Ka Nupepa Kuokoa, Volume IV, Number 34, 26 ʻAukake 1865 — He Ninau. [ARTICLE]
He Ninau.
1 na makahiki i hala aku nei, ua hopuhopualulu iho ke Aupuni Hawaii e hahai aku mahope o na hana a Enelani a me Farani, no ka hoomolio ana i ka mea i manao ia he pono, oia hoi ka hookipa ona i na moku kipi e kipa mai ana ma Hawaii nei. Aole no hoi o makou manao o ka leo papa a keia wahi Aupuni nawaliwali ka mea e akakuu mai ai ko ka honua nei. Aka, he aha ke kumu e hoomau loa nei o ke Aupuni Hawaii i ka hahai ana mamuli o ia mea ana i hoplaha mua ae ai; oiai ua pau ke Aupuni Kipi, aole ma kona inoa wale no, aka, ma ka nanaina kekahi o kona mau kokua i hooikaika ihonoia Aupuni. I keia manawa, ua hoihoi hou o Enelani a me Farani i ko laua manao, aole laua e hookipa hou i na moku kipi; a no ke aha hoi ko Hawaii nei kumu e hoihoi ole ai i kona manao ? Ina paha e hoea mai ana ka moku Kenaāoa mawaho o Honolulu, he wahi kanalua anei kekahi o ke Keena Hana o ko na Aina eno kana mea e noi mai ai e like me ka keia Aupuni e hoolaha ae ai ?