aina e, o

Sawada i ke Kuhina noho Beritania, e koi

ana, e kala i ua lawehala la, o nui loa auanei

ka huhu o na Irelani ma Amerika.

 

            Enelani.

 

Ke koi nui nei na makaainana o Enelani,

e haawi i ke koho balota i na kanaka makua

a pau.  I ka nana 'ku e hemo ana paha na

Kuhina e noho nei, a o ke koho hou mai koe

i Ahaolelo hou, e like me ka hana ma ia

aupuni, he lanakila na Luna Makaainana maluna

o na Kuhina.

 

            Maluhia ole o Europa.

 

Ua pakele mai nei ka Emepera o Auseturia,

mai make i ka poka i ki malu ia.  E

ole kekahi Berekane nana i hopu i ka mea

ia ia ka pu panapana ina ua make. Ke mau

nei ke kue-e o Auseturia a me Perusia, no ka

makemake o ko Auseturia koa e hoopau i

ko lakou hilahila ma ke kaua hou. He nuku

aka ka hana o na nupepa ma Viena ia

Perusia, he hoohalahala mai ka Bimaka

(o Perusia) a o ka pane ana aku, he free

country o Auseturia, oia hoi, aole i kau

kanawai ia na nupepa, e hoopuka ole ai lakou

i na manao a lakou i makemake ole ai.  Ua

lono wale ia e lilo ana ka Moi o Perusia i

Emepera no Keremania holookoa.

 

Ua loohia o Napoliona i kekahi mai pilikia,

a ua manaoia aole paha e ola aua, pela na

kahuna lapaau.  Heaha la ka hope ma

Farani ke make ia?

 

Ke mau nei ka wi nui ma Inia: 2500

make i ka pule hookahi.  No ka ua ole

kekahi i kela kau iho nei, no ke kanu nui i ka

pulupulu paha kekahi.

 

Ua kahea ke Kadinala o Irelani i na Katolika

Roma a pau o kela aina e haipule ma

na Maki no ke ola o ka Pope ma Roma, no

ke kokoke ana mai o kona wa pilikia.  Oiai

e haalele ana na koa Farani ia Roma, a e

lili loa paha ka mana pili i mea o ke ao

nei i ke aupuni o Italia.  Ekolu wale no

mea i koe iaia wahi a ke Kadinala, o ka

holo, o ke pio, a o ka make, ke pule ole kona

mau haumana nona.

 

Ke lanakila nei na kipi o ka mokupuni o

Kerete maluna o na Tureke, a ua noi lakou

i ke aupuni o Amerika e kokua ia lakou o

hookaumaha hou ia aunei.

 

            MARE.

 

Palau - Ikoa - Ma Honolulu, Nov. 29, maria  Rev H. H.

Pateka, o Palau k, me Ikoa w No Honolulu @.

Mr. Bila Wiliama - Mereana G. Puhipaka - Ma Waiaku,

Waimea, Hawaii, Nov. 5, mareia e Rev L. Laiana, o Bila

Wiliama k, me Meleana G@ Puhipaka w.

 

 

            HANAU

 

Nov. 6, ma Waimea, Hawaii, hanau o Kanohohookahi w, na

Kaekala me Naeole.

Nov 8, ma K@, Waimea, Hawaii, hanau o Kauwe k,

na Kamaoali me Kahookaao.

Nov 21, ma K@, Kaanapali, hanau o H@ Moku k, na

Kealoha me Kamano.

Sep. 4, ma Honolulu nei, hanau o Makanui w.

Iulai 28, ma Pulama, Puna, Hawaii, hanau o K. L Low k,

na Maria Kawaa.

Nov. 26, ma Kikii Waikiki kai hanau o Tera Mauhawa, na

Malaua me Mahuka.

 

            MAKE

 

Nov. 25, ma Kaumakapili Honolulu, make o Panelua w.

Nov 23, ma Kikihale, Honolulu, make o Kailihou Kaina k,

no Puna, Hawaii oia.

Nov 18, ma Kakaako Honolulu, make o Kaleikaa.

Nov 27, ma Kakaako Honolulu, make o D. Kahealia k.

