Ka Nupepa Kuokoa, Volume IV, Number 41, 14 October 1865 — Page 3

Ka Nupepa Kuokoa

KE KILOHANA POOKELA NO KA LAHUI HAWAII.

 

Ha Palapala.

 

Makee Alii.

 

      E NA LUNA HOOPONOPONO O KE KUOKOA E : He manao hoohalahala ko makou no na Olelo Hoolaha o ko kakou Nupepa a me ka Nupepa o ke Au okoa, no na mea e pili ana i ke Alo Alii; o na hua inua maluna ma kona poo e hoopuka mau ia nei e na Nupepa.  Penei no ia: 

   "Na mea Hou o ke Alo Alii."  Noia hua olelo; ua hai ia malalo o laila ke Ola o ko kakou Alii Nui Moi, a me ka Mea Kiekie ke Kama Alii Wahine V. K. Kaahumanu, a me ka Mea Kiekie H.R. H. M. Kekuanaoa, a me na`Lii Wahine Moi kane make, a me kela mea hanohano keia mea hanohano, a pela`ku.  E---Kaele ka huikau o Keolewa i ka makani---la.

   I ko makou manao i ko na Maka`ainana makee Alii; aole he Pololei o ka hookomo @@@ i ko kakou Alii Nui Moi, a me kona Ohana Alii malalo oia huaolelo, no ka mea, aole i pil pono ke ano nui oia huaolelo i na`L@ Nuo Moi e Noho Aupuni ana, ua pili pono kela huaolelo, (na mea Hou o ke Alo Alii) i na`Lii Nui a pau e noho ana malalo iho o ke Alii Nui Moi.  Oia no ke ano nui oia huaolelo, a me kona pili ana, mai na`Lii Aupuni mai o ka wa kahiko a hiki loa mai i ko kakou Alii Nui Moi e kupu ohaoha nei kona Ola iloko o keia mau la.  Ua mau mai no hoi ka noho ana o na`Lii Nui malalo o na`Lii Moi mai ko lakou mau kupuna Alii mai o ka wa kahiko; a hiki loa mai i ka lakou mau pua.e Ola nei i keia manawa.  Nolaila.  ua kapaia na`Lii Nui e noho ana malalo o ke Alii Nui, "He Alo Alii," no ke Alii Nui Moi maluna iho.

   Aole no hoi  na`Lii Nui wale no ka pili ana oia huaolelo, ua pili no i na Kaukaualii a me na kanaka Kiekie e noho ana ma ke alo o na`Lii.  O ka inoa nui hoi o na kanaka a pau e noho ana ma ke alo o kela alii keia alii, ua kapaia ko lakou inoa he "Aialo,"  Ina i hele aku kekahi kanaka Aialo o na`Lii ma ke kau wahi o na kuaaina, alaila, kapa ia mai la ua kanaka Aialo la e na kanaka makaainana o na kuaaina, "He kanaka no ke Alo Alii."  Nolaila, ke hai pono aku nei makou na makaainana "Makee Alii, a Aloha Alii hoi,"

   A ke hoopuka aku nei no hoi makou i ka huaolelo maluna ma ke poo no ka hoolaha ana no ke Ola o ko makou Moi a me kona Ohana Alii penei:  "KE OLA O KE ALII NUI MOI."

   A malalo o keia huaolelo maluna'e, e hai ia mai ai ka maikai o ke Ola o ko kakou Alii Nui Moi, a me kona Ohana Alii.  Eia kona Ohana-Alii e noho Aiil nei i keia manawa, ka Mea Kiekie ke Kama Alii Wahine Vicotria K. Kaahumanu, ka Mea Kiekie H. R. H. M. Kekuanaoa, na`Lii Moi Wahine kane make.

   A o kela huaolelo a makou e hoohalahala nei, "Na mea Hou o ke Alo Alii," ua kupono loa a huaolelo i na`Lii Nui hanau o ka aina, e like me ka makou mea i hai ae nei maluaa.  Nolaila, e paa noia huaolelo (Na mea Hou o ke Alo Alii) pela ma kona wahi mau.

   Ninau mai paha auanei na Nupepa, a me na keiki ui Opiopio oloko mai nei o nei mau ia.  "Owai la na`Lii hanau o ka aina?  Owai ia na Pua Alii e Ola nei i keia manawa?  Owai la na`Lii Nui malalo o ke Alii Nui mai ka manawa kahiko mai, a e Ola nei ka akou mau Pau Alii i keia manawa?"  Ke hai kumu aku nei makou na keiki "Makee Alii," a na makaainana i noho iloko o ka Hale Haku, mai ko makou mau kupuna makaainana mai o ka wa kahiko, a hiki loa @@@@ ia makou i na Pua a na makaainana e ola nei iloko o keia mau la.  Eia malalo iho  nei na Pua Alii e Ola nei i keia manawa, a @a K@hina Alii o Kamehameha I.

