Ka Nupepa Kuokoa, Volume IV, Number 50, 16 December 1865 — No ka mahiai ana. [ARTICLE]

No ka mahiai ana.

Oa iamailio aku au ia oukou e na hoa mahiai, no ke kipulu ana i na mea kanu. Ma na aina haole he nui wale ia hana. Ua minamina loa na haole mahiai ma Berftania a ma Amerika, i na hunahuna opala a pau loa, i mea kipulu. Aole lakou e hoōmaunauna ia wai\arai, e like tne ia i hoomaunauna ia e oukou. CJa nui ioa hoi ko lakou kuai kipulu ma na aina e. Nolaila na moku e holo mai nei i-keia moana, a komo i ke kukae nianu, hoi, a kuai aku mauka i kanaka mahiai. Ua hapuku hoi lakou ina mea kipulu a pau, a ma ia mea, ua mahuahua loa na hua o ka aina.

Eia ko'u paipai ia kakou. E like me ka na haole e mahiai ana me ke kipulu ana i na aina kanu a iakou, pela hoi kakou e pono ai. I ko kakou wa kanu, e hapuku e kakou i na mea kipulu e waiho wale ana, a kanu pu iloko o kela me keia makalua. Ina he kanu auwaha i ke ko, kulina, uala, a paha, alaila, e kanu pu ia mau mea me ke kipulu iloko o na auwaha. Eia na mea kipulu e hoomaunauna wale ia ana ma Hawaii nei, e maloo" wale ana i ka la, a nalowale anaS ka makani. Ka lepo ma na pa holoholona. Ua hohonu loa ia lepo e waiho ana ma kekahi mau pa-bibi he nui wale. Pono no oukou e kii aku malaila a lawe i mea e kipulu ai i na wahi kanu a pau o oukou. Pela boi ka lepo e haule pakahi nna ma na kula, a ma kahi i kukuluia na lio me na bipi. A maii pau lua, a kanu ilolio o na makalua. Eia kekahi, ka lau nahehe, mohihi, iniko, ilima, uha loa, lau kukui hoi e uliuli ana, maikai loa ia mau mea a pau iloko o na makalua kanu. Eia kekahi na kupapau o na holoholona make wale, a pilau ino ke waiho maluna o ka aina. E kanu pau loa ilalo, a hoolilo i ko lakou lua kupapau i makalua no na laau kanu. Pela hoi na' iwi holoholona, he kipulu pau ole i na makahiki he lehulehu, ke houluulu ia iloko o na makalua o na laau kanu. Eia kekahi kipulu maikai ke kipulu ma kahakai. Ka limu oke kai i kaa'i iuka me ka naiu. Ina oukou e lawe ia limu, a hou iloko o na makalua kanu a oukou i ko laila hua he nui loa. Ua like no ia me ke kukae manu i laweia e kipulu ma na aina haole. He munao wale ko'u, aia a ku i ka'mahakea na aina o nei i kanuia i kc ko, a ua pahulu, alaila, e hoomaka nui auanei ka poe mahi kp, e kipulu ia mau aina i ku i ka mahakea, a kanu hou no. Luhua.