Ka Nupepa Kuokoa, Volume V, Number 35, 1 September 1866 — Page 3
Ka Nupepa Kuokoa.
NO NA B UKE HOU—Ua hoouna pakahiia i na Kahu Ekale s ia a pau ka Haawina Kamalii bu ke elua i huiia, mamuli o ke kauoha a ka Papa Hawaii, i mea e ike ai lakou i ke ano o na b uke hou i paiia, ma ke kauoha a keia Papa.
KA MEA HANOHANO GO V . P. NAHAOLELUA. —Ma ka holo ana aku nei o Kilauea i ka Poakahi iho nei, ua hoi aku ke Kiaaina o Maui i kona Mokupuni, a aia paha oia ke noho la malalo o na malu o ka ulu o Lele e hoonanea ana i ka olu a ka makani pa aheahe he " Maaa."
HE AKUA KII.—Ma ka Poakahi i hala ae nei, ua kukuluia ae he kii akua ma ke alo iho o ke Keena Kuokoa, i mea hoike aku i na kanaka, i ike lea ai lakou i ke ano o na akua kii o ka wa kahiko. Maloko o kahi loi ma Waialua, Oahu ka loaa ana ; a e laweia ana ua kii nei no ke kula o Kapunahou, i mea hoike i na haumana hou aku. Ua lohe wale mai makou, o Kealia ka inoa o ua kii nei.
NO WAILUPE.—I ka loaa awa o ke kahu o Wailupe, ua hoalaia ae ke kula Sabati ma ka la 19 o Augate, he 20 ka nui o na haumana, i akoakoa ae ma ia la ; a o ka nui hoi o na haumana i akoakoa mai ia la Sabati mai oia hoi ka la 26, he 32. A ua hooholo na hoahanau, e kukulu i hale no ko lakou kahu. A ua hoala ae no hoi ke kahu i kula himeni.
HALE ANIANI.—O ka poe e noho ana ma ma hale aniani, mai nou aku lakou ia hai i ka pohaku." O aha ? O pehi ia mai ua mau pohaku nei, a naha liilii kahi papai hale. Ke mea mai nei kamalii o ke Auokoa i ka hoopaapaa o kahi o makou. Aole hoi makou i hai aku ma ke akea i na la i hala ae nei i kekahi leo nui e hele hikaka ana iwaena o na hoonoho kepau o ka hale-pai o ua o Auokoa a pani ia na puka aniani o ikea mai e kanaka ka ona ana.
LEHULEHU NA MELE O KEIA PULE.—Ma ka pepa o keia pule, ke pai nei makou eha mau mele, mamuli hoi o ko "Hawaii" ahonui a lokomaikai i ka haku ana ia mau mele, a ua he nui loa makou ia ia. Ua hoouna pinepine mai no ia i kela pule keia pule, a ua kapae iki ia no i kekahi mau pepa aku nei i hala, a i keia la, ke hoopau loa nei makou i ke pai i mea e hoonanea ai kekahi poe i ka hoolealea maka ana, a i mea hoi e hoihoi loa mai ai ko makou makamaka e noho mai la i ka ua Kipuupuu o Waimea.
E KA HANA A KA POE I OO KA IWI.—Ma kekahi la o ka pule i hala aku nei, ua okiia e Kauka Poka ka puu o ka lae o Paulo Manini Lapaula, kekahi o na kamaaina o ke alo a l ii o Honolulu nei. He puu loihi ia e kau pinepine ana ma kona lae i na la mua, a i keia manawa, ke ikeia aku nei, ua emi mai a ka lae pono. Oki no hoi ka hana a ka poe i hele a oo ka iwi i ka lapaau. Ina ia he Kauka Hawaii la, o ka ia-ula iho la no, o kahi apu-awa, a o ka o-o i ke koholua, o ka pau ae la noia. He hewa ka haole, he hiki ke oki, ke kaha a me kela mea keia mea.
NUPEPA PUKA LA.—Ma ka nupepa a Wini makou i ike iho ai, e hoopuka ia ana ka nupepa a makou i hai aku nei ma kela pepa, ma ka olelo haole wale no, ma ka la 4 o Sepatemaba ae nei. E puka ana ia pepa i kela la keia la, koe nae ka la S abati a me ka Poakahi. O ka maka mua keia o ka nupepa i hoopuka la ia ma Honolulu nei, a ina paha e loihi aku, he aha ae la auanei hoi. He lohe wale no hoi i na aina haole i ka puka o ka nupepa i ka la, a akahi paha auanei a pau kuhihewa. Mai pono loa no hoi, ina no hoi n e nupepa kekahi ma ka olelo Hawaii.
MAKE MA KAPALAKIKO.—Ma kekahi wahi kialua i kalewa mai ai a ku mawaho o ke awa o Honolulu i ka Poaono aku nei i hala, nana i hai mai i ka lohe ua make ma Kapalakiko, Kaleponi, o T. Meka (Me t calf) ka mea nona ka mahi-ko nui o Kaupakuea ma Hilo, Hawaii. I holo aku nei oia i laila e imi i ka oluolu no kona ola, aka, ua lawe o ia aku ia e ka make. Ua waiho iho oia ma Kapalakiko, he hanau mua kaikamahine a me ka muli loa he keikikane. Eia hoi ma Honolulu nei na hanau waena elua, he mau kaikamahine no a elua. Aia maluna o na keiki i hoonele ia i ka makua ole ko makou aloha paumako.
