Ka Nupepa Kuokoa, Volume V, Number 29, 21 Iulai 1866 — Page 1

KA NUPEPA KUOKOA:
KE KILOHANA POOKELA NO KA LAHUI HAWAII.
BUKE V. HELU 29. HONOLULU, IULAI 21, 1866. NA HELU A PAU 242.

"KA NUPEPA KUOKOA,"
HOOPUKA MAU IA MA HONOLULU I kela Poaono keia Poaono.
$2.00 no na mahina he UMIKUMAMALUA, $1.00 no na mahina eono.
ME KA HOOKAA MUA MAI.

NA OLELO HOOLAHA—aole i oi mamua o 10 laina no ka hoopuka hookahi ana, $1.00; alua komo ana, he $1.50; hookahi malama, $2.00. E uku mua ia mai ke dala o na olelo hoolaha a pau e hoounaia ana mai e pai.
KANIKAU—he hapalua dala ka uku no ka aoao hookahi o ka pepa leta, oia hoi 4 keneta no ka lalani hookahi—penei: he 25 lalani, $1.00; 50 lalani, $2.00; a pela'ku.
NA UKU NO NA OLELO HOOLAHA—ka uku pepa, a me ka uku o ke Kanikau, e haawiia no ma ka lima o na Luna o ke Kuokoa, a i oleia, e hoouna mai ia Kauka Kulika.
O NA UKU PEPA A PAU E HOOKAA MUA MAI NO—aole e kauia ka inoa o kekahi haole a kanaka maoli paha, ma ka inoa o ka poe lawe pepa ke ole e hookaa e mai mamua. E pono ke hiipoiia keia mau rula, no ka mea, he emi no ka auhau no keia nupepa.
AIA KE KEENA O KA NUPEPA KUOKOA—ma ke kihi hema o ka Hale Hookipa Luina (Sailor's Home.) O na hora hana, ma ka eiwa o kakahiaka, a i ka ha o ke ahiahi.
L. H. KULIKA. (Luna Hoopuka.)

KA "NUPEPA KUOKOA."
I s published in Honolulu. EVERY SATURDAY,
$2.00 per annum, or $1.00 per six months, in advance.

A DVERTISEMENTS not exceeding 10 lines, inserted once for $1.00; twice or $1.50; and $2.00 for one month; all advertisements must be paid for in advance.
KANIKAUS will be charged 1.00 per page, or 4 cts. a line.
PAYMENTS FOR ADVERTISEMENTS, Subscriptions or Kanikaus, may be paid to any of the Agents of the Kuokoa, or may be enclosed in a letter to the Publisher.
ALL SUBSCRIPTIONS must be PREPAID. No names, either of foreigners or natives, will be inserted on the subscription list, until paid for. This rule must be strictly adhered to, on account of the low subscription price.
THE OFFICE OF THE KUOKOA is in the South corner of the Sailors' Home. Office hours from 9 A.M. to 4 P.M.
L. H. GULICK.
Publisher.

Volume I, II, and III of the KUOKOA, bound, for sale, $3.50 each.
Persons having complete sets of the above, can have them bound by paying $2.00 each.

Olelo Hoolaha!

KE KAUOHA AKU NEI AU I NA MEA a pau i aie ia Kamuela (S. H. Dowsett) i make, e hookaa mai mamua o ka la 30 o Iune 1866, e like me ka manawa i haawiia e ka Aha. KIMO PELEKANE. Lunahooponopono. Honolulu, Mei 30, 1866. 235-tf

HE MOKU HOLO MAU

No Lahaina, a me Makena. O KE KUNA KALEPA PAA maikai, "Kate Lee." O Fountain ke Kapena, E HOLO MAU LOA ANA A HIKI WA no hoi ma na Awa i olelo ia maluna. No na ukana a me na ohua, e nina i ke Kapena ma ka moku, a i ole ia ia C. BREWER &co. (BURUA MA) 228-tf

No Hilo.