   Ka Mea Kiekie Col. W. C. Lunalilo, ka moopuna Alii a Keaumoku a me Kalaimamah@, ke Alii R. Keelikolani a me B. Pauahi, na moopuna Alii a Kameeiamoku laua o Kooleioku, o A. Keohokalole a me kana Aliikane Col. C. Kapaakea, a me ka laua mau keiki Alii Col. D. Kalakaua a me Lidia Kamakaeha, a me Likelike a me W. P. Leleiohoku, na moopuna Alii a Keaweaheuiu a me Kalaninuiamamao.  Oia iho la no na Pua Alii a na Kuhina Alli o ka Moi Kamehameha J. e Ola nei i keia manawa, a o @@ lakou nei mau Kupuna Alii no hoi keka@i i hele i na kaua nui Huliamahi i ke Au i Ka Moi Kamehameha I., a he mau poe kaua okoa no hoi ko lakou, no lakou ponoi iho; a o ko lakou nei mau Kupuna no hoi keka@i mea i holookoa`i ka lilo ana o ke Aupuni Ka Moi Kamehameha I., a o lakou no hoi na Hoa Kukamalu o ke Alii Nui; ma na mea nui a pau e pili ana i ke Aupuni a me na kaua weliweli hookahe-koko oia manawa.  Aole nae mai ke Au mai i Ka Moi Kamehameha I. ka lilo ana o na Kupuna Alii o keia poe i Alii; he mau Alii nui k@okoa mai no mai ko lakou mau Kupuna Alii mai o ka manawa kahiko, o ka laha ana mai o na`Lii.

   He nui no hoi na`Lii e ae mai na Kupuna Alii mai o ka wa kahiko; a ke ola nei no paha ka lakou mau Pua Alii i keia manawa @@@@ @ae makou e hoopuka aku ana no na`Lii Nui e ae; e hoomau aku ana makou i ka hoopuka ma ke akea no ua Pua Alii a na Kuhina Alii o ka Moi Kamehameha I. e Ola nei i keia manawa. 

   Ua mau mai no ka noho Kuokoa ana o na`Lii Nui malalo o ko kakou mau Ali Nui Moi ma ko lakou ano Ali hanau o ka aina.  A ma lo lakou hanauna koko Alii maoli, no hoi; a hiki mai nei i ke Au  Ka Moi Kamejameha III., ko kakou Alii Nui lokomaikai i  aloha nuiia i hala e aku nei i ka make.  Hana iho la oia  ke Kumukanawai o ka la 14 o Iune, o ka makahiki 1852:  A ma ka Pauka 37 oia Kumukanawai ana i hana iho ai i pomaikai no kona Lahui makaainana, a ,me kona poe Alii.  Haule iho la a kaawale ka pili kahiko o ka noho ana o na`Lii Nui malalo ona.  A i ke Au iho ne i ko kakou Moi Aloha Kamehameha IV. i hala`ku nei no i ka make; ua hoomau aku noia i na mea a pau a kone nua i hana`i.  A hiki mai nei i ke Au o ko kakou MOI ILIHIOA KAMEHAMEHA V., e maikai nei Kona Ola i keia mau la.  Ua hoololi ae oia i kekahi mau Pauku o ke Kumukanawai a Ka Moi Kamehameha III. i kau ai; i mea e pilikia ole ai ka noho ana o kona Lahui makaainana malalo on a i keia manawa; a i mea hoi e mau ai ko kakou noho Kuokoa ana me ka launa mau ana me ka oluolu me na kanaka o na Aupuni Nui e noho Kuikahi mei me kakou i keia manawa.  A ma ia Pauku 37 o ke Kumukanawai a Ka Moi Kamehameha III. i hana`i.  Ua kapae ae ko kakou MOI ILIHIA KAMEHAMEHA V. i kela Pauku 37; a ua hookomo ia malaila, ma ke Kumukanawai e noho ia nei i Pauku 35; a o na huaolelo no nae a pau oloko o ua Pauka 37 la, ke paa la noia.  A penei ka helulelu ana o ua Pauku la:

   "O na inao hanohano a pau, a me ka nani a me ka Hoalii ana, mai Ka Moi wale mai no lakou."  Aia la--ea--E o`u hoa makaainana Makee Alii--e. Ua pololei ka makou hai ana`ku la maluna`e, ua kaawale, ua poholopu ka pili kahiko o ka noho ana o na`Lii Moi o ka wa kahiko.  Aka, ke mau nei no ke Alii ana o na`Lii a me ko lakou Kiekie ana, e like me ka mea mau o na`Lii mai ko lakou mau Kupuna Alii mai o ka wa kahiko a hiki loa mai no i ka lakou mau Pua Alii e Ola nei i keia manawa; a oia mau no o ko lakou Alii ana, a me ko lakou inoa Alii. Nolaila, he mea nui keia i ko makou manao i ko na makainana, no ka mea ekolu wale no mea nui o ka noho ana mai o keia Lahuikanaka ma keia Pae Aina o Hawaii nei mai ka wa kahiko mai.  O Ka Moi, na`Lii, na makaainana, i pono ka Noho Aupuni ana o ke Alii Nui Moi i na`Lii a me na makaainana, i pono hoi ka noho ana o na`Lii a me na makaainana i ke Alii Nui Moi maluna iho; nolaila, ua lilo keia ma u Apana ekolu i kino holookoa hookahi, a nolaila, ua kapaia he Aupuni.  Nolaila, he nui ko makou olioli a me ka mahalo, ke hoopuka mau mai na Nupepa i ke Ola o ko makou Alii Nui Moi a me na`Lii a pau malalo iho, i ike mai na maklaainana ma na wahi a pau o keia Pae Aina i ka mau o ke Ola a me ka maikai a me ke ano o ko lakou noho ana, no ka mea, ua uuku loa na`Lii i koe.

                                                                                                                                                       (Aole @ pau.)

 

Manao kokua.

