Ka Nupepa Kuokoa, Volume IV, Number 35, 2 September 1865 — Make no ka Hakaka ana. [ARTICLE]

Make no ka Hakaka ana.

I ke Kuokoa ; Aloiia oe : I ka Poakolu iho nei, oia ka ln 23 o Augate, ua make kekahi kanaka ui opiopio ma Wahiawa, o Kiwaa kona inoa. Ke kumu o kona make ana i hakaka laua o Kahahawai. I ka po Sabati, hakaka o Kiwaa me Kahahaw&i, lele ikaika aku o Kahahawai hopu a paa loa o Kiwaa, oni ikaika kela, me ka hookui aku i-o a ianei; ama ia hana ana, ua eha ke poo, nakii paa loa ia na lima me kekahi wawae, a kau-o ia iwaho o ka hale, malaila i waiho at me ka paa loa, a hala paha he hapa hora kona noho ana iwaho, iioko o ke anu, ka ua, hekili, uik e anapu ana. A kahea mai la oia e kii aku iaia ; a i ka wehe ia ana o ke kaula, i mai la o Kiwaa, ,l Aole au e hiki ke hele, ua kaumaha au e like me ka pohaku." A ua hapai maoliia oia e Kahahawai iloko oka hale; a pela no ia i moe mau ai me ka eha nui hiki ole ke oni, a ke ala ae iluna, a hiki i ke awakea Poakolu ae, kailiia aku la ka hanu; aua make no na eha i hakaka ia ai e Kahahawai. Ke olelo nei o Kahahawai, o ka ona ke kumu oko laua hakaka ana. Ea ! pela io paha, ua akaka lea, o ka ona ke kumu e lilo ai ka noonoo maikai o ke kanaka, a lilo i holoholona hae e like me ke Tiga : Auwe! ka poe puni i na wai e hehena ai. E nana mai e ka poe e puni ana i ko Kahahawai hope, ua nana koke ke Jure Koronero iaia i nehinei, a ua hooholo lakou, «'Ua make o Kiwaa i ka eha i hakaka ia ai e Kahahawai." A ke waiho ia nei imua o ka Aha Jure e hookolokolo ia'i o ua Kahahawai nei. Ua lohe mai au i keia mooolelo maluna i kekahi Jure Koronero i hanaia ma Wahiawa irnua o ka Luna Kanawai Kaapuni. Me ke aloha i ke Kuokoa. G. W. Lilikalani. Koloa, Kauai, Augate 25, 1865.