Ka Nupepa Kuokoa, Volume V, Number 40, 6 ʻOkakopa 1866 — Page 1
| This text was transcribed by: | Mary Alice Kaiulani Milham |
| This work is dedicated to: | Dallas Kealiihooneiaina Mossman Vogeler |
Ka Nupepa Kuokoa
KE KILOHANA POOKELA NO KA LAHUI HAWAII.
BUKE V. HELU 40. HONOLULU. OKTOBA 6. 1866 NA HELU A PAU 253.
“KA NUPEPA KUOKOA,”
@@@KA MAU IA MA HONOLULU
I kela Poaono keia Poaono
$2.00 no na mahina he
UMIKUMAMALUA,
$1.00 no mahina eono,
ME KA HOOKAA MUA MAI.
@@@@H@LAHA—aole i oi mamua o 10 laina no ka hoo@@@@@@@@@ ana, $1.00; al@a komo ana, he $1.50; hoo@@@@@@. $2.00 E uku mua ia mai ke dala o na olelo@@@@pau e h@@unaia ana mai e pai.
@@@@@@@hapalua dala ka uku no ka aoao hookahi o ka @@@@@@,@a hoi 4 keneta no ka lalani hookahi—penei : he @@@@$@.00; 50 talani, $2.00 ; a pela @ku.
@@@@@ NA OLELO HOOLAHA—ka uku pepa, a me ka uku @@Ka@@kau, e haawila no ma ka lima o na Luna o ke @@@@, a i el@@a, e hoouna mai ia Kauka Kulika.
@@@@ PEPA A PAU K HOOKAA MUA MAI NO—aole e kaula @@@@ o kekahi haole a kanaka maoli paha, ma ka inoa o @@@@@@@ pepa ke ole e hookaa e mai mamua. E pono @@@ipoina keia mau rula, no ka mea, he emi no ka auhau @@@@@ nupepa.
A A @@K@@@@ KA NUPEPA KUOKOA—ma ke kihi hema o ka H@@ Hookipa Luina (Sailor’s Home.) O na hora hana, m@ @a eiwa o kakahiaka, a i ka ha o ke ahiahi.
L.H. KULIKA. (Luna Hoopuka)
KA “NUPEPA KUOKOA.”
Is published in Honolulu
EVERY SATUARDAY,
$2.00 per annum, or $1.00 per six
months, in advance.
ADVERTISEMENTS not exceedindg 10 lines, inserted once for $1.00; @@ or $1.50 ; and $2.00 for one month ; all advertisements must be paid for in advance.
@@@@@ will be charged 1.00 per page, or 4 cts. a line.
@@@@@@ FOR ADVERSIEMENTS, Subscriptions or Kanikaus, must be paid to any of the Agents of the Kuokoa, or may @ enclosed in a letter to the Publisher.
SUBSCRIPTIONS must be PREPAID. No names, either o foreigners or natives, will be inserted on the subscription @@ until paid for. This rule must be strictly adhered to, @@ account of the low subscription price
@@@@@ OF THE KUOKOA is in the South corner of the Sailors’Home. Office hours form 9 A.M. to 4 P.M.
L.H. GULICK.
Publisher
@@ Volume I, II, and III of the KUOKOA, bound, for sale, @@ each.
@@ Persons having complete sets of the above, can have @ bound by paying $2.00 each.
HE MOKU HOLO MAU
No Lahaina, a me Makena.
KE KUNA KALEPA PAA
maikai
“Kate Lee.”
Fountain ke Kapena,
E HOLO MAU LOA ANA, A HIKI MAI
a hoi ma na Awa i olelo ia maluna. No pa ukana a me @@ e nina i ke Kapena ma ka moku, a i ole ia ia
C. BREWER & co. (BURUA MA)
No Hilo.
KA MOKU KUNA
“MELE HILO,”
Sebastian ke Kapena.
E HOLO MAU ANA KEIA MOKU I KE
Awa maluna, no na ukana a me na ohua e ninau ia
HULIPAHU, (L.L.TORBERT.)
No Hana, Kaupo, a me Maliko.
KA MOKU KUNA
‘MANUOKAWAI,’
Merchant ke Kapena.
@HOLO MAU ANA KEIA MOKU I NA
Awa I haiia maluna. No na ukana a me na ohua, e ni@
C. BREWER &co. (BURUA MA)
Olelo Hoolaha
-A KA-
AHAHUI HOOHOLO MOKUAHI
-A-
@OKU MAOLI KULOKO
-O KO-
Hawaii Pae Aina
-
KA MOKU KUNA MAIKAI
Alabani,
@a@, e holo ana i Kawaihae. a me Kona, ma ka @@ a mamua a@ paha, la 10 o keia malama.