 

   Ua ike iho au ma na haina a pau a J. Kauia o Waimea, Kauai, no na hana ana a me ka hooholo ana a ka aha kaapuni o ia apana, e weheia ka puka o ka Luakini e komo na aoao elua malaila, aka nae hoi ua hoole ka aono ekalesia Koweia ia olelo hooholo, a no ia mea, ua hoopii hou ia ua ekalesia Rowela nei ka ekalesia kahiko.

  A i ka nana ana hoi a ka poe naauao maoli, aole loa he kuleana o ka ekalesia Rowela iloko o ua Luakini, no ka mea, ua haalele ua ekalesia Rowela la ia Iesu Kristo, ke Kumu oiuio, a ua holo i ekalesia Rowela.  A nolaila aole kuleana iki ma ua Luakini la o ka ekalesia Rowela, lakobo 2: 8,9,10,11,12.

   Aka nae hoi, ke olelo nei un ekalesia Rowela la no ka hoopii ole ia ma na aha o ke ao nei.  Ke olelo nei au, aole ma ke ao nui ko Iesu aupuni, aia no ia mawaena o na ekalesia o Iesu Kristo e noho pono ana ka mana malalo ona ke waiho ae mawaho i ka mea paumaele, no ka mea, he rula mau ia na ka Haku mai.

   Aka hoi, ke olelo nei ua ekalesia Rowela la, o lakou ka hapanui o ua Luakini ia, ma ka lakou hana ana a me ko lakou mau mea manawalea wahi a lakou.

   A aia no hoi malaila ko`u manao ninau.  I ka wa e ulu puni ana ke aloha ma ka naau i ka Haku, o kela mea keia mea, a nolaila ua haawi keia mea kela mea i kona mau manawalea i ka Haku, no kela mea keia mea e pono ai kona aupuni a lilo nona.  A ma ia hope iho haule keia mea keia o ua poe la iloko o kona hewa ma na Kanawai Hemolele o ke Akua, hiki no anei ia lakou ke lawe mai no lakou ia mau mea  hoolaaia?

   A he mea mau nae hoi keia i na makahiki he nui i hala, aole loa i hanaia e like me nei.  A nana`e no kakou a pau ia Anania laua o Kapeile, he moolelo kaulana loa ia, a eia ka lua ma Waimea, Kauai.

   A he keukeu no hoi a ke kiekie o ka ekalesia Rowela, i ka hooko ole mamuli o ka olelo hooholo a ka Aha Kaapuni o ia apana, a pela no `oukou e ike ae ai  ka lalau o ka ekalesia Rowela, no ka mea, ua makemake ka Haku iaia i wela, aole i wela, a  i anu hoi aole i anu, a nolaila ua luaiia mai la, a ke ike nei kakou ua waiho wale ia kana hana E oki au me ka aloha.                   IOANE II.

 

No ka Ahahui Euanelio o Hawaii

Komohana.

 

   E KA NUPEPA KUOKOA E;  ALOHA OE:--Ua hoi mai nei au mai Kohala mai ano iho la no, o ke kuuna iho la no ia o ka nae la; ua haawi mua ae nei nae au i kuu aloha pumehana i ko`u ohana.

   Ano hoi, ua kaawale ka hapa o ka manawa ia lakou no ia hana, o kaua koe e kuka no ka waiwai o ka`u huakaihele, o kau ka ninau mai ia`u, "pehea kau huakai i naue aku nei i Kohala?"  A na`u ka pane aku no kau ninau, penei.

   Eia mua; he nui ka luhi a me ka eha o kahi kino lepo nei ma keia huakaihele no na mile loihi loa! ua luhi mai ke kino e like me ke ano mau o keia ola kino ana; aka, ua loaa ka oluolu ma ka naau no ka launa pu ana me na hoa, na Kahunapule, na lala; o lakou na hoa kuwili o nei mea he pono; ua pumehana ke aloha iloko o kekahi me kekahi ma keia halawai ana, he koiuiu loa ke kowa o ka noho kaawale ana, he makahiki okoa mawaena mai kela hui ana a keia hui ama, akahi  a hui hou, nolaila ka nui o ke aloha o na hoa me na hoa, a oia.

   Aole nae au e kamailio aku ia oe no na hana a ka Aha i hui ai, e lohe ana oe ia mea Rev. E. Bona, nana e kope a hooili aku iloko ou; no kuu ike ma ua moolelo la, o ka aha aole oe e lohe ana i na mea a kuu naau e noonoo ai me ka olioli nui ilihia mai maluna iho o`u, no na men a`u i ike a no ua apana la o Kohala.

   He malihini au, akahi wale no ko`u mau kapuai wawae a hehi ia Kohala, ua ike oe o kaua, he mama oe  i ka aka-ke i o ia nei, a pa i Fatuhiva, i Maikonisia, i Kaleponi, i Keomolewa, a i hea aku la hoi.  Nolaila e hoomanawanui iki oe ia`u, i holo ka ka@ia hana.

   Ua paanaau loa @a`u na mea a`u i ike ai ma ua apana mei.  A eia nae ka mua e lohe oe: ma ka Poakahi elua o Sepakemaba, oia ka la 11, haalele au  i ko`u ohana, a me kuu wahi home, a hele aku a hiki ma Kiholo, moe malaila; kakahiaka ae la 12, o ka Poalua ia, hele aku a hiki ma Kawaihae ma kahi o D. Manuia, a ma ia ahiahi hiki mai o Rev. J. W. Kupakee, Rev. S. W. Papaula me ko laua mau hoahele, ma ka waa mai lakou; a pela a Rev. G. W. Pilipo, Kaonohimaka, ikaika, Haluapo, hui makou ilaila a moe ia po.