KA MOKU KUNA "MELE HILO," O Pilipo ke Kapena. E HOLO MAU ANA KEIA MOKU I KE Awa maluna, no na ukana ame na ohua e ninau ia

No Hana, Kaupo, a me Maliko,

KA MOKU KUNA 'MANUOKAWAI,' O Merchant ke Kapena. E HOLO MAU ANA KELA MOKU I NA Awa i haiia maluna. No na ukana a me na ohua, e ninau ia C. BREWER &co. (BURUA MA)

Olelo Hoolaha
- A KA -
AHAHUI HOOHOLO MOKUAHI
- A -
MOKU MAOLI KULOKO
- O KO -
Hawaii Pae Aina.

KA MOKU KUNA MAIKAI Alabani, 161 tona, e holo ana i Kawaihae, a me Kona, ma k Poaono, a mamua ae paha, la 10 o keia malama. O KE KUNA KALEPA O Neti Mela E holo mau ana i Lahaina, a me Maalaea. No na mea i koe, e ninau ia Kapena Mokina, a i ole ia, ia JANION GREEN & CO., A. H. M. K. H. 222-tf

Na Buke i Pai ia e ka Papa Hawaii.
Eia na buke kuai, a me ke kumukuai.

Baibala nui no na Awai o na Halepule, $4 00
" Ohana, ano nui, me na kii, 2 50
a me na Moohana, 5 00
" Ohana uuku iho, me na Moohana, ili ulaula, 1 00
" Ohana, me na Moohana wale no, 62 ½
" Okoa, 50
Kauoha Kahiko, i paiia i ka M. H. 1838, 25
Kauoha Hou, me ka pepa lahilahi o waho, 12 ½
Kauoha Hou, hapa haole (Haw. Eng.) 25
Haiao, 25
Hele Malihini Ana, 25
Wehewehehala, 26
Li ra Hawaii, 25
No ko ke Akua Ano, 25
Li ra Kamalii, 25
Kumumua Hou, 12 ½
Moolelo Ekalesia, 50
Hoike Palapala Hemolele, 25
Himeni Hawaii me na Leo Mele, 1834, 25
Ninauhoike, 12 ½
Ui Kamalii no na Kula Sabati 12 ½
Kumu Leomele 12 ½

Eia na buke i haawi walei a.

Haawina Baibala.
Ui.
Na Dawida Malo Kumumanao.
Ko Olelo Ao Liilii.
Ka Moolelo o Batimea Puaaiki.

L. H. Kulika.
Kakauolelo o ka Papa Hooko o ka Ahahui Euanelio o Hawaii.

Ka Nupepa Kuokoa.

Ka Aina o Palesetina.
HELU 10.