KE KUNA KALEPA
Neti Mela
@ mau ana i Lahaina. a e Maalaea,
na mea i koe, e ninau ia Kapena Mokina, a i ole ia, ia
@@ GREEN & CO.,
A.H.M.K.H.
W. KEAWEHUNAHALA.
Loio! Loio!!
KA POE MAKEMAKE I LOIO E KO@@ ma ka Hoopai ana, a pale ana ma ke Kanawai imua o A@ H@@@l@kolo o keia Aupuni, e kii keke i ka mea nona @@@ @@@ ae la maluna ; a e loaa no oia ma koua Hale no@
Kikihale,
@A@ kani o J. KAHAI Esqr., a i ole ia, e loaa no ma ka H@@@@@ i Honolulu, Oahu.
@@@@. Feb. 9, 1866 219-ly
Buke i Pai ia e ka Papa Hawaii.
@ia na buke kuai, a me ke kumukuai.
ala nui no na Awai o na Halepule. $4 00
Ohana, ano nui, me na kii, } { $2 50
a me na Moohana, } { $5 00
Ohana uuku iho, me na Moo- } $1 00
hana, ile ulaula,
Ohana, me na Moohana wale no, 62 1/2
Okoa, 50
@ha Kahiko, i paiia i ka M.H. 1838, 25
@ha Hou, me ka pepa lahilahi o waho, 12 1/2
@ha Hou, hapa haole (Haw. Eng.) 25
@ 25
Malihini Ana, 25
@ewehehala, 25
Hawaii, 25
o ke Akua Ano, 25
Kamalii, 25
@mua Hou, 12 1/2
ele Ekalesia, 50
@ Palapala Hemolele, 25
@oi Hawaii me na Leo Mele, 1834, 25
@uaoike, 12 1/2
amalii nona Kula Sabati 12 1/2
@ Leomele 12 1/2
@ina Kamalii, Buke 1, a me 2, 12 1/2
ana Kamalii, Buke elua i huiia, 25
Eia na buke i haawi wale ia.
ina Bibala
@avida Malo Kumumanao.
@lelo Ao Liilii.
@oolelo Batimea Puaaiki.
L.H. Kulika.
@oleleo o ka Papa Hooko o ka Ahahui Euanelio o Hawaii.
Ka Aina o Palestina.
HELU 19
KA AI A ME NA MEA AAHU.
O ka mea i ha@aia’i ka lole o ka poe Iseraela, oia hoi na lole i hai mua ia aku nei i ka Helu 13, ua hanaia na lole o lo
ko me ka olona, oia hoi ka lilina ume naau, aka, o ka lole iho o waho loa, ua hana ia me ka huluhipa i ulana ia. Ua kaulana ko Aigupita poe no ke akamai i ka hana lole o kela ano keia ano. A mai loko mai olaila i ike ai ka poe Iseraela i ka hana lole ana, a ua maopopo no, oia iua loaa ia lakou kela ano keia ano lole ma ka waonahele, ma na ano o na hale lole, a me ka lole o ke kahuna nui. E nana ma Puk. 26 : 28; a ma ka heluhelu ana ma ka Palapala Hemolele, ua hai ia mai, ua ikaika loa lakou i ka imi ana a me ke ao ana i ka hana lole a maikai loa. E nana ma Puk. 35 : 35; 38; 23; Lunak. 5 30. Ua kaulana loa kekahi poe ohana o Iuda no ke akamai loa i ka hana lole, oia hoi ka lilina makalii loa. 1 Oihanalii 4 : 21. O na lole makemake loa ia e ka poe Iseraela, o ka lole ulaula, keokeo, uliuli, a me kekahi mau lole nani loa i hele kela a “ahu kinohinohi.”
Ma na mea hoohalikelike o ko ka Hikina poe, ua ike iho kekahi poe, he komo palule no ka poe Iseraela malolo o ko lakou mau kapa loloa. O ka lole wawae lilina puhauhau, e komo mau ia ai e ka poe o ka hikina, ua komo no ka poe kahuna nui ia lole a me kekahi poe e ae paha , Puk. 28 : 42. I ka wa mamua he akake loa iluna keia mau lole aohe i hiki iho i na kuli, aka ma ia hope mai, ua hiki loa iho ka loihi i na puupuu wawae.
