Ka Nupepa Kuokoa, Volume IV, Number 47, 25 Nowemapa 1865 — Hoohoka ia o Gen. Seremana. [ARTICLE]

Hoohoka ia o Gen. Seremana.

E noho ana o Gen. Seremana iloko o ka hale loie o Gen. Howard i kekahi fci, oiai e kaua ana lakou ma ka mokuaina o Kerokia. £ noho pu ana kekahi poe e ae me laua, o ke Kauka kekahi. Ua ike ua Kauka nei i ko Seremana ono ika rama; aka, o Gen. Ho\vard, he kanaka hoole loa ia i na wai ona, aoie pa iki ke kiaha rama i kona lehelehe. Makemake ua Kauka nei e haawi i kiaha mea inu ia Gen. Seremana, ua pilikia nae oia i ka noho ana mai o Gen. Howard. A penei kana i hana'i:olelo aku la oia ia Seremana, " e, ano nawaliwali mai nei oe, e hele pu 6e me a'u a e inu paakai," me kona manao nae e haawi i kiaha rama. Ua noonoo koke o Seremana i ke ano o kana olelo, a ae wikiwiki aku la, a hoeu ae la laua e hele, ua maloo ka puu. Aka, ua ike o Gen. Howard i ka laua mea e kamailio nei, a pane koke aku la oia, " alia oe e hele, eia no ka paakai ia'u." Wehe koke ae la 6ia i kona pa-iki ili, a loaa ke ope paakai pipii, hoo iho la ilōko o ke kiaha me ka wai a haawi aku la ia Seremana e inu. Hoka iho la o Gen. Seremana, a pono ole kona manao, aole nae hiki iaia ke hoole i ke kiaha paakai, oiai ua olelo mua t)ia e inu paakai, a inu iho la oia a pau. Aka iki itio la ka poe e noho ana i ka hana maalea a Gen. Howard, i kana keakea ana i ka manao o Seremana. K7* O ke kanaka naauao, noho hamao no oia. (K7" Hoohelelei kekahi, a nui hou ae no nne; aua hoi kekahi ika raea ku ole ika pono, a o ka nele ka hope.