            HE SUKAMO RE (SYCAMORE). Oia hoi ka Laau Fiku Sukamore, aka aole o ke sukamore maoli. He laau nunui keia, a o ka lau ua like loa me ko ke kilika (mulberry) a o ka hua hoi ua like no me ko ka fiku maoli, a o ka mea ia i kapaia'i, "ka fiku sukamole." He nui loa ia laau ma Aigupita, a aohe hoi he nui loa ma Palesetina. He manoanoa loa ke kumu, e hohola ana na lala ma o a maanei, a he olu loa ka noho ana iho malalo o kona malu. He mama loa keia laau, a he loihi no ka waiho ana, aohe e popopo koke, a ua hana mau ia e ka poe kukulu hale o Hebera, a me ko Aigupita poe, a hiki wale i ka loaa ana o na kedera o Lebanona. 1 Na'lii 10:21. O ka hua ana mai o ka hua, he pupupu loa ma ke kino nae o ka laau, a o ka mea like ole oia fiku me ka fiku maoli, o ka anoano ole oia fiku, a e hua mau ana no a hala ka makahiki, a aohe no e pala iki ana ina aohe e mili mau ia. O kekahi ia o na hana a Amosa a ke Kaula, Amosa 7:14. A ua ike kakou ma 1 Oihana'lii 24:28. Ua kanu nui loa ia, ia laau ma Palesetina no ka hua.
          7. KA LAAU ALEMONA. Ua ulu nui loa keia laau ma Palesetina, a he nani loa ke nana aku. I ka hooilo e pua ai, a o ka mea ia i haku ia'i e ka poe haku mele o Hebera o ka wa kahiko, Kekah. 12:5. Ua ike paha kahi poe o kakou, a o kahi poe hoi aohe i ike i ka hua a me ka aila mailoko mai o ka hua o ka alemona. Aohe ai ia oia hua. Ua ike ia o ka alemona oia kekahi o na laau kaulana o Palesetina, Kin. 43:11. A ua hanaia na lala i mau kookoo, Nahelu 17:8.
          8. KA LAAU PAMA. Aohe ike nui ia keia laau kaulana o Palese tina i keia wa malaila, aka hoi i ka wa mamua he nui loa ia laau malaila. Ua aneane e uhi paa loa ia na kula a me na awawa o Ioredane e keia laau, a me ke kula o kahakai, Oihanak. 23:40; Kan. 34:3; Lun. 1:16, 3, 13, 4, 5. He pololei ka ulu ana o keia laau aohe lala, ua hoonaniia i na laau uliuli, a ua hana nui loa ia keia laau e na poe Hebera i mea hoonani i kekahi mau mea hana a lakou, 1 Na'lii 6:32. A ua hanaia no hoi i mea hoailona no kekahi kanaka ui, a nani no hoi, Sol. Mele 7:8. A no kekahi kanaka haipule, a kupaa no hoi, Halelu 1, 3, 92, 12. A o ka hoailona no hoi ia o ka lanakila ana, Hoik. 7:9. O ka lau o keia laau ka ka poe Iudaio e paa'i ma ko lakou mau lima, i ko lakou wa e hele ai i ka ahaaina kauhale malumalu. Oihanakah. 23:40. A e haliilii ai hoi i ke alanui, i ko na'lii wa e hele ana, Mat. 21:8. He nui loa ka huihui o keia laau ke hua mai, aia a ke kau haule lau e pala ai, e ai ia ana no i ka wa pala, a i ka wa e maloo ai, a, o kekahi hapa ia o ka ai a ka poe o Asia Komohana.
          9. KA LAAU KILIKA. He nui loa keia laau ma Palesetina i ka wa mamua, a pela no paha i keia wa, 2 Sam. 5:23, 24; 1 Oihana'lii 14:14, 15. Aka, aohe like loa o ka oluolu o ka ulu ana o ia laau ma na wahi a pau o ia aina. Ma Lebanona kahi i mahi nui ia'i o ke kilika, no kona lau nae ke kumu o ia mea, i mea ai na na enuhe kilika, a ua paipai ia na lala i mea e ulu nui ai a nui na lau, a ma na mahina'i o Palesetina ua hookuuia ia laau e ulu wale mai no pela.
          10. KA LAAU POME RAITE. He pupupu ka ulu ana o keia laau he ooi na lala, e ulu ana a 20 kapuai ke kiekie. O ka hua ua like ka nui me ko ka alani, a he anoano o loko, a he wai maloko o ka anoano, he ono no, a noloko mai o laila na mea inu o ka makalii i hanaia'i, Nah. 20:5; Kan. 8:8; ke Mele a Sol. 4:13; 6:11; 7:12. Ua makemake loa ka poe Iudaio i ka hua o keia laau.
          11. KA LAAU KE DERA. O ka laau kedera i hai nui ia ma ka Baibala, oia no na laau o na mauna o Lebanona a me Palesetina no hoi. He nui loa na ululaau kedera ma na kuahiwi o Lebanona. O kekahi ululaau ma kahi kiekie loa o ka mauna, ua manao ia o na wahi laau no ia nana i hoolaha mai ka laau kedera o Lebanona, a ua hele nui no ka poe makaikai e nana ia ulu-laau. Malaila no e loaa ai na laau kahiko loa. He kanaha kapuai ke anapuni o na laau nui. Ma kau wahi, he nui na laau e ulu pupupu ana i ka wa liilii, a i ke nui ana ae, lilo ae la i laau hookahi, a me he mea la hookahi kumu ke nana'ku. He poe nele loa ka poe Iseraela i na laau kukulu hale ole, a he ola loa kahi ilihune laau, ina e loaa mai kau wahi kedera o Lebanona, a o ka poe Ponekia, o Turo, ua lawe mai lakou i ka lakou mau laau, maloko o ke kai e hoolana'i a alako hele mai a pae ae ma Iopa, 1 Na'lii 5:6, 10; 9; 11; 2 Oihana'lii 1:15; 2:8; Ezek. 3:7. Aole i pau.

