Ka Nupepa Kuokoa, Volume V, Number 10, 10 Malaki 1866 — Na Palapala. Make emoole. [ARTICLE]

Na Palapala.

Make emoole.

Ma ka la 20 o Feberuali iho nei, ua make emoole o S. P. Hanalei, ka hope Kahunapule o Puula, Puna, Hawaii. Oke kumu nae o kona make ana, he puu maloko o kona umauma, ina e hele wikiwiki aku, o ka naenae ae la no ia, me he mea la e kaili ae ana ke aho, a lilo aku. Nolaila, ua haalele aku oia i kona wahi i hoonoho ia'ku ai. Aua hele mai oia i Hilo nei, me ka inanao e hooluolu iaia iho, a e hana hoi ke Kauka ia ia, e like me ke aifo akamai o ke Kauka ma kana hana ; aohe wahi mea oluolu iho, aole nae oia i kaa mni iloko o ia mau la, e hele ana no oia me kona kino ikaika, aole moe ma ka hale, a hiki mai ka la i oleloia ae la, a ma ke ahiahi oia la no ; ua kokoke nae paha e weio aku ana ka la i Lehua, hoomakaukau iho la lakou e paina, a pau ka paina ana, hoomaka iho la ua S. P. Hanalei nei e pule ohana, aole i pau ka heluhelu buke ana, o ka luai mai la no ia, a he ano like ka luai me ka huakai, aole liuliu ma ia hope koke iho no, o ka lawe aku la no ia o ke Akua i kana o ka Uhane, a koe iho la ka hale lepo, no ka honua nei no ia, e like me ka olelo a (oba. O keia hope Kahuna, oia no kekahi o na haumana o ke kula Kahuna a Rev. T. Coan o Hilo, he kanaka akamai no ma na mea i ao ia ia ia, a oia no hoi kekahi lala o ka Ahahui Euanelio o Hawaii Hikina. He kanaka ikaika opiopio keia, a ikaika loa no hoi i ka hoohuii inai i na kanaka mata pono o ke Akua, a he makaukau no hoi ma ka haiolelo ana.* Me ka mahalo. A. W. P. Maiioe. Punahoa, Hilo, Feb. 23, 1566.