Ka Nupepa Kuokoa, Volume IV, Number 39, 30 September 1865 — Na Palapala. Mea hou ma Waimea Kauai. [ARTICLE]

Na Palapala.

Mea hou ma Waimea Kauai.

lo'u mau makamaka iloko o ka Haku, mai ka hikina o ka la i Haehae, a ka welona a ka la i Lehua, a me na hoaloha e ae no hoi e anoi ana e lohe i na mea hou o ka wai ula iliahi o Waimea nei.—Alohaoukou. Ma ka Helu 35 o ka kakou .Nupepa Kuokoa, ua ike paha oukou, ua paa na puka o ka Halepule o nei. Oia ka Helu mua o keīa mea hou, a o ka Helu elua keia. Mamua nae o ko'u hai ana aku i ka moolelo o ka Helu elua, e mihi e aku au i ko'u hewa mua i ike ia ma ka helu akahi, oia hoi keia, o ka la 9.i hai ia ma la helu, o ka la 10 ka pono o Augate he poaha ia la, oia ka la a Rowela ma i pani ai i ka puka o ka Luakini. Manao elua. i ka Poakahi la 14 o ia malama no, hoopii na kahu waiwai o ko inakou aoao ia G. B. Rowela, kahunapule o ka Ekalesia Rowela, & Kahele Luka, Kala, Kahu, Lihau, iona, a me Kamoopohaku, na kahu waiwai oua £kelesia lalau la, imua o D. Mcßride Lunakanawi Kaapuhi o Kauai nei. I ka la 23 hookohokolo ia lakou no ko lakou pani ana i ka ipuka o ka Luakini, a pau ka hookolokoio nna, olelo ka Lunakanawai, e hoopanee ka Olelo Hooholo a hiki i ka Ia 28, oia ka poakahi, mai la ka Lunakanawai i kana olelo hooholo; a penei no ia. £ wehe ia na mea paa a pau o ka Luakini, oia hoi ka iaka hou a me na mea paa e ae a Rowela ma i hana hou ai, a e komo no na aoao elua iloko o ka Luakini, a e na ia lehova, no ka mea, aole maopopo ka mea nona ka Luakini, no kela aoao paha, no keia aoao paha, nolaila, aola he mana o kela aoao a me keia aoao e pani i ka p'uka.

Mahalo makou i keia olelo hooholo a ka Lunakanawai, no ka mea, he Lunakanawai hou loa keia, oka hihin mua loa no keia o kana hookolokolo ana ma kona mokupuni nei, aka, hooholo nae ia i ka pomaikai like o na aoao elua, a ua kau aku no hoi i ke koina o kana Aha maluna o G. B. Rowela ma, he $7.00. Aole nae i ae mai o Rowela ma ia olelo hooholo, aka, nonoi mai lakou e kukakuka pu lakou a hiki i ka poakolu, oia ka la 30 o Augate, alaila hai mai lakou i ko lakou manao, oluolu no ka Lunakanawai, a ae aku i ka lakou noi mai. Ike ahiahi o ua poakolu nei, hui lakou maloko o ka Luakini, a ua hooholo lakou e weheia ka a e komo makou iloko o ka Luakini, ia ahiahi hele mai la ka Peresidena nui o lakou oia o Luka, a hai mai ia makou ua heino ka puka, ua wehe ia na mea paa a pau. I ko makou lohe ana i keia olelo, hauoli makou i ke komo hou ana iloko o ka Luakini, e hoomana ia lehova e like me mamua, a ike kakahiaka poeleele oka poaha, hele au e hookani i ko makou pele, no ka mea, o makou mamua e halawai ai, a puka ka la pau makou, a kani hoi ko lakou pele. la'u i wehe aku ai-i ke pani o ka halepule, ua hemo no, komo au iloko, puiwi loa au i kuu ike ana aku he kanaka e noho mai ana iloko, ninau aku au owai keia ? aole oia i, hai mai i ka'u ninau, aka, pakike mai oia me ka olelo mai, heaha kau onei, loheaku la au o Kahele ka, olelo aku au iaia, i hele mai nei au e hookani i ko makou pele, no ka mea, ua hai ae o Luka ia makou, ua ae oukou i ko makou komo ana iloko nei. Olelo mai la o Kahele, ua ae no makou i ko oukou komo inai aia nae i ko inakou wa halawai, i kuu lohe ana īa olelo a Kahele, pane koke aku au, aole o makou makemake e lohe i ka olelo a ka oukou kumu moekolohe. Ninau aku au ia JKahele, ua hemo nae paha ka puka o ka hale-pele, olelo mai oia aole o inakou makemake e hookani oukou ko makou pele, olelo au iaia, ua olelo mai Luka, ua ae no oukou e komo no mako 1 ko makou manawa halawai, a olelo mai o Kahele, pela no, ina no oukou e komo iloko nei, hoopii no makou ia oukou i ke komo hewa iloko o ko makou halepule.

