Ka Nupepa Kuokoa, Volume IV, Number 44, 4 November 1865 — Ka Moi Ailuene me ka Pahikaua [ARTICLE]

Ka Moi Ailuene me ka Pahikaua

i na la mm o hoomaemaeia'na oka Ekalesia, ua hoalaia mai ka Moi haipule, Ailuene kokua mamuli oia hana maikai. He mahalo nui kona ika Palapa)a Hemolele, ka buke i hunaia no na kau he nui wnle e na enemi o ka pono, a me ka poe pepehi uhane. A i ka wa i hookohuia'i oia i Alii Nui, a haawiia mai na pahikaua iaia mamuli o kona ano Moi no Enelani, Farani me Irelani, apo aku la oia i na pahikaua a pane aku la, " hookahi pahikaua i koe, he pono ke haawi ia ia'u." Haohao iho la na 'lii i keia olelo; alaila, pane hou aku la oia, " ke hoomanao nei au.i ka Raibala hoano, oia ka pahikaua no ka uhane, he mea ole no kakou ke ole ia, aole hoi hiki ia kakou ke hana i kekahi mea ke nele i kona kokua ana mai." E like me kona Hiakemnke nui ika Baibala, pela* oia i hoolaha nui ai ia buke iwaena o kona poe makaainana. Ao ka Baibala ke kahua o na pono nui o ke aupuni Enelani a hiki 1 keia la. Pono e noa ia Buke ina mea a pau. E heluhelu nui la ena 'kanaka. Malaila na rura e ola'i na lahui, a e paa ai na aupuni o ka honua nei ke malamaia. He pa kaua ikaika na Pono oia Buke e malu ai ka poe e hilinai ana malaila. *Pomaikai ka aina a me na hanauna kanaka ke noa ka Buke maikai ia iakou.