Nov 25, ma ia wahi no make o Kahela w.

Nov 27, ma ia wahi no make o L@ w

Nov 20, ma Kahehuna Honolulu, make o Manaohe k.

Nov. 24, ma ia wahi no make o Kailihau w.

Nov. 10, ma Ma@ Honolulu, make o Kalakouli w.

Nove 10, ma Puaha, Waikiki uka, make o Kaunahuna k.

Nov. 14, ma ia wahi no make o Keanu k.

Nov. 14,  ma Kalaipohaku, Waikiki make o Kalei k.

Nov. 15, ma K@ Waikiki make o Holokaliiki w.

Nov. 15, ma ia wahi no make o Puhipuhi w.

Nov 20, ma Kapaakea Waikiki make o Ana w.

Nov. 21, ma Kamoku Waiki waena, make o Napahi k.

Nov. 20, ma Kahalepaka Waikiki waena make Kaheana@

Nov. 19, ma K@ Waikiki kai make o Kaluaikekai w.

Nov. 25, ma K@ Waikiki kai make o Palaha w.

Nov 26, ma Pawaa Waikiki kai make o Paopau w.

Nov. 2, ma W@ Hawaii, make o Haaheo w.

Nov. 13, ma Wailua Waimea Hawaii, make o Pae k.

Nov. 14, ma Paukawaiwai Waimea H. make o Petero k.

Nov. 11,  ma H@ Maui make o J. E. Kea@ k.

Nov. 21,  @ Makaka k. @

a me ka aina @

 

            OLELO HOOLAHA

KE PAPA IA AKU NEI NA MEA A         

pau o kela ano keia ano, mai @ mai oukou i kuu

wahine mare ia

            Mrs. KAOIWI

no ka mea, ua haalele kumu ole mai oia ia'u i kana hale mare

a me ko maua wahi moe; a ina e hoaie mai oukou ia ia, aohe

malama o'u ka oukou poha, maluna no ona e kii aku ai i @

i kana aie.                    KAOPUA.

Ukamehame, Maui. Nov. 27, 1866                 261-18

 

            OLELO HOOLAHA

 

E IKE AUANEI NA KANAKA A PAu

loa e nana mai ana i keia Olelo Hoolaha, o ka'u kane

mare, o

            KAULAHUKI

ka inoa, ua haalele kumu ole mai oia ia'u, a me ko maua wahi

e @ ai, i ka po loloa o ka @ a me ke kau, a ua @

hou aku no kela i wahi noho hilinai hou nona, a ua haalele ia

iho hoi au e ia. No ka ap@ paha? Nolaila, ke hoolaha nei

au i kau kane mare ma ke akea, mai @ ke kane malama ole

ka'u i ko'u kina a me ko'u mau pono kino, no ka mea, o ke

kolu keia o na makahiki o ko maua kaawale ana. I mau keiki

ka maua e ola, penei la hoi ua kuni m@. A ina paha he

wahi papalina lahilahi makua ole kana kaikamahine, ina ua

moe i kauwewe.  E hoi mai e kuu kane mare; ina e hoi ole mai

oe ma keia hope iho, e hoopu no wau ma ke Kanawai e wehe

ka pili o ka mare iwaena o kaua.  Me ke aloha i kuu kane.

                                    Mrs. KALAWEWALE.

Keanaeli, Kawaihae-uka, Hawaii, Nov 22, 1866        @@

 

            OLELO HOOLAHA

 

E IKE AUANEI OUKOU E NA Kumaka

a pau, Owau o KEONIANA, ke kane mare a

            Mrs. KAHELE.

Ua haalele kumu ole mai oia ia'u, a ua hele aku oia mamuli o

kona manao, nolaila, ke hoakaka mua aku nei au @ oukou,

mai hoaie mai oukou ia ia; a ina okoa e hoaie ia ia, malama

o oukou iho ke poho, aole au e hookaa i kona aie. A ina

he manao kona e hoi mai me a'u, e hoi mai no.

                        D. W. KEONIANA.

hONOLULU, nOV 28, 1866                         @-@

 

            He Kaa Lio ukana Kuai.