HE MAKE I M ANAO OLE IA.—Ua hai mai o J. W. Kaikai o Kawaihae uka ia makou i ka make kupanaha ana o kekahi Pope kahu Ekalesia, o Paukumoku kona inoa. Aole nui o keia kanaka aka ma ka la 10 no o Au gate hele no i ka mahiai a ma ka po iho hoi no a moe ma kona hale me kana wahi keiki uuku 8 paha makahiki, a i ke kakahiaka ae hele mai la o Hoopii, a i hoala aku ka hana e moe naaupo ana no kahi keiki, a o ka makuakane hoi ua hele e aku paha i ke kulu aumoe. Aloha ino ke keiki uuku e moe ana me ka ike ole ua haalele mai kona makua iaia.
KA MOOLELO O KA AHAHUI EUANELIO O HAWAII.—Ua pai iho nei ka Papa Hawaii i ka Moolelo o ka Halawai Makahiki o ka Ahahui Euanelio Hawaii o keia makahiki, a ua hoouna pakahiia'ku i na Kahu Ekalesia Euanelio a pau ma Hawaii nei. Aia maloko o keia buke na lala o ka Papa Hawaii no ka Makahiki 1866—7; na Komi t e mau, ka moolelo holookoa o ka Ahahui, na mea ano nui hooholoia, ka moolelo makahiki ekolu o ka Papa Hawaii, na hoike ana a keia Kahu ke Kahu no kona ekalesia iho, ka hoike makahiki a ka Puuku o ka Papa Hawaii, ke Kumukanawai o ka Ahahui Euanelio o Hawaii nei, na rula hooponopono, na lunahaiolelo no ka M. H. 1867, ka nui o na b uke i paiia a me ka Papa Helu o na Ekale s ia Hawaii.
FOREI G N NEWS.
ATLANTIC CABLE A PE R FECT SU C CE S S.— The Offices open for mes sag es. One day's receipts $3,012 in g old, in New York alone.
THE AU STRIANS AN D PRUSSIANS HA D SIGNE D AN ARMISTICE.—i T is thought it will be c ontinued, and pea c e will ultimately be declared. P russi a reported t o have gained all her points.
LON D ON, July 30,—A great mee t in g held, 300,000 per s ons present. Re so lutions adopted declaring t hat t hey had no faith in the Goverment. Lord Stanley, in Parliament, proposes to allay the irritation caused by t he late war in the United States, by appointing Commissioners o investigate claims, and if possible revise the Neutrality laws.
RIOT IN NEW ORLEANS .—100 blacks and whites killed, 160 wounde d .
NU HOU O NA AINA E MAI.
He mau wahi hunahuna wale no ka i hiki mai—a i ka la 2 o Augate.
Ka Waea Telegarapa A t elanika.
Ua maikai loa ka hana ana o ka waea telegarapa nui. Ekolu t au s ani dala i loaa mai i ka ia hookahi ma Nu Ioka wale no, mai ka poe hoouna telegaramat (oia ka inoa o ka olelo i laweia ma ka waea telegarapa) mai o ia kulanakauhale hookahi.
Ua holo na huaolelo 4000 i ka la hookahi. A penei ka uku ana o ka poe hoouna telegarapa: No na huaolelo he 20, a emi mai paha, $1.00. A no kela huaolelo keia huaolelo i oi aku mamua o ka 20, $5 00 hou aku. Koikoi no, aka, ua nui loa ke poho o ka poe nana i hoomoe ua waea nei. E wikiwiki ana lakou i paa koke kahi pauku uuku i koe, mai Nu F ounalani aku a ka aina okoa o Amerika Akau.
No Europa.
Ua hoi ka Moi o Perusia a i kona Hale Alii ma Berelina, me kona Kuhina Nui o Bimaka. E ko ana o Perusia ma kona mau makemake a pau loa. No na hepedoma eha ke kuikahi i hooponopono ia, a e maluhia loa aku ana paha ma keia hope aku. Ua makaukau loa nae ke Alii o Auseturia e malama loa i kona kulanakauhale nui, oia hoi o Viena, me na koa 400,000, a me na pu nui he 600.
I ka hoouka kaua moku mawaena o Auseturia a me I t alia, ua hoopahuia kekahi moku o I t alia, he moku ua palehaoia. A i ke poho ana o ua moku nei ilalo i ka make o ke kai, ua lohe ia na leo o kona poe, "E ola o I t alia a me ka Moi," a pela ko lakou kupaa iloko o ka poino. Ua hee ko Italia, aole nae i lanakila loa o Auseturia iloko o keia kaua moku.
Ma Enelani ua akoakoa kekahi Halawai makaainana nui ma Ladana, e kue ana i ka hana o ke aupuni. He kai hele kekahi a lakou ma na alanui, a ua oleloia 300,000 ka i akoakoa, aole nae i akaka loa ke ano o keia hana ana.
Ame ri ka.
E hoomakaukau ia'na e halawai kekahi ahakuka Nui ma Piladelepia. E hooia'na na elele mai na moku aina a pau o Amerika Huipuia, O keia ahakuka (Convention) aia ma ka aoao o ka Peresidena, e kokua ana ia ia, a e kue ana i na olelo hooholo o ka Ahaolelo. Ke imi nei kela aoao (ko ka Peresidena) e koho i mau lala o ka Ahaolelo e kau mai ana, i manao like me ko ka Peresi d ena. I ka makou nana aku, e hoka ana paha, oiai aia ma kela aoao ka poe kue nege r o, a kokua i na moku aina kipi.