   Ka wanaao o ia po, holo aku lakou, kali iki maua o D. M. ia Rev. J. D. Parisa ma, a i ka moku Kilauea hoi kekahi, i ike i na mea hou iloko ou.   A i ka hora 9 1/2 paha, hiki mai ke Kilauea, ko ae la ia makemake; aole no hoi i upuupu iho, hiki mai ana o Parisa ma, a o ko makou naue aku la no ia.  A hele kapakabi aku la ko makou hele ana, me he mea la ua pae-uwini iho ka makani ma ka aoao o na wahi moku o makou, @ nolaila la ke kapakahi o ka holo ana.

   O D. Manuia ko makou hookele ma keia holo ana, nana i paila@a i o ia nei, iluna o. na ahua pohaku ilalo, o na awawa pali kahawai; akamai maoli no kahi D. M. i ka hookele! o ka mea no ka ia o kapakaho ai, o Manuia keia?  Ma kuu nana'ku  i kuu makuahine ia Parisa wahine, (makuahine o ka uhane) ano kaumaba kona mau helehelena no ka luhi nui o ke kino no ke ino o ke alanui, a no ka hikaka o ka hele ana.

   A ma ia ahiahi no ua hiki aku makou i Iole, a loaa ia makou na home e noho ai e like me ka olelo hoolaha a ia ekalesia; kipa maua me ko`u hoahele ma kahi o M. Pake Esq. a me Aiwohi (kana hunona.)  O ka Poakolu ia la 13 o Sepatemaba.  Hooluolu ihjo la makou ma ia po maluna o na rumi maikai i loaa ia makou.  Kakahiaka ae o ka Poaha ia la 14 o Septemaba, halawai ka Ahahui Euanelio o Hawaii Komohana Akahi no a hui aloha me na hoa, lolohi ka lima i ka hukia i o ia nei, huki aku hukihuk mai no ka nui lua ole e ke aloha o kekahi me kekahi.

   Iloko o keia mau la a makou e halawaiana, ua koiia makou e ka iini iloko o ka naau e hele e launa me na haipule o ke Akua ma ia apana, ma Makapala kekahi, ma Niulii kekahi; i ka nana`ku i na ano haipule malaila, e makemake nui ko lakou i ka pono, malaila ko lakou olioli nui.

   He kihapai maikai loa keia a`u i ike ai, ua waiho paapu ka aina, ma ke kau wahi ua nani a hiwahiwa maoli na alanui; ua holo hikiwawa makou maluna o na lio e makaikai i ka apana o Kohala a iho ilalo o Pololu.  I kuu nana iho ia Pololu, me he papa konane la ka waiho ana o ka auwala-loi, ku me he kaele awaa la na pali ma o, a maanei.  Aia malaila kekahi makamaka o kaua kahi i noho ai, aia o Mr. Haai, ka mea nana i noho ia mau pali Kawahawaha.

NA LA O KA HUI ANA O KA AHJA EUANELIO.

   O ka Poaha la 14 o Sepakemaba, 15,16; ma keia mau la i noho mua`i ka aha, a kuka i na mea e pono ai ke aupuni o ka lani, lohe i ka leo o na Kahunapule makua, na Kahunapule hou, na lala, a me na hoa lala o ka aha, ua oluolu ka naau, a ua kuikahi pu ma na mea i hoololoia, aole mea i kue mai.  Eia hou kekahi mea olioli nui o kuu naau, a me lakou nei ae no; o ka piha mau o ka Luakini o ke Alua na hoahanau, a me na makamaka; aohe mea e ae nana i kai aku ia lakou e hele mai, o ka iini iloko wale no e ike i na mea nani e imi ia no ke aupuni o kona Kristo, oia wale no, mai ka la i hoomaka`i, ai ka pau ana.

KA LA SABATI.

   Ma ka la Savati ae, oia ka la 17 o Sepatemaba, ka launa ana o na hoa malihini me na hoa kamaaina ma ka papa-aina a ka Haku.  Ua huiia na ekalesia elua, ko Rev. S. C. Luhiau kai hui aku.  Ua piha pono ka Luakini o Iehova i kona poe kanaka a hanini mawaho o na puka o ka Luakini.  O na paahana nana i hana ka hana ia la, ia Rev. J. W. Kupakee ka haiolelo ma ke kakahiaka; Oihana 16: 30, hapa hope o ka pauku.

   A ma ka halawai ahiahi malamaia ka ahaaina a ka Haku.  Ia Rev. G. W. Pilipo, me Rev. J. D. Parsia ka lawelawe ana i ke pa me ke kiaha.  A maloko o ia Luakini  nani, me kona hale bele a kiekie e ku kilakila`na.

                "Makou i noho iho ai,

                  Ua uwe makou ua kanikau."

   A pau ka launa pu_ana ma ka papa-aina a ka Haku, hookuuia ke anaina, a hoi aku,.

   Ma ka Poakahi ae ka halawai hope ana o ka Aha, a hookuuia na hoa.  Nolaila ma keia, ua hui pu na hoa malihini o ka aha e waiho aku i ko makou aloha pumehana i ke Kahunaoule, i na Luna ekalesia, i na hoa kamaaina o ka aha a me na ekalesia holookoa o ka aha, no ka lokomaikai lua ole a lakou i hana mai ai ia makou.  "A i pono ka hale e waiho aku i ko oukou aloha malaila."  "Me ke ana a oukou e ana`ku ai, pela no e anaia mai ai no oukou.":  Aloha kakou apau.             J. A. KAHOOKAUMAHA.'