 

HOOKAHI KAA LIO ME NA

uwea hoo@ loa, e kuai ia aku no i ka poe

makemake mai o

            W. N. LADD (NUKA).

Halekuai Mea Hao, Nov. 10, 1866                 @-@

 

            KAUKA LAPAAU.

                        O

Dr. Kennedy (Kenede) kona inoa.

AIA NO KONA HALE KUAI MA

Ke Alanui Papu mauka

            HALE AUPUNI.

Honolulu                                 @

 

            Kauka Lapaau !

                        O

            A. C. BUFFUM

            KONA INOA.

 

AIA NO KONA HALE KAUKA MA @-

@ @

 

            He Peahi Nalowale !

MA KA EALE POHAKU HOU, I KE AHI

@ @

 

            Wahine haalele kane.

 

O KUU WAHINE MARE O MERE

Ann Graham, @ @

@ @

            WiILLIAM GRAHAM

@, Hawaii, Nov. @, 1866

 

HANAKAAONAANOAPAU.

UA MAKAUKAU AU MA KO'U  

HALE @

@ @

 

            OLELO HOOLAHA

KE HOIKE AKU NEI AU MA KE AKEA,

@ @

Hakuleleponi Kapakuhaili  @ Hon. C. @

@        Honolulu W. CLAUDE JONES

@

 

I KA POE MAHI

PULUPULU!

 

E KUAI NO AU I KA

PULUPULU SI AILANA

I kela manawa keia manawa

 

A PAU MA KA UKU MAKEPONO LOA.

E lawe mai ma kuu Keena Pulupulu ma

            HONOLULU NEI.

                        H. M. WINI

Honolulu, Nov 10, 1866

 

J. W. KEAWEHUNAHALA.

Loio! Loio!!

 

O KA POE MAKEMAKE I LOIO E KOKUA

ma ka Hoopii ana, a pale ana ma ke Kanawai imua o

na Aha Hookolokolo o keia Aupuni, e @

@ @

            Kikihale,

ma uka o kahi o J. KAHAI  @ e loaa no ma ka

Hale Hookolokolo @ @, Oahu.

Honolulu, Feb 9, 1866                                                @ 1y

 

E HAALELE ANA KA

Moku Ahi

"KILAUEA"

Ia Honolulu i kela Poakahi keia

            Poakahi.

Ma ka Hora 4 1/2 ponoi, (a hiki i

I ka wa e @ hou ia'ku ai) A e holo ana i

KONA, HAWAII,

A me na awa ku moku malalo iho nei

LAHAINA,

  KALEPOLEPO,

   KAWAIHAE,

    KAILUA,

     KEALAKEKUA.

Ma ka hoi ana mai, e haalele ana ia

KEALAKEKUA & KAILUA, ma ka Poakolu.

KAWAIHAE,                                    "     " po Poaha.

KALEPOLEPO, ma kakahiaka Poalima.

LAHAINA, ma ka po Poalima

            WALKER, ALLEN, & Co.

238-tf              NA EGINI

 

Halekuai Mea ai! Halekua Mea ai!

Ma ka Hale Unihiepa ma Alanui Papu.

UA HOOMAIKAI IHO NEI KA

mea non ka inoa malalo nei i ke Kulana o kona

HALEKUAI MEA AI, oia hoi, no ka hookipa

ana mai i na kanaka maoli e kalepa ana. A o kona  @ @

ka hoolako mau i na mea maikai loa a pau @

OIA HOI KEIA MALALO IHO

AILA,

 PALAOA,

  PALENA,

   KOPAA,

   PALENA LIILII,

    LAIKI,

      PIA

KOLU HOOLUU LOLE,

KAMANO,

 UWIKI KUKUI

  MEA ONO,

  KULINA,

   BALE,

ILI PALAOA AI A KA LIO, &c.

@ ana mau Kakauolelo i makaukau no ke kuai aku me na

makamaka, mai ka hora 6 o ke kakahiaka a hiki i ka hora 7 o

ke ahiahi

            Na. KAKAI (A. D. CARTWRIGHT)

Honolulu                                 @ @