He Moolelo no ka poe i pepehiia no ke kupaa i ka manaoio.

No na Aposetole, ko lakou pepehi ia ana no ke kupaa i ka manaoio, a pela aku.
          NO PAULO (S T. PAUL.) O Paulo ka lunaolelo, ua hanau ia ma Tareso (Tarsus) i Kikili (Cilicia,) he Iudaio no ka ohana o Beniamina. I kona wa mamua, he kanaka keu aku ia a ke aloha ole i ka poe Kristiano, aka, mahope mai o kona hoohuli ia ana, oia ke kanaka keu o ka uwila ma ka haiolelo ana i ka euanelio maikai a Kristo. Ma Ikonia (Iconium) ko Paulo a me ko Birenaba (St. Barnabus) ma wahi i aneane loa ai e hailuku ia i ka pohaku, e ka poe Iudaio i piha i ka inaina, a noia mea, koele wawae aku la laua i Lukania (Lycania.) Ma Lucetera (Lystra,) ko Paulo wahi i hailuku ia ai i ka pohaku, a kau-o huluhulu ia'ku la a hala mawaho o ke kulanakauhale, a waiho ia'ku la pela e make, aka, ola hou ae la o Paulo, puhalahiu ana kela, hala i Derebe. Ma Pilipi o Paulo a me Sila i hoopaahao ia ai, a hili ia no hoi i ka huipa, a ua hoomaauia laua ma Tesalonike (Toessalonica.) I kona lawe ia ana i Ierusalema, hoouna ia aku la oia e hele i i Kaisareia, aka, hoopii aku la oia imua o Kaisara ma Roma. A malaila oia i noho ai, iloko o ka halepaahao, no na makahiki elua. I kona hookuu ia ana, hele aku la oia i na ekalesia o Helene a me Roma, a haiolelo aku la oia ma Farani a me Sepania, a i kona hoi hou ana i Roma, hoopaa hou ia no oia, a mamuli o ka olelo a Nero, ua pepehi ia oia a make, ma ke oki ia ana o kona poo. Elua i hookaawale ia no ka hoomanao ana i ka make o keia lunaolelo. O kekahi la no kona hoohuli ia ana, a o kekahi la hoi no kona make ana no ke kupaa i ka manaoio, o ka la 25 o Iune ko ka la mua, a o ka 29 o Iune ko ka la hope.
          NO IU DE (ST. JUDE.) O Iude, he lunaolelo ia, a he hoahanau no Iakobo ua kahea mau ia nae kona inoa o Tadiusa (Thaddeus.) I kona hoouna ia ana i Edesa, malaila oia i hana ai i na hana mana he nui wale, a he nui wale ka poe i huli mai, a noia mea, hoala ia ae la ka manao huhu o kanaka, ua kau ia oia ma ke kea i ka A. D. 72.
          NO BA RETOLOMAIO (ST. BARTHOLOMEW.) Ua haiolelo oia ma kekahi mau aina, a hana no hoi i kekahi mau hana mana, a hoola i kela ano mai keia ano mai. Nana i unuhi ka euanelio a Mataio ma ka olelo Inia, a hoolaha aku la ia mea ma ia aina, aka, ano paupauaho mai la ka poe hoomanakii i kana ao ana, palukuluku ia oia, kau ia ma ke kea, lohe ia kona ahuahu, alaila okiia ae la kona poo, a o kona make iho la no ia.
          NO TOMA (ST. THOMAS.) O Toma kona inoa e hea mau ia ai ma ka olelo Siria, aka o Diduma ma ka olelo Helene kekahi o na lunaolelo. Ma Paretia a me Inia kona wahi i haiolelo ai, a no ka lilo o kana haiao i mea oluolu ole i na kahuna nui o ka poe pegana, ua pepehi ia oia me ka hou ia ana i ka ihe a puka pu ma kela aoao.
