Ka Nupepa Kuokoa, Volume IV, Number 38, 23 September 1865 — Hana ku i ke aloha. [ARTICLE]

Hana ku i ke aloha.

Ma.ka Ia 1 o Sepakemaba o ka Poalima ia, ua puni ka ia ma Waimea nei, he Akule, ma ka lima o kekahi kanaka lawaia, o Keaomakani kona inoa. Ano ka nui loa ona ia i puni mai e lawaia ana, ua mahele ia ma na puu like elua, na ka lawaia kekahi, a na ka mea aina kekahi, oia oV. Kanuka. Ia manawa, kauoha oia i ka lawaia, e hoopiha i kekahi poi i ka ia, a kahea ae la oia.me ka leo hui, na Mrs. Wini keia poi ia, a pau ia, hoopiha hou no, a kahea ae la no kela me ka olelo ae, na Kupahu keia poi ia, a pau ae ana ia mea, kahea mai ana no kela he inoa hou ae, a pela no a pau ka poe ana i makemake ai; alaila, kahea ae la kela ika lawaia e haawi nku i ka ia i'koe na ka lehuJehu, ina he elemakule, a luahine, a kanaka ui, a wahine ui, pau loa no i ka haawiia.

Eia hou hoi ma ka la .8 mai no o Sepakemaba nei, ua puni hou no ka ia ma Waimea nei, ma ka lima no o keia lawaia i hoikeia kona inoa maluna ae nei. Aua like no ka hana i hanaia i keia la hope i puni ai ka ia fna ka la mua, i hoikeia ma ka mua o keia kukulu-manao ann. Eia hou, he mau hana hoopomaikai nae no kekahi a keia ilikeokeo o Norewai, i imi ai e hoopomaikai i na kanaka o Waimea nei. O kona kauoha ana ina kanaka o keia aina o Waimea nei, e kanu i ka raiki ; a iloko o keia mau la iho nei. he mau tausani dala i loaa mai i ka poe mahi raiki, a aole no hoi i pau iho ko lakou mau hua raiki, ke waiho nei no. Eia nae ka mea kupaianaha, e like me ka nui o ka imi ana o V. Kanuka e hoopomaikai i na kanaka o keia aina, pela ka nui o ko lakou hoino aku ia ia e noho nei. 41 Pela no ka palapala Hemolele olelo mai ai. Aia momona o lesu luna, alaila e kēehi auanei." Nolaila ua oki au maanei. D. S. Hewahewa. Waimea, Kauai, Sept. 20, 1865.