Ka Nupepa Kuokoa, Volume IV, Number 43, 28 ʻOkakopa 1865 — No ka ike malihini ana ia Waialua. [ARTICLE]

No ka ike malihini ana ia Waialua.

ina he mea oluolu i ke Kapena o ke Kuokoa e hookomo iho i kahi kaawale o kona kino i kela mau hua o kau ae la maluna, alaila, e ike mai auanei o'u hoa e noho mai Ia i na kUpa o ka lai a me na hoa'loha o'u iloko o ka iu o ka la, o ka makani wehe olauniu, kai hawanawana o Kawaihae. Ua halawai malihini au me na kaikamahine o Keehukai, oia hoi kela Halekula kaikamahine ma Waialui e ku haaheo ana i ka lai me kona hanohano nui, i hoomau ia kona aoao hema e ka muliwai o Anahulu, he nui loa £o'u olioli i ko'u ike ana i kahi e noho ai na nunu maka onaona o keia paeaole owau wale ke olioli, o kakou pu a pau, a o na puali paha kekahi o ka lani. • A no ka maikai o keia aina, maikai no hoi kahi i ku ai keia halekula kaikamahine, . maikai kona pa, aala onaona kona mau pua Pomeraide, nolaila, ke hai ia aku nei oukou e Hawaii o Keawe, Maui o Kama, e Oahu o Kakuhihewa, e Kauai o Mano, e ku mai a iawe mai i ka oukou mau manu nunu iloko o ka ehukai o Puaena, i loaa'i ia lakou ka naauao, ka lau oliva mae ole i ke kau a kau. I kuu hele anamai Honolulu a i Waialua, he nui kuu mahalo no ke alanui, aole he pilikia i ko'u wa i hele ai. He hale pakaukau ma Waiawa, Ewa. He mau kahawai maikai a momona hoi o ka wai, ma Kipapa, ma Waikakalaua, a me Kaukonahua. A o keia e kahe mau nei ma iakula, he mea no ia e koo aku ana i na pilikia o ka hele ana o na kaikamahine a kakou. E na makua māi Hawaii a Niihau, mai aua i ka oukou mau kaikamahine, me ka manao iho, o "Waiohinu, i Kaa no ka maikai." He maikai no ia, i ka poe i ike ole ia Waialua. He iohe olelo ko'u ī kona mahaloia penei: " Pae aku i Waialua, I ka ehu kai olalo, Ko hale palauhulu, i paia e ke onaona &co." I ko Hawaii ka'u mea hai nui aku, he maikai loa ke alanui, aohe aa, e holo ka lio a moe i ka maikai, ina paha ua ike oukou ia Kohala i kona mau alanui, he inoino, he keu loa keia o ka maikai, 'aole mea nana e keakea mai, ua hele pu au me O. H. Ouliek me kona kaa lio, me na kaikamahine maluna n ke kaa\ elima ko lakou nui, a o ke Ka-

pena no ke ono, huleilua i ke kula o PuunahaWele, ameKemoo, oia kula mehameha kanaka ole, hookahi no kanaka oka nani o ke alanui, me ke aia o ka mauu nene o ua kula lailai la ke hele. Ina ma Kau keia kuia, e iike me na makahiki 1 hala ae, he oi ka iuhi, i:e aa o ke alanui, ka hoomanuwanui i kahi wai hapai mai me ka lima, aole pela keia, he wai luu keia, i na e kolo mai ke keiki mai keia hale mai, e hiki noia i ka wai me ka pali ole o kahi ana e kolo mai ai. Ua lohe wale tnai au, ua aua ko Hilo mau makua i ka lakou mau kaikamahine, i na he oiaio kela lohe, e hoopau aku ia aua ana, mai hoomau, e kuu mai no, i ike i ka lai o Waialua maluna o ke kaa lio. I ana aku i na kaikamnhine o ka ehukai o Puaena, e noho ana iloko o ka haleao o ka naauao, ua ane hiki i ke kanakolū, a ke hele nei no, a e lawa paha aWiei ka makemake i ke kanalima. I ka la iho nei, oia ka la 22, o keia malama, niff wi'u aloha no ke kumu o keia kula, no kona hoomanawanui i ke aio i na haumana maluna o ke kaalio, iloko o ka muliwai. Eono paha hookele ana pau na haumana ma o o ka muliwai, a hele aku i ka halepule. Pela no ika hoi ana. Ke waiho nei au 1 ko'u aloha nona, a no ko'u makamaka maikai i noho ai, oia hoi o J. Kawi, nona kekahi aloha. S. C. Luhiau, Okatoba 25. 1865.