          NO LUKA (S T. LUKE.) O Luka, he lunaolelo oia, nana no i kakau i kekahi euanelio maikai loa. Ua kaahele pu oia me Paulo a hiki i Roma, a ao aku la i ka lahui lokoino e luu ana i ka mau o ka make, a hiki wale i kona li ia ana maluna o kekahi laau oliva e na kahuna nui o Helene.
          NO SIMONA (ST. SIMON.) O Simona oia kekahi o na lunaolelo, i kaulana ma ka inoa o Zelo te (Zelotes) no kona manao ikaika. Haiolelo aku la ia ma kekahi mau wahi e ae o Aferika a ma Beritania, a he nui loa kana poe i hoohuli ai malaila, a ua kaulia oia ma ke kea e ka poe hupo oia aina, a o ka A. D. 74 ia.
          NO IOANE (ST. JOHN.) O Ioane, he Kaula oia, he aposele, he kanaka no ke Akua, a he kanaka kupaa i ka manaoio. Ua kapa ia oia o ka haumana i aloha nui ia, ka hoahanau o Iakobo ka Nui. Mamua aku, o kekahi haumana no ia o Ioane Bapetito, a mahope iho, aohe oia wale no kekahi o na umikumamalua, aka, o ke kolu ia na mea a Iesu e kukakukamalu ai no na mea e pili ana i kona ola. O na ekalesia i loaa iaia ma Asia, oia no o Semulena (Smyrna,) Peregamo (Pergamus) Saredeisa, Piladelepia, Laodikeia a me Tiatera, a ia lakou oia i kakau ai i kana buke Hoikeana. Ia ia e noho ana ma Epeso, ua kauoha ka Emepera Domitiana e hoopaa ia oia, a e lawe ia i Roma, a i laila e hoolei ia ai oia iloko o kekahi ipuhao nui, e paila ana ka aila oloko, me ko lakou manao e palahehe loa ana la oia maloko oia ipuhao, aka, hana iho la ke Akua i kona mana, a hoopakele ae la oia i kana kauwa mailoko mai o kela make, aohe i hana ino aku ka wela o ka aila ia ia; a no ka hiki ole ia Domitiana, ke hoomake aku ia ia, kipaku aku la oia ia Ioane ma ka aina o Patemosa e hana ai ma na lua eli minerala, oia na mea ano dala, keleawe, a pela aku. Ua kahea hou ia oia e Nerava (Nerva) ko Domitiana ukali mahope iho o kona make ana, aka, no ka ikeia ana he mea ole ua make i hoouka ia maluna ona (Ioane,) ua ike maopopo ia he kanaka kupaa oia i ka manaoio. Ua kakau oia i kana episetole, euanelio a me kana Hoikeana, ma ke ano like ole o ke ano o ke kakau ia ana, aka, na like ko lakou mahaloia. Oia wale no ka lunaolelo hookahi i pakele i ka make mainoino, a oia wale no ko lakou mea i ola loihi loa, a aneane e 100 makahiki ona a hiki i kona la i make ai.
          NO BA RENABA (BARNABAS.) He kamaaina oia no Kupero (Cyprus ) a he Iudaio kona mau makua, aohe i ike lea ia kona i wa i make ai, aka, ua manao ia o ka A. D. 73 kona wa i make ai.

Kau Ahaolelo O ka M. H. 1866.