Elua a no kaei, o kekahi he kaei ili lula, 2 Nalii 1 : 8; Mat. 3 : 4. O keia iho la ke ano o kekahi kaei, a o kekahi hoi ua hanaia me ke olona makalii, he ololi wale no, a ina oe e makemake e kaei ae me ia kaei, alaila o ka wili no a puni, a puni hou, a puni hou no, aia no ke oki a paa pono ka puhaka; Ier. 13 : 1. A maloko no o keia kaei e lawe ai ia poe i ka lakou moni dala, a me kekahi mau mea makamae e ae, a o ka olelo i olelo ai, he aa moni, oia no na kaei, ma kekahi mau mea, 2 Lun. 18 : 11; Mat. 10. 9; Mar 6 : 8. Ina paha oukou e nana aku ma 2 Sam. 20 8; a malaila e ike ia ai he kaei ko Ioba, a pela no hoi ko ka Hikina poe, aka aole paha i akaka lea ko keia.
Aohe kaukini o ko laila poe e komo ai, he hele wale iho no aohe kamaa, aka i ka hooilo, a i ole ia he huakai kaapuni paha, aka o kekahi hapa no o na kanaka he komo no lakou i na kamaa ili malalo wale no o kapuai, oia ko lakou kamaa e hele ai mawaho, aka, i ko lakou wa e kanikau ai, aohe lakou e komo ana i keia mau kamaa, o keia mau mea na mea i kapa ia ai he “kamaa,” ma ko kakou mau Baibala. Ua hanaia keia mau kamaa me na ili pepeekue, i like no ke ano me ke kapuai olalo o ka wawae, a ua hoopaa ia me na kaula ili, a paa loa i ka wawae. E nana aku ma Kin. 14 : 23; Puk, 12 : 11; Is. 5 : 27; Mat. 3 : 11; 10; &c. O ka mea maa ia lakou, o ka wehe i ko lakou mau kamaa, i ko lakou wa e komo ai iloko o ka hale, a kapae ae mawaho, e like me ka mea maa i ko ka Hikina poe. E nana aku ma Puk. 3 : 5; Kanawail. 25 : 9; Ruk. 4 :7; 8 Is. 20 : 4 Ezek. 24 : 17. O ka hana hoi a na kauwa, o ka wehe a me ka malama i na kamaa o ko lakou mau haku, Mat. 3 : 11 Mar. 1 : 7. Ina e hiki ana i kekahi wa ahaaina, e ike auanei oukou, ina o oukou kekahi o ka poe e kono ia mai i ua ahaaina’la, i ka holoi ia o na wawae o oukou, e na kauwa a ke mea nona ka ahaaina, oiai o ko laila hana maa ia ma ia wahi, a ina no he kanaka hanohano kehahi, na ka mea nana ka ahaaina e holoi i kona mau kapuai, Aia ma Kin, 18 : 4; Luk. 7 : 44.
He mea kapu loa i ko ka Iseraela poe ka ako ana i ka lauoho a me ka umiumi. mamua aku; he kahi mau ia ke poo, (o ka lauoho nae) me ko pahi umiumi, aka, he hewa loa ia mea, koe nae ka poe Nazaleta, Nab. 6 : 5; Lun. 13 ; 7; 16; 17. O ke kanaka lauoho nui, a manoanoa, oia kanaka ke mahalo nui ia; Sam. 14 : 25; ke mele a Sol. 5 : 11. Oke kahiana i ka lauoho, he hana nui no ia a lakou e hana ai; o ka hana i ka aila, hele kela a lile, pela no hoi ke kahi ana, aia no i ka noke a maikai loa, he nui ka lakou mau hana e hana ai i mea e ui ai a e maikai ai no hoi ke nana ia aku, aia nae ka hana a maikai loa ina e hele ana i ka ahaaina olioli, alaila, e hao auanei ua poe’la i ka lauoho o lakou a ku ka pii 2 Sam. 14 : 2; Is. 3 : 24; Mat. 6 : 17; Luk. 7: 46. O ka ohule ana i ka wa opiopio o ke kanaka, he mea hoowahawaha loa ia ia. 1 Nalii 2 :23; Is. 3 : 24; Ier. 47 : 5. O ka umiumi oia ka hoailona o ke kanaka makua, a he mea mahalo loa ia ia mea e ka poe Iseraela. O ka ako ana, o ke kuha ana, o ka huki ana, a o ka hoopa ana aku i ka umiumi he mea kapu loa ia ia lakou, ina e hana aku kekahi mea i ka umiumi o kekahi, e like me na mea i hai ia ae nei maluna, alaila, o ka hakaka no ko laua hope, aka hoi, ina e aloha aku ana kekahi i kekahi, alaila, aohe hewa ke huki iho ma ka umiumi. 2 Sam, 10 : 4; 6; 1 Oihanal. 19 : 3; 6; Is. 7 :20; a ina e hanaino kekahi i kona umiumi, he hoailona ia o kona huhu, a i ole ia, he kaumaha a he ehaeha paha kona; 1 Sam. 21 : 13; 2 Sam. 19 : 24; Is. 15 : 2.
