Ka Nupepa Kuokoa, Volume IV, Number 37, 16 September 1865 — Na Palapala. Makuahine keiki nui. [ARTICLE]

Na Palapala.

Makuahine keiki nui.

E Hoomanaoia ke Kuokoa : Eia raa Waialee, Koolauloa, Oahu, kekahi wahine hanau nui he 16 keiki. Penei, mare oia ike kane mua ; eha keiki, make ia kane ; mare hou i keia kane he 12 keiki, eha i make, he 12 e ola nei. O Kamakolu ka inoa o keia wahine. Ua hanau keia wahine ma Mokuleia, i ka makahiki 1829, he 36 makahiki ona. E manao iho no hoi paha oukou, aole no ia i lualua iho, he mea opio no kona ano. E hiki no ke hanau hou aku i umi a keu na keiki hou, no ka hoomaka ka hanau mahoe. Malie o hanau pa-kolu, a pa-ha aku, pakeu pali. Ina he mea hiki ia ke hui ae mai Hawaii, a Kauai, i huia keia poe wahine maikai me ko lakou ohana i mau anoano lonohualau, o ka welohualau, huakawowo laha lakou i kupu mai ka oliko o ka Lahui Hawaii, hua mai kanawao palahalaha ina moku. Ona olelo a ka poe hooiloilo i ka Lahui, " E kahua ia a pahua, e okupe ia me ka peue, pepeue ia." He waiwai ole keia mau hua ke kupono ole ia Kaaona. Ua loaa hou maī he mau wahine hnnau nui. Naolulo no Kiki, Waialua. Ua hanau ika makahiki 1832 L he 33 makahiki ona he umi ana keiki, he opiopio no. O Kaakau, no Mokuleia, he opiopio no, he umi keiki. 0 Kahakauila, he opiopio no, he umi a keu na keiki, hookahi hewa o ia he loko liu wale. He nui na wahine hanau umi a keu ma Waialua nei, he mau loko liu palakai. 1 na ua ike oukou aia i na Kauka ke poowai momona e hoopau ana i na loi palakai, e pono e haha iho i na lima o ka poe hoolaha mau i ke emi o ka Lahui kanaka a e hoakea aku. ' O ka Moi no ke kumu e laha ai na kanaka, ke hana makaainana ole ia. S, M. Kamakau.