Ka Nupepa Kuokoa, Volume IV, Number 39, 30 September 1865 — Untitled [ARTICLE]

£7" lloko o na mahina pokole i kaahope ae nei, ua alakaiia ko makou mau manao ma na mea e pili ana i na oihana mahiai o keia pae aina, a me ka noho ana o kekahi hapa o ko kakou poe makaainana e lawelawe ma ia mau oihana. He mea maikai ka hoolimalima ana o na kanaka hana ole me na ona o na mala ko nui, i loaa ka lakou hana a me ko lakou ola. Oka lima hana ole ma keia honua, be mea ino ia. Oka palaualelo, he mea ia e make ai. Aka, me na pono he nui i hoouluia e ko kakou mau oihaoa mahiai, a hanai holoholona hoi, ua hooulupuia kekahi mau ino. Oka pepehiia ona kanaka hana kekahi ino a makou i ike ai. He mea kapu ke kino oke kanaka. Ona kaaawai o ke Aupuni ka mea nana ia e hooponopono, a e hoopai ke kupono i ka hoopaiisU Aole h* 3 mana iki a kekahi kanaka e hapai i kona lima a hoopai aku i kekahi me ka hoeha i kona kino. Ua malu like malalo o na eheu o ke kanawai ke kanaka paaua ame kona haku hana. Oka haole a-me ka Hawaii, o |fa mea waiwai ā me ka ilihune, o ka mea kiekie a me ka haahaa, o ka haku hana a me ke kauwa, ua malu pu a ua kapu like na kino malaio o ke' kanawai. lna e hewa kekahi, na ke kanawai no e hooponopono, a na ke kanawai e hoopai i ka mea hewa, aole na ke kanaka.

Ua haiia mai ia makou ka pepehi ana o ka iuna-hana o kekahi mala ko o Oahu nei i kekahi o na kanaka hana malalo iho ona. Ua hoopii ke kanaka i pepehiia imua o ka Ahahookolokolo, a ua hoopaiia ka mea nana i pepeh'i. He pono maoli kona hoopaiia ana, īna ua ku ka hewa ia ia. No ka oluolu nae o ka hoopai ana i na hewa o ia ano, ua hookano loa kekahi poe i ka pepehi wale aku ia hai, alaila, holo i ka lunakanawai e hookaa ai i ka uku no ka lakou hana kalohe ana. Ua obloia mai no hoi ia makou, ma kekahi Ahahookolokolo o keia mokupuni, i ka huhu ana o kekahi kanaka malaila, ua lele koke aku oia a kuikui i kana mea i huhu ai, mamua pono iho o ke alo oka lunaki\nawai ame na makai. A pau kana pepehi ana, huli aku la oia i ka lunakanawai a ninau aku la, k, heaha ka'u e uku ai no keia hana ?" I mai la ka lunakanawai, "e mea dala." 0 kona hookaa aku la no ia a pau ae la ! Ina he oiaio keia, ke olelo nei makou. he lapuwale ka aha a ia lunakanawai, a ua hoohilahila oia i ka oihana nui i haa\yiia mai ia ia. Nawai i hoonoho 1 ka ahahookolokolo i kula hakaka,a i kahua pepehl kaqaka ? Mahea la ke kanawai aia Junakanawai a me na makai i ike ai. e ao ona ia lakou e nana wale aku i ka pepehi knnaka, a lawa ka makemake o ka mea pepehi r alaila, kau aku i ka ukuoluolu maluna ona ? Ma ke kula kanawai hea la ia poe i ao ia ai ? Aole anei i hoohilahila kela kanawai i ka oihana hanohano o na Kanawai Hawaii ? A o kela kanaka pepehi wale i kona hoa imua o ka ahahookolokolo, aole anei oia i hoohilahila a hana ino maoli aku i kela aha ? A o kela kanaka i pepehiia, he elemakule, ahe ano nawaliwali! Auwe! Ka hilahila ole !! I waena o ka poe naauao, ua malama maikaiia na elemakule, no ko lakou ftawaliwali. Mawaena o ka poe pegana, ua homoia a pepehi wale ia na elemakule. Ua kaumaha loa makou no keia mea i hanaia. tna ua pepehiia kela kanaka ma kahi e, ma kahi malu paha, e aho la ia. Aka, aole nae i hanaia ma kahi malu. Ma ka ahahookolokolo kanawai, imua o ka lunakanawai, me ka luna makai, ame na makai, a me kekahi poe e ae, ua hanaia keia hewa nui; aohe mea nana i keakea, aohe mea nana i pale, i ka wa a ka pepehi kanaka i hapai ai i kona mau limaa pepehi i ka elemakule, a o ua elemakule nei, he keiki ponoi no ke one Hawaii, ka aina a Kamehameha i olelo ai, "e hele na elemakule a moe i ke alanui!" E ka uhane o Kamehameha, e ala mai, a e hana mai oe i ka pono o au makaainana i pepehi mainoinoia imua o ka ahahookolokolo o ka aina, aohe mea nana e hoopakele ! He nui ko makou hoowahawaha i na hana oia ano. He hana lapuwale. He hana makau wale. H« mea ino loa. A ke manao nei makou, ua hana kuhihewa paha ka mea nana i pepehi; a 1 ole ia,, ua hookahuliia paha kona noonoo pono ana. Pehea la e hiki ai i ke knnaka me kona noonoo pono ke hana i kekahi mea oia ano ? Pehea la e hiki ai i ka lunakanawai ke nana wale aku 1 na hana o ia ano, ke ole e hookahuliia kona noonoo pono ana ? He oluolu ko makou ke lilo keia hana i kumu ao no keia hope aku, i mea e ike ole ia ai na hana oia ano ma ka aina. Aole o makou makemake e kina ko kakou aina maikai ina hewa oia ano. Ua malu ke kino o kela kanaka keia kanaka. Ua kapu loa ke kanaka, na ke kanawai no e hooponopono. Ina hewa, na ke kanawai no e Aole na ke kanaka e mamali o kona makemake iho ;i me kona huhu Ua malu ke kanaka i ke kanawai. ' Ka Ahajkji Hoolewaiona o na Holoholona :—Ke hoomaka nei makou i keia heb3doma i kekahi kaao hoakaka, a hoonaauao no hoi. aia ma ka ao*o eha o keia pepa.