O ka mea maa ia lakou ina e hele ana, o ka hele me ke kookoo; Kin. 32 : 10; 38; 18; Puk. 12 : 11; 2 Nalii 4 : 29; Mar. 6 : 8; &c. O na koolima kekahi namana lima. Ma na komo o kela mea keia mea, ua kakau wale ia no i ka inoa okela mea komo keia mea komo. Kino 41 : 42; Esetera, 3 : 10; 12; 8; 2; Dan. 5 : 9;13; 17.
Aihue! Aihue!!
Holina! Holina!! Aue ka aihue e!!! E na hoa heluhelu o ka Nupepa Kuokoa, ke poe e hoonuu ana i na hunahuna i haule iho mai ka papa aina mai a na Keonimana. Nani ko kakou lohe pinepine i ka leo holina e pae mai nei! No ke aha no la hoi ka makau ole o ka poe aihue; a ke aihue mai nei no. Ua lehulehu loa na kanaka i hoopaa ia ma Kawa no ka aihue, a eia ae no kahi poe ke noho mai nei. Ua nui no paha ka mlama ana a ka mea waiwai i kona waiwai; aka, i kona hoohemahema iki ana ae o ka lilo no ia i ka aihue ia. Ua maa paha oukou i ka hopu ana i na aihue, malia he poe makai kekahi o oukou, a e ake o ka loaa ae o ka lawehala helu ka mahina. Owau no hoi kekahi e ake nui nei e loaa ona wahi aihue na’u a o ka’u no hoi ia e hoomakaualii nei aohe no a loaa iki.
I kekahi la, lohe aku la wau i ka uwa ana mai o na kanaka o kekahi hale; “auwe ua aihue ia ko makou hale.” Ninaninau pono loa aku la wau, i ka wa hea i aihue ia ai, hai mai la lakou, “i ka po nei.” Ia po iho hoomakakiu au no kuu manao e hiki mai ana paha i ko makou hale. Oi kali wale au a—aohe hiki mai, lohe ia mai la ua hiki ae ma kekahi hale e.
Pinepine loa na la o ko’u hoomakakiu ana e loaa ia’u keia wahi aihue; aka aole @ae he loaa iki. O kahi apiki loa no ia i keia wahi aihue o ka ike ole ia, aka nae ua pau loa ka makou mau mea makamae i ka aihue ia. E ake ana nae au o ka loaa ia’u a ina e loaa, aole au e lawe ana imua o na Lunakanawai, aka pepehi e ia no e au; no ka hele a ukiuki i ke kolohe launa ole o nei wahi aihue.
I kekahi la mamua aku nei, lohe aku la wau he wahi kanaka o Piikekai ka kona inoa e kuhea hele mai ana i ka lilo ana i ka lilo ana o kona waiwai i ka aihue ia. I kuu lohe ana i keia, hele mai la ko’u ukiuki a nui, me kuu manao iho ina maoli e loaa ana keia wahi aihue, alaila, kamumu ka auwae i ka puupuu. Manao no nae au e kii ia Mika Papa, a me kekahi mau makai e ae; aka hoi, no kuu makemake loa no e loaa pono ia’u, hoomanwanui no au i ka hoomakaulii ana, aole no hoe wahi mea a loaa iki. Noho aku no wau naua, aole e ike ia aku ua wahi aihue nei, eia nae o ka lilo ana ka mea i ike ia aku. Ina ma ke alo no kahi i waiho ai o ka waiwai, lilo no i nei wahi aihue; aole e pakele, aole nae e ike ia aku ua wahi aihue nei. i ko’u manao wale ana no, ua komo paha i kela kapa pouli, a o ka mea la ia i ike ole ia ai.