Huleihale, Kona Hema, Oct. 10 1865.

 

He Make i Aloha ia.

 

   E KA NUPEPA KUOKOA E; ALOHA OE: Ua make emoole o Mareko Kaikai.  Penei hoi ke ano o kona make ana.  Ma ka la Sabati, oia hoi ka la I o Okatoba nei, hoomaka mai ana ke anu, ka wela ,me ka nalulu, aole no nae he mahuahua loa; a ma ia po ana iho, nui mai ana ka eha ma ka umauma.  A ma ka la ekolu ea, hoomahuahua loa mai kona eha a puni ke kino; a ia manawa, pane mai oia i na kaikamahine, "Ua nui loa mai nei kuu pilikia, a e aneane haalele ana paha wau ia oukou, aka, he lana no nae kuu manao, ina no i make, na ke Akua no i hana, a nana no e wawahi"

   A ma ka Poakolu, oia hoi ka la 4 o keia malama, o ka pau no ia o kona manaolana no ke ola, me kona hai mai i kona manao hope, " e noho oukou me ka manao aloha kekahi i kekahi, me ke kue ole o ke oukou noho ana, a e hooloh e no hoi i ka olelo a Amau (Pake), oia no ko oukou makua, a ma kana olelo wale no e hoolohe ai oukou."   Aloha mai la oia @ na ohana a pau, a kailiia`ku la kona aho.

   He kanaka maikai o Mareko Kaikai, a he hoahanau hoi no ka ekalesia o Waimea i Hawaii, ma ka berita a Rev. L. Laiama.  Ua moho no hoi oia me ka hihia ole ma na kanawai oia mea.  Ua hanauia o M. Kaikai, ma Uli, Waimea, Hawaii, ma ka malama  o lulai, M. H. 1804.  O ka nui no hoi o kona mau makahiki, mai kona hanau ana a hiki  i kona la i make ai, oia hoi ka la 4 o Okatoba, makahiki 1865, oia hoi he 60 makahiki, 5 malama, me 4 la,  A ma ke ahiahi o ka la 5, ua hoolewaia kona kino kupapau; a mamua hoi o ka hoolewaia ana, ua himeni ia kekahi mau pauku i haku ia malalo iho nei.

            1  Kanikau la he aloha,

                No Mareko Kaikai,

                Ua haalele mai nei,

                I ke hoa pili he wahine.

                        Auwe oe,

                        Aloha no.

            2  Ke uwe kanikau nei,

                Kau mau kaikamahine,

                I ka hala ana aku nei,

                Ko makou Papa.

            3  Ke noho nei makou,

                Me ka u me ka kaumaha,

                Aole no e pau,

                Ko makou minamina.

            4  Wehe mai nei i ka pili,

                Kaawale mai makou,

                Na makamaka a pau,

                Me o`u hoa launa.

            5  Aloha o`u hoa luhi,

                O ka imi ana i ka pono,

                Na hana a ke Akua,

                I alo ai i ke anu.

            6  E i aku nei paha oe,

                I ka Paredaiso nani,

                I ke ao o ke Akua,

               E kuu ai kou luhi.

            7  Aia paha ka Uhane,

                I ka lani iluna lilo,

                I kahi ike oe ia,

                Huna na maka nalowale.

                        Halelu ia,

                        A Amene.

   A pau kein himeni ana, laweia aku la kona kino kupapau a waiho ma Kawaiahao a na Rev. H. H. Pareka i pule a pau, a waiho ia aku la ika aoao mau o ka honua.

   He leo no keia e kahea mai ana i kana mau keiki, a me kona mau makamaka a pau e k@ai, me ka makaala, no ka mea, he hora ike ole ia ko ka Haku.  Aloha no.

                                                                                                                                                        MRS. KAHAOLEAIPUNI.

   Honolulu, Okatoba 5, 1965.

 

Haina o ka Ninau Helu a S. E. K.

Papaai, Aole ka ia.

 

   Aia ma ka Helu 38 o ka Nupepa Kuokas ko`u waiho ana`ku i ka "Haina o ka Ninau Helu."  Ka haina ia i ko`u manao e hiki ai i ka Mooeheu ke kena`ku e kii i ka Pilali; a ma ka Helu 37 i kukulu mai ai o Papaai i ke kii o ka Ninau Helu, o ke kii no ia i ko`u manao a`u i hai aku ai i ka haina oiaio; ua hiki.

   Aia ma ka Helu 39 o ko kakou Nupepa, ma kahi iho o na Palapala, malaila au i halalo iho ai, ike @ho la au, aohe ka i kau i ka lele.  He oiaio paha ia, ina ua hoololiloli hou ia mai nei i keia mau la mai nei ke kii mua o ka laau.  A i  ole ia, no na kapuai paha i koe aku mai ka Pilali, ina nolaila, e! pakela aku la oe ina hia loloa.

   A ina ua hala ka`u haina no ke kii mua o ka laau, oiaio, ua ano hou na mea i hana mua ia; ua hai paha ka laau, a i ole, he kokoke ole aku paha i kona mau la e lele ai?  Ina pela, e akakuu iho ka pono, aole ka hoihoi e hoopuka e mai i ka Ninau,   Ina aohe nolaila, ua hui pan mai paha oe iloko o kau hana ana i na kapuai i koe aku mai ka Pilali a ka welelau o ka laau.  Ina nolaila, e oki aku ia mau kapuai eono, i koe iho ka hana oiaio noia mau kapuai eono mai ka Pilali a ke kumu, a mai ke kumu a hiki i kahi o ka Moo; e loaa auanei ka haina oiaio i hai ia ma ka Helu 38 ua kupono i ka i-i.

