Ka Nupepa Kuokoa, Volume IV, Number 40, 7 ʻOkakopa 1865 — No ka huikau o ka noho ana o kekahi poe me na wahine manuahi. [ARTICLE]

No ka huikau o ka noho ana o kekahi poe me na wahine manuahi.

E ka Nl pkpa Kuokoa e; Aloha oe: Ma keia mau hua e kau nei maluna, malaila ke kumu o ko'u manao, " No ka huikau o ka uoho ana o kekahi poe me na wahine manuahi." la'u i hele aku ai ma Waipio, ike iho la wau i kekahi poe e noho pu ana me na wahine manuahi, me ko'u manao nae hoi la ua mare ia, aka, mahope koke iho no, lohe iho la au hē manuahi wale no. A ma keia mea, kahaha nui loa iho la ko'u manao, me kuu ninau aku no hoi, Peia iho la no ko oakou wahi e noho nei ? Ae, pela wale no ka nui e noho nei. la wa, ninau.~hou ■ aku la wau, Auhea la hoi na Makai o keia waht, me ka Luaakanawai ? I mai la hoi ieekahi poe, He palaka loa na Makai o keia wahi, a pela no hoi i ka Lunakanawai, aohe mikiala i ka lakou hana. Ma keia hana, noonoo nui iho la wau me ka olelo aku, Aole no anei oukou i iohe no ke Kanawai o keia kau Ahaolelo iho nei, he Kanawai pilikia loa, he hookahi haneri dala ($160.00) ka uku hoopai no ka launa hewa e like me keia e ike ia nei? Aua hooholoia no ia Kanawai. A ma keia mea, ua noonoo nui iho no hoi wau, a ua maopopo no, ao kn Lunamak&i no ka palaka ma kana oihana, ua ai no a inu, a hiamoe wale iho no. Ma keia mea, ke kauoha aku nei au,.e ala na Lunamakai, a me na Makai a e hopu, a e ala pu no hoi me na Lunakanawai. Pela no hoi ma na wahi e ae o keia aupuni. O kekahi poe kanaka kupono e ae no hoi e makamae ana i ka pono, a e hookae ana hoi i ka hana hewa, he pono no ke ala mai a hopu "aku i ka poe hana hewa, aole pono e hoopilimeai, mamufi a mai ka hewa e like me ke ahi. Ua makaukau no ke Kanawai, aole no ona hemahema. S. W. P. Kaonohi. Halaula, Kohala A., Aug, 21, 1865.