Ma Nu Olina ua halawai kekahi Ahakuka no ka mokuaina o Luisiana ma ka la 30 o Iulai. No ke ano pili o keia aha me ka aoao haawi balota i ka negero, ua nui ka hoohaunaele ana mai o ka aoao pili kipi. Kokua na negero i ka aha, hao mai ana na makai, a o ka hopena, aohe i loheia mai.
Ua ku mai ma Panama ka mokuahi mua o ka laina holo mau mawaena o Panama a me Nu Kilani a malaila aku a Kikane. He laina moku Beritania keia, e like me ka laina Amerika e hoomakaukau ia nei mawaena o Kapalakiko a me Kina.
Ono ka pau i ka moolelo o ka Baibala Enelani.
E KE KUOKOA ; ALOHA NO :—Ma na Helu elua o ka moolelo o ka Baibala Enelani au i uleu mai nei, ua nui aku la ko'u ono a me ko'u hoohialaai no ia moolelo, me he wai mapuna la e huai mai ana, huea mai la na hana lokoino a ka Pope i hana ai i na kene t u ri he nui i hala, a haule ka iwikaele a ka lokoino aloha ole i hana'i (oia hoi ka Pope.) A o ka puka ana o keia moolelo, he mea no ia e pomaikai ai makou, no ka poe e ku nei ma ka aoao o ka Euanelio, ka enemi ikaika hoi o ua o Pope. Nolaila, ke nonoi aku nei au me ka haahaa, e hoomau ia mai keia moolelo, oiai ua nui kona ono ia. Aloha auanei. E. K.
NA DALA MAHINAHOU O KA EKALE S IA O KAWAIAHAO NO AUKAKE, 1866.
Kawaiahao $38.72—Kamoiliili $12.00— Makiki $8.50—Manoa $6.00—Waikiki-kai $4.50—Pauoa $2.00—Kunawai $1.50— Palolo $1.12— Puiwa $1.00— Kaakopua $l.12— Maunakiekie $0.75—Kapalama $0.62. Huina $80.83.
NA KULA SABATI .—Kawaiahao $2.43— Kamoiliili $2.12— Makiki $1.50—Manoa $1.12— Pauoa $0.62—Waikiki-kai $0.25. Huina $8.04. O ka huina pau loa he $88. 87.
Mea Aloha.
He mea keia e hoakaka aku ai i ke aloh a o ke Kahu a me na Luna o ka ekalesia ina Kaumakapili, i ka poe haole, a me na pake, a me na kanaka o na anaina e ae, ka i manawalea mai i na dala, e kokua ia makou e kuai 152 tau sani pili laau, a me na pahu kui, e ako hou i ko makou Luakini. Hookahi tau s ani dala, a me na dala keu he kanahiku, ka lilo no na pili, a me na kui, a me na laau haka.
Ua wawahiia na pili kahiko, a ua kapiliia na mea hou, e na kanaka Hawaii wale no ; oia hoi, e na kamaaina, a me na Luna o ka ekalesia ma Kaumakapili. O keia hana, he mea aloha, hoolimalima ole no ia.
Mai Ahulau Nui ma Hamakua.
E KA NUPEPA KUOKOA E ; ALOHA OE.—E pono e hoomanawanui mai oe no keia wahi ukana a kau wahi kauwa e noho nei i ka mole o Kaala ; no ke la mau hua e kau ae maluna, " Mai ahulau nui ma Hamakua nei."
He nui nae ke ano o na mai e hai pau aku ia oe i lohe pono oe. Eia ka mai mua i ike mua ia, he Piwa, pii pu mai no me ke anu, a me kekahi mau mea e ae e pili ana i keia mai, o ka nui o ka poe loaa pono i keia mau mai, ua pau aku i ka holo iloko o ka opu o ka honua. O ka lua o ka mai, he kulu, oia hoi kela mai i ka manawa kahiko i kunewa aku la, o ke ano o keia mai ke nana aku, he kunewanewa, a hikaka, he ulaulu na maka, he mai ikaika nae keia i ka hakaka, he mai akamai i ka holo maluna o ka lio, he kapakahi Manuia ke holo mai, he mai hilahila ole keia ke loaa i ke kanaka, he wehe i kahi hunaia, ke ili mai keia mai maluna iho o o ke kanaka no Waimea, eia ka poe i loaa o Keliilike, Paakiki, a me kekahi poe e ae, e nana pu mai kakou, i ke ano o keia mai, kupanaha, he ohi akua pau kou waiwai ponoi, au i hoolakolako ai, na makamaka, ke kau leo aku nei au i ka poe e loohia ana i keia mai nui weliweli, ino loa, e imi koke aku oukou, i mau kahuna lapaau no oukou, i keia manawa, i ola koke ko oukou mai, a ninau mai paha kekahi, o wai la na kahuna lapaau ? Ke hai aku nei au, o ka mihi aku i ke Akua, mamua iho o ka inu ana i ka lama, oia hoi ke ki i kohiia, a kalua ia, a moa, a kuiia, a hooia, i loko o ka Ipuhao, a noloko mai o laila, na kapaia he kulu, oia ke ano o ka mai pilikia la e na makamaka. Eia ka lua o ke kahuna, o ka pule, aku i ke Akua, me ka haalele loa aku i ka inu ana i ka lama, he mea pono ole keia, o ka poe e paulele ana malaila, ua pilikia loa lakou, eli ke me ka mea i palapalaia, o ka poe ona, ona lakou i ka po, a pela aku, a nui wale na kumu e ola ai keia mai.