   Ina ua hala ka`u haina no ka Ninau, nani hala ana ia aohe no i maa lea  i na kai hohonu, ina kikee a me na anuu a me na pipa alanui o ka ike hohonu loa o ka naauao, e like me ia la.  He makemake hoi au e ike i kona mau manao ina ka Helu 39, o ka hoaiki ana mai, pa iho ia`u, e nihi ka hele i ka uka o Puna.

   E oki au maanei, e kali aku o ka pae hou mai o ka leo, alaila kuupau aku ka huila i kana hana.  Me ka mahalo no.

                                                                                                                                                S. NAPAHUKAPU.

Kapalama, Oahu, Oct. 10, 1865.

 

Na makemake Ekolu.

 

   Hana iho la kekahi Emepero naauao i kekahi kanawai no kela malihini keia malihini e hele mai ana i kona hale.  O ka ia i palai ia ka ia e haawiia`i na lakou e ai ai.

   Ua kauohaia na kauwa a pau loa e noho me ka makaala loa; aia a pau kekahi aoao o ka ia i ka ai ia, alaila, e huli ae ma kekahi aoao a e ai iho, a ina e hana kekahi malihini pela, alaila e hopu koke ia no oia, a o lakou pahu, e na kauwa, a hala na la ekolu mahope iho o ka hopu ia ana, alaila o ka make wale no ka hope.

   Aka ma ka lokomaikai lua ole o ke alii, e ae ia ka mea i hewa e hai mai i hookahi ana mea e makemake ai i ke alii i kela la i keia la, a pau na la ekolu, a o Ku ke alii no ia e hana`i, koe nae ka hoopakele ana i kona ola.

   He nui loa ka poe i pilikia ma keia hana uko ole a keia Emepero, oiai  kekahi la, naue ae la ke alii a me kana keiki opiopio, a komo aku la maloko o ka hale o ua Emepero nei e ai ai,- waiho ia mai la ka ia i palai ia imua ona, e like me ka mea mau, a ai @ho la ke alii a pau kekahi aoao, hoohuli ae la oia ma kekahj aoao, me ka manao e ai, aka hopu koke ia mai la oia e na kauwa a hoopaaia`ku la iloko o ka hale paahao, a hai koke ia mai la ia ia no ka make weliweli e kau mai ana maluna ona.

   Nonoi haahaa aku la ke keiki alii opiopio a ua alii nei i hoopaaia`i i ka Emepero e ake a ae mai ia ia e make ma kahi o kona makuakane, a ua oluolu loa no hoi ka moneka i ka lohe ana i keia mau leo nahenahe a ke keiki alii opio.

   Hookuu lanakila ia mai la kona makuakame, a o ua keiki nei ana, ua kiola ia`ku oia e na lima menemene ole e ka Emepero iloko o ka halepaahao ma kahi o kona makuakane.

  A iaia e noho opiopie ana iloko oia wahi inea, hai aku la oia i kona mau Luna paahao penei:  "Ua maopopo no ia oukou he mana ko`u e hana ai i kekahi mau manao kauoha ekolu, mamua o ko`u make opiopio ana.  Eia ka mua, e hele oukou a i ka Emepero, a e olelo aku iaia e lawe mai i ke kaikamahine ana ia nei me ke Kahunapule pu mai no nae i hoopaaia`i maua i ke kaula gula o ka mare ana.

   Aohe no he mea nui o keia olelo kauoha mua a ua keiki alii nei i ko ka Emepero manao, oiai ua hooholo iho oia, aia o ka mea a ka mea i hoopaahaoia e noi mai ai, oia no kana e hana`i me ke kanalua ole, a i ka lohe ana`ku o ke kaikamahine alii i keia mau mea, olu iho la kela he wai ko lalo.

   Ua hanaia keia mau mea i ka wa e hoahu ana na`lii i ko lakou mau waiwai maloko o na ana, a o na hale nui no hoi, i hookaawaleia no ia oihana, e like me ka ka Emepero o Morako iloko oia mau la.

   "E ke kupuna," wahi a ka mea i hoopaahaoia, hookahi wale no a`u mea i koe e noi aku ai ia oe e ka Emepero, oia hoi aia a ae mai oe e make koke no au, oia ka ninau pakahi ana i kou poe kauwa a pau, `ina ua hanaio au i keia hewa o`u e hoopaaia nei."

   "Nani wale" wahi a ka Amepero, "o kau mau mea i noi mai nei, he mau noi maikai loa ia, a mailoko mai no ia o ka puuwai olu ka puka ana mai.  E lawe mai i ka puuku wahi ana, iaia i huli ae ai i kona mau kiai.  "Eia no au e ka kupuna" wahi a ka puuku, aka aohe au i ike iki i keia mea i hanaia`i, a ke manao nei au o ke kuene paha kai @ke.  Lawe ia mai hoi ha ke kuene, aka kahea`ku a ke kuene me na waimaka e kulu ana, aohe au i ike iki i keia mea, a o ko`u manao, o ka malama wai ona paha kai  ike, aka olelo mai la ia aohe au i  ike ike a  lohe hoi no keia hewa e hanaia nei, a ke manao nei au o ke kauwa malama Keonimana (Valet) paha kai ike aka olelo mai la ia, he hupo loa ia a he naaupo loa no hoi i na mea i hanaia`i i ke alii, a mahope iho no ka loaa ole o kekah@ mea heokahi i ike i ka hewa a ke alii i hana ai, ku mai la ke kaikamahine alii a olelo mai la.