Ke hoopohala wale mai nei no paha oukou i k’au e olelo nei, a ke hookuekue maka nui mai nei paha kekahi me ka manao iho he wahahee wale no ka’u mau olelo. Alia kakou e lilo koke ma ka huhu, aka, e naau alii iho, a e kali hoi i ka inaina i hololea ai ka kakou kamailio ana.
I kekahi mau la i kaa hope ae nei, lohe ia mai la ke komo ia aua o ka Pa Alii Iolani e ka aihue. Nui ka poe i naue ae malaila e kahea ana me ka leo nui, “ua aihue ia.” Ia manawa noonoo wale no au i ka mea e loaa ai o kela aihue, a hoomkaualii no hoi au i ka po a me ke ao, aole wahi mea a loaa iho. Ina no la hoi e ike ia aku ana ina no la hoi ua hiki, a malia o nanea wale iho no, paa i ka hopu ia.
E o’u mau hoa, e manao io mai paha uanei oukou he kanaka aihue io ka’u e olelo aku nei. Aole he kanaka, aka, he mea e loa no, a he aihue nae i oi aku ke akamai mamua o na aihue e ae a pau o ke ao nei.
Aole no paha oukou e nele i ka hoomanao ana ae i keai, “me he aihue la ka la o ka Haku ke hiki mai,” wahi a ka Baibala. He oiaio, he aihue nui ka make, e lawe ana i ke ola o na kanaka, pau na mea nui a me na mea liilii, pau na kanaka a me na holoholona, aohe mea koe i ka make. Kiei mai la ua wahi aihue nei ma ka puka aniani o ke kanaka a ike mai la e noho nanea wale ana no; o ke komo mai la no ia a aihue aku la i ka waiwai o ua kanaka nei. Nolaila, he aiue ike ole ia ka make, e lawe ana i ke ola, a koe iho ke kino lepo, e waiho oni ole. E pono ka hoomakaukau mua i mau mea eha, i kiei mai ai ua wahi aihue nei a ike alaila, aole e komo mai e aihue. E hopu ia Iesu, a me Ia e pale aku ai i na aihue nei, alaila aole make e hiki mai, aka, he ola mau ma ke Aupuni Lani.
Ua nui ae nei kuu mau la,
Ua mae hoi me he mauu la.
L. LOKOINO
Na Koo o ke Kuokoa
Ia oe ke luna nupepa Kuokoa o ka lahui Hawaii ka halialia manao aloha, no ke mea, o ke poo e kau ae la, oia no ka hanuu mua o na manao e haina’ na malalo ae nei. A nolaila ke noi haahaa nei au ia oe, e ae oluolu mai ia’u i ka hahai ana, a me ka wehewehe ana ia oe no na mea ia la e waha lelo mai la.
No ka mea, ua ike au ma ke Au Okoa o o ka la 27 o Aug. aku la, ma kona poe kumu manao; “He Ekalesia i hoowahawaha nuiia.” Mahalo maoli au ia poo kumu manao, oia ka’u ia oe ke hoa o ua aina la wela nei o nei mau la, a ma ia poo kumu manao a ua o ia la, malaila kaua e hai olelo ike ae ai. No ka mea, ua manao paha o ia la na kaua a na kakou wale. Oia i hoowahwaha wahi ana, oia he kumu mua o kona mau manao a pau i hookumu ai alaila hahai ae la i kana mau haina a pau iho la ma ka la 17 aku la o Sept. hoi, a ua kau inoa ia, oia keia, J. Kaimiola.
A i loko o ia hahai ana, ua ahewa e ua o ia la no ke ao hewa o ka aoao mua nana oia i ao wale ana, no ka pau loa ana o ka poe i ka make, oia a haumana a ka Haku Iesu i lawe mai ai no Kalilaia o na kanaka e e noho ana i loko o ka pouli. A me he la o ka pau loa no ia i ka make aohe poe Lunaolelo e ae a pela mai, aia ia mau haina ma ke Au Okoa o ka la 17 mai. Aka e hoi hou ae au a e hahai aku ia oe ma ke Au Okoa o ka la 27 na kuhikuhi ae oia ma Mat. 24, 4.5. A ia‘u i nana ‘e ai ia mau pauku, me he me e i mai ana me he aoao hoomana hoopunipuui la ua aoao mua nei a ina paha o ka ia la ano maoli ia la, alaila ke olelo aku nei au ia oe, i hoolilo a na ka paha oia la i ko hope no mua a me ko mua no hope. A nolaila ke ninau nei au ia oe. Ua kupono anei ia haina a ia la? i na pela ke ano? He hiki no paha oe ke olelo mai no keia mea, Aole pela ko’u manao. A ina pela ka ia la, a pela hoi kau, alila ke i aku nei au, o kau haina ka pono, he lalau ka ia ia he hana Uhane oiaio ole mai ka Mamona mai. E aho na ka Moremona e olela pela, na ka mea i hiki mua mai o ia la.
