Ka Nupepa Kuokoa, Volume IV, Number 44, 4 Nowemapa 1865 — Ko Napoliona Manao. [ARTICLE]

Ko Napoliona Manao.

" Ua ike au i na kanaka,"*wahi a Napoliona i pane ai i kekahi o kona mau alii, " ua ike au i na kanaka, a ke hai aku nei au ia oe, o lesu, aole ia he kanaka ! Okahoo-. mana o Kristo, he mea kiipanaha ia, e ola ana tna kona mana iho, aole hoi ia i puka mai mai ka noonoo kanaka. Aole o lesu kekahi o na kanaka naauao, no ka mea, o na hana mana kona mau hoike." " Ua kukulu o Alekanedero, a me Kaisara, a me a'u nei hoi i ko makou mau Aupuni; aka, ma na Kahua hea la makou i kukuiu ai ? Eia, ma ka ikaika. Kukulu iho la o Kristo i kona Aupuni maluna o ke aloha ; a i keia wa he nui na miliona kanaka i oluolu e make nona ! E make ana au mamua o ko'u manawa, a e hoihoiia kuu kino i ka lepo iaino na ilo. Oka hopena ia oka mea i kap&ia o Napoliona Nui. Kei ka nui o ke kowa mawaena o ko'u ano a me ke Aupuni pau ole o Knsto, i hoolahaia«a i aloha nui ia, e hoouluia nei a puni ka honua ! " Alaila haliu ae la o Napoliona i kekahi o kona mau alihikaua a olelo aku la penei : »• Ina aole oe i ike o Kristo ke Akua, alaila ua hewa au i ka hookohu ana ia oe i alihikaua." Oia iho ia ka hoike maopopo ana o Napoliona, kela alii kaulana o Farani.