POAKAHI, Iulai 9.
          Halawai ka Ahaolelo ma ka hora 11 o ke kakahiaka.
          Hookomo mai o Hon. Kaunamano he palapala hoopii no Honolulu e noi ana e ae ia o Re v. Lowell Kamika e lapaau. He 800 ka nui o ka poe hoopii.
          Kauoha mai ka Hope Pe residena mai hookomo mai keia Hale ia ano palapala hoopii.
          He palapala hoopii mai na na Kapena moku holoholo pili aina o kakou nei, e noi ana e hoihoi houia i $10, na ke Kapena hookahi, i like ai me ke Kanawai no na Kapena holoholo pili aina nei. Hoomoe ia.
          Hookomo mai ke Kuhina o ko na aina e, he bila e hoololi ana i ka Pauku 381 o ke Kanawai Kivila.
          Hookomo mai o Hon. Mr. Ukeke he olelo hooholo e noi ana e hookaawale ia $3,000 na na hoa a pau o keia Hale, no ka loihi loa o ka noho ana.
          Olelo mai ka Hope Peresidena, ua kue ia olelo hooholo i ka Pauku 5 o ke Kumukanawai.
          Noi aku o Hon. Mr. Ukeke e nana ka Hope Pere sidena i ka Pauku 15 o ke Kumukanawai.
          E hiki no i ka Hale ke noonoo, ina e hoahewa ia ka'u olelo ana aku nei, wahi a ka Hope Peresidena.
          Ma ke noi ia ana mai, ua hoihoi hou o Hon. Mr. Ukeke i ka olelo hooholo.
          Hookomo mai o Hon. Mr. Kakani he olelo hooholo, e hoopau ia ka Ahaolelo ma ka la 20 o keia malama.
          Noi mai o Hon. Mr. Ukeke e hoopau ma ka la 4 o keia malama.
          Wahi a ke Kuhina Waiwai, o ka mea e pau ai o ka hana, o ka hoololohili ole.
          Ninauia ia noi - haule.
          O ke noi e hooholo i ka olelo hooholo a Hon. Mr. Kakani, ua ninau ia, a ua haule.
          Hookomo mai o Hon. Nahaku he olelo hooholo e hapai ia ka noonoo no na uku o na Kuhina. - Hoomoe ia.
          Noi mai o Hon. Kaapa e kapae ia na rula, a e hapai hou ia ka noonoo ana i ka Bila Dala Pepa.
          Noi mai o Hi s. Ex. Harris, he makemake ia e lohe pono i ko Kaapa manao no ia Bila.
          Olelo mai o Hon. Kaapa, ua nui kona kamailio ana me kekahi poe, a ua maopopo ia ia.
          Ua kokua o Col. Kalakaua i ke noi.
          Kue loa mai o Hon. Hoika i ke noi, oiai 7 a 8 la o ka hana ana o keia bila, aohe wahi lihi pono iki.
          Kue nui loa mai o Hon. Kealiipio ame Ukeke.
          Haawi aku ke Kuhina Waiwai i ke aloha ia Hon. Kaapa no ke noi ana mai e hapai hou i ka Bila Dala Pepa.
          Noi mai o Hon. Kaunamano, aole e ae ia kekahi olelo ma keia hope iho e noi mai ana e hapai hou i ka noonoo no ka Bila Dala Pepa.
          Kokua o Hon. Keawehunahala i ke noi, a ina e haule hou ua Bila Dala Pepa la, alaila, aole e hapai hou ia ka noonoo no la Bila.
          Kamailio mai o Hon. Ukeke e kue wale ana no i ka Luna o Hilo.
          Kue loa mai o Gov. Kanoa i ka noonoo hou ia bila.
          Noi ia mai e kakau ia na ae a me na hoole.
          O ke noi e hapai hou ia ka noonoo i ka Bila Dala Pepa, ua haule - he 25 poe ae, he 13 poe hoole.
          Olelo mai o Hi s. Ex. Harris, o ka elua hai akolu o ke 38 oia no ka 25.