Eia ka lua o ka manao e paipai aku ana i na kahuna lapaau, o ke Aupuni, e pehea oukou, i keia mau la, pela no e nana maka aku ai, i keia poe, e noho mai nei i loko o ke kio lepo, me he mau pua a la, e na makai o Keawe, e ala mai oukou, mai hiamoe, a awakea loa, e ka Lunamakai o Wahiawa, e ala mai oe e palaka nei, eia lakou nei ke kunewanewa nei, aneane loa e make, e ka Lunakanawai, e kuoo mai oe, ma kau hana, i maluhia kou apana, no ka mea ke pii nei ka hohono i luna, me he palani ila, nolaila, o ka poe e makaala ana, ma na mea o luna, ua loaa no ia lakou ka pomaikai nui, Eia ka mea hai aku ia oe, no kekahi mau mai e ae, o kaohia, o ka uala, a pela aku, a nui loa ke ano o na mai, nolaila, ke noi aku nei au i ke Akua, e haawi mai i ke ola i waena o keia poe, e noho nei, i loko o ka mai ahulau nui.
S. K. KUAKAUAHA.
Hamakua, Hawaii. Iulai 16 1866.
Ona maluna o Kilauea moku.
E KA NUPEPA KUOKOA E; ALOHA OE :—No ka lana ana mai o ko'u manao e hai aku i na mea a'u i ike ai iluna o " Kilauea," oia hoi na mea e kau ae la maluna. E ona ana iluna o " Kilauea," oia hoi kekahi puulu kanaka e inu ana, e ona ana, inu no a hiki aku i Kealakekua, lele lakou i uka, a i ko lakou hoi ana mai, ona ana no, he 10 anana paha mai Kilauea aku, aia hoi, ike aku la makou i kekahi wahine e nou ana i ka haukeuke a pa aku la ka maka o kekahi Loio e ona loa ana ia wa. Oia na mea hou, hilahila ole no ka ona imua o na haole ee pakeke o hope. Na kekahi OHUA o KILAUEA. Kona Akau, Aug. 11, 1866.
OLELO HOOLAHA.
E HIKI NO IA MAU A KE HANA AKU a maikai i ke Komo G ula a Dala hoi. Gula Pepeiao, Pine Omau, Pihi Palule, a me n a Mamala i poloke ke laweia mai ma ko maua hale hana makai iho o kahi o Kalaka kum eka kamaa, ma Alanui Ho tele me ka uku oluolu no . AHONA. G . W. POEPOE. Honolulu, Aug. 31, 1866 . 248-3t*
OLELO HOOLAHA.
E IKE OUKOU E NA MEA A PAU KE nana mai, owau o ka mea nona ka inoa malalo nei, ke papa aku nei wau ia oukou, mai hookomo, a nakii a hooholo wale paha i na holoholona o kela ano keia ano ma kuu kuleana ma.
Kapaakea, Waikiki, Oahu,
A ina e kue kekaki ma ka hookomo ana i kona holoholona, Lio, Puaa, Miula, Kekake a me ka Bi pi, alaila, e uku no i $1.00 n o ke poo hookahi. T. PAHAU. Honolulu, Sept. 1, 1866 248-2 t
Lio Nalowale !
UA NALOWALE KA LIO O KA mea nona k a inoa malalo nei, mai ka pa aku o ka Halemai o ka Moi Wahine , o kona hao kuai aia ma kahi uha HOK na powehiwehi nae, a e uku ia no ka mea nana e hoihoi mai ia. KINIMAKA. Ma ka Halemai Moiwahine. 248-1 t*
Ke a-na ia ana o Oahu nei me ke kaulahao,
E REV . E. KOAWINA ( CO RWIN) KAHUNAPULE O KAUKEANO.— He mea kupono na ka lehulehu holookoa e olioli ai ka ike ana i ke ana ia ana me ke kaulahao o na Alanui Aupuni Oahu nei, a penei ka hoomaka ia ana.
Mawaena konu o na huina o Alanui Alii a me Nuuanu ua hoomoe ia ke kaulahao a pii pololei aku a hiki i ka uapo-pio ma Pualoalo hookahi mile, malaila aku a hiki ma ka puka e ka Bihopa Staley 1 1/2 mile, mailaila aku a mauka iki iho o ka hale o Makinikaea 2 mile. Malaila aku a ma kahi kikee o ke Alanui mauka iho o ka wili-ko o M. Wood 3 mile. Malaila aku a hiki i kauhale o Pelly 4 mile, a hiki loa i ka nuku o ka pali 6 1/8 mile ; 7 7/8 mile hiki i ka mana o na alanui e hele ana i Waimanalo a me Kaneohe, 10 mile hiki i ke kae o ka loi kalo ma kahi i hakaka ai na kanaka me na pake i na makahiki he umi i hala ae nei ; 10 1/4 mile hiki i ka Halepule ma Waikane ; 19 3/8 mile hiki i ka puka pa o S. G. Waila ma Kualoa, a he 20 mile hiki i ka wili-ko o " Wilikaai," (he inoa kapakapa keia i kapaia aku e na kanaka, a he inoa no hoi i haawiia ma ke ano kupanaha e na kanaka, e like paha me ke kapa ana iho i ka Luakini ma Alanu, Papu o Kaukeano, e ku kilakila nei.) He 21 mile hiki aku i ka puka pa ma Kaaawai he 23 hoi hiki aku i ka halekula i o loa aku, kahi a ka pali e kukilakila ana, a i kapaia hoi ka nani o na nana ana o Oahu nei, me he ano liona la ke kii i ka ike aku. He 24 hoi mile a-e ma o o Kahana a he 26 hoi mile hiki ma kahi o R u f e Severana ma Punaluu, he 28 1/2 hiki ma kahi o Mr. Norton a aui iki iho ma o o ka wailele o Kaliuwaa, he 32 mile hiki aku i kahi o ka poe Moremona ma Laie, he 32 mile hiki aku i ka lua wai kaulana, kahi a ka wahine i holo ai a pee i ka makau i ke kanaka kaua o Kamehameha, luu aku aohe i ike hou ia, he 36 mile hiki i ka lae pohaku e oioi ae ana ma kahi o Mo fi ka ma Kahuku, oia hoi ka lae o Nauolewa, a o Kalaeokahipa kekahi inoa.