la wa no, olelo aku au ia Kahele, ina pela ko oukou manao, alaila, e hookani aku au i ka pele i akoakoa mai ko makou poe a pau iloko nei, alaila, hoopii oukou ia makou a pau, aole no i ae mai o Kahele ia'u e hookani i ka pele, a o ko'u hoi mai no ia ā ma ko'u liale, e paapu ana ko makou poe, hai au ia lakou i ka'u mea i ike ai maloko o ka Luakini. Ia manawa no, hele maua me W. H. Coles i Wahiawa, oia kahi noho o ka Lunakanawai Kaapuni, e hai aku iaia uole i hemo ka puka, ia wa no, kauoha mai ka Lunakanawai ia W. H. Coles e olelo ia V. Knudsen, e hele e ninau pono ia O. B. Rowela, a i ka Poalima la akahio Sepatemaba nei, hele o V. Knudsen e ninau ia G. B. Eowela, hai mai oia ua hemo no ka puka, ina me e komo lakou i\oko o ka Luakini, hoopii no makou ia lakou i ke komo hewa. Hele mai o V. Knu4sen a hai ia makou, ua hemo no ka puka, a popo hele oukou e hoao, ua olelo mai nei nae o G. B. Kowela ina oukou e komo iloko, hoopiiia oukou no ke komo hewa, olelo au iaia, heaha la hoi, me lakou no ia, aole o makou makau i ko lakou hoopii ana. f Eia kekahi, i kakahiaka nui o ka Poaono, hele makou i ka halawai me D. B. Mahoe Loio. Ua hiki mai oia ma ko'u hale i kekahi la iho, a ia makou i hiki ai i ka Halepule, e kiai ana na kanaka ma ka luakiui, e īke i ko makou komo ana iloko, o G. B. Rowela no kekahi malaila ia kakahiakanui, e kiai ana no e ike i ko makou komo ana iloko, alaila, hoopii ia makou e like me kana i olelo ai ia V. Knudsen. I ka nana aku ia lakou ia kakahiaka, me he mau popoki poi iole la, e kiai ana i ka maalo ae o iole o ka lele aku no ia e poi i ka iole me kona mau maiuu aloha ole, pela no ko lakou lele ana mai maluna o makou, a olelo mai la, e hoopii ana makou īa oukou no ko oukou komo hewa, olelo wau, heaha la hoi, aia no ia i ko oukou manao, ninau au ia lakou ua weheia anei ka puka o ka halepele, olelo mai o Kahele me ka huhu, aole no i paa ka puka. O ko'u kii no ia hookani i ka pele, kakau o Kahele ma i na inoa o makou a paa, a na hoopii ia makou imua o Mr. Bride L. K. Kaapuni no ko makou komo hewa ka i ka Luakini o lakou, no lakou iho la ka ka Luakini, no ka poe hahai mamuli o ke kahuna i hoopau ia no kona moekolohe, e aha la hoi, hilahila ka la, manene ka mahina, helelei wale mai na hoku. Ke waiho nei ia hoopii a hiki i ka wa ka- j awale o ka Lunakanawai, alaila 10. no ka mea, ua pilikia ka Lunakanawai i na hihia o Koloa, a me Lihue, Hanalei, a pau ia mau ap«na, alaila, hoi hou ma Wai- i mea nei. Aole no o makou piliki i ka /akou hoopii, eia wale no, o ka paa ana iho nei no o ka puka o ka Luakini, aka ua pau ia pilikia, ua hamama na puka a pau, a ke hoomana nei makou ia lehova -iloko o oa Luakini nei me ke keakea ole ia. elike me ka olelo ma ki palapala Hemolele. M Ua holopono oukou,

nawai la oukou i keakea, i hoolohe ole ai oukou i ka oiaio." Eia wale no ko makou wafei pilikia, o ko makou kahu Ekalesia ole, no ka mea, oia ka mea i makeigakeia i kahu no keia m&u hipa kahu ole, aka, ua hiki mai kana palapala ia makou, e olelo mai ana aole e hele mai. Nolaila, ke nonoi haahrf loa aku nei au i na haipule a pau mai Hawaii a Niihau, e nonoi aku i ka Haku nona ke kihapai, e hoouna mai oia i kekahi hoa lawe hana iloko o kona kihapai, a e aloha mai hoi ia makou, no ka mea, eia makou iwaena ona ilio hihiu hae kahi i noho ai me ka hoomanawanui maoli no hoi i na ihe wela a ke Diabolo e hou nei ma o a maanei. Owau no me ka mnhalo. J. Kauai. Waimea, Kauai, Sep. 14, 1865.