Aka, aole i ae ke Aupuni ia Moremona, no ke aha hoi? no kona ae ana e mare lehulehu kana mau Kumu a me kana mau Haumana a pela e oleloia oia, He Ekalesia moekalohe ma ke kanawai 7 oia ano Puk. 20, 13. A pela hoi ua o ia la ma ia ano no ma ke kanawai mua a me ka lua, Puk. 3. 4. & 13. oia ke kanawai 9. A o keai mau kanawai a pau he 10 no ka Lani mai, ia mau mea pela no ia mau mea e kupaa mau loa ‘na a hala e ae ka Lani nei a me keia ao wahi a Iesu ka Haku. Mat. 5. 17-20, 33 : 7 15-20. A ma keia mau P. e ike ai kakou i ka pili pono o ia mau haina, aia no ia maluna o ka poe e a ahu ana me na kapa loloa hulu hipa me ko Aarona ma la. A hoi iho oe a nana ‘e ma na olelo ana oia ano no hoi, aoe wahi lilo, E waiho ae keia a e huli hou ae paha a nana ma ka haina Elua a ia la, no ka mea hoi, ua lawa ka moolelo Ekalesia i kakauia ma ia hope mai o ka make ana on na Haumana a Iesu. A ma hope mai o lakou he nui ka poe e hoike ana ua aoia mawaho ue o ke ao ana a na Luna olelo i ke ano o ko Iesu ina mea a mau mea i haalele i ke ao ana a na Lunolelo ana a pela mai wahi a ai la. A no ia mea, e pono e wehewehe iki ae paha kaua no ka ia la. A no ka mea, aole no ka ia la hahai ana ua kue, no ka mea, ua ike likeia ia mau mea a kakou a pau, a oia ka waiwai maikai i oi ae mamua o ka ike a nele i ka ike Baibala. Pela ka Haku Iesu e i ana he pono ke imi mua i ke Aupuni o ke Akua a me kana pono, alaila na hana e ae a pau e pnon ai, Luk. 12. 31.
Aka i ka nana iho nae, aole paha ko ia la manao maoli ana pela a wahi hoi au, no ka mea, e hele ana no oia ma ke ano o ka ike a me ke akamai no, a nolaila ke hahai mai nei no hoi i na haina hai manawa mai A.D. 120-553. o ka hoonohonoho ana o na moolelo Ekalesia, e like me ka haina a ia la maluna ‘e la. A i mea hoi e hiki ai ia ia la ke hahai ae i ka lehulehu i ka hooleia ‘na a me na Kumu ao a ka poe Nestoria, na, a me ka aha hui nui ana o na Bihopa o ka Honua nei iloko o ka Ekalesia hookahi; A aia hoi maloko olaila na Bihopa a me na Elele o ka Ekalesia Enelani, ka Ekalesia i hoowahawaha nuina e na Koo Kuokoa wahi hoi a ia la.