MAI HONOLULU AKU HOI A WAIALUA.
Ua hoomakaia ke ana ana mawaena o na huina o Alanui Alii a me Alanui Nuuanu, a hele pololei aku a hiki i ka puu ma keia aoao o Ewa, he 10 1/2 mile, he 11 mile ma na alanui e mana ai ko Waianae a me ko Waialua. Mawaena hoi o Ewa a me Waialua, he ekolu mau awawa nunui, ilalo pono o ke awawa e loaa mua, ua kakauia he 14 mile, oia hoi he hapalua o ka loa mai Honolulu mai a hiki i W aialua. Iwaena konu hoi o ka uapo o Waikakalaua, he 16 1/2 mile a me 7 kaulahao, a he 20 mile ma ke kiekiena o ka puu i ka ihona ana aku i Kaukonahua, he 28 mile hiki i Waialua, a he 33 mile hiki iluna o ka puu ma o aku o Waimea ; a he 38 1/2 mile hiki i ka pa pohaku ma kahi o Mr. Mofita, oia hoi, ua hooailonaia he hapalua o ka loa mai Honolulu aku ma na aoao elua. "Hanaio ka haole."
MA R E.
KAAUI—HAO. MA Honolulu, Au g. 25, mareia e Rev. L. H. Kulika. Mo Waikiki ke kane, no Waialae ka wahine.
AH SEE- KEALOHA. Ma Honolulu, Aug. 23, mareia e Rev. L. H. Kulika. No Honolulu laua.
NAIWIEHA- KULAWAHINE. Ma Waikane, Aug. 17, mareia e Rev. Z. Poli. No Koolauloa laua.
B. MAUAE-NAKOOKOO. Ma Waimea, Aug. 11, mareia e Rev . A. Pali. No Waikoloa, Waimea ke kane, no Waipio ka wahine
HANAU.
Au g 9. ma Kuiaha, Hamakua, Maui, hanau o Kalilikane k, na J. Kaaea me Kahilahila .
Iulai 28 . ma Puehuehu, Lahaina, hanau o Kaupaona k, na Haakaula a me Kaoi.
Iulai 28, ma Haliimaile, hanau o Kanetake Kukae.
Au g. 15, ma Kaneaina, Kawaihae uka, hanau o Mareta Kaikai, na J. W. Keoni me Moreana.
Iulai 10, ma Keawaeli, Kawaihaeuka, hanau o M. Kalokuokamaile k, na Kewae me Kepio.
Iulai 1, ma Kaomalo, Waimea, H. hanau o Kalua k, na Kalua me Kapule
Iulai 6, ma Lihue, Waimea, hanau o Keonipoo k.
Iulai 7, ma Hokuula, Waimea, hanau o Wiliama k, na Paukeaho me Kaupena.
Iulai 17, hanau o Kina w, na Kahalahala, me Puhipuhi.
Au g. 19, ma Kualoa hanau o Kuewa opio k, na S. Kuewa, me Ruta Opunui.
Au gate 29, ma Leleo, Honolulu, hanau o Wili k. na Pikopuka me Maihooluhi.
Au g. 30, ma Leleo, Honolulu, hanau o Mukini k, na Mahunaawa, he keiki kamehai.
Aug. 30, ma Kaluaolohe, Waikiki-waena, hanau o Samuela k, na Samuela me Papa.
MAKE.
Au g. 26, ma Waikane, make o Mose k.
Iulai 23, ma Ponahakeone Waikiki kai make o Kelea w.
Au g. 10, ma Hamohamo, Waikiki, make o Kaawaloa w.
Iulai 26, ma Kaluahole Waikiki make o Kapaweo w
Au g. 8, ma Puukawaiwai Waimea H., make o Kohukohuole.
Iulai 29, ma Waimea Hawaii make o Nawali k.
Mei 20, ma Kawaihae uka, make o Kainoa.
Iune 18, ma Kawaihae make o Kalakuniai w,
Iulai 27, ma Kawaihae make o Paukumoku.
Au g. 17, ma Kawaihae make o Halauwai w.
Au g. 1, ma Kuiaha, Hamakua Maui make o Kawaa w.
Au g. 5, ma ia wahi no make o Kaupa k.
Aug. 30, ma Leleo, Honolulu make o Poheko k, he opea he-
OLELO HOOLAHA.
