Ka Nupepa Kuokoa, Volume IV, Number 41, 14 ʻOkakopa 1865 — Olelo Ekemu Aku. [ARTICLE]

Olelo Ekemu Aku.

I KA LUNA HOOPONOPONO ; E ALOHA AUANEI. Ua halawai mai makon me kau Olelo Pepa 0 ka la 30, o Sepatemaba i hala ibo nei; Helu 39, Aoao 2, ma ke Kolamu 2, Pauku 4, a Ika pau ana oia Kolamu. Aia malaila ko makou hooponopono. Ke haiia mai nei, "Ua hanaia ka hihia imua pono iho no o ke alo o ka Ahahookolokolo, a me ka Lunakanawai, a oka Luna Makai, a me na Makai; a o ka nana wale aku no ka ka hana a lawa ka makemake o ka mea pepehi, a hiki wawe ka haiia,aku o ka uku, a me ka haawi mai, pau ae la. Ake ninau iho nei, "Inaheoiaio keia?" ' Eia ka makou pane aku, Aoleoiaio. Penei, ua hookuuia ka Ahahookolokolo, a ua noa he 20 minute a oi aku ke kaawale ana, a o ka Lunakanawai, ua naue aku ma kahi e, a o ka Luna Makai hoi aole malaila, he mai kona ; a o na mea i koe aku e haiia mai nei, aole like me ka makou ike ana. E nana mua ia ai no hoi ka pauku 22, iloko o ka mokuna 15 ona Olelo Akamai a Solomona, e aho la ia. Hai kikiaopau ia mai nei ka olelo lohe, me he ike maka la, a hoopukaia na oleloehaeha, kikoi, pakikoele, a waha kole imua o na maka o lakou'la ae. Ke hai aku nei ko makou manao hope, ua hui makou me oukou ma ka hapa mua o keia Kolamu, a o ka hapa hope, aole makou mahalo, aole no hoi no na mea e hoopuka nei i keia Olelo Pepa. E aho paha na lakou'la ae, pela ko makou manao, ame ko lakou'la iho. Na na Makai o ua Aha'la, Scc. Okatoba 5,1865.