   "Ke hai aku nei au ia oe e kuu makuakane e like me kekahi Solomona hou aku, ina aohe mea i ike i ka hewa a ke alii i hana ai, aiaila ke hai aku nei au ia oe e ku@ makau, aohe i hewa ke aliil, a pela no hoi ko`u puuwai, oia hoi ka`u.

   A i ke kolu o ka la, kauoha aku la ua keiki alii nei i na Luna haiepaahao @ ka aku i na waiwai a pau o ka Emepero a e haawi mai nona.  A no ke ano koa no, a wiwo ole no hoi o kana mea i noi mua ai i ka Emepero, pela no hoi keia noi ana, aohe no hoi o ke noi ae i na mea liilii, o na mea nui wale no, o ke kaikamahine ka mua, a o ka waiwai hoi ka lua, a heahja la awanei ke kolu.

   Aka hoi o na olelo a pau a ka Emepero, he hemolele no ia, a o kana mea i hooholo ai a i hana ai hoi, he pono ia ia ke malama ia mau mea.  A mahope.iki iho lawe ia mai la na mea a ke keiki alii i noi ai, oia hoi ka waiwai gula, dala, a pela wale aku.  A i ka loaa ana mai iaia, kaana like ae la oia ia mea iwaena o ka poe i opu keueue mai iaia a nui loa ae la kona mau hoa`loha ma ia hana lokomaikai ana pela.

   Ia wa no ano e mai la na helehelena o ka Emepero, aohe moe pono iki o kona hiamoe ia po a ao wale no, a i ka wanaao o u@ po nei, oia no hoi ke kolu o ka la, ala ae la oia a hele aku la me ka makau iloko o kona puuwai, no ke kolu o ka ke keiki alii mea e noi mai ai ia ia, no ka mea aohe i maopopo iaia kana mea e noi hou mai ai.

   "Ao," wahi a ka Emepero i ke keiki, "e hai koke mai oe i ke kolu o kau mea i makemake ai i keia wa, i haawi koke ia`ku no ia oe i keia wa, a li koke aku no hoi au ia oe ma kuu mau lima nei, oiai ua pena ae no hoi au i kau mau mea e noi mai nei e ke keiki alii.  Ka`u kane ua hewa ole loa ia."

   Hookuekuemakanui iho la ka Emepero a hamumu like ae la hoi ka poe nana i opu keueue ke alii, a mino iho la kona mau papalina e aka, a ia wa koke no pohala like ae la ko lakou mau maka a pau.

   "Ua hiki iho la pela," wahi a ka Emepero, e ola ka alii, aka he nui na kanaka i haaw@ia e a`u i ka make, no kekahi hewa i emi mai ka ino mahope o keia, aka ina aole oia  i li ia, ua mare ia oia, a ua pau ae la no ka hookolokolo ana.

 

MARE.

 

   Ock. 5, ma Honolulu mare o Kaiwinui k. no Kau, Hawaii, me Pau w, no Hilea Kau, ma ia mokupuni no.  Na Rev. H. H. Pareka laua  mare.

   Ock. 7 ma Honolulu, mare o Hoonaulu k, me Napua w. Na Rev. H. H. Pareka i mare.

 

HANAU.

   Iune 26, ma Kamole, Hamakuapoko, Mauo hanau o Kamakaone k. na Makapil laua me Paopao.

   Iune 27, ma Kaluanui, Hamakuapoko, Maui, hanau o Kamakahiki w. na Kuakalane me Kahoomaemae.

   Aug. 1. ma ia wahi no hanau o Koauaekulu k. na Keleh@ me Kalama.

   Iulai 12, ma la wahi no hanau o Kahunaheomanamana k. ua Kapiohjo me Pupuka.

   Aug. 1, ma Pauwela, Haiku-uka, Maui, hanau o Lopeka w. na Hanale hapa haole me Lopeka.

   Sept. 14, ma Wailea, Haiku-uka, Maui, hanau o Lilia w. na Ihu me Nohunohu.

   Sept. 14, ma Paholei, Maui, hanau o Inoaole w. na Keka@@na me Kina.

   Sept. 15, ma Kawaapae, Jallimaile, Maui, hanau o Kekila k. no Wainee me Piimoku.

   Sept. 27, ma Kamole, Hamakuopoko, Maui, hanau o Kekoana Kuaaua me Kekoa.

   Sept. 28, ma Kuaihuiumoa, Hamakoupoko, Maui, hanau o Kaua k. na Kahue me Luisa.

   Sept. 30, ma Kawaapae, Halilmaile, Maui, hanau o Kanaka, na Kamiki m@ Puea.

   Aug. 31, ma Wahiawa Kauai, hanau o Mary McBryde, na Mr. McBryde, me Mrs. Mcbryde.

   Sep. 21, ma ia wahi no hanau o @@@@maalo w, na Kahahawai me Kaualua.

   Sep. ma Kahakuloa, Maui, hanau o Hale W. Moewaa, na D. Hoewaa me M. Hanaikiolani.

   Okatoba 8, ma Kaiaepaa Kalihi, hanau o Inoaole k, na @. F. Napua-opoo, me Kapa.

