Ka Nupepa Kuokoa, Volume IV, Number 44, 4 Nowemapa 1865 — He wahi leo kahea i ko'u mau Makamaka. [ARTICLE]

He wahi leo kahea i ko'u mau Makamaka.

E ka Nupepa Kuokoa e ; Aloiia oe ahonui oe i ka lawe aku i ko'u wahi leo kahea i ko'u mau makamaka puni nupepa ; a nau e hai aku īa lakou, eia ua wahi leo kahea la ia e ka poe i koe, aole i haawi mai i ke dala o ka hapalua hope o keia makahiki o ka Nupepa Kuokoa a kakou, eia no ka Wa pono e hookaa mai ai oukou, no ka mla, na oukou ka lolohili mai, ili mai ka pilikia o keia hana maluna o makou, a pilime'na Lunahooponopeno no ke dala ole o ka papa pni, ea! e hoōkaa koke mai oukou ma keia mau la, o hoohilahilaia mai kakou, no ka aie kaa ole, a no ke aioha ole, no ka mea, he mea hilahila loa ina e hai pakahi ia'ku na inoa i kaa ole ke dala. A ke kahea nei au ma ko'u apana, mai kekahi mau inoa o ke Kaona a hala loa mai i Waikiki nei, a e hoomanao mai na apana e ae o keia mokupuni i like me ke kaa ole o keia poe, u pela no hoi e ala mai ai o Hawaii nui o Keawe, a hala loa'ku i Kauai o Keolewa, aka, ina ua kaa ko na wahi eae.ao ka'u wale no koe, e pono no e hoihoi ia mai, ka'u mj)u olelo i paipai ai no na apana e ae, ke kuhihewa ole nae au, aka, ina he like pu loa me ka'u, e pono e hookaa koke mai. Me ka mahalo. W. H. Kamoana. Wafkiki-kai, Oct. 15, 1865.