A maanei hoi e nana ‘e kakou i ke Kumu a mau Kumu o ia hahai ana. Ekolu Kumu o ka hooleia o ke ao Kumu ao ana a ka poe Nestoriana 1. a o ka aha hui nui o na Bihopa o ka Honua nei. 2. A o ke komo ana malaila na Bihopa o kela keia Ekalesia, a malaila no hoi na Bihopa a me na Elele o ka Ekalesia Enelani ka Ekalesia i hoowahawaha nuia e na koo Kuokoa ma 3. A pela a penei e maopopo ai ke poo nei Hai oleio ana. A no keia mau mea Ekolu la, e maopopo ai, ua manao oleia na mea a mau mea e ae i haalele i ua ano Ekalesia nui la o ke ao nei, a no ko ia la manao ana oia no ka Ekalesia mai a Iesu a me na Haumana 12 a me na Luna olelo ma ia hope mai o ko lakou la make ana. A me he la e manao ana o ia la, mamuli o ka Ekalesia Judaio mai, no ka mea, aia ma ia Ekalesia na Kahuna Nui, na Kakau olelo, a me na Paresaio, na poe a ka Haku e i ana Auwe oukou na Kakauolelo a me na Paresaio na hookamani Mat. 13. 27-33; E waiho paha ia, a e nana ‘e paha ma ka noho Bihopa a nui wale ma ka Honua nei e like me ka ia la a me ka poe e ae nui wale i maopopo ia ano. No ia mea, ke hinau nei au, ma ke ano hea keai poe? na Bihopa a me na Akipihopa, mai awai mai lakou? mai a Iesu mai anei? Aka hoi e nana paha ma Ioane 13. 13-15; ane like ole la, no ka mea, ma o keai kana i kauoha mai ai e hana na Haumana e like me kana. Pela no anei ua poe Bihopa la hana ana e like me ka ka Haku a me na Luna olelo? ma ko’u manao, aole pela, no ka mea, ua okoa ka na Bihopa, ua kapa ‘e no ia mau Ekalesia he poo no lakou kekahi o ia poe, i mea nana e noho haku maluna o na Bihopa e ae a pau. A no ia mea e nana hou ma ka P, 15; 17. E waiho ae ia, a e nana ‘e no ka ninau hoi a ia la ehia Ekalesia? Aohe lehulehu o ko Iesu Ekalesia hookahi wale no, oia ka haina no ia niuau’ a pela no ke poo o ia Ekalesia, aohe Elua, Ekolu a pela ku aole. E nana Ioane 15: 5; 6; 7; 8; 9; 10; a ma keia mau P. aolo loa ia i hana mai ma ke ano kiekie, no ka mea, ua kiekie loa oia maluna o na mea a pau o ka Lani a me ka Honua nei a pau, a no ia mea, holoi iho la ka Haku Iesu i na wawae o kana mau haumana 13; 5. pela no ka nui kana mau hana aloha a me kona lokomaikai, mawaena o na kanaka pilikia, a poino, a na waliwali, a nele no hoi ka ka ike, a me ka lohe ole, pela no ka poe i nele maoli ma ka olelo ana.Ao keia mau mea a pau, ua hiki no i ka Haku ke hana me ke kanalua ole loa, nolaila ua hana na Luna olelo pela, a no ia mea, ua ninini nuiia mai a Uhane Hemolele maluna o na Luna olelo. I mea e akaka lea ‘e ai i ko ia wa e nohoo pouli ana na kanaka a pau, no ka mea, ua manao na kauaka o ia pauk@ aohe mea ma@a e ae, o na Kahuna Nui wale no, na kakauolelo a me na Paresaio, no ia mea, na nui wale na Kaula wahahee iwaena o ka Issraela, ua hoomakaia i ka wa o Reboboama ke keikii a Solomona ke Lii o ka Iuda, e nana kakou ma Oihana’lii elua 10: 1-19; a ma ku’a mau P. e maopopo ai la.
Nolaila ke noi aka nei au e a@awa ike ae kakou ma anei 11 : 14; 15. a@@@a e nana hou kakou i ka mokuahana a@@ i h@ia mamua ‘e nei Na’lii akahi 12: 8-14. Ae nana kakou ma keia mau P. Paakiki mao’a @@ ke La la. E nana ma P. 15 a i na lalani hope elua o P. 15. A pela hoi ma ka P. 22:23; 24. E nana i ka P. 25-33. No ia mau mea hoi io, ke ninau nei au ia J. Kaimi. ‘Heaha ke kumu oia mokuahana ana iwaena o ka Isaraela a me ka Iuda? a nolaila ke noi aku nei au ia J. Kaimi ma ‘e nana ‘e ma Na ‘Lii mua 11 : 1-14.
Oia iho la na kumu o ko i ala manao ana, he oihana Bihopa ka ekalesia Roma, a me kona muli pokii “Ka Ekalesia i hoowahawaha @@@a” e na “Keo o Kuokoa ma.” A nolaila, e waiho @@ @ kela, a e lai olelo ae maanei, no ka mea, ua makehewa no @@ @@ laau wale ana ; ka i noa paha ua ike io oia la i na loina o kana mau haina, i na kau a kau i hala, e hooomau ana i kana mau poka pahu, mai kela makahiki a Aperila ae nei o keia kau paio, ka mea o ka ike ole, aka, he ike ole nonohua no na loko iho. A oiai no wahi a ka mea e olelo la ma “Waha Rama.” Aole loa no ka o i ala i na wa a me na manawa a laua la e kamailio ana me Kamehameha IV., i na manawa a pau. Pela mai kana.
