Ka Nupepa Kuokoa, Volume IV, Number 40, 7 October 1865 — Mai Honoipu mai a i Honolulu nei. [ARTICLE]

Mai Honoipu mai a i Honolulu nei.

Ua haalele au ia Konoipu i ka la 28 o Sepakemaba iho nei, a ua e-e mai au me ka'u wahine, a nie ka maua kaikamahine maluna o ka mokuahi Kiīauea, ka moku haaheo i ka ili o ke kai me ka oluolu, a ku ma Keawakopu i Maui, ata no keiu wahi mawaena o Makena a me Kalepolepo, malaila, hooleiia he 15 bipi, 2 lio me kahi lio keiki, oia ke kolu o na lio, a pau keia mau holoholona iuka o ka aina, ia wa no hou ia mai ld kekahi sela o ka mokuahi Kilauea e ka bipi, a ku ma ka puukole maluna ae, aia ka puka i hou ia'i ma ka aoao hema. Eia ke kumu i hou. īa'i, hoouna'ku ke Kupakako e iho e hoakoakoa i na ukana no ka hoolei ma Keawakapu, a pau ia mau ukana i ka hooponoponoia, olelo ka malama moku e kii ī na laau i kaola ia mawaena o ka bipi e hookaawale ae, iho kela a hookaawale i kekahi laau ma kahi e, a kii hou> i kekahi laaū, kamailio mai kekahi iaia, ia wa i lalau ai kona maka o kona wa no ia i ku ai. Aole nae like Joa ka olelo ma keia mea, olelo kekahi poe, na ua wahi kanaka nei ke kalohe mua i ka bipi, he hope mai ka ka bipi. I kuu ninau ana i ka oiaio a me ka oiaio ole o kela olelo imua o loane ka mea i hou ia, i mai kela ia'u aoie au i kalohe i ka bipi, i kamnilioia mai'au t nolaila lilo au ilaila, aole au i ike i ka hou ana mai, o ko'u paa ana iluna o ka hao, a haule mai au mai luna mai 0 ka hao o ka bipi, i nana iho ka hana ua puka ka opu, ua hemo ka naau, a i ka nana aku i ka puka i houia'i, nui ka weliweli a me ko'u aloha ia ia. Haalele ka mokuahi Kilauea ia Keawakapu, holo mai a ku ma Kamaalaea, ia wa lohe mai makou aia ka Moi mauka e faoi ana i Honolulu, ma keia moku nui ko makou olioli i na e hoi 10 ana ka Moi, a ike aku makou i ka huakai lio nui iloko o ka ehu o ka lepo me he uwahi la ke nana'ku, a 1 ha hoomaopopo ana o ka Moi no, hiki mai la ka Moi mauka o ke awa ku moku, holo aku na waopa o ka moku, e-e mai la ka Moi maluna o kekahi waapa, a i ko makou nana ona'ku, aohe alii maluna, no ka mea, ua like loa ka Moi me na makaainana, aole ke kahiko o ke alii, a i ka pili ana mai o ka waapa i ka moku, ike aku la makou i ka Moi me kahi palaka (pake) i aahuia maluna iho, a he wahi lole wawae papa-mu malalo, ua hoohaa loa oia iaia iho, i kona pii ana mai iluna o ka moku, aloha mai la oia i kona mau makaainana, aloha aku no aiakou me ka hauoli nui oka manao, i ka ike ana i ko kakou Moi /lihia. j

Eia ka mea kupanaha loa i kem Alii, o ka noho pu loa me na makaainana, aole hookapu iaia iho. Haalele ka inokuahi Kilauea ia Kamaalaea, holo raai a ku ma Lahaina, lele ktt Moi īuka o Lahaina, a i ke ahiahi, hoi mai ia ka Moi iluna o ka moku, ia hoi ana mai o ka Moi, ia wa no ka piha loa ana o ka moku i na ohua ke hele ia a ohuohu ka palekai o ka mokuahi Kilauea, loaa wahi moe ole iho o ka ohua ke heie la a kupilikii, hahana lua i ka lai o Lele, a pau ka ohua i ka e-e mai a me-na ukana a ke alii o ka holo mai la no ia i Honoluiu nei. Eia keia mea hai hou aku no ka hoohaahaa loa o keia Moi, o kona wahi i jnoe ai iluna o ka pahu alani, aole wahi pela, he kapolena ua hele a lepo, malaila au kahi i noho ai mamua'ku o ko ka Moi moe ana ma ia wahi, noho oia me he kanaka makaainana la, kamaiiio oia me kanaka, akaaka pu, launa'ku, launa mai, ina hele mai oia, a ike ua pilikia ke alanui i na makaainana ona i ka ukana, nihi ae no kela aole ike i kona ano Moi, a hanaino īho, hana maikai no kela me ke aloha i kona Lahui kanaka. Nolaila, e na makaaiaana mai Hawaii a Niihau, elnahalo pu kakou i ko kakou Alii oluolu ; e ao mai ana paha i na kanaka hookiekie e noho haahaa, a i kona hiki ana mai i ke kulanakauhale hanohano o, kona aupuni nei, o kona wahi kapa iho la no ia i lele mai ai e like me ka mea i hai mua ia, a kau aku oia iluna o kona kaa alii, a hoi aku la i kona Home. Me ka mahalo. *#*.