Ka Nupepa Kuokoa, Volume IV, Number 39, 30 September 1865 — Mea Hou o ke Alo Alii. [ARTICLE]

Mea Hou o ke Alo Alii.

Ua pakuikui mau mai ka lono io makou nei, ua nohenohea maikai no ke Ola o Ka Moi Ilihia, e kaua ana i ka malu Ulu o Lele. Aka, ma ke ku ana mai nei a ke Kuna Moikeiki i ke kakahiaka o ka Poakolu akji nei, ua lohe iho makou aia'ku la ka i Wailuku kahi i ike ai i ka nani o na Wai-eha, ike aku la ia i ka ua hoeha-ili o Waiehu, a me ka ua kilioopu o Waihee. Aka, ua mapuna leo pu ia rnai no, e hoi mai ana paha ia i keia la, no ka mai o ke Kuhina o ko na Aina e» a me ke Aliiwahine Kapakuhaili. Ke Kama Alii Wahine Kalohelani, ua mau no ka oluolu maikai o kona Ola, aia no ia ma Luakaha, e ekepue ana i ka o)u malu lau laau. E polepole ana ike kilihune ua a ke Kiowao : «« Polepole i na lihilihi o ka lehua, [eo. Onoonou lua kela i kc kula o KanoniakapuAhi kela i ke pili o Kahapaakai." Ka Mea Kiekie M. Kekuanaoa. Ua oha°ha maikai no kona Ola, aia no ia ma kona Home Papakanene kahi i hiolani ai i ke aheahe makani a ka malanai. Ka Mea Hanohano Wm., C. Lunalilo, ua niaikai no kona Ola, n me kona makuakane; aia no oia ma Waikiki-kai kahi i nanea'i i ka olu o ka wai o Apuakehau a me ka nalu haimuku o Aiwohi. No ka hiki ana o k« Moi Wahine o ko liawaii Pae Aina i Beritania. I ka hora 5 o ke kakahiaka o ka la 14 o lune ke kom9 ana o ka moku ilokoo ke Awa ku-moku. A pii mai la ka poe hanohano he nui iluna o ka moku e ike i ka Moi Wahine. A lulu lima pu ae la oia nie ua poe nei i hele mai ai e ike ia ia nei, me ke kamailio iki i kela mea i keia mea.

I ka hora 11, hiki mai la na kaa ; a u-ai ia mai la ke kaa a kokoke ika moku. Alaila, haliiia iho la ka papahele o ka moku me na moena lole ma kahi a ke Alii Wahine e hele mai ai; a o ke alapii o ka moku, wahiia me ka lole ulaula. A puka mai ]a oia mai ka moku ae, ua kahikoia no ka Moi Wahine me ka lole eleele kanikau e like ke ano me ke kahiko o ko Europa, a haalele koke iho la lakou i ka moku ; a kalele aku la ka Moi Wahine nfe ka lima o Kapena Soia (Gapt, Sawyer) i kona naue hele ana'e ma kahi o ka poe hanohano e ku poai mai ana, alaila, kunou aloha mai na wahine a me na kane iaia nei. Mahope oka Moi Wahine u me Soi;«, o Mr. Sunege (Mr. Synge) ke Komisina Pelekane o Hawaii, a o Kopeli (Kopelli) wahine, [o Hoapili wahine ka pono, i ka haole keia o Kopelli, no ka hemahema no nae,] koaa hoa kuikui lima, oia hele a hiki i ke kaa. Komo ke Alii Wahine iloko oke kaa, iaia no a noho iho i ka noho ana, haawi ia mai ana kekahi pupu pua i hele a paoa i ke ala iaia, na kekahi mai o ka poe e ku makaikai mai ana. Ki-pu aloha n:ai Ia ka aina ike Alii Wahine. A hoi aku la ka Moi Wahine me Feranekelina wahine (Lady Franklin.) #