E IKE AUANEI NA KANAKA MAOLI
a ne na haole a pau, o maua o na mea nona na inoa malalo iho nei, ka papa aku nei maua, ua kapu ko maua mau aina kuai, oia hoi o
Leapuaiki,me Panauiki,
ma Puna, Hawaii. ua kapu na me ulu, ma kea kolo, na mea hihi a me na pono e ae i puka ae ma ua mau aina la. Ina hoi e kii kekahi mea i na mea i papa ia maluna, a lawe wale me ko maua ae ole a ike ole hoi, e uku no $5.00. Ina komohewa kekahi Bipi, Lio, Hoki, a me ka Miula, e uku no $1.00. Ina komohewa ka Hipa, Kao a me ka Puaa ,e uku no $.50 no ke poo. Ina e hoole mai i ka uku ,e hoopiliia no imua o ka Lunakanawa. S. KALONA, & L. MANU.
Panauiki, Puna, Hawaii, Aug. 29, 1866. 248-3t*
Ma ke Alanui Nuuanu
-o-
IAKOBO ESTALL !
MEA-
Hana Tini a hana Hao Apana.
MEA-
HANA KAPUAHI HAO !
KE HAAWI AKU NEI I KEALOHA I na
kanaka o Hawaii nei, no ko lakou launa oluolu ana mai i ka wa i hala, a ke lana nei ka manao e mau mai no ko oukou kipa ana mai. O ka poe e makemake ana e kuai kapuahi hao, a mea pili paha i na Tini, e kipa mai ia nei mamua o ka hele ana aku i kahi e. 231-3m
OLELO HOOLAHA.
UA KOHO IA MAI KA MEA NONA KA inoa malalo nei i Lunahooponopono i ka waiwai o J. W. KUAHOPU (K), o Waiakea, Hilo, Hawaii i make aku nei. Nolaila, ke kauoha ia aku nei na mea a pau i ale mai ia la, e hookaa keke mai i ko lakou ale. O ka poe hoi ana i ale aku ai, e hele koke mai lakou mamua mai ka la 31 o Sepatemaba i ka Lunahooponopono, i ko lakou kuleana pili i kona waiwai. H. B. NALIMU. Lunahooponopono. Waiakea, Hilo, Aug. 24, 1866. 248-4t*
Olelo Hoolaha!
KE KAUOHA AKU NEI AU I NA MEA a pau i aie ia Kamuela (S. H. Dowsett) i make , e hookaa mai mamua o ka la 30 o Iune 1866, e like me ka manawa i haawiia e ka Aha. KIMO PELEKANE. Lunahooponopono. Honolulu, Mei 30, 1866. 235- t f
HE P A KUAI PAPA HOU.
300,000 Kap. Papa ka nui!
KE POLOAI AKU NEI O L. L. Hulipahu ( he haole i noho a ewe ia Hawaii nei,) i na io ponoi a pau o Hawaii nei mai ka Hikina a ke Komohana, e anoi ana e loaa na lako Hale no kelia wa aku, e kipa mua mai ma ko'u
HALE KUAI PAPA
Ma ke kihi Komohana o na Alanui Papu a me Moiwahine. Nana no e hahai aku i na lilo e paa ai ka hale, ke hai mua ia mai na palena.
Eia ma kona Pa Kuai Papa Hou!
60,000 Kapuai Papa Kalakala Nouaiki ,
40,000 " " Hole "
30,000 " " Ulaula, 2, 1 1/2, 1 1-4, 1 in.,
80,000 " " Kalakala ulaula,
20,000 " " Kepa ulaula loloa, pine pa
200,000 Pili Laau kapili Hale, [me n a kaola.
Na Pepa Kapili Hale.
150,000 Iwilei Pepa Kuea ka nui.
O kela ano keia ano o na pepa kapili Hale o Pelekane - 21 iniha ka laula a he 36 kapuai ka loa o ke kukaa hookahi. O kekahi mau kukaa iho he nui a hiwahiwa no ke nana aku. Oia no hoi, 9,000 Iwilei Pepa Kuea Ame rik a e waiho pu nei. E okioki ia no na papa e like me ke kauoha, aole e uku ia ka hoolala ana a me ka wehewehe ana i na mea e hana ia ana. O ke kapili ana i na kua hale a me na laau o na Alahaka, e kuhikuhi wale ia aku no ia mamua o ke kuai ana mai. O na papa hele manoanoa i kupono no na Alahaka a me na uapo, e haawi koke ia no e like me ke kauoha. O na kanaka a pau e makemake ana no na mea kapili hale, e oluolu lakou e kupa mai e hoinainau pu me a'u ma ko'u
HALE OIHANA.
E hiki koke mai ana na PENA, AILA, PATE, a me na mea hulali i awili pu ia, NA K UI, PANI PUKA, OLEPELEPE, NA PUKA ANIANI, A PELA AKU. O na mea a pau i hai ia maluna, e kuai ia no me ke kumukuai haahaa loa i emi iho malalo o ka mea e kuai ia nei ma ka hookaa aloha ana mai. He mau Papa Ulaula kekahi i HOLEIA ma na aoao elua, me na ano Pine Pa Hale maikai a pau . 247-5 t L. L. HULIPAHU (TO R BE RT.)
Halekuai Mea Ai! Halekuai Mea Ai!
Ma ka Hale Unihiepa ma Alanui Papu.