 

MAKE.

 

   Iulai 10, ma Kaiuanui, Maui make o Kamakahiki w.

   Aug. 16, ma Kalahea Kauai, make o Maiohoiki k.

   Aug. 23, ma Wahiawa Kauai, make o Kiwaa k.

   Sep. 1, ma Makawao, Maui make o Paraika haole Amerika.

   Sep. 23, ma Wahiawa Kauai, make o Kukona w.

   Sep. 18, ma ia wahi no make o Poonui k.

   Sep. 21, ma Lawai Kauai, make o Hosea k.

   Ock. 2, ma Lahjaina make o Kaiaau k, no Honokohau Hawaii.

   Ock. 3, ma Lahaina make o Kelikuewa w.

   Ock. 8, ma Mokauea Kahlihi Oahu, make o Manueia k.

   Ock. 10, ma Kapaakea Waikiki make o Kaiuihi k.

 

Haalele a Hawaii.

 

   KE HAALELE NEI MAUA I NA KAIA-ulu o Hawaii nei, a ke welo nei ka hae o D. C. Murray, e kaheaimai a@a ia maua e kau aku maiuna o kona mau pe@ekai.  Ke haawi aku nei maua i ko maua aloha no ka p@@ a pau a maua i launa oiuoiu ai.  E hele ana maua e imi i mau Lo@i an@ hou no ko kakou nei Kaona Alii.  Ina e loaa, aiaila, e hoi mai no maua, aka, aole, @ae i ikeia ka manawa,  Khoohihi aku a@a paha ia Kaleponi, ao@e paha.  Noiaiia, i keia ia mana e naio ai ko maua mau maka mai ooukou aku.  Me ke aloha no.

                                                                                                                                                                        AKAKA.

                                                                                                                                                                             AKO.

   Honolulu, Oct. 7, 1865.                                                                                                                                           202-@@@

 

Laiki me ka Ili!

 

   E IKE AUANEI NA KANAKA A PAU I kanu i ka @aiki a ua hua nu mai, a eia ma ku @@k@@ mau hale papaa.  Ka poe ma Oahu nei, a me na Mokupuni @ ae @ keia Aupuni.  Ke makemake @ei ka mea nona ka inoa malalo nei, e uku aku  i ke kumukuai  kiekie no ka paona laiki @@ ka ili, ke lawe ia mai ma ka Hale W@@ Laiki ma PUNALUU, Oahu, a  i oie ia, ma ka Hale K@daia o ka Luna Kudala o @@na@e W. Severance ma Honolulu, Oahu   @ uku ia no me ka oiuoiu kupono i na mea a pau ma ke kamailio ana me ka oiuoiu.

                                                                                                                                                HANALE W. SEVERANCE.

                                                                                                                                                            Agena o ka Rice &Co.

   Honolulu, Oahu, Oc. 7 1865.                                                                                                                                 202-4@

 

HOOLOHE MAI!

   KE KAUOHAIA`KU NEI NA HOA

                                                                                    o ka

Puali Kaualio o Honolulu

nei @ e hele mai ma ka lha@wai  e like me ka haiawai mau ana.  Ma ka Poaiua ia 17 o keia malama,  e hele mai oukou me ke oukou mau lako--a e hele mai no hoi ka poe i koe aole i uku mai  ka mea i auhauia`ku, e hookaa mai--a e hookua ia`ku paha mai keia Puali aku.  Ma ke Kauoha a ke

                                                                                                                                                KAPENA  C. H.  JUDD.

                                                                                                                                                            JAS. S. LEMON.  Puuku.

   Honolulu, Oahu, Oct. 12, 1865                                                                                                                             202-@@

 

OLELO HOOLAHA!

 

                                   EIKE AUANEI NA KANAKA A PAU.

                                    Ke papa aku nei an i na kanaka a pau e ku@ wahie a@a

                                     a e lawe aku ana i wahie mai ka Aina aku o ke

Kulanui o Kapunahou,

                                    mauka o MANOA.  Ina e kue kekahi i keia Oleo papa, alaila,

                                    e hoopiloa no ma ke Kanawai.

   200-4t                                                                                                                                 W. D. Alxander.

 

Ua Makemakeia.

 

   HE KANAONOKUMAMAHA (64) KANAka paahana no na maIa ko, a peia aku.  He kanak@@@kumamalima daia ($35.00) a hiki i ke kanahik@ ($70 00) na @@@@, e ohi mua ia, ke manao ka mea paahana e ohi p@ia.  A e kak@@ia hoi elua Palapaia Aelike maopepo loa i ka i ka Kanawai, @@ ka Haku, a ua ka ea @@aha@a.

   E ninau ia J. Maluaikee a i kona p@e Hui @aha @@ ko iakou Halekuai mea @iu ma uka iho o ka @@ina @ @@@@@@ Ali Wahine me A@anui Nunanu ma kahi i kapaia ka @@p@ @ "Pekele."

                                                                                                                                                J. MALUAIKOO.

                                                                                                                                                            O ka oukou Ka@wa.

   Honolulu, Augate 22, 1866.                                                                                                                                   195-2@@

 

Olelo Hoolaha!

                                    UA MAKEMAKE IA I ELUA

                                    mau Buke o ka

                                                "Hoku Pakipika"

o ka makakiki mua, i E@@ma Daia ($5.00) ke @@@@@@@@, a e ia we mai ma ke Keena o ke "Kuokoa."

                                                                                                                                                                        201 @@