          Hoole mai ka Hope Pere sidena, aole i elua hapakolu.
          Ua hoopii ke Kuhina Waiwai i ka olelo a ka Hope Peresidena imua o ka Hale.
          Olelo mai ka Hope Peresidena, aole e e ae aku keia Hale i ka hoopii imua o keia Hale.
          Hoopaapaa loa mai ke Kuhina Waiwai (me he ano loio la no) me ka olelo mai, aole e helu ia ka Hope Peresidena ke koho ia ma kekahi aoao.
          Aia no au ma ka hoole, wahi Hon. Kapena Loke.
          Noi mai o Go v. Dominis e koho ia i Komite no ka helu ana i na lilo no ka hoolewa ana i ke kino kupapau o Victoria K. Kaahumanu, ae ia - koho ia o J. Kamika, Kaunamano, Mahelona, Wana a me Kaapa.
          Noi ia mai e hapai ia na hana o ka la.
          O ka uku no ke Kuhina Kalaiaina i $10,000.
          Noi mai o Col. Kalakaua he hoololi kana i $12,000.
          Noi mai o Hon. Mr. S. W. Mahelona i $9,000.
          Noi mai o Hon. Kupau i $8,000., oiai ke noho nei ke Aupuni iloko o ka nenelu o ka aie, he $180,000 00.
          Kokua nui mai o Col. Kalakaua i ka $12,000 00.
          Kokua mai ka Hon. Aholo i ka Kalakaua hoololi.
          Kokua pu mai no hoi o Gov. Nahaolelua i $12,000 00.
          Ua hooholoia i $10,000 00 no na makahiki elua e hiki mai ana.
          O ka uku no ke Kuhina o ko na aina e, he $10,000 00. - Hooholoia.
          O ka uku no ke Kuhina Waiwai, he $10,000 00. - Hooholoia.
          O ka uku no ka Loio Kuhina, he $10,000 00. - Hooholoia.
          Noi mai o Hon. Kamalo e hooholo loa e like me ka hoololi.
          Noi mai o Hon. Keawehunahala e noonoo hou i ka uku o ke Kakauolelo o ka Makeke a me ka Luna Wai.
          O ka uku no ka Luna Wai, he $3,600 00 - ae ia.
          Noi ia mai e hookomo ma ka Bila Haawina ma ke ano hoololi.
          Noi mai o Hon. Keawehunahala e hoopii hou i ka uku o ke Kakauolelo alua o ka Aha Kiekie i $3,000 00 - ae ia.
          Noi mai o Hon. Keawehunahala e hookomo i $5,000 00 no ke Kahukula Nui.
          Ninau mai ke Kuhina Waiwai, no keaha la ke Komi te o ka Hale i ae ai e hooholo i kela mau uku?
          Wahi a Hon. Keawehunahala, eia ka Bila Haawina imua o ka Hale, ke noonoo ia nei.
          Eia ka Hon. Nahaku, aia oia ma ka Keawehunahala aoao.
          Hoole loa mai o Hon. Kakani i ka hoopii ae i ka uku o ke Kahukula Nui.
          Wahi hoi a Hon. Bihopa - ua huhewa loa kakou.
          Olelo mai ka Hope Pere sidena, aole e pono ia kakou ke noonoo i na mea e ae, aia wale no i ka mea a Ka Moi i kauoha mai ai.
          Noi mai o Hon. Bihopa e ae ia na uku makahiki o na Kuhina, a o ko na mea e ae, e hoole ia.
          Olelo mai o Hon. Aholo, ina ae ia kekahi mea, alaila, e ae ia no na mea apau.
          Olelo mai ka Hope Pe residena, o na uku wale no o nei Kuhina a me ka Loio Kuhina kai pololei, a o kekahi mau mea liili, he mea ole ia.
          O ke noi a Hon. Bihopa, ua ninau ia, a ua haule.
          Hoopanee ia ka Ahaolelo.