UA HOOMAIKAI IHO NEI KA
mea nona ka inoa malalo nei i ke Kulana o kona HALEKUAI MEA AI, oia hoi, no ka hookipa ana mai i na kanaka maoli e kalepa ana, a o kona i ini nui, o ka hoolako mau i na mea maikai loa a pau e makemake ia ana. OIA HOI KEIA MALALO IHO:
AILA,
PALAOA,
PALENA,
KOPAA,PALENA LIILII,
LAIKI,
PIA
KOLU HOOLUUU LOLE,
KAMANO,
UWIKI KUKUI,
MEA ONO,
KULINA
BALE,
ILI PALAOA AI A KA LIO, &c.
Elua ana mau Kakauolelo i makaukau no ke kuai aku me na makamaka, mai ka hora 5 o ke kakahiaka a hiki i ka hora 7 o ke ahiahi. M R. KAKAI (A.D.CARTWRIGHT) Honolulu. 243-6m
LOLE HOU, LOLE HOU.
UA LOAA MAI I KA MEA Nona ka inoa malalo nei, maluna mai o ka moku D.C. Murray, he mau Kamaa Buti a me na Kamaa maoli i wae ia mamuli o na ano maikai loa. Penei:
Na Kamaa Buti ili bipi Farani maikai loa i papakahi la a papalua ua ka ili o lalo ae, i kupono i na Keonimana. Na Kamaa Buti kupono no ko kuaaina noho ana. Na Kamaa Luholio o ka aoao- Na Kamaa ili bipi keiki me ka laholio ma ka aoao o kela ano keia ano- A he mau ano e ae o na Kamaa maoli a me na Kamaa Buti i kupono i na Kaikamahine a me na keiki, i oi ae ke emi i kona hale kuai e ae ma ke Kaona nei. O na ano lole kane a pau- Na kakini wahine a me na kane. Na kalepa eleele he nui wale- Na kukaenalo a me ke keokeo paina-Na ano lole hulu hipa o kela ano keia ano- Na kaleko ano hou. Na palu huluhulu. Na kihei lilina. Na pale uluna lilina. Ke ano lilina keikei maikai loa. Na palule keokeo maikai o kane- Na palule ka la lilina o kane- O kela ano keia ano tawele- Na hainaka lilina o kane. Na palule, palemai a me na palemai wawae-Kihei huluhipa papamu wahine ano maikai-na mamalu kilika. He nui wale na
KOHEOHEO,
LOLE WAWAE,
PULIKI O NA ANO A PAU,
KAAWE & PAKU MAKIKA,
UHIMOE KEOKEO,
LOPI KEOKEO MAIKAI,
PEPA HAHAU,
KAHI ELEELE,
BARAKI POO.
HAINAKA KILIKA KEOKEO, a o na ano e ae,
BARAKI NIHO,
LIHILIHI,
PIHI PA no ka palule,
LIPINE PAPALE,
PEAHI,
A me na mea e ae he nui wale o kela ano keia ano.
M. McINERNY.
Alanui Maunakea me Beritania, Honolulu, July 23, 1866.
244-2m s
KAUKA LAPAAU.
-O—
Dr. Kenned y (Kene d e) kona inoa.
AIA NO KONA HALE KAUKA MA ke Alanui Papu, makai iho no o ka HALE AUPUNI.
Honolulu. 243-y
Kauka Lapaau!
-O —
A. C. BUFFUM
KONA INOA.
AIA NO KONA HALE KAUKA MA KOna hale noho ALDRICH HALE ma Alanui Papu, Honolulu. 236-6m
KAUKA LAPAAU.
I KA LA MUA O OKATOBA E HIKI Mai ana , e hoomaka o
Kauka Bikiniga (Dr. Bechtinger.)
E noho loa ma LAHAINA i Maui, e hooko i kana Oihana Kahuna Lapaau, a o ka poe mai o kela ano keia ano, no kela wahi keia wahi, e hiki ia lakou ke hele io na la no ko lakou mau pilikia a pau. Dr. BECHTINGER. 247-10ts
E HAALELE ANA KA
Moku Ah i
"KILAUEA"
Ia Honolulu i kela Poakahi keia Poakahi.
Ma ka H ora 4 1/2 ponoi, (a hiki i
I ka wa e hai hou ia'ku ai.) A e holo ana i
KONA, HAWAII,
A me na Awa ku moku malalo iho nei
LAHAINA,
KALEPOLEPO, KAWAIHAE,
KAILUA,
KEALAKEKUA.
Ma ka hoi ana m ai, e haalele ana ia
KEALAKEKUA & KAILUA, ma ka Poakolu.
KAWAIHAE, " " po Poaha.
KALEPOLEPO, ma kakahiaka Poalima.
LAHAINA, " ka po Poalima .
WALKE R, AL LEN, & Co .
238- tf NA EGINI.
OLELO HOOLAHA.
E IKE AUANEI NA MEA A PAU. mai ae iki mai i ka'u wahine mare
Ia M. KAHOOKAMANI,
E aia ma ko'u inoa, a ma kona inoa paha mai keia la aku, no ka mea, aole o maua noho pu. A. KAMANELE. Niolopa, Aug. 22, 1865. 247-2t*
OLELO HOOLAHA.