E waiho no keai, a e nana hou ae ma ke koena laina mua, no ka mea, aole ke Akua o ka lani a me ka honua, e loli ana kana hana, aia wale no a loli ae ka manao o ke kanaka, a hele ma kona makemake mai na kauoha’e a Iehova iaia, o kona lilo no ia i mea noho pilikia, no ka mea, ua haalele ke Akua iaia, Pela no hoi kakou e ike nei i ka pilikia o Rehoboama, no ka hewa a mau hewa hoi o kona makuakane; pela no ua keiki a me na makua o ia ano e noho la a e noho nei, mai o mai no paha, a i ole ia, no ka naaupo maoli no ; a ahea la haalele ia ano o kahi poe o kakou, nolaila ana no na keiki a ia poe ma ia ano. A ina pela, alaila, he mea kaumaha loa i ko’u manao e lana nei ma keia ano.
E oki paha ia, a e huli hou ae kakou e nana ia Ieroboama, ma 1 Na’Lii 13 : 4-10. A maanei hoi la, e noonoo ae ai i ke hiki ole loa i na akua o ua Ieroboama nei ke pale ae i ka wanana a ke kanaka o ke Akua, no ka mea, aole loa ia he mau akua, aka, he hana no na ka poe hewa. A me ka hoi ana o ua kanaka la o ke Akua ma ke ala e. E nana hou kakou ma ka pauku 11-26.
A maanei kakou e waewae pono ne ai i ka hana ana a keai mau pauku. Elua ano, e ekolu paha. 1. Ua kii koke ke kaula elemakule ma Betela, a hai ae la i ke kanaka o ke Akua, na ka anela oia i kauoha mai ma ka olelo a Iehova iaia, me ka i aku ia’ia la, he kaula no hoi au e like me oe. 2. A ike oia i ka like ole o kana mea i ole ai, no ka mea, ua lawe ia ke ola o ke kanaka o ke Akua, e ka @ona ma ke alanui. I ae la ua kaula la, o ke kanaka o ke Akua ia, ka mea i malama ole i ka olelo a Iohova. Pauku 26. 3. O ka make io ana o ua kanaka la.
Elua mea nui a kakou e noonoo ai : o ka make ana o ua kanaka, nei, no kona manao ua olelo io mai ke Akua ia ia la. A no ka palaka maoli. Alaila, e pono paha ke olelo ae penei : E kala hoi ka palaka, i ka pakela wai pahee o ka i ala mau haina mai, nolaila hoi, @@lo ka pono a ua kanaka la o ke Akua i mea ole. Aka, he oiaio no, e make no ke kanaka no kona hewa iho, no ka mea, ua malama ole ia ke kauoha a Iehova.
(Aole i pau.)
Mai Niiihau Mai
Ua minamina makou i ka hoolaha ana i na mea pili haunaele ekalesia, aka o ka hoolaha ana eia paha ka mea e makaala ai na hoahanau, i hanaia na mea a pau ma ke ano hoan@.
NIIHAU, Aug. 20 1866
Ma ka la 12 o keia malama oia ka la Sabati, ua akoakoa ae na makua, na keiki, ka pupule, kela mea keia mea ma ka halepule o Kaununui. Ma ke kakahiaka oia la, he halawai pule i na luna no ka hana a ua anaina la, a ma ke ahiahi iho o ua la nei, ua malama keia mau luna i ka ahaaina berena a lakou. A penei ka hana ana, ia Daniela M. ka wawahi ana a haawi aku ia Anaderea laua o Hezekia, a na laua i haawi aku i na makua, i na keiki, i ka pupule, ia mea aku ia mea aku, me ka olelo mai o ka mea naua i wawahi ka berena he hemahema. A pau @. ku mai o M. Kauohai, a ninini i ka waina a haawi mai ia Anederea laua o Hezekia, a na laua i ke anaina holookoa a me olelo mai o ka mea nana i ninini ka waina he hemahema, aohe i ma@ i keia hana.
O keia mau luna e hapai nei i keia Oihana Laa, aole lakou i hookahuia, aka, ke hao wale nei keia poe i ka ke Akua, me ke kupono ole o keia hana ia lakou. No kuu ike ana, akahi no a hanaia pela kekahi hana ano e ma keia Mokupuni, nolaila, koi mai la hoi ko’u lunaikehala ia’u e hoike akea aku i keia nu hou, i ike mai ai na hoa uahi a holo o ua pono Kristiano nei, no keia nu hou.
Ke hooki nei au maanei, ke lawe aku la o Kaula i ka La.
D.S.K. KAELELE.