POALUA, Iulai 10.
          Halawai ka Ahaolelo ma ka ho ra mau.
          Hoike mai o Hon. Aholo ka Luna Hoomalu o ke Komi te i ka pono o ke pai ana o ka buke 1 a me 2 o na olelo hooholo a ka Aha Kiekie ma ka olelo Hawaii, a e pai ia ma ke Au Okoa i kela pule keia pule.
          Noi mai o Mr. Wana e kapae ia na rula, a e hapai hou ia ka Bila Dala Pepa, ninau ia - he 9 e kue ana i ka 16.
          Ua ae ia ke Kuhina o ko na aina e, e heluhelu mua mai i kana bila e hoololi ai i ka Pauku 381 o ke Kanawai Kivila, a ma ke noi ia ana, ua holo ma ka heluhelu mua ana.
          Heluhelu ia mai he olelo hooholo, aole e ae hou ia e hapai hou i ka noono o ana no ka Bila Dala Pepa. Hoomoe ia.
          Ma ke noi ia ana mai, ua hapai ia ka hana o ka la, oiai hoi ka Bila Haawina.
            Noi mai o Hon. Kamalo e kapae ia na rula, a e hookomo ia ma ka Bila Haawina na uku o na Kuhina. Ninauia, a aeia.
          Heluhelu mai o Hon. Nahaku he olelo hooholo e hapai hou ia ka Bila e hooemi ana i ka auhau lio. Ninau ia, a ua haule. (aia no ke kaumaha o kakou la; make no kakou ia kakou makaainana)
          Ma ke noi ia ana mai, ua hapai ia ka noonoo ana no na hoike a ke Komi te i waiho ia aku ai e noonoo no ka mea e pili ana ia Kalama. Ua heluhelu ia na hoike a elua.
          Noi mai ke Kuhina o ko na aina e, e ae aku i ka hoike a ka hapa uuku.
          Noi mai o Hon. Ukeke e ae aku i ka hoike a ka hapa nui, a e noonoo iho ka Hale, he Moiwahine mua ia, a e pono e loaa aku iaia kekahi kokua mai ka lahui aku.
          Ku mai ke Kuhina Waiwai a olelo mai i ke Alii e hoihoi i kana noi.
          Kue loa mai o Hon. Kupau i ka ke Kuhina Waiwai olelo.
          Pane mai ke Alii Lunalilo, aole au e haalele i ko'u noho, oiai ke noho nei au mamuli o ko'u ano mamo alii maloko o keia Hale.
          Kokua mai o Hon. Nahaku i ka hoike a ka hapa nui.
          Olelo mai Ka Mea Kiekie, i hookomo mai au i keia olelo hooholo, no ko'u ike ua kupono na kakou e noonoo.
          Aia o Mr. Ii ma ka aoao hoomoe i na olele hoike a elua.
          Kue loa o Mr. Bihopa i ka haawi ana i uku hoomau no ka Moiwahine kanemake Kalama.
          Noi mai o Col. Kalakaua e ninau ia ka ninau mua.
          O ke noi e hoomoe i na olelo hoike a elua, ua ninau ia a ua haule.
          O ke noi e hoomoe i ka olelo hoike a ka hapa uuku ma ka papa, a e ae aku i ka ka hapa nui hoike. Lawe ia.
          Noi ia mai e hookomo ia ma ka Bila Haawina i $8,000 00 no ka Moiwahine kanemake Kalama. Ninau ia a ua ae ia.
          Noi mai o Ha rris, he makemake ia e lohe pono, mai ke Kakauolelo mai, ehia la ka lilo o ka Ahaolelo mai mua mai a hiki i keia la.
          Wahi a ke Kakauolelo he $7,795.67.
          Noi mai o Hi s. Ex. Harris e hookaawale ia i $9,000 no na lilo o keia Ahaolelo.
            Noi mai Ka Mea Kiekie i $10,000., ae ia.
          Lilo ka Hale i ke Komi te no ka noonoo ana i ke Kanawai e hoolako ana i wai no Lahaina. Heluhelu ia mai ka mua a ka hope.
          Kue ke Kuhina Waiwai i ka Pauku ekolu.
          Kue o Hon. Ukeke ia Kanawai, oiai no Lahaina wale iho no ia pomaikai, aole no na aina e ae.
          Olelo mai o Hon. Ii, e pono e hoolawa