NO KA MEA, UA HOONOHO IA KA Mea nona ka inoa malalo, i Lunahooponopono no ka Waiwai a pau o KAPOKA (k) o Haiku, Hilo, Hawaii, i make kauoha ole. No laila, ke kauoha ia aku nei na mea a pau i aie ia ia, e hookaa koke mai ia'u, o na mea ana i aie aku ai, e hoike koke mai i ko lakou kuleana e pili i keia, mamua mai o ka la 30 o Sept. mai keia la aku. A hala keia manawa, lilo i ole loa na hoopii i pili i keia. E loaa no au ma ka Hale Hookolokolo o Hilo. D. KEAWEHANO. Luna hooponopono Waiwai. Hilo, Augate 15, 1866. 247 3t*
OLELO HOOLAHA!
E na makamaka a me na malihini o na wahi e mai!
EIA AU MA KUU KEENA HANA ma ALANUI PAPU, makai iho o ka Halekuai o Waterhouse (Welekahauki. Malaila au e noho makaukau nei e hooponopono hou iho i na mea a oukou i hakihaki, in a paha he pu, he laka paha, he ki, he kula pepeiao, he pine umauma, he wa ti nui paha i make, me ia mea aku ia mea aku . A ua makemake no au e kuai i na apana keleawe kahiko a me na apana kepau paha a oukou i hoakoakoa ai. RO BAKA ANE RU ( ROBERT W . AN DREWS.) Honolulu, Iulai 14, 1866. 241-2m
$544!
MAKANA GULA NUI!
-E-
KOKUA I KA POE MAHIAI
-O-
HAWAII NEI!
ME KUU AKE HUI E HOOHOIHOI i ke kanu ana o ka
PULUPULU SI AILANA,
mawaena o na kamaaina o Hawaii nei, mai Niihau a ka lae o Kau, a e kokua no hoi i ka poe ilihune ke manao nei au e haawi aku i na makana manawalea malalo nei, i ka poe e kanu ana a e mahi nui ana i ka Pulupulu, iloko o ka
MAKAHIKI 1866,
mai ka la nua o Ianuari, a ka la hope o Dekemaba, 1866. E haawaiia'ku keia mau makana i ka poe e loaa ana iloko o ka malama o Ianuari, 1867.
1- E uku ia kekahi kanaka maoli e kanu ana i ke "ST. AILANA" i na eka he umi a oi ae paha, ke hoohua mai i na paona Pulupulu he 10,000 a oi ae, ma Ianuari 1, a hiki i Dekemaba 31, 1866, i ka makana gula, $200.
2- O ke kanaka e hooulu ana i ka Pulupulu i emi iho na paona malalo o ka ke kanaka mua, alaila, e loaa ia ia ka makana gula, $100,
3- O ke kanaka e hooulu ana i ka Pulupulu i emi iho i ko ke kolu, e loaa ia ia ka makana gula $50.
4- O ke kanaka e hooulu ana i ka Pulupulu i emi iho i ko ka ha, e loaa ia ia ka makana gula, &40.
5- O ke kanaka e kanu ana i ka Pulupulu i emi iho i ko ka lima, e loaa no ia ia ka makana gula, $30.
6- O ke kanaka e kanu ana i ka Pulupulu i emi iho i ko ka ono, e loaa no ia ia ka makana gula, $20.
7- O ke kanaka e kanu ana i ka Pulupulu i emi iho i ko ka hiku, e loaa no ia ia ka makana gula, He Wili Plupulu
8- O ke kanaka e kanu ana i ke Pulupulu i emi mai i ko ka walu, e loaa no ia ia ka makana, He wili Pulupulu.
9- O ke kanaka e kanu ana i ka Pulupulu i emi mai i ko ka iwa, e loaa no ia ia ka makana, 4 Buke Kuokoa i humuhumuia a paa.
10- O ke kanaka e kahu ana i ka Pulupulu i emi iho i ko ke umi, e loaa no ia ia ka makana, 4 Buke Kuokoa i humuhumuia a paa.
NA RULA O KA MAKANA ANA AKU.
RULA 1.-O kela mau makana a pau, e haawi ia i ka poe i loaa iloko o Ianuari 1867.
RULA 2.-Na ke kanaka hookahi wale no e mahi i ka Pulupulu, ia ia wale no e loaa aku ai ka makana, aole ka Pulupulu a kekahi mea e ae i kanu ai.
RULA 3.-Aole e loaa aku kekahi o kela mau makana, aia a he Kanaka Hawaii, (koe na haole.)
RULA 4. -O na Pulupulu a pau loa, i loaa'i keia mau makana, e kuai mai lakou me a'u, a na'u no e malama pono i Buke Hooponopono no na paona a kela mea keia mea i kuai mai ai.
RULA 5.-Ina elua a ekolu kanaka paha, i lawe mai i na paona he Umi Tausani a keu, e haawi ia aku no ka makana mua i ka mea nona na paona i oi ae, a o ka mea malalo iho, e loaa no ia ia ka makana elua, a pela aku.
Nolaila, e o'u mau Makamaka mea aina, e ala ae oukou ; a e hooikaika nui oukou, e hana pauaho ole, a mai hoopalaleha, no ka mea, e loaa auanei ia oukou na makana maikai. O ka poe i hana hooikaika ma ke alanui, e loaa no ia lakou na makana maluna'e nei.
O ka poe e makemake ana i na Hua Pulupulu Hou e kanu, mai Kaletona Hema mai, e loaa no ia lakou ma ko'u Hale Wili Pulupulu, ma ka Hale Leta.
224- tf B.M. WINI.